رواية قلوب من حجر الفصل الخامس عشر 15 والاخير بقلم الكاتبة رانية ماهر
#البارت_الخامس_عشر 15 والاخير
غَـلّيت الرخيص وصار إلهَ سوگ
وعلى جتافي صعد يا حيف غدّار
نطيت الماله قيمة منزله وشان
وعگب طيب الثمر جازاني بحجار
طيري .. ربات اديّه وهدم البيت
صدّگ بالغريب وعافني وطار
كبر بيّه وعليَّه تكبر اليوم
الحجز بيّه مكانه ابين الكبار
خله الگصه تعرك بين شمّات
وصار يطيح ميها ابين الزغار
ثگل وجه عليّ وتغيّر الحال
طبع حتّى الثعالب يمّه تحتار
العمر ريل ونمر بيه ابمحطات
وكثير وجوه شفنا بدرب الاسفار
شيفيد الراعي نايه وگابله الذيب ؟
وبعد يا عود يعزف دون الاوتار
بعد ماريد اظلن شمعة للغير
واخلص الليل اضوّي وشايل النار
السيف البل حرب بتّار لو فات
لكن بالغمد ما يعرف شصار
انا الليره البعتني برخص لــ تراب
صفر وابيش اضربك تنتهي = صفار
باچر تمر بيك الشاره والصوت
وتطلع حوبتي ومتفيد الاعذار
ضم جرحك وابد لا تشوفه للناس
وسجل الم جرحك ضمن الأسرار
گولوله الغصن اخضر بالعناد
لكن لو يبس معلوم للنّار
وگولوله الغِدر تتلاگه الوجوه
يفتر الفلك والدنيا تندار
الدكتور....ست اريج ما اگدر اضم عليچ بس مبين بلتحاليل انوو عندچ ورم بلدمااغ
والظاهر هذا الورم
اريج...احچي دكتور والله موته لگلبي
الدكتور....الظاهر الورم خبيث ولازم تباشرين بلعلاج الكيمياوي وباسررع وقت
اريج.....ااااول مگاال الدگتور هيچ حسيت كأنوو عزرائيل واگف فوگ راسي ويريد ياخذ روحي
ررررربي فدواتك😢😢 معقولة معقولة اتحمل كل هذا الالم واصبر كل هذا الصبر
وهيچ يصير بيه ليش هيچ كل هذا ديصير بيه اكو شي بعد مصار بيه ساعه السوده
الاجيت على هاي الدنيه مشفت بيهه غيرر بس الهم شوكت افرررح اني (وظليت ابچي على حضي)
الدكتور...اهدي شويه لان مو زين عليچ الحزن والتوتر نهائياا وراح يزود من وجعچ
اريج.....اشگد ميزود وجعي مو مثل الوجع لبگلبي يا دكتور مو مثله
الدكتور....الله يفرجهه هليچ انشالله بس مثل مگتلچ لازم تباشرين بلعلاج باسررع وقت ومتركي
اريج...انشالله طلعت من العيادة والهم كاتلني وحسيت ررروحي شايله جبل على
گلبي وگلت لروحي يمته ينزااح هذا الحزن يا اريج ولشوكت اضلين يلعب بيچ زمانچ
لعب (😢😢😢احچي ويه نفسي وابچي دموعي ابد موگفن االامل الوحيد لبقالي بهاي الدنيه رااح مني)
بس مستحيل اموت واعوووف الاذوني فرحانين بلدنيه مو قليل السوه بيه وجعي ومرضي كله بسببهم
اريج انتضرت على نارر حته يصيررر الصبح واشوفهم اشون يلزموهم اوووف اشگد
محروگ گلبي بسببهم وبعد معرفت بمرضي زاد همي اكثر وزاد كرهي الهم اكثر
ثاني يووم الصبح گعدت من وكت ولبست
احله شي عندي وخليت مكياج وحاولت اخفي اثار الضرب كله وحاولت ابين نفسي مو مريضه
حته اشوفهم منو اررريج ميدرون بهاي تصرفاتهم خلوني اصير اقوة من قبل
سويت رووحي ولا كانو صايررر شي ولا كانووو مضروبه ومتاذايه
ما اريدهم يشوفوني مكسورة وحزينه اريدهم يشوفوني باحسن حااال وحته يحسووون بنفسهم انوو ميهزون شعرايه مني
رحت ويه الشرطة حته يلزموهم اول مدليتهم على ابوية فتح الباب وچان
يشوفني وفك عيونه على وسعهن وشاف الشرطه واگفين يبست الگمله براسه
ابو اريج...😨 اريج
اريج.....اي اريج يا بعد ابوية
الشرطة.....اتفضل ويانه عليك القاء قبض بتهمه ضرب واعتداء من بنتك
ابو اريج....اريج ولچ انتي اسويهه بابوچ
اريج....مدگول لروحك انته تسويهه ابنتك
ابو اريج...يا نذله يا ساقط... ميلام عمچ
وزين سويت بيچ لان الظاهر معرفت اربيچ من صدگ
الشرطه....رجاء بلا كلام وتفضل ويانه
ابو اريج....ما اروح خطوه وحده وبعدين اني ضربتهه لان دافعت على شرفنه
الشرطه...لعد امشي واحچي هذا الكلام بلمحكمه
ابو اريج....گتلگ ما اخطي خطوه وحدة تعرفون منو اني حته تاخذوني
الشرطه....الظاهر ميفيد وياك التفاهم وراح ناخذك بلغصب
اريج....اباوووع عليه وحته وهوه بهاي الحاله بعده يتهم بيه اويلي شراااح يطفي
النار البگلبي بعدهه اخذو الشرطه بلغصب وگلبچو وخلوو بلسيارة وراحووو على بيت عمي وچان اكثر واحد ردت اشوف شعورة
من يشوفني فتح الباب واول مشاف الشرطه واگفين واني يمهم سد الباب بسرعه من الخووف 😂😂😂
الشرطة.....افتح الباب تررره والله نكسر الباب ونفوت
كاظم....شتريدون مني
الشرطة.....اطلع اتفضل ويانه لانك متهم بتهمه تحرش
كاظم...بس والله اني ممتحارش وكلشي ممسوي وهيه چذابه
الشرطة....لعد لو تدري بتهمتك ليش ختلت اطلع
اريج....هيه هاي رجولتك تگدر بس على النسوان لو رجال چان طلعت بكرامتك
كاظم....ما اطلع
اريج....ههه خايف ولك من حلفت على قران مخفت هيچ بعدهه الشرطه گامت تدفع بلباب وچان يفتح الباب ويطلع عرف مابيهه مجال
كاظم....والله ما افوتهه الچ
اريج....هذا حقي وداخذه منكم هههه😂 وسويت روحي اضحك حاولت اقهره بس
اني گلبي يشتعل ناررر من القهر لو بيدي الزمه واموته بايدي فوگ اذيته كلهه بعده يهدد بيه
اخذو هوه وابوية للمحكمه وحققو وياهم ابوية اعترف بس عمي ظل ينكر ومعترف ابد
ااااخ لشوكت اظل اچذب يلمتخاف ربك
وبعد مخلصت الاجراءات حبسوهم
واني بعدهه تحسنت حالتي رجعت لشغلي لان اتعودت حيل عليه وچنت انسه همومي
كلهه بي وخصوصا من اعاشر كل يوووم ناس اكثرر
صارررو يطلبوني باكثر من عمل واكثرهه چانت اعلانات ومودل ملابس ومكياج
وصارر الطلب عليه هوااي لان چانوو
كلش يحبون شكلي يگولولي بريئ😅
وبعد معرفتني اهواي شركات طلبوني اسوي اعلان على ق
وچانت القناة مفتوحه بلجديد واهوااي چان اتابعهه ومااكو بيت عرااقي منزلهه عنده
سويت الاعلان بشركه التامين الوطنيه
ومن هذا االاعلان طشيت 😂😂 وصارت
الكل تعرفني جمعت فلوسي واشتريت بيت باسمي وچانت اكبر فرحه عندي واخيراا صارر الي مكان خاص بيه ومحد يگدر
يحملني منيه باي شي وگعدت امي وخواتي ويايه لان چنت ما اگدر افارگهم همه الوحيدين البقولي بلدنيا ويوم من الايام
انصدمت بشي متوقعته يطلع من امي نهائيا جمعتني اني وخواتي وگعدتنه....اي يمه احچي شكو ليش طلبتينه كلنه
ام اريج.....يمه اني بعدني صغيره مو چبيرة هواي وانتن شفتن حياتچن وباچر عگبه تزوجن وتروحن واني ماعندي احد يمي
اريج...يمه بس شنو مناسبه هذا الحچي
ام اريج....يمه الصراحه اني معجبه بشخص وكلش حبيته وهةه هم يحبني لذلك راح يتقدملي ونزوج وحبيت اخذ رئيچن بهذا الشي
اريج....يمه انتي صدگ تحچين هاي السوالف ترره مال شباب وهسه انتي بنتچ بطولچ اشون تحچين هذا الكلام وبعدسن اني مو گايلتلچ ما اقصر شتريدين گوليلي وصدگي مراح اعوفچ
ام اريج...بس اني هم اريدلي احد ويايه مخو اظلين طول عمرچ اداريني
اريج....يمه دگولچ صدگ ما اعوفچ
ام اريج....اريج هذا الموضوع راح يصير يعني رااح يصير ولتعاندين
ورود...اي عيني ووين ناويه تعيشين ويه هذا سعيد الحظ
ام اريج...طبعا اني گتله ما اگدر اعوفچن لذلك قررت انو يسكن ويانه
اريج....شنو شنو هههه انتي صدگ تحچين يمه انتي كل عقلچ
ام اريج..اي كل عقلي وبلا كلام زايد وهذا الشي راح يصير ومراح اتراجع عنه
اريج....يمه شوفي اذا ظلتي على هذا كلامچ سااعه وحده ما ابقه بلبيت دگولچ
ورود...واني نفس كلام اريج
ام اريج...ذاك الحايط والطخن راسچن بي
ورود...خوش لعد بيانتچ مصممه على قرارچ
اريج...ورود لمت هدومهه وطلعت من البيت ولا همهه الموضوع معقولة هاي امي
لو اني داحلم يربي شنو هاي الدنيه العوجه
محبيت اسرع بقراري وظليت اسبوع احاول ويه امي ووعدتهه ما اعوفهه بس
هي ولا كأنو اطبب الكلام مناا اطلعه مناا
علي....اريج انتي مخو اظلين هيچ صفنه اجيبچ وصفنه توديچ
سجاد....كلام علي صحيح ميصير هيچ اسوين
اريج....طبعا علي چان زميلي بلشغل وچنت اعتبره مثل اب اليه وچان دائما يهون عليه
وسجاد هم چنت اعتبره مثل اخ اليه وچان
دائما يمصحني وطول هاي المده وگفوو بجانبي ودائما ينصحون بيه وميقصرون نهائياا چانوو اعزز من الاخوه هسه دگولون
ماكو صداقه بين ولد وبنيه لا اكو بس الصداقه تكون حب اختياركم للشخص اليكون ملتزم حدوده والشخص الميشوفچ
غير بنظره اخ الچ هاي الصداقه الحقيقيه
سجاد...اريج الصرااحه اني اريد اكلچ شغله وتدرين بيه شگد صريح بس لتزعلين
اريج....گول ادري بيك انته دائما نصائحك تجرح بس اتقبلهه منك
سجاد....انتي هواي اخذتي حريتچ والمفروض مظلين هيچ لان تدرين هذا
واقع حاال عدنه انوو لبنيه المثلچ منبوذه ولو اني منچ اعوف هذا الشغل والتزم بطريق رب العالمين واتعض
اريج....مو گتلك نصائحك تجرح بس اتقبلهه
علي...ولوو يا اريج كلام سجاد صحيح
وميزعل ولو اني منچ ارووح اسافر لخارج العراق واعوف كلشي ورايه
اريج...والله بعد ما ادري...رجعت للبيت وظليت افكر بكلام سجاد وعلي الظاهر كلامهم صحيح واني المفروض اروح لطريق
الصحيح احتمال لان اني بنيه حلوة وبعدني طفله وانحرمت من اهلي الچانوو تاركيني ابتعدت عن هذا الطريق لذلك
قررت انو اسافر واعوف ماضي وكلشي ورايه وگمت ادعي ربي كل يوم انوو يهديني لطريق المستقيم وگمت اتخيل
نفسي اشون لابسه الحجاب وگمت اتمنه اصلي واقره قران صح چنت اذكر ربي بس مبتعده عن هاي الامور احتمال هاي الاشياء
لخلت حياتي تدمر ورغم الفلوس العدني مچنت سعيده ابد لذلك حضرت اموري كلهه وساعدوني خطيه علي وسجاد ولگولي
مكان اسكن بي واستقر من اسافر طبعا مستحيل انسالهم هاي الوگفه وهاي النصيحه الله يوفقهم انشالله لان احتمال ماكو اخ وگف وگفتهم بهاي الدنيه
وبلنسبه لبنتي كرستين لا عبالكم نسيتهه لا ابداا مستحيل
انساهه للموت وچنت دائما اشوفهه من بعيد واراقبهه وچان ابوهه كلش يحبهه
واحد يحچي ضميره صح چانت علاقتي ويه عمار مو حلوة ابد وعشت المرر بيهه
وطلع هوه مو نصيبي بهاي الدنيه بس چانت كرستين رووحه من الدنيه وابد
ميگدر يفارگهه وبعد مزوج اي وحده علمود لتتاذه كرستين شگد چنت اتمنه
ارجعهه لحضني بس گلت اني مريضه وباچر عگبه اموت البشر مضامن عمره اول وتالي ترجع لابوهه واخاف بعد متحبه مثل قبل وتتعلق بيه اكثر فخليتهه ويه عمار
وبلنسبة لعماتي وولد عمي فصرت عزيزة من فارگتهم وخصوصا من عرفوو بيه
اشون كونت نفسي وصارت الكل تعرفني وگاموو كلهم يتصلون بيه ويتعذرون مني بس گلبي چان مينطيني وسامحتهم
وخليت الباقي على ربي وبلنسبة الابوية طلعته من السجن لان مهما يكون يبقة
اسمه ابوية بس ابد مسامحته وما اسامحه لحد ما اموت بس عمي خليته بلسجن حته ياخذ عبرة من فعلته
وهاي نهايه قصتي
وما اريد من عدكم اي شي غير بس تدعولي ترجع سلامتي حته اگدر اكمل حياتي وانوو الله يهدين لطريق المستقيم لان
تدرون مو قليله بنيه مواليد2000 واشوف كل هاي الهموم المشيلهه جبال
لا عبالكم كل بنيه اشوفهه شكلهه حلوو
وعدهه فلوس ومشهوره عبالك مرتاحه لا ابد مستحيل اكو وحده تتعذب بگدهه وتسمع كلام بگدهه لتغركم المظاهر لان متدرون شنو المررت بي بحياتهه
وطبعا شكراا للكاتبه والست الراقيه والجميلة المبدعة على الكتابة والسيناريو كلش اشكرچ يعمري وطبعا طول هاي الفتره مچان اكو شخص اگدر احچيله همومه مثلچ واطلع الشي لبگلبي ساعدتيني اهوااي اشكرچ من كل قلبي
...يعمري هذا اقل شي اگدر اقدمه الچ وانتي اكثر انسانه صبورة وقوية وگلبهه طيب شفتهه وربي يوفقچ بحياتچ انشالله واشوفين السعادة لنحرمتي منهه وتكون ايامچ الباقية كلهه فرح 😍💕
