رواية امرأة في حجر الثعبان الفصل الخامس والثلاثون 35 بقلم رانيا جابر حسن
الحلقة الخامسة والثلاثون..
(تغيير)
وصل 'رياض،وملك' إلي الحارة..(أمام منزله)
رياض :طيب اطلعي أنتي بقي يا 'ملك ' وأنا هشوف أخبار الشغل إيه!
ملك:بقلق..شغل إيه!
رياض :بغيظ..محلات العطارة
ملك:اممم،طيب هتتأخر!
رياض :بابتسامة خبيثة،وهو يقترب منها..لو عايزاني مروحش وأطلع أقعد معاكي أنا مستعد
ملك:بضيق.لا اتفضل شوف شغلك،أنا هطلع أشوف ورايا إيه أنا كمان وهعمله
رياض :فكري تاني
ملك:بلا مبالاة..فكرت،ولقيت أن في حاجات كتير في الشقة هتتعمل
رياض :بغيظ..تحبي اجيب عشا إيه معايا!
ملك:لا أنا هعمل أي حاجة كده خفيفة وخلاص
رياض :طيب،سلام
ملك:سلام
(عند آذان الفجر)
استيقظت 'ملك 'من نومها،وتوضأت وعادت لتيقظ 'رياض '..
ملك:رياض رياض
رياض:وهو ينتفض بفزع..في إيه حصلك حاجة!
ملك:لا أنا كويسة
رياض :المخازن اتظبطت،حد من الرجالة مات!
ملك :بضيق..إيه اللي أنت بتقوله ده! مفيش حاجة حصلت
رياض :وهو يأخذ انفاسه المتقطعة..معلش أصلي كنت بحلم حلم وحش
ملك :طيب يلا قوم
رياض :باستغراب..أقوم فين!
ملك:بابتسامة..الفجر أذن قوم علشان تلحق الصلاة ورا الإمام في المسجد
رياض :وهو يسحب الغطاء علي عينه ويعاود إلي النوم..أما يطلع النهار أبقي أصلي الصبح أن شاء الله
ملك:بغيظ،وهي تكشف عنه الغطاء..لا قوم دلوقتي،أنت مش عارف أن صلاة الفجر خير من الدنيا وما فيها
رياض :وهو يجز علي أسنانه من الغيظ..سبيني أنام يا'ملك' وهصليها بكره في ميعادها
ملك:وليه الكسل ده بس قوم بقي
رياض :بضجر..يوووه أنا تعبان ياستي
ملك:بتشجيع..بقي 'رياض' بجلالة قدره يتعب،امال فين بقي كلامك إنك جامد ومحدش يقدر عليك،واضح إن ده كله كان كلام
رياض :بغضب،وهو يلوح بالغطاء في الأرض..اديني قمت،أوعي خليني اتوضي
ملك:بفرح..Yes
رياض :وهو ينظر إليها في غيظ..هبلة
(في المسجد)
دخل 'رياض' المسجد وكانت هذه المرة الأولي الذي يدخل بها المسجد لأداء الصلاة،استعجب الإمام مما راءه،حتي إنه شعر بالخوف من منظر 'رياض ' فما الذي يجعله يأتي إلي المسجد فهل جاء مسالم يطلب عفو ورضي الله،أما إنه جاء لغرض آخر مثل (القتل)
رياض :سلام عليكم
رد الجميع :وعليكم السلام ورحمة الله وبركاته
رياض :إيه يا شيخنا مش هتقيم الصلاة ولا إيه!
-نظر الرجال إلي بعضهم في عدم تصديق،فهل هذا معقول!!
الإمام :بابتسامة..هقيمها اهو،تعالي أقف في أول صف هنا
وقف 'رياض ' في ارتباك ينظر إلي أركان المسجد،وجسده يسري به قشعريرة،فهل نوي حقا التوبة إلي الله والعودة إليه!
الإمام :الله أكبر
-جلست 'ملك ' تقرأ وردها اليومي من القرآن الكريم،بصوتها العذب تقرأ سورة طه ﷽"وإني لغفار لمن تاب وآمن وعمل صالحا ثم اهتدي"
جاء 'رياض ' وقد كان يسمع تلاوتها من خارج الغرفة،ولكنه غلبه النعاس ودخل الغرفة..
ملك:بابتسامة..صدق الله العظيم،تقبل الله ياشيخ 'رياض '
رياض :وهو ينظر إليها بغيظ..بتتريقي حضرتك!
ملك:والله أبدا،أنا أتمني إنك تبقي شيخ زي بابا الله يرحمه
رياض :بضيق..طيب نامي بقي،ولا في حاجة كمان هعملها تاني
ملك:بابتسامة مستفزة..هو في الأذكار،بس مش هخليك تقولها النهاردة علشان بس متستصعبش الأمر عليك
رياض :بضجر..اطفي النور ده
ملك:بضحك..وأنت من أهل الخير
_________________________
في منزل 'أحمد '..(في الصباح)
أحمد :وهو يضع يده علي رأسه في وهن..شوفتي المصيبة يا 'تحية '،أبوي رفع الشيكات وهيبحسني بيها
تحية :بابتسامة مستفزة.. مش ده برده أبوك اللي أنت كنت خايف عليه وعايز تتنازله عن القضية،أشرب بقي
أحمد :بعصبية..أنتي شمتانة فيا! ده بدل ما تشوفيلي حل في المصيبة دي
حسن:طيب ما تدفعله يابابا الفلوس اللي عليك وأخلص
أحمد :فلوسي كلها في السوق،ومش معايا سيولة كفاية
حسن:طيب والعمل يابابا هتعمل إيه!
أحمد :مفيش غير إني أبيع دهب أمك واصبره بيها،لحد ما ألم الفلوس اللي عند التجار
تحية:بعصبية..نعم!! دهب إيه اللي أنا ابيعها دي،هو أنا حلتي غيرها!
أحمد :مش عايزة تقفي معايا في زنقتي يا 'تحية'! وبعدين ده أنا اللي جيبهالك يعني فلوسي وأنا حر فيها
تحية:بلين وخداع..ياحبيبي أنا كلي ملكك،بس تفتكر إن شوية الصيغة دي هتعمل حاجة!
أحمد :بتلعثم..مش عارف اهي نواية تسند وخلاص
تحية:روح لابوك اللي خرف ده واتكلم معاه،وخليه يعقل
أحمد :مش هيرضي يقابلني
حسن:حاول يابابا يمكن قلبه يحن
أحمد :بحزن..هحاول يا بني
تحية:بغيظ..منك لله يا 'نافع '
_________________________
في منزل رياض..
دقت الساعة الثانية بعد الظهر،استيقظ 'رياض ' من نومه،كانت 'ملك' قد أعدت الغداء
رياض :بخمول..اه جسمي مكسر
ملك:طيب يلا روح صلي الظهر اللي فاتك ده،وتعالي اتغدي
رياض :وهو يجلس علي الكرسي..أنا هاكل الأول
ملك :بلا مبالاة..تمام،بس أنا مش هتغدي معاك هاكل لوحدي
رياض :بتعجب..ليه أن شاء الله!
ملك:طول ما أنت بتستهين بصلاتك كده،أنا كمان هستهين بيك،وكأنك مش موجود
رياض :بزفر..صباح النكد علي الصبح
ملك :بخبث..ها هحط الأكل وناكل مع بعض،عقبال ما تصلي،ولا تأكل لوحدك
رياض :بضجر..مش هطفح أنا هقوم أنزل
-أبدل 'رياض ' ملابسه،وصعد إلي الدور الأرضي من منزله،كان في حيرة وارتباك،فهل يؤدي الصلاة،أما إنه يخرج،وبعد تفكير توضأ وأدي الصلاة..
(في القهوة)
-كان أهل الحارة يتحدثون عن ما بدر من 'رياض' من صلاة الفجر،بعضهم لم يصدق ويراه رياء،والبعض الأخر يظن به خير ويقول إن الله هداه.
حجاج:بسخرية..ما لسه بدري يامعلم،صباحية مباركة!
رياض :وهو يرفع حاجبه..نعم طالبة معاك خفة دم علي الصبح ولا إيه!
حجاج :باستفزاز..أنا أقدر برده يا شيخنا
رياض :باستفزاز..اممم، طيب ما بلاش تلقيح الحريم بتاعك ده واتكلم علي طول
حجاج:مفيش أنا بس مش مصدق إنك بتروح تصلي في الجامع،طيب خدني معاك
رياض :بسخرية..ليه طفل صغير،ماتروح لوحدك هو الجامع بعيد عليك ولا إيه!
حجاج:أصل..
رياض :بغضب،وهو يقاطعه..نخلينا في شغلنا بقي ولا هنفضل نلوك كتير كده!
حجاج:ماشي يا معلم
الجماعة بيقترحوا عليك صفقة برشام بيقولوا مكسبه مضمون
رياض :بضجر..لا لا برشام إيه وبتاع إيه،احنا هننزل لمستوي البلابيع كمان
حجاج:والله أنا قولت أشوف ردك إيه الأول وبعدين أقولهم
رياض :قولهم يفتح الله خليهلكم
حجاج:أنت حر يا معلم
(في المنزل)
نادية:وهي تحتضن ملك..وحشتيني أوي دي كلها غيبة!
ملك:ياخالتو ما أنا كنت بتصل بيكي كل يوم واطمنك عليا
نادية :برده يابنتي أنا بحب أشوفك دايما في وشي كده
ملك:بابتسامة..خلاص اديني رجعتلك تاني اهو
نادية :قوليلي جدك بقي عامل إيه دلوقتي!
ملك:الحمد لله اتحسن، ادعيله يا خالتو ربنا يتم شفاه علي خير
نادية :ربنا يشفيه يارب
ملك:يارب،تعالي اتغدي معايا
نادية:ليه أنتي ماكلتيش مع جوزك!
ملك:بلا مبالاة..لا نزل وقال مش هيطفح
نادية :بتعجب..ليه كده!
ملك :مارضيش يصلي الضهر،فشدينا مع بعض ونزل
نادية :يبقي صحيح اللي أنا سمعته ده
ملك :سمعتي إيه!
نادية :إنه صلي الفجر ورا الإمام
ملك:وهي تتناول الطعام..اممم فعلا أنا صحيته علشان يصلي
نادية :بإعجاب..جدعة يا 'ملك '،فعلا زي ما بيقولوا اللي ما ربهوش أهله يربيه..
ملك:بضحك،وهي تقاطعها..تربيه ملك ياخالتو
نادية :بضحك..ربنا يكملها علي خير خطتك دي يابنتي
ملك :يارب،كلي بقي ياخالتو الأكل طعمه حلو أوي
نادية :تسلم ايديك
__________________________
في منزل 'نافع '..
دخل الغفير ينادي علي 'نافع ' ويعلمه بأن ابنه ينتظره بالخارج، (فقد منع 'أحمد ' من الدخول بأمر من والده )
الغفير :يا حاج 'نافع '،أحمد بيه واقف بره وعايزك في موضوع مهم
الأم :بشوق..طيب خليه..
نافع :بغضب وهو يقاطعها..عيشة اسكتي خالص
الغفير:أقوله إيه يا حاج !
نافع:بابتسامة..سيبه بره وأنا جايله
الغفير:حاضر ياحاج
هارون:هتقابله يا 'نافع '!
نافع :ايوه هقابله
مصطفي:بلاش يابوي احنا مصدقنا صحتك تتحسن
هنا:ايوه بلاش ياعمي الله يخليك
نافع :متخافوش عليا أنا لسه زي ما أنا
-مر ساعة و'أحمد' ينتظر والده في الخارج،وأخيرا قرر 'نافع' أن يخرج له..
أحمد :وهو يهم بالنزول من السيارة..أبوي
نافع:وهو يشير إليه بيده..خليك عندك زي ما أنت أوعاك تدوس علي أرضي برجلك
أحمد :بارتباك..طيب هنتكلم واحنا واقفين كده يا حاج في الشارع
نافع:وهو يصعد إلي السيارة..لا أنا أما أركب في العربية فدي ملكي أنا، أما أنت فمش من حقك تقف في شبر واحد أنا بملكه
أحمد :عارف يا بوي أنها عربيتك،ربنا يخليك ليا
نافع:بقسوة..قولتلك قبل كده ما تنطقش الكلمة دي علي لسانك خالص فاهم
أحمد :بحزن..حاضر ياحاج
نافع :بخبث..جاي عايز إيه يا 'أحمد '!
أحمد :بخضوع..بيتي هيتخرب ياحاج
نافع:طيب وعايزني أعملك إيه!
أحمد :أنت في إيدك كل حاجة يا حاج،ممكن تحلها
نافع:بابتسامة استفزاز..طيب ومش عيب برده يبقي في ايديا كل حاجة،وممسكهاش ضدك واطلعك نصاب قدام المحكمة واخسرك القضية اللي أنت رافعها عليا
أحمد :باستعطاف..ويرضيك يا حاج أطلع نصاب قدام كل الناس
نافع:بتوبيخ..امال عايز تطلع أبوك مجنون قدامهم يا قليل الرباية
أحمد :أنا هتنازل عن قضية الحجر دي يا حاج
نافع:بتحذير..إياك تعمل كده،أنا هقف قصادك قدام القاضي وهخليه يحكم من المجنون فينا،اللي عايز يأكل حق اليتيم ظلم
أحمد :بتلعثم..يابوي أنا..
نافع:بضيق..هش ولا كلمة،أنا هطلع أحسن منك وهتنازل عن الشيكات اللي أنا رافعها عليك،علشان اثبتلك إن الكبير بأفعاله يا كبير العيلة من بعدي!
أحمد :بفرح..أنا متشكر أوي يا بوي
نافع:بصوت واهن..روح يابني شوف دنيتك واظلم براحتك،بس كل شئ وليه أخر
صعد 'نافع' من السيارة وعاد إلي المنزل،وانطلق 'أحمد '
__________________________
في المساء...
ذهب 'رياض مع حجاج' إلي الفيلا لإتمام عملهم..
رياض :وهو يسند رأسه إلي الكرسي..كفاية كده النهاردة أنا تعبت
حجاج :تحب اجبلك حاجة تأكلها!
رياض:برغم جوعه الشديد إلا إنه لم يهون عليه الطعام دون زوجته..لا مش جعان
حجاج:طيب خد كاس اهو
رياض :هات،قولي أنت كنت واخد مراتك عن حب وكده!
حجاج :بضحك..حب إيه! ،لا كانت جوازة عادية
مفيش لا حب ولا بتاع
رياض :وهو غلط اللي يحب مراته ولا إيه!
حجاج :لا غلط ولا حاجة،بس ده بياجي بالعشرة والعيال،وبعدين في حكمة كده بتقولك:لو حبيت شخص فلا تخبره لأنه سيتكبر عليك،وأنت طبعا استاذ وعارف لؤم الحريم أما بيتملكوا من الراجل
رياض :وهو ينظر إليه ويحدث نفسه..بس أنا بحب ضعفي قدمها،ومش عايز اخسرها
حجاج:إيه روحت فين!
رياض :معاك
حجاج :أنت مشربتش كاسك ليه!
رياض :يلا بينا علشان نمشي
حجاج:بتعجب..هو ماله ده!
(في المنزل)
جلست 'ملك ' تقرأ أحدي الروايات،جاء إليها 'رياض ' مبتسما..مساء الخير
ملك:بابتسامة..مساء الخير
رياض :بتعملي إيه!
ملك:بمكر..بقرأ رواية،تصور البطل فيها كان حد ظالم أوي وأما حب البطلة اتغير وبقي إنسان كويس وهي كمان حبته
رياض :بسرعة بديهة..والله أوع يكون اسمه 'رياض ' كمان!
ملك:بنظرة غيظ..حاجة زي كده
رياض :وهو يخلع سترته..طيب قومي حضري العشا لأني هموت من الجوع، وياريت تحضري نفسك بالمرة
ملك:باستغراب..أحضر نفسي ليه هنخرج دلوقتي!
رياض :وهو لازم تحضري نفسك علشان الخروج!
ملك :امال أحضر نفسي ليه يعني!
رياض :علشاني
ملك:بضجر..احنا اتكلمنا في الموضوع ده كتير وأنت عارف ردي كويس
رياض :بغضب وعصبية..اللي أنا أعرفه إني راجل متجوز يعني ده حقي،ولا كل مرة هاخدك غصب عنك يعني
ملك:وقد عملت علي إن تمتص غضب 'رياض ' بطريقتها..قائلة:بلين وهي تقترب منه..منا قولتلك توصلي ازاي وأنت مش راضي تعمل حاجة، اشمعنا عايزني أنا اللي اتغير وارجع في كلامي
رياض :بهدوء..أنا تعبت من دلعك ده،وبعدين التغيير مش بياجي في يوم
ملك:وهي تضع يدها علي جبينه..بس طالما عندك إصرار وعزم هتقدر،وإلا أنت بقي زهقت مني
رياض :أنا ازهق منك برده دي أنتي حياتي كلها
ملك:طيب ومستني إيه يا عنيد أنت،سيب القرف اللي أنت بتعمله ده وخليك في شغلانة العطارة بس
رياض :ربنا يسهل
ملك:طيب إيه رأيك تروح تصلي ركعتين بنية التوبة وتيجي نتعشي سوا وآكلك بايديا
رياض :طيب والحاجة اللي أنا طلبتها منك!
ملك :ربنا يسهل
رياض :ماشي يا 'ملك ' أما أشوف آخرتها معاكي إيه!
ذهبت 'ملك ' تحضر الطعام،خرج 'رياض ' من الحمام ودخل إلي غرفة المكتب..انتظرت 'ملك' لحين ينتهي من صلاته ويأتي إليها، ولكنها سمعت صوت بكاء يأتي من غرفة المكتب،دفعها فضولها إلي معرفة ما يحدث في الداخل..نظرت إليه وهو يفتح يده ويتضرع بالدعاء إلي الله ويجهش بالبكاء،ويدعوه إن يتوب عليه ويغفر له،حتي إنها تأثرت ببكاءه وبكت هي الاخري.
انتهي 'رياض ' من صلاته ومسح وجهه من البكاء حتي لا تراه 'ملك ' بذلك الضعف،ودخل غرفته..
ملك:بمكر..إيه اللي أخرك كده!
رياض :بكذب..أبدا كنت بخلص شوية ورق كده
ملك:اممم،طيب صليت!
رياض:بارتباك..اه
ملك:بابتسامة..ودعيت قولت إيه!
رياض :بتلعثم..قولت اللي قولته بقي
ملك :طيب تعالي بقي علشان نتعشي
رياض :بعناد وتكبر..علي فكرة أنا صليت علشان عايز اصلي،مش علشان أنتي قولتيلي وأنا بنفذ كلامك
ملك:بابتسامة..ماشي يا سيدي وأنا يسعدني يوم ما تصلي،تصلي علشان ترضي ربنا بس مش علشان حد تاني
رياض :طيب
ملك :وهي تقرب الطعام من فمه..طيب يلا سمي بالله بقي
(تغيير)
وصل 'رياض،وملك' إلي الحارة..(أمام منزله)
رياض :طيب اطلعي أنتي بقي يا 'ملك ' وأنا هشوف أخبار الشغل إيه!
ملك:بقلق..شغل إيه!
رياض :بغيظ..محلات العطارة
ملك:اممم،طيب هتتأخر!
رياض :بابتسامة خبيثة،وهو يقترب منها..لو عايزاني مروحش وأطلع أقعد معاكي أنا مستعد
ملك:بضيق.لا اتفضل شوف شغلك،أنا هطلع أشوف ورايا إيه أنا كمان وهعمله
رياض :فكري تاني
ملك:بلا مبالاة..فكرت،ولقيت أن في حاجات كتير في الشقة هتتعمل
رياض :بغيظ..تحبي اجيب عشا إيه معايا!
ملك:لا أنا هعمل أي حاجة كده خفيفة وخلاص
رياض :طيب،سلام
ملك:سلام
(عند آذان الفجر)
استيقظت 'ملك 'من نومها،وتوضأت وعادت لتيقظ 'رياض '..
ملك:رياض رياض
رياض:وهو ينتفض بفزع..في إيه حصلك حاجة!
ملك:لا أنا كويسة
رياض :المخازن اتظبطت،حد من الرجالة مات!
ملك :بضيق..إيه اللي أنت بتقوله ده! مفيش حاجة حصلت
رياض :وهو يأخذ انفاسه المتقطعة..معلش أصلي كنت بحلم حلم وحش
ملك :طيب يلا قوم
رياض :باستغراب..أقوم فين!
ملك:بابتسامة..الفجر أذن قوم علشان تلحق الصلاة ورا الإمام في المسجد
رياض :وهو يسحب الغطاء علي عينه ويعاود إلي النوم..أما يطلع النهار أبقي أصلي الصبح أن شاء الله
ملك:بغيظ،وهي تكشف عنه الغطاء..لا قوم دلوقتي،أنت مش عارف أن صلاة الفجر خير من الدنيا وما فيها
رياض :وهو يجز علي أسنانه من الغيظ..سبيني أنام يا'ملك' وهصليها بكره في ميعادها
ملك:وليه الكسل ده بس قوم بقي
رياض :بضجر..يوووه أنا تعبان ياستي
ملك:بتشجيع..بقي 'رياض' بجلالة قدره يتعب،امال فين بقي كلامك إنك جامد ومحدش يقدر عليك،واضح إن ده كله كان كلام
رياض :بغضب،وهو يلوح بالغطاء في الأرض..اديني قمت،أوعي خليني اتوضي
ملك:بفرح..Yes
رياض :وهو ينظر إليها في غيظ..هبلة
(في المسجد)
دخل 'رياض' المسجد وكانت هذه المرة الأولي الذي يدخل بها المسجد لأداء الصلاة،استعجب الإمام مما راءه،حتي إنه شعر بالخوف من منظر 'رياض ' فما الذي يجعله يأتي إلي المسجد فهل جاء مسالم يطلب عفو ورضي الله،أما إنه جاء لغرض آخر مثل (القتل)
رياض :سلام عليكم
رد الجميع :وعليكم السلام ورحمة الله وبركاته
رياض :إيه يا شيخنا مش هتقيم الصلاة ولا إيه!
-نظر الرجال إلي بعضهم في عدم تصديق،فهل هذا معقول!!
الإمام :بابتسامة..هقيمها اهو،تعالي أقف في أول صف هنا
وقف 'رياض ' في ارتباك ينظر إلي أركان المسجد،وجسده يسري به قشعريرة،فهل نوي حقا التوبة إلي الله والعودة إليه!
الإمام :الله أكبر
-جلست 'ملك ' تقرأ وردها اليومي من القرآن الكريم،بصوتها العذب تقرأ سورة طه ﷽"وإني لغفار لمن تاب وآمن وعمل صالحا ثم اهتدي"
جاء 'رياض ' وقد كان يسمع تلاوتها من خارج الغرفة،ولكنه غلبه النعاس ودخل الغرفة..
ملك:بابتسامة..صدق الله العظيم،تقبل الله ياشيخ 'رياض '
رياض :وهو ينظر إليها بغيظ..بتتريقي حضرتك!
ملك:والله أبدا،أنا أتمني إنك تبقي شيخ زي بابا الله يرحمه
رياض :بضيق..طيب نامي بقي،ولا في حاجة كمان هعملها تاني
ملك:بابتسامة مستفزة..هو في الأذكار،بس مش هخليك تقولها النهاردة علشان بس متستصعبش الأمر عليك
رياض :بضجر..اطفي النور ده
ملك:بضحك..وأنت من أهل الخير
_________________________
في منزل 'أحمد '..(في الصباح)
أحمد :وهو يضع يده علي رأسه في وهن..شوفتي المصيبة يا 'تحية '،أبوي رفع الشيكات وهيبحسني بيها
تحية :بابتسامة مستفزة.. مش ده برده أبوك اللي أنت كنت خايف عليه وعايز تتنازله عن القضية،أشرب بقي
أحمد :بعصبية..أنتي شمتانة فيا! ده بدل ما تشوفيلي حل في المصيبة دي
حسن:طيب ما تدفعله يابابا الفلوس اللي عليك وأخلص
أحمد :فلوسي كلها في السوق،ومش معايا سيولة كفاية
حسن:طيب والعمل يابابا هتعمل إيه!
أحمد :مفيش غير إني أبيع دهب أمك واصبره بيها،لحد ما ألم الفلوس اللي عند التجار
تحية:بعصبية..نعم!! دهب إيه اللي أنا ابيعها دي،هو أنا حلتي غيرها!
أحمد :مش عايزة تقفي معايا في زنقتي يا 'تحية'! وبعدين ده أنا اللي جيبهالك يعني فلوسي وأنا حر فيها
تحية:بلين وخداع..ياحبيبي أنا كلي ملكك،بس تفتكر إن شوية الصيغة دي هتعمل حاجة!
أحمد :بتلعثم..مش عارف اهي نواية تسند وخلاص
تحية:روح لابوك اللي خرف ده واتكلم معاه،وخليه يعقل
أحمد :مش هيرضي يقابلني
حسن:حاول يابابا يمكن قلبه يحن
أحمد :بحزن..هحاول يا بني
تحية:بغيظ..منك لله يا 'نافع '
_________________________
في منزل رياض..
دقت الساعة الثانية بعد الظهر،استيقظ 'رياض ' من نومه،كانت 'ملك' قد أعدت الغداء
رياض :بخمول..اه جسمي مكسر
ملك:طيب يلا روح صلي الظهر اللي فاتك ده،وتعالي اتغدي
رياض :وهو يجلس علي الكرسي..أنا هاكل الأول
ملك :بلا مبالاة..تمام،بس أنا مش هتغدي معاك هاكل لوحدي
رياض :بتعجب..ليه أن شاء الله!
ملك:طول ما أنت بتستهين بصلاتك كده،أنا كمان هستهين بيك،وكأنك مش موجود
رياض :بزفر..صباح النكد علي الصبح
ملك :بخبث..ها هحط الأكل وناكل مع بعض،عقبال ما تصلي،ولا تأكل لوحدك
رياض :بضجر..مش هطفح أنا هقوم أنزل
-أبدل 'رياض ' ملابسه،وصعد إلي الدور الأرضي من منزله،كان في حيرة وارتباك،فهل يؤدي الصلاة،أما إنه يخرج،وبعد تفكير توضأ وأدي الصلاة..
(في القهوة)
-كان أهل الحارة يتحدثون عن ما بدر من 'رياض' من صلاة الفجر،بعضهم لم يصدق ويراه رياء،والبعض الأخر يظن به خير ويقول إن الله هداه.
حجاج:بسخرية..ما لسه بدري يامعلم،صباحية مباركة!
رياض :وهو يرفع حاجبه..نعم طالبة معاك خفة دم علي الصبح ولا إيه!
حجاج :باستفزاز..أنا أقدر برده يا شيخنا
رياض :باستفزاز..اممم، طيب ما بلاش تلقيح الحريم بتاعك ده واتكلم علي طول
حجاج:مفيش أنا بس مش مصدق إنك بتروح تصلي في الجامع،طيب خدني معاك
رياض :بسخرية..ليه طفل صغير،ماتروح لوحدك هو الجامع بعيد عليك ولا إيه!
حجاج:أصل..
رياض :بغضب،وهو يقاطعه..نخلينا في شغلنا بقي ولا هنفضل نلوك كتير كده!
حجاج:ماشي يا معلم
الجماعة بيقترحوا عليك صفقة برشام بيقولوا مكسبه مضمون
رياض :بضجر..لا لا برشام إيه وبتاع إيه،احنا هننزل لمستوي البلابيع كمان
حجاج:والله أنا قولت أشوف ردك إيه الأول وبعدين أقولهم
رياض :قولهم يفتح الله خليهلكم
حجاج:أنت حر يا معلم
(في المنزل)
نادية:وهي تحتضن ملك..وحشتيني أوي دي كلها غيبة!
ملك:ياخالتو ما أنا كنت بتصل بيكي كل يوم واطمنك عليا
نادية :برده يابنتي أنا بحب أشوفك دايما في وشي كده
ملك:بابتسامة..خلاص اديني رجعتلك تاني اهو
نادية :قوليلي جدك بقي عامل إيه دلوقتي!
ملك:الحمد لله اتحسن، ادعيله يا خالتو ربنا يتم شفاه علي خير
نادية :ربنا يشفيه يارب
ملك:يارب،تعالي اتغدي معايا
نادية:ليه أنتي ماكلتيش مع جوزك!
ملك:بلا مبالاة..لا نزل وقال مش هيطفح
نادية :بتعجب..ليه كده!
ملك :مارضيش يصلي الضهر،فشدينا مع بعض ونزل
نادية :يبقي صحيح اللي أنا سمعته ده
ملك :سمعتي إيه!
نادية :إنه صلي الفجر ورا الإمام
ملك:وهي تتناول الطعام..اممم فعلا أنا صحيته علشان يصلي
نادية :بإعجاب..جدعة يا 'ملك '،فعلا زي ما بيقولوا اللي ما ربهوش أهله يربيه..
ملك:بضحك،وهي تقاطعها..تربيه ملك ياخالتو
نادية :بضحك..ربنا يكملها علي خير خطتك دي يابنتي
ملك :يارب،كلي بقي ياخالتو الأكل طعمه حلو أوي
نادية :تسلم ايديك
__________________________
في منزل 'نافع '..
دخل الغفير ينادي علي 'نافع ' ويعلمه بأن ابنه ينتظره بالخارج، (فقد منع 'أحمد ' من الدخول بأمر من والده )
الغفير :يا حاج 'نافع '،أحمد بيه واقف بره وعايزك في موضوع مهم
الأم :بشوق..طيب خليه..
نافع :بغضب وهو يقاطعها..عيشة اسكتي خالص
الغفير:أقوله إيه يا حاج !
نافع:بابتسامة..سيبه بره وأنا جايله
الغفير:حاضر ياحاج
هارون:هتقابله يا 'نافع '!
نافع :ايوه هقابله
مصطفي:بلاش يابوي احنا مصدقنا صحتك تتحسن
هنا:ايوه بلاش ياعمي الله يخليك
نافع :متخافوش عليا أنا لسه زي ما أنا
-مر ساعة و'أحمد' ينتظر والده في الخارج،وأخيرا قرر 'نافع' أن يخرج له..
أحمد :وهو يهم بالنزول من السيارة..أبوي
نافع:وهو يشير إليه بيده..خليك عندك زي ما أنت أوعاك تدوس علي أرضي برجلك
أحمد :بارتباك..طيب هنتكلم واحنا واقفين كده يا حاج في الشارع
نافع:وهو يصعد إلي السيارة..لا أنا أما أركب في العربية فدي ملكي أنا، أما أنت فمش من حقك تقف في شبر واحد أنا بملكه
أحمد :عارف يا بوي أنها عربيتك،ربنا يخليك ليا
نافع:بقسوة..قولتلك قبل كده ما تنطقش الكلمة دي علي لسانك خالص فاهم
أحمد :بحزن..حاضر ياحاج
نافع :بخبث..جاي عايز إيه يا 'أحمد '!
أحمد :بخضوع..بيتي هيتخرب ياحاج
نافع:طيب وعايزني أعملك إيه!
أحمد :أنت في إيدك كل حاجة يا حاج،ممكن تحلها
نافع:بابتسامة استفزاز..طيب ومش عيب برده يبقي في ايديا كل حاجة،وممسكهاش ضدك واطلعك نصاب قدام المحكمة واخسرك القضية اللي أنت رافعها عليا
أحمد :باستعطاف..ويرضيك يا حاج أطلع نصاب قدام كل الناس
نافع:بتوبيخ..امال عايز تطلع أبوك مجنون قدامهم يا قليل الرباية
أحمد :أنا هتنازل عن قضية الحجر دي يا حاج
نافع:بتحذير..إياك تعمل كده،أنا هقف قصادك قدام القاضي وهخليه يحكم من المجنون فينا،اللي عايز يأكل حق اليتيم ظلم
أحمد :بتلعثم..يابوي أنا..
نافع:بضيق..هش ولا كلمة،أنا هطلع أحسن منك وهتنازل عن الشيكات اللي أنا رافعها عليك،علشان اثبتلك إن الكبير بأفعاله يا كبير العيلة من بعدي!
أحمد :بفرح..أنا متشكر أوي يا بوي
نافع:بصوت واهن..روح يابني شوف دنيتك واظلم براحتك،بس كل شئ وليه أخر
صعد 'نافع' من السيارة وعاد إلي المنزل،وانطلق 'أحمد '
__________________________
في المساء...
ذهب 'رياض مع حجاج' إلي الفيلا لإتمام عملهم..
رياض :وهو يسند رأسه إلي الكرسي..كفاية كده النهاردة أنا تعبت
حجاج :تحب اجبلك حاجة تأكلها!
رياض:برغم جوعه الشديد إلا إنه لم يهون عليه الطعام دون زوجته..لا مش جعان
حجاج:طيب خد كاس اهو
رياض :هات،قولي أنت كنت واخد مراتك عن حب وكده!
حجاج :بضحك..حب إيه! ،لا كانت جوازة عادية
مفيش لا حب ولا بتاع
رياض :وهو غلط اللي يحب مراته ولا إيه!
حجاج :لا غلط ولا حاجة،بس ده بياجي بالعشرة والعيال،وبعدين في حكمة كده بتقولك:لو حبيت شخص فلا تخبره لأنه سيتكبر عليك،وأنت طبعا استاذ وعارف لؤم الحريم أما بيتملكوا من الراجل
رياض :وهو ينظر إليه ويحدث نفسه..بس أنا بحب ضعفي قدمها،ومش عايز اخسرها
حجاج:إيه روحت فين!
رياض :معاك
حجاج :أنت مشربتش كاسك ليه!
رياض :يلا بينا علشان نمشي
حجاج:بتعجب..هو ماله ده!
(في المنزل)
جلست 'ملك ' تقرأ أحدي الروايات،جاء إليها 'رياض ' مبتسما..مساء الخير
ملك:بابتسامة..مساء الخير
رياض :بتعملي إيه!
ملك:بمكر..بقرأ رواية،تصور البطل فيها كان حد ظالم أوي وأما حب البطلة اتغير وبقي إنسان كويس وهي كمان حبته
رياض :بسرعة بديهة..والله أوع يكون اسمه 'رياض ' كمان!
ملك:بنظرة غيظ..حاجة زي كده
رياض :وهو يخلع سترته..طيب قومي حضري العشا لأني هموت من الجوع، وياريت تحضري نفسك بالمرة
ملك:باستغراب..أحضر نفسي ليه هنخرج دلوقتي!
رياض :وهو لازم تحضري نفسك علشان الخروج!
ملك :امال أحضر نفسي ليه يعني!
رياض :علشاني
ملك:بضجر..احنا اتكلمنا في الموضوع ده كتير وأنت عارف ردي كويس
رياض :بغضب وعصبية..اللي أنا أعرفه إني راجل متجوز يعني ده حقي،ولا كل مرة هاخدك غصب عنك يعني
ملك:وقد عملت علي إن تمتص غضب 'رياض ' بطريقتها..قائلة:بلين وهي تقترب منه..منا قولتلك توصلي ازاي وأنت مش راضي تعمل حاجة، اشمعنا عايزني أنا اللي اتغير وارجع في كلامي
رياض :بهدوء..أنا تعبت من دلعك ده،وبعدين التغيير مش بياجي في يوم
ملك:وهي تضع يدها علي جبينه..بس طالما عندك إصرار وعزم هتقدر،وإلا أنت بقي زهقت مني
رياض :أنا ازهق منك برده دي أنتي حياتي كلها
ملك:طيب ومستني إيه يا عنيد أنت،سيب القرف اللي أنت بتعمله ده وخليك في شغلانة العطارة بس
رياض :ربنا يسهل
ملك:طيب إيه رأيك تروح تصلي ركعتين بنية التوبة وتيجي نتعشي سوا وآكلك بايديا
رياض :طيب والحاجة اللي أنا طلبتها منك!
ملك :ربنا يسهل
رياض :ماشي يا 'ملك ' أما أشوف آخرتها معاكي إيه!
ذهبت 'ملك ' تحضر الطعام،خرج 'رياض ' من الحمام ودخل إلي غرفة المكتب..انتظرت 'ملك' لحين ينتهي من صلاته ويأتي إليها، ولكنها سمعت صوت بكاء يأتي من غرفة المكتب،دفعها فضولها إلي معرفة ما يحدث في الداخل..نظرت إليه وهو يفتح يده ويتضرع بالدعاء إلي الله ويجهش بالبكاء،ويدعوه إن يتوب عليه ويغفر له،حتي إنها تأثرت ببكاءه وبكت هي الاخري.
انتهي 'رياض ' من صلاته ومسح وجهه من البكاء حتي لا تراه 'ملك ' بذلك الضعف،ودخل غرفته..
ملك:بمكر..إيه اللي أخرك كده!
رياض :بكذب..أبدا كنت بخلص شوية ورق كده
ملك:اممم،طيب صليت!
رياض:بارتباك..اه
ملك:بابتسامة..ودعيت قولت إيه!
رياض :بتلعثم..قولت اللي قولته بقي
ملك :طيب تعالي بقي علشان نتعشي
رياض :بعناد وتكبر..علي فكرة أنا صليت علشان عايز اصلي،مش علشان أنتي قولتيلي وأنا بنفذ كلامك
ملك:بابتسامة..ماشي يا سيدي وأنا يسعدني يوم ما تصلي،تصلي علشان ترضي ربنا بس مش علشان حد تاني
رياض :طيب
ملك :وهي تقرب الطعام من فمه..طيب يلا سمي بالله بقي
