رواية عذبني حبك الفصل السادس والعشرين 26 بقلم ايمووو كمال

لفصل السادس والعشرون

يستيقظ ايهاب علي سماع صوت هاتفه، فينظر اليه فيجد المتصل صديقة فارس، فاسرع بالرد عليه بنبره يغلبها النعاس والنوم قائلا ،،،

- صباح الخير، يابني ايه اللي مصحيك بدري كده تتحسد

فارس بحده بعض الشئ،،،

- اه انت نايم، وانا اللي سهران ومطبق عشان اجبلك الكلمات اللي حضرتك عايزها، وسهران مع الشاعر لحد ما خلصها، تصدق انا غلطان واستاهل ضرب الجزم

ايهاب ينهض ويجلس على فراشه بفرحه يرد،،،

بجد يا فارس لاقيت الاغنيه، طب سمعني كلامتها بتقول ايه، يالا يابني قول

فارس يرد مداعبا له،،،

ياعم براحه عليا، انا جيلك اهو وانت اقراها بنفسك، بس خلي سالي تحضرلي فطار كده ملوكي، كما قال الكتاب

إيهاب بنبره سعاده يقول،،،

ياسيدي احلي فطار ملوكي وسلاطيني كمان، بس انت تعالي، انا هقوم اخد شور تكون وصلت يا احلي فروس عرفته

فارس بقرف،،

ايه ياعم فروس دي، متنقي اسم احلي الله يكسفك

إيهاب بضحك،،،

والله رايق عليك، يافروستي ياحبيبي

فارس بابتسامه علي صديقه،،،،

ماشي ياهوبا كل اللي يجي منك حلو ياصاحبي، سلام بقي عشان تلحق تخلص الشور

ويغلق معه وينهض ياخذ حمامه سريعا، ثم ينتهي منه، ويطلب من سالي تحضير الفطور لفارس، وبعد مضي نص ساعه وصل فارس اليه، فرحب به صديقه وسلم عليه بالاحضان ثم قال له،،،

-هات بقي الكلمات اقراها عقبال ما سالي تحضر السفره

فارس بمزاح،،،،

ابدا اكل الاول، ولو الفطار عجبني وكيفني اديك الاغنيه، غير كده مفيش

ايهاب يضربه بكتفه بضيق يرد،،،

بطل ابو رخامتك دي بقي وهات الكلمات

فارس يعلن الاستسلام،،،

خلاص ياعم ايدك تقيله ياساتر، خد اهه الكلمات "ويخرج الورقه من جيبه، ويقدمها له"

ايهاب يمسك اياها، ويقراها بتمعن ويسرح في كلماتها، فيعجب بها جدا، ويشرد في لحنها، ثم يهتف له مرددا،،،

- الله عليك يا ابو الفوارس ميجبهاش غير فارس زيك ياحبيبي، هو ده اللي عايز اقوله بالظبط، جبت المعني اللي عايزه

فارس ينظر له بفخر،ممسكا بياقة قميصه وتعالي،،،،

- طبعا طبعا انا عارف انت هتقولي، انا رجل المهام الصعبه يابني

ايهاب يضحك عليه،،

لا بجد الشاعر قال ووصف كل المشاعر اللي عايزها، انا هقوم اتصل بالملحن عشان يلحنها، واغنيها لنوري، بس مش عارف ازاي

فارس ينظر له، ثم يفكر للحظات ويهتف فجأه قائلا،،،

-وجدتها

ايهاب بتعجب واستفهام،،،

هي ايه دي اللي وجدتها يابني، حاجه تاهت منك؟!

فارس بضيق،،،

لا ياذكي وجدت الفكره اللي هتغني لنور الاغنيه يا ناصح

ايهاب بفهم،،،

طب قول انت النهاردة في اروع حالاتك، اظاهر لما بتطبق بيطلع منك افكار جهنميه، اشجيني

فارس بزعل مصطنع،،

انت بتتريق عليا، طب مش قايل حاجه

ايهاب بترجي،،

لا والله ماقصد بس فعلا والله انت النهاردة تتحسد، قول يالا بقي شوقتني

فارس بجديه يقول،،،

بص ياسيدي، انت دلوقتي الله اكبر البومك الاخير محقق ارقام مرتفعه جدا، ومكسر الدنيا خصوصا الدويتو اللي بينك وبين نور، عامل اقبال رهيب على الالبوم والاغنيه معلقه مع الناس

ايهاب بتساؤل،،،

تمام بس ده ايه علاقته بأني عايز اغني الاغنيه دي لنور مش فاهم

فارس بتوضيح منه اكثر،،،

عشان غشيم، احنا بقي هنستغل النجاح ده، واعمل اتصلاتي في الاعلام، واخليك تظهر انت ونور في لقاء تلفزيوني علي الهواء، واكيد هتغني اغنيات ليك، تبقي تغني ياسيدي الاغنيه دي وتهديها ليها، ايه رايك؟

ايهاب ينظر له بكل اعجاب علي فكرته، ثم ينهض ويمسكه من يديه، ويقول له،،

-انا مش عارف ابوسك منين قولي علي افكارك الجهنميه دي، بجد فكرة الماظ، تسلميلي يافارس، وربنا يخليك ليا يارب ياصاحبي

فارس بحب لصديقه،،،،

انا ياعم مش عايز بوس، انا عايز اكل، هموت ماكلتش حاجه من إمبارح

إيهاب يضحك باعلي طبقات صوته،،،

خلاص ياعم المفجوع انا شايف سالي خلصت، تعالي عشان تاكل، وانا هعمل اتصال كده واجيلك

ويتوجه فارس لتناول الفطور، وايهاب

و يجري اتصال هاتفيا باحد الملحنين، ليقوم بتلحين اغنيته، ويحدد معه موعد بالمساء ليبدأ في التلحين، ثم يتوجه الي صديقه مرددا له،

-على مهلك يابني، انا خايف تزور، الاكل مش هنشيله، كل براحه

فارس ينظر له والطعام داخل فمه ويقول،،،

جعان الله، هموت ياعم من الجوع

ايهاب بابتسامة،،،

كل ياعم بالف هنا،بس يارب تشبع هههه

#عذبني حبگ بقلم إيمووو كمال

تستيقظ نور في نشاط وهمه، فتاخذ حمامها وتؤدي فرضها ثم تنهض وتتوجه الي والديها لتلقي عليهم تحيه الصباح، فتجد والدتها داخل المطبخ فتهاتفها الاخيرة قائله،،،

- يا احلي صباح علي عيونك يانور، حببتي عامله ايه النهاردة

نور تقبل راس والدتها بحب مردده؛؛؛

-الحمدلله ياحببتي كويسه وزي الفل، طول ما انا شيفاكي انتي وبابا قدام عيني

سميه تقبلها علي وجنتيها بحنان،،،

ويبارك ربنا فيكي ولا يحرمنا منك ابدا يارب، يالا ياقمر روحي عند بابا عقبال ما اجهز السفرة

نور ببتسامه تقول،،،

طب اساعدك ياماما

سمية باعتراض،،،

لا ياقلب ماما، كل حاجه جاهزة، انت بس روحي وانا هجيب الاطباق

وتتوجه نور الي والدها الجالس يتصفح احوال الدنيا من خلال صفحته الخاصة بالتواصل الاجتماعي الفيس بوك، فتقترب منه وتطبع قبله حانيه علي جبينه مردده بمزاح ،،

- زيزو حبيبي مشغول في ايه عني؟

زين بابتسامه، ويمسك يدها ليجلسها بجواره ويقول،،

مفيش حببتي، بتابع اخبار الدنيا

نور بحزن،،،

والله متستهلش حد يتابعها، دي دنيا غداره، كدابه، مزيفه

زين ينظر لها، ويشعر بالألم تجاها،،،

لا ياقلب ابوكي، العيب مش في الدنيا، العيب فينا احنا، احنا اللي بنوحش الدنيا بتصرفاتها، بلاش تظلمي الدنيا

نور تحاول تغيير الموضوع، لتخرج من لحظة الحزن، تنظر له قائله،،،

-عندك حق ياحبيبي، احنا فعلا العيب مننا، ماما اهي خلصت الاكل تعالي عشان نفطر، واثناء ذهابهم تنتبه نور لهاتفها يرن باسم طبيبها هادي، فترد عليه مردده،،،

- احلي صباح يادكتور ده ولا إيه!!

هادي؛ يالا يابكاشه انتي خلاص ماصدقتي خرجتي ومتصلتيش تصبحي عليا، زي كل يوم ماكنا بنتقابل ونتكلم

نور بنبره اسفه ترد،،،،

معلش سامحني، والله لسه قايمه من النوم حالا

هادي يرد بحب ثم يقول،،،،

نوم العافيه، انا بتصل بيكي لسببين اولهم ابلغك ان يوم الخميس القادم ان شاء الله فرحي، هبعتلك اللوكيشن في رساله، وثانيا وده الاهم، بفكرك متنسيش علاج الاكتئاب ضروري اوعي تنسى عشان ميحصلش حاجه وحشه لقدر الله

نور بفرحه شديده،،،

الف مبرووك يادكتور، طبعا هجي وهغني كمان، ربنا يتمم بخير، ومش هنسي العلاج حاضر، بس

هادي مقاطعها،،،

بس ايه؟ في حاجه حصلت؟

نور بتردد، قائله،،

لا ابدا اصل والدي كان عايز يعمل حفله كبيره بمناسبه خروجي ويعزم فيها كل الفنانين وكده في نفس يوم فرحك، بس مش مشكله انت فرحك اهم، الحفله تتأجل، تكون رجعت من شهر العسل

هادي؛ تمام يانور، اشوفك يوم الخميس، مع السلامه

وتغلق معه لتوجه الي والدها محدثه اياه عن التغيير الذي تم، وطالبه منه تأجيل الحفله، فرد عليها قائلا،،،

- ولا يهمك حببتي نأجلها اسبوع كمان، كله عشان خاطر الدكتور هادي، اللي الواحد مش عارف يرد جميله ازاي

نور بنبره شكر له تقول،،،،

اه والله يابابا، وقف معايا كتير اوي، وتعبته معايا ياما، عشان كده عايزة احييله حفله فرحه

زين بنظرة رضا،،،

وماله يابنتي، ربنا يسعده يارب، يالا بقي نفطر

#عذبني حبگ بقلم إيمووو كمال

نانسي جالسه وأدم بجوارها، يطعمها بيده الفطور، فقد رفض ان والدتها تقوم بافطارها، وصمم انه يأكلها بيده، فهتفت له بنبرة رجاء،،،

-خلاص يا ادم مش قادره صدقني اكل حاجه تاني والله، انت بتزغطني من بدري، حرام عليك

أدم؛ لازم تاكلي كويس، وكمان اشربي اللبن ده كله لو سمحت، انا عايز الكسور تلحم بسرعه ياننوس بسرعه عشان نسافر

نانسي بدهشه لذكر اسم دلعها الذي كان يناديه لها منذ الصغر؛؛ فتسأله مردده،،،

- يااااه يا أدم انت لسه فاكر الاسم ده

أدم ينظر لها بشوق جارف، ثم يردد،،،

ولا عمري نسيته، ولا نسيتك لحظه ياننوس قلبي

نانسي بخجل، وندم من نفسها تنحني لاسفل وتظل صامته، فهي من ضيعت هذا الحب الكبير، من اجل الطمع، فخانتها دمعه نذفت من مقلتيها، فقترب منها أدم، وجفف لها دموعها وهو يرفع راسها بأصبعيه وهو ينظر بأعينها قائلا،،،،

- ممكن اعرف ليه الدموع دي؟ وليه مش قادرة ترفعي راسك وتبصي في عيوني؟

نانسي ببكاء،،،

عشان انا مستهلش نظرة الحب دي اللي في عينك يا أدم، انا اللي ضيعت كل الحب ده بأنانيتي، ضيعت الحب اللي هندم طول عمري عليه، عشان ضيعته في لحظه غباء، دفعت تمنها شقاء، اوعي تفتكر اني كنت سعيده مع معتز، ابدا للاسف... معتز برضو كان ضحيتي استغليت حبه اللي عمري ما قلبي دق ابدا له برغم حبه ليا، انا اذيت ناس كتير، انا وحشه اوي يا ادم،،،،

وتستمر في البكاء، فياخذها أدم بين احضانه، فكم تمني هذه اللحظه طوال سنوات ماضيه، ليشعرها بعطفه وتمسكه بها لاخر لحظه، وهو يربت علي ظهرها بحب مردد،،

- اهدي ياناسي، اهدي ياقلبي، انتي مش وحشه ولا حاجه، انتي بس كان في غشاوة علي عينك واتشالت الحمدلله وفوقتي، مش عيب اننا نغلط، العيب اننا نستمر في الغلط، ويمكن اللي حصلك ده يكون سبب في رجوعي ليكي من تاني. ويقربنا من بعض

نانسي غارقه في احساسها الذي تشعر به، فقد شعرت بالامان معه والحب الحقيقي الذي لم تشعر به من قبل في احضان زوحها السابق،، فتحاول ان تبتعد قليلا لتحدثه قائله،،،،

- بس للاسف متأخر اوي يا أدم، بعد ايه بس، انت رجعت وانا مكسورة محطمه، ايه ذنبك تاخد واحده زي

أدم يمسكها بتشبث وهو ناظر بعيونها الجميله مرددا،،

انتي ازاي تقولي كده، انت كنتي ومازالتي حلم حياتي اللي عايش عليه، طول فترة هجرتي عمر ما بنت لفتت انتباهي ولا حركت مشاعري زيك، برغم انك اتجوزتي، وعشتي حياتك، انا حياتي كلها وقفت عليكي انتي، نانسي انا عمري ما حبيت ولا هحبك غيرك انتي، انا بعشقك ياننوس عمري

نانسي تسمع لكلامه ولا تصدق نفسها، ان يوجد في هذه الدنيا انسان بهذا العشق والوجود، فنظر له بحب لاول مرة تبوح به امامه، وامام نفسها قائله،،،

- وانا كمان يا ادم عمر قلبي ما دق ابدا لغيرك، انت بس اللي حركت مشاعري من وقت ما كنا صغيرين وبنلعب سوا، لحد ما في يوم اتخرجت من الكليه واتقدمتلي، وانا في لحظه طيش وغباء رفضت حبك الكبير "قالتها بخجل وكسوف" ودفعت ثمن غباءي غالي اووي

ادم بفرحه؛؛

خلاص ياناسي انا نسيت كل حاجه من لحظة ما شوفتك قدامي، انسي ياحببتي الماضي، وتعالي نبدأ من الاول وجديد، وانا معاكي مش هسيبك ابدا، وهساعدك تخرجي من ازمتك دي علي خير، وان شاء الله هتخفي وتتعافي، ونعيش اسعد ايام حياتنا سوا ونخلف صبان وبنات كمان

نانسي عند ذكره موضوع الخلفه تفتكر كلام طبيبتها وتبكي بحرقه لاول مرة، فهي في هذه اللحظة كم تتمني ان تصبح ام لطفل من هذا الرجل العظيم الواقف امامها، فيتعجب جدا أدم من بكاءها فيسالها عن سببه فترد ببكاء،،،

- انا مش بخلف يا ادم، انا مش هقدر اقدملك اي حاجه، انا عاجزة ومريضة ومش بخلف، فيا ايه يعجبك يخليك تتمسك بيه

ادم بصدمه لثواني، ثم يفوق ويقول،،،

انا عايزك انتي، عايز قلبك اللي بيحبني، مش عايز عيال، وباذن الله العمليه هتنجح، وهتخفي مع الوقت، وان كان علي موضوع الخلفه، ياستي العلم تقدم جدا في المواضيع دي هنروح ونكشف ونجرب اكتر من طريقه، وانا واثق في قدرة ربنا انه هيراضينا ويكرمنا

نانسي تنظر له بفخر وإعجاب، وتذكرت قول والدتها ان الله اوقات يكمن الخير في الشر، فحمدت ربنا كثيرا علي كل شئ، وانه عوضها بأدم صاحب القلب الكبير، ثم هتفت له متحدثه،،،

-انت فعلا يا أدم عوض ربنا ليا عن حاجات كتير اوي، ربنا يخليك يا يارب

ادم بفرحه،،،

يعني اكلم عمي، واخطبك رسمي منه

نانسي بابتسامه تحرك راسها بالقبول،،

فيجري مسرعا يقابل عمه ويطلب منه يدها، فسرَالاخير ويرد عليه بفرحه،،

- طبعا موافق يا ادم، ده يوم المني اللي اتمنينه من زمان، بس انا خايف يا ادم يكون طلبك ده شفقه عليها

ادم بزعل وضيق يرد،،،

ازاي ياعمي تقول كده، انت عارف ان طول عمري وانا بعشق نانسي من واحنا صغيرين، وعمري ما فكرت ببنت غيرها، واول ماعرفت منك انها اتطلقت امل حبها رجع تاني، وهكون اسعد راجل لو اتجوزتها، قول موافق واول ما عدتها تخلص اتجوزها علي طول

سمير برضا وسعاده،،،

هقول ايه يابني غير مبروك، فيقوم باحتضانه ويبارك له، ثم تبارك لهم الام التي كانت تستمع لهم وقلبها يرقص سعاده لابنتها ان الله عوضها بادم، ثم دلف اليها ليبارك لنانسي ويقبل جبينها، داعيا الله ان يسعدها، وباركت الام لهم، متمنيه لهم السعاده

#عذبني حبگ بقلم إيمووو كمال

* تتصل جنة بمعتز وتنتظر منه الرد، فتجد فونه مغلق. فتتأفف بضيق، فتدخل نسمه متسائله عن سبب هذا الضيق فتقول،،،

- ايه يابنتي متضايقه ليه كده وبتنفخي، ومطلعه زرابينك علي الفون

جنة بضيق،،،

يعني مش عارفه يانسمه، انتي بذات تسكتي خالص

نسمه تحاول كتم ضحكتها حتي لا تغضبها، فهي تعلم ضيقها من امس بسبب شراء الفستان الذي اعجبت به، وتفاجات به حين وصلوا الي المنزل، فهتفت لها مردده،،

- خلاص بقي ياجوجو، معتز كان عايز يفرحك ياقلبي، والله متزعلهوش بقي

جنة تنظر لها بعتاب ولوم،،،

انا عارفه يانسمه كل اللي بتقوليه ده، بس انا مكنتش عايزاه يكلف علي نفسه، الفستان غالي اوي كان ممكن نشتري ارخص من كده وبسعر اقل

نسمه تنظر إليها بنظرة تفهم لحديثها ثم ترد عليها قائله،،،،

- الغالي للناس الغاليه ياقلبي، انتي مفروض تفرحي ان خطيبك مش بخيل، وعايز يجبلك الحلو كله، مش تزعلي وتنكدي عليه، حببتي اه لوميه مقلتش حاجه بس بلاش تنكدي عليه، انتي مشفتيش فرحته لما طلب مني اشتريه ليكي، حسيت انه عايز يجبلك المحل كله، عشان خاطري متكسريش فرحته دي، وسمعيه كلمه حلوه منك انتي فهماني

جنة بتفهم لها، تقول،،،

فهماكي حببتي، حاضر هسمع كلامك بس هو يتصل ويفتح تلفونه

نسمه؛ اكيد عنده مرور، ولا جلسه، اصبري شويه وهيفتحه

جنة :بس بالحق نسيت أسألك انتي مرحتيش الشغل ليه النهاردة

نسمه مستنده علي فراشها، في وضع النوم ترد،،،

ابدا قومت مش قادرة كسلانه، وجسمي وجعني، فتصلت بهادي يقدملي علي اجازة النهاردة

جنة تتوجه اليها وتقول؛ طيب يا اختي خديني جنبك اريح انا كمان

نسمه تضحك وتمازحها فتقول،،،

تعالي في حضن اخوك يافواز،،، ثم يضحكوا سويا

ويمر الوقت واذا يرن فون جنة، فتنظر اليه فتجده معتز، فترد سريعا،،،

- كل ده يامعتز، لسه فاكر تكلمني، اخس عليك بجد

معتز بنبرة آسف، يقول،،،

اسف ياقلبي، والله ما فضيت خالص من الصبح، مرور علي الحالات، وكان عندي جلسه، لسه مخلص حالا قولت اكلمك، ايه رايك في المفاجأة؟

جنة تحاول ان تتماسك حتي لا تنطق بحديث يغضبه، فأخذت نفسا عميقا، ثم اخرجته بهدوء وقالت،،،،

- بص بصراحة هي مفاجأه جميله طبعا، مقدرش اقول عنها حاجه، بس برضو زعلانه جدا منك

معتز بتعجب يقول،،،،

ليه بس ياجنتي، انا مقدرش علي زعلك ياحببتي

جنة بحب له مردده،،،،

عشان كلفت علي نفسك ياحبيبي، وكان ممكن بسعره نشتري حاجه اقل وكويسه، وتوفر الباقي، يامعتز انا عمري ما هستغل حبك ليا واكلفك ابدا فوق طاقتك ياحبيبي، نفسي نعيش حياتنا علي اد امكانياتك، لا يكلف الله نفسا الا وسعها، وانا معاك هرضي بالقليل ونحمد ربنا عليه، انت فهمتي

معتز بفخر واعجاب بها يزداد كل يوم عن قبله، ويتأكد من حسن اختياره لها فيقول ،،

- والله ياجنة لو كان اغلي من كده، لكنت جبته، انا نفسي اجبلك الدنيا كلها تحت رجليك، بس انتي تشاوري، بلاش تتكلمي في الماديات ياحببتي، انا مش هتكسف منك هعرفك كل حاجة عني، عشان تمشي علي نور في حياتها، انتي متتخيليش سعادتي بيكي ازاي ياجنة، ربنا يباركلي فيكي يا احلي عوض ليا من ربنا

جنة بنفس الحب،،

ويباركلي فيك يازوجي المستقبلي

معتز بضحك، ثم يقول،،،

احلى كلمه دي والله تختمي معايا بيها المكالمه، اشوفك على خير يا زوجتي الحبيبه، سلام

جنة بهيام،،،،

سلام يازوجي، باي، تغلق معه ثم تحضن فونها بكل حب، فتضحك عليها نسمه مردده،،

-ياسيدي علي الغرام، ده انتي مش شويه كنتي هتفرقعي من الغيظ، دلوقتي بقيتي بلسم،، اااه ياني منك

تضحك جنة، وتقوم باللقاء الخدديه عليها،ثم تترك لها الغرفه وتخرج بالخارج

#عذبني حبگ بقلم إيمووو كمال

تنتهي نور من تناول الفطور مع اسرتها، فتسمع صوت هاتفيا يرن مرة أخرى، فترد فتجده عادل هو المتحدث، فيقول لها مردد،،،

-صباح الخير يانور

نور باستغراب من اتصاله في هذا الوقت المبكر؛ صباح النور ياعادل، خير

عادل بنبره هادئة يقول،،،،

خير متقلقيش، انا بتصل بيكي لما عرفت بخروجك من دكتور هادي، فحبيت اباركلك، وابلغك اني جهزت ليكي الدويتوهات اللي طلبتيها مني، وهي معايا علي فلاشه، كنت عايز اقابلك عشان ادهالك وتسمعيها براحتك وتختاري المناسب اللي هينزل في الالبوم

نور بابتسامة،،

تمام ياعادل قابليني في الكافي..... هيجيلك بعد نص ساعه كده

عادل؛ خلاص هكون في انتظارك يانور، سلام

وتغلق معه، ثم تستعد للذهاب اليه، وتخرج فتجد والديها جالسين يتابعون التلفاز، فتبلغهم بانصرافها لمقابلة عادل، فيرد الاب قائلا،،،،،

- عادل تاني يانور، مش عادل ده اللي كان السبب في كل اللي حصل

سميه بضيق وحده قالت،،،

بابا عنده حق يانور، اقطعي علاقتك بيه يابنتي

نور تنظر اليهم وتحاول ان تفهم والديها، قائله،،،،

- يابابا عادل جالي المستشفى، واعترف بغلطه، وقالي علي كل اللي حصل، هو كمان كان ضحيه فهم غلط وظلم ايهاب، صدقني انا لولا اني شافت صدق مشاعره وندمه مكنتش سامحته، عادل كان جواه جرح كبير اوي، وفهم الحقيقيه بس للاسف متاخر، وربنا بيسامحك، احنا مش هنسامح

زين ينظر لها ويقول في حنو،،،،

ومادام انتي سامحتيه، ليه مش عايزة تسامحي ايهاب هو كمان، ندمان وبيتعذب في بعدك

نور وظهر علي وجها علامات الحزن والاسي،،،

عشان كان سبب في جرحي، وموثقش فيا، جرحي لسه مخفيش، يمكن لما يطيب اقدر اسامح، يالا بقي متعطلنيش كده هتاخر

زين؛ اهربي براحتك يانور، سلام

سميه؛ متتاخريش علي معاد الغداء يانور

نور مقبله يداها،،،

حاضر ياست الكل، سلام

وتتصرف وينظر زين لزوجته مرددا،،

- كويس ان نور نزلت كنت عايزك في موضوع كده ياسوسو

سميه بتضحك عليه،،،

موضوع ايه ياراجل اختشي

زين ينظر لها ويغمز لها، ثم يردد،،،،

نيتك وحشه ليه شمال كده ياسوسو، انا بكلم جد والله

سميه بضحك؛ اصل انت كل مواضيع شمال يازيزو

زين يضحك بشده، فيقربها منه ثم يقول،،،

- لا بجد انا كنت عايز اخد رايك في فكره كده جاتلي بفكر فيها من فتره

سميه بجديه؛ خير يازين

زين بجديه يقول،،،

انا من فترة شوفت فيلا جنبنا علي بعد ربع ساعه بالعربيه، وعجبتني اوي، جاهزة من كله، مش ناقص غير العفش، ماشاء الله كبيرة، وبجنينه، وحمام سباحه حاجه كده تشرف نور، وبما ان الحفله اتاجلت فقولت نخلص فيها، ونفرشها ونحتفل هناك باكتر من مناسبه، خروج نور بالسلامة، ونجاح الدويتو، والفيلا الجديده، ايه رايك.؟

سميه بتفكير، ثم تنظر له بنظرة كلها فرحه، وتقول،،

- والله فكره حلوة اوي، بس دي تلاقيها غاليه اوي يازين، والفلوس انت كنت شايلها لنور

زين يقول بجديه مردد،،،،

ايوة انا كنت شايلها في البنك، بس قيمه الفلوس بتقل، والعقار سعره بيزيد، ولو احتاجت فلوس نبقي نبيع الشقه دي، وكمان انا ناوي اكتبها باسمها، قومي اجهزي عشان اورهالك ولو عجبتك نخلص فيها

سميه باستسلام،،،

اللي تشوفه يازين، وكله لنور في الاخر، هجهز عشان نلحق نرجع قبل نور ما تيجي

زين ؛ اه عشان عايز اعملها مفاجآة ليها

#عذبني حبگ بقلم إيمووو كمال

تصل نور بعد مضي نص ساعه تقريبا، فتجد عادل يجلس علي طاوله قريبه، وامامه فنجان من القهوة يترتشفه، ثم تقدمت اليه وهتفت بابتسامه قائله،،

- ازيك ياعادل، عامل ايه

عادل بابتسامه صافيه،،،

الحمدلله، طول ما انتي بخير، انا كويس

نور تمئ له بنظره شكر وامتنان : ميرسي ياعادل كلك ذوق، فين الفلاشه بقي

عادل؛ طيب اشربي حاجه الاول،" ويشاور للنادل، فيأتي ويسألها عن طلبها، فتاخذ فنجان من القهوة المظبوطه، فينصرف لبضع دقائق، ثم يضعها امامها، و ينصرف في هدوء" ،،، ثم يكمل حواره مرددا،،

- اتفضلي الفلاشه اهي، واتمني انها تنال رضاكي، وكمان جهزتلك لقاءات تلفزيونية، واحاديث لاكثر من مجله في حديث معاها

نور تنظر له نظرة اعجاب؛ انا مش عارفه اشكرك ازاي ياعادل، تعبتك معايا اوي

عادل بندم،،،.

متشكرنيش علي حاجه، انا مهما عملت مش هقدر اعوضك واوفيكي حقك، انا نفسي اكفر عن غلطتي معاكي زمان

نور تنظر اليه وتقرب وتمسك يده، ثم تقول،،،،

انسي ياعادل اللي فات، انا بحاول انسي، ياريت متفكرش فيه تاني، انت دلوقتي بالنسبالي اخ وصديق، ومش عايزه اكتر من كده

عادل يشتد في تمسكه بيدها ويردد؛؛؛

واحسن اخت، وصديقه والله، انا هنتظر اختيارك عشان تبدأ، والملف ده ياستي فيه مجموعه من الاغاني المختاره بعنايه شديده، اختاري ٨ اغنيات عشان تسجيلهم فورا، وينزل الالبوم ويلحق الموسم قبل ما يخلص

نور بفرحه تاخذ منه الملف وتقول؛؛ كمان اغاني كده كتير عليا اوووي

عادل بابتسامه،،،،

مفيش حاجه تكتر علي مطربتنا نور زين الدين ابدا

نور بضحكه،،.

ربنا يخليك ياعادل، انا عمري ما هنسي وقفتك معايا ابدا، بس ليا طلب عندك

عادل ينظر لها باهتمام،،،

انتي تأمري

نور بنظره راجيه تقول،،،،،

عايزاك تحضر معايا فرح دكتور هادي، ومش الفرح بس، كل مناسبه اتواجد فيها تكون موجود معايا

عادل وقد فهم مقصدها،،،،

نور انا فاهمك بس كده هتخليه يولع ويغير اكتر

نور تنظر له تقول بحده،،،

وليه متقولش انه اختبار ياعادل، هيثق فيا ويتمسك بيا، ولا يسلم في اول المشوار

عادل باعتراض،،،،

ايهاب غيور، اسأليني انا

نور بنظره عناد تقول،،

عارفه، بس عايزة اتأكد منه

عادل بستسلام،،،

براحتك يانور، زي ما تحبي، انا وعدتك اني هكون معاكي، وتحت امرك في اي حاجه تحتاجيها، بصفه اخ قبل صديق، وانا عند وعدي

نور بنبره صادقه تقول،،،،

وهو ده اللي عايزاه منك ياعادل، انك تكون اخ وصديق مخلص، يالا اسيبك انا عشان متاخرش علي بابا، اشوفك يوم الخميس في القاعه، هبقي ابعتلك العنوان، سلام

عادل؛ سلام يانور، في حفظ الله ورعايته

# عذبني حبگ بقلم إيمووو كمال

وتتركه نور وتتوجه الي منزلها، فتبحث عن والديها، فلم تجدهم، فتقلق وتحاول الاتصال بهم، ويتم الرد عليها ويخبرها والدها انهم في مشوار، وعلي وشك الوصول،،، فتجلس تفكر، اين ذهبوا، واين مشوار يتحدث عنه والدها،، وبعد فترة من الزمن وصلوا، فركضت اليهم متسائله،،،

- كنت فين يابابا؟ مشوار ايه ده اللي مرضتش تقولي عليه؟

زين ياخذ نفس ويخرجه، ثم يجلس وبجانبه زوجته فيرد عليها قائلا،،،

-اتفضلي ياستي امضي الاول، وبعدين احكيلك

نور تاخذ منه الورق وتسال؛؛ ايه الورق ده وامضي على ايه انا مش فاهمه حاجه؟

زين بحده،،

امضي بس يانور وهفهمك

نور تمضي ثم تردد،،،

اهو مضيت ممكن بقي افهم

زين بسعاده،،،

الف مبرروك ياقلبي، دي فيلتك الجديده، كتبت العقد ومكنش ناقص غير انك تمضي، عشان كتبتها باسمك

نور بذهول،،،

فيلا واسمي! ازاي وامتي عملت ده كله

زين يمسك يدها ويضمها بين احضانه، ثم يقول،،،

من فترة كده شوفت فيلا معروضه للبيع، دخلت شوفتها وعجبتني اووي، والنهاردة اخدت امك وروحنا شوفنها، وعجبت سميه اووي، فمضيت العقد مع البايع وكان ناقص توقيعك عشان هسجلها باسمك ياحببتي

نور تحضن والدها وتطبع قبله علي جبهته وراسه؛ ده كتير عليا والله يابابا، حسك في الدنيا، انا مش عايزة حاجة والله، انت وماما كفايه عليا

زين ينظر لها بحب وعطف، ثم يقول،،،

- حببتي انا كلي ليكي، عشان لما نعمل الحفله تكون مشرفه ليكي

نور بتعجب؛ هو حضرتك هتلحق تفرشها، وتعمل الحفله كمان

زين بتحدي وفخر،،

امال ايه، هو انا شويه، الفيلا مش ناقص غير العفش بس

سميه بفرحه، تقول،،،،

لو شفتيها يانور، هتعجبك اووي، ريحها حلو، وكبيره ماشاءالله، بكره اخدك وتروحي تشوفيها، وننزل نشتري العفش

نور بابتسامة،،،،

ان شاء الله، بس ما العفش ده بابا لسه مغيره وجديد ناخده هناك

زين ينظر للعفش، ثم يقول،،،،

هناخد الجديد، وبعدين نشتري تاني

نور بنظره راجيه تقول،،،،

طيب ممكن انا اللي اشتريه

زين باعتراض،،،

لا طبعا، لما احتاج حاجه هبقي اقولك، فلوسك دي بتاعتك انتي، شقاكي حببتي، انا مش هقبل مساعده منك

نور بزعل، تقول،،،

انا ايه وانت ايه ياحبيبي، طيب ما انت لسه كاتبها باسمي، خليني اجيب حاجات فيها، والنبي يابابا

سميه بترجي،،،

خلاص يازين، خليها تشتري اللي عايزاه، متكسفهاش

زين بخضوع؛

خلاص اللي تشوفوه

#عذبني حبگ بقلم إيمووو كمال

ويمر يومان بدون جديد، فالجميع يعمل بجد، وتحدي، وسباق مع الزمن، فمعتز باع شقته وكتب عقد الشقه الجديده، حيث صمم ان يكتبها بأسم جنته تقديرا لحبه لها،وبدأ في شراء العفش بصحبتها، بعد ان استلم مبلغ كبيرا من المال من حماه السابق الذي اثر علي ذلك، فاخذه منه، وقد حل له مشكله السيوله، وقد تفرغ لعياده دكتور شريف، وانتظم بها، وحقق نجاح ملحوظ جدا، وهادي يحارب مع الوقت ليجهز قاعه فرحه وكل شئ، اما ايهاب فيعمل بالساعات لينتهي من تلحين اغنيته التي أعدها خصيصا لمعشوقته، اما جنه مشغوله مع بنت خالها في تجهيز نفسها، ووضع اللمسات الاخيره لها، الي ان اتي يوم كتب الكتاب