رواية قلوب من حجر الفصل الثالث عشر 13 بقلم الكاتبة رانية ماهر
#البارت_الثالث_عشر 13
اعليه زعلوا من گلت چذابين
تريد الصدگ ياگلبي انته تچذب
يوافون گتلي وگتلك آنه اتحداك
يومين كودالله وگلبهم يلعب
حتى الحلف مينام اذا ما حاجيه
صاير ينام بدوني من المغرب
واكتب قصايد واختنگ تالي الليل
وهيه التكتلك مايحس من اكتب
اريج....ظليت اسبوع محبوسه بلغرفة وميخليني اطلع ابد وموصي مرته عليه انو ما اطلع بس اذبلي الاكل وتطلع ومتخلي
احد يطب عليه وچنت احچي دائما ويه اختي من وره الباب ....ورود والله تعبت
بعد ماعندي قابليه اتحمل اكثر خلي نرجع لامي
ورود...انشالله يعمري بعد دقيقه وحده منبقه اهنا ادري بيچ اتحملتي تبقين اهنا علمودي بس بعد كااافي تتحملين لان اتحملتي بما فيه الكفايه
اريج....بس مستحيل اعوفهم اذا ما اخذ حقي منهم ما اطلع من هذا البيت اذا مو رافعه راسي وبارادتي اطلع
ما اطلع واخلي اليسوه والميسوه يحچي عليه ويگولون تحارشت بعمهه ونهزمت
ورود....لتخافين يعمري والله لسوي لاگدر عليه حته تاخذين حقچ وراح ابقى واگفه
ويااچ انتظرت يجي ابوية ...يابه تريد احچي وياك بشغله
ابو اريج...خيررر انشالله هوه اني شمحصل منچ ومن اختچ غير بس المشاكل
ورود....يابه بس اسمعني والله اريج ما غلطانه والله هوه لتحارش بيهه وحته بيوم
لرجعت من البيت انهزمت منه اجتي تبچي وتلطم من الخوف
ابو اريج....هم رجعنه لسالفه اريج راسي انسطر اريج اريج والله بزعتني ولي منا لو ابتلي بيچ انتي وياهه وما اريد اسمع اي
كلمه ثانيه اليوم اني عازم عمامچ وولدهم كلهم وما اريد اشوف خلقتچ ولطلعين من الغرفه ترره احبسچ ويه اختچ 😡
اريج....شسويتي ويه ابوية
ورود.....مگاعد يسمع مني اي شي
اريج...هذا هوه سلميهه على الله
ورود.... بس ما عنده غير حل واحد
اريج....وشنو؟؟
ورود...اليوم عمامي وولدهم كلهم جايين ابوية عازمهم خلي نطلع اني ويااچ
وگدامهم نفضحه لعمي ونخلي گدامهم يحلف بلقران حته ميگدر يتهرب بعد
اريج....خوش بس اني اشون راح اگدر اطلع من الغرفة
ورود...راح احاول ابوگ المفتاح من مرته باي طريقه
اريج...اوكي انتظرچ
ورود... راقبت مرت ابوية وشفتهه ضمت المفتاح بلجرار بغرفتهه انتظرتهه تطلع
للمطبخ وطبيت لغرفتهه بگته وطلعت
وانطيته لاريج من جوه الباب....اريج لا
تفتحين الباب ابد الا انطيچ خبر اوكي
اريج...اوكي انتظرچ
ورود....انتظرت لحد ملتمو عمامي كلهم وخلصو عشه ورحت على اريج دگيت الباب علكيف وگتلهه...اريج يلا افتحي الباب
اريج....اول مسمعت ورود فتحت الباب
ورود....يله امشي نروح بس اريدچ اشويه تشجعين ولتخافين اني وياچ
اريج....حته لو اموت اهم شي اخذ حقي منهم لان مبقالي شي بهاي الدنيه حته اخسره
ورود...خوش لعد يلا امشي
اريج....طبيت اني ورود على عمامي وسلمنه عليهم وكانو مصاير شي طبعا همه ميدرون بلسالفه وچان عمي كاظم گاعد وانصدم من شافني
ابو اريج...(بصوووت عاالي) ليش طلعتي من الغرفة ومنو طلعچ
ورود...اني طلعتهه
ابو اريج...والچ عيني اجاوبين يا نذله اني مو گلت محد تطلع
العمام....خير ابو اريج شصاير ليش ميطلعن اصلن احنه مشتاقيلهن وصارلنه هواي
مشايفيهن تعالن عمي تعالن گعدن
كمال...اي عمي ترره مصار شي خلي يگعدن شنو قابل احنه غربه وبعدين اريج شنو هاي الغيبه اشگد اتصلت عليچ وتليفون مغلق
اريج....واني اليوم جايه عليكم حته احچي وياكم واريد من عدكم توگفون ويايه
ومتفشلوني وتاخذولي حقي اباوع على عمي كاظم وجهه صاار اصفر كركم
العمام....خير عمي خااف مصاير شي
اريج....والله عمي واگعه بشده ومحد وگفلي واريد من عدكم اطلعوني منهه حته ابويه مساعدني وعافني
ابو اريج.....اااااريج گومي مناا ولتنطقين ولا كلمه
ورود....ليش يابه ليش هلگد اتخاف على سمعه اخوك ومتخاف على عرض بنتك
العمام....ابو اريج خلي تكمل وعيب تفشلنه واحنه جايين ابيتك كملي بنتي
اريج.....بس گولولي بالاول مستعدين تساعدوني حته لو چان الغلطان بحقي هوه واحد من عدكم
العمام...والله لو على الحق احنه ويااچ نوگف بس احچيلنه القصه شنو
اريج....وحچيتلهم القصه كلهه اتخبلووو وكلهم ظلو يعيطون ويصيحون عليه
العمام....مو عيب عليك متستحي دنت نفسك على بنت اخوك
كاظم....چذابه والله العظيم خويه احچي شي هاي ثاني مره انهان واني ابيتك واذا
مطلعت حقي ترره والله بعد انته لا اخويه ولا اعترف بيك
ابو اريج....لتصدگوهه بنتي چذابه
اريج...لعد خلي يحلف علقران لو اني چذابه وجبتله القران
العمام....اي احلف حته نصدگك
كاظم...حطيت ايدي على القران وحلفت
اريج.....اني من شفتهه حلف تخبلت گلت اكيد هسه بعد محد يصدگني... ولك مو
حرااام عليك اشون تحلف زوررر ولك هذا قران يا نكس
العمام...اريج عيب عليچ تتبلين على عمچ حته لو چنتي تكرهي وشايله عليه حقد
هاي مو معناهه انو تشوهين سمعته
ابو اريج....لا لهنا وكافي زودتيهه ترره وفشلتيني گدام اخوتي كلهم انتي وحده
عااار عليه ولازم متبقين ساعه وحده بعد عايشه يا نذلة 😡😡😡
اريج....اباوع عليهم كلهم گلبوو عليه...كمال احچي شي انته تدري بيه متوصل بيه انو ابلي عمي واني اتحارش بي
كمال....والله يا اريج ما اگدر اسويلچ اي شي لان ماعندچ اي دليل
اريج....فدوة صدگوني والله چذاب ولك انته شنو من بشر ورحت على عمي كاظم
ولك احچي الصدگ ليوم واحد وصير رجال
وچان يلزمني عمي الثاني ويضربني راجدي...رجال وغصبا مو على راسچ هاي فوك متتبلين عليه عيب عليچ
ابو اريج....ولچ يا ساقطة تعاالي اليوم انهيچ
اريج....لزمني ابوية وموتني من الكتل
ورود....عوفهه حرررام عليك لك اننو شنو من نااس انتو ميشرفني انو اعترف بيكم عمامي يا عااار
اريج...اباوع على عمامي چيتو على ورود خطيه نهووو عليهه موتهه من الكتل لحد ما اغمى عليهه ووجهه وراسهه كله ينزف
يابه عوفني فدوة ....والله گااعد يچذب عليكم ابااوع على عمي كاظم اشون يضحك عليه لو بيدي اشرب من دمه هذا النذل
تعرفون شنو شعوركم من تنضربون من اقرب الناس الكم وانتو مو مذنبين والمذنب واگف فوگ راسك ويضحك على اذيتك
هذا الشعور ردت اموت ولا اشوفه طول حياتي
اني اغلط عليه من حرگه گلبي وابوية يضرب بيه وگااام يشيل راسي ويضربه
حيل بلگااع واحس براسي راد ينفجر وكل ضربه يضربهه ابوية احس شاغت روحي
من وراهه ورادت تطلع جوه ايده ردت احد يفكني من جوه ايده بس ماكو ولا شريف
منهم اجه عليه حته وولدهم وياهم واني الدم يجري من راسي
ابو اريج....احسن ممتعب روحي بيچ اخلص عليچ احسلي
اريج....تعب ابوية وعاافني ورااح گامت الدنيه تغوش بعيني واباوع عمامي وولدهم
داير مدايري و ولا واحد منهم اجه عليه بس يباوعون گتلهم شنو من الگلوب
شايلين انتو وقبل ما يغمى عليه اخر مقطع شفته ابوية واگف فوگ راسي وشايل
سچينه عرفت انو هاي نهايتي وبعد ما الي اي شي بهاي الدنيه وهاي المره مررراح
انجوو ابد وبلگوة نطقت الشهادة
ابو اريج....اشاااهدي على روحچ يا عاار
اريج....وما حسيت الا شي مثل النااار دخل لبطني احس بطني اشگگت روووحي
شاااغت وگمت ما اگدر اجر النفس عرفت هاي نهايتي بس هاي المره راح اموت
ومرراااح اخذ بحقي وايست من كلشي ........
يتبع...
