رواية عذبني حبك الفصل الثاني والعشرين 22 بقلم ايمووو كمال
الفصل الثاني والعشرون
- ابعد عني، متلمسنيش انت فاكرني مجنونه، زي المجانين اللي بتعالجعهم، انا انا اعقل منك، ومنكوا كلكوا، محدش يلمسني، ابعدوا كلكم عندي،،، وتبتعد بظهرها خطوات غير منتبه انها اصبحت خلف الشرفه، ومعتز يقترب محاولا ان يمسكها حتي لا تسقط واذا بها ترجع اكثر واكثر، وفجأة تسقط نانسي فاقده للوعي وسط صدمه الجميع فيركضون مسرعين لانقاذها مع صراخات الام ودموع الاب التي تنذف، وحزن معتز، فقام بالاتصال بالاسعاف، وهو محذرا للجميع الا يقتربوا منها، وبعد عدة محاولات في الاتصال، جاءت وتم نقلها بسرعه الي المشفى، ودخلت غرفة الكشف، وتم نقلها فورا الي غرفه العمليات، وكان الجميع بالخارج يبكون من اجلها، فنجد الاب ممسك بكتاب الله الحكيم ويقرأ فيه داعيا الله بنجاتها، والام تجلس علي معقدها تبكي بحرقه من فقدان ابنتها الغاليه، أما معتز فيجلس حزين عليها واضعا يده علي راسه، فبرغم كل شيء لكنه يكن لها ببعض المعزه والعشره، فقد تذكر كل لحظاته الجميله معها، كانه شريط سينمائي امام اعينه،
# عذبني حبگ بقلم إيمووو كمال
تفوق جنه من نومها، فتجد نفسها في سريرها، وبجانبها والدتها تنظر لها بحب، فهتفاتها مردده،،
- مساء الخير ياماما
ليلي بحب تقول،،
- قولي صباح الخير الورد يا عيون ماما، احنا بقينا الظهر، انا سبتك اهو تريحي خالص، ومردتش اضغط عليكي ولا اكلم خالك سليم اعرف منه، ممكن بقي تطمنيني عليكي، وتحكيلي كل حاجه مخبياها عليا من غير لف ولا دوران
جنة بذهول تقول،،،،
- معقول الصبح انا نمت كل ده مش ممكن، ياااه للدرجه دي انا كنت جعانه نوم، بس الحمدلله انا حاسه اني احسن، حاضر يا ماما هحكيلك على كل حاجه، يمكن الاقي عندك الحل،،،
وتقص جنة كل حكايتها مع معتز، وما فعلته طليقته ومعرفتها بخبر حمل،، ثم سكتت وانتظرت رد فعل والدتها، فقد كانت متوقعه انها سوف تثور عليها، ولكن وجدت العكس، فتحدثت لها قائله،،،
- بصي ياجنه، انا مش هقولك انتي غلطي لما تجاوبتي معاه في مشاعره، وانك بكل بساطه حكتيله عنك وعن كل حاجه تخصك، وده غلط طبعا، بس انا عشت عمري كله احلم انك تلاقي الإنسان اللي ترتاحي معاه ويسعدك، بس مش معتز يا جنه، ده هيكون مقسوم بينك وبين طلقته، اللي هتعمل الطفل حجه تنغص بيها عيشتكم كل شويه، وتنكد عليكوا في كل مناسبه، يصعب عليا اني اقولك ابعدي عنه، ومتفكريش فيه، ودي اول مره قلبك يدق فيها لحد، لكن كل اللي اقدر اقوله ليكي انك تقومي تاخدي شور كده، وتتعشى جسمك، وتتوضي وتصلي ركعتين لله، ادعي ربنا يابنتي ييسرلك حالك ولو في خير ربنا يقربه منك، ولو شر يبعده عنك
جنة بنظره حب ورضا تردد،،،،
-حاضر يا امي، ربنا يستجيب منك يارب
تقترب منها والدتها وتأخذها بين احضانها وتربت عليها بكل حب وحنان مردده،،
- يارب ياجنه يصلح امورك يابنتي، ويوفقك يابنت بطني يارب
وتتركها لتتوجه الي حمامها، ثم بعد فتره تنتهي وترتدي اسدالها، وتقوم بأداء صلاتها، ثم تمسك مصحفها وتقرأ منه بكل خشوع داعيه الله ان يهدي لها الحال
#عذبني حبگ بقلم إيمووو كمال
وتمر الساعات كأنها دهر عليهم، حتي خرج الطبيب، فركضوا اليه متسائلين،،
سمير بدموع اب، وبنبره مخنوقه يقول،،،
طميني دكتور الله يباركلك، بنتي ازيها
الطبيب ينظر إليهم بكل اسي وحزن مرددا،،
- بصراحة يافندم انا كنت نفسي اطمنك بس الحاله صعبه فعلا، المريضة لما وقعت الناس حاولوا ينقذوها وحركوها بطريقة غلط ادي الي قطع في الحبل الشوكي ادي الي اصابتها بالشلل بكل آسف، لان الوقعه كانت علي ظهرها فالعمود الفقري اتاثر طبعا، بالاضافه الي وجود بعض الكسور في الارجل، وجرح في الراس، الوقعه كانت شديده جدا، احمدوا ربنا انها لسه عايشه، انا اسف بس دي الحقيقه ولازم المريضه تتقبلها
سمير بصدمه وحزن، يردد،،،
- لاحول ولا قوة الا بالله العلي العظيم، طب مفيش علاج مع الوقت وتخف يادكتور
الطبيب ينظر له بحزن مردد،،،
- للاسف الموضوع صعب، في العادة وفي معظم الحالات ملوش علاج غير التأهيل النفسي علشان المريض يتقبل وضعة الجديد، بس حاليا في بعض الحالات بتخف عن طريق العمليات بس طبعا مش ف مصر دي مستشفيات متخصصة في إنجلترا ولندن، وانا هتواصل معاها واقدملها كل الاشاعات والتقارير الخاصه بالحاله، وربنا كبير ادعلها يمكن يكون في حل عندهم، اما باقي الكسور والجرح، فهتخف مع الوقت
سمير بنظرة امل نظر له مرددا،،،
- يارب يادكتور يسمع منك ربنا، وارجوك من فضلك، تديني نسخه من الاشاعات والتقارير دي عشان ارسلها لابن اخويا دكتور مشهور في لندن مخ واعصاب يتطلع عليها يمكن يعرف يعمل حاجه
الطبيب اومأ بالموافقه مرددا،،،
- حاضر يافندم، بس يكون في علمك الموضوع هيطول، ولازم يكون عندكوا صبر، عشان تقدروا تواسوا المريضة
سمير بنظرة الم وحزن،،،
- اكيد يا دكتور
ويجلس سمير وبجانبه زوجته حزين فهاتفته مردده،،
- اه يابنتي علي اللي صابك، اااه ياترى هتعملي ايه لما تفوقي وتعرفي
سمير ينظر لها بحزن والم ثم يقول،،،
- في ايه يازهيرة، مش احسن ما كانت ماتت لا قدر الله، قضي اخف من قضي، والحمدلله انها عايشة، ويارب يكون حالتها تتعالج بره
زهيرة تنظر للأعلى رافعه يديها وتردد،،،،
-يارب يعفو عنها ويشفيها
معتز يقترب من والدها ويقول بحزن،،،
- قلبي معاك ياعمي، ربنا يشفيها ويعافيها ويقومها بالسلامة، ولو احتجت اي حاجه ياريت تتصلي عليا، احنا مهما كان اهل وكان بينا عيش وملح
سمير بنظرة شكر يقول،،،
-كتر الف خيرك يامعتز يابني، والله انا مش عارف اعتذر منك ازاي، بس انا عارف قلبك كبير وهتسامحها، عشان ربنا يسامحها ويعفو عنها
معتز ينظر له نظره رضا ثم يقول،،،
- خلاص ياعمي، اللي فات مات، وربنا يسامحنا جميعا
سمير بنظرة امتنان يرد،،،
- اشكرك يابني، وكتر خيرك علي وقفتك معانا
معتز مصافحه بحب، ثم يقول،،،
- متشكرنيش، مفيش شكر بين الاهل، بعد اذنك وربنا يطمنا عليها
يتوجه الاب والام إلى غرفة ابنتهم، فيجدوها في حاله لاترسي لها، فقد كانت راقده نائمه، احدي قدميها معلقه وبها جبيره، اما يديها فقد كانت محمله علي حماله ذراع، ووجها به بعض الرضوخ، وراسها تربطه الشاش ليداري الجرح الذي به، فأغمضت الام عينيها ووضعت يدها علي ثغرها لتكتم صرخه علي منظر ابنتها، فقد وجدتها في أصعب منظر ممكن ان تراه ام فبكت كثيرا وكثيرا، فاخذها زوجها بين احضانه، وربت علي كتفها وهمس لها قائلا،،
- احمدي ربنا يازهيرة، انها عايشه، انا لسه قايلك ايه بره، ده اختبار من ربنا، ويارب تقدر تتخطاه، "وعسي ان تكرهوا شيئا وهو خيرا لكم"
ينصرف معتز وينتبه الي فونه يهتز، فيجد المتصل هادي، فيرد عليه بنبره صوت حزينه ،،
- ايوة ياهادي
هادي مستفهما : مالك يامعتز، حصل حاجه صوتك حزين ليه كده، انت وصلت ولا لسه؟
معتز يقص عليه كل ما حدث لنانسي، ويبلغه بانه سوف يدلف الآن الي جنه
هادي بحزن عليها يقول،،،،
- زعلتني والله يامعتز، ربنا يشفيها يارب، لكن هقول ايه، ذنب اللي كانت ناويه تعمله وظلمها ليك، ربنا يمهل ولا يهمل، وقادر علي كل شئ
معتز بنبره حزينه يقول،،،
- والله انا سامحتها علي كل ظلمها، وربنا يسامحها، وانا كفايه عليا انه عوضني باحلي هديه، جنة دنيتي كلها
هادي بحب يقول له،،،،
- طب ياسيدي خلي بالك من نفسك وانت سايق، لما توصل رن عليا، ومتنساش اللي قولتلك عليه
معتز؛ حاضر يادكتره، لا منستش، يالا سلام
ويستقل سيارته، ويبدا في طريقه بسرعه جنونيه، فقد اراد ان يصل اليها في اقل وقت ممكن، مبالي الرادار الذي تم تصويره اكثر من مره
#عذبني حبگ بقلم إيمووو كمال
وبعد مضي اقل من ٣ساعات وصل معتز، امام منزل جنة ومعه باقه كبيرة من الورد، وعلبه من اجود انواع الشوكولا لمحبوبته، ثم ركض اليها وطرق الباب، ثم انتظر حتي فتحت له والدتها وتسالت قائله،،
- مين حضرتك؟
معتز ينظر لها نظره احراج ثم يقول،،،
- انا اسف اني جيت من غير معاد ولا استأذان، انا دكتور معتز، ممكن تسمحيلي ادخل
ليلي بابتسامة علي وجهها فقد عرفته من اول وهله ولكنها أرادت ان تتأكد منه، فردت عليه،،
- اه طبعا اتفضل يابني ادخل
معتز ينظر اليها وعلي وجه الاحراج،،
ويدخل ويجلس علي الاريكة ولا يعرف كيف يبدأ الحديث، وساد الصمت لحظات حتى بدات الام بالحديث بعد ان استشعرت احراجه وكسوفه،،،
- انا هوفر عليك الاحراج، جنة قالتلي على كل حاجه حصلت بينكوا، حتي خبر حمل طليقتك، السؤال بقي انت عايز من بنتي ايه يا دكتور؟
معتز يستجمع شجاعته، ويرد بكل ثقه،،،،
- انا يافندم اولا احب اعتذر عن قدومي كده فجأة، وحاولت اتصل كتير علي جنة لكن موبيلها مقفول، فاضطريت اجي بنفسي، عشان ابلغها ان طلقتي ربنا يسامحها ويعافيها، كدبت عليا وهي مش حامل ولا حاجه، ودلوقتي اعتقد مفيش اي حاجه ممكن تقف بيني وبين جنه، وانا جاي النهارده عشان اطلب ايديها من حضرتك، واتمني انك توافقي
ليلي بفرحه، تقول،،،،
- والله يا ابني انت فاجأتني، والقرار في الاخر لجنة، انا هدخل اناديها، وهي تقولك رايها، ثواني وارجعلك
وتتركه وتركض الي ابنتها لتزف لها خير مجئ معتز، فتجدها تقف خلف الباب، حتي تسمع ما يقال وهي علي وجها السعاده، حامده ربنا انه استجب لها ولدعائها، فقالت والدتها،،
- يعني سمعتي كل حاجه، مفيش داعي اكرر كلامه ها انجزي اتصل علي اخوكي يجي يقرأ الفاتحه عقبال ما تقدميله حاجه؟
جنة بفرحه، تقول،،،،
- طبعا ياست الكل، هي دي محتاجه سؤال، انا ما صدقت ربنا