رواية قلوب من حجر الفصل الرابع عشر 14 بقلم الكاتبة رانية ماهر
#البارت_الرابع_عشر 14
يكلولك عليمن انت ليش تضوج؟
شنو بالدنيا يسوى حتى تتحسر
ماضايج ابد ع الدنيا لا ولله
بس حسرتي بكلبي شلون تتفسر
تشيل اروع قلب تنطي لاعز انسان
بيده يكسرة ويكلك تره تكسر
مو حقك اذا متنام طول الليل؟
مو حقك اذا حد الصبح تسهر؟
اذا ع الكسر سهله نسوي تجبير…..
وكذب كسر القلب ماظنه يتجبر
اريج.....چانت لحظاتي الاخيرة هوه وجه ابوية گلت لروحي معقولة يا اريج هاي
نهايتچ هيچ صارت گلوب الناس من حجر حته الاب يتخلى عن بنته بهاي السهولة
معقولة هيچ صارت هاي الدنيه اوووف لو تدرون بنار گلبي چان الموووت على ايد
عدوي اهوون عليه من اموت على ايد ابوية جريت انفاسي الاخيرة واني اباااوع
بعينه تمنيت بس لو يرفله رمش عليه گلت بلكت يتندم على السوواا بيه ويشيلني من الگااع چااان هسه سامحته على كلشي بس
چنت غلطانه اثاري الموت اهووون الچ يا اريج من انوو اشوفين اعز شخص عندچ وقطعه من گلبچ ومن نفس دمچ يموتچ بايده
جريت انفاسي والچنت محسبتهه انفاسي الاخيرة اثاري موتي مو هذا وگته
فتحت عيوني بصعوبة وچنت احس بالم مو طبيعي براسي وبجسمي كله
ولگيت شاب حلو وابيض ولابس ابيض واگف فوگ راسي چنت عباالي انوو اني ميته وهذاا ملاك فوگايه
الدكتور....الحمدلله على السلامه ست اريج
اريج....شوف الاحترام يم رب العالمين اشگد حلووو يگلي الحمدلله على السلامه ست اريج
واني من چنت عايشه محد گلي الحمدلله على السلامه
الدكتور...😅 هههههه
اريج...لا وفوگاهه يضحكون اشگد حلوه الحياة اهناا لو ادري ميته من زمان
الدكتور...😄 الظاهر انتي بعدچ مصحيتي من البنج ست اريج انتي عايشه بس حقچ متدرين بنفسچ لان چنتي متعرضه لضربه
سكين بمكان قريب على گلبچ وضرب هوااي براسچ احنه هسه خيطنه بطنچ والجرح لبراسچ
بقه بس ترتاحين اشويه
اريج....يعني هسه اني عايشه
الدكتور...اي عايشه والحمدلله ربچ كتبلچ عمر جديد
اريج....چان شعوري مينوصف بذيچ اللحظه معقوله اني بعدني عايشه وراح اگدر اخذ
حقي رفعت ايدي لسمه ...ربي رحمتك
واسعه ومتضيع حق كل مظلوم بجاهك يا الهي تاخذلي حقي وتگومني بلسلامة
ام اريج.... يمه بنتي گعدتي الحمدلله على السلامه يعمري
اريج...شفت امي ومتحملت اول مشفتهه دموع گامت تجري ونسيت وجعي كله
وگمت وحضنتهه حيل ...يمه فدوة
لتعوفيني بعد وياهم يمه والله اذوني
ابو اريج...مستحيل اعوفچ بعد لحظه وحده
يمه الله ينتقم منهم انشالله وينتقم من كل شخص اذاچ
اريج....امين...بس يمه ورود وينهه يمه اذوهه اهوااي يمه فدوة مخو صارلهه شي
ام اريج....لا يمه لتخافين عليهه هسه صارت احسن ووديتهه لبيت بيبيتچ
اريج...زين يمه اشون عرفتي بينه ومنو جابچ للبيت
ام اريج....يمه اول مضربچ ابوچ اجه عليه كمال ابن عمچ ونقلناچ للمستشفى
اريج...يمه يعني مو ابوية لجابني للمستشفى
ام اريج...لا يمه هذا النذل هوه ضربچ
وما احترگ گلبه دتريدي يجيبچ للمستشفى شيگولهم ضربت بنتي
اريج....بس يمه اني مرااح اسكتلهم ولازم اخذ حقي منهم وهاي المره حته ابوية وياهم
ام اريج....انشالله يمه ربچ موجود علحق مو علباطل
اريج....ونعم بالله .....ورة ساعه تقريبا دخل الدكتور والشرطة وياا عرفت جايين
يحققون ويايه علمود الحادثة وبهاي السااعه اذكرت عمار من ضربني ودخلولي
الشرطه وحيل حسيت بندم لان سكتت وما اخذت حقي منه بس هاي المره
مستحيل اسكت لان صارت عندي عبره مره ومراح اكررهه مره ثانيه
الشرطة....ست اريج احنه عرفنه انو انتي متعرضه لطعنه قوية بلسكين وچانت
الضربه قريبة على گلبچ واثار ضرب هوااي واكيد هاي مو حادثه ولازم اكو شخص وره هذا الشي
اريج...اي صحيح وگعدوو وحچيتلهم كلشي وعن سبب ضربهم الي وحته عن تحرش عمي بيه
الشرطه....انشالله راح نحقق بهذا الموضوع وراح ناخذلچ حقچ
اريج...انشالله
اريج....ظليت اسبوع بلمستشفى
طلعوني ورحت لبيت اهل امي وگعدت
ا
يمهم اني واختي ورود وخواتي الصغار
ضليت ايام انتظر حته يطلع حقي بس
ماكو فائدة لا ليلي ليل ولا نهاري نهار صفنه اجيبني وصفنه توديني ليوين بعد يصفه بيچ الدهر يا اريج وشراح يلعب بيچ بعد
ام اريج....يا يمه لشوكت اضلين هيچ حالتچ والله ميصير
اريج....يمه لحد ما اخذ حقي خلي يطيب الجرح لبصدري واني اعرف اشون اخذ حقي
ام اريج...يمه اتركيهم على الله ربچ يحلهه هيچ دتاذين نفسچ واتاذيني ويااچ
ولتحطين راسچ براسهم يايمه والله اني خايفه عليچ منهم ليسولچ شي
اريج....ليظل بالچ عليه يمه اطمني وبعدين شنو المبقه حته يسووو بيه بس گوليلي اكو شي بعد زوجوني غصب حرموني من
بنتي مقبلوو يزوجوني لشخص الاحبه طعنوو بشرفي واخير شي موتوني بيدهم
لو مو ربچ يگومني چان متت گوليلي اكو بعد شي يسووو
ام اريج....بس شنو البيدنه عليهم يا يمه
اريج...انشالله يمه اكو الله يحلهه
ام اريج....ونعم بالله
اريج.....چنت بس اريد يطيب الجرح مالتي حته اگوم على حيلي ومگدرت انتظر اكثر من بعدهه ثاني يوم رحت للمحكمه واشتكيت عليهم وچانت عندي كم فلس ظامتهم يم امي من چنت اشتغل اخذتهن
وخليت محامي وطلب من عندي انوو اروح لطب العدلي حته يتاكدون من ضربي
شوفتهم اثار الضرب لبجسمي كله وشافوو ضربه السچين وبعد ما اتاكدو گالو ثاني
يوم راح نرووح ونلقي القبض عليهم كلهم
وصرت كل يوم اروح للمحكمه وبيوم من الايام رجعت للبيت واول مطبيت للباب
حسيت بوجع براسي مو طبيعي ووگعت من طولي بلگاااع واغمى عليه
ام اريج....يمه اريج فدوة اگعدي
اريج...فتحت عيني ولگيت نفسي
بلمستشفى...يمه شكو وشصار بيه وليش اني اهناا
ام اريج.....يمه لگيتچ واگعه بلطرمه
ومحسيتي على روحچ وخطيه ابن جيرانه جابچ للمستشفى
اريج....لتخافين يمه بس شويه تعبانه
ام اريج....يمه شدسوين بروحچ واشلعين كلبچ انتي گاعد اطببين نفسچ بمتاهه
متعرفين نهايتهه يمه والله ذوله عشت ويااهم سنين واعرفهم اكثر منچ ميرحموچ
اريج...طبعا يمه لان انتي معرفتي تاخذين حقچ منهم وتوگفيهم على حدهم
ام اريج....والله يمه الظاهر مينفع الحچي وياچ بعددد
اُِلُِڪآتبَة رٍآنية مآهـرٍ
اريج...اطمني يمه اطمني اااااخ ليش هوه قليله الصار بيه بس تهون ماطول ربي
موجود بس يمه ليش راسي هلگد دياذيني راااح اموت من الوجع
ام اريج....هسه ارتاحي اشويه وبعدين اخذچ لطبيب اخصائي يشوف شنو السبب
اريج....چان وجع راسي مو طبيعي احس
مثل الطبل يدگ بي اكيد هاي كله بسبب الضربات مال ابوية الضربهه براسي بلگاااع
ااااخ كل ما اذكر احس نارر وتشتعل بگلبي
للعصر ورحت لدكتور وطلب من عندي انوو
اسوي مفراس وتحاليل حته يعرف شنو سبب الوجع سويته وانطيته لدكتور وچاااانت الصدمه
الدكتور.....والله ست اريج ما اعرف شگولچ بس
اريج....بس شنو خيرر دكتور شكو احچي
واول محچه چانت الصدمه المتوقعتهه
