رواية ملك الصقر الفصل الثاني عشر 12 بقلم بسنت شريف
الايام بتعدي علي كل بدون احداث
صقر بيحاول يكسب ثقه محرم بكل الطرق عشان يوصل ليه
ملك بتتعايش مع الجو الجديد عليها و بتكلم علي ووليد باستمرار تطمن عليهم ورافضه تقعد مع كندا او تكلمها
+
صقر قاعد مع محرم بيتكلم معاه ف الشغل
صقر.....كدا تمام يا كبير وكله تمام
محرم .....ماشي ياوحش عايزك تروح للمعلم رضوان تجيب منه الفلوس ولو قل معاك اتعامل انت
صقر.....امرك يا كبير ........وفجاه سمعو صوت صريخ
صقر ومحرم خرجو يجرو يشوفو في اي
صقر....في اي ياجدعان
واحده......الحقون حد يلحقني ابني بيموت ابني هيموت حد يلحقوه ونبي
شخص.....يا بنتي ابنك زمانه مات انتي مش شايفه النار عامله اذاي
البنت.....حرام عليكم حد يتصرف اطلبو المطافي اعملو اي حاجه انا ابني بيروح مني
صقر.....اهدي بس اطمني ابنك هيكون عندك ماتقلقيش
محرم.....انت اتجننت انت مش شايف النار
صقر ماردش وطلع جري علي البيت واخد بطانيه من الناس اللي واقفه وطلع البيت كان بيحاول يتفادي
النار وسمع صوت صريخ
صقر.....اهدي يا حبيبي انا جايلك اهو بس ابعد عن الباب ماشي
الطفل. ....حاضر بعدت
صقر.....شاطر ياحبيبي .....صقر خبط الباب برجله وقعه ودخل كان طفل قاعد بعيد منكمش ف نفسه وخايف من النار اللي حواليه
صقر ......اهدي يا حبيبي ماتقلقش
الطفل بعياط.....انا خايف اوووي
صقر.....اهدي يا حبيبي بس ماتخفش .....اخد الولد ولفه معاه بالبطانيه ونزل بنفس الطريقه اللي طلع بيها
ام الطفل جريت عليه اخدته منه وحضنت ابنها وبتعيط .....شكرا شكرا ليك اوووي انا مش عارفه اقولك اي متشكره ااوي
صقر.....مفيش حاجه ربنايخليهولك ....
+
محرم اعحابه بصقر ذاد اضعاف وعحبه اندفاعه وقوه قلبه
+
ملك قاعده ف اوضتها بتزاكر سمعت الباب بيخبط
ملك.....ادخل
كندا دخلت بتوتر ....اذيك ياملك
ملك....كويسه عايزه اي
كندا.....ملك صدقيني انا معرفش حاجه معرفش صدقيني
ملك.....انتي كدابه انتي اكيد عارفه وجدك اكيد طلب منك كدا صح عشان تعرفي عني كل حاجه انا بكرهكو كلكم كلكم ومش عايزه اعرفك تاني انتي فاهمه اطلعي باره
كندا ودموعها نازله.....انا معرفش حاجه صدقيني انا اتعرفت عليكي عشانك انا معرفش حاجه ومعرفتش غير اماشوفتك صدقيني مش بكدب عليكي انا بحبك اوووي ومقدرش ااذيكي وغلاوتك ذادت اما عرفت انك بقيتي بنت عمي بلاش تبعدي عني عشان سبب انا معملتوش
ملك بصالها ومش عارفه تكلم
كندا حضنتها ....ماتزعليش مني بس صدقيني انا معرفش حاجه
ملك عيطت هي كمان .....انا تعبت ياكندا كل حاجه اتقلبت كل حاجه ياكندا حياتي كانت عاديه مجرد ظهور جدك ف حياتي انا بجد مش عارفه اعمل اي
كندا.بحزن علي حال صاحبتها ......اهدي يا ملك جدو طيب صدقيتي ومع الوقت انتي هتكتشفي دا وهتعرفي اد اي هو طيب وحنين وبيحبك كمان
ملك بصت ليها ومردتش
+
محرم......تعالي يامحروس اقعد
صقر.....امرك يا كبير
محرم......طبعا انت عارف اني بشتغل ف قطع غيار السيارات بس طبعا اكيد في شغل تاني
صقر.....اذاي يعني مش فاهم
محرم...... انا ليا فروع كتيرفي شغلي مخدرات بكل انواععا ولسه هبتدي ف السلاح
صقر بانتباه.... وبعدين
محرم.....المفروض ان في ثفقه هيروين جايه الايام اللي جايه خلاص يومين وهتبقي موجوده هنا بس المشكله ان الحكومه مركزه اوووي معايا وفي كذا واحد كدا باردو مش هيعدهولها
صقر....مش فاهم
محرم .....هفهمك الايام دي الحكومه مركزه معايا اووي لكن ربك بيسطرها كل مره المره دي هتبقي ناقله العمر ياض وفي ناس كتير مش هتسمحلي بيها فهمت
صقر......فهمت هقولك استني ....عي البضاعه دي جايه منين
محرم......لبنان
صقر.....تعرف حد بيبيع خورده العربيات هناك
محرم باستغراب.....اه لي
محرم....حلو اوووي ....هتتفق معاه يبعت ليك بضاعه ف نفس الوقت اللي بضاعه هتتبعت
محرم. .....وبعدين كمل
صقر.....الهروين هيتحط ف قلب العربيات وبس ياكبير
محرم باعجاب......يخربيت دماغك ياجدع انا موافق وبالتليفون كل حاجه هتم
صقر.....تمام يا كبير ....البضاعه والعربيات هتروح علي مخزن عربيات مش مخزن بضاعه
محرم .....لي
صقر ......عشان انت لسه قايل ان فيه ناس انت مش مطمن ليهم ف لوبضاعه راحت علي مخزن الخورده محدش هيشك ولا اي
محرم.....يخربيت دماغك فعلا .....انا عمري وجه نظري ماخيبت فيك ولولحظه من اول مره شوفتك فيها
صقر.....تسلم يا كبير
+
الايام عدت ومحرم نفذ خطه صقر ذي ماقلها بالحرف
+
علي نجح ف القضيه اللي صقر مسكاله هووشهاب واثبتو ان صقر فعلا اختار رجاله
ملك وكندا رجعت علاقتهم كويسه مع بعض واغلب الوقت مع بعض
+
صقر كلم علي وفهمها التريبات اللي هتحصل
صقر ....فهمت يا علي اي المطلوب تعمله
علي....اه يافندم
صقر.....كمان ساعه تتحركو واول ماديلك الاشاره تهجمو مفهوم يا علي
علي.....اطمن يافندم تعليماتك هتتنفز بالحرف
صقر.ً....تمام ....ملك عامله اي في جديد
علي بتوتر....كويسه
صقر... في اي ماتكلم حصل حاجه
علي.....جدها اخدها
صقر......نعممممممم انت بتقول اي
علي ....يافندم هوخطفها و
صقر قاطعه ....كمان ....اقفل يا علي
صقر قفل مع علي وهو جواه غيظ وضيق و100سناريو بيجي ف دماغه اتصل بعز
صقر....عز كمان ساعه وتكون ####مع القوات ولو العمليه باظت صدقني هقتلك انت فاهم
عز بصدمه.....في اي ياجدع اهدي انا مش فاهم
صقر قاطعه .....انا قولت اللي عندي ودا مش تهديد ياعز انت فاهم
صقر قفل مع عز وسابه لصدمته وراح لعلي وعرف انه روح البيت
صقر وصل البيت في وقت قياسي وخبط عليهم وعلي فتحله الباب واتصدم من وجود صقر
صقر ماصبرش يجمع وجوده وضربه بالبوكس
صقر بعصبيه ....انت راجل انت انطق اختك تتخطف وبدل ماترجعها وطربق البيت علي دماغه سايبها وراجع يابجحتك يااخي
علي ....يافندم انا حاولت معاها بس اللي رفضت ترجع البيت
صقر.....مهو طبيعي وكلام دا حصل امتي
علي .....من حوالي اسبوع كدا
صقر. ...انت متخلف ياض انت طبيعي يعني سايباه معاهم كدا سايبها افرض عملو فيها حاجه
علي.....يافندم انا بطمن عليهم كل يوم بالتليفون و
صقر من غيظو منه ضربه بالبوكس تاني .....غور من وشي دلوقتي عشان انا مش ضامن لوفضلت قدامي اكتر من كدا ممكن اعمل فيك اي
عزه واقفه سامعه كلام صقر وساكته مش بترد
صقر....انااسف بس انا خايف عليها ومش قصدي ازعلك
عزه ببتسامه....انا عارفه انك بتحبها عشان كدا طلبت منك انك عمرك ماتبعد عنها
صقر وطي ف الارض ومرضش
عزه....هترجعهالي تاني صح
صقر....دا اكيد حتي لواضريت اني احارب الدنيا كلها هعمل كدا صدقيني وانهارده هتكون عندك
عزه ......وانا واثقه من دا
صقر ابتسم وخرج وكلم وليد يجيله
+
عرفه ......مش مصدق انك بقيتي قاعده معايا ياكندا
كندا.....طبعا ياجدو انت مش عارف انك حبيبي
عرفه.....يابكاشه عشاني باردو ولا عشان ملك
كندا.....احمممم انتم الاتنين
عرفه بضحك.....ماشي يا كندا ربنا يخليكو لبعض يارب
ملك متابعه كلامهم ف صمت مش بتنطق كلمه
عرفه.....ملك تعالي ياحبيبتي عايزك
ملك ....حاضر
+
عرفه دخل بيها المكتب ....مالك ياملك ساكته لي انتي مش مرتاحه هنا محتاجه حاجه
ملك ضحكت....معقول حضرتك بتسال لسه
عرفه.....اه بسالك انا
ملك.....حضرتك اي حضرتك دخلت حياتي فجاه ظهرت وخطفتني من قبل حتي ماتديني وقتي استوعب اللي حصل وكمان بتهدد اهلي كل دا وبتسال مالي
عرفه .....انا مهدتتش حد ومش هاذيهم عشانك واكراما انهم ربوكي ياملك مايصحش بعد كل دا انا ارد ليهم دا باذيه
ملك بفرحه.....بجد يعني مش هتاذيهم
عرفه.....انا مش زعيم عصابه ياملك عشان اذي حد
ملك بطفوله حضنته .....ربنايخليك ياجدو
عرفه......لو كنت اعرف ان كلامي دا هيخليكي تحضنيني كدا كنت قولتلك من وقت ماجيتي
ملك.ابتسمت ولسه هترد قاطعه صوت خبط الباب
عرفه....ادخل
شخص.....في واحد عايزك باره ياحاج
عرفه......مين
شخص.....اسمه صقر
عرفه.....تمام انا جايله .....تعالي معايا ياملك
عرفه خرج لصقر وكان قاعد معاه وليد
عرفه.....خير
صقر.ً....عايز ملك
عرفه .....لي
صقر......نعم ......بوص من غير كلام كتير انا مش هخرج من هما من غيرملك.الا .هطربق البيت دا علي دماغ الكل
عرفه ......انت بتدخداني ومش واخد بالك انك مالكش اي صله بيها اصلا
صقر....ميخصكش
عرفه بصله بتقيم وراح لملك.....روحي معاهم ياملك بس توعديني انك تيجي تسالي عليا ولواحتاجتي اي حاجه ماتترديش وبيتي مفتوحلك ف اي وقت
ملك هزت راسها وحضنته وراحت لصقر
صقر .....كدا شاطر بس لولمست منها شعره واحده ه
عرفه قرب من صقر وهمس ف ودانه.....انا ماسبتهاش خوفا منك انا سبتها عشان راحتها انها تبقي هناك ومدمرش كل حاجه انا ف يوم وليله ....خلي بالك منها ولوضايقتها حسابك هيبقي معايا انا
صقر بصله اوووي ومفهمش معني كلامه بس اخد ملك وخرج ف صمت هو وليد
صقر بقلق.....انتي كويسه يا ملك حد عملك حاجه حد ضايقك
ملك.....لا انا كويسه
صقر روحها وكل فرح برجوعها
عزه.....انا متشكره اوووووي ياصقر مش عارفه اقولك اي
صقر.....مفيش حاجه و حمد لله علي سلامتها عن اذنكم
+
صقر رجع شغله ودخل مكتبه واتنهد براحه وسرح ف اللي جاي هيعمل اي فيه ..وخرج من شروده علي فتح الباب بقوه ودخول عز بعصبيه
عز......انت مجنون ياجدع انت ولابتستهبل بس
صقر ...احترم نفسك وانت بتكلم معايا
عز.....يابرودك ياجدع بجد انت بارد كدا ليه انت فاهم انت عملت اي مستوعب انت بقالك شهر بتخطط ف قضيه وبقالك اسبوعين قاعد.مع زفت دا وف الاخر تسيبه وتختفي وتبعتني اقبض عليه انت بجد طبيعي
صقر قام من علي كرسي ووقف قصاده .....وقبضت عليه ولالاء ف الاخر
عز بغيظ.....اكيد طبعا ومشرف تحت بس انت كنت فين
صقر. .....كنت برجع ملك
عز.....اذاي يعني مش فاهم
صقر حكاله اللي حصل
عز....دي كانت عند جدها واكيد مش هياذيها كان ممكن تكمل مهمتك وبعد كدا تروح تشوفها عادي
صقر.....يولع الشغل انا مكنتش هقدر.انتظر ثانيه واحده وانا معرفش هي فيها اي
عز......ماتجوزها يا عم بقي وريح نفسك
صقر.....ياريت كان ينفع
عز.....واي الي مانعك
صقر.....عشان علاقه غلط اختيار غلط اه بحبها واه مش هقدر اعيش منغيرها بس خايف اخسرها خالص
عز ابتسم بوجع.....خود خطوه ايجابيه وشوف اي اللي هيحصل بدل ما تفضل معيش نفسك ف دوامه دي
صقر.....ربك يسهل ....انت اي حكايتك مع راندا
عز.....ولا حاجه كما هي
صقر.....طيب وانت ناوي علي اي
عز......ولا حاجه اللي ربك عايزه هيكون
دخل عسكري وبلغ صقر ان المدير عايزه
صقر راح ليه وخبط ....نعم يا فندم
المدير.....تعالي ياصقر اقعد......اولا طبعا انا بحيك علي مهمتك وانا كنت متاكد ان محدش هيجبها غيرك بس اي سبب عدم وجودك ساعه القبض عليه ولي كلفت عز
صقر.....كان عندي مشوار مهم
المدير رفع حاجبه......نعم انت بتهزر
صقر.....كان عندي مشوار ذي متقولت لحضرتك ...والمهم ان العمليه تمت والمجرم اتقبض عليه
المدير .....ماشي ياصقر ....علي عموم انت اجازه يومين اتفضل علي شغلك
+
صقر كمل شغله وروح بيته كان تعبان اوووي ومرهق جدا وكان نفسه ينام باي طريقه مجرد مادخل اوضته سمعها بتكلم دهب ف البلكونه دخلها
صقر......مساء الخير
ملك ببتسامه ....مساءالنور عامل اي
صقر.....كويس انتي عامله اي
ملك. ....الحمدلله .....تاكل
صقر.....اي دا
ملك ....ساندوتشات جبنه رومي ولانشون شكلك لسه جاي ....كل بقي
صقر......بس دا اكلك انتي
ملك......انا اكلت وفي جوه تاني كل انت بقي
صقر اخد منها السندوتشات وابتدا ياكل بتلذذ وكان فرحان بطفلته وهي مهتميه بيه
ملك.....تشرب اي بقي
صقر.....كمان
ملك ....طبعاااا
صقر.....من اللي بتشربي منه
ملك.....انا بشرب قهوه باللبن
صقر . ..اوكي
ملك دخلت عملتله وفضله يتكلمه وقت ومحسوش بالوقت
ملك اخدت نفس طويل ....تعرف انا بحب الجو دا جدااا ومن اكتر الحاجات اللي بتمنها اني اخرج فيه
صقر... ولي يبقي حلم
ملك بعدم فهم .....يعني اي
صقر......غيري هدومك وننزل حالا
ملك بصدمه .....انت عارف ساعه كام دي غالبا عدت 2
صقر......مش نفسك تخرجي دلوقتي يالا ولا رجعتي ف كلامك
ملك .....رجعت اي لاطبعا ثواني وهكون جاهزه
صقر ....اوكي
ملك غيرت لبسها وخرجت كان الكل نايم
صقر.....جاهزه
ملك....طبعا
صقر اخدها ونزل واتمشو كتير وبعد كدا قعد علي مقاعد اللي موجوده
صقر.....اي مالك
ملك.....عارف انا مبسوطه جدااا كان نفسي جدا اعمل كدا
صقر......اللي انتي تامري بيه يتنفذ ....كنتي قولتي ان في حاجات كتير نفسك تحققيها
ملك ببتسامه.....اول حاجه نفسي احققها اني ابقي دكتوره كبيره اووي واعالج الناس كلها ومخليش اي حد يتعب ثانيا بقي اني اسافر بلاد كتير اوووي
ثالثابقي ان الجو القمر دا محتاج قهوه وشكولاته وشيبسي واتعشت كدا بقي
صقر .....اتعشت يخربيت الفاظك ياشيخه
ملك.......ههههههههههه عادي عادي ....صح انت كنت فين مختفي فين
صقر....كان عندي مهمه
ملك. ....مهمه تقعد فيها اسبوعين
صقر......عادي
ملك.....وعملت فيها اي
صقر.....عادي
ملك .....يعني اي قبضت علي عصابه وطلعت مسدسك وقولته اثبت ياحيوان انت وهو
صقر ضحك بصوته كله.....اه المهمه نجحت بس مش انا اللي قبضت عليهم
ملك....اذاي
صقر......كلفت واحد صاحبي يقبض عليهم
ملك .....دا لي بقي
صقر ......عادي
ملك.....كل حاجه عادي عادي اي دا
صقر ابتسم علي عصبيتها .....كان علي قالي انك عن جدك ف جيت بس
ملك تنحت .....انت سبت شغلك عشاني
صقر......انا اسيب الدنيا كلها عشانك مش الشغل بس
ملك ابتسمت واتكسفت ومعرفتش ترد
صقر.....احممممممم يا لا نروح بقي
ملك ....اوك
1
استوووووووب👯👯
اي رايكم ف البارت🤗🥳
+
