رواية وشاءت الاقدار شيئا آخر الفصل الثاني عشر 12 بقلم سارة اللومي
( البارت الثاني عشر ) رجعو مصر تاني يوم الصبح و بالليل كانوا مجتمعين كلهم في بيت الدكتور أبو آية عشان يحددوا معاد الفرح اللي اتفقوا أنه يكون بعد شهر و نص مع يوم عيد ميلاده بالذات لأنه شايف أنه اتولد من جديد مع آية .
بعد مدة و كان قرب معاد فرح آية و سامي ، ايمن كان متفق مع سلمى تعدي عليها تاخذها و يطلعوا يحددوا موعد عند البيوتي سنتر و هو في الشغل اتصلت عليه آية
- الو يا ايمن من فضلك ممكن ترن على سلمى باتصل بيها و مش بترد عشان كنت هاعدي عليها بس عندي مليون شغلة تانية مستنياني و النبي تقولها اني روحت من غيرها .
- ماشي هابقى اقولها باي
أتصل بس مش بترد عليه هو كمان ؟!!
فضل كل شوية يرن بس مش بترد كان مشغول باله لحد ما فكر يسبب الشغل و يرجع لها بس في آخر اتصال ردت بصوت تعبان أتخض عليها " خير يا سلمى انتي تعبانة أتصل لك بدكتورة؟
- لا و على ايه هو بس تعب بسيط مش حاسة اني بآخذ كفايتي من النوم ما تنساش اننا مش بننام غير 3 ساعات في اليوم طول الأسبوع اللي فات و البركة في حضرتك طبعا
" .- طيب ماشي كملي نوم و ابقي طمنيني اول ما تصحي
رجعت تنام و هي بتفكر في لهفته عليها و خضته اول ما سمع صوتها ! كان احساس لذيذ غمضت عينيها تاني و راحت في احلام جميلة
صحيت الساعة 4 و نص بالعافية تحس في نفسها تعباااانة و راسها ثقيل و عايزة ترجع .
راحت الثلاجة جابت ليمونة و قعدت تمص فيها و مستمتعة. بعدها انتبهت على وضعها، طول اليوم نايمة و تفطر على ليمونة؟ و هي من امتى بتحبه من اصله؟ ده آخره تحط منه فوق السلطة ولا تعمله عصير لجوزها.
رمت الليمونة اللي في ايدها و راحت تطلع حليب لقت واحدة تانية حطت الحليب و مسكتها تمص فيها ..أكلت الحبتين و بعدها فورا جريت الحمام ترجع
غسلت وشها و هي بتفتكر هي كام في الشهر ! معقولة يكون الي في بالها صح !!
دي كانت تمووووت بالفرحة, يا رب معقولة بيبي من ايمن
حاجة منه بتكبر في بطني ! ثمرة حبي ليه موجودة هنا ! و قعدت تحسس على بطنها بفرحةما تقدرش تصبر لحد ما يجي خرجت للصيدلية و جابت اختبار حمل و فعلا طلع ايجابي لحظيا عيونها اتملت بالدموع. الحمد لله يا ربي. جاء اللي يربطها بحبيبها و يقربه منها اكثر.
كانت عاوزة تعمله مفاجأة جميلة بس مش دلوقت ، حبت تعمل حاجة قبل كدة و بعدين تحتفل معاه بالمناسبة السعيدة
طلبت اية حكتلها اللي فيها و طلبت منها تجي معاها بكرة بعد مايمشي أيمن للشغل تروح معاها تعمل اشعة و تحاليل عند العيادة اللي بيشتغل فيها سامي بعد ما أكدت عليها ان سامي ما يقولش حاجة لأيمن.
