رواية قلب لم يكن بالحسبان الفصل الثاني 2 بقلم جمانه السعيدي
الحجي....بقيت ضايج عليها
بعمري ما متخيل اكو هيج اب هلكد قاسي
اني بناتي جنت مدللهن دلال ماصاير
والحد الان وهنا بيت زلمهن واني ما مقصر وياهم
الهن مصرف خاص
ومن يجن خطار احير شجيب واخلي علمودهن
معقوله اكو مو حنيين ومايحب بنته
على مره يضربها وتموت بيده
قررت بيني وبين نفسي اشوف واحد يزوجها
واني اتكفل بكل مصاريف العرس
هيج لوجه الله
بس حتى انقذ هاي المسكينه من هذا العذاب
اليوم الي بعده طلعت للشغل فكرة إنقاذ رنا ماتروح من بالي
اريد اساعدها بكل طريقه مااعرف ليش جاي احس هذا الشي صار مسؤليني
افتريت على العمال وواحد وواحد
اي واحد اسمع مامزوج
ادز علي واطلب منه يزوج رنا وكل تكاليف العرس
على حسابي
الاول كال اني خاطب بت عمي وعاقد عليها
والثاني كال اني عندي مسؤليه وعندي ضروف
ومااريد ازوج حاليا
والثالث...سئل عن العروس من عرف ابوها
كال صدك تحجي اني ازوج بت هذا مخبل شني
الناس كلها تحجي علي وواحد لا ذمه ولا ضمير
الحجي...وبنته شعليها بعدين اني الي راح اتكفل كل مصاريف الزواج
....اي وبعد الزواج شلون كل شويه يطلعلي بمشكله
لا شكر مستعد ابقى طول عمري بدون زواج ولا ازوج
رنا شنو تخبلت اناسب هذا الخبل
الحجي...كل الي يشتغلون عندي محد وافق منهم يزوجها
اخر واحد من ولدي قصي ازوج
ولله لو عندي ولد مامزوج جان خطبتها اله
اليوم الي بعده دزيت على ولد اقاربنا ثنيين مامزوجين
وواحد.بس عرف ابوها رفض
والثاني كال اشوف اهلي وارجعلك خبر
كتله بس توافق تجهيز العرس كله عليه
غاب يومين لا حس ولا خبر
اليوم الثالث اتصلت علي
الحجي...هااا شني مارجعتلي خبر
....لا عمي ما تصير
الحجي....ليش ما تصير
.....طلعت امي تعرفهم تكول لا ذوله مو خوش ناس
الحجي...براحتك عمي كلشي بلغصب اله الزواج بلاتفاق
جمانه السعيدي
بقيت اسئل شكو ولد شاب اعزب مامزوج
اعرفه بلشغل بلشارع
ادز علي اعرض علي ازوجه على حسابي
بس يخطب رنا
الكل كان يرفض هاي الزواجه
ياسبحان الله مبين هاي البنيه مراح ترتاح ابد
اي ليش قسمتها واكفه شبيها
مالها ذنب طلعت للدنيا لكت هذا ابوها
بعدين الي يزوجها خل يكطع علاقتها بااهلها
واني ادور واسئل عفت شغلي واشتغلت خطبه
الرنا بس كون تزوج وارتاح
اذكرت اكو ولد منفصل
ابن واحد صديقي منفصل بدون اطفال
عرضت علي هذا العرض
ماهر....ليش تتكفل بلعرس خاف البنيه معيوبه
لو غلطانه وياا احد
الحجي...لا عمي لا معيوبه ولا بيها شي بس يتيمه
واريد اكسب بيها ثواب
ماهر....عادي اشوفها
الحجي...شلون تشوفها ابوها عصبي
ماهر...شلون ازوجها اذا مااشوفها
الحجي.. مو ابوها شويه عصبي اذا شفتها وما عجبتك
احتمال تصير مشكله
ماهر...يعني ابوها صاحب مشاكل وليش اورط نفسي بهيج زواجه اني ما مستعجل ماصدكت خلصت من زوجتي
الأولى واهلها اوووف اهلها خالين نفسهم بكلشي
لمن طلكتها يله خلصت بعد مااستعجل اختار على كيفي
جمانه السعيدي
الحجي...وهاي هم خربت شلون ياربي هاي المسكينه مالها راحه ابد
يمكن مكتوبلها تموت من الكتل وماتخلص من هذا العذاب ابد
اكو ولد اسمه حاتم يشتغل عندي بس كلش خوش ولد ومحترم واامين
حاتم...ليش ضايج حجي
الحجي...بيني وبين نفسي كلت لازم ازوج هاي المسكينه حتى تخلص من عذاب ابوها
حاتم... اي وشني يعني مالكيت الشخص المناسب
جاي تسئل وماكو شخص يقبل يرتبط بيها
الححي...خطيه مسكينه اخاف على يوم تموت من الضرب
ابد مراح اسامح نفسي
حاتم...وانت شنو علاقتك ابوها هو الي راح يتحمل
إثم موتتها
الحجي....بس اني اكدر اساعدها واخلصها منه
بس كون الكه شخص مناسب
اني مستعد اتكفل بكلشي بس يكون ابن حلال ومايضربها مثل ماابوها يضربها
حاتم....عمي لا تعب نفسك مستحيل تلكه واحد يقبل
يناسب ابوها
ابوها عصبي همجي بخيل كل السوالف التعبانه بي
الحجي...ماكو واحد من اقاربك يريد يزوج
حاتم...اي حتى باجر بس تصير مشاكل بينه وبينها
وابوها يوكفله
يرجع عليه انت ورطتني بهاي الزواجه
انت تعرف ابوها صاحب مشاكل ورطتني وياااها
الحجي...والحل شنو برائيك
حاتم...الحل حجي تريد الصدك انت تزوجها
الحجي...ولك اني شلون ازوجها اني بكد ابوها
حاتم.. واذا بكد ابوها
انت رجال متمكن خير من الله يعني تكدر على طلبات ابوها
ثانيا ...ابوها يخاف منك ومراح يكدر يسببلك مشاكل
ثالثا...انت تكدر توفرها عيشه زينه
وتحميها من ابوها ومن الناس حتى تكدر اتسكنها وحدها
ابوها يخاف منك ومراح يكدر يقرب عليها
انت انسب وواحد الها
الحجي....لا والف لا مستحيل هاي طفله شلون
ازوجها راح اضلمها
من حقها تزوج شاب من عمرها وتعيش حياتها ويااا
حاتم...هو وينه الشاب صار شكد ندور وماكو واحد يقبل يرتبط ببها
مثل ما كتلك انت انسب واحد الها
انت الي تكدر تحميها من ابوها ومن هذا الزمن الاغبر
الحجي....لا اني راح ابقى ادور بلكت الكه وواحد يقبل
يزوجها واشرط علي يعاملها خوش معامله
لايمد ايده عليها ولا يقصر وياها
حاتم...وووين اكو هيج اصلا حتلو لكيت واحد يقبل يرتبط بيها بس يعرف وضعها بيت اهلها
اذا قبل يزوجها
اذا قبل يزوجها مستحيل راح يرحمها
بس يعرف ماعدها ضهر وجانت بيت اهلها يضربوها
ويعذبوها ويجوعوها
راح يرخصها ااكثر
وساعته مستحيل راح تكدر تدخل بينهم
لان هذا زوجها وله سلطه عليها
بس تحجي لو تدخل راح يكول لا انت ابوها ولا اخوها
شنو علاقتك بالموضوع
جمانه السعيدي
الحجي... وهسه شنو الحل
حاتم...انت ازوجها وتحميها من ابوها
الحجي...بابا افهم اني اكبر منها ب ٣٥ سنه
شلون يصير هيج بعدين الناس راح يكولون جاي
يستغل وضعها
وشتراها بفلوسه مايخاف من الله يزوج وحده
ازغر من بناته
حاتم....اذا نرجع الكلام الناس مايخلص
زبن الناس بمكان ما يحجون عليك خلي يساعدوها
ويطلعوها من هاي الحياة التعبانه
لو بس الحجي على الزينات
الحجي...ولو اني ما اقتنعت بعدها زغيره مايصير
اني وياها نزوج هذا مو حل
لازم اكو حل ثاني
الحجي.....وصيت كل جماعتي والناس الي اعرفهم
اذا يعرفون ولد ابن ناس يريد يزوج
حتلو فقير اني اتكفل بكل مصاريف زواجه
اذا يقبل يزوجها
كلشي ماكو ولا واحد اجا لا واحد قبل يرتبط بيها
كلما اخلي سجادة الصلا ادعيلها رب العالمين
يجبر خاطرها ويخلي ابن الحلال بطريقها
فات شهر ورا عرس ابني قصي
بيوم رجعت الضهر بسيارتي للبيت
جان اشوف ناس مجمعه باب بيت ابو رنا
وكفت سيارتي بابنا ونزلت رحت مشي
شفت الجوارين مطلعين رنا شايلينها ووجها كله دم
وتصرخ من ايدها
ملفلفيها بطانيه خفيفه لابسه دشداشه عاديه وحتى ماكو شال على راسها
الحجي...شكووو
....ابوها ضربها كوه خلصناها من ايده
باوعت عليها لازمه ايدها وتصرخ ووجها كله دم
الحجي... جيبوها ناخذها بسيارتي للمستشفى
صعدتها بسيارتي واجا وياي واحد من الجيران
ومره جيرانه جبيره بلعمر
لا ابوها ولا زوجته طلعو وراها
ولا كالو نروح وياكم للمستشفى عبالك مو بنتهم
وصلنا من دخلنا وشافوها ماقبلو يعالجوها
اله ورقه من المركز
لان البنيه وجها صاير خارطه
الحجي....بابا تشتكين على ابوج مايقبلون يعالجونج
رنا...لا مااشتكي
الحجي... اشتكي علي خلي يدخل السجن كم يوم
خل يعرف الله حق
رنا....واني منو اليه ووين اروح اذا طلعت منا
لا عمو مااشتكي
الحجي...مراح يقبلون يعالجونج
رنا... بس يربطون ايدي لان توجعني
العجيبه شكد مبينه مكتوله والدم تارس وجها ووجع ايدها بس تبين قويه ما تبجي بس لازمه ايدها وتتالم منها
الحجي...عفتها ورحت اشوف اي واحد عرف يساعدنا
لكيت ولد مضمد
ماقبل يساعدنا يكول بيها مسؤليه
انطيته فلوس من جوه ليجوه من شاف الفلوس
كام يركض ركض
اخذنا للاشعه بس دخلت للاشعه
الحجيه الي اجت ويانا كالت خاف اتأخر
راح ارجع البيتنا
ااجرت تكسي وراحت
بقينا وياها بس اني وابوهادي رجال جبير جيرانه
واكفين باب الاشعه منتظريها
طلع عدها كسر بايدها جبروها وضمدو الجروح بوجها
الدكتور كال تكدرون تاخذوها وتطلعون
الحجي....وووين ترحين
رنا...البيتنا ووين اروح ماعندي مكان ثاني
ابو هادي.. خاف ابوج هلمره كسر ايدج المره الجايه. خاف تموتين
رنا. .... شسوي هذا حظي من الدنيا ماعندي اهل
قابل اكعد بلشارع
ارجع وأمري الله ماااتمنى شي بهاي الدنيا بس الله ياخذ عمري وارتاح
ابو هادي....هو هم هيج هذا ابوج اله يموتج يله يرتاح
الحجي... شكد ضجت عليها مسكينه مستسلمه
شكد جاي يااذوناها بش ما تقبل تشتكي عليهم
ولا تقبل تعوفهم
تكول ارجع البيتنا ووين اروح
جمانه السعيدي
صعدنا بلسياره ورجعنا ابو هادي نزل يم بيتهم
واني نزلت رنا بابا بيت اهلها
دكينا الباب طلع ابوها
بس شافها دار وجها
الحجي....اريد احجي وياك
ابو رنا....اذا على رنا لا تعب نفسك
ولا تحجي كلمه بنيه وكحه وطالعه من الطريق
واني اريد اادبها
هاي بتي وماكو غيري واحد مسؤول عنها
اسمع حجي اني مامدخل بحياتك ولا مدخل بتربية
بناتك ولا ولدك لا تدخل بيني وبين رنا
امشي ادخلي جوه لابارك الله بيج
الحجي...من دخلت ومرت بصفه رفع ايده وضربها على ضهرها صاحت اخ بوجع
حسيت هاي الأخ طالعه من روحها من وجع روحها
مو من وجع ضهرها
الحجي.....اني اريد اخطبها
ابو رنا....المن تخطبها ولدك معرسين
الحجي. اليه اني اريد ازوجها عندك مانع
ابو رنا لا ماعندي مانع بس خل افكر وارجعلك
الجواب باجر
الحجي...انشاء الله
ولله خطبتها مجبور اني لا اريد ازوج ولامفكر بلزواج
بس شسوي اريد احميها من ابوها
شكد دورت انسان مناسب الها
ماكوووو محد يقبل يرتبط بيها
بسبب ابوها
اني ما محتاج زوجه ولامفكر اخليها زوجه اليه
شنو هلنسكينه هاي
بعدها زغيره وكلشي ما شافت من الدنيا
ماعندي غير هذا الحل
