رواية ليتني واجهتك الفصل الثالث 3 بقلم مريم الطائي
بارت 3
ليتني واجهتك
الكاتبه ؛:مريم الطائي
هلا بـ التارس عيوني بـ حنـانـة هلا بـ
المحد يصير بمكانـة
اتذكر من جنه صغار جنت بل روضة وعلي بل ثالث جنه نلعب عروس وعريس
انجيب مختار ع اساس هذا ابنا!!
بس ماجتت اتوقع فديوم راح يصير هذا شي حقيقه!!
اني وعلي مانتفق ابد جنه حد ماجيت عندهم وركدنا اني كبرت وعرفت مايصير اجاوب الاكبر مني
وعلي عرف لازم يحن عليه لان اصغر من عندو
نزلت اركض جوى وكلبي يدك سريع شافتني هدير
شبيج سدره
ها ولا شي
شبيج هيجي تركضين
مابيا شي
اتوقع هدير تعرف لان ابتسمت
تعالي نطلع ماي وحب فوك
رحت غسلت وجهي واسترخيت اشويه اخذنا ماي وحب وطلعنا فوك اني وهدير ولؤي وعبدالله
جان اكثر شي ينام ب بيت عمتي وحتى ازيد اكله وشربه يمنا قليل يروح لبيت اهلو
كعدنا كلنا وكمنا نحجي ونلعب ونتظر عمتي وعمي والبنات يطلعون فوك
علي جان يحجي ويدحك عليه ويبتسم عبدالله جان دائما يدحك ع علي من يحجي معايا ويشوف نظراتو
اشويه وعمتي وعمو قصي طلعو وبعدهم البنات وحمودي
حمودي جان كلش حباب معانا يحبنا ب شكل اني وهدير وحنون ع خواتو واخوتو
جان يحب بنت معا بل كليه بس اهلها مايقلبون تنخطب ع ماتتخرج
من تصعد عمتي فوك كل واحد يركض ع فراش
عبد الله وعلي ينامون ب فراش ولؤي ينام بينهم
من جنه صغار لؤي ينام بحضن عمتي بعدين كبر وكام يريد ينام يم علي وعبدالله
اني وهدير ب فراش رغيد وعبير بعيدين عنا اشويه
وبصفحه عمو قصي وحمودي
تبداء عمتي تحجينا قصص واتكول كولو اي ونحنا انضل انكول اي لاحد مانتعب وانام
نكعد الصبح الشمس طالعه كل واحد بينا يسحب المخده ويركض ينزل جوى حتي يكمل نومتو
ورغيد وعبير يلمون الفراش
عمتي تنزل جوى اتحضر الريوك
وعبدالله وعلي ولؤي يركضون ينامون بل هول
اني وهدير جنه انشوف يشتغلون ويعجبنا الريوك مال عمتي
انريد انام وحده اتكول لخ كومي نتريك
انكوم انغسل ونساعد عمتي بتحضير الريوك انخلي السفره بل مطبخ ونكعد كلنا نلتم وعمتي اتضل اتصيح ع ويلاد كومو ومايكعدون
اخر شي تحلف اذا ماكمتو ماكو ريوك
لؤي جان يحب بطنو جثير يركض ركض ع الاكل
ويكول لعمتي
يمه اهم شي مسويه بيض وبصل
وعمتي اترد طبعا اسويلك امي تعال اكعد يمي
ول يوم علاوي عبود دكوم مو موتو كلبي
عبدالله؛:اي عمه جيت
ويرجع ينام
رحت ع علي شفتو متمدد بمكانو ومانايم
علي ماتكوم خطيه عمتي صارلها ساعه اتصيح
دا انتظرج اتصبحين عليه
ابتسمت وندكت
صباح الخير
صباح العيون الحلوه
سويتلو هيجي 
واشرتو ع عبدالله نايم
واشرتو ع عبدالله نايمشال المخده وضرب عبدالله
ماتكوم ول اثول
عبدالله رد المخده على وكامو يتصارعون واني اضحك عليهم
ضلو هيجي تصارعون والريوك راح يخلص
علي راح اخلي الصفار يصير ع البياض
اموتج وربي
علي حضن عبدالله من كتفو
يالا كوم عضيدي نتريك
علي راح يغسل ورا عبدالله كرصني من خدي وابتسم
اتوقعتها حركه عفويه سواها لان علي دائما جان يسويها يكرصني من غمازتي
بس استغربت ع عبود لان اول مره يسويها ورجعت كلت بكلبي عاد شنو يعني نحنا مثل الاخوان
كعدنا كلنا ع ريوك اني وعلي اني احب الصفار مال بيض وعلي يحب البياض
يكوم يقور البيضه ياخذ البياض وينطيني الصفار هيجي جان يعجبني ناكل البيض اني وعلي
كملنا ريوك وكمت انظف مع البنات عمتي بدت اتعلمنا اني وهدير ع شغل البيت اشويه اشويه
رغم كلهم عندهم دوام بس البيت الطابقين يلمع لمع
عمتي جانت نظيفه ب شكل وجانت دائما اتعلم ويلادها ع النظافه حتي الويلاد من يكومون من فراشهم ينظفون غرفتهم ويرتبون الفراش مالهم
جانت دائما اتكولهم الرسول (صلى الله عليه وسلم) جان ينظف بيتو ويغسل ملابسو ب يدو جان يكنس البيت وهو عندو بنات وعندو فوك التسع نسوان
الشغل مو بس محدد لمره لرجل هم مابيها شي اذا كعدت اكلت وشلت الماعون مالك وغسلتو مابيها شي اذا دخلت لبيت وجنت جوعان وشفت اهلك مشغولين اتصب اكل لنفسك
جان عمو قصي من تحجي عمتي يكولها صح كلامج عبدالله الوحيد جان ينط
عبدالله؛:يعني عمه اتريديني اني اكوم اصب اكل لنفسي عجل سلوى شنو شغلها
عموقصي ؛:عبود ابني هاي اختك لو حتي هيا بنت بس الرجل هم يشتغل مابيها شي ماينقص من قدرك شي
عبدالله جان يضحك ومايعجبو الكلام جان مذوب كلب ابو جثير
جنه العصر لو اني وهدير انروح ع جنات لو جنات تجي عدنا ونكعد نسولف ونضحك
بل ليل حمودي وصلني اني وعمتي وهدير لبيت اهلي نزلت ركض ع البيت ابوس ب ماما وبابا مشتاقتلهم
التؤام سماء وطارق يركضون مشاء الله اموت عليهم كلش حلوين
سماء جانت تشبهني وجان عند هم غمازه وحده مثلي
وبوست باسماء وعمر ومختار هلمره مختار هو كام يركض عليه يبوسني ويصيح سدوره مشتاقلج
ماما ؛:شلونج حبيبتي مشتاقتلج
زينه ماما واني هم مشتاقتلكم كومه
ماترجعين عدنا
كمت بست ماما
والله ماما اني احبكم حييل بس متونسه ب بيت عمتي
ع راحتج حبيبتي
عمر جان ينتظر يخلص السنه ويطلع معدل حتي يروح لبغداد ويدخل كليه ويصير ضابط
ماما حضرت الحم والمعلاك وبدت اتشيش وبابا شغل المنقل
واني واسماء جنه انحضر المقبلات وهدير بره اترتب الميز
اسماء اريد اكولج على شغله بس خايفه
احجي حبيبتي لاتخافين اني اختج
اسماء علي كالي احبج
اسماء صفنت بوجهي
صحيح تحجين
اي والله
وانت شنو كتيلو
اني اني
اي انتي
هو كالي سنه وحده واروح لبغداد اكمل كليتي واريد ارجع الكيج منتظرتني
واني كتلو راح انتظرك
يعني انت اتحبي
هزيت براسي انتي شنو رايج
والله ياختي ماعرف شنو اكولج بس خايفه لاهذا يطلع حب مراهقه وباجر يروح لبغداد يعرف جانت مجرد نزوه
لااسماء علي يحبني والله وكمت اشوف اهتمامو هاي صار سنتين عندهم علي يهتم بيا جثير
بكيفج حبيبتي اذا انتي اتحبي واتشوفين هو هم يحبج اي ليش لا بس لاتنسين سدره بابا ماينطي لكرايب لان علي راح يتعب حتي ياخذج
برطمت وتذكرت شلون راحت هاي الشغله من بالي
كرصنتي اسماء من خدي
قبان اختي الحلوه لاتضوجين شنو شي يجي بل صعب حلو خلي يركض وراج دير بالج تركضين انتي ورا
ابتسمت وهزيت براسي
كملنا العشه وكعدنا
كلنا تعشينا وغسلنا مواعين وحضرتا تعليله اجوي عدنا اهل اماني
جنت مشتاقه لاماني حييل وطلبت من ابوها اتضل اتبات عدنا وماكال شي
ضلينا الليل كله فوك السطح ونحجي ونلعب ونضحك
بابا جان يلعبنا وعمتي تحجينا قصص
مرات الايام واني بعدني ب بيت اهلي مارحت لبيت عمتي صرت احب اتعلم طبخ
جنت ادحك ع ايد ماما من تطبخ جنت اتعلم من اسماء شلون اتنظف
جنت مشتاقه لعلي صارلو فتره ماجا
اعرف بل عطله الصيفه ينزل لمحل بس معقوله مامشتاقلي وماكلف نفسو يجي يشوفني
عمو قصي جان عندو محل جبير ويكعد علي وحمودي بي بل عطله وينطيهم تعبهم يكولهم اريدكم تعتمدون ع نفسكم
مره سمعت من عمتي اتكول لحمودي شنو تشتغل ضم
ب يوم من الايام جنت نايمه العصر ماحسيت غير دولكه ماي فوك راسي كمت مثل المخبله ارفس ههههه
علي
بعد ماجت سدره عدنا جنت ادهرها بس بعدين تركت جنت احبها من جانت صغيره بس ماجنت اتوقع هذا الحب حب عشق
جنت اكول بنت خالي واحبها بس من جت عدنا صار يعجبني اهتم بيها وادللها اخويا حمودي جان كن حس ع هذا الشي وسالني وكتلو ماعرف هيجي احب اهتم بيها
حمودي كام يعلمني ويفهمني هذا الي دا امر بي حب مراهقه وبعدين راح انسى
بس الي صار صرت اعشق سدره ب شكل اريدها الي بس اني جنت اغمض عيوني واتخيل باجر اني وهيا متزوجين وعدنا اطفال اصغار يشبونها شلون راح اتكون حياتي سعيده معاها
اخذت قراري سدره وخلص ومن صارحتها طلعت هيا هم تحبني اخذت وعد ع نفسي لوهيا لو ماكو غيرها وماكسر كلبها فديوم من الايام
ب يوم من الايام جانت النتايج مالها وجيت اخذت النتيجه مالها الها
راحت امي جابت النتيجه مالها ادحك ع درجات يعني صدك دكتوره
انتظرت صار العصر رحت اشتريتلها هديه جان عباره عن دفتر بي مفتاح وقفل
فتحت الدفتر وكتبت باول ورقه
الي معشوقتي الصغيره اتمني الك دائما النجاح والتوفيق واتمني ايضا السعاده وان نعيش معنا طول العمر
من علاوي ابو راس الي قزومتي سدره هههه
الف مبروك النجاح
وغلقت الدفتر
حتي هاي الكلمه الي جانت تزعجني من اتكولي ابو راس صرت احبها
من جنت اكولها ليش اتكولين هيجي اتكولي ليش انت ماعندك راس وتضحكني
رحت لبيت خالي دخلت وسلمت عليهم بشرتهم سدره نجحت
ام سدره؛:الله يرضى عنك ع هذا الخبر امي انت
تعالي دا ابوسك
وين سدره عمه
نايمه جوى ابني
شفت الدولكه بل كاع اخذتها ودخلت ع الغرفه واسماء تضحك
لكيتها شلون نومه نايمه شلت الماي وصبيتو فوك راسها وهيا فزت وكامت اترافس 
متت ضحك عليها
.......سدره
فزيت شلون فزه ولكيت علي واكف يضحك
شلت المخده وضربت بيها وبرطمت
خير شكو عليش جاي
ها هيجي تححين معايا
اي هيجي احجي معاك اكو احد يكعد احد هيجي
جنت اتشاقه وياج
شكرا ماريد تشاقه بعدين هسا اتذكرتني
سدره شبيج
اسال نفسك
درت ظهري عليه ومسحت وجهي وغمضت عيوني
حسيت شي طخني فتحت عيوني لكيت الكارت مالي ناجحه شهكت واتعدلت
لكيت علي وصل باب الغرفه
علي علي
خير
ركضت علي وحضنتو وهو كام يضحك
ماتبطلين من خبالاتج
اني فزيت بعدين ليش ماتجي عدنا
ردت اجي وجايب النتيجه مالتج
ابتعدت عنو وفركت وجهي خجلانه باسني من خدي
وهمس مبروك الناجحه معشوقتي
حان اول كلمه غزل علي ينطقها بعد احبج
هاج هاي هديتج افتحيها
ههههه
فتحت الهديه جانت تجنن
سدره :يياااا علاوي اتجنن شكرا
علي :عافيات سدوره
طلعت ركض واحضن بابا وماما وبابا جان دوم يكولي انتي رفعت راسي
كلت لبابا اروح مع علي وكالي روحي
كمت حضرت اغراضي وبابا وصلنا ع بيت عمتي دخلت من بابا اصيح عمه نجحت
وعمتي تحضن واتبوس بيا وجانت ضايجه
عمه شبيج ضايجه
مابيا شي حبيبتي
بابا دخل سلم ومحمد كال الله جابك خالو
جان بوكتها عمهم وعمو قصي كاعد وكلهم ملتمه
ابوسدره؛:ليش خالو
محمد :؛خالو اني احب وحده معايا بل كليه واهلها مايقبلون يزوجونا حتى تتخرج
والله ياخالو كل ماكف معاها بل كليه اتكولي روح ماريد يصير حجي عليه وهسا احجي مع اهلي امي اتكولي تخرجو بعدين
اني هاي صرنا مرحله رابعه ع اقل اكضب عقد عليها وتصير مرتي
اكدر اطلع معاها احجي معاها بل كليه شي
بابا ؛:اي حقك مابيها شي ليش ماتقبلين ماريه
عمتي؛:والله ياخويا اخاف اروح اخطبها ويرفضونا
ان شاء الله مايرفضونا اتوكلو بله اخويا ابو محمد وانروح نخطبها اندز هم ع اخويا ابو هيثم وام محمد وام هيثم وام عبد الله وام سدره ونمشي بيها مادام يحبها ليش نكف ب طريقهم شتكول ابو عبدالله
ابوعبدالله؛:صحيح كلامك والله خلي نتوكل ع الله
عمو قصي وعمتي كالو هاي هيا ع بركه الله
عمو قصي ؛:اخويا ابو عمر واخويا ابو عبدالله بنتي عبير جايها خطابه واريد اخذ رايكم
بابا استفسر ع الولد وعمو قصي كال ابن صديقي دكتور اسنان وبابا كال نسال عليه وبعدين
انتفقو يروحون يخطبون لمحمد ومحمد طاير من الفرح
صار ثاني يوم وكعدنا من الصبح هليوم النتايج مال علي وعبدالله
عمتي تقراء وراهم ايات وابو عبدالله واكف بل باب يريد يعرف عبدالله شنو يطلع
اروح واجي بل كراج يارب ينجحون يارب اشويه علي جا ب يدو الكارت ويحضني نجحت سدوره نجحت
طرت من الفرح وعمتي اتهلهل ما مصدكه واتبوس بي
يمه عبدالله اش طلع
والله رسب يوم
انكردت عبدالله والله ابو الي يخلص على
اي والله اسكتي وخليها يكولي هيا جتله لو جتلتين
اني رايحه ع بيت عمك اخاف لايسوي بي شي
عمتي راحت تلبس حجابها وجت سلوى تركض مثل المخبله
عمه الله يخليج الحكونا ابوي موت عبود من الكتل بل حمام دا يكتلو
عمتي كامت اتصيح يمه راح الولد صيحت ع محمد وطلع يركض هو وعمي
وطلعنا ع بيت عمي لحكنا امو تبجي واتكول ابني مات جان عندو اخوان اكبر منو اثنين واحد متزوج وطالع بيت وحدو وثانيه عازل فوك بس الظاهر جان ماموجود
ركض عمي ومحمد وعلي ويضربون باب الحمام افتح الباب
ابو عبدالله
واسمع ابو عبدالله يصيح ابن الكلب ب شنو علي احسن منك ب شنو ابو يمشي ويحجي بي
واني امشي واتعوذ ابليس منك كواد والله اموتك هليوم
اخر شي كسرو باب الحمام وفاتو
منظر جان صدك مؤالم منظر عبدالله هو ونفسو مايجي وباقي بس بل شورت وجسمو كله احمر من الصونده عمي سحب ابو عبدالله من الحمام
ومحمد وعلي ركضو ع عبود علي كام يصيح علينا اطلعو من هينا
امو مسكت ابو عبدالله
ليش هيجي سويت بي ليش من انعل ابو المدرسة هذا ابنك
الله يشيلو بالج من كدامي لااكمل عليج انتي هم
عمي كام يصيح على
ابو عبدالله جان مشكلتو كل كلمه وثانيه يكول دحك ع علي شوف علي اشكد شاطر اشكد سبع بر بابو
جان كل كلمه وثانيه يمسكو يكتلو جان يريدونا ملائكه يصير بل جتل وهذا الشي غلط جان
هذا الشي هو الي خلى يحقد ع علي ويكره علي
عكس عمي جان لو حتي الويلاد يسون غلط جان ينصحوهم ويحجي معاهم
اذا جان واحد بيهم يكول بزعت من الدرس وماريد ادرس جان عمي يحجي معا بكلام حلو يخلي يستحي من نفسو
ابو عبدالله جان مشكلتو قاسي وخصوصه مع عبدالله
علي طلع من الحمام عيونو دم اشكد ماكن بجى ع عبدالله
سلوى كومي جيبي ملابس لعبود
راحت سلوى جابت ملابس
وعلي كال لعمو
يعني انت بهذا تعاملك معا راح اتخلي يحب المدرسة ويصير خوش ولد عمو انت راح طلع عبدالله من الطريق
وبعدين تندم على شي الي دا اتسوي
انت لاتدخل ابني واني حر بي
بكيفك عمي براحتك بس لاتنسى هذا قطعه من كبدك
انعل ابو... الله يشيلو
امو كام تضرب ع وجها وتبجي وتصرخ كاافي كافي اتكول الله يشيلو اذا انت ماعندك كلب هذا ابني ابني
علي مسك ايدها ودموعو تنزل وعمتي اتهدي بيها
اخذ علي الملابس من ايد سلوى وراح يلبس عبدالله
سلوى جانت تبجي كعدت يمها وحضنتها ومسحت دموعها
حييل انقهرت عليهم محمد وعلي طلعو عبدالله من الحمام وبل كوه يمشي عمي كال خلي ناخذو لمستشفى لاكن بي شي مكسور
ابو عبدالله؛: كسر بلا جبر ان شاء الله موت لفك ولف كل عار
عبدالله؛:اصبر عليه اذا ماصرت اسقط من الساقطين وكول كال عبدالله وتحلم اتشوفني شايل كتاب ب يدي والله الي اندمك ع هذا الضرب الي ضربتني بي
عبدالله يحجي وابو كام علي يريد يضربو مره ثانيه ومسكو ....... يتبع
ومن هينا بدت رحله عبدالله والوعد الي وعد بي ابو وبداء يوفي بي جان بهذا الوعد.......
"بعض البشر ينطبق عليهم هذا المثل :
أحسنت له دهراً وأسأت له في يوم
فنسى الدهر ، و تذكر اليوم ."
بعد مرور سنه كامله
هليوم كلنا منجمعين هليوم محمد راح يتزوج حبيبته الي جان ميت ع ماياخذها
عبير تمشي وهيا وبطنها ودخلت ب شهرها اتخاف لاتجيب
ب عرس محمد اتزوجت طبيب الاسنان وخلال شهر اخذوها
عبدالله طلع من الطريق صار يشرب جكاير وعندو سوالف مو حلوه حتى معايا اني جانت نظراتو الي مو حلوه وكم مره يسمعني حجي
عبدالله الي جان صديقنا روح بل روح مع الاسف ضاع ونسى العشره نسى من عمتي جانت اتخلي بحضنها وتلعب ب شعرو واتنومه نسى من جان يقسم علي الفلس بينو وبين عبدالله نسى من جان لؤي ينطي لعبتو نسى من جان يجي ويكول جوعان نركض اني وهدير ونخلي اكل كدامو نسى من جنه انام كلنا بفراش واحد
مع الاسف ليش ياترى ليش هيجي اتغير عبدالله صح جان وكح من جان صغير صح جان يغار من علي ولؤي لان جان عمي مدللهم
ياترى حبو الي خلا يصير هيجي
لو كتل ابو
لو كرهه لعلي لان جان احسن من عندو
هليوم اني وجنات وهدير واماني صرنا بل رابع جنات جان حلمها مثلي اتصير دكتوره واماني نفس الشي
هدير جانت اتحب اتصير مدرسه
رحنا علمي ثلاثتنا وهيا راحت ادبي
لؤي صار بل خامس علمي
امه حب حياتي
اتخرج من الاعدادي وقدم ع كليه الاعلام الي ب بغداد وانقبل بيها
واكفه ارتب بل قاط مالتو بل غرفه وانفتح الباب جان ظهري ع الباب
ها علي جيت
اتقرب مني وماحسيت غير خلى ايدو ع ظهري
فزيت واتلفت
لكيت عبدالله بوجهي
رجعت لورا وكعدت ع التخت
عبدالله
اي عبدالله قابل شفتي شبح
كمت اصيح
انت شلون تلمسني
اتقرب وسد حلكي
اششش اسكتي اني جيت حتي اكولج كلمتين راح اسحب ايدي لاتصيحين دير بالج
هزيت براسي واني ارجف
سحب ايدو
سدره اني احبج والله
كمت ع حيلي شنو دا يكول هذا؟!
ومع العلم هو يعرف علي يحبني
لان علي مره كالي عبدالله يعرف اني حجيتلو
هو اخويا وصديقي اني امن بي
انت شنو دا تحجي
طلع جكاره وكام يشربها ويننفخ بوجهي
عبدالله كولي انت مخبل روح من هينا لايجي علي
علي راح ع الحلاق مايجي هسا
عبدالله شنو اتريد مني
كتلج احبج واريدج سدره والله اني حبيتج قبل علي
عبدالله انت شارب شي انت تعرف كلش زين اني وعلي اشكد انحب بعض
سدره لمره وحده فكري بيا علي مايحبج باجر من راح يروح لبغداد ينساج
علي ماينساني لو علي مايحبني لو حتى اني ماحبو مستحيل ارضى واحد سرسري مثلك يدخل حياتي
شال ايدو وضربني براشدي
كمت ابجي واصيح
والله الي اكول لعلي عليك
خلى ايدو ع حلكي اسكتي سدره لاتصيحين دير بالج احد يعرف الي كتلو الج بعدين اخذ شرفج واكتل علي كدامج دير بالج
متت خوف شال ايدو
ماتكدر كلشي اتسوي حقير لازم يعرفون
دا اطلع اركض وسحبني من شعري
اذا كلتي الهم ع الي كتلج هو راح اكولهم هيا اتحارشت بيا وهيا جانت اتسمعني حجي وراح اسوي اثابت عليج اني عبدالله تعرفيني زين مايصعب عليه شي
وهذاك الوكت راح تخسرين كلشي وعمي راح يطردج من البيت الي عليج هسا تسكتي واتخلينا هذا الشي ب بالج انتي الي وبس افتهمتي
خفت احجي والله خفت الخوف عم عليه جنت ماحاسبه حساب لمتستقبل ماجنت اتوقع عبدالله حقير لهاي الدرجه
سمعتي شنو كلت سدره
اي اي سمعت
وترى حتى علي اكتلو دير بالج ولاتكولين ماكدر امبله اكدر اخليو سم بل اكل ويفطس ادز جماعه علي او اخلي عبوه بل سيارتو ااذا سمعت بيج كن كلتي شي افتهمتي
هزيت راسي واني ميته من الخوف
عبدالله عوفني حباب
صار ليش لا
تركني وطلعت اركض لحمام قفلت الباب ع روحي وفتحت الدوش ودخلت اني وملابسي اريد اخلص روحي.....
شلون اخلص من عبدالله شلون ياربي اني لازم ارجع ع بيت اهلي لازم ابتعد لازم
وعلي شلون اعوفو
اسال واجاوب نفسي
علي راح يروح لبغداد اربع سنوات
ومن يرجع يجي يشوفني
لازم اروح لازم
سمعت دكت الباب
منو هينا
اني سدره رغيد
اها يالا حبيبتي كملي دا اسبح
ماشي بس فدوه انطيني خاولي
انطتني خاول ولفيت نفسي بي وشلت ملابسي وخليتها بل سله
جان الحمام ب غرفه رغيد طلعت واني عيوني حمر
رغيد ؛:شبيج سدره كن بجيتي
ها لا ماكن بجيت مابيا شي
ماجايبه ملابس معاج
لا
مو ع بعضج انتي
مابيا شي
براحتج راح اروح اجيبلج شي من غرفتج البسي
تسلمين
راحت رغيد اتجيب ملابس
واني كعدت ع التخت مصدومه يارب معقوله عبدالله راح ياذي علي يارب دخليك احرسو مالي غيرك ياارحم الراحمين
مالي غيرك انت ربي ساعديني والله بعدي اصغير ع الي دا يصير بيا منين طلعلي عبدالله الزفت هذا
فاتت رغيد انطتني ملابسي ودخلت لحمام بدلت وطلعت نزلت جوى علي صار بوجهي
شبيج قزومتي عيونج حمر
مابيا شي جنت اسبح دخل صابون بعيوني
قبان عيونج
ههه لااسم الله يالا روح حضرتلك القاط
عاشت ايدج شلونها حلاقتي
يخبل طلعت صدك ابو راس ههههه
ضربني ع كتفي قزومه ههه
ضحكنا وهو دخل لغرفتو واني نزلت حبيت الطف الجو حتي لايبين عليه شي
نزلت بل هول الكل موجود عبدالله كاعد ع القنفه ويرفع تك حاجب ويدحك عليه مجرد ادحكله ماعرف شنو يصير بيا
مشيت ورحت لمطبخ اساعدهم
اتغدينا وكملنا والبنات اسماء ورغيد وعبير راحو لصالون
جان الزواج بل قاعه
جنه اني وهدير وجنات واماني لابسين نفس الشي بوكتها عمتي عزمت بيت اهل اماني لان جانت تعرفهم وعرفنا اماني ع جنات
لابسنا فساتين لون ذهبي وفتحتنا شعرنا وعمتي خلتنا مكياج كلش خفيفه ماما ماقبلت كالت عيب بس عمتي كالت عوفيهم
رغم البساطه بس طلعنا حلوين
وكفنا كلنا كالو راح ينزل العريس من فوك
عمتي كامت اتغني واتهلهل والكل معاها
اتغني واتهلهل والكل معاها يغني نزل محمد من فوك هو والقاط مالتو ولؤي وعلي لابسين قوط طالعين حييل حلوين وعبدالله واخوتو ويلاد عمي ويعني شبابنا كلهم واكفين يغنون ويركصون نزلو من فوك
وطلعنا بره ويلاد المنطقه يركصون ويغنون واني وهدير وجنات واماني وحده ماسكه ايد الخ ونركص واكفين ب صفحه
جا لؤي علينا
ها صايرين عصابه هليوم كلكم نفس الون
جنات ؛عصابه عليك غير ماتسلم( لؤلا )
لؤي؛:بعدج اتكولي لولا اتحسسيني بنت حييل رقيقه
الكل؛:ههههه
جنات؛:طبعا نحنا جماعة الطب لازم انكونين رقيقين
لؤي ؛؛:شنو قصدج مذيع بس يحجي
علي التفت
هاي ع منو
ليش انت راح اتصير مذيع
الكل ؛:ههههه
تعال هينا
علي سحب لؤي من ريباطو ونحنا نضحك عليهم وكامو يركصون ههههه
طلعنا اخذنا العروس من بيت اهلها ولقاعه
جان حييل حلو العرس بس اني جنت قدر المستطاع اسوي روحي ماضايجه كل ماشوف عبدالله يدحك عليه اموت من الخوف كعدنا كلنا ع طاوله وحده
اني وعلي ولؤي وجنات واماني وهدير
جنه كاعدين كلنا نضحك ونشاقه ضجت حيل من اجوي عبدالله وسلوى كعدو معانا
ردت بس تخلص الحفله حتى ارجع ع البيت وارتاح
خلصت الحفله ورجعنا لبيت اني حضرت ملابسي واغراضي الي احتاجها بعد ماحجى عبدالله معايا هيجي
بل ليل اهلي من دا يرجعون لبيت كلت لماما اريد ارجع معاكم وكلت لعمتي
ورجعت مع اهلي علي ماجان موجود جان واكف براس الفرع مع الويلاد
ركبنا بل سياره وبابا وصل راس الفرع شفت علي وعبدالله واكفين مع ويلاد
علي التفت عليه وشافني بل سياره حسيت علي ضاج وضل يدحك
درت وجهي ومن وصلنا البيت نزلت اغراضي لغرفتي ورحت سبحت وبدلت وكبل نمت
ثاني يوم الصبح كلت لهلي اني كمت اشتاكلكم صارلي 3 سنوات ب بيت عمتي وهدير دخلت ادبي مايعجبني اضل بعد اريد ارجع هينا
اهلي ماكالو شي بلعكس فرحو
دك الارضي اسماء جاوبت كالت هدير اتريدج
رحت جاوبت
هلو ها هدوره
هلا سدره شلونج
الحمدالله بخير انتي شلونج
زينه منو يمج
محد يمي
علي يريد يحجي معاج
ماشي
جان الارضي بل استقبال سديت الباب وكعدت احجي معا
شلونج سدره
هلا علي انت شلونك
الحمدالله البارحه ليش رجعتي
ها علي اني راح ارجع دائما ب بيت اهلي
ليش منو مضوجج
علي راح اتروح لبغداد انت واني ماريد بعد اضل
زين ليش
كتلك السبب
بس انتي من جيتي ع بيت اهلي ماجان اكو علاقه بيني وبينج
علي هدير دخلت ادبي واني علمي اريد اجي اكمل هينا واني واماني ندرس سوى
لا اكو شي مضوجج سدره احجيلي اني ابن عمتج اني حبيبج لا فديوم اتفكرين اتضمين شي عليه
مابيا شي صدكني ولاكن ضميت شي عليك بس انت لاتزعل مني
والله ع ضوجه هو اني ضجت بس الزعل مايجي من كلبي ازعل عليج
علي
عيوني
احبك
شنو
ماكدر اعيدها اخاف اهلي يسمعوني
عيديها لااموتج هاي اول مره اتكوليها
ههه احبك والله
اول مره اكول لعلي بيها احبك جنت استحي بس ماعرف شلون كدرت اكولها
حجينا اشويه وسديت من عندو جنت ادعي ربي كل صلاه يكفيني شر عبدالله
اختي اسماء انخطبت هلفتره واتزوجت......
بعد مرور اربع سنوات
هليوم اني واكفه بل كلية قربت السنه تخلص انقبلت طب شدينا حييلنا كلنا وطلعنا معدل طب ماعد هدير
اني وجنات واماني ولؤي
لؤي ب صف السادس عاد السنه بحجة حتي اطلع معدل عالي
بعدين كشفتو جان يحب جنات وعاد السنه حتي يصير معاها
من صارو بل سادس صارح جنات وكال لعمتي اني احب جنات ب يومها عمتي كالتلو لؤي ابني لاتورطني مع هذوله الناس غربه خلي ابوك يحجي مع ابوها ويحجزها الك
وبل فعل عمي حجى مع ابو جنات وافقو وبس الفاتحه فقط
حتي اتبين كدام الناس جنات مخطوبه ل لؤي بس ابوها كالهم ماريد يتزوجون الى حد مايتخرجون
لؤي جان طاير من الفرح لان خطب جنات
من صرنا بل كليه انضم ولد معنا اسمو صهيب بل كروب مالنا
كروب جان
اني واماني وصهيب وجنات ولؤي
اخويا عمر اتخرج واتزوج وصار عندو ولد
اسماء اختي صار عندها ولد وبنت
عبير صار عندها ويلاد اثنين رغيد هم تزوجت وصار عندها بنت
محمد هم عندو ويلاد اثنين
وعمتي حييل فرحانه بيهم ونستها بل بيت صايرين
مختار بل سادس علمي
وسماء وطارق بل اول ابتدائي
مر على حبنا اني وعلي خمس سنوات
يوميا حبنا يكبر يوم بعد يوم نزلت الموبايلات وصرنا نتخابر ونحجي يوميا هاي السنه يتخرج حبيبي
وعبدالله اخخخ من عبد الله ماكدرت الكي حل وماكدرت اتخلص من عندو كل هاي السنوات هو يلحك ورايا
حاولت اشكد اتخلص من عندو حاولت احجي لعلي بس هو جان دائما يهددني
عبدالله صار واحد سكير وشالع كلب اهلو صار صاحب بنات والكاع تعوذ من عندو
هو عندو محل مال ملابس نسائيه اذكر مره لؤي كالي سدره رحت ع عبدالله ع محل ادور علي ماكو
لكيتو بل منزع مع بنت البنت بس شافتني طلعت ركض
صدمة شنو من بشر هذا
سلوى تركت الدراسه بسبب الوضع والامريكان ابوها خاف عليها وتركها الدراسه وحاول مع عمو قصي هدير تترك بس عمي رفض
علي جان يجي بل عطله الصيفه وجنت اروح على بيت عمتي وجنت ب ساع ارجع اخاف من عبدالله
علي جان يضوج بس جنت اطلع حجه
صهيب ؛:ها وين طالعين
لؤي؛:هدير وسدره يريدون يرحون يشترون ملابس ع حفلة تخرج علي
صهيب ؛:اها بيها الخير ان شاء الله يوم الي نفرح بعرسكم سدره
خجلت تسلم صهيب
من طلعت معدل طب بابا جان هديتو الي سياره ب يومها طرت من الفرح لؤي علمنا ع سياقه السياره اني وجنات هدير جانت ماتتعلم اتخاف
لؤي انطى سيارتو لجنات حتي ترجع بيها لبيت ورحنا بسيارتي لسوك
اخذت ب بوكتها فستان احمر مخصر لان هذا لون علي المفضل وشال ابيض وبي احمر وكعب ابيض واشويه مكياجات وشغلات
وهدير هم اخذت ملابس واغراض ورجعنا لبيت
وصلتهم لبيت واني رجعت
فتت سلمت لكتني اسراء زوجة عمر
هلو اسو شلونج
هلا حبيبتي تعالي اصبلج غده
لاحياتي اتغدينا بره واشتريت ملابس لحفله تخرج علي
اممم يعني الحب
اشش لااحد يسمع
نايمين كلهم تعالي شوفيني شنو اشتريتي
اول شي وين فاروق
والله ابن اخوج ذوب كلبي ع مانام
هههه فدوه اشكد احبو
اسراء حبابه كلش معانا وتعاملها طيب نحنا انحبها وعمر يموت عليها
انعجب بيها وحبها عن طريق مره جان طالع دوريه ع المناطق وجان دا يفتشون ب البيووت وشافها ومن يومها عمر تخبل عليها وكبل دز امي خطبتها وهيجي صارت القسمه وصار عندهم فاروق عمرو كم شهر
كعدت شوفت الاغراض لاسراء وجنت جابتلها علبه مكياج معايا خطيه اشكرتني واخذتها
طلعت فوك لغرفتي خليت اغراضي وسبحت وبدلت
الغرفه الجوى انطينها لسماء وطارق لان كبرو وماعندهم كمت اني انطيتهم غرفتي واخذت غرفه من فوك
جيت دا انام دك موبايلي دحكت علي ابتسمت
اخذت الموبايل وفتحتو
ها حبيبي شلونج
بخير كلبي وانت
الحمد الله اني كاعد احضر لحفله التخرج
اممم شلونها التحضيرات
حلوه ليش ماراح تجين اريد اعرف
ها اني
اي انتي مو كلتي راح اجي ليش هسا جنت احجي مع لؤي يكولي سدره اتكول اتعب من الطريق ماكدر اجي
عرفت هذا لؤي يسوي مقلب بعلي
ها اي علي عفيه لاتزعل مني ماكدر اجي
يعني سدره بهذا اليوم الحلو ماراح تحضرين
علي يجي من كلبك اتمرض واتعب ماكدر عفيه
علي شبيك سكتت
سدره والله ضجت يعني جنت كل تحضيره احضرها اكول لزملائي وزميلاتي خطيبتي راح اتشوفها
شنو اسوي علي كولي اذا اتعب واتمرض
بس انتي جنتي متوشقه حتي تجين
عفيه ماريد لاتلح
براحتج راح اروح اني
وين
اروح انام
اوكي براحتك باي
باي
بس اريد اسد من علي حتي لااضحك وتبين كذبه هههه لؤي نفس اللحظه دك
الو سدره وينج بس لاكلتي لعلي راح اجي
هههه لا لؤي عرفت دا اتسوي بي مقلب
ردت اسويها مفاجئه
هههه اي احسن ديلا لؤلا اروح انام تعبانه
ماشي باي
باي
نمت ومن كعدت حضرت اغراضي حتي باجر انسافر لبغداد عمتي قبلها طلبت من بابا اروح معاهم وقبل ماكال شي
طلعنا كلنا ب سياره وحده عمي وعمتي ولؤي ومحمد واني سياره جانت جبيره ميس ماجت ويلادها صغار والطريق بعيد خافت لايتمرضون
وصلنا هناك وحجزنا كل اثنين ب غرفه
لؤي اتصل ب علي كالو نحنا وصلنا بغداد وراح نطلع نتعشه ب فلان مطعم
اتحضرنا كلنا وطلعنا لمطعم علي قبل مايصل لؤي اتصل بي كالو هسا راح اصل
كمت اخذت جنطتي وطلعت لمغاسل وجنت اراقب من بعيد شفت علي دخل لمطعم التفتت وشاف اهلو راح سلم عليهم كلهم راد يكعد مقابيل المغاسل بس لؤي كبل كعد هناك وعلي كعد وظهرو ع مغاسل
طلعت وجيت امشي اريد اصل علي جنت اسمعو يكول يعني ليش سدره ماجت معاكم
هينا جان بيت عمتي كلهم يعرفون ب علاقتنا حتى عمو قصي
هو كال هيجي
لؤي كال؛؛لان راحت لمغاسل وهسا هيا وراك
علي التفت وضل مصدوم دحك ع الكل ورجع دحك عليه ولؤي ميت من الضحك
وكف ع حييلو
ليش ماكلتي راح اجي
لؤي سوها مفاجئه
خرب بنصك لؤي
جا اتقرب عليه سحب راسي باسه
شلونج سدوره مشتاقلج
الحمدالله وانت
لؤي؛:احم نحنو هنا
علي؛:انت انجب انت اتسوي مع جنات ازود
لؤي ؛:شنو هاي يابا عيني ابو الازود لازم اتعرفتلك ع مزه هينا واتعلمت منها بغدادي
عبست
ولي يابا هذا اخويا جذاب
ابو علي ::لؤؤي اكعد وانجب كاافي
لؤي؛:ههه يابا دا اتشاقه مع زوجه اخويا المستقبليه
محمد؛:كافي عاد البنت راح اتموت من الخجل
لؤي؛:اووي عيني استقري اشويه لو ب يدج اتجطين بحضن علي بس استحيتي من ابويا مو صحيح يابا
ابو علي؛:انجب
شفتي كال انجب يعني صحيح
الكل::هههههههه
اوف منك لؤي اشكد سوالفك اتضحك
كملنا عشه ورجعنا لفندق علي جا معنا
هدير كالت راح اروح اشوف الويلاد
طلعت لغرفه محمد ولؤي وجا علي دخل جوى ابتسمت بوجهو
سد الباب وفتح ايدينو جان دائما من يرجع من بغداد يدخل لغرفتو ويصيحني ويفتح ايدينو واركض بحضنو يبوس براسي وجهي
فتح ايدينو وركضت علي حضنتو وحضني ويبوس برراسي وغمازتي
مشتاقلج حياتي
واني اكثر حبيبي والله كومه مادا اصدك راح تتخرج وترجعنا
رفعت راسي دحك بعيوني وخلي كصتو ع كصتي وهمس شفتج اتخبل قزومتي
وجهي صار عباره نار نزل وجهو وباسني من شفتي بوسه خفيفه رفع راسو ورجع بااس شفتي مره ثانيه اول مره بيها علي يبوسني من شفتي
مابادرتو دفعتو وابتعدت عنه
علي شنو سويت
اسف سدره بس والله شوقي الج بعد ماتحمل اريد اخطب ونزوج
بس نحنا متفقين ع مااتخرج
سدره مابيا اتحمل بعد خمس سنوات
بس هذا وعدك الي
اتقدم وحضني من خصري فدوه سدره وافقي ع اقل امسك عقد عليج واكدر براحتي
همست ودنكت براسي
براحتك حبيبي
باسني من راسي وكال بس اكمل امتحاناتي راح اتقدملج
ثاني يوم بدلنا واتحضرنا لحفله التخرج حبيبي جان طالع كلش حلو مسكني من ايدي واخذني وعرفني ع كروبو جان عباره عن ثلاثه بنات واربع شباب كالهم هاي معشوقتي الي احجيلكم عنها
غرت من وحده جانت معاهم بنت حييل حلوه بغداديه
علي حس علي كالها وين رجلج شنو مايجي
امبله هسا يجي مع ابني
رد واحد من الشباب كال هاي هو ابن الحلال طلعت البنت متزوجه وعندها ولد فرحت من شفت هيجي ابتسمت هيا اندرات وصارت تضحك وركضت عليهم اتبوس بابنها واتسلم ع زوجها
علي همس لاتضلين اتغارني ضحكت
مو ب يدي
اموت ع ايدج
هههه بدت الحفلة وجانت اتخبل كلش ركصهم الشباب واكلهم ولبسهم وجلسه التصوير مالهم ب وكتها علي نزع القبعه واخذني يمو وخلها ع راسي واخذنا صور جانت حلفة حييل حلوه
اشتريت بوكتها ساعه فضه لعلي وهديتو هيا حبها حييل
خلصت الحفله وثاني يوم ودعنا علي ورجعنا لموصل وعدني بوكتها بس اكمل امتحاناتي واجي اخطبج فرحت حييل ماكو احلى من حضن الشخص الي اتحبي 
.....يتبع
.....يتبع 