رواية ملك الصقر الفصل الحادي والثلاثون 31 بقلم بسنت شريف
صقر قاعد في مكتبه مكمل شغله منتظر معاد العمليه الوقت بيمرعليه بطئ اووي وفجاه دخل عز
صقر.....يابني الباب ما عشان تتزفت تخبط عليه
عز.....سيبك من الباب دلوقتي انت فعلا كنت عند رائد لي
صقر ....اشمعنا
عز.....رد في اي
صقر حكاله اللي حصل
عز.....وانت صدقته
صقر.....عز اما حاليا بتعلق ف اي قشايه توصلني للزفت دا وربك يسهالها بعدين
عز....بس
صقر.....عز بعدين انا هقوم عشان المفروض القوات هتتحرك كمان ربع ساعه ولازم اكون منتظرهم هناك
عز.....جاي معاك استني
صقر وعز وصلو المكان اللي هتم في العمليه وفضلو منتظرين
عز.....وصلو اهم
صقر.....اه استعد وخليك جاهز
وبعد دقايق ابتدت المناوشات مابين القوات ومابينهم وقدرو يسيطرو عليهم ومنعو العمليه ويقبضو عليهم ورائد قدر يجيب الدراع اليمين للمتلتم
صقر قام من المكان عشان يتحرك ورا القوات ولكن فجاه وبدون مقدمات كان واقع دراع اليمين للمتلتم ف الارض سايح ف دمه محدش عارف الطلقه جت اذاب ومنين واي اللي حصل وصقر جري عليه يشوفه
صقر.....اي اللي حصل
رائد.....مش عارف مش عارف انا فجاه لقيته واقع ف الارض كدا
صقر ....شيلو معايا ننقله المستشفي حالا
وفعلا رائد ساعد صقر وراحو بيه المستشفي وبعد وقت كانو وصلو ودخل العمليات وصقر قاعد قلقان خايف دا اخر امل ليه لو ضاع مش هيعرف يوصل للمتلتم
رائد....صقر صدقني انا عملت اللي اقدر عليه لكن
صقر.....عارف اللي حصل مش زنبك هما حاولو يخلصو عليه قبل ماتقبض عليه
عز....ماتقلقش هيبقي كويس
صقر....انشااءالله
الوقت عدي بيهم وبعد وقت خرجت راندا وصقر جري عليها بلهفه
صقر.....طمنيني حالته اي
راندا باستغراب قلق صقر دا .....الرصاص بعيد عن القلب ماتقلقش حالته مش خطيره وبكرا يكون كويس
صقر.....هيتنقل اوضه عاديه امتي
راندا....كمان ساعتين كدا
صقر.....تمام. واقدر اتكلم معاه امتي
راندا...ً.بكرا افضل
صقر.....تمام .....المريض دا مسؤليتك انتي وتحددي ممرضه واحده بس تدخل ليه مش عايز مخلوق يدخله مفهوم
راندا بصت لعز مش فاهمه حاجه
صقر......كلامي مفهوم يادكتوره
راندا.....حاضر
صقر......تمام رائد هتكلف اكفء اتنين من مدربين اللي عندك يقفو هنا علي باب مايدخلوش بني ادم غير الدكتوره والممرضه اللي هتختارها مهما يحصل مفهوم
رائد.....اعتبره حصل ماتقلقش
صقر .....تمام
رجع صقر وعز الجهاز يتابعو شغلهم وصقر بيعد.الساعات عشان يستجوبه ويعرف مين وراه واي حكياته
ولفت انتبه صوت موبايله وكان علي
صقر بخضه......اي يا علي في اي ملك كويسه في حاجه طمني عليها
علي......لااطمن هي كويسه بس هو انت هتنفذ كلام وليد فعلا
صقر.....مش فاهم
علي.....يعني انت ممكن تتطلق ملك
صقر.....انت عبيط.يالا
علي.....انا عايز رد
صقر قفل ف وشه من غير ما يتكلم ورجع كمل شغله
اليوم عدي علي صقر طويل جداا واخيرا جيه صباح يوم جديد وراح المستشفي ليه
+
صقر وصل المستشفي وراح لراندا يشوف حالته وصلت لفين وبعد كدا دخل ليه
صقر......حمد لله علي سلامه يابو عمر مش دا اسمك باردو الحركي
ابوعمر.....انت انت عايز اي مني
صقر.....كتير
ابوعمر.....اي مكفكش اللي حصل لمراتك ولا اي عرفت انك قدرت تنقذها بس المره جايه اوعدك مش هتلحق
صقر ضحك بصوته كله.....مره تانيه هو انت فاكر انك هتخرج من هنا تبقي بتحلم
ابوعمر.....هتحبسني يعني ومالو هخرج من اي مكان انت ماتعرفنيش
صقر......لاهوالواضح انك انت متعرفش مين هوصقر المنشاوي
ابوعمر ....المنشاوي
صقر .ٌ...عجبك اسمي
ابوعمر......هاااا انت عايز مني اي
صقر......مين المتلتم
ابوعمر......والمفروض اجاوب بقي صح تبقي بتحلم دا ابعد من نجوم السما غيرك حاول كتير عشان يوصله وفشل
صقر.......امممممم صح وبدون مقدمات خنقه من رقبته وضغط جامد.......مهوانت لومانطقنش هطلع روحك الحلوه دي ف ايدي ومش من مصلحتك انك تحميه هو اول ماحس انك خطر عليه حب يتخلص منك انطق
ابو عمر بيحاول يبعد عن صقر بس مش عارف صقر امر بتكتيفه ومش عارف يتحرك
صقر بعد .....اتكلم
ابوعمر بيحاول ياخد نفسه ويكح جامد
صقر ......انطق مين هو ومكانه فين
ابو عمر.....معرفش معرفش
صقر....لاخر مره بسالك هو مين وفين
ابوعمر..... معرفش عنه حاجه
صقر .....يبقي انت اللي اخترت ....وشال اللزقه اللي علي جرح ليه وضغط عليها جامد .....انطق مين هو
ابوعمر بيصرخ من الوجع....معرفش معرفش
صقر بيضغط اكتر......محدش هينفعك ولا حتي هو انا مش هخرج من هنا غير اما تتكلم وانت اللي هتتعب مش انا اكلم
ابو عمر بوجع......مش هتكلم ....وصدقني انت لوصلته هتبقي دي نهايتك
صقر......اتكلم ومايخصكش
ابوعمر..... معرفش حاجه
صقر اتلفت جنبه ولمح حجات التعقيم والتطهير راح جبهم وجيه مكانه وابوعمر بيصلو برعب مش عارف هو هيعمل اي
صقر......بعيد عن تحقيق ان دا فرحان جدا بعزبك دا عشان بتعوض كل لحظه رعب هي عشتها والم نظره الالم ورعب اللي ف عنيك دول بيرحوني وصدقتي اني هوريك اسوءمن كوبيسك وهتكلم سواء بمزاجك او غصب عنك وابتد يحط المطهرات علي جرح بتاعه ودا كان بيسبب ليه الم فظيع وكان صوت صراخه عالي جدااا
صقر.ً.....اتكلم وارحم نفسك
ابو عمر ..ً....سافر تركيا وهيرجع مصر كمان يومين
صقر.....كمل
ابو عمر .....دا اللي اعرفه صدقني كفايه انا بموت مش قادر
صقر.....مين هو اسمه اي
ابو عمر ....معرفش محدش يعرف اسمه بس بس
صقر....انطق
ابوعمر ....لمحت ليه قبل كدا ورق قديم وشوفت اول اسم بس كمال لكن معرفش حاجه عنه تاني
صقر....وهي هيجي مصر امتي وسافر ليه
ابو عمر.....عشان بيتفق علي عمليه الاعضاء اللي كانت هتم امبارح وثفقه ادويه
صقر. .....ادويه اي
ابو عمر.....في دواا اسمه ##هيخلطه بمواد سامه وينزلو السوق
صقر.بصدمه......مش دا للاطفال
ابوعمر بتعب ....ايوه
صقر.....هيرجع امتي وممكن مايرجعش بعد اللي حصلك
ابو عمر....لا راجع عشان ثفقه الادويه دي مهمه وهتم هنا ف مصر
صقر خد اللي عايزه وخرج كان اغلب اللي في المستشفي.واقفين مصدومين من صوت الاستغاثه وخروج صقر كانه معملش حاجه
راندا جريت عليه.....هو اي اللي كان بيحصل جوه دا انت اذاي تعزبه كدا انت اي مش بني ادم
صقر بصلها بلامبلاه .....ادخلي عقمي جرحه وسابها ومشي
+
الايام بتعدي وملك خرجت من المستشفي بس حزينه بسبب عدم وجود صقر هو قالها انه هي بعد بس هي مش فاهمه في اي هي محتاجه حمبها
صقر عرف ان ملك رجعت البيت ف مكانش هوبيرجع البيت طول اليوم ف شغله
+
ملك قاعده ف اوضتها حزينه بتفتكر زكرايتها مع صقر وكلامه ليها ودموعها نازله
وليد......حبيبي عامله اي
ملك.....الحمدلله
وليد.... اي دا لي الدموع دي بس
ملك....صقر واحشني اووي ياابيه هوراح فين اي اللي حصل
وليد......دا الطبيعي ياملك انه علي طول بيختفي مش جديد يعني
ملك بحزن ....عندك حق ...بس هولي مش بيقولي هومسافر فين انا بكون قلقانه. عليه اوووي
وليد.....اكيد مش بيثق فيكي شايفك لسه عيله صغيره مش داركه معلومات مهمه ذي دي
ملك بصدمه.....عيله بجد
وليد.....طيب قوليلي انتي سبب واحد يخلي راجل يسافر من غير ما يقول لمراته هو مسافر فين هوانتي مش لما بتحكي اسرارك بتختاري شخص بتثقي فيه ولابتحكي لاي حد
ملك.....اه
وليد. ...بس هوبيعمل كدا
ملك سرحت ف كلامه وان اذاي معني كلامه انه مش بيثق فيها معقول يفتكر انها ممكن تبيعه
وليد .....انا مش قصدي انا بقول احتمال يعني واسالي علي هوهيقولك هوفين
ملك هزت راسها وسكتت وسرحت ف افكارها
وليد خرج بيبتسم بخبث...انا وراك ياصقر ومش هسيبك غير لماتطلقها ....قطع تفكيره اتصال امل
وليد.....حبيبي عامله اي
امل.....كويسه انت عامل اي ودهب عامله اي
وليد.....كويسين يا حبيبي
امل....بقولك اي انا حاليا قاعده لوحدي ماتيجي تقعد معايا شويه
وليد.....بس كدا دقايق وهكون عندك انتي اتغديتي
امل....لسه
وليد.....تمام هجيب وكل واجيلك
وليد جاب الامل وراح بيه لامل وقعدو ياكلو مع بعض وفتحت موضوع ملك وصقر
امل......بس ماينفعش ياوليد تفرق بينهم
وليد.....بعدين هي هتشكرني اماتتجوز واحد يحافظ عليها
امل.....وانت هتلاقي حد يحافظ عليها اكتر من صقر دا بيعملها كانها ملكه ياوليد وبيحبها جداا وبعدين انت عمرك شوفت راجل شاف صور مراته مع راجل تاني وحتي اهتم حد يوضحله اذا كانت حقيقه ولا لا وهو راح ودافع عنها رغم انك قولتلي ان علي طلب يبعد عنها ورفض وحصله مشكله ف شغله بسبب صور دي وباردو ماجرحش اختك بكلمه واما الواد اللي معاها ف الجامعة قال عليها كلام مش كويس وقف معاها.وسندها رغم ان مستحيل حد يفكر ذي مع ان ملك متربيه باره مصر يعني كان سهل يصدق عليها دا كله لكن هوبيحبها وبيثق فيها بلاش تهدم دا كله حرام عليك
1
وليد كان ناسي كل كلامها وفعلا عمر حد مش هيكون بيحبها ويعمل كدا حاسس انه متلغبط ومش عارف الصح والغلط مش عارف اذا كان اللي بيعمله صح ولا غلط وجود صقر ف حياه ملك صح ولا غلط
+
ف الوقت دا وصل صقر المستشفي ودخل لا ابو عمر
صقر.....جاي امتي النهارده
ابو عمر.....بيجي بعد الفجر
صقر.....فين المكان
ابو عمر باصص ليه ومشش عارف يتكلم
صقر..ً....انت مش سامعني
ابو عمر.....في الصحرا
صقر ....نعم
ابو عمر....صدقني ف صحرا عند####هيكون في ذي جبل هناك هوبيدخل منه للممر بس خلي بالك مكان كله الغام ومعاه جوه جيش اسطوري
صقر .....مايخصكش دا
صقر سابه وخرج وبيعمل اتصالاته عشان يجمع معلومات وبعد ماخرج من المستشفي بمده قصيرة دخل علي مستشفي مجموعه مسلحين وقتلو الامن ودخلو المستشفي وكل اللي بيلقوه بيقتلوه
حاله من الصراخ والرعب علي كل محدش عارف يتصرف ولا عارفين يعمله اي
امل.....اي صوت دا
وليد. ...يمكن حاله ولاحاجه
امل ....انا هخرج اشوف في اي
وليد.....تمام وانا مستنيكي هنا
امل خرجت وكانت صدمتها اما لقت حد.مسكها من رقبتها وحاطط المسدس ف دماغها
امل....انا انا معملتش حاجه في اي
الشخص.....اهدي ياحلوه انا مش عايز منك حاجه فين اوضه ابو عمر
امل برعب....مين دا انا انا معرفهوش
وليد خرج اما سمع صوت صريخ تاني وشاف الراجل وهو ماسك امل
وليد.....ابعد عنها انت مين وعايز منعا اي
الشخص.....مالكش فيه وابعد عني عشان مازعلهاش عليك انا عايز معلومه منها وخلاص انطقي فين
امل.....معرفش والله معرف ولا اعرف مين دا اصلا
وليد واقف متكتف قلبه هيقف من رعب مش قادر يتخيل انها ممكن يحصلها حاجه وتموت قدام عنيه وهومش قادر يعملها حاجه وكل ما يقرب بيهدد انه هيقتلها
وليد....ارجوك ماتاذيهاش وانا هعملك اللي انت عايزه
الشخص......فين الاوضه
وليد مش عارف يعمل اي ولا يقول اي بس جيه ف دماغه يجيب طفايه الحريق يضربه بيها بس هو كان اسرع منه وضربه رصاصه ف ايده
الشخص.....كدا لا هنزعل من بعض دي عشان فكرت ودي بقي عشان ترتاح خالص
وقبل مايضربو كان الشخص دا واقع ف الارض بسبب ضربه قويه علي دماغه
امل جيرت علي وليد و الاتنين بصو يشوفو مين انقذهم وكانت الصدمه انه صقر
صقر .....ماتقلقيش الرصاصه ف كتفه مش حوار وسابهم ومشي يشوف اي الي حصل
وامل ساعدت وليد يقوم ودخلته اوضتها وطلعتله الرصاصه
صقر راح لابو عمر اللي كان قاعد مرعوب
صقر......لا ولا وصولي ف الوقت مناسب كان زمانك اتكلت
ابو عمر.....شششكرا
صقر.....هتروح النهارده الجهاز اامن ليك
+
صقر خرج عشان يرجع شغله كان قابله وليد
صقر استغرب هوواقف كدا لي.....نعم
وليد.....اسف
صقر.....علي اي
وليد....اني كنت عايز افرق بينك وبين مراتك كنت فاكر ان دا الامان ليها
صقر.....واما مراتك اتعرضت لنفس الموضوع عرفت انه مش انا السبب دوقت طعم الخوف صح جربت اذاي تكون عاجز وانت شايف اذاي حبيبتك بتتاذي قدام عنيك وانت مش فايدك حاجه تعملها
+
وليد وطي ف الارض وهو مش عارف يتكلم اويقول حاجه
+
صقر ..ً....حصل خير روح اطمن علي مراتك
وليد ....انت مش هتبعد عن ملك صح
صقر.....عمري ماهبعد عنها حتي لو كنت اضطريت اقتلك كنت هعمل كدا المهم خلي بالك منها
صقر سابه ومشي وهو رجع لمراته وهومضايق من نفسه
1
صقر وصل مكتبه وبيجهز فريقه وبيفهم هيهجمو اذاي واي المخاطر اللي هيقبلوها
صقر.....كدا تمام في اي سؤال
الكل ....لايافندم
صقر.....تمام ....اجهزو
خرجو كلهم بس علي فضل
صقر......في اي
علي.....احمممم من الاخر كدا بقي ملك منهاره ومش بتبطل عياط.كلمها ياصقر من وقت ماشوفتها ف المستشفي وانت مختفي عنها
صقر..ً....حاضر ......روح انت شوف شغلك
علي.....تمام
صقر اما علي خرج هو فتح تليفونه واتصل بيها ملك ردت من اول رنه
صقر. .....قطتي عامله اي
ملك ....انا زعلانه منك انت فين مختفي لي انت كويس طمني عليك
صقر....عندي شغل معلش غصب عني المهم انتي عامله اي طمنيني انتي عليكي وجرحك عامل اي
ملك....انا كويسه ....هو انت مسافر
صقر....انا لا لي
ملك......يعني انت هنا ف القاهره
صقر ...ايوه لي
ملك.....امال مش بترجع البيت لي
صقر .... شغل يا حبيبي غصب عني
ملك. ..هترجع امتي
صقر. .....مش عارف
ملك.....خلي بالك من نفسك طيب
صقر.....حاضر....وانتي كمان....انا هقفل بقي عشان عندي شغل سلام ياقمر
+
صقر قفل واستعد مع القوات عشان يهجمو وبعد وقت وصلو المكان المحدد وصقر كان بياحول يتعامل بحزر ومفعم فريقه دا وبعد محاولات كتير صقر ورجالته قدرو ينزلو النفق وكان صقر مخلي السلاح كله كاتم للصوت عشان يسيطر عليهم
صقر شاور للرجاله تنتشر وهو فضل ماشي لحد موصل مكان غريب ودخله كان فيه شخص واقف مديله ضهرو والشيب باين علي شعرو وولابس ماسك قماش مداري ماعلام وشه
صقر......اخيرااااا
المتلتم اتلفت علي صوته .....
المتلتم.....انت كنت متاكد انك هتوصلي
صقر سمع صوته حاسس انه سمعه قبل كدا بس مش فاكر فين بس تجاهل الموضوع دا .....كنت مستنيني يعني
المتلتم......يعني حاجه ذي كدا
صقر.....امممممم كويس اتفضل قدامي بقي عشان غالبا مفيش رجاله باره كلهم سبقوك علي جهنم ف من غير تعب كدا قدامي
المتلتم......بالسهوله دي كدا مش شايف انها غريبه شويه
صقر ......خالص دا مفيش ابسط من كدا
المالتم لسه هيطلع السلاح بتاعه يوجه ف وش صقر كان صقر اسرع منه وخبطه وقع المسدس منه ولف ايده علي رقبته
صقر.....كدا انت اللي هتزعل قدامي
صقر لمح انه ماشي بيعرج ومش بيمشي متزن ف بعد عنه عشان يعرف يتحرك بس كان ورا بالمسدس
صقر.....لواتحركت بس بطريقه مش لطيفه واستخدمت زكائك هخلي رجلك التانيه تحصل اختها قدامي
صقر خرج بالمتلتم ودخله عربيه وركب معاه وكان معاه كذا ظابط وبعد وقت وصلو الجهاز وصقر اخدو ودخلو الاوضه المخصصه للتحقيقات
صقر.....عارف انا دورت عليك اد اي
المتلتم......عارف
صقر.....لسه هيكلم ...بس قرر يشيل القناع دا عشان يعرف شكله وراح فعلا وشال القناع
صقر.....كدا بقي ن.........
صدمه حياته كلها وهوشايفه قدامه بيرجع لورا وهو مش قادر يصدق بيكدب عينه بيكدب نفسه مستحيل يكون هو مستحيل يكون ابوه
كمال بيضحك بصوت عالي......اتصدمت كدا لي عادي يعني بتحصل علي فكره
صقر. مصدوم مش عارف يتكلم الكلام ضاع منه صدمه مش قادر يتخيلها ابوه بعد ماكان ظابط بيخاف علي ناس ويحميها النهارده بيقتلهم بدم بارد ولااكنه بيعمل حاجه كل البلاوي دي ابوه هواللي عملها طيب اذاي وليه
+
كمال.ً......هتفضل مصدوم كتير كدا
صقر. ....انت اذاي كدا اذاي قدرت تعمل كدا
كمال......عملت اي قتلت مانت بتقتل وبايدك ولافاكر اني معرفش تاريخك المشرف ياصقر المخابرات علي اقل انا مبقتلش بايدي وبكفل ناس تانيه كلنا ف الهوا سوا
+
صقر مش مستوعب كلامه اصلا مش فاهم هوبيقول اي حاسس انه تايه .
صقر.....انت انت
كمال .....الصدمه صعبه انا عارف....بس لازم تعرفه اني مش هطول هنا حتي لو علي حساب اي حد
صقر.بغل......نجوم السما اقربلك انك تخرج منها
كمال ضحك.....بيتهيقلك هخرج بس اتمني انه مايبقاش علي حسابك انت حاولت ابعدك كتير عن طريقي لكن انت مصمم
صقر......وانا اللي هريحك قريب وبوعدك ان نهايتك علي ايدي
كمال باستفزاز......تفتكر وانا مستنيك
+
صقر سابه وخرج لانه مش قادر يتحمل اكتر من كدا مش قادر يفضل قادمه اكتر من كدا اكبر صدمه اتعرض ليها ف حياته صدمه هومتوقعهاش وجعته اوووي وغله منه ذاد بطريقه كبيره
+
استوووووووب🤩🥰
اي رايكم ف البارت 🙄🧐
وتوقعاتكم اي ف اللي جاي🧐
+
