رواية ليتني واجهتك الفصل الثاني 2 بقلم مريم الطائي

بارت 2

الكاتبه مريم الطائي

طلعت عمتي اتهلهل واتصيح اخويا محمد مرتك جابت تؤام

دحكت بابا ساجد

كلنا فرحانين

اسماء ؛:فدوه عمه امي بيها شي

لاحياتي امج مابيها شي بس تعبت

عمه اريد ادخل اشوفها

هسا اشويه وادخلكم

اسماء تبجي واتبوس ب بابا

اشويه وعمتي كالت ادخلو دخلنا كلنا وبابا باس ماما من راسها وجانت فرحانه كلش

دحكت لكيت اطفال اثنين فدوه شكد حلوين وصغار ومانعرف البنت من الولد

رحنا كلنا انبوس ب ماما ورحنا ع اطفال واندحك ع بابا شلون ياذن باذنهم

اجوي خالاتي اثنين ع ماما يتحمدون الها بل سلامه

راح بابا جاب كباب من بره

وبوكتها صلينا المغرب كلنا سويه واتعشينا وفرحانين

كاعدين كلنا واسماء جانت اتوزع جاي

ماما ؛: ابو عمر اني عاجبني اسم سماء

بابا؛ادللي سماء سماء بس الولد شنو انسمي

بكيفك انت

راح اسمي حيدر شنو رايج

اي بكيفك

هاي هيا حيدر انسمي

سدره؛بابا اني عندي اسم

علي ؛:حجت القزمه

الكل ؛:هههههه

سدره بابا شوف علي

بابا؛يول علي عوفها اي بابا احجي

سدره؛:ماما سمت سماء وبل قران مكتوب سماء والطارق خلي انسمي طارق عفيه بابا

الكل كال عفيه سدوره التفتت ع علي وطلعت لساني يعني فرحانه لان الكل كالي عفيه علي لف وجهو ماعجبو الحجي

بابا؛:عفيه سدوره وتدللين الطارق هاي هيا

سدره؛:شكرا بابا

انتي رفعة راس بابا

مشت الايام مابين اهلي وبيت عمتي والعطلة الصيفية

قربت تخلص بابا راح اشترى هو وماما

ملابس واغراض لمدرسه ونقل الفايل مالتي ع مدرسة المتوسطة

اسماء قدمت

معهد معلمين

جنت كلش فرحانه يعني كبرت وراح اصير بل متوسطه

قبل الدوام بكم يوم

جت عمتي ومعاها علي وهدير

كاعدين كلنا وهدير كاعده يم بابا

باست بابا من خدو وكالت

خالو عفيه يصير اطلب منك طلب

اي خالو كولي تدللين

اريد ناخذ سدره عدنا

اي خالو عادي بس ماباقي كم يوم لمدرسة

ام علي ؛:لااخويا انت افتهمت غلط عليها

شلون يعني

ام علي؛:هدير قصدها تاخذ سدره اتكمل مدرستها عدنا يرحون هيا وهدير سوى لمدرسة

شلون يصير اختي

يصير عادي ليش نحنا مواهلها وبعدين هدير وسدره نفس الصف واريدهم يكملون مدرسه سوى

قصي يعرف

اي يعرف وكالي شكو بيها حالها حال هدير وانت تعرف اشكد قصي يحب سدره

والله ماعرف اش اكولج اختي ها بابا سدوره شنو رايج

يعني بابا اذا رحت ارجع هينا

ام علي؛:وعد كل خميس ادزج والله اني حييل يعجبني تجين

بابا واماني

هدير ؛:يعني اتفضلين اماني عليه

سدره؛:لا بس خطيه وحدها اتكوم اتروح لمدرسة

هدير ؛:عندها اختها اكبر منها اتروح معاها

سدره؛:اي موافقه اجي

(وهاي جانت اول غلطة واكبر غلطة اسويها واهلي ماوكفوني من خلوني اروح اعيش ب بيت عمتي بس ابويا من حبه لعمتي ماكسر كلامها واني حبي لهدير خلاني اروح معاها غلطة دفعة ثمنها)

علي؛:حلوو لعد انسوي تبادل من هسا اني عندكم وسدره عدنا لان من هسا ابويا راح يركض بل شارع

الكل ؛:ههههههه

سدره؛:وانت

علي؛شبيه اني

اخاف اتضوجني

لاحبيبتي والله ماضوجج انتي اختي الاصغيرونه

وكرصني من خدي

وضحكت.. حضرت اغراضي وملابسي ورحت مع عمتي جانو فرحانين بيا كلش عمتي جان بيتها طابقين جوى غرفتين وفوك ثلاث غرف وحده لحمودي ابنها جان بل كليه وحده لعبير ورغيد وحده الخ لؤي وعلي وجوى الها ولعمو قصي وغرفه الي ولهدير

جابت تخت ثاني الي وكنتور جبير وخليت اغراضي بي

مشت الايام واكيد حياتي ماتخلى من مدهرات علي معايا مرات يبجيني وعمو قصي يحجي على وكم مره حجى على هو وعمتي وترك وصار يحبني مثل مايحب هدير

جنه كلش اصدقاء اني وهدير وعلي ولؤي وتعرفت ع بنت جيرانهم اسمها جنات جانت معانا نفس الصف جانت كلش حبابه صح سمره بس دمها ينحب

انفتحت المدارس وجنه انروح كلنا عمتي وعمو قصي جانو معلمين

محمد جان يدرس هندسه ثاني سنه

وعبير جانت تدرس طب سنه اول

ورغيد بعدها سادس اعدادي

جنت متونسه ب بيت عمتي وكل خميس انروح ع بيت اهلي

السنه الدراسية قربت تخلص واجت امتحانات اخر السنه

ب يومها اخر امتحان الي رجعت من المدرسه دا ابدل بل غرفه ولكيت دم ع ملابسي اتخبلت كمت ابجي واصرخ

جت عبير تركض عليه

شكو شبيج

دم دم عبير شفت ع ملابسي

ههههه عمه بعينج خوفتيني مبروك حبيبتي كبرتي

وشنو يعني كبرت

يعني راح انزوجج ونخلص منج ههههه

عبير راح اموت

ههه دا اتشاقه معاج ماتموتين ولاكلشي

جت عمتي واني ابجي

شكو اش صاير

عمه دم ع ملابسي

عبير ؛:يوم سدره كبرت وجتها الشهريه

حبيتي سدوره مبروك

عمه شبيه اني

كعدت عمتي اتفهمني كل بنت يصير معاها وشغله طبيعيه وهاي عبير بس تضحك عليه

كمت غسلت وعلمتني عمتي شنو اسوي بدلت وكملت

ورحت نمت واني ابجي كلبي انحسر

بل ليل محمد اخذني لبيت اهلي وحجيت لاسماء واسماء كالت لماما وماما فرحت عود كبرت وفرحانين مايعرفون كبرت ع الضيم والقهر

سماء وطارق صار عمرهم سنه

كلنا لبابا انسوي عيد ميلادهم

وبابا وافق وكال اطهر طارق نفس اليوم

جان بابا اكثر شغلات يسوي اتخصنا واتخص البيت ياخذ رائ ماما جان يحبها ب شكل

ماما عزمت اهل اماني ع عيد ميلاد طارق وسماء

واكيد بيت عمتي ماريه وخالاتي ونانه وبيت عمي

انجمعنا كلنا وزينه البيت الصبح بابا طهر طارق والكل واكفه تطبخ واتنظف

وصوت الشباب والضحك

وصوت الزلم

وصوت الاطفال تلعب جنت العب مع ويلاد عمي

علي ؛:سدره

ها علي

عيب كبرتي مايصير تلعبين مع الاطفال

والله ماكبرت شوف انت مو اتصيحلي قزمه

ههههه اي قزمه بس صار عمرج 14 سنه مايصير

يعني عيب

اي طبعا

برطمت

مالعب بعد

هههه لاول مره ماتعاندين

هههه لان كبرت وانت هم كبرت وصرت حباب معايا صرت اسمع كلامك ومعاندك

عفيه

كرصني من غمازتي وضحكنا

فتت جوى اساعد البنات

كملنا الغده وغسلنا مواعين وجبنا الميز وشغلات العيد ميلاد

خطيه طارق جان بس يبجي

بس شغلنا اغاني وكمنا كلنا نركص وانغني سكت اشويه

خلص العيد ميلاد وكل منا رجع لبيتو اني ضليت عند اهلي وبيت عمتي رجعو كلهم هم

جنت العطله كلها ماروح ع بيت عمتي غير مره او مرتين لان اكثر شي همه عدنا

ب يوم من الايام كاعده العصر بل حديقه اني اماني جانت مستلمه النتيجه وفرحانه طلعت ناجحه

اندك الباب صيحت منو طلع علي

فتحت الباب

ها سدوره

هلا علاوي

طلعت النتيجه مالج

صحيح الله عليك

اي والله هاي ب يدي مادا اتشوفيها

سحبت النتيجه من ايدو وادحك درجاتي كلها بل 90 اقل درجه عندي 91 طرت من الفرح

وعلي يضحك فرحان ع فرحي

كمت انط بل كراج واصيح نجحت والله نجحت

وركضت جوى بشرت ماما وبابا وكلهم فرحو ع نجاحي من فرحتي نسيت اسال هدير شنو طلعت

علي خربان من الضحك عليه

حاضنه النتيجه وافتر مثل المخبله ههههه

مسكني علي كافي لاتكعين سدوره

فرحانه علاوي فرحانه

الف مبروك ان شاء الله دوم الفرح

حضنت اماني وحده اتبوس بثانيه

ماما ؛: فوت ماما علاوي سدره خبلتنا

علي ؛:هههه عادي عمه

سدره ؛:علاوي هدير وجنات شنو طلعو

علي ؛:بعد وكت هههه ناجحين

فرحتي صارت فرحتين صديقاتي نجحوا

مشت الايام وحضرت اغراضي حتى ارجع وقبلها ماما وبابا اشترولي اغراض وملابس المدرسة

رجعت لبيت عمتي ودعت اهلي

وفتحت المدارس وكمنا انداوم

ب يوم من الايام كاعدين كلنا ندرس

اني وعلي وجنات ولؤي وهدير

دخل عبد الله ابن عمهم جان دائما يجي عدنا سلم وخلى الجنطة مالتو بل كاع

عبدالله؛:ها علي القشمر

علي ؛:ماتسلم هو الواحد يفوت هيجي

ديلا ع اساس انت شلونك

ام علي؛:ماما لاتكاونون (لاتتعاركون) وعبد الله ابني من تدخل ب بيت سلم

عبدالله:اي عمه صار

ام علي ؛:يالا ابني اكعد ادرس مع اخوانك وتعال لؤي ماما اشرحلك هذا الموضوع

هينا علي صار بل خامس اعدادي

عبدالله جان بل رابع اعدادي رسب بل رابع هو وعلي جانو نفس العمر

لؤي ثالث متوسطه

واني وهدير وجنات ثاني متوسطه

علي ؛:عبدالله صدك راح تشترون بيت يمنا

عبدالله؛اي ابويا جا ع عمو قصي اخذو ويشوفون هذا البيت الي مقابيلكم

ام علي ؛: ماما اسكتو كافي يالا ادرسوا

كمنا ندرس وعمتي اتصيحنا واحد واحد نقرأ يمها الحفظ

عبد الله مرتين يحجي مع علي وعمتي اتكول اسكتوا اخر شي صرخت

علي كوم روح لغرفه ادرس

اي يوم

كام علي اخذ كتبه وراح لغرفه يدرس

كملنا درسنا وعمتي والبنات حضرو العشه اتعشينا كلنا وافتهمت من عمو قصي وابو عبد الله عجبهم البيت وراح ياخذو

بعد فتره بيت اهل عبد الله انتقلوا يمنا بعد ماشتروا البيت

جانت عندهم بنت اسمها سلوى جانت اصغر من علي ب سنه ب صف الرابع اعدادي

مدرستنا جانت بيها اعداديه صارت هيا معانا

انروح ونرجع سوى بس ابد ماجنت احبها

جانت تجي عدنا وتكعد معنا انسولف

رغيد جانت اتموت منها اتكول ملعبه ماحبها

جانت دايمن عدنا سلوى هيا وعلي يشتاقون ويضحكون

علي اتغير تغير كامل عن قبل صار حنون عليه ويحبني لدرجه صار يقسم المصروف بين وبينه

رغم اني جان ينطيني بابا كل راس اسبوع

وعمتي هم تنطيني من جنت اكولو ماريد جان يزعل ويضوج يكولي اني يعجبني اني مرتاح بهذا الشي

كلت لعمتي كم مره كالت اخذي ميخالف من عندو هو يحب هيجي

خلصت السنه الدراسيه وخلصت الامتحانات والجو جان حار

جنه انام فوك السطح

علي صاحني

سدره تجين نفرش فراش فوك

اي اجي

جانت عمتي اتخلي الفراش بل بيتونه طلعنا فوك اني وعلي

فرشنا الحصيره وبعدين شلنا الفراش وكمنا انزتهم (انذبهم) بل سطح اخر شي نطينا فوك الفراش اني وعلي ونضحك

تذكرين من جنه صغار من جتني تجين اتنامين عدنا هم جنه انسوي هيجي

اي اتذكر

تعالي نفرش وانعد النجوم مثل قبل

ماشي

فرشنا واتمددنا وصرنا انعد النجوم اني وعلي

سدره

اي علي

احبج

نزلت ايدي وضليت صافنه اني جنت احس ب شعور غريب تجاه علي من صارت سلوى قريبا علينا جنت اضوج من اشوف علي يتشاقه ويضحك معاها

انصدمت بعلي من كالي احبج اتعدلت وهوهم اتعدل

ها

اي سدره والله اني احبج من جيتي عدنا بعد فتره كلبي كام يميل الج

يعني شنو

يعني اريدج اتصيرين مرتي بل مستقبل من نتخرج اريد نبني احلى عائله واحلى بيت

جسمي كام يرجف وصرت اطك سن ب سن ماعرف ليش هيجي صار بيا بوكتها بس حسيت ب شعور غريب

سحب البطانيه ولفني بيها

سدروه شبيج اسف ماجان قصدي اضوجج

ضل يفرك ب كتوفي ع ماهديت

شبيج جبانه قابل راح اكلج

هه لا هيجي

علي نحنا مو بعد وكت ع هاي الشغلات هسا

سدره اريد كلبج الي

هينا جان عمر علي راح يدخل 18 واني عمري 15 سنه

نحنا كمنا نفتهم سدره مو صغار اني هل سنه اكمل واروح الحك عمر لبغداد وادخل كليه الاعلام اريد ارجع واشوفج منتظرتني

دحكت بعيونو وجنت فرحانه ماعرف شلون كدرت اكولها

راح انتظرك

رحت اركض جوى كلبي يدك سريع واسمع صوت ضحك علي ومن هينا بدت قصه حبي مع علي .....يتبع