رواية ليتني واجهتك الفصل الرابع 4 بقلم مريم الطائي
البارت 4
الكاتبه ::مريم الطائي
طلعنا من بغداد ورجعنا لموصل رحت سبحت وبدلت وكعدت اتغديت ورحت نمت مشت الايام روتين عادي
علي صرت قليل احجي معا لا ن عندو درس ماريد الهي
عمر اخويا اشترى بيت ب ظهر بيتنا وفتح باب مشترك ع الكراج الخلفي
الحمدالله كلنا نجحنا وعلي هم نجح هليوم باب ذبح ع مودنا كلنا وبل اخص ع مود علي لان اتخرج
وعزم الكل وعزم بيت عمي ابو هيثم والكل مجتمع
جنت لابسه كلابيه ماروني وضربت مكياج خفيف وكبست شعري وعفتو مفتوح بس سحبت خصله من ورا اذني وشديتها
طبخت جدر دولمه اكلة حبيبي المفضله وسوينا شوي ومقبلات
جنت واكفه اشوف الدولمه سمعت هوسه طلعت راسي
شفت بيت عمتي اجو
طلعت اسلم عليهم وصلت يم علي ضل صافن عليه
شلونك علي
ها هلاسدروه شلونج
الحمدالله
مد ايدو اتصافحت معا والضحكه شكت حلكو هههه
بدو الويلاد يشون ونحنا مدينا سفره طويله وخلينا الاكل
وكل اشويه علي يرفع راسو يدحك عليه ويبتسم
واني اخجل امشي
عمر ::سدوره
ها عموري
تعالي اشوي مكاني
اي جيت
رحت وكفت امبدال عمر جان هو وعلي يشون راح عمر
علي همس
شلونج كبدي
زينه وانت
من شفت عيونج صرت زين شنو هذا الجمال
ابتسمت وطلعت الغمازه
فدوه اروح اني سدره ارحمي بحالي جاي اموت انعل ابو الي ماياخذج بهاي السنه
ههه
اي انتي اضحكي واني مشتعل ابو ابويا
علي بس كافي لاحد يسمعنا
ويسمعونا ترى اصيح احبج
ههه لا لا هسا يشونا والله مكان الطلي
هههههه سدوره
ها عيني
دا اشتم ريحه دولمه
اي اني سويت
اويلي اروح فدوه لايدينج باباتي
هههههه اسم الله عيوني
لؤي؛:ها عصافير الحب شكو تضحكون
علي؛:جا الحشري
لؤي؛:ماجاي ع سواد عيونك جاي اخذ شيش
علي؛:امشي ولي ماكو
لؤي ؛:والله اخذ اني اهم شي بطني
لؤي يريد ياخذ شيش وعلي مايقبل اني ميته من الضحك
سدره؛:علي
ها عيني
انطيني شيش
تدللين هاج
علي انطاني شيش وكبل انطيتو ل لؤي
لؤي اخذو وركض
عفيه ب بنت خالي عفيه
سدره؛:هههههه بل عافيه
علي ؛:لا ياخاينه اخذتي من عندي وانطيتي ل لؤي
سدره؛:هههههه خطيه انقهرت على
لؤي؛:اني وابن عمتي ع ابن عمتي
علي ؛:هذا المثل جايبو من جيب جنو مو
لؤي؛:اخخخ ياكلبي قبان جنو ابوها التيس ماقبل تجي معانا
ههههههه
علي ؛:مو هذا عمك ليش تحجي على
لؤي؛:ها اي والله صدك عمي نسيت
ههههههه
لؤي جان اجتماعي لدرجه يحب يضحك ويتشاقه مع الكل ماعندو اذيه ع احد ابد الكل اتحبو
رحت جبت الجدر مال دولمه
بالكم بالكم جيت اني
علي؛:بس دحكو ع ريحة
لؤي ؛:هيا الريحة واحد يدحك عليها لو يشتمها
الكل ::هههههههه
علي ؛:لؤي انلصم
لؤي؛:ههههه صار اخويا
وهاي الدولمه صبيتها
ابو سدره ؛شلون ريحة اتخبل عاشت ايدج بنيتي
سدره؛:وانت العايش باباتي
علي ؛:اخذو اللحم وانطوني الدولمه
اسماء؛:يكولون الي يحب الدولمه يحب مرتو
علي::اي والله اموت ع مرتي
لؤي ؛:ليش هياوينها
الكل؛:ههههههه
عمتي ضربت لؤي ع كتفو
هههه اخخ منك لؤي ومن سؤالفك
لؤي؛:والله احبكم واحب اتشاقه معاكم
كلها تضحك ع سوالف لؤي
مر اسبوع تقريبا جنت كاعده بل حديقه احجي مع علي وسمعت الباب اندك صحت منو سمعت صوت عمه ماريه
علي هذوله اهلك
هههه اي روحي افتحيلهم
ليش ماكتلي
يالا خابرني قزومتي روحي هسا
اوكي باي
سديت من علي وركضت فتحت الباب وبوست عمه ماريه وعمو قصي جان معاهم محمد وزوجتو ميس فدوه اشكد احبها حلوه وكلبها طيب
ام علي ؛:شلونج ماماتي سدوره
الحمدالله عمتي
دخلتهم لاستقبال واهلي طلعو سلمو عليهم بابا جان ب بيت ابو اماني دزيت طارق علي صاحو وجا
رحت جبت ماي وقدمت الهم وعمتي ادحك عليه وتضحك
عمه ليش ماجبتي هدير معاكم
غير مره امي
فات بابا وكامو يسلمون ع بابا وبابا يهلي بيهم
رحت اخذت الكلاصات لمطبخ جت اسراء
وي منو عندكم
بيت عمتي
اخاف جاين يخطبوج
ها لا ماتوقع علي ماكالي
يجوز حب يسويها مفاجئه روحي اكعدي اني اجيب الجاي
اوكي
رحت كعدت معاهم وعمي قصي صار يحجي
التفت عمو عليه
شلونها بنتي سدوره
الحمدالله عمو بخير
ربي يحفظج دكتورتنا
التفت ع بابا وصار يحجي معا
اي اخويا ابو عمر جيتك ب طلب واتمنى ماتردني
بعيوني طلبك اتفضل اخويا
جاين نطلب ايد بنتنا سدره لابنا علي ع سنه الله ورسوله
من شفت عمي كال هيجي متت خجل طلعت كبل من الاستقبال
وكفت ورا الباب
اسراء ؛:ها شكو
طلع صدك جاين يخطبوني
دحكي ماكتلج هاج اخذي الجاي
والله ماخذو استحي روحي انتي
مايصير
ميخالف بيت عمتي مو غربه
اوف منج ماشي
راحت اسو اتودي الجاي وبابا كال
والله ياخويا ابو حمودي سدره بنتي وعلي ابني الله شاهد حالو حال عمر مافديوم فرقت بينهم بس انت تعرف اول شي بنتي بعدها طالبه تدرس ومازوجها ولااخطبها حتى تتخرج
ام علي ؛: ميخالف بس مخطوبين
باابا؛ابنج ينتظر من هينا خمس سنوات
ام علي ؛ها لاوالله اخويا كثر سنه سنه ونص
بابا؛؛شفتي
ابو علي؛؛هيا ولؤي يدرسون سوى شكو بيها
بابا؛:ابو حمودي اني اخاف ع مستقبل بنتي اريدها اتكمل
ام علي؛:بس انت زوجت اسماء وهيا طالبه جانت
بابا؛؛اسماء تختلف جانت معهد سدره هسا تدرس طب تعرفين الطب اشكد يتعب
ام علي ؛:ميخالف يعني اني توم روحك جيتك واطلب منك سدره ماتنطيني هيا
بابا؛:جيتكم ع راسي وانتي اختي ولانج اختي ماراح انطيج بنتي
ابو علي ؛:افتهم من كلامك ماخليت تقدير النا
بابا من كال هيجي متت بدمي من الخوف
بابا؛:نحنا وانتو علاقتنا قويه وانتي اختي ماريه اني اخاف لاباجر انطيج بنتي وياخذها علي وصار زعل بينهم ومشاكل وهذاك الوكت راح اخسرج ماريه راح اتصير مشاكل بينا تعال انت بنتك سوت هيجي وتعال انت ابنك سوى هيجي
ام علي ؛؛والله ماتخسرني اني اختك اضل اختك لايفرقنا لاولد ولامال بعدين انت ليش ماتعرف علي وماتعرفنا همه مره ورجال يتزعلون ويتصالحون بينهم
بابا؛:انتو تعرفوني اني مانطي لاقارب ومن ويلادي جانو صغار جنت
جنت دائما اكول لااحد يجي يدك بابي ع بنت انتو اهلي واحبابي وهذوله مره ورجال الي اتصير بينهم زعل او مشكله وراح اني ادخل وانتي تدخلين وتكبر المشكله وراح تحول اتصير بيني وبينكم خليهم هيجي ويلادنا اخو واصدقاء وبس
ابو علي؛يعني طلبنا مرفوض يابو عمر
انت وطلبك والي جاي معاك ع راسي بس بنتي لاعلي ولاغيرو ماتروح لاقارب
ابو علي ؛:بس انت ماخليت قدر النا
قدرك محفوط يابو حمودي لاتكول هيجي
وضلو يحجون مع بابا ساعه ونص ويقنعون بي واخر شي باابا كال اتركوني افكر
علي
حبي لسدره ماينتهي عشق جبير جان هليوم كعدت الصبح ونزلت ع امي وابويا وصبحت عليهم وصرت احجي معاهم
يابا يوم اريد اطلب منكم طلب
كول
اريد اتزوج
ابو علي::اي شكو بيها حقك بس لاتنسى سدره ماخلصت جامعتها بعد
اهلي جانون كلهم يعرفون بعلاقتنا اني وسدره
ميخالف يابا تجي عندي اتكمل واني ماخلي قصره عليها ان شاء الله
ابو علي ؛ تدلل شنو كلتي ماريه
ام علي؛ اكو احلى منها بنت اخويا اتصير جنتي كلللللششش
هههه امي فرحانه راح اخطب سدره همه حييل يحبون سدره
ابو علي ؛ هاي هيا هليوم اروح اخطبلك هيا وان شاء الله ماتكون الى الك
راحو اهلي واستغربت برجعتهم يكولون خالي دا يفكر ومحمد يكولي خالك معاند ماينطي لاقارب
سدره
راحو بيت عمتي ورحت اركض ب غرفتي وابجي معقوله مااصير لعلي معقوله بابا يعانند وماينطني سمعت موبايلي يدك اخذتو وجاوبت
الو سدوره
هيي هيي
دا تبجين صحيح تحجين
بابا يكول مانطي لاقارب واني ماريد غيرك
سهله سهله كلبي ليش هذا البجي هو مو كال افكر
هو كال هيجي استحى من عمي وعمتي راح يردلكم الخبر سدره اتكول اني احسب علي مثل اخويا او ماريد اتزوج راح تكع الشغله براسي
اي واذا اجي اخطبج مره ومرتين وعشره وميه ع ماتصير بحضني قزومتي
هههه
اي فدوه هيجي اضحكي لاتخافين حبيبي اني ماتخلى عنج اني من حبيتج جنت اعرف ابوج ماينطي بس احب الصعب حتى باجر اخاف افكر ازعلج اتذكر اشكد اتعذبت ع ماخذتج
يعني راح اتزعلني
ههه يبو دا اكول مثل مثل بنتي
اني بنتك
انتي بنتي وحبيبتي وعمري وكلبي وقزومتي
ههههه
بعدين انت ليش ماكلت اهلي راح يحون يخطبونج
والله حبيت افاجئج بس الله يهدي خالي.....
ابويا انطى مهله لبيت عمتي اسبوع المغرب كاعده بغرفتي جا بابا عليه
شلونج باباتي
الحمدالله بابا
بابا انتي سمعتي بيت عمتج رادوج لعلي
نصيت راسي خجلانه
باباتي حياتي والله زواج الاقرباء ماينراد لو حتى هيا عمتج اخت ابوج لو حتي تحسبج مثل بنتها بس مامثل الغريب حدي حدك فهذا بنتي بيت عمتج حرجوني اني راح اكولهم سدره ماموافقه ع علي وتحسبو مثل اخوها واخاف يفتحون الموضوع معاج كوليلهم عمر وعلي واحد
رفعت راسي عيوني غوركت صارلي اشكد اتمني هذا اليوم يعني ليش يكف بطريقي ابويا ليش ليش يخلي ب بالو باجر يصير زعل وعلاقتو تخرب بعمتي والله عمتي حبابه وكلهم زينين ماكدرت احجي بعد طبطب ع كتفي بابا وطلع
افتهم نظراتي بس بابا مايريد واحد من عدنا يتزوج قريب يحب علاقتو اتكون مابيها اي زعل وجة نظرو جانت زواج الاقارب يخرب العلاقه
طلع بابا من الغرفه وتمددت ع التخت وضليت ابجي طكيت بجي معقوله يعني بابا مايقبل اتزوج علي هو علي حباب واكيد ماراح يصير زعل بينا
جت اسراء عليه وشافتني ابجي
وي سدره شبيج
اسو بابا رفض علي
وليش هذا البجي
ولج اموت بدونو والله احبو
ادري حبيبتي اتحبي بس مو لهاي الدرجه
كعدت يمي وحضنتي وتمسد ع شعري
ميخالف حبيبتي الله كريم علي مايتخلى عنج
المشكله ابويا حتى ماعرف شنو قراري وكبل راح يكولهم سدره هيا ماموافقه
وهمه راح يعرفون مو صحيح لان بيت عمتج كلهم يعرفون انتي وعلي صارلكم فوك الخمس سنوات اتحبون بعض
هييي هييي
ولي دكومي شبيج
عوفني اسو فدوه وحدي
هاي موبايلج دا يدك صهيب
مابيا حيييل اجاوبو
منو هذا صهيب
هذا ب كروبنا وصديقنا حييل عمر يعرفو
اها اتذكرت حجيتلي عنو
عوفيني اسو وحدي اريد انام
ماشي حبيبتي
طلعت اسو من الغرفه وصهيب مرتين دك عليه وماجاوبتو اخر شي كلت عيب خلي اجاوبو
الو هلا صهيب
هلا سدره شلونج خمه ازعتج
لااخويا ماكو اي ازعاج
شبيج كن بجيتي صوتج رايح
ماكو شي صهيب وغصيت
ولي شبيج كولي
صهيب ابويا رفض علي
لااا ليش اني اعرف ابوج حييل يحب علي من كلامكم انتي ولؤي
اي صح يحبو بس هو مايقبل يزوجني لاقارب يكول زواج اقارب مو خوش
زين كوليلو اني اريدو
هو اصلا ماخذ رايي كبل كالي من يجون راح اكولهم انتي تحسبين علي مثل اخوج
اي عادي جانت كتيلو اخويا وابويا وحبيبي وصديقي ههه
والله ياصهيب ضحكتني ههه حتي يعدمني
الله يهدي اكولج وعلي شنو يكول
يكول ماتخلى عنج مستحيل يكول اني من سويت علاقه ليش ماجنت اعرف خالي مايقبل ينطي لاقارب بس اني امل بالله عزوجل يقتنع
الحب خخخخ
اشو اخخخ لازم اكو احد
بله سدره سؤال
اي
انتي واماني حييل صديقاات وتعرفين كل اسرارها عندها احد بحياتها
اماني ليش
ها بس دحكي لاتكولين كدامها صهيب جاب طاريج
لاماكول
اكص ايدي اذا بس اسد الموبايل اتخابريها اتكولها صهيب سال عليج ههههه
ههههه لا عادي كول سرك بجيخانه
اي عفيه هههه لا دحكي والله اني اريد ارتبط بيها بس متردد
من اي ناحيه
دحكي اني اشوفها خوش بنت وحبابه ومؤدبه وحلوه بس انتي تعرفيها اكثر مني يعني من بدايه السنه افكر بيها واخاف احد يريدها او اتحب احد
شوف اني اماني اعرفها اكثر من روحي واعرف كلشي عنها وعن اهلها لاماكو احد بحياتها ولاحد من اقاربهم فاتح موضوع بخطبة بس اذا فتحت موضوع معاها ترى اماني لو حتى جانت اتحبك ماراح اتوافق
ليش
يعني اقصد مال تجي اتكولها اني احبج واتزوجج بعد كم سنه او ع مانتخرج ماراح اتوفق اني اكولك همه ماعندهم بنت واتسوي علاقه اهلها مايقبلون هيجي سوالف حتى هيا هم ماتقبل
اي مامشكله اذا هيا موافقه اتقدمها ونمسك عقد ملا ومن نتخرج نتزوج تتوقعين اهلها يوفقون بهيجي شي
والله ماعرف صهيب
زين هيا ماتجيب طاريي كدامج
اممم يعني
شنو يعني
مرات
احم اي شنو اتكول
مره كالتلي
اي دا احجي
كالت اشكد فرحت من الدكتور رزل صهيب ههههه
الله يعينك ياعلي ع هاي المصيبه ههههههه انعديتي من لؤي بس تتقشمرين بعدين وين كن حجى عليه الدكتور
ههههه اي غير اضحكك
لاوالله سدره صحيح
والله مره كالتلي صهيب خوش ولد وحباب
ها
شبيك جمدت هههه
هههه ولاشي
امممم هسا اني اش اسوي
اني ماراح اكولها بس انت شوف نفسك اتحبها واتريدها من كل كلبك وعقلك وبعدين اتقدملها او صارحها بكيفك بس اني اعرف راح اتكولك اذا اتريديني عندي اهل لان اماني جثير صارحوها وجانت ترفض ومره كالتلي اذا وافقت ع شخص راح اكولو عندي اهلي
ماشي الله كريم ديلا خيتي لاتضوجين
ان شاء الله
ديلا مع السلامه
مع السلامه اخويا
سديت من صهيب وتذكرت اماني والله اماني اتحب صهيب هيا جانت دائما اتكولي اتمنى صهيب يصير من نصيبي بس اني ماكلت كدام صهيب هيجي لان يعتبر سر صديقتي وحجيت بي ومايصير افضح سرها
دك موبايلي دحكت علي جاوبتو
الو حبي شلونج
الحمدالله وانت
بخير جنتي مشغوله
اي جنت احجي مع صهيب
اشعندج تحجين مع صهيب
ليش واذا هو زميل معانا بل كلية
سدره نحنا ماعايشين ب اوربا حتي زميل معاج وكاعده تحجين معا بل موبايل صار اشكد ادك عليج ومشغول
ليش انت ماعندك زميلات بل كليه
همه اثنين وحده متزوجه وحده يحبها صديقي وماكعد احجي معاهم عشر ساعات ع كد السلام وبعدين اني ولد
والله حلوه هاي مال الولد لازم كلشي يسوي بس البنت لا مو
اشو انتي تحجين من راس خشمج
انت حجيك ماعرف شلونو يعني انت تعرف صهيب ويجي عندكم ويكعدون ساعات هو ولؤي وجنه نلتم كم مره وانت هم معانا ليش هسا اتكولي هيجي
سدره حجي ماعرف شلونو اني صرت ماعرف احجي بعدين يادكتوره هذاك جان بحكم دراسه ولؤي معاكم ومرات اني معاكم شكو هسا
يعني ماعندك ثقه بيا
ولج باباتي عندي ثقه بيج اكثر من روحي
امبين واضح
اي ديلا دا اجذب عليج وذا شفتج تحجين مع صهيب او تكفين معا او اتسلمين علي اكسر الموبايل وكلية ماكو واني كتلج
لا راح احجي وادوام واكف واسلم وانت مع السلامه ديلا
وسديت الموبايلي
ونفجرت بل بجي ليش هيجي حجيت مع علي هو اعصابو تعبانه واني اعصابي تعبانه
اتندمت ورجعت دكيت عليه ثلاثه مرات ماجاوب اخر شي غلق الموبايلي غطيت راسي واني ابجي ماكل يوم يمر اذا ماسمع صوتو وغزلو شلون زعلتو ياربي هو حقو يغار عليه يبقى بل اخير رجال ومايصير اجاوبو
ايام مرت وعمتي رجعت فتحت الموضوع مع ابويا مره ثانيه وكالها سدره هيا ما موافقه وتحسبو مثل اخوها عمتي طلبت تكعد معايا وحدها جنت بوكتها مريضه وتعبانه وصاير عندي فقر دم من قلت الاكل
سدروه عمه شلونج
الحمدالله عمه
شبيج ليش هيجي ذبلانه
احجي وابجي
مو ابويا خلى الشغله براسي
ليش نحنا مانعرف انتي وعلي اتحبون بعضكم
عمه الله يخليج علي صارلو كم يوم مايحجي معايا وكل ماخابرو يفصلو لو يسد الموبايل
ليش
اني صوجي جاوبتو عرف بيا دا احجي مع صهيب واتعصب عليه والله هو ماكن حذرني من قبل بل عكس جان يشوفني اكف اضحك واسولف معا مايكول شي
ليش اتجاوبي ياامي والله اعصابو تعبانه لان اخويا رفضه يكول اني شكو قصره عليه حتي يرفضني كتلو هو خالك من زمان يكول مانطي لاقارب وبعدين اني راح احجي على كلنا نعرف اخلاق صهيب
اي والله
وصتني اكل ولاانقهر راحت عمتي ضايجه من عدنا وبعد ماراحت بابا سالني شنو كالتلج عمتج كتلو كالت ليش ماتوافقين ع علي واني كتلها حسبت عمر
اي عفيه بابا وانتي ليش مادا تاكلين
بابا والله دا اكل
حجى معايا ع مود اكل وكال لماما اتجيبلي اكل
بابا جان كلش مدللني وشنو جنت اريد واطلب يكول صار قبل اخواني
اول من نزل الموبايل شفته وتخبلت على راح كبل جابلي واحد
ومن نزل الكمبيوتر هم جابلي
دائما يشجعني ويكولي شنو تردين اسويلج بس صيري دكتوره وحققي حلمي
اريد فديوم امشي بل شارع ومكتوب اسمي عندي بنت دكتوره
صح امي جانت هم كلش تحبني وتحترمني ومدللتني
بس حنان بابا جان غير عمره مازعلني ولاضربني وعصب عليه
دائما يكولي انتي رفعة راسي لهذا جنت احب بابا اكثر من كلشي بهاي الدنيا
حتى من صرت بل سادس جابلي كتب بعطله الصيفيه وجاب مدرسين ع بيت يدرسوني
وبل امتحانات نهاية السنه يكعدني ع صلاة الفجر ويكعد يمي وانراجع اني وهو
ويسويلي كهوه ويخليها كدامي
يجيبلي الأشياء الي احبها
كلهم دعموني وساندوني
وياهو الي جان يفوت لبيت شايل بيده شي طيبه يخلي بيدي ويكولي يالا دكتورتنا
دائما بهيحي ضروف يكون الدعم والسند له دور جبير بهذا الشي
ومااوصفلكم شعور بابا من رحت استلم النتيجه وارجف وخايفه والطريق كله هو ماسك ايدي يخفف عني التوتر
من دخلنا لمدرسه والمديره طلعت اسمي واسم اماني وكم طالبه معانا الي طلعنا اول ع مدرستنا
بابا سجد كدام الناس كلها وجان يبجي حضنتا وابجي وابوس بيده وهو هم يبوس بيدي اتشكر من عنده ع كلشي قدمه الي وهو يكولي اني ممنون منج رفعتي راسي....
ومن دخلت 18سنه اخذني ع معارض وكالي اختاري السياره الي تعجبج ولاتفكرين بل سعر مادام رفعتي راسي تستاهلين حبيبي بابا.....
وهم هذا احد الاسباب الي خلته يرفض يزوجني جان يخاف ع مستقبلي.....
اني ماجنت اقبل اكل اسماء جانت عدنا اجت يمي تحجي معايا وهم تنصحني هيا واماني واسو كاعدين
اماني ؛:سدوره شبيج دحكي لان مادا تاكلين وجهج صاير ليمونه
اسماء؛:يعني شلون راح اتموتين روحج من قبل اكثر من خمس سنوات كتلج بابا ماينطي لاقارب وراح تتعبون هو مرتين خطبج وكايلج ماعوفج شكو هيجي شبيج
اسو ؛:اسماء ع كيفج معاها خطيه
اسماء::لااسو اني من زمان كتلها بابا ماينطي لاقارب وراح تتعبون الي تاخذون بعضكم
اماني ؛صحيح كلامها هيا اختارت الصعب خلي تحمل اشويه ترى انتي عبالج ابوج راح يجي يكولج اوكي راح ازوجج علي بس اكلي لاتموتين حبيبتي انتي متاثره بل مسلسلات التركيه بعدين مايجي هذا حبيبج ابو راس ع كولتج ويحجي مع ابوج
سدره؛:عوفوني وحدي
اسماء؛:موتي موتي زين
اماني ؛:انتي ماتعرفين سدره هسا كاعده اتفكر ب سلوى كاعده ومقابله علي وتفكر لايروح يتزوجها
سدره؛:اماني ترى دخت اريد انام
اسو؛:شبيج سدره سدره يمعود غمى عليها هاي
ركضت اسماء اتصيح ع امها وابوها واسو واماني يحاولون يكعدون بيها ماتكعد اخر شي دخل مختار شالها واخذها لمستشفى شكلولها كانونه ومغدي طلع معاها فقر دم ب سبب التغذيه
ساعتين ورجعو ع البيت
امها سوتلها شوربه وكعدت اتوكلها لسدره
اتحبي
ها
اتحبين علي
درت وجهي استحيت من عندها
يعني ليش يرفضو
اني ام واحس بيج وحتى ابوج حاس بيج بس يكول ماريد اقارب وماريد ازوجها هسا سدره ابوج تعب عليج وبيضت عيونو ع مادخلتي كلية الطب مايريد يضيع مستقبلج
بس ماراح يضيع مستقبلي والله ماما علي وبيت عمتي يحبوني كثير والله
الله يكتب بي خير ادعي حياتي
هزيت براسي كملت اكل اخذت موبايلي وشفت رساله من علي مكتوب بيها
ليش موته روحج ع شنو
كبل دكيت جاوبني
ها
هيجي اترد عليه مو اني حبيبتك
حبيبتي ع عيني وراسي بس انتي تعرفين نفسج شلون حجيت معايا هذاك اليوم
اسفه موقصدي اعصابي تعبانه والله
اشش كلبي لاتعتذرين وخليها ب بالج مو علي الي يتخلى عن سدره عرفتي
هههه اي عرفت
شلونج اكلتي
اي اكلت بس مخليه مغذي هسا
ليش لهاي الدرجة
اشويه دوخة والله
راح اجي هسا
لا علي فدوه لاتجي الدنيا ليل والوضع مو امان وانت اعلامي اخاف عليك
لعد شلون كلبي صار نار عليج
ميخالف هسا بوسه انطفي
ههههه اموت ع بوساتج
هههه لاتجي حياتي
ههه ماشي بس لاتسدي ضلي الموبايل مفتوح
ليش تحرمني من صوتك
اخخ ليش يهون عليه اني بس انتي اكولج لاتحجين مع صهيب اتجاوبين عشرين كلمه
والله ضايجه واعرفك انت هم ضايج ب سبب ابويا
ميخالف اتهون خالي كلبو حنون بس صيري زينه واني اجي احجي معا
تحجي معا
اي وليش حتى ماحجي معا
شنو راح اتكوله
اكوله اريد سدره وسدره تريدني خمه شنو
اخاف يعصب ويعند
خلي يعاند ماخذج هسا اخذج بعد عشر سنوات بعد عشرين سنه
ههههه اش يضل بيا
هههه اتضل روحج الحلوه الي حبيتها
اممم علوشتي
قزومتي
احبك
اموت بربج وبرب علوشتج
ههههه علي
ها يابا
سلوى
لاتكملين دا تجي بس اتسلم عليه واني اطلع لغرفتي ماشوفها ومره طلعت عليه فوك جنت قافل الباب مادخلت
وشكو تطلع عليك
سدره اني احجيلج مو حتي تتعاركين حتى لاتسمعين من غيري ولااصير كن غبيت شي عليج
يعني علي اذا اغبي شي عليك ماراح اتسامحني
انتي وذاتج بس ماتوقع كن غبتي شي عليه
غمضت عيوني شلون بيا اذا عرف بابن عمو صارلو سنين يتحارش بيا واني كن غبيت هذا الشي يارب والله تعرف بيا اني حتى لاتصير مشكله غبيت وماواجهت علي
علي عبدالله
