رواية ملك الصقر الفصل التاسع والعشرين 29 بقلم بسنت شريف
صباح يوم جديد
+
صقر صحي من نوم وكانت ملك لسه نايمه فضل يبص عليها كانه مش مصدق انها نايمه جنبه فعلا او انها بقت مراته
صقر.....عارفه استنيت اد اي عشان تبقي ليا الحاجه الوحيده اللي كنت دايما بدعي ربنا انها تفضل محفوظه ليا ومحدش يدخل قلبك غيري كنتي ومازلتي امنيتي ياملك.....الاول كنتي امنيتي انك تبقي ليا حاليا امنيتي انك تفضلي جنبي وماتبعديش عني ابدا واني اقدر اسعدك واشوفك مبسوطه فرحتك اللي بتبقي في عنيكي دي بتفرحني اوووي بحس ان قلبي بيرقص من ضحكتك وفرحتك رغم جنانك وتصرفاتك اللي هتجنني وتفكيرك الغريب ودا مخوفني منك بس اهم حاجه انك بقيتي ليا وفعلا بقيتي ملك الصقر
+
صقر ساب ملك نايمه وراح لشخص المسؤل عن الخيم وطلب منه يجبله يخت ودخل يحضرلها الفطار
واما خلص اخدو ودخلها الاوضه عشان يصحيها
صقر.....لوكا اصحي ...ياقطتي ....قومي بقي ياكسلانه كل دا نوم
ملك بتزمر طفولي. . .... في اي ياصقر سيبني انام بقي
صقر.....احنا ف شهر العسل يامفتريه قومي بقي عشان نخرج هنقضي اليومين نوم قومي
ملك قامت بسرعه وقفت علي سرير.....دا بجد هنروح فين
صقر .....اي دا في اتحولتي كدا لي
ملك....هنروح فين
صقر شدها قعدها.....نفطر الاول وبعد كدا هتعرفي
ملك.....اعرف الاول
صقر ابتدا يأكلها....افطري الاول واسكتي
ملك.....طيب وانت مش هتاكل
صقر.....لاهاكل اهو
صقر ابتدا ياكلها وياكل هو كمان
ملك.....علي فكره انا بعرف اكل لوحدي كل انت
صقر......تعرفي تسكتي وتاكلي
ملك ابتسمت وكملت اكلها وبعد وقت
صقر.....غيري هدومك واجهزي وانا خارج وجاي
ملك.....فين
صقر ....ماتخفيش دا قريب جايلك علي طول
ملك دخلت اخدت شاور وغيرت هدومها وانتظرت صقر وبعد وقت جيه
صقر.....اي الجمال دا
ملك...شكرا انت كنت فين
صقر.....هتعرفي بعدين .....المهم هدخل اغير هدومي انا كمان
صقر دخل غير هدومه ودقايق وكان خرج واخدها وخرجو
ملك اول ماشافت اليخت ضحكت
صقر....اي
ملك......كنت متاكده انك هتعمل كدا
صقر.....هههههه تعالي
اخدها وطلعو واليخت اتحرك
ملك.....اي حبك فيه يعني اي المميز انك تركب يخت ف البحر
صقر.....بحب منظره جداا بحب اقعد كدا واتفرج علي منظر البحر فهمتي شكله بيبقي حلو جدا
ملك.....امممم وبعدين هنروح فين بقي بعد كدا
صقر.....عايزه تحرقي اليوم دا لي رخامه دي
ملك. ....هو كدا يالا قول
صقر.....بوصي ياسيتي اولا هنقعد هنا شويه وبعد كدا هنروح مطعم حلو جدااا بس هو بعيد شويه عن هنا هيعجيك جدااا وف الاخر خالص في حفله بدويه معموله هنا اي رايك ف اليوم
ملك ....تحفه جدااا وكنت بتعمل اي اما خرجت بقي
صقر....كنت برتب اليوم والكام يوم اللي جاين
بس
ملك.....اوووو هنعمل اي بقي
صقر.....كدا لا انتي تعرفي اليوم بيومه اللي جاي لا
+
ملك وصقربيقضو اجمل لحظات حياتهم صقر بيحاول علي اد مايقدر يسعد ملك وبيعملها حاجات مجنونه وبيوديها اماكن عمرها ماشفتها حتي ف الصور كانو فعلا اجمل ايام حياتهم
+
ملك.....هولي ياصقر مفيش شبكه هنا
صقر......عشان دهب علي حدود مصر ف بتقع وبعدين هماقاصدين عشان يفصلو الناس عن الواقع وتريحي اعصابك بعيد عن الناس انتي عايزه تكلمي حد
ملك.....اه عايزه اطمن علي ماما عاليه وماما عزه
صقر......هيكونو كويسين ماتقلقيش
ملك....انشااءالله ..ً...انا نفسي اصطاد.ياصقر
صقر.....عندك صبر
ملك.....لا
صقر.....طيب كويس مبشر جدا دا ....خليكي هنا هنزل اشوف مع الراجل المسؤل عن اليخت في عنده ولا لا
ملك.....اووكي
صقر نزل وكان راجل فعلا عنده حاجه الصيد اخدها منه وطلع بيها لملك وابتدا يعلمها تصطاد اذاي
ملك.....تمام كدا فهمت
صقر.....طيب يالا ننزل تحت
صقر اخدها ونزلو الدور اللي تحت عشان يكون قريب من البحر وفضلو منتظرين يصطادو اي حاجه وفجاه ملك صرخت
ملك.....صقر صقر في سمكه
صقر....استني طيب ....وطلعها وملك بقت تسقف ذي الاطفال
صقر....قطتي شاطره
ملك....هنشويها وناكلها
صقر.....اكيد بس تاني بقي هناكل سمكه واحده يعني
ملك...ماشي
فضلو وقت يصطادو وملك كانت فرحانه جداا وفجاه سمعت صوت غريب
ملك.....اي الصوت دا
صقر حط السناره بتاعته جنبه وطلع جهاز من ايده بتوتر ورد .....الووووو
المتصل.....اجهز ف دقايق عشان ترجع القاهره حالا وجودك عندك في خطر علي حياتك وفي ناس جايه تهجمك وقاصدين حياتك دقايق ياصقر وتكون جاهز مفيش وقت هتلاقي عند الكوخ بتاعك عربيه وفيها سلاح يا منك تضمنا لاي ظروف
صقر قفل وهو مرعوب عمره ما خاف من مهجمه حد بس المره دي تختلف المره دي معاه ملك
ملك....صقر في اي واي اللي في ايدك دا
صقر....هااا ولااحاجه احنا هنرجع قاهره دلوقتي وسابها ودخل الكابينه للسواق وطلب منه يرجع
+
ملك....صقر في اي فهمني انا مش فاهمه حاجه
صقر.....اهدي يا حبيبي بس انا عندي شغل مهم لازم نرجع القاهره دلوقتي واوعدك الشغل يخلص وهعوضك تمام
ملك.....طيب بس نيجي هنا تاني
صقر.....انشاء الله
صقر مجرد ماوصل دخل بسرعه وكان بيلم اي حاجه يقدر عليها وكان التوتر والقلق باين عليه جدااا وملك ملاحظه دا بس مش فاهمه في اي
صقر....يالا
اخدها وركبو العربيه وشاف مكان السلاح والخزن الاحتياطيه وطلع بسرعه
والتليفون رن تاني
صقر.....الو
المتصل .....اتحركت ولا لسه
صقر.....اه
المتصل.....تمام خلي بالك من نفسك وانا هبعتلك قوه دلوقتي تكون مستنياك علي طريق الصحراوي تضمنا لاي ظروف
صقر......تمام
+
صقر توتره مش قادر يداريه حاسس ان من كتر التوتر قلبه هيقف خايف عليها خايف يتاذي فيها مخه مش بيسعفه يفكر حاسس ان مخه واقف وخرجه من شروده صوت ملك....صقر مين الناس اللي واقفه دي
صقر .....اهدي ماتخفيش
ملك ....هو في اي يا صقر
صقر .....انزلي تحت انزلي
ملك.....هو في اي انا مش فاهمه حاجه
صقر.فك حزام الامان بتاعها ونزلها تحت الكرسي و اول ما قرب عليهم زود سرعه عربيه وهما طلعو وراهو وضربو عليه رصاص وصقر بيحاول يتفادهم
لكن ظهرت عربيه من اتجاه معاكس لصقر ووقفت قصاد عربيته ف وقف
صقر عينه عليهم وعين علي ملك مش عارف يعمل اي هم حصرو من كل الجهات واول مالمحهم بينزلو من عريتهم نزل هوكمان بس قبل ما ينزل
صقر.....خليكي هنا مفهوم ومهما يحصل ماتتحركيش ومهمها تسمعي ماتقوميش من مكانك
ملك....خليك معايا انا خايفه
صقر بوجع .....ماتخفيش مفيش حاجه هتحصلك ماتقلقيش
صقر لمحهم جاين ف نزل بسرعه
+
صقر ....نعم
شخص متلتم ....تصدق انا مختارك انت بالذات وانا بقالي كتير اوووي مانزلتش عمليات بس نعمل اي بقي
صقر....عايز اي
الشخص.....روحك
صقر ضحك .....انت تبقي عملت اللي غيرك كتير فشلو فيه
الشخص .......تؤتؤتؤ مش انت
صقر .....مش فاهم
الشخص بص علي عربيه صقر .....روحك الحقيقه اللي هتبقي اقل درس نعلمهولك ماتلعبش مع الكبار عشان ماتزعلش
+
صقر خاف من تهديده بس مابينش .....مش فاهم
الشخص......مبحبش اكلم كتير هوريك عملي وشاور لشباب واقفين يمسكو بس قبل ما يقربو منه كان صقر اسرع منهم وضربهم
صقر بيضرب وعينه علي عربيه عارف انهم هيقدرو يخنوه ويشغلو تفكيره عشان ينفذو غرضهم
فضلت ما بينهم المناوشات لمده وفجاه جريو بما فيهم الشخص اللي كان بيهدد صقر
صقر قعد مكانه ياخد نفسه وعينه علي عربيه مقفوله اتنهد وقبل مايقف كان في كذا عربيه وصلو
الظابط .....حضرتك كويس يافندم
صقر ...اه ...وسابه وقام عشان يطمن علي ملك واول ما صل عند العربيه بيفتحها كانت صدمه عمره ان ملك علي كرسي وغرقانه ف دمها صدمه شلته فضل واقف مش فاهم اي اللي بيحصل ولااذاي دا حصل ولاوصلو ليها اذاي حاسس انه تايه
جيه ظابط يطمن علي ملك واتصدم من شكلها وشكل صقر
الظابط......سياده المقدم احنا مش هنتظر الاسعاف هتاخد وقت والاصابه قريبه جدا من القلب لازم حضرتك تتحرك دلوقتي
صقر باصص ليه بتوهان ومش عارف يرد
الظابط......سياده المقدم
صقر ....اي
الظابط.....يافندم انا مراعي شعور حضرتك بس حاليا التاخير دا هياثر علي حياتها و المستشفي واقرب مستشفي هتوصلها خلال ساعه ف ياريت تفوق كدا عشان نقدر ننقذها
صقر دخل عربيته وساق عربيه باقصي سرعه وعينه علي ملك وحاسس ان قلبه هيقف استسلمها وعنيها مغمضه هدومها اللي كلها دم منظر مش قادرر يتخيله دموعه نازله غصب عنه وكلمه الراجل بتتكرر كانه بيسمعها(هناخد روحك ...هناخد روحك
+
بعد وقت وصل المستشفي شالها وجري بيها واخدوها منه لانهم عندهم علم بمجي صقر من الظباط
صقر فضل وقت قاعد بيعيد زكرايتهم مع بعض زكريات مبقلهاش ايام فضل منتظرها سنين وف الاخر ف لحظات كل شئ راح منه
+
في مكان بعيد
+
وصل الشخص لمكان ف الصحرا ونزل بيه تحت الارض من نفق ووصل
الشخص......كله تمام يااباشا
.......عملتم اي
الشخص....اللي امرت بيه وزياده شويه
......اذاي يعني مش فاهم
الشخص.....قتلنا مراته
......لي عملت كدا انا قولت هدده بس
الشخص.....انا قاصد اعمل كدا عشان يدور وراك كويس ولازم يعرف هو بيلعب مع مين دا انت المتلتم
المتلتم..... جدع ياض تربيتي ....وهي ماتت يعني متاكد
الشخص.....بنسبه كبيره اه ويمكن يقدر يلحقها بس اقرب مستشفي محتاجه ساعه علي اقل هتكون خلصت
المتلتم.....طيب روح شوف شغلك انت
+
الوقت بيعدي علي صقر كانه سنين عدي عليه3ساعات ومحدش خرج محدش طمنه باي كلمه
وفجاه سمع صوت عز وعلي ووليد وعرفه
علي برعب.....ملك فين ياصقر حصلها اي رد عليا
صقر وطي ف الارض معرفش يرد عليه
وليد....انطق اختي فين ملك فين ياصقر
صقر.....في العمليات جوه
علي.....عمليات هو اي اللي حصل ياصقر طمني اختي مالها
وليد....انطق انت ساكت لي
صقر.....في ناس مسلحين قاطعو علينا الطريق ومعرفش هما صابوها اذاي
وليد مسك صقر من هدومه .....يعني اي متعرفش يعني هي مش كانت معاك والمفروض انك تحميها رد عليا ....اقسم بالله لواختيى جرالها حاجه ماهرحمك ياصقر انت فاهم.
صقر واقف مستسلم هومش همه اللي بيتقال هو كل اللي بيفكرر فيه انه يطمن علي ملك
عز بعد وليد
عز ....وليد اهدا كفايه اللي هو فيه
وليد ....كفايه اللي هو فيه طيب وانا واختي ف العمليات المفروض افرح بيه
عرفه......اهدا بقي خلينا الاول تطمن علي ملك وبعدها ربك يسهلها
بعد صمت مر علي كل خرج الدكتور وكلهم جريو عليه
صقر.....طمني يادكتور
الدكتور باسي .....حالتها حرجه جداا فرق مابين القلب و ما بين رصاصه 2سنتي ودا اثر علي عضله القلب احنا عملنا اللي علينا والباقي علي ربنا
+
عرفه.....انا ممكن اسفرها اي بلد اوديها اي مكان ف العالم
الدكتور......باره ذي جوه .....هي حاليا محتاجه دعواتكم ...عن اذنكم
+
الدكتور سابهم ومشي
وصقر قعد مكانه علي كرسي وكان ف كتافه جبل هو مش مستوعب اللي بيحصل عقله مش قادر يستوعب اللي هو كلمه
+
علي مش قادر يصدق انها ممكن يجرالها حاجه حاسس انه بيتخنق مش قادر يستوعب اللي بيحصل
+
وليد كان حد بيمزعه وهو بيسمع كلام دكتور معقول تكون ....وليد دموعه نزلت غصب عنه ملك مش مجرد اخت اوانها بنت خالته لا هو بيعتبرها بنته حته منه
+
عرفه ف عالم تاني اه متربتش معاه بس هي اخر حفيدته وبيحبها اوووي وقلقان عليها جداا
+
صقر سابهم وراح وقف قدام راعيه المركزه شايفها متوصله بالاجهزه ومطفيه نايمه باستسلام مش قادر يتخيل اللي لسه كانت معاه من كام ساعه بتضحك وفرحانه شايفها نايمه قدامه لا حول ليها ولاقوه حاسس بالعجز وهوسبب ف اللي حصلها تانيب ضمير صعب اوووي وخرج من شروده صوت شخص
وليد......عحبك اللي حصل ليها بسببك دا
صقر ساكت مش بيرد
وليد......انا عارف انك بتحبها ف ممكن اسالك سؤال
صقر ....اي
وليد.....مش انت بتحب ملك
صقر.....انت بتسال ملك دي حياتي
وليد. .....يبقي تسيبها ابعد عنها سيبهالي ملك دي بنتي انا اللي مربيها كبرت قصاد عنيا لحظه بلحظه انت حياتك خطر وانت متعود علي دا لكن انا مش هقدر امن علي اختي معاك انت مقدرتش تحميها انا بترجاك تسيبها وانا هخليها تتنازل ليك عن كل حقوقها ومش عايز منك حاجه
صقر باصص ليه مش عارف يتكلم صدمه كلامه مش قادر يتوقعها
صقر.....انت انت عايزني اطلق ملك
وليد.....ايوه انت حياتك خطر ودي طبيعه شغلك انت حر ف نفسك واتقلمت معاها خلاص لكن ملك لا انا مش هقدر اشوفها فيها حاجه وبتمني انها تقوم بسلامه لو بتحبها ابعد عنها بلاش تبقي اناني وتفكر ف نفسك
صقر.....
+
استووووو.ب🤗❤
اي رايكم ف البارت 🧐
توقعكم اي في اللي جاي 🙄
وصقر هيوافق يبعد ولا لا 🧐🧐
+
