رواية امرأة في حجر الثعبان الفصل الثامن والثلاثون 38 بقلم رانيا جابر حسن

رواية امرأة في حجر الثعبان الفصل الثامن والثلاثون 38 بقلم رانيا جابر حسن

لحلقة الثامنة والثلاثون..
(تحديد مصير)
ملك :مش قولتلك هخلي أيامك كلها سعادة زي ما فرحتني
رياض :وهو يقبل يدها..بحبك أوي أوي
ملك:وأنا..
قاطعها جرس المنزل وهو يطرق بشدة..
رياض :بضجر..ده وقته برده يا اغبية
ملك:شوف مين يمكن في حاجة مهمة
رياض :بغضب..ده أنا هطين عيشتهم علي قلة الراحة اللي أنا فيها دي
ذهب رياض ينظر من النافذة،قائلا :ده الجماعة وصلوا
ملك:بقلق..جماعة وصلوا! يبقي أكيد في حاجة حصلت
رياض :بغيظ..أنا اصلا فقري مش مكتوب عليا اسمع كلمة بحبك منك خالص
ملك:بابتسامة..الجايات أكتر
رياض :طيب ادخلي غيري وتعالي
ملك:طيب
رياض :أهلا ياحاج اتفضلوا
نافع:سلام عليكم
رياض :وعليكم السلام،اتفضلوا
عبد القادر :بابتسامة..كيفك ياولدي!
رياض :بخير يا حاج الحمد لله
نافع:بضيق..امال ملك فين عاد!
رياض :جاية حالا
ملك:بابتسامة..أنا جيت اهو ياجدو
نافع:ازيك يابنتي عامله إيه!
ملك:وهي تقبل يده..بخير طول ما أنت بخير
أحمد :بانكسار..ازيك يا بنت أخويا!
ملك:بابتسامة..الله يسلمك يا عمي
أحمد :سامحيني يا ملك علي اللي عملته معاكي،أنا..
ملك:وهي تقاطعه..محصلش حاجة يا عمي،أنت نورتنا النهاردة
أحمد :بابتسامة..تعالي في حضني يا بنت الغالي
هارون:وحشتيني قوي قوي ياست البنات
ملك:وهي تحتضنه..وأنت كمان ياجدو
نافع:اقعدي يا ملك علشان تسمعي الكلمتين دول
ملك:هروح طيب اجبلكم حاجة تشربوها
رياض :لا حطي الأكل الأول بقي
نافع :لا احنا جايين في كلمتين وماشيين علي طول
نظرت ملك إلي رياض في قلق..قائلة :خير ياجدو!
نافع :بص يا رياض من غير شوشرة كده،زي ما دخلنا بالمعروف نخرج بالمعروف
رياض :بذهول..نعم!
مازن:نعم الله عليك،طلق ملك وكل واحد يروح لحاله
نظر رياض إلي ملك التي اتسعت عينيه من المفاجأة،والتفت بنظره إلي مازن..وإيه اللي حصل مني علشان أطلقها!
نافع :بضيق..مش عيب أما تكدب علينا وتقول إنك شغال في التجارة،وأنت بتاجر في المخدرات!
رياض :وقلبه ينبض بقوة من أثر المفاجأة،لكنه ظل متماسكا..ياعمي أنا..
نافع:وهو يقاطعه..بص يا بني أنا مش جاي أحاسبك أنت حر في اللي بتعمله،احنا جايين ناخد بنتنا ونمشي ويادار ما دخلك شر
رياض :بعند..بس أنا مش هطلق ملك
مازن:بعصبية واشمئزاز..واحنا مش هنتحايل عليك،أنا هرفع عليك قضية خلع وهنكسبها،بس هيبقي عيب في حقك أوي أما ست تخلعك
رياض :بتحذير..ياريت تتكلم معايا بأسلوب أحسن من كده، ومن غير غلط
مازن :باستفزاز..أنا بتكلم كويس،مش ذنبي إنك تاجر مخدرات جاهل،بتفهم الكلام علي إنه شتيمة
رياض: وهو يمتص غضبه..تكرم علشان ملك
مازن:أنا..
يوسف:وهو يقاطعه..اسكت خالص يا مازن،وسيب الكبار يتكلموا
أحمد :بص أنا معرفكش ولا عمري قابلتك،بس واضح إنك بني آدم كويس وهتخلص الموضوع ده في هدوء ومن غير مشاكل
رياض :أنا بحب ملك ومش عايز أطلقها،الطلاق مش بالعافية!
حمزة:عندنا احنا بالعافية، ولو كنت متحامي في رجالتك،فأحنا كمان عندنا رجالة تحتار في عددها
رياض:بثقة..مبدئيا بس كده أنا مبخافش من حد،وحط تحت مبخافش دي ألف خط،أنا لو كنت بتكلم معاكم بصوت واطي رغم عصبيتكم عليا،وده لأني بحب مراتي،وبحب أي حد من عندها يعني مش حكاية خوف ولا حاجة.تاني حاجة بقي:افرض فعلا إني بتاجر في المخدرات أنتوا إيه اللي مزعلكم طالما بنتكم راضية وساكتة!
حمزة :بسخرية..راضية علشان خايفة منك ومن جبروتك يا سيادة الديلر
عبد القادر :بضيق..بس ياواد منك ليه خلينا نخلص الموضوع ده عاد،قولت إيه يا رياض!
رياض :بابتسامة ساخرة..قولت إيه في إيه! عايزني أطلق مراتي اللي بحبها ده يرضي مين بس!
نافع:بغضب..احنا مش هنتحايل عليك كتير احنا ناخد بنتنا ونمشي وأنت اللي هتاجي لحد عندنا وساعتها نبقي نشوف بقي الموضوع ده،يلا يا ملك ادخلي لمي هدومك وتعالي معانا
كانت ملك تنظر إلي ما يحدث في ذهول،فهل بعد ما حصلت علي ما تريد وهو تغيير رياض لإنسان سويا،هل ستتركه وتذهب!
أحمد :قومي يا ملك
ملك:بابتسامة..أقوم علي فين يا عمي!
مصطفي:تقومي تروحي بيتك معانا
ملك:بس بيتي هو اللي فيه جوزي
نافع :بعصبية..يعني إيه! هتقعدي معاه بعد ما عرفتي إنه بيتاجر في الحرام!
مازن:لا وكمان بيقتل يا حاج
رياض :نظر إليه رياض بغضب،ولكنه استطاع إن يمتص غضبه إكراما لزوجته
ملك :فعلا يا جدو رياض كان بيتاجر في المخدرات،وأول ما اتجوزته صارحني بكده،وبعدين أتغير علشاني وساب الشغل ده وبقي بيصلي كل وقت بوقته في الجامع،تفتكر يا جدو لو مشيت وسيبته في الوقت ده هيقدر يكمل في طريق التوبة ده،ولا هيرجع أسوء من الأول أما يحس إني خذلته وسيبته لوحده!
مازن:بعصبية..ده بيضحك عليك
ملك:بابتسامة والدموع تتساقط من عينيه بانتظام..رياض وعدني وأنا واثقه إنه عمره ما بيرجع في كلمة قالها
مازن:بابتسامة ساخرة..ده علي أساس إنه مش هيستلم شحنة مخدرات جديدة بعد أسبوع!
نظرت ملك إلي رياض في تساؤل،ولكن رياض نظر لها نظرة تنفي ما يقوله مازن..
رياض :بغضب..مين قالك كده!
مازن:بابتسامة مستفزة..الظابط اللي بيراقبك علي طول ده صاحبي،وهو كمان نفس الشخص اللي واقفك يا ملك امبارح في المول،علشان كان عايزك تساعديه في القبض علي البيه ده
رياض :باستغراب.ما قولتليش ليه علي الموضوع ده!
ملك:بارتباك..أنا ماعرفش إنه ظابط،ده كان بيقولي عايزك في حاجة مهمة،وبعدين خالتو زعقتله ومشينا
رياض:وهو ينظر إلي الأرض ويعض علي شفتيه بغيظ
نافع :يعني افهم من كلامك ده إيه!
ملك:وهي تجلس أمام جدها وتبكي..قولي يا جدو أما واحد يعيط في صلاته ويدعي ربنا إنه مايرجعش للحرام تاني،وهيتبرع بفلوسه كلها للفقرا ده اسمه إيه!
مازن:باستفزاز..اسمه دموع تماسيح،وضحك علي الدقون
رياض :بهدوء،وهو يقوم من جلسته..أنا مقدر عصبيتك دي أنا لو مكانك هعمل أكتر من كده،ملك أنا كنت قبل كده لو حتي هي قالتلي مش عايزاك مكنتش خدت كلامها في الاعتبار،بس دلوقتي أنا اللي بقولها لو عايزة تمشي معاكم تروح وورقتها هتوصلها،وهبقي بموت وأنا بمضي علي قسيمة طلاقها،وهي عارفة كويس إني ماحبتش ولا هحب حد غيرها
ملك:وهي تنظر إليه وتحدث نفسها بحزن..وإن أحزنوك أخبرني لأكون لك فرحا،وإن لم أستطع فسأكون لك عينا أخري تبكي معك
رياض:وهو يحبس دموعه من السقوط..أنا هسيبك معاهم علشان وجودي ما يأثرش عليكي
ملك:وهي تنظر إلي جدها ببكاء..ها ياجدو أمشي معاك وأطلع مش أصيلة وأسيب جوزي في الظروف دي،ولا أقعد معاه وأعينه علي نفسه وشيطانه علشان ما يرجعش تاني للطريق ده!
نافع :وهو ينظر إلي الأرض دون إجابة..
هارون :بتحبيه وعايزاه يا ملك!
ملك:والدموع تبلل ملابسها..ماشوفتش منه حاجة وحشة علشان أكرهه يا جدو،أنا بعد موت بابا ماشوفتش حنية من حد غير خالتو،تعبت أوي ماكنش فيه حد بيصرف عليا إلا هي ومعاش بابا اللي ماكنش بيكفي اجيب لبس جديد زي أصحابي،حتي الشغل اللي أنا كنت فيه كان المدير مفكرنا عبيد عنده،ملقتش غير 'رياض' هو اللي فتحلي قلبه وحبني بجد،استحمل مني التريقه عليه وكلامي اللي زي الرصاص علي إنه مش بني آدم وإن الحيوان أفضل منه،وعلي ده كله أما طلبت منه إنه يسيب الشغلانة دي مترددش ثانية وعمل كده.أنا ملقتش المعاملة دي من عمي اللي طردني في نص الليل وكلاب السكك ملية الشوارع،أنا آسفة ياعمي إني بقول كده،بس تاجر المخدرات بيخاف عليا أكتر من نفسه،أما في يوم قولتله هقتلك قالي هبقي سعيد وأنا بموت علي ايديكي.تفتكروا بعد ده كله اتخلي عنه وأسيبه!
مازن :وهو ينظر إليها ويحدث نفسه..بعض العيون تنظر إليها وتقول:بأي ذنب خذلت
هارون:ببكاء..طيب بطلي عياط دموعك بتقطع فيا
ملك:وهي ترتمي في أحضانه..أنا آسفة ياجدو
عبد القادر:أنا شايف ياحاج نافع إنها تفضل مع جوزها،وفي حكمة بتقول:من سار بين الناس جابرا للخواطر،أدركته العناية ولو كان في جوف المخاطر
نافع:اللي هي عايزاه هنفذه
ملك:وهي تقبل يده..لا يا جدو اللي أنت عايزه أنا هعمله
يوسف:بإعجاب.. ياحاج محمد عرف يربي،ما شاء الله،بنت عارفه وفاهمة يعني إيه حياة زوجية ومسؤولية،وهي أدري بحالها
نافع :وهو يمسح دموعها..اللي يخليكي تنزلي كل الدموع دي من عينك علشانه،يبقي أكيد يستاهل إنك تكملي معاه
ملك:يستاهل والله ياجدو
نافع :بابتسامة..ربنا يسعدكم
هارون :طيب روحي اندهيله علشان نطيب خاطره بكلمتين قبل ما نمشي
ملك:سيبه ياجدو دلوقتي هو أكيد مش هيزعل منكم
نافع:طيب يلا بينا يا جماعة
ملك:ما لسه بدري ياجدو
نافع :معلش يا بنتي علشان نلحق نروح
أحمد :حقك عليا يا ملك متزعليش مني
ملك:بابتسامة..عمري ما أزعل منك ياعمو،وابقي سلميلي علي طنط تحية،وحسن،ربنا يتم شفاه علي خير
أحمد :بتعجب..أنتي عرفتي منين إن حسن عيان!
ملك:تيته قالتلي في التليفون
أحمد :مسامحاه يا ملك!
ملك:وهي تومأ برأسها..اه
مازن:أنا أسف علي انفعالي بس..
ملك:وهي تقاطعه بابتسامة..حصل خير
هارون:عايزة حاجة يا عيون جدك!
ملك :ربنا يخليكي ليا يارب ياجدو
نافع:سلام عليكم
ملك:وعليكم السلام ورحمة الله وبركاته
_________________________
أخذ رياض حجاج وذهبوا إلي الفيلا..
حجاج:بقلق..مالك يا رياض في إيه!
رياض :بحزن..أهل ملك جم ياخدوها وعايزني أطلقها
حجاج:بعصبية..هي سايبة ولا إيه! وهي رأيها إيه!
رياض :أنا سبتهم ونزلت علشان متتضعفش قدامي
حجاج:بفرح..يا أخي متزعلش المره اللي تسيبك مايتزعلش عليها
رياض :بغضب..أنت إيه يا اخي ما بتحسش!بقولك بحبها بحبها
حجاج:بلين..خلاص أهدي بس أهدي
رياض :وهو يسند رأسه إلي الكرسي،وعينيه تلمع بالدموع..هروح البيت مش هلاقيها،كانت بتحفظني القرآن،وبتعلمني الكتابة،كنا بنصحي الفجر سوا علشان نصلي ونتسابق مين هايصحي الأول،كانت الحاجة الحلوة اللي في حياتي
حجاج:أنت حاسس بايه دلوقتي!
رياض :لأول مرة أحس بخوف
حجاج:من مين!
رياض :خوف عليها،أول مرة يبقي عندي نقطة ضعف
حجاج:هتنساها يامعلم
رياض :أبقي كداب لو قولت كده
حجاج :طيب مش يمكن ترجعوا تاني!
رياض :معرفش ظروفها هتبقي إيه
حجاج :ببكاء..روحلها يامعلم،أنا يصعب عليا أشوفك كده
رياض :وهو يتظاهر القوة..كفاية كلام في الموضوع ده،اتصل بحبايبنا الكبار وقولهم عايزهم ضروري
حجاج :وهو يمسح دموعه..ليه خير!
رياض :بغيظ..الواد الظابط ده لازم يتعلم الأدب
حجاج :حاضر
-ولم الوجع غلب الجدع عيط بدل الدموع جبروت..
___________________________
صعد الرجال إلي السيارات وانطلقوا،في سيارة يوسف، كان يجلس عبد القادر ويوسف ومازن وحمزة..
حمزة:عاجبني أوي موقف ملك هي دي الستات الأصيلة فعلا
يوسف:ربنا يكملها بعقلها
مازن :بتحسر..كان نفسي أخد واحدة زيها كده،بحنيتها وطبيعتها الهادية الجميلة دي
عبد القادر :مراتك عامله إيه يا مازن!
مازن:أنا طلقتها
عبد القادر :بذهول..يخربيت عقلك أنت اتجننت!
يوسف :أنت بتقول إيه!
مازن:بقول اللي سمعته يا يوسف أنا طلقتها وخلصت منها
عبد القادر :بغضب..ومالكش كبير تاخد رأيه ياواد أنت!ولا خلاص عيشتك في مصر هتنسيك الأصول!
مازن:بانكسار..ياحاج كنت عايزني اعمل إيه وهي بتاخد البرشام علشان متخلفش مني!
حمزة:بغضب..دي عايزة كسر رقبتها طبعا
يوسف:بتوبيخ..يا أخي خليك محضر خير شوية
عبد القادر :استغفر الله العظيم،احنا ناقصين مشاكل
مازن:ياحاج أنا استحملت كتير منها بس خلاص بقي فاض بيا،غالبا موقف واحد بيخليك تحط نقطة نهاية لأي شخص مهما كان
حمزة:جدع ياواد يا مازن خلي قلبك جامد كده،ومتخليش العاطفة هي اللي تقودك
عبد القادر :اكتم خالص أنت، أما نشوف الموضوع ده هيتحل ازاي هو كمان
________________________
جاء رياض ودخل منزله وهو يظن بأن زوجته قد تركت له المنزل وسافرت مع أهلها،دخل غرفته وكانت ملك تتواري في الغرفة المقابلة له،وكانت قد وضعت الهدايا التي جلبتها له علي
الفراش..أخذ رياض ينظر إلي الهدايا ويبكي قائلا :
لسه بحبك أوي يا ملك،واتمنى إنك تحتاجيني علشان أشوفك،بس يرجع وأقول ربنا ما يحوجك لحد
اه من الشوق لو تعرفيه ياملك!!
بس أظاهر إن العشاق كالفقراء أحلامهم ما بتتحققش.
مهما هشوف واقابل ناس هتفضلي أنتي القشة اللي جات علشان تنجيني من اللي أنا فيه
كان نفسي احضنك قبل ما تمشي،أنا لو كنت أخدت منك حضن كنت هبقي كده خدت حظي من الدنيا
ثم صرخ بكل قواه..ملك
جاءت إليه وهي تبكي..مقدرتش اسيبك وامشي
رياض :وهو يقوم من علي الفراش وينظر إليها بعدم تصديق..أنتي ماسافرتيش معاهم!
ملك:وهي تهز رأسها بالنفي..لا
رياض :أنا حاسس إني بحلم صح!
ملك:أنت عملتلي إيه خلتني أحبك كده!
رياض :أنتي اللي عملتيلي إيه خليتي حالي متشقلب كده! دايما كنتي أنتي مصدر الخوف بالنسبالي، الخوف عليكي،الخوف تضيعي مني،الخوف إني ازعلك غصب عني
ملك :عارف!
رياض :إيه!
ملك:أنا جمعت كل الأسباب اللي تخليني أكرهك وفشلت
رياض :كنت خايف إنك تفرقيني،وحاسس إني هموت!
ملك:من الصعب إن تفارق من كان جزءا لك دون أن تتألم،حتي الورق إن فارق كتابه أحدث صوت
رياض :جه في باللي إنهم هيأثروا عليكي وياخدوكي معاهم
ملك:أنا خلاص أحطت نفسي بجدار لا أدعوا أحد إلي داخله،ولا أريد الخروج منه
رياض :والله العظيم بحبك أوي
ملك :بابتسامة حزينة..يانصي التاني علي الأرض وجودك جنبي أصبح فرض
رياض :طيب كفاية حزن بقي وبطلي عياط
ملك:والله مش بحب الحزن، بس يبدو كده إنه متيم بيا
رياض :وهو يقبل يدها..ربنا يخليكي ليا يارب
ملك:ويخليك ليا،تعالي نأكل لأني هموت من الجوع
رياض :بعد الشر عليكي من الموت
______________________
مر يومين علي ما حدث،وفي الصباح..
في مكتب مروان..
دخل العسكري ليبلغ مروان إن رياض يريد مقابلته..
مروان:بتعجب..بتقول مين!
العسكري:رياض سليم يافندم
مروان:خليه يدخل أما نشوف عايز إيه!
دخل رياض عليه مبتسما وهو يقول:قالولي إن حضرتك عايزيني وقال إيه بتراقبني فأنا قولت ميصحش استني لحد ما تاجي واجيلك أنا
مروان :بابتسامة مستفزة..دي حقيقة أنا فعلا عايزك،بس مش لوحدك أنت والمخدرات
رياض :بضحكة ساخرة..والله يا باشا أنت دمك شربات،وعندك طموح عالية ما شاء الله
مروان :بثقة..قريب أوي هتتحقق
رياض :بابتسامة مستفزة..والله أنا أتمني
مروان :مش هتقولي بقي سر الزيارة المفاجأة دي إيه!
رياض :وهو يشعل سيجارته،ويلتفت بنظره إلي أركان المكتب..حلو مكتبك أوي،بس يا خسارة..
مروان :بعدم فهم..ياريت تدخل في الموضوع علي طول
رياض :بغضب..ماشي،بص يا باشا حضرتك تراقبني ميجراش حاجة لأنك في الآخر مش هتوصل للي أنت عايزه،بس أنا سايبك براحتك،لكن تراقب مراتي وتوقفها وعايز تكلمها،هنا يبقي اتعديت حدودك،وازعل منك أوي
مروان :باستفزاز..طيب ما تزعل اعملك إيه!
رياض :بابتسامة مستفزة..لا ده أنا اللي هعمل مش أنت
مروان :بابتسامة مستفزة..طيب وريني كده
رياض :بثقة وتحدي..رياض سليم،عمره ما خاف من حد مهما كان،أنا كنت قادر ادخل خطيبتك في الحوار زي ما دخلت مراتي،بس أنا راجل مبدخلش الحريم في حساباتي
مروان :بثقة..تعرف إن أنا ممكن اجبلك جواب اعتقال دلوقتي !
رياض :بلامبالاة..ومالو يا باشا أنا راجل بحترم القانون وبنفذه
مروان :بغيظ..واضح واضح،طيب خلصت كلامك علشان بس مش فاضي ورايا شغل
رياض :وهو يرفع حاجبه ويضع ساق فوق الأخري..اسمعني كويس أنت كان اخرك معايا رصاصة وهدية كمان مش هدفع فيها حاجة،بس أنا عهدت ربنا إني مش هرجع للطريق ده تاني،أنا اكتفيت بقرصة ودن صغيرة ليك،وحط كمان في اعتبارك إني مرضتش اقعدك في البيت زي الولاية،قولت أطلع أنا الكبير برده
مروان :بعصبية،وهو يقوم من مجلسه..أنت أزاي تكلم معايا كده! هي حصلت إنك تهددني في مكتبي
رياض :ببرود..أقعد يا باشا،أنت قاطعتني في الكلام قبل ما أقولك إنك انتقلت في الصعيد،أنا أول ما عرفت حبيت ابلغك بنفسي
مروان:وهو يجلس مندهشا من ما سمعه..أنت بتقول إيه!
رياض :بابتسامة مستفزة..حلوة الصعيد هناك القتل كتير عندهم يعني هتسلي نفسك بدل ما أنت مراقبني أنا بس
مروان:وتفتكر إني هسيبك!
رياض :وهو يقوم من مجلسه،بغضب وتحذير..صدقني لو اعترضت طريقي تاني مش هتردد ثانية في قتلك،سلام يا مروان..بيه
_________________

التاسع والثلاثون من هنا 

تعديل المقال