رواية علي الهامش الفصل الرابع 4 بقلم جمانه السعيدي
اسامه...رحنا اني وامي للمركز وصلنا وسئلنا علي
طلع متعارك هو واحد علمود وحده حشاكم ساقطه
وضارب الولد بحديده وشاك راسه
الولد بلمستشفى مخيطين راسه
جماعت الولد لازمين احسان كاتلي ومسلمي للشرطه
وماخذين صاحبهم للمستشفى
دخلت للضابط اسئله
اسامه....السلام عليكم
الضابط...عليكم السلام
اسامه...اجيت علمود احسان اكو شكوه علي
ضارب واحد
الضابط....احسان احسان هاا اي عرفته
اسامه....شنو الاجراءات حضرت الضابط
الضابط....الولد المضروب سجل علي دعوه راح يبقى بلسجن لمن نتأكد من حالة الولد
تكدرون ترحون تتفاوضون ويا اهل الولد
اذا قبلو يتنازلون يطلع من السجن
اسامه...ممكن اعرف اهل الولد او اخذ رقم تليفون علمود اتواصل وياهم
الضابط...راح انطيك رقم ابو
اسامه...تمام
امي...اريد اشوفه خاف مضروب
الضابط....مابي شي هسه تشوفي
اسامه...طلعنا بلمرر والشرطي راح جاب احسان
شويه واجا مكلبجين ادي
وجها بي ضربات واكو جرح زغير يم اذنه
حضنته امي وكامت تبوس بي
واني اباوع علي بعين الزغيره لان هو ابد مايستاهل وكفتنا هاي بلمركز
سجلت الرقم وتصلت على ابو الولد واحنا بعدنا بلمركز
اسامه...الو السلام عليكم
ابو خالد...اهلا وسهلا
اسامه...الحمد لله على سلامة ابنك خالد
ابو خالد..الله يسلمك منو حضرتك
اسامه...اني اسامه اخو احسان
ابو خالد....هااا اهلا وسهلا
اسامه...ممكن اجيك للبيت نتفاهم
ابو خالد ...ماكو اي تفاهم ابني جان مات
اسامه...الحمد لله كلشي عده على خير نتفاهم احسن
ابو خالد...لمن يطلع ابني من المستشفى واسويله فحوصات كامله واتأكد من حالته مابي شي يله نكعد ونتفاهم
اسامه...تمام انشاء الله خير
جمانه السعيدي
امي...هااا يمه يتنازل عنه
اسامه...شلون يتنازل عنه وابنه مخيطين راسه
مايدري يصير زين لو لا
احسان...هو الي بدا
اسامه...بيش بدا انت هم تستحي تتعاركون علمود وحده ساقطه
احسان....انت مالك شغل
اسامه..تمام سمعتي مالي شغل اني راح اطلع منا وخلي يخيس بلسجن
امي...طول بالك بعد امك لا تأخذ على كلامه
اسامه...الله لايوفقك احسان
امي...ليش تدعي علي
اسامه...سود وجهنا كدام الناس هسه شكول بله
ليش اخوي بلسجن
طالع للشغل وتعارك رايح للمدرسه وتعارك
شكول فهموني رايح يسكر ويتعارك علمود بنات اليل
لا يستحي ولا يخجل
امي... اريده يطلع منا شلون يبقى بلسجن
اسامه...تفضلي طلعي اذا تكدرين وخل يكون بعلمج
اذا شغلة فصل لو تعويض اني ماعندي ادفع
غركان بلدين الحد راسي من ورا البناء
كلشي ماعندي ادفعله
احسان...الله لا يعوزني الك ما محتاجك اني
اسامه...ولله تسوي فضل شكرا جزيلا
يله امي نرجع للبيت
امي.....شلون نرجع واحسان
اسامه....احسان يتحمل نتيجة افعاله هو الي دخل نفسه بهاي المشكله يطلع نفسه منها
امي...خل ادخل على الضابط احجي ويااا
اسامه...اتفضلي احجي ويااا بلكت يسمعج
عود كولي ابني فقير لا يطلع ولا يدخل وهذا الولد اتهمه بلباطل
اسامه ...عفتهم و طلعت برا المركز
والشرطي اجا رجع احسان للسجن
وامي توسلت بلضابط حتى يطلعه بس ما يقبل
اصلا مايصير يطلعه اله محامي وندفع كفاله واني اشوف
احسان مايستاهل ادفعله كفاله حتى يطلع
شويه واجت امي لكتني واكف برا بلشارع
امي...ليش مااجيت وياي بلكت الضابط يسمع كلامك
اسامه...لايسمع كلامي ولا اسمع كلامه هذا قانون يحاسب المجرمين وابنج مجرم بنضر القانون
امي...شنو مجرم هو شمسوي نمونه فشخه زغيره
شصار قبل الناس تتذابح منا وتتصالح منا
اسامه...احلفج بلله لو احسان جايج راسه مفتوح ومخيط
جان اتنازلتي عنه لو حجيتي هذا الكلام
امي...اسم الله علي ليش تفاول على اخوك اريد اعرف ليش تكرها
اسامه...مااكرها بس اكره افعاله احسان راكبه الغلط من راسه لحد رجلي وانتي السبب انتي تشجعي على الغلط
امي...هو شمسوي هلمسكين
اسامه...لا ما مسوي شي بس يدخن ويشرب وعاف المدرسه ولا شغل لا عمل وشكو سالفه مابيها خير تلكيها عنده
بس هاي هيه مابقى شي
جمانه السعيدي
اسامه...رجعنا للبيت وامي طول الطريق تبجي
شلون احسان بقى بلسجن ليش مارجع ويانا
اسبوع وهو بلسجن واني الي وكعت بيها ادز اكل للسجن
ارجع الجدوره
وادز جكاير وجاي حتى الشغل بلبيت وقفته
اريد اشوف شلون راح تخلص هاي السالفه
يعني اني احسان ماشفت خيره ليش اتحمل شره
ليش اتعذب بسببه
طلع الولد من المستشفى الحمد لله الجرح سطحي
جرح وفطر زغير بلجمجه بس الولد زين
لان احسان من ضاربه الولد صاد الضربه بايده بعدين
موخر ايده والضربه الثانيه خفيفه واكعه براسه
رحت عليهم للبيت اريد اشوف شنو طلباتهم
طلع ابو كاتب كل المصاريف من يوم دخل ابنه للمستشفى
لليوم ومكمل عليهن شويه من عنده
قائمه شطولها ٣ مليون ونص
وأخير شي يكول اني مااريد اخلي بذمتي عن الحلال والحرام هاي الفلوس الي صرفتها
صفنت علي كلت بكلبي اذا انت هيج دقيق وتعرف الحلال والحرام ليش ما ربيت ابنك
ليش ما سئلته شعنده طالع هيج طلعه بليل
اسامه...حقك والحق ماينزعل منه بس اني ولله ماعندي هيج مبلغ عندي ديون وسلف واركض ليل نهار
كاعد ابني بلبيت وماعندي انطيك هيج مبلغ
ابو خالد...ربع ماانزل من هذا المبلغ لمن استلم الفلوس
ساعته اتنازل عن اخوك
اسامه...بس هو جرح بسيط والحمد لله ابنك بخير
يعني ماطلع بعاها لو كسر لو بتر
خلينا نتصالح واني راح اتقرض ٥٠٠ وانطيك
ابو خالد...شنو ٥٠٠ نلعب احنا خوما نلعب لو هذا المبلغ
لو مااتنازل
اسامه....بس هذا المبلغ هواي علينا احنا ضروفنا صعبه
ابو خالد...اذا ضروفك صعبه ليش ما لزمت اخوك وكعدته بلبيت
اسامه...مااكدرله مثلك انت ليش مالزمت ابنك وكعدته بلبيت
ابو خالد...ابني يدافع عن نفسه ونضرب ضربة غدر
اسامه...وين يدافع عن نفسه بيتكم
بلشغل بلشارع يدافع عن نفسه بلملهى
هاي الأماكن ماتكدر تحكم على الناس الي تدخل بيها
ابو خالد...هذا اخر كلام عندي استلم الفلوس اتنازل ماكو خلي بلسجن واذا تريد نحلها بلعشاير ماعندي مانع
بس صدك راح تدفع أضعاف هذا المبلغ
اسامه....الله كريم اشوف واجعلك خبر
رجعت للبيت لكيت امي تنتظرني
امي...هااا يمه
اسامه...يريد ٣ مليون ونص حتى يتنازل عنه
امي...اي وبعدين
اسامه...ميلي هذا المبلغ
امي...يااا يبقى اخوك بلسجن
اسامه.....اي شسويله منيين اجيبله
امي...روح اتقرض اتصرف
اسامه...اتقرض هو اني مطلوب الحد راسي شلون اتقرض
مااتقرض الف علموده
كلما احاول أصلح حاله انتي تجين توكفين بيني وبينه
وتكولين عوفه مالك شغل بي
ليش هسه اني المسؤل عن اخطائه
اني بلنسبه اليه لو احصل هيج مبلغ اكمل بيتي بي ومااطلع احسان من السجن
امي...شكد خبيث وحاقد ليش هيج تكول احسان مدلل ما يتحمل السجن
اسامه...ماعلي شي يتحمل لا تخافين علي
امي...اني راح اتقرض واطلعه
اسامه...خل يكون بعلمج اني ماسد اي فلوس من الي راح تتقرضيها
اني الدين الي عليه كافي مااكدر اتحمل دين اكثر
امي...اني راح اطلعه
اسامه...ياريت اطلعينه
جمانه السعيدي
راحت امي اقترضت على كل الاهل والاقارب كدرت اجمع ٥٠٠
والراتب اجا خلتهن سوا المهم كدرت اجمع مليون وربع
وراحت على رجال خير سيد معروف عنده مكانه عشائريه
وعنده منصب مجلس المحافظه
الناس كلها تحترمه لان يساعد الناس يحلون مشاكلهم وحجتله القصه
طبعا طلعت احسان مسكين ويدافع عن نفسه
ومشكله وصارت
الرجال كاللها ارجعي البيتج وخل يجي اسامه
واني ويا نروح على ابو خالد
رجعت امي عليه
امي...بدل ملابسك وروح على السيد يكول بس يجي وياي اني اسدها
بدلت ملابسي واتصلت على جماعتي بلشغل اعتذرت منهم
ورحنا اني والسيد
اني عليه بس امشي وياا هو كال اسكت واني احجي
وصلنا الرجال بس شاف السيد وتعرف علي كام النا بلصلاوات الجاي والماي
السيد...اني جايك اليوم طالب منك العفو
مو الخاطر احسان الخاطر امه المسكينه
من يوم دخل للسجن لليوم وهيه ما تنام ولا غمضت عينها
مادام رب العالمين طلع ابنك سالم ومابي شي
احمد لله واشكره
اذبحلك ديج لوجه الله على سلامته
سامح وتنازل الخاطر دمعة ام احسان ترا هاي ام والها حوبه يم رب العالمين
خاف تدعي عليكم وطيحون بلاكبر منها
ابو خالد...الخاطر جيتك هاي اني متنازل بس احنا خسرنا فلوس هواي بلمستشفى
السيد...هاي مليون وربع الي كدرت تجمعهن هاي المسكينه
اخذهن وتنازل
ابو خالد...باجر الصبح اتنازل عنه واطلعه
السيد...انشاء الله
اسامه....كلت بكلبي وين حجيك امس ووين حجي اليوم
يمكن رب العالمين سهل هاي المشكله الخاطر امي
