رواية قلب لم يكن بالحسبان الفصل الثالث 3 بقلم جمانه السعيدي
الحجي....رجعت للبيت واني شايل همه الدنيا كله فوك راسي
مااعرف الشي الي سويته صح لو غلط
اني مو بتفكيري الزواج ولا تجي على بالي هاي الفكره
الحمد لله مزوج ومقتنع بزوجتي
وولدي وبناتي كلهم ازوجو
بس شلون بهاي المسكينه
وابوها الضالم الي ما يخاف من الله
لو بس وواحد اي واحد موافق يزوجها
مجان حطيت نفسي بهيج موقف
اني متأكد ام أمير زوجتي مراح توافق و اولادي وبناتي
وخاصه من يعرفون عمر العروسه زغير
راح يكولون ابونا تخبل شلون يريد يزوج طفله مثل هاي
ماادري مدري راح احل مشكلتها
واوكع نفسي بمشكله ماتنحل
مدري رب العالمين راح يسهلها وتنحل من كل الجهات
يارب انت اعلم اني مااريد بس انقذها
ومالي اي نفس بيها
قررت مااحجي الاهلي اي شي لمن اشوف ردت فعل ابوها شنووو ايجوز مايوافق
ليش اسبب النفسي مشكله
جمانه السعيدي
بينت عليه الضوجه اكثر من مره سئلتي ام أمير ليش ضايج
بلبداية مارديت عليها
بس بقت تلح لان اني فعلا مبين على شكلي الهم والضوجه
الحجي...مابيه شي بس شوية مشاكل بلشغل
ام أمير....شنو هاي المشاكل الله يستر
الحجي...الشغلات الي متعودين عليهن كل يوم
لا تشغلين بالج هسه اصير زين
خلص هذا اليوم بااعجوبه حسيته أطول نهار مر عليه
ثاني يوم اول ماطلعت ووصلت للشغل
بس سلمت على العمال وصحت على جاي
مااشوف غير ابو رنا واكف على راسي
ابو رنا...صباح الخير الله يساعدك حجي
الحجي....صباح الخير اهلا وسهلا
ابو رنا....اجيت علمود الموضوع الي حجيت عنه امس
الحجي...ثنيبن جاي يولد اي اسمعك تفضل
ابو رنا...اني موافق وماعندي مانع واتشرف بهذا النسب
انت الي تستاهلها
بس عندي شرط واحد
الحجي.. اي اسمعك
ابو رنا ...بيت بااسمي
الحجي....هههه ضحكتني بيت باسمك
اني راح ازوجك لو ازوج بنتك شنو بيت باسمك
وحتى رنا مراح اسجل بيت باسمها
اني حتى ولدي وبناتي مامسجل شي باسمهم
اله اسجل بيت باسمك انت
اني ماعندي اي طمع بهذا الزواج واصلا مااريد ازوج
بس كاسره خاطري هاي المسكينه
هلكد مجاي تنضرب بيتك
ابو رنا...بكيفك هذا شرطي الوحيد
الحجي....واني ماعندي بيت يسجل باسمك
تكدر تطلب المهر المتعارف علي بين الناس بهذا الوقت
وتاخذه
واني مااريدك تجهز رنا بااي شي اريدها بثوبها
يعني تكدر تاخذ المهر اللك وتنطيني رنا
هذا اخر كلام عندي روح فكر واحجي ويا رنا
ويا زوجتك ورجعلي خبر
واذا ما مقتنع اعتبر طلب الزواج ملغي
اني ماعندي صفقت بيع وشرا
اني رجال اريد اسوي عمل انساني توافق اهلا وسهلا
ماتوأفق الله وياك
ابو رنا...يعني تبخل عليه بيت وانت عندك خير من الله
بيوت مو بيت واحد ...
الحجي....شو انت ما تعرف تحجي جاي تحسب وراي
بيوتي واني حر بيهن
بيت مااسجل لا باسمك ولا بسمها
تاخذ مهر حالك حال الناس وهذا المهر انت حر بي
تريد اجهزها تريد تاخذه تريد تفتح بي مشروع
اللك حرية الرائ
فكر ورجعلي الخبر النهائي
ابو رنا....عبالي مشتريها صدك
الحجي....روح فكر زين بنتك عندك تريد توأفق تريد ترفض
جمانه السعيدي
الحجي...طلع ابو رنا وهو مصدوم
خابت اماله متوقع بس يطلب ياخذ
يريد بيت وبااسمه لو كايل باسم رنا جان كلت يريد
يضمن مستقبلها
بس اني متأكد راح يرجع ووين لاكيها ياخذ المهر كله ويخلي بجيبه
هذا الرجال طماع مستحيل يضيع هيج فرصه من ايده
بعدين هو يعرف كلش زين
محد راح يخطبها منه يعني هاي فرصة العمر بلنسبه اله
بيومها من رجعت بليل قررت افتح الموضوع ويا
ام أمير لازم تعرف اني مااريد مشاكل
ومراح ازوج بدون علمها من حقها تعرف
بعد العشى جابتلي جاي واجت
ابو أمير...سدي باب الغرفه وتعالي اريد احجي وياج بموضوع مهم
ام أمير...خير انشاء الله
الحجي..تعرفين بيت ابو رنا
ام امير .... اي اعرفهم خير شبيهم
الحجي...اني اريد اساعد هاي المسكينه رنا واخلصها من المعامله الزفت الي جاي يعاملها ابوها وزوجته
ام أمير...اي خطيه تكسر الخاطر
الحجي....صار اكثر من شهر واني ادور ابن حلال يزوجها
ويخلصها من هذا الضلم
حتى عرضت عليهم اجهزهم جهاز عرس كامل
بس اي واحد يوافق على هاي الزواجه
بس ولا واحد وافق
كل واحد يعرف ابوها ينسحب
اخر شي قبل يومين من رجعت من الشغل
الجوارين طلعوها من بيت اهلها ملفوفه بطانيه
كاسر ايدها بيومها كلش انقهرت عليها
ام أمير...الله يكسر ايده مجرم ماكو بكلبة ذرة رحمه
الحجي....قررت اني ازوجها واخلصها من ابوها
مو زواج حقيقي بس حتى يكون عدها سكن بعيد عن بيت اهلها وتخلص من شر ابوها
ضربت على صدرها بقوه وكالت
ام أمير...يااا تحجي صدك لو تتشاقا
الحجي...لا احجي صدك ووين تروح هاي المسكينه
ام أمير...تروح الجهنم الحمره عسا ما يموتها
واحنا شنو علاقتنا بلموضوع
انت احن عليها من ابوها ايجوز وكحه ايجوز تجاوز عليهم
ماكو واحد يضرب بته بدون سبب
هو ابوها اعرف بيها بعدين انت شنو خف عقلك
تاخذلك وحده زعطوطه ازغر من بناتك تريد اضحك العالم علينا
الحجي....ماكو غير طريقه عندج حل
ام أمير.. واحنا ليش نفكر بحل رنا من اهلنا
من اقاربنا من عشيرتنا مسؤله منا
احنا مالنا علاقه بيها حتلو تموت هاي مشكلتها هيه وابوها
اذا كل وحده يضربها ابوها تزوجها
مراح نخلص
الحجي... اني قررت وخلص اذا وافقتي او لا
مستحيل انسحب واعوفها
ام أمير...شنو قررت انت تريد تزوج عليه
الحجي....اي ازوجها
ام أمير...لا انت تخبلت
الحجي...احترمي نفسج اني لا مسوي شي عيب ولا حرام
زواج على سنة الله ورسوله
تريدين توافقين اهلا وسهلا باقيه بيتج
ومراح ينقص عليج شي
ما توافقين هم بكيفج
ام أمير.. يعني تاخذها غصبا عليه غير احرك الدنيا
الحجي.. اي تصرف منج يقلل مني كدام الناس
او اي مشكله ما تلومين اله نفسج
توصلج ورقة طلاكج والله ومحمد وياج
مادام انتي كاعده بيتج وماناقص عليج شي
كلامي هو الي يمشي فهمتي لو لا
ومن باجر اني اجمع الولد والبنات واحجي وياهم
بس انطيهم علم مو اخذ رائيهم
كل واحد بيهم أسس حياته وما ناقصه شي
مراح اسمح الاي احد بيهم يدخل بحياتي مفهوم لو لا
انتي بيتج وهيه بيتها
ام أمير...ياا تساويها بيه وتخليها بيت
الحجي....قابل تكعد بلشارع ااكيد يكون عدها بيت
ام أمير....اي بعد وبعد باجر تغيرك اكثر واكثر علينا
الحجي.....محد راح يغيرني عليكم افهمني زين
طلعت ام أمير زعلانه من الغرفه
وبعد مارجعت عليه اني اخذت قرار ومراح أتراجع عنه
هاي البنيه لازم تخلص من ابوها الضالم
نمت بلغرفه وحدي ولله مايهون علبه زعلها
زوجتي وعشرة عمر بس اني مقرر ماانقص عليها شي
ابد
الصبح من كعدت شفتها نزلت من غرفة البنات فوك
ماحجيت وياها لان بس احجي تعاند بزايد
غسلت وطلعت بدون ريوك
اتصلت على أمير يجي للبيت بليل
والبنات هم اتصلت عليهن
بهذا اليوم مااجاني ابو رنا يريد يبين هو رافض
هاي الزواجه حتى يضغط عليه بموضوع البيت
بس اني متأكد راح يوافق على المهر لان راح يخلي بجيبه ومراح يصرف منه ربع على رنا
اجمعو بليل كلهم بس امهم مااجت كعدت ويانا
وحسب نظراتهم اليه افتهمت امهم متصله عليهم
وحجت الهم الموضوع
الحجي.. قبل لا افتح الموضوع اني مجاي اخذ رائيكم
بهذا الموضوع
بس من باب العلم بلشي
اني اربد اساعد هاي المسكينه وانقلها من ضلم ابوها
صار شهر ما بقيت واحد ماعرضت علي يزوجها
واني اشيل تكاليف العرس بس محد قبل
وأمير شاهد على كلامي لان مو بنيتي ازوج ابد
يمكن رب العالنين خلاها بطريقي حتى اساعدها
جمانه السعيدي
أمير....بابا بس
الحجي...قبل لا تكمل كلامك تزوجها انت
أمير... طبعا لا شنو ازوجها
الحجي....قصي بابا تزوجها
قصي.. لا ماازوجها اني احب زوجتي
الحجي. انتن بناتي تسمعني تقبلين ازواججن
يزوجوها
ثنيبن ردن بصوت وواحد ااكيد لا
الحجي....اني راح ازوجها زواج اسمي اني لا اريد ازوج
ولا مفكر بلزواج
بس رب العالمين خلاها بطريقي
من يوم عرس قصي لليوم
وهيه ما تطلع من دماغي بس افكر بيها شلون مضلومه
هذا مو زواج بمعنى زواج
هذا توفير سكن خاص الرنا ومصرف تعيش منه
بعيد عن ابوها
خلص الكلام الي يوافق ويوكف وياي اهلا وسهلا
والي يرفض راح ازوج غصبا عنه
بلتسبه الامكم
راح تبقى هنا معززه مكرمه مراح ينقص عنها اي شي
مثل ماعاشت هاي السنيين كلها
راح تعيش واحسن
هاي هيه خلص كلامي تكدرون تاخذون راحتكم
الحجي.. محد كدر يفتح حلكه بكلمه وحده
بيومها ام أمير بقت فوك بغرفة البنات مانزلت جوه
زعلانه عليه
زوجت قصي نزلت جوه كملت شغل البيت
تعرفون ليش ام أمير ما طلعت من بيتها زعلانه
لان تعرف كلش زين مستحيل راح تلكه دلال وتقدير بااي بيت مثل بيتها
حتلو تروح بيت امير مراح تكدر تعيش بيتهم
عيشتها هنا تختلف
اليوم الثالث بعد ماطلبت ايد رنا للزواج
اول ماوصلت للمحل لكيت ابو رنا ينتظرني
مثل ما توقعت بلضبط
الحجي...السلام عليكم
ابو رنا ...عليكم السلام
الحجي...تفضل اكعد
ابو رنا....شكرا زاد فضلك
الحجي...هااا خير انشاء الله
ابو رنا....خير الي بوجهك اجيت اشوفك
الحجي... اطلع بلمفيد لا اجذب عليه اعرفك كلش زين
ابو رنا.. هااا حجي فكرت
الحجي...بشنو فكرت
ابو رنا...بلبيت ترا انت كريم واحنا نستاهل
الحجي....تحجي صدك اسجل بيت باسمك
ابو رنا...وشنو قيمة البيت انت عندك خير من الله
الحجي....اني بطلت اسحب عرض الزواج
اني هسه لو اطلب بنت الوزير مراح يطلبون بيت باسم ابوها
ابو رنا....انت تعرف وضعنا حيل تعبان
الحجي...واني شكو بوضعك اني طلبت ايد بنتك
تربد توافق تريد ترفض انت حر
ابو رنا...موافق بس المهر عشره مليون
الحجي...قبل شهر زوجت ابني قصي ووحده خريجه
وحسب ونسب وبت ناس
وجابت وياها غراض حمل سياره واهلها جابولها ذهب بكد الذهب الي اشترته من لمهر
اهلها طايرين بينا ما مصدكين
دفعنالها مهر سبع ملايين فقط
هسه اني مراح ارخص بنتك ادفع سبعه مليون
تريد توافق باجر اجيب المهر والشيخ ونكطع مهر
تريد ترفض الله وياك
ابو رنا....سويهن عشره
الحجي...ماكو غير السبعه ولله وياك لان عطلتني
ابو رنا...السبعه كلهن اليه تأخذها بثوبها
وانت اذا تريد اشتريلها ملابس على راحتك
الحجي...موافق بس اني هم عندي شرط
ماتوصل بيتها ولا تجي يمها ولا تشوفها بعينك
هيه اذا حبت اتزوركم اني اجيبها البيتكم
نص ساعه وارجعها
مااريد كل شويه طالع علينا اني اصلا راح ادفع سبع ملايين
بس حتى تخلص منك
هااا موافق شوفنا خير
ابو رنا... هاااا اي موافق
الحجي...باجر بليل نعقد تستلم فلوسك واني اخذ رنا
واطلع
من بعدها تنسى عندك بنيه فهمت لو لا
ابو رنا...ليش ما أخذ الفلوس هسه وباجر العقد
الحجي...لا نعقد واخلي عليك شهود بعدين تستلم فلوسك
فهمت لو لا
ابو رنا....اي فهمت
الحجي....الله وياك وبعد مااريد اشوف وجهك منا الباجر
بليل
ابو رنا....اي هاي هيه
