رواية قلوب من حجر الفصل الثالث 3 بقلم الكاتبة رانية ماهر

#قلوب_من_حجر

#البارت_الثالث

اريج....ظليت خاتله جوه اللحاف والخوف موتني وارجف يربي منو هاي بس لو حيموتوني والف حسبه گامت تجي ابالي وچان اسمع صوت عمار

عمار..... هاا لازم خوفتچ لهدرجه اني اخوف

اريج....وخرت اللحاف اباوع عززة هذا عمار اباوع عليه يطوطح ويلزم بلچرباية يريد بس يوگف على حيله تقرب عليه ولزمني من شعري حيل وريحته چانت ابد مو طيبه شكله سكران

گتله عمار ابتعد عني وبعدين انته من شوكت تشرب

عمار.... هههه اشرب اني اشرب من اليوم الدخلتي بي لحياتي وخربتيهه عليه يا نذلة

اريج....وگام يضرب بيه حيل ويجرني من شعري واني اعيط اريد احد يجي

وبعدين اجوي اخوته وعمتي ....هاي هم رجعت تشرب وخر عنهه عوفهه بحالهه للبنيه تعال للحمام امشي

عمار....عوفوني اليوم اموتهه لهاي النذله

ام عمار....الله اعلم شمسويه لابني وراجع يشرب

اريج... اني شعلية عمه اصلن ماكو اي مشكله بيناتنه

ام عمار...لعد ليش ابني رجع يشرب الا مسويتلچ مكسورة

اريج....اني بهاي الحاله وگاعد اتحاسبني وتلومني متحملت گتلهه لعد من چان يشرب قبل هم الله يعلم شمسويتله

هوه ابنچ من زمان طلع يشرب چان لزمتي گاعده اذبيهه براسي

كل عوجه براس الماعنده ظهر

ام عمار...كح.... اني اعلمچ وطلعلچ لسان وتغلطين اليوم اموتچ اني مو ابني حيل بيچ من ضربچ جبناچ اهناا ولفينااچ

اريج.... گمزت عليه مثل المخبله ملختني اريد ابعدهه عني ما اگدر اشون الجراده لزگت براسي بلگوه بعدووهه عني متت من

الخوف احس عظامي تشنجت من الضرب واني بليه شي چنت متكسره گمت اون واصرخ من الوجع يارب دخيلك منين اجتني هلسالفه وليش هيچ سوه بيه السبب من ابوية لنطاني لهيچ ناس غير يسال عليهم شالني وشمرني الهم يريد بس

يخلص مني حسبي ونعم الوكيل شمسويه اني دتاذوني هيچ

ام عمار...بعدچ كلشي مشفتي ونسوي اكثر

طبعا بقيت اكثر من اشهر تعذبت ابيت عيالي فدمره وشفت المر واهلي ما اگدر

اخابرهم واتصل بيهم لان ماعندي تليفون اگول لعمار يگلي گولي الابوية يوافق يلا رحت على عمي گلت بلكت يخليني احچي ويه اهلي

ابو عمار... والله احنه ماعنده مره اشيل تلفون وسيم كارت ماكوو خليهه حلقه باذنچ هاي بنتي من يوم الطلگت ماعدهه تلفيون

اريج...ظليت حايرة وين انطي وجهي اريد اسمع صوت امي اشكيلهه واحس روحي مقبوضه هاي صار اكثر من شهر ومسامعه

صوتهم وعمار تغير 180 درجه عبالك مو عمار لاعرف لچان هادئ ويتفاهم وچنت اسعد انسانه وياا كل يومية يطلع الصبح صاحي ويعتذر ويگلي بعد ما اكررهه

واسامحه واگول ميخالف مهما يكون هو زوجي وما اگدر انطي بي واحبه مو بيدي شگد ميسوي بيه ويرجع ساعه ب4 الفجر ويرجع نفس الشي وياذيني ويضرب بية وگام محد يدافعلي ويبعده عني واتعلمت

وحته جسمي تعود علضرب بعدهه گعدت الصبح وهيچ وكت يكون هوه صاحي من الشرب گتله عمار فدوة حيصير 3 اشهر مشايفه اهلي وديني عليهم

عمار...وليش همه ميسالون عليج دتروحيلهم لُِلُِڪآتبَة رٍآنية مآهـرٍ

اريج...اي غير ماعندي موبايل اخابرهم حته يسالون علية ورحت على عمي مقبل اخابرهم دخذني عليهم فدوة 😞

عمار...ميخالف حضري روحچ اليوم حنروحلهم بس بشرط

اريج...اني كيفت گلت واخيرا راح اشوف اهلي ميخالف راضيه باي شرط دگو

له

عمار...كلشي صار بيني وبينچ متحچي ولا كلمه تنطقين شيگلولچ گول مرتاحه والحمدلله وماعندي شي ويه عيالي واذا سمعت منچ حاچيه حرف واحد لاهلچ بعد ساعه مشوفيهم

اريج...ميخالف موافقه گلت مهما يكون والبيوت اسرار مراح احچي كلشي

عمار.....لعد يله روحي جهزي نفسچ

اريج...رحت جهزت روحي بسرعه واجيت گلت ليغير رئيه لان هاي فرصه حته اشوف امي وخواتي اما ابوية فاحس نفسي مو

ذاك الگد مشتاقتله لان اگول هو السبب بكلشي ديصير بيه

عمار.....كملتي

اريج...اي كملت رحنه لبيت اهلي واول مفتحت امي الباب حضنتهه وبچيت

ام اريج...يمه سودة عليه اشبيچ تبچين

اريج...طبعا كلشي محچيت وعمار يگرص بيه خاف احچي گتلهه لا يمه بس لان مشتاقتلكم

ام اريج...غير انتي لا تخابرينه لا اسئلين خاف عمار مسويلچ شي وميخليچ تسالين علينه

اريج...لا يمه ابد عمار ممقصر ويايه بشي ومونسني ووكلشي لطلب يجيبلي اباوع على عمار عگد حاجبه

طبينه للبيت وشاورته گتله الظاهر اني بالغت هواي😂

عمار....😒

اريج... گعدت وسولفت ويه خواتي وامي خطيه كلساعه اجيبنه شي وكلساع تسالني

مرتاحه يمه وعمار يخنزر بيه واني اگلهه اي مرتاحه الحمدلله(بس لو تدرين بگلبي شبي)

ام اريج...يمه تعالي اگولچ

اريچ...صاحتني امي للمطبخ رحت

وچان ادگولي

ام اريج...يمه شو حسيتچ مو على بعضچ اكو شي غاثچ مقهورة من شي عمار ماذيچ احچيلي ولضمين عليه

اريج...لا يمه ابد كلشي مابيه بس اني اليوم شويه تعبانه(غيرت الموضوع) وگتلهه يمه

ابوية لعد ماكو مهما يكون گلت هوه يبقة ابوية ولازم اشوفة واسلم عليه لان كلش مشتاقتله

ام اريج....متدرين بابوچ صاير حريم

السلطان يروح ابيت يطلع من بيت اگيد يم نسوانه

اريج... هههه والله يا يمه بس الله يهدي شنريد منه

عمار.....اريج اريج يلا اتاخرنه خلي انروح

ام اريج... بعد وكت ابني دبقو على العشه

عمار....لا والله عمه اتاخرنه وعندي شغل

اريج... مردت اضوجه گتلهه لا يمه هم يلا

انشالله علجايات

ام اريج...هلا بيكم اشوكت متجون بس متگطعون

عمار....انشالله عمه

اريج...ودعت امي والدمعه صارت بطارف عيني ورحت ركض ركبت بلسياره ونزلت راسي گلت لا افضح روحي

عمار....هااا خرطتيلهه لامچ كلشي مو اي مو اني اعرف ليش ما اطلعچ هاي سوالفچ

اريج...لا والله كلشي محچيت الهه واذا سمعت اني حاچيه عود عاتبني

عمار.....نشوف مو بس اعاتبچ اكسر راسچ هم

اريج...عمار ليش هيچ صاير ويايه انته مو عمار لاعرفه حيل تغيرت

عمار....شتغير بيه قابل تخبلت(بصوت عاالي)

اريج....لا مو هيچ قصدي بس اهدئ

عمار...بعد لو عدتيهه متلوومين غير نفسچ

اريج...سكتت والطريق كله بعد محچيت

مرت على هاي الحاله سنه كامله ومرات اخابر على امي من موبايل عمتي بس ما

احچيلهه اي شي لان نگول البيوت اسرار وميصير يطلع الحچي وشدگول اگولهه الحمدلله فد يوم رجع عمار وظل يضرب بيه نفس العادة ويظل يصيح ويگلي كله

من وراچ وبسببچ واني اريد اعرف شنو البسببي اني شمسويه حته هيچ يسويلي معقولة احمد مغصوب علية معقولة سامع شي عليه ومتحملت طلعت ركض من الغرفة ورحت على عمي وعمتي

گتلهم فدوة احچو ويااا والله گاعدة اتاذه من وراا اريد اعرف شنو السبب اليضربني بي وچان يجن خواته ويگللي...اي عيني

تحملي لعد شعبالچ ليعيش بهيچ قصر عبالچ راح بس ياكل وينام والله يعلم يجوز انتي مقصرة وياا.....امداا هيچ قصر هوه صوچي اني الباقية يمكم اخدم بيكم واليوم وبعد مرفضتلكم شي

ابو عمار....لا وفوگاهه مراضيه بنت الك...

اريج....لزمني عمي وعمتي شبعوني من الكتل اريد اطلع من جواهم ما اگدر حسيت بروحي راح تطلع واتوسل بيهم يتركوني وسحلوني سحل للباب بطرگ التراكسود

وخلوني بلشارع وسدو الباب علية وبعدهه اغمئ علية ومحسيت بكلشي فتحت عيني ولگيت نفسي ابيت ما اعرفه ظليت اتلفت وچان تجيني مره ...هاا خاله اشون صرتي احنه جوارين بيت ابو عمار شفناهم من

شمروچ وجبناچ اهناا بنتي انتي ماعندچ اهل يسالون عليچ يشوفون حالتچ شوفي شصاير بيچ

اريج...لا خاله عندي بس شسوي ما اكدر اوصلهم وتليفون ميخلوني احچي

وياهم ..حافظة رقمهم....اي حافظته...لعد هاچ هذا الموبايل وخابريهم...خابرت على امي چنت حافظة رقمهم....وچان تطلعلي امي...الوو...اني بس سمعت صوتهه گمت ابچي الوو يمه اني اريج يمه فدوة تعالي اخذيني...شبيچ يمه خير شصايرلچ...يمه دمروني والله هسه اني ابيت الجوارين

شالوني وشمروني بلشارع....والله گلبي چان حاسسني بس انتي اويلي عليچ متحمله كلشي ومدگليلي...يمه هسه مو وكتهه تعالي اخذيني... يمه هسه اگول لابوچ وساعه واكون يمچ... لُِلُِڪآتبَة رٍآنية مآهـرٍ

سديته وخطيه هاي المره جابتلي اكل وتهون عليه بس اني اريد بس ارجع لاهلي اشتاقيت لامي ولخواتي ولمدرستي

اشتاقيت لحنيتهم والله قساوة بابا اهون منهم بميت مره على الاقل ذوله اهلي اتحملهم بعدهه اندگت الباب وطبت امي اني سحلت بروحي وگمت حضنتهه حيل

يمه لترجعيني بعد والله اتحمل يمكم بس لترجعوني....انشالله يمه الله يكسر ايديهم

اريج...طلعت ويه امي وابوية ابد ما رفع عيني من الگاع يدري كله بسببه

ورجعت للبيت وشافني خواتي وخطيه ظلن يبچن عليه واختي ورود تخبلت عليه اخذتني وطببتني للحمام غسلت وبدلت وگعدت حچيت لاهلي كلشي واشون چان

عمار يشرب واشون منعوني من الموبايل

ام اريج...كل هذا صاير ابنتي واني ما ادري كله من وراك انته الديصير ابنتي بسببك كل ما اگلك اسئل عليهه شوفهه ادگلي شبيهه عايشه بعز ودلال هوه هذا الدلال التگول عليه

ابو اريج...واني شكو بنتچ غلطانه من السما للگاع تتحمل شدعواهه

ام اريج....اي مو عبالك كل النسوان مثلي متحملاتك ومتحمله اذيتك وكل يوميه مزوج عليه وحده لا والله اني ما اخلي بنتي تعيش العشته اني بسببك

اريج...كافي فدوة الكم والله البيه مكفيني هم رجعتو تتعاركون رحت للغرفه وسديت الباب علية يربي صبرني واهدي عمار عليه لان مهما يكون احبه وما اكدر اعوفه وما

اگدر اتعود على فراگه ومرررت 5 اشهر واني ابيت اهلي ومحد سئل عليه من عيالي ولا حته عمار شال تليفون عليه هيچ طلع گلبه قاسي مچنت ابد متوقعه هيچ

يصير بيه بعدهه عرفت من بيت عمي انو عمار چان قبل ميزوجني رايد بنيه وحابهه وخاطبهه بس اهله مراضين عليهه ورايد ينهزم وياهه ويسافر بس مقابله وعايفته وبعدهه اهله مزوجي غصب اليه

بعدهه عرفت ليش عمار يضربني ودائما يگلي بسببچ انتي بس

زين هسه اني شنو ذنبي ديريد يطلع غلطه اهله بيه اني لو ادري بي چان يحب وحده ولا اقبل ازوجه بس هوه ليش ابدايه زواجنه مگلي كلشي وحته مچان مبين

ده ظليت حايرة بهمي ومعرفت وين انطي وجهي وعماتي ياهو لطب علينه يشاورن بيناتهن ويحچن عليه بحيث حسيت نفسي غريبه ابيت اهلي وصار سنه كامله اني زعلانه ابيت اهلي

ومحد اجه عليه من عيالي وكل ميفتحون اهلي موضوع الطلاگ اگلهم ما اريد اطلگ لان چانت المراة الملطلگه بمجتمعنه منبوذه وهاي امي اشگد بابا يسوي بيهه مطلگت لان تدري بمجتمعنه الوسخ وكلام الناس

الميرحم گتلهم ما اطلگ وزوجي واحبه گلولي لعد راح نسوي گعده ونجيبه اذا يريد يرجعچ نرجعچ واذا مقبل فماكو غير الطلاگ كتلهم ميخالف چان عندي امل انو عمار بعده يحبني وراح نرجع مثل قبل باول زواجنه وفعلا سوه ابوية الگعده وجمع عمامي واجه عمار واني چنت متلهفه

لشوفته احس الروح ردت بيه ظليت اراقبه من بعيد هلگد اتهون عليك اتعوفني واني اليوم وبعد مقصرت وياك بشي انشالله لو

عندي خاطر عندك ترجعلي اندعيت من ربي وبعدهه كملت الگعده واجه ابويه وچان يگول .......

توقعاتكم حبايبي للبارت الجاي وبرئيكم عمار راح يقبل يرجعهه لاريج لو راح تطلگ