رواية امرأة في حجر الثعبان الفصل السادس والثلاثون 36 بقلم رانيا جابر حسن
الحلقة السادسة والثلاثون...
(عقاب)
عند آذان الفجر،تعمدت 'ملك' أن لا تقوم من الفراش بعد أن تري رد فعل 'رياض '،هل سيقوم لأداء الصلاة،أما سيغرق في نومه كعادته..
استيقظ 'رياض' من نومه،ونظر إلي زوجته النائمة،قائلا بسخرية..هو ده اللي بتقعدي تقوليلي الصلاة في ميعادها،اديكي نايمة اهو
ملك:وهي تقوم سريعا..صباح الخير
رياض:بضيق..خضيتيني في حد يقوم بسرعة كده!
ملك :بابتسامة..صباح الخير يازوجي العزيز،هل لي أن أتوضأ لكي أقوم بأداء فريضة صلاة الفجر
رياض:باستغراب.أنتي مالك قلبتي تركي كده ليه،أنتي بتتحولي وأنتي نايمة!
ملك :بضحك..تقريبا كده،قوم بقي روح صلي،وتعالي خدني علشان نجيب فطار مع بعض،ونتمشي شوية
رياض:من قلة الرجالة اللي موجودين يعني،أي واحد فيهم يروح يجيب اللي أنتي عايزاه
ملك :بعصبية..هو أنا كل ما أقولك علي حاجة تقولي هخلي حد يجبهالك،وأنا مروحش بنفسي أجيب ليه يعني! صغيرة ولا صغيرة!،هفضل محبوسة كده في البيت!
رياض :وهو يقوم من علي الفراش..بس بس إيه أنتي مصدقتي يا ماما تكلمي،خلاص هروح اصلي وأبقي أجي أخدك،ياساتر يارب علي جنان الحريم ده
ملك:بضيق..رجالة تحرق الدم
رياض:وهو ينظر إليها بتعجب..شكلك تقلتي في العشا علشان كده صاحية مش طبيعية
ملك:أمشي
___________________________
في منزل 'نافع'...(في الصباح )
جلست العائلة تحتسي الشاي..
نافع:عملت إيه يا هارون!
هارون:خلاص يا حاج كلمت المحامي وهو هيخلص كل حاجة
عيشه :بقلق..خير يا حاج في إيه!
نافع:خير يا حاجة،أنا قولت لهارون يقول للمحامي يتنازل عن رفع الشيكات بتاعت أحمد
عيشه :بفرح..عين العقل يا حاج
نافع:بحزن..مهنش عليا يتمرمط في الأقسام ويتخرب بيته
عواطف:صحيح اللي قال:قلبي علي ولدي انفطر، وقلب ولدي عليا حجر
هارون :ربنا يهديه لنفسه
عيشه :يارب
(في منزل أحمد )
أذن الظهر،وعاد 'أحمد' من الخارج..
تحية:بقلق..أنت كنت فين يا أحمد قلقتيني عليك!
أحمد :كنت في المحكمة
تحية:بتعجب..ليه هي القضية النهاردة!
أحمد :لا
تحية:بضيق..امال إيه ما تكلم علي طول
أحمد :بشجاعة..أنا اتنزلت عن قضية الحجر اللي رفعتها علي أبويا
تحية:بذهول..بتقول إيه!
أحمد:بقول اللي أنتي سمعتيه
تحية:وهي تضرب علي وجهها وتصرخ..يالهوي يالهوي،اتنزلت عن القضية بعد كل اللي حصل ده! ده كان خلاص كلها أيام وميعاد الجلسة ياجي
أحمد :باشمئزاز..عايزاني أفضح أبويا في البلد وشهر بيه،وهو ما هنش عليه إني اتسجن وبيتي يتخرب،أنتي إيه يا شيخة معندكيش قلب خالص
تحية:بغضب وعصبية..قلب!! قلب إيه هو أبوك عمل فينا قليل علشان تقولي قلب،منك لله أنت وهو ربنا يخدكم
أحمد :بغيظ..أنتي بتدعي علينا كمان
استيقظ 'حسن' من النوم في فزع،قائلا :إيه يا جماعة صوتكم عالي كده ليه،إيه اللي حصل!
تحية:بسخرية..تعالي شوف أبوك زينة الرجالة،راح أتنازل عن القضية لجدك بعد كل اللي عمله فينا ده
حسن:بعدم تصديق..أنت فعلا عملت كده يا بابا
أحمد :بارتباك..اه عملت كده،ده راجل كبير وكان هيتشل بسببي قبل كده،ما بقالك بقي لو كسبنا القضية يروح فيها خلاص
تحية:ما يروح فستين داهية احنا مالنا
أحمد :وهو يرفع يده ليصفعها علي وجهها..اخرسي إن شاء الله عيلتك كلها
حسن:وهو يمسك يده..لا يا بابا أوع تعمل كده
تحية:باستفزاز..الله الله هي كمان حصلت إنك ترفع إيدك عليا يا مرمطون لابوك،طيب والله ما أنا قاعدة معاك تاني
أحمد :بندم.يلا المركب اللي تودي،كنتي هتخسريني أبويا وعيلتي كلها،لو كنت خسرت القضية كان أبويا هيغضب عليا وهتحرم منه ومن كل حاجة بسبب طمعك ده
تحية:بابتسامة مستفزة..مبروك علي البت النصابة خليها بقي تكوش علي كل حاجة حلال عليها
أحمد :بعصبية..يلعن دي فلوس اللي هتخليني أخسر أبوي ،الفلوس دي هو اللي جمعها بشقاه وهو حر فيها
تحية:بوعيد..ماشي يا أحمد صبرك عليا
حسن:وهو يضع يده علي رأسه ويسقط مغشيا عليه..الحقني يابابا
أحمد :بصراخ..حسن
تحية:أطلب الإسعاف بسرعة يا أحمد
___________________
في أحد محلات رياض..
رياض:ها كفاية كده لف ولا عايزة تشوفي الباقي
ملك :بإعجاب..ما شاء الله، محلات كبيرة أوي،علي كده دي بفلوس ال..
رياض :وهو يقاطعها..لا دي حاجة ودي حاجة
ملك :طيب إيه رأيك أنت تقف بنفسك في المحلات دي،وأنا أجي أقعد معاك كل يوم
رياض :بغيرة..وتفتكري إني ممكن اسيبك قاعدة قدام اللي رايح واللي جاي كده إن شاء الله!
ملك:بضيق..ياساتر يارب عليك
رياض :باستفزاز..بس في ستات جامدة أوي بتدخل هنا،أنا بفكر فعلا أجي أقعد هنا علشانهم بس
ملك:بابتسامة غيظ..اممم يلا نمشي
رياض :بضحك..اتفضلي
__________________
في المستشفي...
تحية:ببكاء..يارب استر يارب
أحمد :أهدي شوية دلوقتي نطمن عليه
الطبيب:هو إيه المضاعفات اللي بتحصله!
تحية:هو علي طول يقول إنه مصدع ووشه أصفر،بس أنا بقول عادي من الجامعة وكده
الطبيب:والله احنا هنعمل إشاعة وربنا يستر
أحمد :بخوف..طيب هو في حاجة يادكتور خطيرة،طمني
الطبيب :باطمئنان..خير خير
أحمد :ببكاء..يارب
_______________________
في مكتب مروان..
مروان:وهو يتفحص الملف الخاص برياض..دي كل المعلومات عنه!
الضابط..اه يا فندم
مروان:بتعجب..صورة مين دي!
الضابط:دي مراته
مروان :هو اتجوز أمتي!
الضابط:عن قريب
مروان :وطبعا دي تلاقيها بنت تاجر مخدرات كبير برده مش كده!
الضابط:لا خالص يافندم،دي بنت ناس محترمة أبوها كان إمام الجامع اللي في الحارة بس مات بقي،وهي عايشة مع واحدة جارتها هي اللي ربتها
مروان :بتعجب..طيب واتجوزها ليه بقي أما هي عادية أوي كده!
الضابط :بابتسامة..الحب يا فندم يعمل المستحيل
مروان :باستغراب..لا يا شيخ معقولة 'رياض ' ده بيحب!
الضابط :اه والله زي ما بقول لحضرتك كده،بيحبها جدا كمان
مروان :بابتسامة ساخرة..يعني 'رياض سليم' بقي نقطة ضعفه،واحدة ست
الضابط :لا والغريبة بقي إنه بقي بيصلي الفجر في المسجد ورا الإمام
مروان :كمان،لا دي سرها باتع بقي
الضابط:طيب حضرتك ناوي علي إيه!
مروان :وهو يسند ظهره إلي الكرسي..هي مراته دي مش بتخرج لوحديها خالص!
الضابط:لا ماحدش بيشوفها لوحدها خالص،'رياض ' بيبقي معاها علي طول
مروان :اصلا أنا بفكر..
الضابط :بذكاء..اوع يا فندم تكون بتفكر في اللي أنا فكرت فيه
مروان :اه وليه لا! هي دي اللي هتوصلنا لمخابئ رياض
الضابط :يافندم مش هينفع لسببين،الأول :أنها من المحتمل تكون بتحب رياض،وفي الحالة دي مش هتساعدنا بحاجة
مروان :والتاني!
الضابط:التاني:إن رياض عنده حريمه خط أحمر فالخيط ده اعتقدت إنه مسدود مش هيوصلنا لحاجة
مروان :اسمع بس مش يمكن هي تكون مش عارفة إنه بيتاجر في المخدرات،وساعتها تساعدنا!
الضابط:طيب هتوصلها ازاي! دي زي ما أنا قولتلك مش بتخرج لوحدها
مروان :بضيق..ماهي دي المشكلة بقي
الضابط:مفيش حل غير أننا نراقبها ونشوف يمكن تخرج
مروان :وهو يومأ برأسه..ماشي
الضابط :خلاص هقوم أشوف شغلي أنا بقي
مروان :اتفضل
-أخذ 'مروان' يمني نفسه قائلا :لو فعلا ده حصل ومراتك ساعدتنا يا رياض،ده يبقي نهايتك قربت علي الأخر، ونريح البشرية منك بقي
_______________________
في المستشفي..
وبعد الكشف والاشاعات،ذهب أحمد إلي الطبيب،قائلا :ها يادكتور خير طمني!
الطبيب:بحزن..للأسف ابنك عنده الكانسر
أحمد :بعدم فهم..يعني إيه الكانسر ده يا دكتور!معلش أنا مش فاهم
الطبيب:يعني سرطان
أحمد:بذهول..أنت بتقول إيه يا دكتور!ده أنا معنديش عيال غيره
الطبيب :بلين..هدي نفسك،ده قدر ربنا
أحمد :لا يادكتور ده ربنا بيعاقبني علي اللي عملته في أبويا،بس أنا اتنزلت عن القضية النهاردة،وكنت ناوي اروحله وابوس علي رجله علشان يسامحني
الطبيب:بتعجب..قضية إيه!
أحمد :وقد تذكر إن الطبيب لا علاقة له بهذا الكلام..يعني ممكن يخف من المرض اللعين ده يادكتور،أنا ممكن اسفره بره!
الطبيب:باطمئنان..إن شاء الله في أمل في الشفا
أحمد :يارب يا دكتور يسمع منك ربنا
الطبيب:عن إذنك
أحمد :اتفضل يادكتور
-جاءت إليه تحية في تساؤل..الدكتور قالك إيه!
أحمد:بتحسر.أرتاحي يا 'تحية' علشان تقعدي تكنزي في الفلوس بس اهو هتصرفيها علي علاج ابنك ده لو كمل العلاج أصلا
تحية:بخوف..ليه ابني عنده إيه يا أحمد أتكلم!
أحمد :ببكاء..ابنك جاله المرض الخبيث يا تحية
تحية:بذهول..أنت كداب
أحمد :افرحي يا تحية،وفكري ازاي تاخدي الورث وتكوشي علي الفلوس
تحية:ببكاء..أنت بتقولي كده بس علشان تقلقني عليه صح!
أحمد :بغضب..كفياكي بقي أنتي إيه كل حاجة عندك مستهترة بيها كده،هو المرض كمان في كدب
تحية:بصراخ..ياحسرة قلبك علي ابنك يا تحية، ده أنا مخلفتش إلا هو
أحمد :وهو يحاول أن يتمالك أعصابه التي أفلتتها المفاجأة ويهدئ من روعه..اكتمي خشمك ده،وتعالي نروح نطمن عليه
______________________
في منزل 'نافع '..
هارون:كلم يا حاج المحامي علي التليفون
نافع:سلام عليكم
المحامي:وعليكم السلام،عامل إيه يا حاج!
نافع:بخير الحمد لله
المحامي:بفرح..عندي ليك خبر حلو يا حاج
نافع:قول
المحامي:أحمد اتنازل عن قضية الحجر النهاردة
نافع:وهو يأخذ أنفاسه بارتياح..الحمد لله
المحامي:ولدك ابن حلال ياحاج
نافع :ربنا مضيعش تعبي عليه علي الفاضي
المحامي:طيب عايز مني حاجة ياحاج!
نافع:لا روح بالسلامة
المحامي:الله يسلمك
هارون:خير يا حاج كان عايز إيه المحامي!
نافع:بيبلغني إن أحمد اتنازل عن القضية
عيشه:بفرح..ألف حمد وشكر ليك يارب
هارون:مبروك يا حاج أنت كسبت ابنك
نافع:ياريت ولدي يكون حس بالدرس اللي اتعلمه ويبطل يسمع كلام العقربة اللي ماشي وراها
مصطفي:بس أنا خايف ليكون بيدبر لحاجة تانية يابوي
عواطف:حاجة تانية زي إيه!
مصطفي:زي...
قاطعه صوت 'أحمد ' من الخارج الذي يصرخ وينادي علي والده..
نافع:بقلق..في إيه!
أحمد :وهو يقبل أرجل والده..سامحني يابوي سامحني
نافع:وقد لان له قلبه..قوم ياولدي أنا مسامحك
أحمد :وهو يقوم من علي الأرض..انا اتنازلت عن القضية النهاردة يا حاج
نافع:بمكر..وليه عملت كده!
أحمد :ملعون الفلوس اللي تخليني أقف قدامك في المحاكم،وأضحك الناس عليك
نافع :يعني هتعترف ببنت أخوك!
أحمد :اللي أنت عايزه كله أنا هعمله ياحاج
عيشه :طيب تعالي أقعد يا حبيبي أرتاح
أحمد :لا أنا يدوبك أرجع تاني علي المستشفي
نافع:بقلق..ليه خير!
أحمد :وهو يجهش بالبكاء..ابني جاله المرض الخبيث يابوي
هارون :بصدمة..إيه معقول!
نافع :لا حول ولا قوة إلا بالله
أحمد :معرفناش إلا النهاردة
عيشه:ببكاء..يا حبيبي ياولدي
نافع:طيب يلا بينا نروح نشوفه
________________________
في منزل رياض (في المساء)
كعادتها تجلس وتقرأ وردها اليومي،كان رياض في حالة ارتباك وتوتر،يدخل الغرفة ويخرج دون أخذ شئ منها،فلاحظت ملك ذلك،فقالت:
مالك مرتبك كده ليه!
رياض :ها،مفيش
ملك:متأكد!
رياض :بصراحة بقي أنا عايز أقرأ زيك في المصحف ،بس طبعا أنتي عارفة إني مش بعرف أقرأ وأكتب
ملك:بابتسامة..ولا يهمك،أنا من النهاردة هحفظك كل يوم كام آية كده لحد ما تختمه كله بأذن الله،وكمان هعلمك القراية والكتابة
رياض :بسعادة..يبقي كتر خيرك
ملك:قولي أنت ناويت بجد إنك تتوب!
رياض :اه
ملك:بفرح..يااه ده أسعد خبر سمعته في حياتي
رياض :بتعجب..أنتي فرحانة إني هتوب!
ملك:طبعا،أخيرا هنعيش عيشة طبيعية مفيهاش حرس ولا بوليس ولا قتل
رياض :يعني مش هتزعلي علي الفلوس اللي عندنا دي لو راحت!
ملك :ده علي أساس إني أنا دلوقتي متهنية بيها يعني،دي كلها حاجات ولا ليه لازمة عندي
رياض :بغيظ..أما نشوف الحياة اللي أنتي عايزاني أعيشها دي شكلها إيه! عارفة لو لاقيتها وحشة هعمل فيكي إيه!
ملك:بضحك..اطمن هعملك كل حاجة تبسطك
رياض:بخبث..طيب ما تيجي نجرب دلوقتي
ملك :بضيق..لم نفسك،قولي بقي هتعمل إيه في الفلوس اللي عندك دي كلها!
رياض :هعمل إيه يعني! هسيبها لولادنا إن شاء الله
ملك:لا يا حبيبي أولادي مش هيصرفوا من فلوس حرام،بص أنا عندي فكرة
رياض :إيه هي!
ملك :إنك تفتح مستشفيات بيها وتعالج الناس اللي مش لاقيه العلاج،وكمان تبني ملجأ كبير وتلم كل عيال الشوارع فيه،وكده يبقي عملت حاجة كويسة بيهم
رياض :أنتي خيالك واسع أوي
ملك:ليه بقي!
رياض :يعني في حد عاقل يبقي معاه الفلوس دي كلها ويروح يرميها في الشارع كده،هستفيد إيه من اللي هعمله ده!
ملك:أولا :دي فلوس حرام يعني كده كده أنت مش هتصرف منها
ثانيا :احنا هنعمل كده للناس المحتاجة لعل وعسي ربنا يتقبل توبتك،وبعدين شوف كمية الدعوات اللي هتاخدها من الناس المرضي دي قد إيه
رياض :سبيني أفكر
ملك :بابتسامة..اللي عايز رضي ربنا بيضحي بكل حاجة كانت سبب في غضبه
رياض :ربنا يسهل
ملك:طيب قوم اتوضي بقي وتعالي نقرأ القرآن
رياض :بابتسامة..ماشي
_____________________
في الصباح (في القهوة)..
حجاج:ها يامعلم الشحنة الجديدة قربت توصل اهي،وبعديها بكام يوم هتوصل التانية
رياض :لا وقف كل حاجة دلوقتي
حجاج:بقلق..ليه خير!
رياض :عادي يعني عايزين ناخد اجازة شوية من الشغل ده
حجاج:بابتسامة ساخرة..اجازة! ماشي اللي تشوفه
رياض :مش يمكن ربنا يتوب علينا منه
حجاج :بمكر..لهجتك كده مش عجباني يا معلم،هو في إيه!
رياض :فيه إن احتمال أبطل
حجاج :بسخرية..تبطل إيه ولامؤاخذة
رياض :بغضب..أبطل سجاير يا خفيف،هبطل أنا إيه يعني، غير شغلانة الحرام دي
حجاج :بجهل..حرام إيه! دي حشائش مزروعة في الأرض زي الخضار والفاكهة كده
رياض :بسخرية..الأفيون والحشيش،زي الخضار والفاكهة برده!
حجاج :ايوه كلها نباتات بتتزرع
رياض :بس أنا بقي زهقت من الكار ده
حجاج :باستفزاز..هو مش أنت اللي زهقت دي السنيورة هي اللي زهقت
رياض :وهو يشير إليه محذرا..حجاج متنساش نفسك في الكلام معايا
حجاج :لا هتكلم يا معلم،حالك متشقلب من ساعة سفرية الصعيد دي،من أمتي مره اللي بتمشي علينا وتخلينا نتغير
رياض :وهو يخرج مسدسه من ظهره، ويضعه في رأس حجاج..كلمة تانية وهخليك تروح للحاج سليم دلوقتي
حجاج :هي حصلت إنك ترفع عليا سلاحك علشان..
رياض :وهو يقاطعه بعصبية..وارفعه قدام أي حد
حجاج :ماشي يا معلم،أنا هسيبك دلوقتي لحد ما تروق وليا كلام معاك تاني
رياض :بضيق..يبقي احسن برده
حجاج :علي فكرة يامعلم،رئيس المباحث حطك في دماغه شوية اليومين دول،عن إذنك
رياض :استني عندك
حجاج :بضجر..نعم يامعلم!
رياض :مين قالك كده!
حجاج:حبايبنا اللي هناك،وبيقولولك خلي بالك
رياض :ارميله كام عيل كده من عندنا وكام حتة حشيش،يتلهي فيهم لحد ما نشوف هنتصرف معاه ازاي
حجاج :حاضر،استأذن أنا بقي
رياض :بعصبية..أقعد اترزع هنا هتسبني لوحدي وتمشي
حجاج :بضيق..قعدنا،خير
رياض :أفرد بوزك ده
حجاج :وهو يتصنع الإبتسامة..فردنا كده كويس
رياض :يعني
خرجت 'ملك 'من النافذة تنادي علي 'رياض '
ملك:رياض رياض
رياض :وهو يقوم من جلسته..خليك هنا رجعلك تاني
ذهب رياض إلي منزله..نعم
ملك:أنا هروح أشتري أنا وخالتو نادية شوية حاجات كده
رياض :طيب هغير هدومي واجي معاكي
ملك:لا أنا هروح أنا وهى وهاجي علي طول
رياض :طيب اجهزي عقبال ما السواق والحرس يطلعوا العربيات
ملك:بضيق..هو أنا بقولك رايحة أحارب،أنا مش عايزة حد معايا
رياض :بعصبية..امال هتمشي لوحدك ازاي يعني!
ملك:بعند..زي الناس
رياض :خلاص خلي السواق وواحد بس قدام،واقعدي أنتي وخالتك ورا
ملك:بغضب..خلاص مش هغور في حتة
رياض :وهو يمتص غضبه..خلاص زي ما تحبي
ملك:بابتسامة..ماشي خالتو هتاجي ونركب مع السواق بس
رياض :ماشي
بعد مرور دقائق ،جاءت' نادية وخرجت ملك' من المنزل وصعدوا إلي السيارة وانطلقت بهم
رياض :وهو يشير إلي الحرس..وراه بس ما تخلوهاش تحس بيكم
_______________
(عقاب)
عند آذان الفجر،تعمدت 'ملك' أن لا تقوم من الفراش بعد أن تري رد فعل 'رياض '،هل سيقوم لأداء الصلاة،أما سيغرق في نومه كعادته..
استيقظ 'رياض' من نومه،ونظر إلي زوجته النائمة،قائلا بسخرية..هو ده اللي بتقعدي تقوليلي الصلاة في ميعادها،اديكي نايمة اهو
ملك:وهي تقوم سريعا..صباح الخير
رياض:بضيق..خضيتيني في حد يقوم بسرعة كده!
ملك :بابتسامة..صباح الخير يازوجي العزيز،هل لي أن أتوضأ لكي أقوم بأداء فريضة صلاة الفجر
رياض:باستغراب.أنتي مالك قلبتي تركي كده ليه،أنتي بتتحولي وأنتي نايمة!
ملك :بضحك..تقريبا كده،قوم بقي روح صلي،وتعالي خدني علشان نجيب فطار مع بعض،ونتمشي شوية
رياض:من قلة الرجالة اللي موجودين يعني،أي واحد فيهم يروح يجيب اللي أنتي عايزاه
ملك :بعصبية..هو أنا كل ما أقولك علي حاجة تقولي هخلي حد يجبهالك،وأنا مروحش بنفسي أجيب ليه يعني! صغيرة ولا صغيرة!،هفضل محبوسة كده في البيت!
رياض :وهو يقوم من علي الفراش..بس بس إيه أنتي مصدقتي يا ماما تكلمي،خلاص هروح اصلي وأبقي أجي أخدك،ياساتر يارب علي جنان الحريم ده
ملك:بضيق..رجالة تحرق الدم
رياض:وهو ينظر إليها بتعجب..شكلك تقلتي في العشا علشان كده صاحية مش طبيعية
ملك:أمشي
___________________________
في منزل 'نافع'...(في الصباح )
جلست العائلة تحتسي الشاي..
نافع:عملت إيه يا هارون!
هارون:خلاص يا حاج كلمت المحامي وهو هيخلص كل حاجة
عيشه :بقلق..خير يا حاج في إيه!
نافع:خير يا حاجة،أنا قولت لهارون يقول للمحامي يتنازل عن رفع الشيكات بتاعت أحمد
عيشه :بفرح..عين العقل يا حاج
نافع:بحزن..مهنش عليا يتمرمط في الأقسام ويتخرب بيته
عواطف:صحيح اللي قال:قلبي علي ولدي انفطر، وقلب ولدي عليا حجر
هارون :ربنا يهديه لنفسه
عيشه :يارب
(في منزل أحمد )
أذن الظهر،وعاد 'أحمد' من الخارج..
تحية:بقلق..أنت كنت فين يا أحمد قلقتيني عليك!
أحمد :كنت في المحكمة
تحية:بتعجب..ليه هي القضية النهاردة!
أحمد :لا
تحية:بضيق..امال إيه ما تكلم علي طول
أحمد :بشجاعة..أنا اتنزلت عن قضية الحجر اللي رفعتها علي أبويا
تحية:بذهول..بتقول إيه!
أحمد:بقول اللي أنتي سمعتيه
تحية:وهي تضرب علي وجهها وتصرخ..يالهوي يالهوي،اتنزلت عن القضية بعد كل اللي حصل ده! ده كان خلاص كلها أيام وميعاد الجلسة ياجي
أحمد :باشمئزاز..عايزاني أفضح أبويا في البلد وشهر بيه،وهو ما هنش عليه إني اتسجن وبيتي يتخرب،أنتي إيه يا شيخة معندكيش قلب خالص
تحية:بغضب وعصبية..قلب!! قلب إيه هو أبوك عمل فينا قليل علشان تقولي قلب،منك لله أنت وهو ربنا يخدكم
أحمد :بغيظ..أنتي بتدعي علينا كمان
استيقظ 'حسن' من النوم في فزع،قائلا :إيه يا جماعة صوتكم عالي كده ليه،إيه اللي حصل!
تحية:بسخرية..تعالي شوف أبوك زينة الرجالة،راح أتنازل عن القضية لجدك بعد كل اللي عمله فينا ده
حسن:بعدم تصديق..أنت فعلا عملت كده يا بابا
أحمد :بارتباك..اه عملت كده،ده راجل كبير وكان هيتشل بسببي قبل كده،ما بقالك بقي لو كسبنا القضية يروح فيها خلاص
تحية:ما يروح فستين داهية احنا مالنا
أحمد :وهو يرفع يده ليصفعها علي وجهها..اخرسي إن شاء الله عيلتك كلها
حسن:وهو يمسك يده..لا يا بابا أوع تعمل كده
تحية:باستفزاز..الله الله هي كمان حصلت إنك ترفع إيدك عليا يا مرمطون لابوك،طيب والله ما أنا قاعدة معاك تاني
أحمد :بندم.يلا المركب اللي تودي،كنتي هتخسريني أبويا وعيلتي كلها،لو كنت خسرت القضية كان أبويا هيغضب عليا وهتحرم منه ومن كل حاجة بسبب طمعك ده
تحية:بابتسامة مستفزة..مبروك علي البت النصابة خليها بقي تكوش علي كل حاجة حلال عليها
أحمد :بعصبية..يلعن دي فلوس اللي هتخليني أخسر أبوي ،الفلوس دي هو اللي جمعها بشقاه وهو حر فيها
تحية:بوعيد..ماشي يا أحمد صبرك عليا
حسن:وهو يضع يده علي رأسه ويسقط مغشيا عليه..الحقني يابابا
أحمد :بصراخ..حسن
تحية:أطلب الإسعاف بسرعة يا أحمد
___________________
في أحد محلات رياض..
رياض:ها كفاية كده لف ولا عايزة تشوفي الباقي
ملك :بإعجاب..ما شاء الله، محلات كبيرة أوي،علي كده دي بفلوس ال..
رياض :وهو يقاطعها..لا دي حاجة ودي حاجة
ملك :طيب إيه رأيك أنت تقف بنفسك في المحلات دي،وأنا أجي أقعد معاك كل يوم
رياض :بغيرة..وتفتكري إني ممكن اسيبك قاعدة قدام اللي رايح واللي جاي كده إن شاء الله!
ملك:بضيق..ياساتر يارب عليك
رياض :باستفزاز..بس في ستات جامدة أوي بتدخل هنا،أنا بفكر فعلا أجي أقعد هنا علشانهم بس
ملك:بابتسامة غيظ..اممم يلا نمشي
رياض :بضحك..اتفضلي
__________________
في المستشفي...
تحية:ببكاء..يارب استر يارب
أحمد :أهدي شوية دلوقتي نطمن عليه
الطبيب:هو إيه المضاعفات اللي بتحصله!
تحية:هو علي طول يقول إنه مصدع ووشه أصفر،بس أنا بقول عادي من الجامعة وكده
الطبيب:والله احنا هنعمل إشاعة وربنا يستر
أحمد :بخوف..طيب هو في حاجة يادكتور خطيرة،طمني
الطبيب :باطمئنان..خير خير
أحمد :ببكاء..يارب
_______________________
في مكتب مروان..
مروان:وهو يتفحص الملف الخاص برياض..دي كل المعلومات عنه!
الضابط..اه يا فندم
مروان:بتعجب..صورة مين دي!
الضابط:دي مراته
مروان :هو اتجوز أمتي!
الضابط:عن قريب
مروان :وطبعا دي تلاقيها بنت تاجر مخدرات كبير برده مش كده!
الضابط:لا خالص يافندم،دي بنت ناس محترمة أبوها كان إمام الجامع اللي في الحارة بس مات بقي،وهي عايشة مع واحدة جارتها هي اللي ربتها
مروان :بتعجب..طيب واتجوزها ليه بقي أما هي عادية أوي كده!
الضابط :بابتسامة..الحب يا فندم يعمل المستحيل
مروان :باستغراب..لا يا شيخ معقولة 'رياض ' ده بيحب!
الضابط :اه والله زي ما بقول لحضرتك كده،بيحبها جدا كمان
مروان :بابتسامة ساخرة..يعني 'رياض سليم' بقي نقطة ضعفه،واحدة ست
الضابط :لا والغريبة بقي إنه بقي بيصلي الفجر في المسجد ورا الإمام
مروان :كمان،لا دي سرها باتع بقي
الضابط:طيب حضرتك ناوي علي إيه!
مروان :وهو يسند ظهره إلي الكرسي..هي مراته دي مش بتخرج لوحديها خالص!
الضابط:لا ماحدش بيشوفها لوحدها خالص،'رياض ' بيبقي معاها علي طول
مروان :اصلا أنا بفكر..
الضابط :بذكاء..اوع يا فندم تكون بتفكر في اللي أنا فكرت فيه
مروان :اه وليه لا! هي دي اللي هتوصلنا لمخابئ رياض
الضابط :يافندم مش هينفع لسببين،الأول :أنها من المحتمل تكون بتحب رياض،وفي الحالة دي مش هتساعدنا بحاجة
مروان :والتاني!
الضابط:التاني:إن رياض عنده حريمه خط أحمر فالخيط ده اعتقدت إنه مسدود مش هيوصلنا لحاجة
مروان :اسمع بس مش يمكن هي تكون مش عارفة إنه بيتاجر في المخدرات،وساعتها تساعدنا!
الضابط:طيب هتوصلها ازاي! دي زي ما أنا قولتلك مش بتخرج لوحدها
مروان :بضيق..ماهي دي المشكلة بقي
الضابط:مفيش حل غير أننا نراقبها ونشوف يمكن تخرج
مروان :وهو يومأ برأسه..ماشي
الضابط :خلاص هقوم أشوف شغلي أنا بقي
مروان :اتفضل
-أخذ 'مروان' يمني نفسه قائلا :لو فعلا ده حصل ومراتك ساعدتنا يا رياض،ده يبقي نهايتك قربت علي الأخر، ونريح البشرية منك بقي
_______________________
في المستشفي..
وبعد الكشف والاشاعات،ذهب أحمد إلي الطبيب،قائلا :ها يادكتور خير طمني!
الطبيب:بحزن..للأسف ابنك عنده الكانسر
أحمد :بعدم فهم..يعني إيه الكانسر ده يا دكتور!معلش أنا مش فاهم
الطبيب:يعني سرطان
أحمد:بذهول..أنت بتقول إيه يا دكتور!ده أنا معنديش عيال غيره
الطبيب :بلين..هدي نفسك،ده قدر ربنا
أحمد :لا يادكتور ده ربنا بيعاقبني علي اللي عملته في أبويا،بس أنا اتنزلت عن القضية النهاردة،وكنت ناوي اروحله وابوس علي رجله علشان يسامحني
الطبيب:بتعجب..قضية إيه!
أحمد :وقد تذكر إن الطبيب لا علاقة له بهذا الكلام..يعني ممكن يخف من المرض اللعين ده يادكتور،أنا ممكن اسفره بره!
الطبيب:باطمئنان..إن شاء الله في أمل في الشفا
أحمد :يارب يا دكتور يسمع منك ربنا
الطبيب:عن إذنك
أحمد :اتفضل يادكتور
-جاءت إليه تحية في تساؤل..الدكتور قالك إيه!
أحمد:بتحسر.أرتاحي يا 'تحية' علشان تقعدي تكنزي في الفلوس بس اهو هتصرفيها علي علاج ابنك ده لو كمل العلاج أصلا
تحية:بخوف..ليه ابني عنده إيه يا أحمد أتكلم!
أحمد :ببكاء..ابنك جاله المرض الخبيث يا تحية
تحية:بذهول..أنت كداب
أحمد :افرحي يا تحية،وفكري ازاي تاخدي الورث وتكوشي علي الفلوس
تحية:ببكاء..أنت بتقولي كده بس علشان تقلقني عليه صح!
أحمد :بغضب..كفياكي بقي أنتي إيه كل حاجة عندك مستهترة بيها كده،هو المرض كمان في كدب
تحية:بصراخ..ياحسرة قلبك علي ابنك يا تحية، ده أنا مخلفتش إلا هو
أحمد :وهو يحاول أن يتمالك أعصابه التي أفلتتها المفاجأة ويهدئ من روعه..اكتمي خشمك ده،وتعالي نروح نطمن عليه
______________________
في منزل 'نافع '..
هارون:كلم يا حاج المحامي علي التليفون
نافع:سلام عليكم
المحامي:وعليكم السلام،عامل إيه يا حاج!
نافع:بخير الحمد لله
المحامي:بفرح..عندي ليك خبر حلو يا حاج
نافع:قول
المحامي:أحمد اتنازل عن قضية الحجر النهاردة
نافع:وهو يأخذ أنفاسه بارتياح..الحمد لله
المحامي:ولدك ابن حلال ياحاج
نافع :ربنا مضيعش تعبي عليه علي الفاضي
المحامي:طيب عايز مني حاجة ياحاج!
نافع:لا روح بالسلامة
المحامي:الله يسلمك
هارون:خير يا حاج كان عايز إيه المحامي!
نافع:بيبلغني إن أحمد اتنازل عن القضية
عيشه:بفرح..ألف حمد وشكر ليك يارب
هارون:مبروك يا حاج أنت كسبت ابنك
نافع:ياريت ولدي يكون حس بالدرس اللي اتعلمه ويبطل يسمع كلام العقربة اللي ماشي وراها
مصطفي:بس أنا خايف ليكون بيدبر لحاجة تانية يابوي
عواطف:حاجة تانية زي إيه!
مصطفي:زي...
قاطعه صوت 'أحمد ' من الخارج الذي يصرخ وينادي علي والده..
نافع:بقلق..في إيه!
أحمد :وهو يقبل أرجل والده..سامحني يابوي سامحني
نافع:وقد لان له قلبه..قوم ياولدي أنا مسامحك
أحمد :وهو يقوم من علي الأرض..انا اتنازلت عن القضية النهاردة يا حاج
نافع:بمكر..وليه عملت كده!
أحمد :ملعون الفلوس اللي تخليني أقف قدامك في المحاكم،وأضحك الناس عليك
نافع :يعني هتعترف ببنت أخوك!
أحمد :اللي أنت عايزه كله أنا هعمله ياحاج
عيشه :طيب تعالي أقعد يا حبيبي أرتاح
أحمد :لا أنا يدوبك أرجع تاني علي المستشفي
نافع:بقلق..ليه خير!
أحمد :وهو يجهش بالبكاء..ابني جاله المرض الخبيث يابوي
هارون :بصدمة..إيه معقول!
نافع :لا حول ولا قوة إلا بالله
أحمد :معرفناش إلا النهاردة
عيشه:ببكاء..يا حبيبي ياولدي
نافع:طيب يلا بينا نروح نشوفه
________________________
في منزل رياض (في المساء)
كعادتها تجلس وتقرأ وردها اليومي،كان رياض في حالة ارتباك وتوتر،يدخل الغرفة ويخرج دون أخذ شئ منها،فلاحظت ملك ذلك،فقالت:
مالك مرتبك كده ليه!
رياض :ها،مفيش
ملك:متأكد!
رياض :بصراحة بقي أنا عايز أقرأ زيك في المصحف ،بس طبعا أنتي عارفة إني مش بعرف أقرأ وأكتب
ملك:بابتسامة..ولا يهمك،أنا من النهاردة هحفظك كل يوم كام آية كده لحد ما تختمه كله بأذن الله،وكمان هعلمك القراية والكتابة
رياض :بسعادة..يبقي كتر خيرك
ملك:قولي أنت ناويت بجد إنك تتوب!
رياض :اه
ملك:بفرح..يااه ده أسعد خبر سمعته في حياتي
رياض :بتعجب..أنتي فرحانة إني هتوب!
ملك:طبعا،أخيرا هنعيش عيشة طبيعية مفيهاش حرس ولا بوليس ولا قتل
رياض :يعني مش هتزعلي علي الفلوس اللي عندنا دي لو راحت!
ملك :ده علي أساس إني أنا دلوقتي متهنية بيها يعني،دي كلها حاجات ولا ليه لازمة عندي
رياض :بغيظ..أما نشوف الحياة اللي أنتي عايزاني أعيشها دي شكلها إيه! عارفة لو لاقيتها وحشة هعمل فيكي إيه!
ملك:بضحك..اطمن هعملك كل حاجة تبسطك
رياض:بخبث..طيب ما تيجي نجرب دلوقتي
ملك :بضيق..لم نفسك،قولي بقي هتعمل إيه في الفلوس اللي عندك دي كلها!
رياض :هعمل إيه يعني! هسيبها لولادنا إن شاء الله
ملك:لا يا حبيبي أولادي مش هيصرفوا من فلوس حرام،بص أنا عندي فكرة
رياض :إيه هي!
ملك :إنك تفتح مستشفيات بيها وتعالج الناس اللي مش لاقيه العلاج،وكمان تبني ملجأ كبير وتلم كل عيال الشوارع فيه،وكده يبقي عملت حاجة كويسة بيهم
رياض :أنتي خيالك واسع أوي
ملك:ليه بقي!
رياض :يعني في حد عاقل يبقي معاه الفلوس دي كلها ويروح يرميها في الشارع كده،هستفيد إيه من اللي هعمله ده!
ملك:أولا :دي فلوس حرام يعني كده كده أنت مش هتصرف منها
ثانيا :احنا هنعمل كده للناس المحتاجة لعل وعسي ربنا يتقبل توبتك،وبعدين شوف كمية الدعوات اللي هتاخدها من الناس المرضي دي قد إيه
رياض :سبيني أفكر
ملك :بابتسامة..اللي عايز رضي ربنا بيضحي بكل حاجة كانت سبب في غضبه
رياض :ربنا يسهل
ملك:طيب قوم اتوضي بقي وتعالي نقرأ القرآن
رياض :بابتسامة..ماشي
_____________________
في الصباح (في القهوة)..
حجاج:ها يامعلم الشحنة الجديدة قربت توصل اهي،وبعديها بكام يوم هتوصل التانية
رياض :لا وقف كل حاجة دلوقتي
حجاج:بقلق..ليه خير!
رياض :عادي يعني عايزين ناخد اجازة شوية من الشغل ده
حجاج:بابتسامة ساخرة..اجازة! ماشي اللي تشوفه
رياض :مش يمكن ربنا يتوب علينا منه
حجاج :بمكر..لهجتك كده مش عجباني يا معلم،هو في إيه!
رياض :فيه إن احتمال أبطل
حجاج :بسخرية..تبطل إيه ولامؤاخذة
رياض :بغضب..أبطل سجاير يا خفيف،هبطل أنا إيه يعني، غير شغلانة الحرام دي
حجاج :بجهل..حرام إيه! دي حشائش مزروعة في الأرض زي الخضار والفاكهة كده
رياض :بسخرية..الأفيون والحشيش،زي الخضار والفاكهة برده!
حجاج :ايوه كلها نباتات بتتزرع
رياض :بس أنا بقي زهقت من الكار ده
حجاج :باستفزاز..هو مش أنت اللي زهقت دي السنيورة هي اللي زهقت
رياض :وهو يشير إليه محذرا..حجاج متنساش نفسك في الكلام معايا
حجاج :لا هتكلم يا معلم،حالك متشقلب من ساعة سفرية الصعيد دي،من أمتي مره اللي بتمشي علينا وتخلينا نتغير
رياض :وهو يخرج مسدسه من ظهره، ويضعه في رأس حجاج..كلمة تانية وهخليك تروح للحاج سليم دلوقتي
حجاج :هي حصلت إنك ترفع عليا سلاحك علشان..
رياض :وهو يقاطعه بعصبية..وارفعه قدام أي حد
حجاج :ماشي يا معلم،أنا هسيبك دلوقتي لحد ما تروق وليا كلام معاك تاني
رياض :بضيق..يبقي احسن برده
حجاج :علي فكرة يامعلم،رئيس المباحث حطك في دماغه شوية اليومين دول،عن إذنك
رياض :استني عندك
حجاج :بضجر..نعم يامعلم!
رياض :مين قالك كده!
حجاج:حبايبنا اللي هناك،وبيقولولك خلي بالك
رياض :ارميله كام عيل كده من عندنا وكام حتة حشيش،يتلهي فيهم لحد ما نشوف هنتصرف معاه ازاي
حجاج :حاضر،استأذن أنا بقي
رياض :بعصبية..أقعد اترزع هنا هتسبني لوحدي وتمشي
حجاج :بضيق..قعدنا،خير
رياض :أفرد بوزك ده
حجاج :وهو يتصنع الإبتسامة..فردنا كده كويس
رياض :يعني
خرجت 'ملك 'من النافذة تنادي علي 'رياض '
ملك:رياض رياض
رياض :وهو يقوم من جلسته..خليك هنا رجعلك تاني
ذهب رياض إلي منزله..نعم
ملك:أنا هروح أشتري أنا وخالتو نادية شوية حاجات كده
رياض :طيب هغير هدومي واجي معاكي
ملك:لا أنا هروح أنا وهى وهاجي علي طول
رياض :طيب اجهزي عقبال ما السواق والحرس يطلعوا العربيات
ملك:بضيق..هو أنا بقولك رايحة أحارب،أنا مش عايزة حد معايا
رياض :بعصبية..امال هتمشي لوحدك ازاي يعني!
ملك:بعند..زي الناس
رياض :خلاص خلي السواق وواحد بس قدام،واقعدي أنتي وخالتك ورا
ملك:بغضب..خلاص مش هغور في حتة
رياض :وهو يمتص غضبه..خلاص زي ما تحبي
ملك:بابتسامة..ماشي خالتو هتاجي ونركب مع السواق بس
رياض :ماشي
بعد مرور دقائق ،جاءت' نادية وخرجت ملك' من المنزل وصعدوا إلي السيارة وانطلقت بهم
رياض :وهو يشير إلي الحرس..وراه بس ما تخلوهاش تحس بيكم
_______________
