رواية قلوب من حجر الفصل الرابع 4 بقلم الكاتبة رانية ماهر
#قلوب_من_حجر
#البارت_الرابع
أكثر ما يؤرق الإنسان هي حالة الضياع و التخبط بين قلبه وعقله،
فإن إتبِع قلبهُ خسر نفسه، وإن إتبع عقله خسر ما كان يتمنى حصوله!...💔
اريج...كملت الكعده واجه ابوية وچان يكول بنتي ارجعي ويه زوجچ ومهما يصير تتحملين لان هذا قرارچ وانتي ردتي بايدچ
اريج... انشالله يابه وهسه عمار وين
ابو اريج.... جوه بس يطلعون الزلم روحي عليه واتفاهمو وعود ارجعي وياا اني ظليت انتظر لحد ميطلعون الزلم حته اروحله وبعد مراحوو رحت عليه ركض ومتلهفه فتحت الباب علكيف وچان يگوم على حيله
عمار...اريج اسف والله واعتذر منچ على كلشي سويته وياچ وحقچ عليه لان غلطت وياچ هواي ولزمت ايديهه
اريج...انته بنفسك اعترفت اشگد اذيتني وفوگ كل هذا عفتني سنه كامله ومسئلت علية اني سامحتك بس هاي اخر مره راح اسامحك بيهه
عمار....انشالله متتكرر والله وهسه يلا روحي حضري غراضچ دنرجع
اريج... ليش نسيت اني طلعت بهدومي وغراضي كلهه يمكم
عمار... لعد امشي نروح
اريج....رحت ودعت اهلي كلهم ورجعت ويه عمار والطريق كله كلشي مگال طبيت ورحت على عمتي وعمي وبستهم من
راسهم واعتذرت منهم وگتلهم حقكم عليه وادري بنفسي اني هم غلطت وياكم
ام عمار...انشالله ميتكرر هلشي
اريج..انشالله يمه (صح همه الغلطانين بس خليت الغلط كله براسي حته ليشيلون بگلبهم عليه وكله لخاطر عمار)
رحت لغرفتي وچانت كلهه تراب نظفتهه وعطرتهه ورحت يم عمتي للمطبخ وگتلهه عمه اني اطبخ اليوم
ام عمار..لا عفيه عوفي
اريج..لا عمه والله تعلمت امي علمتني كلشي
ام عمار...لعد خلنشوف
اريج...طبخت برياني وعمتي تباوع عليه
ام عمار....لو ندري چان من زمان زعلناچ حته تتعلمين تطبخين
اريج...عمه لو انتي معلمتني هم چان اتعلمت مو مره وحده وگفتيني علطباخ ومعناهه راح اتعلم
ام عمار...ديلا كملي دنشوف اشون طعمه وفعلا كملت وصبيتلهم
ام عمار...اليوم الاكل اريج مسويته تره مو اني خاف ميعجبكم
اريج...ما عدهه ثقه باكلي خاف تتفاشل دگول هيه سوته وفعلا كلهم اكلوو وعجبهم وگالت لعد منا وهيچ الطبخ عليچ گتلهه
ادللي عزلت السفرة وغسلت الماعين ورحت لغرفتي طلعت تراك قصير لون احمر وسبحت وخليت مكياج وبعدهه دخل عمار للغرفه
عمار....افيش شنو هلريحه بلغرفة
وشنو هلملاك 😍 هلگد متشوقة اليه ومشتاقتلي
اريج...لا عيني اني ممتحضره الك بس عجبني اشويه ادلل نفسي
عمار... دتعالي خوش ادللچ 😗
اريج... مرت 3 اشهر بقيت ويه عمار وحالتنه احسن من قبل ونوبات يشرب وهم يظل يعيط ويضرب بس گمت اختل لحد ما
يصحه من الشرب...عمار والله ميصير اترك الشرب عااد هيچ گااعد تاذي نفسك وتاذيني وياك
عمار...اريج مو گتلچ ما اگدر بعد ادمنت عليه
اريج...زين ليش من تشرب اظل دگول كله بسببچ اريد اعرف شنو البسسبي دائما اسئلك ومجاوبني
عمار...يا عمري مو گتلچ من اشرب ما احس على روحي واگوم اخربط بلحچي وصدگي كلشي ماكو
اريج....انشالله يكون كلامك صحيح
اما عيالي فاتجنب كلشي ولو اشوف الغلط
بعيني اسكت وگمت اطبخ وانظف والشغل زاد عليه بس حته يرضون عليه
ام عمار...يمه اليوم شحسوين غده
اريج...يجوز راح اسوي تشريب مال دجاج وتمن داطبخ وفجاة لعبت نفسي وظليت اتقيأ
ام عمار...اشبيچ يمعوده
اريج...ما ادري عمه بس لعبت نفسي اشويه
ام عمار...اخاف حامل ولچ
اريج...اني من گالتلي حامل ظليت
مصدومه گتلهه عمه فدوة اخذيني اليوم نحلل ونتاكد بلكت الله ويطلع صدگ وافرح عمار ويتغير ويترك الشرب لخاطر الطفل
ام عمار....انشالله العصر تحضري نروح
اريج...ظليت ادعي من ربي اطلع حامل ومحچيت اي شي گلت حته اسويهه
مفاجئه لعمار وفعلا رحنه العصر وطلع التحليل وچان اطلع حامل وچان شعوري
ابد مينوصف وچنت كلش فرحانه انو راح اكون ام وهسه اكو روح ثانيه بداخلي وهذا الطفل راح يغير حياتنه اني وعمار للاحسن والطريق كله لازمه بطني وبنفس الوقت
خايفه انو اشون راح اربي لهذا الطفل
رجعت للبيت وحچيت لعمار
عمار...يا عمري صدگ تحچين
اريج...اي والله لُِلُِڪآتبَة رٍآنية مآهـرٍ
عمار....😍😍متعرفين اشگد فرحت واخيرا راح يصير عدنه نونو
اريج....انشالله 😁
عمار...اريدچ اديرين بالچ على روحچ وعلى النونو مالتنه ولتتحركين هواي
اريج...انشالله يعمري
والكل فرح لان چان اول حفيد الهم
عمتي خففت اشويه من الشغل عليه علمود الحمل وبعدهه گتله لعمار اخذني لبيت اهلي حته ابشرهم وتعرف هوه هم اول حفيد الهم
عمار...تمام اليوم العصر نروح ونبات اني وياچ يمهم
اريج...اني تفاجات معقوله راح يخليني ابات يم اهلي ويبقه ويايه واخيرا راح نبقة
وحدنه من زوجنه لحد الان مبتنه سوه ابيت اهلي انتضرت للعصر وچان اطلع
للسيارة ولگيت حماتي الصغيرة سرى ركبت ورانه گتلهه وين رايحه
سرى.... عمار گلي تحضري وروحي ويه اريج لبيت اهلهه
اريج....مو دگوووول عمار مو من عوايده يگولي تحضري وياخذني خرب بحضي
وصفگت بيدي على گصتي اجه عمار ووداني لاهلي وبشرتهم وكلش فرحو الا كلشي مگدرت احچي هاي حماتي ويانه كلمه منطقت وتراقبنه وعيونهه بس
تبصبص 👀 بقينه عند اهلي وتعشينه وبتنه وگضيناهه سوالف وضحك وشقه اني وخواتي وعمار چان ويانه وكلش افرح من
اشوفه يضحك من زواجي لحد هسه مگعدت وياهم هاي الگعده ومضحكت هلگد گلت بلكت هلطفل وجهه خير علينه
رجعنه للبيت
وبعد مرور 7 اشهر على حملي
رحت اليوم للعيادة حته اعرف جنس الطفل
بس اني چان عندي اهم شي صحته سويت سونار وطلع بيه ولد وحيل فرحو عيالي الا عمار لحد هسه معرف حبيت
اسويلياهه مفاجئة وطلبت من الكل ميحچون رجعت للبيت وگتلهه لعمتي اريد اطلع للسوگ اني ومهى حماتي الچبيرة
ام عمار...شتريدين تروحين للسوگ؟
اريج...والله عمه الصراحه اليوم عيد زواجنه اني وعمار واريد اجيب كم غرض
حته اسوي مفاجئة لعمار وبنفس الوقت اگوله على جنس الطفل
ام عمار...اوكي روحن بس اروح وياچن لان اني هم اريد اسوگ
اريج...ميخالف تعالي وفعلا رحت وجبت كيكه وجبت نفاخ وشموع وهديه لعمار وچنت كلش فرحانه مثل اي مره تحب
تسوي مفاجئه لزوجهه بمناسبه عيد زواجهم وخصوصا چنت هاي اول مره
اسوي حفله وهيچ سوالف رجعت للبيت ولگيت عمار گاعد ظميت الغراض وچان يصيحلي
گعدت مقابيله وطلب طلب من عندي كلش سخيف وظليت اضحك بوقتهه وگتله كل عقلك انته تحچي لا اكيد انته مو صاحي
😅😅........شتتوقعون عمار طلب منهه
