رواية ملك الصقر الفصل الثاني والثلاثون 32 بقلم بسنت شريف
صقر قاعد ف عربيته مش قادر يجمع مش فاهم اللي حصل او اللي سمعه منه معقول يكون ابوه هو امير اكبر جماعه ارهابيه ابوه ايده متلوثه بدم ناس ملهاش زنب حاسس انه بيحلم مش قادر يستوعب وكمان هوسبب في اللي حصل لملك حاسس ان كان الدنيا كلها جت عليه مره واحده مش قادر يستوعب الصدمه اللي مر بيها رجع بيته بعد وقت وقعد علي اول كرسي قابله واتصل بملك وردت
صقر......تعالي شقتي انا عايزك
ملك.....حاضر
ملك قفلت معاه وخرجت وخبطت عليه وهووفتحلها بس مجرد ماشافها شالها وحضنها ورجليه مكانتش لمسه الارض بسبب فرق الطول اللي بينهم
ملك باستغراب ......صقر في اي
صقر فضل.علي وضع دا دقايق مض بيتكلم حاضنها وساكت وبعد كدا مشي بيها وقعد علي كرسي وخلها علي رجله
ملك.....انت كويس
صقر بصلها وساكت بس عنيه مليانه كلام مليانه وجع وكسره وحزن
ملك......في اي
صقر ......هما لي بيعملو فيا كدا لي مصممين يكسروني لي ياملك انا اذيتهم ف اي لي الاشخاص اللي مفروض تكون سند وعون لا اي شخص هي مصدر كسرتي هو انا عملتلهم اي
+
ملك بصاله ومش فاهمه هو بيتكلم علي اي
+
صقر سكت واتنهد وقربها منه وهي حضنته
صقر وصل لمرحله هو مش قادر يتكلم مش قادر يوصف هو في اي قمه الوجع اللي وصل ليها ملهاش حد
فضل وقت طويل كدا وهو ساكت وملك سيباه براحته لحد.مايكلم وبعد كدا بعد عنها
صقر ....يالاننام
ملك .....ماشي
+
صقر.الايام بتعدي بيه وهو ساكت مش بيتكلم مع حد محاولات ملك انها تحاول تخليه يتكلم كانت دايما بتفشل قلقها عليه مستمر عز بيحاول وباردو بيكون رد صقر السكوت التام
صقر بيروح شغله لكن مابيشتغلش غير قليل وطول الوقت ف دنيا تانيه لوحده
+
صقر عرف ان المدير عايزه ف راحله
صقر ....نعم يافندم
المدير.....اي الاستهتار اللي انت في دا ياسياده المقدم من امتي وانت بتسيب شغلك كدا انت ناسي وضعك اي
صقر.....اسف يافندم
المدير.....الشغل مطلوب منك يكون علي مكتبي النهارده مفهوم مش عايز تاخير اكتر من كدا
صقر.....حاضر
المدير.....وصلت لاي مع المتلتم
صقر غمض عينه يتحكم ف اعصابه ......ولا حاجه
المدير بصوت عالي.....كدا كتير اوووي انت اي هتخيب ولا اي فوق لنفسك ياسياده المقدم شغلنا مفيهوش هزار
صقر.....ماتقلقش يافندم كله هيبقي تمام والحاجات اللي حضرتك طالبها هتتنفذ النهارده
المدير.....تمام وعايزك انت تجبلي اخر المعلومات من المتلتم ياما النتيحه مش هتعجبك
صقر .....مش فاهم قصدك
المدير.....لاانت فاهم كويس اوووي ياصقر وفاهم ان المتلتم دا هو كمال ابوك وانت شغال ف منصب خطير واكيد انت لازم تكون فاهم يعني ابوك امير جماعه وانت مقدم في المخابرات
+
صقر مش مستوعب هوبيقول اي اصلا وباصص ليه ومتنح
+
المدير.....صقر انا بعملك ذي ابني وربنا يعلم بس انت حاليا ف موقف حرج جداا ف ياريت ف اقرب وقت توصل للمعلومات عشان تثبت ولائك لينا ياما انت عارف الباقي
بعد كل ما تفعله ورغم كل كوارثها لا يستطيع التخلى او الاستغناء حاول جاهداً بعِزم ما به وبداخله رغبه قويه لكنه كلما حاول تأكد للأسف انها أصبحت ملكة قلبه وحياته تفرض علي...
صقر.....حاااضر يافندم
صقر خرج وكان اهله حالفين مش يسبوه ف حاله دمرو وهو صغير اما سابوه وبيدمرو تاني بعد ماتعب عشان يوصل لمكانته دي كل حاجه بتنهار قصاد عينه وهو مش قادر دخل مكتبه وهو واصل لاخر قوه تحمله مش عارف هو عمله اي عشان يدمرو كدا مش لاقي سبب او حتي مبرر لكل اللي بيعمله دا
+
عدي الوقت بيه وهوبينفذ الشغل المطلوب منه يعمله بس هو مش موجود عقل بس بينفذ ذي الاله ودماغه وتفكيره في مكان تاني خالص
عز دخل وفضل باصص ليه وملاحظ ان صقر بيشتغل علي اللاب بس سرحان لدرجه انه ملاحظش وجوده
عز.....صقرررر
صقر اتخض ...اي
عز....في اي مالك
صقر....كويس ....وروح علي مكتبك عندي شغل وسابه وبص علي اللاب تاني
عز جيه وقفل لاب .....مهو اللي بيحصل دا مش طبيعي انك توصل للحاله دي مش طبيعي انك تبقي قاعد جسمانيا بس وعقلك ف مكان تاني دا مش طبيعي انك والاول مره اشوف في عينك كسره ماشوفتهاش من يوم ما دخلت المدرسه الدخلي دا مايبقاش طبيعي اما تبقي ملك اقرب واحده ليك ف الدنيا مش عارفه اي سبب دا يبقي اكيد الموضوع كبير اوووي اتكلم ياصاحبي فيك اي
صقر......الكلام مالوش لازمه ياعز وسيبني انا محتاج اكون لوحدي روح شغلك
عز......مش هتحرك من هنا مهما قولت فيك اي
صقر بضيق.....عز سيبني انا مش قادر اتكلم صدقني
عز ....بهدوء....بوص هو مفيش مشكله ملهاش حل وانت بس عشان جوه الموضوع مش عارف تفكر لكن غيرك هيشوف الامور واضحه
صقر ضحك بغلب ......تفتكر
عز....اكيد
صقر......عرفت ان المتلتم رجع
عز....اه طبعا دورت عليك يومها عشان اباركلك بس اما اختفيت افتكرتك قتلته
صقر.....عارف مين دا
عز.....لا مين
صقر......كمال المنشاوي ابويا
عز اتصدم.....اي اذاي وامتي انت بتقول اي
صقر ....انت اتصدمت انا اعمل اي بقي تخيل اما بقي انا وظيفتي اقبض علي ارهابين وادمرهم وابويا اكبر ارهابي والعالم كله بيدور عليه
عز باصص ليه ومش عارف يتكلم مش لاقي كلام يقوله فهم صدمت صقر
صقر اتنهد بوجع......تخيل من 14سنه رماني ف مدرسه داخلي وسابني وجاي دلوقتي يرجع بس بمصيبه هدمر مستقبلي اللي شقيت فيه هيدمر كل حاجه عملتها ف لمح البصر
عز ......وانت مالك هو انت اللي قولتله يعمل كدا
صقر......تفتكر احنا ف شغلنا عندنا الكلام دا ياعز
عز سكت لان فعلا يعتبر مستقبل صقر ضاع وممكن ييتم ق...وبعد الفكره دي من دماغه قبل يفكر فيها
صقر ضحك بوجع.....ايوه هي الفكره اللي جت ف دماغك والمدير قالها ليا النهارده يثبت ولائي للجهاز اللي انا فيه وجيب معلومات منه يااما انا عارف رد الفعل ...قولي انت اذاي انا هقدر اقف قصاده اذاي انا هقدر اتعامل معاه باي اسلوب عشان اجيب منه معلومات انا فعلا تعبت ومش عارف اتصرف
عز بحزن علي حال صاحبه واللي بيمر بيه .....طيب ناوي علي اي
صقر......مش عارف صدقني مش عارف انا ف دوامه مبتخلصش ومش عارف اخرج منها ولا عارف اوصل لحل
عز......خودها تحدي
صقر ....ربك يسهل
+
عز خرج وساب صقر يكمل شغله وبعدهابوقت الباب خبط
صقر. ..ادخل
دخل رائد
رائد......اذيك ياصقر
صقر...... الحمدلله في حاجه
رائد....احممممم هوانا ملاخظ ان بقالك فتره متغير هو في مشكله
صقر .....لا عادي مفيش حاجه
رائد.....انا عارف ان احنا مش قريبين من بعض عشان تحكيلي بس انا موجود ولو احتجت اي حاجه كلمني و صدقني مش هتاخر لحظه
صقر..ً...وانا متاكد من دا وشكرا ليك اووي
رائد.....العفو....
صقر فضل وقت يكمل شغله وبعد كدا جمع نفسه عشان يروح لكمال هوحاليا ف حرب ياما يكون مع مشاعره ويضحي بمستقبله وحياته كلها يااما يفكر في مستقبله وبس
وفعلا لغي قلبه تماما وتفكير ف اي حاجه كل تفكيره بس ف مستقبله وان دا مجرد متهم ذي اي حد
+
صقر دخل بهدوء الاوضه اللي هوقاعد فيها كمال
صقر......مساءاللخير
كمال .....خير
صقر.....كل خير طبعا تحب اقولك اي بقي كدا يامتلتم ولاياامير
كمال.....لا قولي ياسياده رائد
صقر ضحك......ياراجل رائد اي بقي بعد كل عملته دا دا انت المفروض تستعر من نفسك انك خنت بلدك وقسمك والناس اللي انت مكلف تحميها
كمال.... انا مجرد.سبب دا عمرهم يعني مثلا ملك مراتك في ناس حاولو يقتلوها و للاسف فشلو وانت لحقتها الموضوع اعمار ياصقر
صقر فاهم انه بيستفزه ف بيحاول يتمالك اعصابه......صح مهو انا جبتلها حقها بعدها بيوم ولسه حقها مخلصش المهم فيك انت بس
كمال.....اذاي
صقر .....لي عملت كدا واي اللي وصلك لكدا
كمال.....دي تبع التحقيق ولاليك انت
صقر.....مش هتفرق
كمال.....انا قضيت مده خدمتي هنا بعمل كل الي عليا وبخدم بكل روحي وماثرتش ف اي حاجه اطلبت مني وكنت مستعد اضحي بنفسي مقابل اي حاجه لكن اللي هما عملوه ضيعو كل دا بمجرد حادثه ومبقاش ليا لازمه تاريخي وتعبي كل دا راح علي ارض والمفروض بقي اعمل اي هااا انا جوايا كره وغل انت ماتتخيلوش ومش ندمان عن اي حاجه انا عملتها ولو مكتوبلي العمر هعمل اد دا الف مره
+
صقر باصص ليه بصدمه مش متخيل ان دا تفكير شخص طبيعي
+
صقر.....انت مش طبيعي
كمال......وجه نظر
صقر .....هقدملك عرض
كمال ..ً....اي
صقر.....تصلح اللي انت عملته وتسلمني الاكبر منك او بالاصح تسلمهم لينا
كمال......مقابل
صقر.ً....مش فاهم
كمال.....انت قولت عرض ف الطبيعي ان العرض شئ مقابل شئ ف انت هتديني اي مقابل دا
صقر......اللي انت عايزه
كمال.....مش عايز حاجه و معلوماتك هتاخدها مش عشان خوف منكم بس انا مبقعش لوحدي ولازم امااقع ادمر الكل معايا مهوانا مش هموت لوحدي ولا اي
صقر بيبصله باستحقار لانه طلع ابشع من مابيتخيل بمراحل
صقر.......اتكلم
كمال ابتدا يحكي عن كل معلومات اللي عنده واماكن تواجدهم قال كل حاجه والعمليات اللي المفروض هتم بمعني اصح باع الكل وسلمهم كلهم للداخليه
+
صقر خد منه المعلومات اللي عايزها وخرج بصمت من غير اي رده فعل ودخل للمدير سلمه اعترفات كمال
المدير ....غريبه اعترف بسهوله
صقر ضحك بوجع......مش عايز يقع لوحده لانه متاكد انه مش هيخرج من هنا
المدير.....صقر احنا متاكدين من انتمائك لينا وحبك لشغلك بس دي قوانين لازم ننفزها واتمني موضوع والدك دا ماياثرش علي شغلك
صقر.....انشاء الله .....هو اي اللي هيتم حاليا
المدير......هبعت لمخابرات وهتواصل معاهم وهم هيسلمهم لينا وانت مهمتك انت كدا خلصت لحد كدا بس لوجد جديد هيتنسب ليك تمام
صقر.....تمام يافندم عن اذن حضرتك
+
صقر خرج من مكتب المدير وخرج من جهاز كله نفسه يهرب من الناس كلها ويبعد عن الكل اللي مر بيه دا اصعب من تخيلاته
+
وبعد وقت وصل بيته وجيه يفتح بس الباب مفتحش ف خبط عليها الباب
ملك فتحت الباب جزء صغير وبينت راسها منه
ملك.....خليك هنا خمس دقائق وادخل اشطا
صقر......هو في اي يامجنونه عملتي اي تاني واي الققطتين دول انتي هبله ياماما
ملك......ملكش دعوه بشعري هااا ونفذ اللي قولتلك عليه وسابته وجريت وصقر واقف مش فاهم حاجه
وانتظر شويه وبعد كدا دخل مكانتش موجوده
صقر دخل وقعد علي اول كرسي وافتكر شكلها الطفولي بتسريحه شعرها ف ابتسم وبعد وقت بيرفع عينه واتفجاء من جمالها وفستنها اللي كانه اتعمل ليها هي وشعرها المفرود علي ضهرها وشكلها كان يسحر
صقر باعجاب .....اي الجمال دا
ملك.....حلو بجد
صقر.ً....تجنني طبعا بس الجمال دا بمناسبه اي
ملك......عزماك
صقر.....عزماني انا ....ينفع بعدين يا ملك انا مش قادر انزل وتعبان جدااا معلش
ملك....عشان خاطري ياصقر
صقر.....وقت تاني يا ملك لكن انا مش هقدر صدقيني
ملك بحزن....طيب عن اذنك
صقر غمض عنيه بضيق .....خلاص ماتزعليش هنروح فين طيب
ملك.......خلاص وقت تاني
صقر......لا طبعا يعني ملك هانم عزماني وانا اضيع العزومه دي دا حتي عيب قولي لي بقي هنروح فين
ملك.......مفجاه
صقر......امممممم .....ماشي هدخل اجهز عشان لازم اكون مناسب مع القمر دا
ملك ببتسامه .......اشطا مااتتاخرش
صقر ....اكيد
ملك قعدت منتظره وهو بعد وقت خرج واخدها ونزلو
صقر.ً.....هنروح فين
ملك.....استني هقولك ......وابتدت تشرح ليه يمشي اذاي
صقر.....هو احنا راييحين النيل ولا انا بيتهيقلي
ملك......اه
صقر......طيب ما تقولي من الاول بدل كل دا
ملك.....معلش خليها عليك
صقر ضحك ومشي بالعربيه وبعد وقت وصلو
صقر.....اي
ملك......انزل
صقر نزل وملك معاه واخدته المكان اللي هوبيحبه النيل وطلعو اليخت
صقر بيضحك.....دا اي دا بقي وبعدين اجرتيه اذاي
ملك.....اخدت رقمه من تليفونك وكلمته وبس
صقر.....لا والله ....انتي مجنونة فعلا
ملك......شكرا بكمله الجنان بقي في حاجه نفسي اجربها
صقر......خير
ملك......نبات هنا ينفع
صقر......عايزه تباتي ف اليخت
ملك.....اه
صقر.....عادي اللي انتي عيزاه
ملك.....اووووو اشطا جدااا
ملك .....كلم بقي الراجل يطلع لينا الاكل
صقر.اتصل بيه وطلع ليهم الاكل صقر بياكل وعينه علي ملك وفرحان بيها انها بتحاول تخرجه من اللي هوفي بطرقها البسيطه وبعد وقت
ملك.....هوانت كويس
صقر....لي بتقولي كدا
ملك.....انت بقالك فتره متغير وعلي طول سرحان هو انا عملت حاجه زعلتك في حاجه طيب او عندك مشكله ف شغلك طيب
صقر......لا مش زعلان منك
ملك ....مالك طيب في اي
صقر اتنهدً......وحكي ليها علي رجوع والدو وشغلته
ملك بصدمه.....عمو كمال ارهابي طيب اذاي
صقر......مش عارف ياملك مش عارف انا هتجنن لي يعمل كدا لي
ملك.....طيب ماسالتهوش لي
صقر......يارتني ماسالت وقتها يا ملك اجابته كانت انه بينتقم منهم عشان اتخلو عنه انا تصاب ابويا صدمني
فيه صدمه كبيره اووي ياملك فوق ماتتخيلي انا يكون مثلك الاعلي مجرم وتطلعي طول سنين دي كلها عايشه ف وهم والاهم من دا كله رجوعه بيدمر مستقبلي اللي طلع عيني. عشان ابنيه انا تعبت اوووي يا ملك تعبت منهم ومن تدميرهم فيا معرفش بيعملو معايا كدا لي كاني مش ابنهم امي دورت علي حياتها واجوزت ورمت كل حاجه ورا ضهرها وابتدت حياتها عادي وابويا رجع بمجرد ظهوره في احتماليه اني اسيب شغلي ويقتلوني يعني هتحاسب علي ذنب انا معملتهوش هيقضي علي كل حاجه عملتها ف لحظه
3
ملك مسكت ايده.....هتعدي ماتقلقش ومفيش حاجه هتاثر علي شغلك انا واثقه ف دا انت ظابط كويس جدااا
صقر....ربك يسهل
ملك.....انشااءالله
صقر.....شكرا ليكي علي اللي عملتيه معايا النهارده كنت محتاج اجي هنا
ملك......بحس بيك بقي
صقر....ههههههههههه يا شيخه
ملك......طبعا
+
ملك وصقر فضلو وقت طويل يكلمو مع بعض وملك بتحاول تخرجو من اللي هو فيه
+
استووووووووووب🤗🥰🌟
اي رايكم ف البارت🧐🙄
واي رايكم ف الاحداث 🙄
+
