رواية وشاءت الاقدار شيئا آخر الفصل الثالث عشر 13 بقلم سارة اللومي
( البارت الثالث عشر ) جات اية الصبح و طلعوا للمركز الطبي و لقوا سامي مستنيهم برة ، دخلوا سوا و وصى عليهم السكرتيرة دخلتهم لدكتورة النساء و التوليد بسرعة و رجع شغله.
مكانتش عارفة ان فيه واحد كان مراقبها طول الوقت من لما طلعت من بيتها
دخلت اوضة الكشف و عينيها فاضت تلقائي و هي متابعة فى الشاشة و شايفة حاجة من ايمن بتتحرك جواها.
- دكتورة مش شايفاه هو فين بالضبط؟
- مدام لسة عنده يا دوب 20 يوم ما تستعجليش.
- مش ممكن اعرف يعني اذا كان ولد او بنت؟؟؟
- ولد ايه و بنت ايه مش شايفاه نقطة !! ان شاء الله ارجعي في آخر الشهر الثالث هنشوفوا ساعتها هو ايه
خرجوا من عندها و لقوا سامي مستنيها و باركلها و ابتسم
لاية و غمز لها بخبث" و احنا هنجيب بيبي امتى يا بيبي؟
ضربته آية على كتفه" انت بقيت قليل اد ب خااالص ، مش لما الاقي ابن الحلال الاول ؟
- ايه يا معلم هو اللي واقف معاك رجل كرسي يعني؟
-ههه بعدين نشوفو الحكاية دي و غمزتله.
ركبهم في تاكسي ، طلبت سلمى انها تحطها جنب المول قريب من شركة أيمن ، اتصلت عليه و طلبت تقابله مكنتش قادرة تصبر لحد ما يرجع من الشغل .
دخلت للسنتر تتفرج في البوتيكات و دخل حد وراها يتسحب بعد ما سمعها و هي بتتكلم مع جوزها في التلفون
شافت بوتيك بتاع ملابس بيبيهات راحت وقفت قدامه تتفرج على لبس حلوو اووي الوان فاتحين ياخذوو العقل.
ان شاء الله لما يجي ابنها او بنتها هتتدله بكل اللي تعجبها مش هتخليه ناقص اي حاجة. و ايمن اكيد هيدللو " قعدت تفتكر جوزها و قد ايه حنين معاها و سرحت في افكارها لحد ما حست بحد حاضنها من ورا غمضت عينها وقالت بدلال و شوق " اتأخرت عليا "
بس لحظة !! البرفان دي مش بتاع جوزها !
البرفان دي تعرفها و تكرهها !!
اول ما تلفتت لقت ايهاب في وشها بيضحك و ايمن واقف وراهم وشه باهت مافيهش أي ملامح و مصدوم ع الاخر !!
قام جري عليها ساحبها بكل قوته لدرجة ان ملف الدكتورة اللي فيه اوراق الاختبار و الاشعة وقعت منها !
-ايهاب : جرى ايه يا حبيبنا واخذ البت بتاعتي على فين هو انا مش عاجبك ولا ايه ؟ و ضحك ضحكة صفرااا .
فلت ايدها و راح لايهاب ضربه بالبوك'س رماه عالأرض و خلى شفايفه تجيب دم.
-البت دي تبقى مرتي يا وس'خ.
و سابه يضحك عالأرض بعد ما اتلمت عليه الناس و
راح مجرجرها لبرة و رماها في العربية و ساق بعصبية لدرجة أنه مكانش شايف قدامه و لا حتى قادر ينطق بكلمة و هي دموعها نازلين شلال ما عرفتش تتكلم ولا تدافع على نفسها.
ايمن فهم اللي يفهمه اي واحد في مكانه: مراته بين ايدين راجل تاني و بتقول" اتأخرت عليا."
وصل للشقة دخل و ضرب الباب بالقوة كان هيتخلع من مكانه.
-ايمن سيبني اشرحلك
- اخرررررسيييييييي !! هتفهميني ايه ما هي باينة!! فهمت كل حاجة وحدي و تقولي لي مفجأة عملاهالي ! تعال و انت تشوف بعينيك ؛! اديني جيت و شفت كل حاجة.
-ايمن خليني اوضحلك.
-اشششششششش مش عايز اسمع منك كلمة زيادة !! انا طالع و مش عايز الاقيكي قدامي لما ارجع انتي فاهمة؟؟؟ تلمي حاجاتك و تطلعي برة بيتي يا و/سخة .
قامت مقربة منه تفهمه دفعها و اداها قلم خلى صوابعه معلمة على خدها .
مرة تانية مد ايده عليها . مرة تانية خلاها دموعها على خدها و مشى .
بس المرة دي حاجات كثيرة اتبدلت
المرة دي هي اللي مظلومة و هي اللي بتحبه و بتموت فيه.
صعبت عليها نفسها ع الآخر كانت كويسة معاه و سامحته عن معاملته المقرفة و معاملته الوحشة و في الآخر يشك فيها و يضربها؟؟ يا ريته يعرف ان هي مستحيل تبص لغيره،
تخونه ازاي و هو حياتها و الهواء اللي عايشة بيه.
بتلم في هدومها و بتبكي بحرقة و عرفت ساعتها معنى حب من طرف واحد
