رواية قلوب من حجر الفصل الحادي عشر 11 بقلم الكاتبة رانية ماهر
#البارت_الحادي_عشر 11
غربنا الزمن بين المحطات
ولكينة الدمع واگف ينتظرنا
بعدنه صغار واكبر منا الهموم
وحزن بحزن جبناها وكبرنه
لابينة صبر نتحمل أهموم
وعلى العمر المضى شينفع صبرنه
لايازمن ارحم دموووع العين
و راوينه الفرح بـ آخر عمرنه
اريج....فتحت الخط والصدمة چانت
انور...الووو اريج اني انور
اريج....انور وين انته هسه ومنين جبت رقمي (الرقم چان عراقي فعرفت انو هوه موجود بلعراق)
انور....اريج اني هسه انهزمت من اهلي وحضرت فلوس ومكان النه فدوة اريج لو تحبيني عوفي كلشي وخلي ننهزم اني وياچ
اريج....انته كل عقلك تحچي بابا شوف حياتك مثل ما اني شفت حياتي لتبقة
معلگ روحك بشي مراح يصير واني مستحيل اهرب من اهلي انته مو تدري
بيهم لو من جوه الگاع يطلعوني ويذبحوني اني وياك والله
انور...صدگي ميلگونه معقولة هلگد يهون عليچ حبنه واني مراح اروح مناا اذا مو انتي ويايه
اريج....عرفت بانور راح يسويلي مشاكل ومراح يجوز عني ....
زين گلي انته هسه وين دشوفك
انور....اني هسه يم ال..... منتظرچ
اريج....ابقي اهناك واني هسه جايه
انور....انتضرچ
اريج.....ما اعرف انو الشي الراح اسوي صح او غلط بس اني اعرف انو علاقتي اني
وانور منتهيه وابوية حطه براسه يموته وابوو شخص معروف وبسهولة راح يلگانه واحتمال بهاي الطريقة راح اخلي انور
ميتعلق بيه بعد ويكرهني وهذا الشي الوحيد الاگدر اسوي يله اخلص من
هلمشاكل خابرت على ابو انور همزين احتفظت برقمه
ابو انور....الوو
اريج....الووو عموو اشونك اني اريج عرفتني
ابو انور....اي بنتي عرفتچ بس خيررر شكو
اريج....عمو انور منهزم وجاي للعراق
ويريدني انهزم ويايه وهسه هوه دينتظرني يم....
ابو انور...وانتي شعجب مرحتي ويااا واتصلتي بيه گتيلي
اريج...عمي انته تدري بيه اشكد احبه الانور وما اريد يصيرله اي شي بسببي لان تدري بي هو حيل اتاذه من ورايه
ابو انور....والله انتي بنت اصوول والله يوفقچ انشالله بحياتچ لان محرمتيني من ابني الوحيد
اريج....ولوو عمي انته ادرى بيه اشون اتعذبت من اهلي وما اريد غيري ينحرم من
اهله وخصوصا انته حنيتك متتعوض وما اريد انور ينحرم منهه
ابو اريج....االله يوفقچ وهسه من رخصتچ اني رايحه على انور قبل ميشك وينهزم مره ثانية
اريج.....الله وياك
هذا يوم وذاك يوم وبعد مشفت لا انور ولا ابو ومر على هذا الوضع سنة كاملة اني
حاولت انسه كلشي مر علية وبعد ما ادخل اي احد على حياتي ولا اريد اتعذب
لان الشي الصار ويايه مو قليل گمت اطلع
واطب وافتر بسيارتي واصرف على نفسي ولبسي وكل يوم اروح لصالون واصبغ شكل
اشكد يحچون عليه العالم واشگد طلعوو سمعتي هاي مو خوش بنية وسافلة
لُِلُِڪآتبَة رٍآنية مآهـرٍ
وشعدهه تطلع وتفتر بشوارع وام ولد بس اني ابد ولا اهتميت الهم وانطيتهم الاذن
الطرشة اسمع منا اطلع منا گضيت عمري اسمع كلام الناس وتقديرهم اليه شحصلت
تحملت عمار في سبيل ميحچون عليه ويگولون مطلقة بس بعد كااافي
احنه بشر مو حجر ونحس وعدنة گلوب ترره لازم نشوف حياتنه اشبيهه المره
المطلگه مثلا قابل بيهه مرض معدي وراح اسممهم بس الظاهر العالم اهمشي عدهه
تمشي علمزاجهم تلبس قصير ذموهه
لبست عباية گالو الله اليستر من جوه العباية
اطلگت گالو مو خوش اداميه وعافهه زوجهه
تبقة ابيت اهلهه گالو خاف سمعتهه مو زينه ومزوجت لحد هسه
اشتغلت ولمت كم فلس گالو منين جابت الفلوس من يگول مو تشتغل بلحرام
نااس كل همهه الغيبة وبس
بس اني سلمت كلمن يحچي عليه بيد ربي ومشيت بطريقي اليعجبني
بس بنفس الحاله مسلمت من ابوية ومشاكله الا هو الوحيد المخلصت من
مشاكله ويايه وطبعا بنفس الوقت چنت خايفه انو هاي الدنيا تغدر بيه وشنو ضامتلي بعد
وچنت مرتاحة بس خايفة اشوف الدنيا شنو بعد تشوفني شنو بعد يصير بحياتي
فمرت ايام وراها عمي انفصل عن زوجته
كاظم.....اريج بلكت اساعديني اليوم وترتبين البيت ويايه
اريج...ادلل عمي ميخالف اليوم اجي واساعدك بس بالاول اگول الابوية
كاظم...لتخافين گتله وگال اشوكت متكمل عود رجعهه اليوم اشبعچ فرات بلسيارة وونسات
اريج.... اني كلش فرحت كلت خلي اروح اساعده واغير جو اشوية وفعلا رحت
ورتبت البيت وياا ونظفنه فجاة دنظف بلمطبخ سمعت صوت اغاني وراية وعمي
گام يهز بچتفه ويرگص طبعا اني بهاي اللحظه وگعت بلگااع من الضحك 😂😂😂 گلت عززه هذا اشبي انرعص
كاظم.....ليش اضحكين تعالي رگصي ويايه شنو متعرفين ترگصين
اريج....جرني من ايدي وگام يفر بيه ويرگص اني استغربت وهيچ اباوع علية😐
كاظم....اريج اعتبريني مثل صديق الچ لا تعتبريني عمچ اليوم
اريج...اباوع على عمي گام اشويه اشوية يتقرب عليه اني راسن ابتعدت عنه اكيد
هذا مو صاحي گتله عمو اني تعبت راح اروح انام وباچر اكمل شغل
كاظم...لا عيني وين تروحين تعالي
اريج....لزمني حيل وحصرني بلحايط يريد يتحارش بيه دفعته حيل وحاولت انهزم
منه بس چان اقوه مني چان يضربني حيل وشمرني بلغرفة وقفل علية الباب ادور على موبايلي ماكوو اكيد اخذه محسب احساب
كلشي ظليت اعيط وادگ بلباب بس ميفيد بقيت الليل كله منمته اخاف ليجي عليه
ويسويلي شي بعد كلشي اتوقع من هلدنيه ظليت ابچي والطم على حضي صدگ بهاي
اللحظه متت من الخوف الصبح سمعت صوت الباب انفتحت وطب للغرفه اني
گمزت من يمي گلت ليروح يسويلي شي
كاظم....عود اطلعي بلمطبخ وسوي اكل لظلين جوعانه بس لتحاولين تنهزمين ترره متگدرين واي تلفون ماكو بلبيت
اريج...عمي حراام عليك ليش هيچ اسوي بيه الله ميرضاهه مو اني بنت اخوك اشون
تقبلهه على نفسك احچي وياا بس ولا گانو طلع وقفل البوب البره كلهه وحته باب
السطح حاولت ادور على مكان اطلع منه ماكو حته الشباك ما اگدر اطلع لان ضيق
مناا اخير شي كسرت الشباك مال الصاله لان چانت تطلع علطرمه وطلعت منهه
حاولت اصعد فوك الباب واعبر بس ماكو فايدة لان چان بيته عالي وچبير وكله
مقبط اخير شي ايست وگعدت سمعت صوت الباب انفتح عرفتة اجه اخذت
سچين من المطبخ وضميتهه وره ظهري
كاظم....مساء الخير اشونهه الحلوة 😗
اريج...طلعت السچين ووجهتهه اگباله گتله
تنطيني المفتاح لو اخلي دمك بطولك هسه
كاظم....هههه علكيفچ عيني هاي منين تعلمتي تخلين دمنه بطولنه
اريج...من عندكم انتو العلمتوني انتو الجبرتوني اصير مثلكم وهسه انطيني المفتاح لو والله اذبحك وقربت السچينه على رگبته
كاظم.... يمعودة گاعد اشاقه وياچ وسويت هيچ بيچ بس حته اختبرچ تصدگين اني اتحارش بيچ واذيچ كل عقلچ
ولچ اني سويت هيچ حته اطمئن عليچ واتاكد انو من يتحارشون بيچ تگدريلهم لو
لا ونجحتي بالاختبار وهاچ هاي المفاتيح وهاي موبايلچ وهاي سويچ السيارة مالتي
هم وروحي وين متريدين قابل شريد منچ
اريج...اخذت المفاتيح منه وگتله اضحك
على غيري بهاي سوالفك دتريد اتبرر موقفك بس مگاعد تعرف اشلون بس صدگ مراح
اسكتلك ابد وراح اخذ حقي منك علسويته بيه طلعت ركض فتحت الباب وركبت
سيارته والطريق كله اباوع وراايه خااف لاحگني ورحت لبيت اهلي واول مطبيت
انحل جسمي ووگعت بلگاع وظليت ابچي من الخوف اجتي عليه اختي ورود وظلن يسكتن بيه ويريدن يعرفن شبيه
بس اني چنت فاقدة ومو بوعيي
يتبع...
