رواية امرأة في حجر الثعبان الفصل التاسع والثلاثون 39 بقلم رانيا جابر حسن
الحلقة التاسعة والثلاثون..
(رجوع،وندم)
في مكتب مازن..
جاء إليه مروان غاضبا،وجلس علي الكرسي ناظرا إلي الأرض..
مازن:بقلق..مالك يا ابني في إيه!
مروان:بغيظ..اتنقلت الصعيد
مازن:بتعجب..الصعيد مرة واحدة،ليه كده!
مروان:بابتسامة غيظ..جوز قريبتك الديلر بقي
مازن:وهو دخله إيه بكده!
مروان:بابتسامة غيظ..دخله إيه بكده! عايز يزحني من قدامه علشان يشوف شغله براحته
مازن :بضحكة مرتفعة..تصدق احنا أصحاب فقر،واحد يطلق مراته وبيته يتخرب،والتاني يتنقل أخر الدنيا بعيد عن أهله وخطيبته،إيه النحس ده!
مروان:بغيظ..أنت بتضحك!
مازن:امال عايزيني اعيط يعني! ياعم أضحك هي خربت خلاص
مروان:بحزن..علي رأيك هنزعل علي إيه!
مازن :بمزاح..طيب ما تيجي كده نبعد عن بعض شوية يمكن النحس ده يتفك!
مروان :بضحك..عيب عليك يا صاحبي ده احنا النحس نفسه
مازن :تعالي يا فقر نتغدا في أي مطعم انا جعان
مروان :يلا بينا
_______________________
في منزل نافع...
(في غرفة حسن)
تحية:عامل إيه دلوقتي يا حبيبي!
حسن :بخير يا ماما الحمد لله
تحية:يارب علي طول ياابني
حسن :ماما ممكن بقي تشيلي أي كره في قلبك من ناحية جدو،وتبدأي صفحة جديدة معاه!
تحية :مش وقته الكلام ده يا حسن
حسن :لا يا ماما وقته،احنا معملناش قليل في جدو،ومع ذلك جاني لحد المستشفي يطمن عليا،ورجعنا البيت تاني،علي ما أعتقد أن كفاية بقي لحد كده كره
تحية :بتعجب..يعني عايزني اعمل إيه!
حسن :تنزلي تكلمي مع جدو وتقوليله إنك صفيتي ليهم كلهم بما فيهم ملك،وتصالحي بابا كمان
تحية :بغيظ..لا بقي أبوك بالذات مش هكلمه تاني
حسن :بضيق..يعني أنتوا في أوضة واحدة مع بعض ومش بتكلموا بعض ازي يعني!
تحية :اهو كده بقي
حسن:طيب يارب أموت يا ماما علشان ترتاحي
تحية:بفزع..بعد الشر عليك أوع تقول كده تاني
حسن :طيب اعملي اللي قولتلك عليه
تحية :بضيق..حاضر
صعدت تحية إلي الطابق الأرضي،كانوا الجميع يتبادلون الأحاديث..وأخذت تفكر في كلام ولدها..ماذا لو إن الله أخذه منها،فهل كانت الأموال التي تسعي للحصول عليها كانت ستعيده إليها! فعليها أن تنزع الكراهية التي تحملها للعائلة فهم لم يمسوها بسوء،ففي النهاية هي الخاسرة..
تحية:وهي تقبل يد نافع..أنا آسفة ياحاج علي اللي عملته معاك،وبعتذرلكم كلكلم
نافع:قومي يا أم حسن عفا الله عن ما سلف
تحية:ببكاء..يعني ما سامحني ياحاج!
نافع:يابنتي ربنا بيغفر ويسامح،أنا العبد الضعيف مش هسامح!
تحية:أوعدكم كلكم إنكم هتشوفوا واحدة تانية خالص في معاملتها،ومش هزعلكم مني أبدا
عيشه:تعالي يا تحية اقعدي جنبي تعالي
أحمد :ياريت فعلا تتغيري يا أم حسن
هنا :والله يا أم حسن احنا ما بنكرهك، بس أنتي دايما اللي واخده جنب لوحديكي كده،وبتحاسبينا علي كل كلمة حتي لو من غير قصد
تحية :بابتسامة..معلش اديني اتغيرت اهو،مرض ولدي خلاني أعيد تفكير تاني إن كل شيء زايل، ومفيش غير الكلمة الطيبة هي اللي بتفضل
عواطف:ربنا يخليهولك وتفرحي بيه
تحية:يارب
هارون:احنا عايزين بقي نقول لملك تيجي تقعد معانا يومين كده
نافع:سيبها دلوقتي ربنا يقويها علي اللي هي فيه
مصطفى :يارب ياحاج
_______________________
في منزل رياض.. (في المساء )
جاء إليها رياض متبسما..مساء الورد والياسمين علي عيونك
ملك:بعبوس..مساء الخير
رياض:بقلق..مالك في إيه!
ملك:من الصبح وحضرتك بره وأنا مش عارفة عنك حاجة،ممكن تقولي كنت فين!
رياض :بفرح..بتغيري عليا!
ملك:بعصبية..لا طبعا مش مسألة غيرة،بس المفروض يبقي في تقدير واحترام للأباجورة اللي في البيت دي
رياض :بابتسامة مستفزة..هو من ناحية اباجورة فعلا أنتي كده لأنك نورتي حياتي،أما من ناحية إنك مش بتغيري فبطلي عند بقي ومكابرة وقولي أيوه زي ما أنا كمان بغير عليكي كده
ملك:ممكن ترد بقي كنت فين!
رياض :ماشي،كنت ياستي بشوف كام حتة أرض للبني لأني عاوز بفلوس العطارة دي أفتح مصنع صغير كده واشغل الرجالة اللي معايا فيه
تاني حاجة بقي:عايز بالفلوس التانية أعمل المستشفي والملجأ اللي أنتي قولتي عليهم
ملك :بسعادة..بجد يا رياض
رياض :بجد يا روح رياض
ملك:أنا بحبك أوي أوي
رياض :بمزاح..يابنتي اتقلي شوية كده أنا راجل متجوز وبحب مراتي
ملك:بغيظ..نعم!
رياض :بابتسامة..بموت فيكي
ملك :طيب إيه رأيك ننزل نتمشي شوية وناخد خالتو نفسحها معانا
رياض :حاضر،هدخل أخد حمام علي طول،ونروح المكان اللي أنتي عايزاه
ملك:بابتسامة..ماشي هتصل بخالتو أقولها تجهز نفسها
في الشارع..
نادية:ياه كان زمان باجي اتمشي هنا علي الكورنيش جنب النيل أنا والمرحوم كانت احلي أيام
رياض :بمزاح..أنا كمان كنت باجي أنا والبنات اللي بعرفهم هنا أيام الشقاوة بقي
ملك:بابتسامة مستفزة..والله!
رياض :إيه مش مصدقة طيب قوليلها ياست نادية أنتي
نادية:بابتسامة..رياض ألعب غيرها أنا قولت لملك إنك ماكنتش بتحب الستات أصلا ولا ليك في السكة دي خالص
رياض :وهو ينظر إلي ملك بغيظ..وسايباني أعيش وقاعد أقول كل شوية كنت مع فلانة وفلانة وأنتي فقساني بقي
ملك:بضحكة مرتفعة..طبعا يا حبيبي بس ما حبتش أحرجك
رياض :طيب بذمتك شوفتي تاجر مخدرات مؤدب زيي كده مالوش في الحريم!
ملك:بضيق..اسمها تاجر عطارة، مش عايزة اسمع اسم الكلمة دي تاني خالص ماشي!
رياض :ماشي
قدم لهم الرجل المشروبات..اتفضل يا معلم رياض،نورت المكان
رياض :بابتسامة..تسلم ربنا يخليكى
ملك:أنت تعرفه!
رياض :بفخر..جوزك سايب بصمة في كل حتة في مصر
ملك:ماشي يا عم المهم
نادية: بضحك..لا كله كوم وحجاج وهو لابس العباية البيضة والطاقية كوم تاني،أنا مش صدقة عنيا
رياض :بضحك..اسكتي ده كل شوية يقولي يامعلم تفتكر ربنا هيقبل مني!
طيب الأذان بيأذن علي كام!
طيب هو أنا هتبرع بفلوسي كلها زيك!
وأسئلة مابتخلصش،لا واللي يعجبك بقي إنه بياخد أولاده معاه الجامع
ملك:ربنا يهديه ويثبته يارب
نادية :ده كمان سمعت إن أهل الحارة فرحانين بيك أوي يا رياض
رياض :أهل الحارة دول غلابة أوي وطيبين
ملك:فعلا طيبين جدا،ورغم قسوتك يا رياض زمان إلا أنهم كانوا بيحبوك برده!
نادية:لا الشهادة تتقال عمر ما رياض افتري علي حد من الناس دي خالص
رياض :أنا عمري ما افتريت علي حد ضعيف أبدا
نادية :ودي حقيقة فعلا
رياض:أنا هقوم احاسب علشان نمشي
ملك:طيب
-مر أمامهم شابا كان يتابعهم وقال:بابتسامة..علي فكرة ضحكتك حلوة أوي
نادية:أمشي يالا من هنا روح
الشاب:ببرود..طيب نتعرف طيب
نادية:وهي تخلع نعلها..حاضر أنا هقوم أعرفك
الشاب:باستفزاز..أوعي تتهوري!
جاء رياض ورائه قائلا:ومين قالك فعلا إنك هتتعور
الشاب:بارتباك..أنا معملتش حاجة،أنا ماشي في حالي
رياض :مصدقك يا حيلتها
توالت الضربات من قبل رياض علي وجه الشاب،ثم أخرج سلاحه(مسدسه) ووضعه في رأسه وكاد أن يطلق عليه النار،لولا ملك التي صرخت باسمه..
جاء الرجل الذي كان يحاسبه رياض ومعه العمال،قائلا:خلاص سيبه أنت يا معلم واحنا هنتصرف معاه
رياض :بغضب..لو شوفتك صدفة في الطريق ده هدبحك،سمعت
الشاب:وهو يرتجف..حاضر حاضر
رياض :غور
الرجل:بخوف..احنا اسفين علي اللي حصل ده يامعلم
رياض :حصل خير،روح شوف شغلك
بعد مرور الوقت وصلا رياض وزوجته إلي منزلهم..
رياض :بغضب..من النهاردة مفيش خروج تاني في المناطق دي،عايزة تخرجي هيبقي في المطاعم الكبيرة وبس
ملك:بهدوء..أنت ليه ماشي بالمسدس ده علي طول في جيبك!
رياض:وهو يخلع سترته..امال عايزاني اتصرف ازاي مع الأشكال دي
ملك:وعلي كده بقي كل واحد يرخم علينا في الشارع نقتله!
رياض :طالما بصلك ورخم عليك يبقي ياخد علي دماغه طبعا
ملك :امم..تسمح المسدس ده
رياض :بتعجب..ليه!
ملك :من النهاردة مش هتمشي بيه تاني
رياض :لا طبعا مش هينفع،علي الأقل في الفترة دي
ملك :بإصرار..لو مجبتش الزفت ده دلوقتي،هلم هدومي وامشي من هنا
رياض :بغضب..وإيه اللي دخل المسدس في مشيك من البيت يعني!
ملك :بعصبية..فيه إني مش مستغنية عنك،خصوصا إني عارفة إنك متهور ومش بتعمل كنترول علي أعصابك
رياض :أي حد يجي جنبك مش بشوف قدامي وبتجنن
ملك :وهي تفتح يدها..المسدس
رياض :وهو يجز علي أسنانه بغيظ..خلاص سبيه دلوقتي وأوعدك إني مش هستخدمه إلا لو اضطريت لكده
ملك:بعصبية..المسدس
رياض :بغيظ..اتفضلي
ملك:وهي تخرج من الغرفة لتخبئه..احنا نخلص من الحرس يطلعلنا السلاح
رياض :بزفر..استغفر الله العظيم يارب
_________________________
في منزل عبد القادر (في الصباح )
جلست العائلة تحتسي الشاي..
يوسف :وبعدين ياحاج هنحل موضوع الواد مازن ده ازاي!
ليلي:والله بركة إن خلصنا منها البت الملزقة دي
يوسف :يا حاجة احنا معانا ولايا برده مش عايزين نخرب البيت
ليلي:هو كده كده كان هيتخرب بسبب دلعها واستهتارها
عبد القادر :والله يا ابني ما أنا عارف،خايف اضغط عليه إنه يرجعها،وتكون لسه زي ماهي ماتغيرتش
سمر:طيب ما تحاول ياحاج تصلح مابينهم !
عبد القادر :والله يابنتي أنا..
قاطعه صوت الجرس والعاملة تقول..ست هايدي جات يا حاجة
ليلي:بصوت هامس..كنا افتكرنا حاجة حلوة
يوسف :بس يا حاجة مايصحش كده
عبد القادر :تعالي يا بنت اتفضلي
هايدي:بانكسار..سلام عليكم
الجميع:وعليكم السلام ورحمة الله وبركاته
هايدي :ببكاء..شفت يا حاج مازن عمل إيه!
يوسف:بهدوء..أهدي بس كده،احنا فعلا عرفنا اللي حصل مازن حكلنا
هايدي :أنا..
ليلي:وهي تقاطعها..بغضب..أنتي إيه! في واحدة متبقاش عاوزة تخلف من جوزها اللي يتمنالها الرضا ترضي،مش كفاية ياحبة عيني إنه مستحمل دلعك وطلباتك اللي مش بتخلص، وياريت بتعمليله لقمة عليها العين
عبد القادر :أهدي يا حاجة،مالوش لازمة الكلام ده دلوقتي
ليلي:لا ياحاج ليه لازمة،ابني مش وحش معاها علشان تحرمه من الخلفة،زي ما هي من عيلة فاحنا كمان من كبار العائلات يعني مفيش حد أحسن من حد
سمر:يا حاجة دايما في الجواز بتحصل مشاكل كتيرة،ولو كل مشكلة الاتنين اتطلقوا يبقي مفيش حد هيستمر خالص
عبد القادر :أنت جاية لوحدك ليه يابنتي دلوقتي! لو كان علي مؤخرك وحاجاتك فاطمني هتاخديهم احنا مش بناكل حق حد
هايدي :ببكاء..ياعمي أنا بحب مازن،وسيبت أهلي وجيتله رغم اللي عمله فيا،أنا مش قادرة أعيش من غيره فعلا
ليلي:وإيه لازمة إنك ترجعيله وأنت متغيرتيش وزي ما أنتي!
هايدي:والله ياماما هتغير بس مازن مايسبنيش تاني
عبد القادر :بصي يابنتي الجواز ده مسؤولية مش فستان وفرح وخلاص،ولو فاكرة إن جوزك بيحبك وبيعديلك الحاجات اللي بتعمليها فده بيبقي علشان الحياة تمشي ومايخربش بيته بايده،لكن مش كل الحاجات هتعدي
مجيتك هنا لينا ده معناه إنك اتغيرتي فعلا وبتحبي ولدي،وأنا مش هرجعك مكسورة الخاطر
كلم أخوك يا يوسف وقوله أبوك عايزك النهاردة ضروري
يوسف :حاضر يا حاج
ليلي:بطلي عياط يا بنتي،ومتأخذنيش في الكلام اللي قولته،بس أولادي غاليين عليا قوي ومحبش حد يدوسلهم علي طرف
هايدي :أنا عمري ما ازعل منك أبدا يا ماما
سعاد:بابتسامة..تعالي بقي نطلع فوق وأقولك ازاي تتعملي مع جوزك وتحافظي علي بيتك
سمر :خدوني معاكم
سعادة:تعالي،عن اذنكم
ليلي:اتفضلوا
(رجوع،وندم)
في مكتب مازن..
جاء إليه مروان غاضبا،وجلس علي الكرسي ناظرا إلي الأرض..
مازن:بقلق..مالك يا ابني في إيه!
مروان:بغيظ..اتنقلت الصعيد
مازن:بتعجب..الصعيد مرة واحدة،ليه كده!
مروان:بابتسامة غيظ..جوز قريبتك الديلر بقي
مازن:وهو دخله إيه بكده!
مروان:بابتسامة غيظ..دخله إيه بكده! عايز يزحني من قدامه علشان يشوف شغله براحته
مازن :بضحكة مرتفعة..تصدق احنا أصحاب فقر،واحد يطلق مراته وبيته يتخرب،والتاني يتنقل أخر الدنيا بعيد عن أهله وخطيبته،إيه النحس ده!
مروان:بغيظ..أنت بتضحك!
مازن:امال عايزيني اعيط يعني! ياعم أضحك هي خربت خلاص
مروان:بحزن..علي رأيك هنزعل علي إيه!
مازن :بمزاح..طيب ما تيجي كده نبعد عن بعض شوية يمكن النحس ده يتفك!
مروان :بضحك..عيب عليك يا صاحبي ده احنا النحس نفسه
مازن :تعالي يا فقر نتغدا في أي مطعم انا جعان
مروان :يلا بينا
_______________________
في منزل نافع...
(في غرفة حسن)
تحية:عامل إيه دلوقتي يا حبيبي!
حسن :بخير يا ماما الحمد لله
تحية:يارب علي طول ياابني
حسن :ماما ممكن بقي تشيلي أي كره في قلبك من ناحية جدو،وتبدأي صفحة جديدة معاه!
تحية :مش وقته الكلام ده يا حسن
حسن :لا يا ماما وقته،احنا معملناش قليل في جدو،ومع ذلك جاني لحد المستشفي يطمن عليا،ورجعنا البيت تاني،علي ما أعتقد أن كفاية بقي لحد كده كره
تحية :بتعجب..يعني عايزني اعمل إيه!
حسن :تنزلي تكلمي مع جدو وتقوليله إنك صفيتي ليهم كلهم بما فيهم ملك،وتصالحي بابا كمان
تحية :بغيظ..لا بقي أبوك بالذات مش هكلمه تاني
حسن :بضيق..يعني أنتوا في أوضة واحدة مع بعض ومش بتكلموا بعض ازي يعني!
تحية :اهو كده بقي
حسن:طيب يارب أموت يا ماما علشان ترتاحي
تحية:بفزع..بعد الشر عليك أوع تقول كده تاني
حسن :طيب اعملي اللي قولتلك عليه
تحية :بضيق..حاضر
صعدت تحية إلي الطابق الأرضي،كانوا الجميع يتبادلون الأحاديث..وأخذت تفكر في كلام ولدها..ماذا لو إن الله أخذه منها،فهل كانت الأموال التي تسعي للحصول عليها كانت ستعيده إليها! فعليها أن تنزع الكراهية التي تحملها للعائلة فهم لم يمسوها بسوء،ففي النهاية هي الخاسرة..
تحية:وهي تقبل يد نافع..أنا آسفة ياحاج علي اللي عملته معاك،وبعتذرلكم كلكلم
نافع:قومي يا أم حسن عفا الله عن ما سلف
تحية:ببكاء..يعني ما سامحني ياحاج!
نافع:يابنتي ربنا بيغفر ويسامح،أنا العبد الضعيف مش هسامح!
تحية:أوعدكم كلكم إنكم هتشوفوا واحدة تانية خالص في معاملتها،ومش هزعلكم مني أبدا
عيشه:تعالي يا تحية اقعدي جنبي تعالي
أحمد :ياريت فعلا تتغيري يا أم حسن
هنا :والله يا أم حسن احنا ما بنكرهك، بس أنتي دايما اللي واخده جنب لوحديكي كده،وبتحاسبينا علي كل كلمة حتي لو من غير قصد
تحية :بابتسامة..معلش اديني اتغيرت اهو،مرض ولدي خلاني أعيد تفكير تاني إن كل شيء زايل، ومفيش غير الكلمة الطيبة هي اللي بتفضل
عواطف:ربنا يخليهولك وتفرحي بيه
تحية:يارب
هارون:احنا عايزين بقي نقول لملك تيجي تقعد معانا يومين كده
نافع:سيبها دلوقتي ربنا يقويها علي اللي هي فيه
مصطفى :يارب ياحاج
_______________________
في منزل رياض.. (في المساء )
جاء إليها رياض متبسما..مساء الورد والياسمين علي عيونك
ملك:بعبوس..مساء الخير
رياض:بقلق..مالك في إيه!
ملك:من الصبح وحضرتك بره وأنا مش عارفة عنك حاجة،ممكن تقولي كنت فين!
رياض :بفرح..بتغيري عليا!
ملك:بعصبية..لا طبعا مش مسألة غيرة،بس المفروض يبقي في تقدير واحترام للأباجورة اللي في البيت دي
رياض :بابتسامة مستفزة..هو من ناحية اباجورة فعلا أنتي كده لأنك نورتي حياتي،أما من ناحية إنك مش بتغيري فبطلي عند بقي ومكابرة وقولي أيوه زي ما أنا كمان بغير عليكي كده
ملك:ممكن ترد بقي كنت فين!
رياض :ماشي،كنت ياستي بشوف كام حتة أرض للبني لأني عاوز بفلوس العطارة دي أفتح مصنع صغير كده واشغل الرجالة اللي معايا فيه
تاني حاجة بقي:عايز بالفلوس التانية أعمل المستشفي والملجأ اللي أنتي قولتي عليهم
ملك :بسعادة..بجد يا رياض
رياض :بجد يا روح رياض
ملك:أنا بحبك أوي أوي
رياض :بمزاح..يابنتي اتقلي شوية كده أنا راجل متجوز وبحب مراتي
ملك:بغيظ..نعم!
رياض :بابتسامة..بموت فيكي
ملك :طيب إيه رأيك ننزل نتمشي شوية وناخد خالتو نفسحها معانا
رياض :حاضر،هدخل أخد حمام علي طول،ونروح المكان اللي أنتي عايزاه
ملك:بابتسامة..ماشي هتصل بخالتو أقولها تجهز نفسها
في الشارع..
نادية:ياه كان زمان باجي اتمشي هنا علي الكورنيش جنب النيل أنا والمرحوم كانت احلي أيام
رياض :بمزاح..أنا كمان كنت باجي أنا والبنات اللي بعرفهم هنا أيام الشقاوة بقي
ملك:بابتسامة مستفزة..والله!
رياض :إيه مش مصدقة طيب قوليلها ياست نادية أنتي
نادية:بابتسامة..رياض ألعب غيرها أنا قولت لملك إنك ماكنتش بتحب الستات أصلا ولا ليك في السكة دي خالص
رياض :وهو ينظر إلي ملك بغيظ..وسايباني أعيش وقاعد أقول كل شوية كنت مع فلانة وفلانة وأنتي فقساني بقي
ملك:بضحكة مرتفعة..طبعا يا حبيبي بس ما حبتش أحرجك
رياض :طيب بذمتك شوفتي تاجر مخدرات مؤدب زيي كده مالوش في الحريم!
ملك:بضيق..اسمها تاجر عطارة، مش عايزة اسمع اسم الكلمة دي تاني خالص ماشي!
رياض :ماشي
قدم لهم الرجل المشروبات..اتفضل يا معلم رياض،نورت المكان
رياض :بابتسامة..تسلم ربنا يخليكى
ملك:أنت تعرفه!
رياض :بفخر..جوزك سايب بصمة في كل حتة في مصر
ملك:ماشي يا عم المهم
نادية: بضحك..لا كله كوم وحجاج وهو لابس العباية البيضة والطاقية كوم تاني،أنا مش صدقة عنيا
رياض :بضحك..اسكتي ده كل شوية يقولي يامعلم تفتكر ربنا هيقبل مني!
طيب الأذان بيأذن علي كام!
طيب هو أنا هتبرع بفلوسي كلها زيك!
وأسئلة مابتخلصش،لا واللي يعجبك بقي إنه بياخد أولاده معاه الجامع
ملك:ربنا يهديه ويثبته يارب
نادية :ده كمان سمعت إن أهل الحارة فرحانين بيك أوي يا رياض
رياض :أهل الحارة دول غلابة أوي وطيبين
ملك:فعلا طيبين جدا،ورغم قسوتك يا رياض زمان إلا أنهم كانوا بيحبوك برده!
نادية:لا الشهادة تتقال عمر ما رياض افتري علي حد من الناس دي خالص
رياض :أنا عمري ما افتريت علي حد ضعيف أبدا
نادية :ودي حقيقة فعلا
رياض:أنا هقوم احاسب علشان نمشي
ملك:طيب
-مر أمامهم شابا كان يتابعهم وقال:بابتسامة..علي فكرة ضحكتك حلوة أوي
نادية:أمشي يالا من هنا روح
الشاب:ببرود..طيب نتعرف طيب
نادية:وهي تخلع نعلها..حاضر أنا هقوم أعرفك
الشاب:باستفزاز..أوعي تتهوري!
جاء رياض ورائه قائلا:ومين قالك فعلا إنك هتتعور
الشاب:بارتباك..أنا معملتش حاجة،أنا ماشي في حالي
رياض :مصدقك يا حيلتها
توالت الضربات من قبل رياض علي وجه الشاب،ثم أخرج سلاحه(مسدسه) ووضعه في رأسه وكاد أن يطلق عليه النار،لولا ملك التي صرخت باسمه..
جاء الرجل الذي كان يحاسبه رياض ومعه العمال،قائلا:خلاص سيبه أنت يا معلم واحنا هنتصرف معاه
رياض :بغضب..لو شوفتك صدفة في الطريق ده هدبحك،سمعت
الشاب:وهو يرتجف..حاضر حاضر
رياض :غور
الرجل:بخوف..احنا اسفين علي اللي حصل ده يامعلم
رياض :حصل خير،روح شوف شغلك
بعد مرور الوقت وصلا رياض وزوجته إلي منزلهم..
رياض :بغضب..من النهاردة مفيش خروج تاني في المناطق دي،عايزة تخرجي هيبقي في المطاعم الكبيرة وبس
ملك:بهدوء..أنت ليه ماشي بالمسدس ده علي طول في جيبك!
رياض:وهو يخلع سترته..امال عايزاني اتصرف ازاي مع الأشكال دي
ملك:وعلي كده بقي كل واحد يرخم علينا في الشارع نقتله!
رياض :طالما بصلك ورخم عليك يبقي ياخد علي دماغه طبعا
ملك :امم..تسمح المسدس ده
رياض :بتعجب..ليه!
ملك :من النهاردة مش هتمشي بيه تاني
رياض :لا طبعا مش هينفع،علي الأقل في الفترة دي
ملك :بإصرار..لو مجبتش الزفت ده دلوقتي،هلم هدومي وامشي من هنا
رياض :بغضب..وإيه اللي دخل المسدس في مشيك من البيت يعني!
ملك :بعصبية..فيه إني مش مستغنية عنك،خصوصا إني عارفة إنك متهور ومش بتعمل كنترول علي أعصابك
رياض :أي حد يجي جنبك مش بشوف قدامي وبتجنن
ملك :وهي تفتح يدها..المسدس
رياض :وهو يجز علي أسنانه بغيظ..خلاص سبيه دلوقتي وأوعدك إني مش هستخدمه إلا لو اضطريت لكده
ملك:بعصبية..المسدس
رياض :بغيظ..اتفضلي
ملك:وهي تخرج من الغرفة لتخبئه..احنا نخلص من الحرس يطلعلنا السلاح
رياض :بزفر..استغفر الله العظيم يارب
_________________________
في منزل عبد القادر (في الصباح )
جلست العائلة تحتسي الشاي..
يوسف :وبعدين ياحاج هنحل موضوع الواد مازن ده ازاي!
ليلي:والله بركة إن خلصنا منها البت الملزقة دي
يوسف :يا حاجة احنا معانا ولايا برده مش عايزين نخرب البيت
ليلي:هو كده كده كان هيتخرب بسبب دلعها واستهتارها
عبد القادر :والله يا ابني ما أنا عارف،خايف اضغط عليه إنه يرجعها،وتكون لسه زي ماهي ماتغيرتش
سمر:طيب ما تحاول ياحاج تصلح مابينهم !
عبد القادر :والله يابنتي أنا..
قاطعه صوت الجرس والعاملة تقول..ست هايدي جات يا حاجة
ليلي:بصوت هامس..كنا افتكرنا حاجة حلوة
يوسف :بس يا حاجة مايصحش كده
عبد القادر :تعالي يا بنت اتفضلي
هايدي:بانكسار..سلام عليكم
الجميع:وعليكم السلام ورحمة الله وبركاته
هايدي :ببكاء..شفت يا حاج مازن عمل إيه!
يوسف:بهدوء..أهدي بس كده،احنا فعلا عرفنا اللي حصل مازن حكلنا
هايدي :أنا..
ليلي:وهي تقاطعها..بغضب..أنتي إيه! في واحدة متبقاش عاوزة تخلف من جوزها اللي يتمنالها الرضا ترضي،مش كفاية ياحبة عيني إنه مستحمل دلعك وطلباتك اللي مش بتخلص، وياريت بتعمليله لقمة عليها العين
عبد القادر :أهدي يا حاجة،مالوش لازمة الكلام ده دلوقتي
ليلي:لا ياحاج ليه لازمة،ابني مش وحش معاها علشان تحرمه من الخلفة،زي ما هي من عيلة فاحنا كمان من كبار العائلات يعني مفيش حد أحسن من حد
سمر:يا حاجة دايما في الجواز بتحصل مشاكل كتيرة،ولو كل مشكلة الاتنين اتطلقوا يبقي مفيش حد هيستمر خالص
عبد القادر :أنت جاية لوحدك ليه يابنتي دلوقتي! لو كان علي مؤخرك وحاجاتك فاطمني هتاخديهم احنا مش بناكل حق حد
هايدي :ببكاء..ياعمي أنا بحب مازن،وسيبت أهلي وجيتله رغم اللي عمله فيا،أنا مش قادرة أعيش من غيره فعلا
ليلي:وإيه لازمة إنك ترجعيله وأنت متغيرتيش وزي ما أنتي!
هايدي:والله ياماما هتغير بس مازن مايسبنيش تاني
عبد القادر :بصي يابنتي الجواز ده مسؤولية مش فستان وفرح وخلاص،ولو فاكرة إن جوزك بيحبك وبيعديلك الحاجات اللي بتعمليها فده بيبقي علشان الحياة تمشي ومايخربش بيته بايده،لكن مش كل الحاجات هتعدي
مجيتك هنا لينا ده معناه إنك اتغيرتي فعلا وبتحبي ولدي،وأنا مش هرجعك مكسورة الخاطر
كلم أخوك يا يوسف وقوله أبوك عايزك النهاردة ضروري
يوسف :حاضر يا حاج
ليلي:بطلي عياط يا بنتي،ومتأخذنيش في الكلام اللي قولته،بس أولادي غاليين عليا قوي ومحبش حد يدوسلهم علي طرف
هايدي :أنا عمري ما ازعل منك أبدا يا ماما
سعاد:بابتسامة..تعالي بقي نطلع فوق وأقولك ازاي تتعملي مع جوزك وتحافظي علي بيتك
سمر :خدوني معاكم
سعادة:تعالي،عن اذنكم
ليلي:اتفضلوا
