رواية قلوب من حجر الفصل الثاني عشر 12 بقلم الكاتبة رانية ماهر
#البارت_الثاني_عشر 12
#لا_تسأل_بعد__لهنانه_حدك
يگلبي إترك الناس الما تودك
ما توگف عليهم خل يروحون
كل الصار بيك تعيشه وحدك
أحذرك تعبتني وتنشد شبيك ؟
متشوف الحزن ممدود سِدك
متشوف العيون الغورگت شوگ
دكافي من الدمع متروس خدك
ناسك دنيتك حتى اليحبوك
منو يشيل الوجع شو كلها ضدك ؟
إضحك للهوه وطلگها دنياك
يذاك إنتَ النضيف الخير عندك
يراية سِلم بيضه بحرب الگلوب
منو من إلحزن متروس گدك ؟
كل الصار بيه وعشته مجبور
خاطر ما أكسرك وأتنه ردك
تضل إليمته هيچ تعيش مجروح
عايش بالحزن چا وينه چدك ؟
اريج....طبيت للبيت وگعدت بلگااع بس ابچي فقدت ما اعرف شصار بيه
ورود....اريج بس گوليلي شبيچ يعمري قلقتيني عليچ فدوة لتخبليني
اريج...ورود فدوة اني بعد ما اتحمل تعبت والله ما اريد اشوفه بعد ما اريد
ورود ....منو المتريدين اشوفي غير اعرف فدوة بس اهدئي واحچيلي كلشي
اريج...شحچي شگول صخام بوجهي (والطم) ما احس اله ورود ضربتني راجدي
ورود.....كافي عاد اصحي وفهميني شبيچ ترره حتخبل ويااچ جبتلهه گلاص مي هاچ اشربي واهدئي شوية
اريج.....البارحه من رحت ويه عمي دساعده بلبيت (واشهنگ وابچي)
ورود...اي شبي
اريج....ورود البارحة عمي حبسني بلبيت وتحارش بيه
ورود...عززة العزااچ
اريج...بس والله مخليته يلمسني وبعدته عني ومن البارحه واليوم اني محبوسة
بلغرفة وحته موبايلي اخذه مني حته ما اتصل بيكم
ورود....اريج صدگ چذب تحچين ترره سالفتچ مگااعد اطب بلعقل معقولة عمي يسوي هيچ
اريج....واتوقعي منه الاكثر والله
ورود....بس اريج مگاعد اصدگ اشون ادن نفسه على بنت اخو وهيچ يسوي
اريج....والله ما ادري ما ادري لساليني
ورود...بس ترره اريج هاي سالفه مينسكت عليهه واذا سكتنه راح يجاوز حدوده اكثر واحتمال هلمره سلمتي منه مره الثانيه متسلمين
اريج...وهسه شسوي
ورود...لازم دگولين لابوية وتحچين كلشي
اريج...ولچ كل عقلچ ابوچ وتعرفي ميتفاهم ابدا ومستحيل راح يصدگني
ورود...ولچ اريج ابوية ارحم بهواي من عمچ تحملي كلشي يسويلچ بس لتسمحين لعمچ يجاوز حده
اريج..... لا ورود عفيه والله اخاف من ابوية وما ا صدگ بعد راح يجاوز حدودة ومره
الثانية لو يكررهه والله اني بايدي اندمه
ورود..والله خيتي اني بعد ما ادري عليه نصحتچ
اريج...ثاني يوم اجه عمي للبيت وچان
ابوية موجود...اشون عيون وكحه فوگاهه جاي
كاظم...هلاؤؤ اريج اشونچ
اريج....سويت روحي وكانو مصاير شي
الحمدلله عمي بخير(وگلتهه باستحقار حته بلكت يحس على روحه)
كاظم...دؤؤمچ انشالله...بس عمي اجيت علمود السويچ مال سياره اخذتي مني وبعد مرجعتي
ابو اريج...مو عيب تخلين عمچ يجي برجله للبيت دياخذ السيارة غير ترجعيهه
اريج...لا ادلل هسه اجيبه وسويتلك زحمه
كاظم...لايمعوده رحمه
اريج...رحت جبت السويچ
ونطيتهياا..اتفضل
كاظم... مشكورة
اريج....عفته وبعد مطلعت لليل گعدت بغرفتي دگلب بلموبايل وسمعت صوت
الباب اندگت عبالي اختي ورود فتحتهه وانصدمت عمي.... اشگاعد اسوي اهنا
كاظم....لاه لاه مو عيب اطردين خطاركم
اريج....لتغشم روحك ورررح مناا ..ما اشوفه الا دفع الباب وخله ايده على حلگي
وحصرني بلحايط حاول يتقرب عليه بس دفرته حيل بس هوه چان اقوه مني وظل
يضرب بيه على راسي وعلى بطني وحاط ايده على حلگي عظيته حيل وگتله اطلع
مناا لا والله هسه اعيط واالم الدنيه عليك وافضحك اهناا
كاظم....لا لا خلاص راح اررروح
اريج...طلع وقفلت الباب وگلت هاي المره
مرااح اسكتله خلاص لازم اگول لابوية لان
الظاهر اجاوز حدودة متلام اختي ورود
چان المفروض من البداية اخليله حد
وهلمره ضربني وهاني هوااي انتظرت يصير الصبح حته يرجع ابوية لان چان يم مرته الثانيه
واول مطب رحت عليه ركض..يابه اريد احچي وياك بشغله مهمه واريدك تسمعني
ابو اريج...خيرچ انشالله شكو هلمره ما وراچ غير المشاكل
اريج...فدوة يابه بس هلمره اسمعني والله شي مهم
ابو اريج....دتعاالي وراية للصاله واحچيلي
اريج....يابه بس اهدء اشويه ولتعصب اوكي
ابو اريج...ولچ لو مسويتلچ فد مكسورة اكسرچ والله
اريج...لا يابه صدگني ما مسوية شي بس فدوة صدگ كل كلمه راح اگولهه ورحت جبت القران وحطيت ايدي علية
وگتله وحق هذا القران مراح اچذب عليك بكل كلمه اگولهه
ابو اريج....گمت على حيلي 😡😡 ولچ ترره واگف على اعصابي احچي عااد شكو وليش جبتي القران
اريج... حجچيتله الابوية كلشي وحته اشون اجه البارحه لغرفتي
ابو اريج...انتي مستوعبه شگاعد تحچين ولچ (ولزمتهه من رگبتهه حيل) 😡😡
اريج....يابه وحق هذا القران وهددته بلسچينه يله تركني من حبسني ابيته
ابو اريج...مو اروح اجيبه لعمچ واحلفه
اريج...اني مستعده اني اواجهه وكل كلمه اگولهه عليهه حلف
ابو اريج.... والله لاندمه لهذا الكلب ابيتي ويلعب بعرضي اليوم انعله.... الووو كاظم هسه تجي يمي هسه رايدك ولتتاخر ولا دقيقه
اريج...اباوع على ابوية عيونة تجدح نارر من الغضب
ابو اريج....والله لو طلع چذب موتچ يصير على ايدي
كاظم...الله بلخير خوية
اريج...اباااوع على عمي طب بس حيل خايف ومتوتر لعد شعباله ليلعبون بعراض الناس هينه لا وفوگاهه منو بنت اخو هه😏
ابو اريج....كاظم اگعد عندي كلام ويااك
كاظم....خيرر خوية
ابو اريج...اگعد وخلي نسولف حچي زلم
كاظم....گعدنه اتفضل احچي
ابو اريج.....قدمت القران گدامه وگتله
احلف على هذا القران انك ممتحارش باريج ولا حابسهه بلبيت
كاظم....گمت على حيلي وگتله عيب عليك انته شگااعد تحچي لا ترره هاي ما مرجيه منك ولك شنو متحارش بيهه هاي بنتي انته من كل عقلك المسهه
اريج....اشون چذااب سوه روحه واااا قتيلاه لا والله يابه گاعد يچذب
كاظم....انچبي ولا كلمه.... شنو گاعد يچذب متستحين لا لعد الا اگوله الابوچ على سوياتچ
اريج...ليش اني شمسويه
ابو اريج...احچي العندك وبلا لف ودوران
كاظم...بيوم الاخذتهه تساعدني بلبيت
وساعه السودة لاخذتهه اجتي عليه وهيه تحارشت بيه وگلتلي عمي انته هسه مطلگ
وماعندك مره واني هم مطلگه شنو رئيك كل ما تريدني اجي يمك ولتريده سوي
اريج...گمت على حيلي😲 وگتله والله العظيم يابه چذب والله چذب
ابو اريج...انچبي انتي واگعدي كمل كاظم
كاظم....اني الصرااحه تخبلت من شفت تصرفاتهه وحته حچيت عليك والله گلت
حسافه هاي بنت اخوية ضربتهه وحبستهه بلغرفة حنى تاخذ درس وگتلهه راح اعوفچ
هاي المره ومراح اگول لابوچ لان عصبي واخاف ياذيچ بس مره الثانية لو عدتيهه
ترره والله اوصله لابوچ بس خويه الظاهر بنتك حقدت عليه وگلبت السالفة علية
اريج...اتخبلت من كلام عمي يحچي بحرگه وبصوت عاالي وعبالك هوه ابو الحق
ابو اريج....يا نذله ذبيتيهه براس عمچ چان المفروض ما اصدگچ من البداية لان ادري بيچ تكرهين عمامچ وحاقده عليهم ام الولد ام الشوارع
اريج....لزمني ابوية من رگبتي وخنگني حيل حسيت رووحي راح تطلع يابه فدوة عوفني راح اموت والله چذاب والله
ابو اريج...هوه اني اريد اموتچ واخلص منچ يا عاار هاي اكيد امچ علمتچ هاي السوالف حتى تنتقمين من عمامچ
كاظم....خوية عوفهه لخاطري لتنگس ايدك بيهه انته صوچگ انطيتهه مجال هواي ودللتهه
ابو اريج....راح اعوفچ هسه الخاطر عمچ بس لو شفتچ اجيبين طاريهم بكلمه
متلومين غير نفسچ وباب البيت بعد مطلعي وشغل بعد متشتغلين شمدريني من اطلعين وين تروحين وشنو الشغل الگاعد
تشتغلي امشي يلا وبعد لا اطلعين من غرفتچ ترره اكسرر رجلچ
اريج....سحلني سحل وذبني بغرفتي..يابه فدوة ابوس ايدك لا اصدگه والله چذاب
ابو اريج....ولا كلمه اسمع منچ كلمة ثانية واموتچ....
يتبع...
