رواية عذبني حبك الفصل الحادي والعشرين 21 بقلم ايمووو كمال
ايهاب ينظر له بنظرة غل،،،
- انت قاعد تلف وتدور ومقولتش ليه بتعمل كده فيا، ليه وانت كنت اكتر من اخويا، احنا اتربينا وطلعنا مع بعض انا وانت وفارس، ايه اللي خلاك تكرهني وتعاديني كده
عادل يجلس ويزفر انفاسه من التعب والالم ويقول؛؛
- فاكر مايا يا ايهاب، ارجع كده بذاكرتك، وافتكر البنت اللي كانت جارتنا وساكنه في البيت اللي كنا فيه
إيهاب يجلس علي مقعده يسند يده علي راسه محاولا ان يتذكرها،،،، مالها مايا وايه اللي فاكرك بيها دلوقتي
عادل ببكاء يتعجب له،،
- مايا دي كانت حب عمري، كنت بعشقها من وانا في ثانوي ولما دخلنا المعهد، واتخرجنا، والدنيا ابتدت تحلو معانا، قررت اصارحها بحبي، لكن اتكشفت انها بتحبك انت، فقفلت علي قلبي جرحه، واتمنيت لها السعاده من قلبي معاك، لكن في يوم فوقت علي خبر انتحارها، عشان اتصدمت في حبك،، انت السبب في موتها،،، انت اللي حرمتني منها،،، كان اهون عليا اشوفها مع غيري، بس تكون عايشة ومبسوطه،، لكن انت حتى استخسرت عليا اني اشوفها، وكنت السبب في موتها،،، انا عمري ما هسامحك ابدا
"واستمر في انهياره وبكاءه، جعل قلب ايهاب يحن ويعطف عليه، فالان عرف سبب العداء بينهم، واشفق عليه برغم ما فعله، والتمس له العذر، فقد احس الان معني فقدان وحرمان من تحبه، فربت علي كتفه قائلا،،،
-اهدي ياعادل، وفوق انت مش فاهم حاجه، وظلمتني، من غير حتي ماتسمعني، انا عمري ما حسيت باي حب من ناحيه مايا، طول عمري بعاملها زي اختي الصغيرة، ولا فكرت فيها ابدا تكون شريكه لحياتي، ولما جت في يوم وصارحتني بحبها ليا، انا قولتلها اني بحبها زي اختي، اه ممكن اكون صدمتها في مشاعرها، بس والله عشان افوقها، وقولتلها انت احسن مني، وتحاول تدي لقلبها فرصه تقرب منك، انا كنت ملاحظ حبك واهتمامك بيها، بس احترمت سكوتك وقتها ، وانك مش راضي تبوح ليا، بس هي اكدتلي انها مش بتحبك ومصممه في حبها ليا، ووسكت هنا ولم يستطع ان يكمل فقاطعه عادل،،
- كمل سكت ليه؟
ايهاب يبلع ريقه ويجمع شجاعته، ثم يقول،،،،
- حاولت تقرب مني، بطريقة غلط، وانا والله صدتها، وضربتها بالقلم عشان تفوق، ونزلت تحت وكانت منهاره من العياط، وتاني يوم عرفت انها انتحرت، والله العظيم ثلاثه هو ده اللي حصل، انا عمري ما فكرت اخونك ولا اطعنك في ظهرك ابدا، ايهاب عمره ما يخون ياعادل صاحبه اللي اكل معاه في طبق واحد، ما بالك بعشرة سنين بينا،، انت مصدقني ياعادل
عادل يجلس شاردا غير مصدق لما فعله في اقرب الناس له، صديق عمره الذي توهم طوال السنين السابقه، انه سبب عذابه والامه، وللاسف ظهرت اخيرا براءته، وانه ليس المسئول عن موت حبيبته، ظلمه ظلم لم يغفره له ابدا ولا نور،، ففقاق علي صوته يناديه وهو ممسك بيده مصحف، يحدثه قائلا،،
-و عزة جلاله الله تعالى والمصحف ده، هو ده اللي حصل ياعادل، انت ظلمتي، وانا برئ، بس انا عمري مش هقدر انسي ظلمك ليا ده، وانك كنت السبب في فقداني لنور، منك لله، بس انا عندي سؤال واحد، انت قولت انك حذفت من المكالمه الاصليه ازاي وفين هي المكالمه الحقيقية؟
عادل ينظر له بالم وحزن، ثم يقول ،،،
- انت لسه مش مصدقني؟ علي العموم، انا محتفظ بالمكالمه،،
ويمسك هاتفه ويضغط علي المكالمه ويكون محتواها الاتي،،،
المكالمه الأصليه
عادل؛ مساء الخير يانور
نور؛ مساء الخير يا عادل، خير في حاجه عايزني فيها؟
عادل؛ انتي عارفه اني معجب بيكي اد ايه، ويسعدني اني اتعاون معاكي، خصوصا انك عحبتيني جدااا لما غنيتي اخر مرة مع ايهاب
نور؛ عارفه وده شيء يسعدني طبعا، وشكرا لمجاملتك
عادل؛ طيب ممكن نتقابل ضروري، في حاجه مهمه جدا
نور؛ حاجه ايه، دي
عادل؛ مش هينفع في الفون، خصوصا انها فكره جديده، ومحتاجك تقنعي ايهاب، احنا هنكسر الدنيا، وهتنجح وهتبقي ليله متتنسيش ابدا، والوسط كله هيتكلم عنها
نور؛ شوقتني ليها، انا اي حاجه فيها مصلحه لايهاب انفذها علي طول
عادل؛ تمام يبقي اقابلك في البيت عندي، تحته في كافيه ومطعم روعه، هيعجبك جدا، حتى لو تسمحي اعزمك علي العشاء
نور؛ خلاص اتفقنا، الساعه ٩ هكون عندك تحت البيت وهرن عليك تنزل، بس ياريت متاخرنيش عشان ايهاب ميقلقش عليا، دي اول مرة اخبي عليه حاجه في حياتي، بس قولت اسمعك الاول وبعدين اقوله علي كل حاجه، وانا اسفه مش هقدر اتعشي معاك، لاني مش بتعشي غير مع هوبا
عادل؛ متخافيش، يادوب هنخلص علي طول، عقبال ما تشربي العصير، مش هنطول، اشرحلك فكرة الدويتو اللي هيبقي بينا احنا الثلاثه، وفكرة تصوريها
نور؛ اوك ياعادل مع السلامه
ينظر له عادل بكل حزن، ثم يردد قائلا،،
- شوفت بقى، كانت بعشقك اد ايه، كلمتني وحست بالذنب عشان مقلتلكش، شوفت انت ضيعت من ايدك جوهرة سمينه لا تقدر بالمال، حتي رفضت تاكل معايا عشانك انت
يقف ايهاب ويلقي عليه نظرة كلها احتقار، ودموعه تتساقط كالشلال فقال،،
- انت أحقر انسان شوفته في حياتي، انا مش عايز اشوف وشك تاني، ايه كميه الشر اللي امتلكتك دي، بس انا هعرف اخد حقي من الحيوانه اللي اسمها هايدي دي، اطلع بره ياعادل اطلع بره وسبني اروح الملم اللي باقي مني واطلب السماح من نور، مع اني عارف انها مستحيل هتقبل
عادل بنظره حزن وندم يقول،،،
انا هحاول اكفر عن ذنبي يا إيهاب، وهعترف لنور بكل حاجه، بس هي تفوق وهقولها، ومش هسبها غير لما تسامحني، انا هقف جنبها بصفتي اخ وصديق مش اكتر، وربنا يقدرني اني اصلح اللي اتكسر بينكوا
ايهاب بسخريه من حديثه؛؛
- لا شهم، كتر خيرك اوي لحد كده، سبنا في حالنا، احنا هنداوي جروحنا بنفسنا، مستغنيين عن خدماتك
عادل بحده يرد،،،
اتكلم عن نفسك، نور اعرفها من قبلك، من زمان اوي، وهي اللي هتكرر مين عايزاه يقف جنبها، بس صدقني مش هتخطي ابدا حدودي، لاني عارف ومتإكد من عشقها ليك،انا رايح اطمن عليها عن اذنك،،
ويتركه بمفرده، وقلبه يتعصر من الالم، والحسره علي فقدانها،، فظل يبكي ويبكي، الي ان اتي اليه صديقه من الخارج، ففزع من منظره، فركض اليه مسرعا متسائلا،،،
- ايه مالك ياصاحبي جرالك ايه؟ وايه اللي جاب عادل هنا.؟انطق عمل فيك ايه ولا ون وشه متبهدل على الآخر
ايهاب يحاول ان يهدئ وقص عليه كل شئ،،، وقال له
-تعالي نطلع علي نور نضمن عليها يافارس بسرعه
فارس ينظر له بكل غضب ثم يقول،،،
- ابن التييييت كل ده عمله، ده مش بني أدم، ده الشيطان يصقف له ويضربه تعظيم سلام،، وقال الناس ظالمين الشياطين،، ميعرفوش انهم عايشين بيهم،،، تعالي ياصاحبي قوم استند عليا،، ويارب يطمنا عليها
ايهاب يحاول ان ينهض لكنه غير قادر، فقدماه غير قادره علي حمله،، فتعكز علي صديقه وقام معه، واستقل السياره، وتوجهوا الي المشفى، وتوجهوا نحو غرفة العمليات، وعلموا انها خرجت منذ فترة، فطمئن قلبه قليلا،، ودلف الى غرفتها، فوجدها نائمه بلا حول ولا قوة لا، فتحدث الي والدها هاتفه،،
- طمني ياعمي، نور عامله ايه دلوقتي؟ ارجوك انا عارف انك مش متقبل وجودي، بس طمعان في كرمك تسمعني
صمت زين، وشعر بصدق مشاعره، خصوصا حين راي عيونة الحمراء، المنتفختين من البكاء فهتفه مرددا،،
- الحمدلله رب العالمين، الدكتور انقذها علي اخر لحظه، وتم نقل دم لها، وطلب مني ان انقلها لمصحه نفسيه، لان حالتها ادهورت جدا، وخايف انها تحاول الانتحار مرة ثانيه، فهناك هتكون تحت رعايه خاصه
ينظر له ايهاب وعيونه لا تكف عن البكاء، فكل ما سمعه لايحتمل قواه ابدا، فستند راسه علي الحائط واخذ يضرب براسه بكل عنف ، حتي سال الدماء من راسه،،، وهو لا يبالي اي شئ غير انه يريد أن يفوق من هذا الكابوس المظلم،، فقال،،
-انا السبب،،، انا السبب،،، والله غصب عني ياحب عمري،،، منه لله عادل،،، منه لله
يركض اليه فارس ويحاول ان يسيطر عليه، ويمسكه من يديه لكنه فشل في تهدئته
زين واقفاً مذهول مما يسمعه، فقد احس انه مجروح مثل ابنته، فربت علي كفته وقال له بهدوء،،،
- اهدي يا بني انا حاسس بيك، يعلم ربنا انا كنت عايز اقطعك باسناني، بس لما شوفتك كده حسيت انك ضحيه زي نور، تعالي معايا نشوف نعالج راسك، وتعقد تحكيلي اللي حصل
دلف معه وكأنه مثل الطفل الذي يصطحبه والده معه، ويمشي وهو مسلوب الاراده، حتي وصل الي الطبيب وداوي جرحه، وقام بلف الشاش علي راسه، واعطاه بعض المسكنات، حتي لا يشعر بالالم، فشكر الطبيب، ثم توجه معه الي كافتريه المشفي، ليتناول فنجان من القهوة، واخذ يقص عليه كل ما حدث من اول ما وصلت مكالمه عادل لنور التي اخفتها عنه، حتي هذه اللحظه،،، وكان يحكي وهو في حاله بكاء، وحزن، واسي،، حتي انتهي وهتف له يقول،،
- انت مصدقني ياعمي،، مصدق حبي لنور، وندمي اني موثقتش فيها كفايه، بس والله كان غصب عني، حبكوا عليا المؤامرة بشكل متقن
زين ينظر له ويشفق عليه وعلي ابنته، ثم يقول،،،،
- عارف يابني ومصدقك والله، وربنا يسامح اللي كان السبب، ده اختبار من ربنا لحبكوا وانت فشلت فيه، فعليك انك تحارب عشان تخليها تثق فيك تاني وتسامحك، وده شئ مش سهل ابدا، نور مجروحه اوي منك يا ايهاب فوق ما تتخيل
ايهاب وعلي وجه علامات الترجي والتمني،،،،
- وانا هعمل المستحيل عشان تغفر ليا وتسامحني، ويارب يقدرني
زين ينهض من مجلسه ثم يقول له،،،
- يارب،، تعالي نطلع نطمن عليها
وينصرفوا ليدلفوا اليها، وفنظروا و جدوا عادل جالسا بجوار غرفتها يريد الدخول لها،، فاراد ايهاب ان يتحدث فقاطعه زين قائلا له،،
- ممكن اعرف انت جي ليه ياعادل، مش كفايه اللي عملته فيها، ولا عايز تطمن علي جرمتك انها خلصت خالص
عادل ينظر له بحزن، ثم يقول،،،
- متظلمنيش ياعمي، كفايه احساسي بتأنيب الضمير اللي حاسه، نور مكنتش هي المقصوده، انا عمري ما اقدر اذيها ابدا
زين بغضب وحده يقول،،،
- امال انت عملت ايه تقدر تقولي، لو مكنتش اتأمرت ضد حبها للإنسان الوحيد اللي حبته تفتكر كانت وصلت للمرحله دي،، ماترد عليا،،، بس انا هقولك نتيجه عمايلك،، نور مفروض تروح لمصحه نفسيه ياعادل، ياريت بقي ضميرك يرتاح وتبعد عنها
عادل بصدمه،،،
- ايه! انا لو فضلت طول عمري اعتذر لنور مش هيكفي ابدا، انا هعترفلها بكل حاجه وهصلح كل شئ، بس تقوم هي بالسلامة
زين بحزن والم عليها يقول،،،
- ربنا كبير، وقادر علي كل شئ،، روح يابني ربنا يكفينا شرك،، "ويوجه نظره لايهاب" ويقول،،، يالا ندخل يا ايهاب
ويتوجهون اليها يجدون والدتها تمسك بيديها ودموعها تنذف حزنا على حالتها،فهي ناظره لسقف الغرفه ولا تدري بالدنيا، وترفع عيناها له، فيلقي زين لها نظرة وهتفها،،
- سميه هحكيلك علي كل حاجه بعدين، ايهاب كان ضحيه زي نور بالظبط
ويجلس بجانبها ويهمس لها بكل حنو،،
-حببتي فوقي، وارجعيلي، سامحيني ياقلبي، واغفري غلطي، سامحي عاشق داب في حبك، والغيره عمت عينه،، قومي صرخي فيا، اعملي اي حاجه بس متسبنيش اتعذب كده، ارحمي حبي،، نور انا ممكن اموت لو جرالك حاجه، نور عيني وحياتي كلها سامحيني، نور بلاش تسكتي كده، نور بصيلي ياحببتي، انا ايهاب حبيبك، انا عرفت كل حاجه... عرفت اني ظلمت اطيب قلب، واحن قلب في الكون كله،،، ظلمتك بغيرتي وحبي اللي مهما اوصفلك بعشقك اد ايه مش هعرف ابدا اوصفه،،، نور حببتي ردي عليا ارجوكي، حرام تعذبيني كده، كفايه عليا عذاب ضميري بفقدانك،،، نور،،، نور
ويستمر في بكاءه وهي شارده، لا ترد، في دنيا غير الدنيا
زين ينظر له بشفقه ثم يقول،،،
- قوم يابني هي مش سمعاك اصلا، انا هعمل اتصلاتي وهحجزلها في المصحه وربنا يعفو عنها
#عذبني حبگ بقلم إيمووو كمال
" باك"
نور تنظر له ثم تقول،،،
- وطبعا الباقي انت عارفه يادكتور عشان عاصرته وعيشته معايا، ودي حكايتي كلها
هادي وعلي وجه حزن علي ما صابها،،
- ياااه يانور انتي اسيتي اوووي، وايهاب كمان اسي
نور بحزن شديد تقول،،،،
- ايهاب لولا عدم ثقته فيا مكنش حصل ده كله، لو كان مصدقش، ووقف قدام الكل وواجهني مكنش انتصر الشر
هادي ينظر لها متسائلا،،،
- بس انتي عرفي من مين كل ده؟
نور تنظر وتجاوب عليه مردده،،،،
- بابا قالي وحكالي، علي كل حاجه، قبل ما اجي هنا، لما ابتديت اتحسن شويه، وميعرفش اني كنت سامعه، كنت زي اللي مغيبه عن الدنيا، بين الوعي واللاوعي
هادي ينظر لها ويزفر تنهيده عاليه، ثم يقول،،،،
- طيب احنا كده خلصنا، ودي اخر جلسه لينا، وعشان كده انا محضرلك مفاجأة وواثق انها هتعجبك
نور اوعي تكون اللي في دماغي!!
هادي يبتسم لها،،،
-استني بس لما تشوفيها وبعدين احكمي، هغيب بس ثوانى وارجعلك
تنتظر نور بلهفه وخوف في آن واحد، خوفا ان يكون معذبها هو الذي سوف يأتي، فهي تخاف من مواجهته، ولا تريدها ان تحدث الآن، واذا بعد دقائق معدوده يأتي هادي ومعه والديها زين وسميه وعلي وجههم السعاده والسرور لرؤيته ابنتهم بعد طول غياب، فركضت اليهم نور مسرعا... بكل شوق وحنين محتضنه والدتها اولا قائله،،
- ماما، بابا، وحشتوني اوووي يا امي
سميه تشدد من احتضاتها ومقبله كل جزء في وجهها،،، بنتي حببتي،، روحي اللي غابت من يوم بعدك،، اخيرا يانور شوفتك ياقلبي،، وفي حضني، احمدك واشكر فضلك يارب
نور بفرحه تقول،،،
- الحمدلله يا امي انا بخير تعالي، اقعدي جنبي، واحكيلي حصلكوا ايه من غيري، بس اسلم علي بابا الاول،، وتقترب لتحضن والدها مقبله يده في حب وتقدير له،، مردده،،،
- سامحني ياحبيبي، تعبتك معايا، ووجعت قلبك انت وماما عليا ، بس خلاص اوعدك ان من هنا ورايح مفيش تعب ولا وجع تاني ابدا
زين ينظر لها بفرحه ثم يقول،،،
- نور حببتي، وحشتيني اوي يابنت قلبي، اخيرا يانور في حضني، لامسك بأديا، وشيفاكي عيوني
نور بحب تقول،،،
- اخيرا يابابا، وان شاء الله مفيش حاجه هتفرقنا ولا توجعنا تاني
زين ينظر لها هو ووالدتها التي متمسكه بيديها مرددين،،،،
ان شاء الله حببتي، ربنا يكتبلك الخير يارب ويصلح حالك
وينظر الي هادي نظره كلها شكر وامتنان ويقول له ،،،
- انا مش عارف اشكرك ازاي يادكتور هادي علي تعبك مع نور، ومفاجأتك الحلوة لينا دي
هادي يبتسم له،،
-متشكرنيش علي حاجه ده واجبي، ونور دي مش بنتك لوحدك، ربنا يعلم غلاوتها عندي ازاي
نور بحب واحترام وتقدير، تقول،،،
- ربنا يخليك ليا يا دكتور يارب، وحضرتك مقامك كبير عندي اوي، وبعتبرك في مقام والدي
زين ينظر له ويقول،،،
- انت اخ كبير وغالي والله يادكتور، وجميلك فوق راسي
هادي ببتسامه يقول،،،
- شرف ليا حضرتك،، استأذن انا واسبكم مع بعض، ويوجه نظره لنور، اشوفك بكره يانور، كلامنا لسه مخلصش
نور تبتسم له ثم تقول،،،،
- ان شاء الله يادكتور، في انتظارك
وينصرف هادي متوجها الي مكتبه، ويتركهم يتبادلون الحديث، في حب وسعاده، بعد طول غياب
#عذبني حبگ بقلم إيمووو كمال
يجلس معتز في مكتبه شارده يفكر في مشكلته ، فقد عزم امره ان يتوجه الي منزل نانسي لتأكيد بنفسه من خبر حملها، بعد مروره علي مرضاه للاطمئنان عليهم، واذا به انتبه لطرق باب، فامره بالدخول، فوجد سيده تقف امامه تساله،،،
- حضرتك دكتور معتز طليق نانسي؟
معتز وعلي وجه علامات التعجب : ايوة مين حضرتك؟ اي خدمه اقدر اعملهالك؟
غادة؛ انا مدام غادة، صديقه نانسي ومني المقربين ليها
معتز باستفسار؛ اتفضلي الاول استريحي يافندم،"وتجلس غادة علي المقعد الذي امامه على المكتب" ، ثم يكمل حديثة مرددا،،، ايوة يعني، انا دخلي ايه يافندم مش فاهم!
غاده؛ انا جايه لحضرتك في الكلام،،،، وتقص عليه كل ما دار من حوار في الكافيه، وما تدبره نانسي له،،
- ده اللي حصل، وانا عشان ارضي ضميري جيت ابلغ حضرتك، لان اللي ناويه تعمله نانسي ميرديش ربنا
معتز ينظر لها نظره شكر، واحترام، وتقدير،،،،
- انا مش عارف اشكر حضرتك ازاي، انتي متتخيليش نجدتيني ازاي، وحليتي ليا اللغز اللي كان هيجنني، اتمني اني اقدر ارد جميلك ده في يوم من الأيام
غادة نهض من مكانها ثم تقول... اولا مفيش داعي للشكر، انا عملت الصح لاني مستحيل اسكت علي الغلط، وحذرتها بس هي الغضب مالكها، ربنا يهديها، ياريت بس حضرتك تخلي بالك من نفسك عشان مش ناويه تسيبك في حالك
معتز ينظر لها بنظرة رضا وإيمان،،،
- تعمل اللي تعمله، ربنا هو الحافظ، شكرا ليكي جدا يامدام غاده
غادة؛ العفو يادكتور، بعد اذن حضرتك امشي، مش عايزة اعطلك اكتر من كده
معتز؛ مع السلامه يافندم
#عذيني حبگ بقلم إيمووو كمال
وتنصرف في هدوء، وهو يتوجه فورا لمكتب صديقه، فيفتح عليه الباب من غير استاذان وعلي وجه فرحه غامرة،، فيصيح فيه هادي مردد،،،
- الف مرة اقولك قبل ما تدخل تخبط الاول يا بني ادم انت، هما عملوا الباب ليه نفسي اعرف، ومال وشك فرحان كده ومنشكح!
معتز بفرحه،،، مطلعتش حامل ياهادي،،، مش حامل
هادي بذهول،،،
- معقول عرفت ازاي
معتز يقص عليه ما راوته صديقتها بالكامل،،، ثم قال،،
- شوفت بنت اللذينة، كانت عايزة تقلب حياتي ازاي، وياعالم كانت ممكن تجبلي عيل مش ابني، وكمان عايزة تسلط عليا حد، شوفت البجاحه
هادي بحزن علي صديقه،،
- انا بحمد ربنا انه خلصك من شرها يامعتز متزعلش ياحبيبي، بس انت لازم تعملها محضر بعدم التعرض ليك
معتز بسخريه يقول،،،
- ولا محضر ولا حاجه، تلاقيها بتهوش بس، ومش هتقدر تنفذ، دي جبانه
هادي بحده يقول،،،
- اسمع مني، اضمن يامعتز
معتز بعدم اقتناع يرد،،،،
- انا دلوقتي اهم حاجه عندي، اروح لجنه اعرفها الحقيقه، انا من وقت ما سافرت وانا مش عارف اطمن عليها، وقافله موبيلها ومش راضيه تفتحه، ممكن تتصل بنسمه تيجي اخد منها العنوان
هادي بفرحه يقول،،،
- بس كده من عينيه ياسيدي
ويمسك فونه ويضغط علي رقم نسمه، وينتظر الرد، ثم يتحدث قائلا،،
- ازيك ياقلبي وحشتني
نسمه بفرحه تقول،،،
- ازيك ياحبيبي، عامل ايه؟
هادي؛ بخير طول ما انتي بخير حببتي
معتز يشور له بيده، ثم يقول،،،
- اخلص ياعم الحبيب، وادخل في الموضوع، اعمل معروف، وبعدين حب براحتك
نسمه متسائله،،،
- مين اللي بكلمك بصوت عالي ده معتز
هادي؛ اه ياستي، مش عارف احب فيكي، عايز عنوان جنه، عشان يروحها ويعرفها الحقيقية
نسمه بستغراب وتعجب،،
- حقيقية ايه ياهادي؟
هادي؛ ان طلقته كدابه، ومطلعتش حامل
نسمه بفرحه؛ بجد ياهادي، عرف ازاي
هادي؛ ابعتيلي العنوان علي الواتس، وهبقي اجيلك بعد الانصراف اوصلك واحكيلك كل حاجه
نسمه بفرحه تقول،،،
- تمام، هبعتلك العنوان علي طول ما اقفل، وفي انتظارك متتأخرش عليا
هادي؛ هو انا اقدر، سلام ياحبي
وبعد ثواني تصل رساله عبر الواتس يفتحها، ثم يرسلها لهاتف معتز ويقول له،،،
- اتفضل ياسيدي العنوان اهو، هتروح امتي بقي
معتز بسعاده يقول،،،
- حالا هروح عند الزفتة الاول، وبعدين اسافر، وهرجع اخر النهار
هادي : خلي بالك من نفسك ياصاحبي، تروح وترجع بالف سلامه يارب
معتز بنظره حب يقول،،،
- الله يسلمك يا غالي، بس لو دكتور منير سأل عليا داري عليا قشطه
هادي يضحك عليه،،،
- قشطه ياعم وعد الجمايل
#عذيني حبگ بقلم إيمووو كمال
ويتركه ويتوجه الي منزل مطلقته، وبعد مضي ساعه، يصل اليها ويطرق بابها بكل عنف وغضب، فيركض والدها وهو يتمتم ببعض الكلمات مرددا،،،
-ايوة حاضر، مين قليل الذوق اللي بيخبط كده، هي الدنيا قامت ولا ايه، ثم يفتح فيجد معتز وعلي وجه علامات الغضب وعينيه تطق شرار فهاتفه قائلا،،
#عذبني حبگ بقلم إيمووو كمال
- ايه يامعتز، في حد يخبط بالطريقه دي؟
معتز يدفعه ويدخل ويصيح بأعلي طبقات صوته مناديا عليها،،،
- هي فين الهانم، انتي ياست نانسي، اطلعي وجهيني ياهانم
سمير ينظر له بغضب، ثم يقول،،،،
- عيب كده ميصحش يامعتز، وطي صوتك
معتز بصوت مرتفع وبحده وغضب يقول،،،،
- عيب وميحصش، هي بنتك المصونه دي تعرف العيب، ولا انتوا اساسا ربتوها وعرفتوها العيب، وانها تحترم جوزها وتصونه
سمير بحده وغضب،،،
- لا بقي الزم حدودك وشوف انت بتتكلم مع مين، انا مقدر انك في بيتي ومش عايز اتصرف تصرف يهينك
معتز ينظر له بسخريه ويقول،،،
- قبل بس ما تتكلم نادي علي المحروسه بنتك، واسألها انا بقول كده ليه
وينادي عليها لتأتي، وقد كانت بالداخل هي والدتها، وسمعت كل كلامه، وايقنت ان كدبتها انكشفت، فاسرعوا الي الخارج وقالت،،
- نعم يا بابا
سمير ينظر لها ويقول بحده،،،
- انتي عملتي ايه مخلي معتز غضبان بالشكل ده، انطقي، ساكته ليه، دافعي عن نفسك
معتز ينظر له ويرد بغضب،،،،
- هتدافع تقول ايه؟ هي عارفه اني عرفت كل حاجه
سمير يصيح بغضب مرددا،،
- انا عايز اعرف مش هفضل واقف كده زي الاطرش في الزفته
معتز بيحاول يصتنع الهدوء،،،
- انا اللي هقولك ياعمي، بنتك المصونه صاحبه الصون والعفاف صعب عليها اني اعيش سعيد من بعدها، وان ربنا يعوضني بانسانه تقدرني واتجوز واخلف زي اي حد، اول ما عرفت اني عاقد مع واحده ربنا عوضني بيها عن عذاب السنين اللي عشته معاها، جت سيادتها وفضحتني في الكافيه وفرجت عليا الناس، وفي الاخر تكدب تقولي انها حامل، ومش كده وبس الهانم عايزه تأجر حد كمان عشان يأذيني، شوفت جبروت اكتر من كده
سمير في حاله ذهول مما يسمعه غير مصدق اذناه، احقا هذه ابنته التي تعب من اجلها، الهذي الدرجه الطمع والغل وصلها لفعل ذلك، فنظر اليها بكل غضب ومتسائلا،،،
- انطقي يانانسي انتي عملتي كده، كلام معتز حقيقي؟
تسكت نانسي وتنظر الي اسفلها ولا تستطيع ان تنطق بحرف
سمير يقترب منها ويكرر كلامه مرة ثانيه،،، ارفعي وشك وبصي في عينيه وجاوبيني، كلام معتز صحيح؟
ترفع نانسي وجهها وأومات راسها بنعم،
وهنا يرفع والدها يده ليصفعها قلم، محملا بكل غضب ليفوقها من الحاله التي اصابتها، فتقع علي الارض من قوته، فتصرخ والدتها،،،
- نانسي بنتي،، ليه كده ياسمير، انت عمرك ما مديت ايدك عليها
سمير ينظر لزوجته بكل حزن ويقول،،،
- ودي كانت غلطه يازهيرة، كان لازم افوقها من زمان، من وقت ما كانت بتبيع وتشتري في الراجل اللي حبها وكان يتملها الرضا ترضي، لكن القلم جه متأخر للاسف،،، وينظر لمعتز نظرة اسف واعتذار،، ويقول له،،
- انا مش قادر ابص في وشك يابني، انا اسف بالنيابه عن بنتي، وانا هعرف اربيها من الاول وجديد
معتز ينظر له ويشفق عليه، ثم يرد قائلا،،،
- متعتذرش ياعمي، حضرتك مقامك كبير عندي، انا اللي اسف اني زعقت ودخلت بطريقه مش كويسه، بس اكيد انت عازرني، ومش حضرتك بس اللي غلطت. انا كمان ساهمت في الغلط ده، عشان شجعتها وخلتها تتمادي فيه، وانا بخضع لكل اوامرها وبضعف قدام حبي ليها، اللي فهمته للاسف انه ضعف ومقدرتهوش ولا فهمته
هنا تنهض نانسي، وتضع يديها على وجنتيها، وتنظر لهم بكل غضب، وتصيح بهم مردده
- خلاص كلهم بقيتوا ملايكه وأنا الشيطانية اللي عايشة وسطكم، كلكم طيبين وانا الشريره، "وتوجه نظرها لوالدها" ما انت كنت موافقني يابابا في كل حاجه بعملها عمرك ما عرضتني ابدا وانت شايفني وانا بطلب من معتز كل حاجه من اول الشبكه للعفش، لكل حاجه وكنت بتبقي سعيد لما بينفذ اللي عايزاه، جي دلوقتي تقول انك غلطان،"ثم تنظر لمعتز" وانت يامعتز طول عمرك بتبقي سعيد وانت بتنفذ طلباتي، اه اوقات مكنتش بترضي بس في الاخر بتنفذ، ليه بتشتكي دلوقتي، جي فارد ضلوعك اوي عليا،، اه كدبت عليك، وقولتلك اني حامل، وخد التقيله كمان يامعتز ، انا مش بخلف اصلا، الدكتورة هي اللي قالتلي كده، بعد ما عملت تحاليل، لما كنت كل شويه تفاتحني في موضوع الخلفه، عرفت دلوقتي انا كنت مش عايزة عيال ليه، أيوة كدبت عليك، عشان مش عايزاك تتهني ولا تشوف يوم حلو من بعدي، انت ملكي انا وبس، ولو افترقنا مش هتكون لغيري، انت فاهم ولا لأ عمري مش هسمحلك ان واحده تانيه تقرب منك، نجوم السما اقربلك انها تاخدك مني، انت ملكي انا بس، انتوا سامعين، انت ملكي انا وبس
كانت تتحدث وهي في حالة انهيار ، وتنظر له تاره وتفتح عينيها بشده، وتاره تضحك وتارة اخري تبكي، فادرك معتز انها مريضه، بمرض، التسلط التملك، فقد اصبحت مهووسه بتملكها له،، فاقترب منها محاولا ان يتعامل معاها كطبيب نفسي، وليس كزوج سابق لها، فوجدها تنفره بقوة، وتدفعه بعيد عنه بكل غضب مردده،،.
- ابعد عني، متلمسنيش انت فاكرني مجنونه، زي المجانين اللي بتعالجعهم، انا انا اعقل منك، ومنكوا كلكوا، محدش يلمسني، ابعدوا كلكم عندي،،، وتبتعد بظهرها خطوات غير منتبه انها اصبحت خلف الشرفه، ومعتز يقترب محاولا ان يمسكها حتي لا تسقط واذا بها ترجع اكثر واكثر، وفجأة
والي هنا تنتهي احداثنا لتنعرف غدا ماذا حدث لنانسي؟ وماذا سوف يفعله معتز لمصالحه جنته؟ وماذا سوف يفعل ايهاب عشان يصالح معشوقته ورحله عذاب لا تنتهي؟
كل هذا واكتر في احداث جديده مشوقه من روايتي المتواضعة