رواية قلب لم يكن بالحسبان الفصل الرابع 4 بقلم جمانه السعيدي
الحجي....يمكن الناس راح تنتقدني بعد مايسمعون خبر زواجي من رنا خاصتا وهيه عمرها زغير
بس مادام رب العالمين يعرف حقيقة نيتي الطيبه
اني مااريد ازوج الغرض الزواج
او مثل بقية الرجال يريد يرجع شبابه يزوج وحده زغيره
اني اريد انقذ هاي المسكينه من هاي الحياة الصعبه
وماكو اي طريقه تطلع بيها من بيتهم
اله تزوج ورب العالمين يعرف اني شكد سعيت
حتى اشوفلها وواحد ينقذها من وضعها هذا ومالكيت
رجعت للبيت دخلت بدلت ملابسي زوجت قصي حضرت الغده
الحجي...وين عمتج
طيبه....عمتي فوك
الحجي...اتغدت
طيبه...تكول مااشتهي
الحجي...شلت صينية الغده وأخذتها وصعدت فوك
دخلت للغرفه لكيتها مدده بس شافتني كعدت على حيلها
الحجي...شلونج ليش ماتنزلين جوه بيتج فارغ
بدونج
سكتت ماردت عليه
الحجي...اعرف انتي زعلانه بس مالج حق ازعلين عليه
ام أمير....لا شلون ازعل لازم اهلهل واركص رجلي راح يزوج عليه
الحجي....شوفي اني لو اريد زواج لغرض الزواج نفسه
جان ازوجت من زمان الحمد لله ماناقصني شي
صحه وفلوس وسمعه
ااكدر اختار احسن البنات واجملهن وبت حسب ونسب
ومحد يكدر يمنعني
جان ازوجت من زمان مابقيت الهذا العمر
بس اني مقتنع انت ماكو منج بلدنيا كلها
الشغله مو شغلة جمال لو شغلت قريب وغريب
لان انتي حفظتي بيتي اكثر من ٣٠ سنه
حفظتي سمعتي حفظتي خيري حفظتي
هذا البيت واني غايب
رغم احنا ازوجنا زغار وكان زواجنا مبني على اختيار الاهل
بس اني احسج الاختيار الصح بحياتي
ام أمير....ليش تزوج عليه إذا مقتنع بيه ومنو الي راح تزوجها ووحده مثل رنا زغيره وابوها وواحد شراني
يعني مو نسب يشرف
الحجي...مو كتلج اني لو ادور نسب وحسب اخطب
اي وحده تعجبني
بس ولله وحق هاي النعمه الكدامنا
شكدفكرت اساعدها وبكل الطرق بس مجاي تصير
مابقى واحد ما توسلت بي يزوجها بس اريدها تطلع
من ابوها اريدها تعيش حياتها
يعني يرضيج ابوها يركض وراها بلشارع
علمود اكلت صمونتين
ام أمير.. احنا مالنا علاقه بيهم بعدها زغيره هسه تجيها قسمه زينه وتزوج لو يموت ابوها وتخلص من هذا العذاب
الحجي....مراح تجيها قسمه زينه مادام ابوها موجود
واذا مات ابوها الأعمار بيد الله
راح تشمرها بلشارع زوجت ابوها وساعته تتجهول
بس اريدج تفهمين شي مهم
اني مراح ازوجها زواج حقيقي اني بس اريد اوفرلها مكان
أأمن تعيش بي
بنيه مثلها مستحيل تطلع من بيت ابوها اله عروس
ام أمير...هذا مجرد كلام بس تشوفها كدامك
زغيره وتلبس وتتعطر راح تغير رائيك
ايجوز تشوف نفسك شاب يمها
الحجي....هذا الشي مراح يصير هاي طفله
ومستحيل استغلها ابد
ام أمير....ساعتها مشاعرك تتغير وتصير تفكر بيها
الحجي.. ااكلي الاكل برد
ام أمير...مااريد نفسي انسدت
الحجي...اكلي من ايدي افتحي حلكج انت الاصل
انتي ام الولد والبنات
انتي عشرت العمر كله بس خليج واثقه مني
ولا تعامليني كأنما وواحد استغلالي وكذاب
والايام راح تثبتلج صحت كلامي يله اكلي
اني جوعان ابقى اوكل بيج لو اااكل
تكدرين تعتبين عليه إذا نقصت عليج شي
لو غيرت اسلوبي وياج
افهمي إذا ساعدنا هاي المسكينه راح تنفتح النا باب من أبواب رحمة رب العالمين
ارحمو من في الأرض يرحمكم من في السماء
خلي كلبج مليان بلرحمه اني اعرفج طيبه وتحبين الخير للناس
ام أمير.. بس مو على حساب سعادتي وراحتي
الحجي. صدكي مراح ينقص شي من سعادتج وراحتج
والايام راح تثبتلج هذا الشي
جمانه السعيدي
ام أمير.. مادام مصمم هيج عندي شرط
الحجي.. عيوني اللج كولي ودللي
ام أمير...تقسم بلله واني اعرفك اذا قسمت على شي
اسوي تقسم مااجيبلها شي اله اجيبلي مثله
حتلو قراصه ام الربع
اجيبلي مثلها اقسم كدامي حتى ارتاح
الحجي...قسما بلله مااجيبلها شي اله اجيبلج مثله
تقصدين اشياء خاصه
ام أمير.. اي اشياء خاصه مو قصدي مسواك وهيج شغلات
الحجي...اقسم بلله مراح افرق بينج وبينها
ام أمير...اقسم مراح تتغير عليه ابد
الحجي....بعمري مراح اتغير عليج ابد
ام أمير...ترا انت قسمت
الحجي...من هاي العين وهاي
ام أمير.. انت ما تعرف اني شكد احبك ومتعلقه بيك
انت اول رجال فتحت عيني عليه
اني مااذكر اي شي عن حياتي بيت اهلي
بس اذكر اول يوم زواجنا واذكر كل لحظه حلوه
عشتها وياك اني مااعرف اي شي عن حياتي قبل
بس اعرف كل تفاصيل حياتي وياك
احبك اكثر من نفسي انت الي بعمرك مارفضتلي طلب
وتعاملني احلى معامله
بعمرك ماكسرت خاطري لو خاطر ولدي وبناتي
بعد كل هذا العمر من افكر تعوفني وتزوج غيري
احس عقلي راح ينشل من التفكير
الحجي...اسم الله عليج وعلى كلبج وعقلج
اني هم احبج ومتعلق بيج انتي الضمان والسند الحقيقي بحياتي
اهم شي ماتكونيين زعلانه واريدج تبقين قريبه عليه
وما تخذليني وما تخلين الولد والبنات يغيرون
نظرتهم اليه لو يكرهوني
الحد ما رب العالمين يوفقنا بطريق الخير
تعرفين هاي الغرفه حلوه وبيها ضوه وريحتها طيبه
شنو رائيج انام هنا شوية تغير
ام أمير.. عيب من قصي وزوجته خاف يكولون لحكونا
فوك مراح ناخذ راحتنا
الحجي...اذا ما عاجبهم خل ينزلون بعرفتنا جوه
احنا هم عرسان مو بس همه
اتراضينا اني وأم امير ترا اني مايهون عليه زعلها ابد
هاي عشرة عمر كامل مو يوم ويومين
اليوم الي بعده بديت أحضر المكان الي راح تسكن بي
رنا عندي بيت قريب على محلاتي أخذته من زمان اول مابديت اشتغل جنت مسوي مخزن
البيت شويه قديم يعني مو بناء حديث كلش
راح تسكن بي رنا حتى تكون قريبه عليه وااكدر اهتم بيها واشوف طلباتها
هذا البيت جنت مسوي مخزن من رب العالمين وسع الرزق عليه
عفته وأخذت قطعه جبيره بنيتها مخزن
بقا متروك كل هذا الوقت
اخذت العمال وكتلهم نضفو وطلعو شكو وصاخه بي
خلال ساعتين ونص طلعو شكو وصاخه بي وغسلو
دزيت على ولد صباغ
انطيته اكثر من اجرته حتى يبلش يصبغ بلبيت
طلع وياا ولد ثنيين بلاربعه العصر كملو صبغ
صبغو بس الطابق الاول
الساعه بلخمسه رحت اشتريت غرفة نوم جاهزه
خليتهم نقلوها للبيت وشدوها الساعه بلسبعه
كملو شد الغرفه جبت وياي من السوك بطانتين ولحاف وفرشة
وخاوليات بس خليتهم بلغرفه بدون ماارتب شي
دزيت حاتم يشتري شامبو وغسول وصابون ومعطرات
واني بطريق الرجعه للبيت
اتصلت على الشيخ نفس الشيخ الي عقد القصي
حددت ويا موعد بعد العشى
كلشي تم بسرعه
رجعت للبيت تعشيت وسبحت وبدلت دكيت الباب على ابو هادي جيرانه وحجيتله القصه كلها
ابو هادي.. الف رحمه الوالديك زين تسوي هسه ابدل و اجيك اتصلت على حاتم يجي شاهد على العقد
علما يحضرون نفسهم دخلت للبيت جهزت الفلوس
شويه ودك الباب ابو هادي عليه طلعت بس وصلنا بيت العروس وصل حاتم دخلنا سوه البيتهم
لو شايفين ابوها شلون استقبلتي اول مره اشوفه هلكد سعيد وفرحان
عبالك حصل صفقة العمر مو راح يبيع بنته
كعدنا شويه اتصل عليه الشيخ كال اني وصلت
طلعت علي دخلته الببت ابو رنا
جمانه السعيدي
ممكن احجي شويه عن نفسي
اني رنا بنيه بسيطه وفقيره ابوي من زمان قاسي
وبخيل يعني اني اول مابديت افهم
كنت اشوفه شلون قاسي وبخيل وياا امي
ولو امي انسانه فقيره وبسيطه وما تحب المشاكل
هو جان يستغل هاي النقطه ويضغط عليها اااكثر وااكثر
اتخيلو حتى حرمها تتواصل وياا اهلها
خاف يجون البيتنه ياكلون لو يشربون
صبرت وتحملت كلشي بس حتى تعيش
الحد ما ماتت من قهرها وحزنها لا تطلع ولا تدخل ولاعدها علاقات بلناس والاكل والكلام عليها بحساب
ماتت امي وعافتني ويا ابوي اتحمل كل عصبيته
وبخله اول خطوه سواها بعد وفاة امي جبرني اعوف المدرسه بوقتها عمري جان عشر سنوات بس
المن اشتكي ومنو يسمعني كعدت بلبيت وسكتت
اخدم ابوي وانفذ ااوامره
ياويلي اذا طبخت وطلعت الطبخه مو طيبه
واني بهذا العمر لو لكاني مكثره شي لو مزوده
بلطبخ يموتني تموت
الحد ماازوج كلت خلاص اني راح ارتاح راح تجي زوجته تشيل الحمل عني
بس دخلت بيتنا وشافت طريقته بلتعامل وياي
صارت وياا ضدي على أقل شي تسوي مشكله
وتكبرها حتى يضربني
طبعا هيه هم تضربني
صارت حياتي سوده اكثر من قبل
لمن حملت وجابت ولد هنا صار كلشي بكيفها وتحت امرها
واني تحولت إلى خدامه بهذا البيت
لا ليش اضلم الخدامه
الخدامه تتعامل بااحترام وتأخذ ااجور على شغلها
اما اني كتل واهانه وجوع على طول
حتى ملابس محد يشتريلي
نجاة تنطيني ملابسها القديمه وهيه تشتري جدد
جمانه السعيدي
لمن حملت وجابت الولد الثاني هنا ابوي صار طوع
ا وأمرها
صار يضربني لان تكله خزرتني لو باوعت عليه صفح
لو تكول أصيح عليها ماتكول هااا
رغم اني ماسمعتها عشت عمر واني انضرب
واجوع واتبهذل
محد يكدر يسئل ابوي ليش لو يكله كافي خطيه
زغيره
لان الي يناقشه يبتلي على عمره
راح اتكولون ليش مافكرتي تنهزمين لو ليش من
رحتي للمستشفى ما اشتكيت علي
جان دخل السجن وارتاحيتي
اي وبعدين ووين اروح ووين اسكن منو يتحملني
بلاخير اني بنيه
مااكدر اعيش بلشارع
اني تعودت على الضرب احس كلبي صار قوي
سبع سنوات واني انضرب
الي مصبرني كنت اكول ااكيد اكو نهاية
كلشي بها الدنيا اله نهاية
هواي مرات واني انضرب اتمنى تكون هاي ااخر مره
انضرب بيها
بلكت اموت واخلص
جمانه السعيدي
لمن اتقدملي الحجي استغربت رجال جبير
ليش يفكر يرتبط بيه
ااكيد كسرت خاطره بعد مادافع عني مرتين واخذني للمستشفى
بس هذا مو سبب كافي ليش يتحمل ابوي وطمعه
ليش يتحمل يناسب ابوي
الي الناس كلها تعرفه وتعرف طبعه
ااكو جزء داخلي فرحان
فرحان راح اخلص من ابوي وضلمه
وجزء حزين وخايف
خايف من تجربة الارتباط بلحجي
ياترى راديني تسليه لو خادمه لو الشغله
عطف لو اكو شي عقلي ما يتحمل يفكر بي
المشكله اني محد سئلتي موأفقه لو لا
اهم شي ابوي كل ليله من طلب ايدي الحجي لليوم
يكعد بليل يسولف بموضوع الفلوس
الي راح يحصلها بسبب هذا الزواج
بلبداية كعد يخطط هو وزوجته وخلو قائمة طلبات ما تخلص ثمن الهذا الزواج
ووالهن البيت بس من رفض الحجي
تحولت مطامعهم للفوس وشكد راح يطلبون
عيونهم تتربص ثروة الحجي شكد وشكد يكدرون ياخذون منها
وشلون يكدرون يستغلون هذا الموقف للاخير
حتى يحصلون اكبر مبلغ ممكن يكدرون يحصلوا
