رواية وشاءت الاقدار شيئا آخر الفصل السابع عشر 17 بقلم سارة اللومي
البارت السابع عشر - بالله عليك مش قتلك روح تعمل شاور؟ ليه كدة تقلب لي معدتي ع الصبح؟
- البت هبلت؟هو انا مش خرجت قدامك توي من الحمام؟
-اه ايوة نسيت ما قلتلكش ان الريحة المقرفة هي ريحة الجيل بتاعك كأنها ريحة كلب مبلول .
- امشي مش وشي و ارجع اتحمم بالمية بس
بص لها مذهول مش عارف يعمل ايه بعدها وقع عالأرض من الضحك.
-بتضحك على ايه بقولك قوم اتحمم تاني عايز تموتني انا و ابنك ؟؟؟؟
- بجد مش قادر و الله
انتي بتتكلمي بجد ولا بتهزري؟؟ انا ريحتي ريحة كلب مبلول ؟؟- ايوة و الدليل اني اول ما قربت منك كنت هيغمى عليا من القرف يالا قوم مش عايزة كلمة وحدة زيادة قووووم بقى !! قام بالعافية و دخل الحمام هو لسة فطسان من الضحك و زي ما طلبت اتحمم بالمية بس و طلع
- هاااا يا سلمى هانم حلوة ريحتي كدة ؟ ولا لسة فيه ريحة كلب مبلول؟
قربت منه جامد و دفنت وشها جوة رقبته و قعدت تشم في شعره و مستمتعة بريحته و قربها منه و هو كان هيموووووت دقات قلبه تكاد تكون مسمووووعة ، بقت انفاسه بتزيد و هي حست بكدة ، طلعت وشها تاني و ابتسمت و قالت له برضى:
- ايوة كدة حلو اوعي تستعمل شامبو او جيل استحمام تاني
و ضحكت له ببراءة و عفوية و سابته و طلعت من الاوضة ، زفر زفرة طوييييلة و اتنهد و هو بيلهث و يقول في سره :
هتجيبيلي جلطة يا سلمى منك لله ! الحمد لله بس انك رضيت علينا خليني اتزفت أنام لي ساعتين في اليوم اللي مش فايت ده احسن ميّت بالتعب.
افتكرت أنه جاي وراها بس لنا لقته أتأخر رجعت تبص عليه شافته نايم قعدت قصاده و كان نفسها تطبع على شفايفه بوسة بس كانت خايفة يصحى ، تعمل ايه طيب هو واحشها و عايزة تقعد معاه مش عايزاه ينام عايزة تبص في عيونه !!
قامت فتحت باب الاوضة و قعدت في الصالة و شغلت التلفزيون بصوت عالي لحد ما صحي و ما عرفش ينام تاني
.غطى راسه بالمخدة و نفس الوضع اتقلب يمين و شمال بعدها نفخ بغيظ
-يا سلمى تقدري توطي الصوت حرام عليكي عاوز أنام
ردت ببرود و هي بتضحك في سرها -لا ما اقدرش.
- يا رب تصبرني معقولة كل ده وحم و لا هي قاصدة تموتني نص عمر؟
كان عارف أنه مش هيعرف ينام تاني طول ما هو قاعد معاها قام لبس و خرج. كلم سامي يستناه في الكفتيريا.
قابله و قعد يحكيله عن جنانها و اللي عملته فيه.
سامي واقع عليه من الضحك.
وكزه في كتفه لما شاف الناس بيبصوا عليهم مستغربين !
-و الله غصب عني قاعد اتخيل فيك زي العبيط داخل تاخذ دش مرتين
هههههه ده انت طلعت تسمع الكلام اهو !! اومال ايه اللي مش هتسامحها و مش هتتهبب -العيب فيا انا اللي جاي احكيلك ي وا طي!
-بصراحة لو كنت انا مكانها كنت اخذتلك صور ذليتك بيهم طول عمرك.
- لا برافو عليك ، المساند الرسمي لاستيديو الزواج
- لا بجد هو فيه حالات زي كدة انا سمعت كثير عن الوحم يا ايمن بس اللي حصل معاك فوق الوصف ههههههههه.
مرت عليه الايام كلها نفس الحال سلمى مطلعة عينه بتتدلل عليه و هارياه طلبات ما بقاش يعرف ليل من نهار ولا عارف ينام امتى ولا يصحى امتى لقى نفسه بيحاول يهرب منها من كثر ما هي مش بتبطل تجننه بسبب وحمها ، بس بينه و بين نفسه كان الموضوع عاجبه اوي و مستمتع بالشعور اللذيذ اللي بيحسه و هو معاها خصوصا انها ما كانتش تقدر تنام الا و وشه بين ايديها ، حس شوية شوية أنه ابتدا يلين و خاف يضعف من ناحيتها و ينسى اللي فات قرر يكون قاسي معاها عشان ما تنساش نفسها لأنه مستحيل يرجع العلاقة طبيعية بينهم زي اي اثنين متجوزين .
من اول ما رجعها من بيت ابوها كان ناوي يهتم بيها عشان ابنه و بس .
عشان كدة قرر يطلع على شغله و منها على أي حتة تانية مش بيرجع الا متأخر بالليل ، و في يوم طلع يلف بالعربية زهقان مش عارف يروح فين فضل يلف الشوارع من غير هدف
كانت الساعة 11 بالليل دخل البيت لقاها تتفرج على مسلسل قصة عشق. - سلام عليكم ..
مفيش رد
و دخل المطبخ ما لقاش اكل
طلع لقاها مبوزة : مالك بسلم مش بتردي ليه؟
ردت و هي تقريبا هتعيط زي الاطفال- طول اليوم قاعد تتصرمح برة و انا مستنياك عشان نتعشى سوا ، مش كفاية اني ما اتغديتش؟
- واديني جيت هو فين العشاء انا مش شايف حاجة اصلا في المطبخ !
و فجأة نطت عليه زي الوحش المفترس و مسكته من هدومه و هي بتبص في عينيه بعد ما اتقلبت في دقيقتين من ملامح البراءة لشراسة مش متعودها منها !!
-اومال انا مستنياك ليه ؟؟ يالا بسرعة عالمطبخ عشان تعملنا اكل !
أيمن مصدوووم - اعمل لك ايييييه ؟؟؟؟
و في لمح البصر رجعت نظرتها الطفولية البريئة و اتعلقت في رقبته و هي هتعيط: ارجوووك
و الله همووووت من الجوعلاااااا الست دي أكيد جننها الوحم!!.
دخل يغير هدومه و هو بيضحك لبس شورت اسود و رجع تاني
-يالا تساعديني؟ انتي حضري السلطة و انا هاحمر لنا شوية بطاطس و لحمة و اعملك تحلية بالشوكولا كمان ...
- ماشي
نطت بفرحة الاطفال اتشعلقت في كتفه و باسته من كتفه . ابتسم من غير ما يبين لها أنه مبسوط من الحركة دي عمل نفسه مش شايفها و قعد يقطع البطاطا و هي بتبص عليه بتوهان و نسيت ان السكينة في يدها و جرحت صباعها-ااااااااااااي يا صباعي!! .
قام جري غسللها صباعها و جابلها شاش. حطلها الدواء و نظف الجرح و ضمده و هو بيقول: مش تحاسبي يا عب'يطة.
بقالها كثير ما حستش بقربه كدة.
ما قدرتش تحكم في نفسها حضنته غصب عنها و هي مغمضة عينيها و همست في وذنه : وحشتني موووووت.
بعدها عنه بالراحة
- سلمى ارجوكي فيه حدود مش لازم نتخطوهم.
بلاش ترمي نفسك عليا بالشكل ده في الروحة و الجاية
اتصدمت....
-ارمي نفسي عليك!!!!
سكت و ما عرفش يرد و التفت الناحية التانية محرج من اللي قاله و كملت هي بقهرة
- سامحني انا اللي غلطانة و الله أستاهل اكثر من كدة
اصلا كنت فاكرة نفسي هاقدر انسيك في اللي كنت بتحبها بس شكلك عمرك ما هتقدر تنساها و تحبني أعتقد كفاية اووي لحد كدة و كل واحد يروح في حاله ..
أيمن بص ناحيتها مصدوم - قلتي تنسيني في مين ؟؟ انتي بتقولي ايه ؟!
-اوعي تلف و تدور انا عارفة الحكاية
