رواية وشاءت الاقدار شيئا آخر الفصل الثامن عشر 18 بقلم سارة اللومي
البارت الثامن عشر انا شفت منشورات الحب الحزين و الشوق و الفراق رحاب قالتلي عليها ، الست هانم اللي حبيتها و سابتك و انت اتجوزتني بس عشان سد فراغ قلبك المكسور ، كنت فاكرة. اني هأقدر انسيك فيها بس يا خسارة طلعت غبية و كنت غلطانة و جيت على نفسي كثير . كفاية اوي لحد كدة كفااااية !
ومعاك حق انا عبيطة اوويدخلت للاوضة و قفلت على نفسها و قعدت تعيط بحرقة.
ياااااه قد ايه ذلت نفسها ليه! يا اخي ملعون ابو الحب اللي يخلي الواحد مذلول للدرجة دي قررت من النهاردة تحط الحدود اللي هو عاوزها و ترجع قيمتهاا.
من النهاردة مش هتمشي باحساسها و قلبها اللي ما جابلهاش غير المذلة مع واحد لا حبها ولا واثق فيها.
سمعت صوت الباب اتخبط بقوة، خرج قرفان من نفسه حاسس أنه زودها مكانش لازم يهين انوثتها و كرامتها بالشكل ده !
عقله : بس هي اللي اهانتني في الاول عايزاني انسى بسهولة اللي حصل ؟ دي صورتها و هي في احضانه لسة قدام عيني مش راضية تطلع منهم
، عارف اني جرحتها و خليتها تعيط بس كدة احسن للكل، خلي كل واحد في حاله عشان ما اتجرحش اكثر ، مش هاقدر افتحلها قلبي تاني . ما تستاهلنيش ما تستاهلش حبي 
.قلبه : طب ايه الكلام ده اللي قالته انها حاولت تنسيك في اللي حبتها ؟ معقولة تكون حبتك و نسيت الحيوان اللي كانت بتحبه؟؟ هي فاكرة اني بحب وحدة غيرها ؟؟ دي تبقى بجد اكبر غبية !! ازاي كل ده ما حستش بحبي و حرقة قلبي ؟
لو كانت بتحبني بجد كانت عرفت اني انا كمان بعشقها مش بس بحبها واني بمووووت من غيرها ، تستاهل خليها كدة بعيدة احسن. كل ما بنقرب احنا الإثنين نتوجع اكثر .
كان بيحاول يقنع نفسه بالكلام ده بس من جواه موجوع عشانها و قلبه بينز'ف دم
طلع مش عارف يروح فين، كان عاوز يطلب سامي بس افتكر أنه سافر شهر عسل مش هينفع يطلبه كل شوية و يعكنن عليه راح القهوة اللي جنب شغله قعد في مكان هادئ شوية و طلب قهوة يريح اعصابه ، و فتح الفيس يشوف اي جديد ما هو بقاله كثير ما فتحش ما عندوش وقت ما بين ضغط الشغل و المشكلة اللي حصلت كان معزول عن العالم و مكانش طايق يشوف حاجة او يعرف حاجة و بعد هبل مرااته ما بقاش ليه نفس لحاجة .
اول ما فتح لقى ان الفيس المفتوح عنده هو فيس سلمى من لما سافروا و فتحت من عنده معقولة نسيت تقفله ؟؟و هو ازاي ما انتبهش من يوميها !!
بص للمحادثات ما لقاش حاجة ، مفيش غير كلام بينها و بين آية كان عنده فضول يعرف هي بتقول عنه ايه يا ترى ؟ حاول يقاوم فضوله ما قدرش في الاخير فتح المحادثة و قعد يقلب فيها من ساعة ما اتجوزوا لحد ما حصل اللي حصل ،افتكر انها ممكن تكون حكتلها على اللي كان بيحصل ما بينهم و هنا كانت المفاجأة !
ما لقاش حاجة خالص !!
كلامها كله مع صحبتها كان يخص حاجات عادية !! من اول ما اتجوزوا و محادثاتها كلها بتقول قد ايه هو حنين و شهم و طيب و بيحبها و بيعاملها بالمعروف ..مع أنه كان بيعاملها زي الزفت و منكد عليها ليل نهار !!
و انصدم لما لقاها بتقول لآية انها بقت بتحبه و روحها فيه و بتشتاق له لدرجة انها ساعات بتعيط من كثر ما بيوحشها ! و ان الساعات اللي يكون فيها في الشغل بتعدي عليها كأنها سنين !! معقولة سلمى بتحبه؟! هو ازاي ما حسش بكدة للدرجة دي كان غبي !!! فضل يقلب في المحادثات زي المجنون خصوصا لما عرف قد ايه كانت بتتعذب في غيابه عنها و هي في بيتهم و قد ايه هو ظالمها و انها مش بتكره حد قد ايهاب بس هو رافض يسمع منها و يصدقها !!
معقولة سلمى حبيبتي بريئة و كل اللي حصل مكانش حقيقي !! طب ازاي ؟؟ و انا شايفه بيحضنها !!
افتكر ايهاب الدم غلي في عروقه و راح يدور على حسابه لقى ان الوا طي باعث طلب صداقة لسلمى من مدة بس ما قبلتوش قاعد متعلق في الطلبات : اما نشوف الكلب ده حاطط ايه و مهبب ايه! و الست سلمى مش قابلاه ليه يكونش بتكلمه من اكونت تاني ؟جايز برضو ! بس تكلمه ازاي و هي بتقول لبنت خالتها انها بتحبني و مش قادرة تعيش من غيري ؟ انا هتجنن مش فاهم حاجة خلاص عقلي شت .
راح دخل صفحته لقاه قافلها ما يقدرش يشوف حاجة و هو مش صديق قام قفل فيس سلمى و فتح حساب فيس ليه مش كاتب اسمه الحقيقي ولا حاطط صورته و بعث له منه طلب صداقة و فضل مستني اكثر من ساعتين بس ما اتقبلش راح قايم و طلع على بيته و هو مقرر يحاول مرة تانية أكيد هيلاقي طريقة .. لازم يفهم ايه اللي بيحصل بالضبط!
