رواية ملك الصقر الفصل العاشر 10 بقلم بسنت شريف
علي فرمل العربيه مره واحده
ملك بخضه....في اي يا علي مالك
علي.....هوالراجل العجوز اللي كان قاعد دا مين
ملك.....دا جد كندا
علي.....ايوه اسمه اي يعني
ملك....اسمه عرفه العقاد لي .
علي كلام نزل عليه ذي الصاعقه . .مش عارف يفكر يعمل اي او يقول اي
ملك باستغراب....في اي يا علي مالك
علي....هااا ولا حاجه يا حبيبتي
علي طلع بالعربيه ووصلها وبعد كدا وصل مكتبه. وكان شكله غني عن اي كلام
+
دخل اوضه التدريب يقعد فيها مش عارف يتصرف اذاي يقولها اي هيمنعها اذاي الفكره انه هيبعدها اذاي ولاهيعمل وخرجه من شروده صوت جوري
جوري بقلق......علي انت كويس
علي....هاااا بتقولي حاجه ياجوري
جوري. .....اي يا علي انت مش معايا خالص
علي .....انا كويس ياجوري مفيش حاجه
جوري ...علي انا........... وقطع كلامها صوت صقر
صقر ......انتي مين وبتعملي اي هنا
علي......احمممممم.....روحي ياجوري شوفي شغلك .....انا اسف يافندم
جوري خرجت تجري من رعب
صقر......احنا هنا مش ف كازينو الغرميات يابيه
علي بضيق.....يافندم مش غرميات ولا حاجه الحكايه كلها
صقر.....علي انا كلامي انتهي دا مكان شغل و مفيش مجال المرقعه
علي......حاضر يافندم انا اسف
صقر لاحظ ضيقه .....انت كويس
علي .....احمممم انا محتاج من حضرتك خدمه ممكن
صقر .....اي
علي.....عايز حضرتك تكلمهم يدوني شقه ف مساكن الشرطه ف اسرع وقت عشان عرفت ان عقبال ماستلمها يعني حوالي شهر ودا يعني هتبقي مشكله
صقر بقلق.....هو في اي يا علي هو في مشكله عندكم ولي مصمم تنقل كدا
علي مش عارف يعمل اي بس محتاج مساعده حد ووليد اخوه مش بيتافهم وممكن يعند ويرفض ينقلوه
صقر......في اي يابني انطق
علي ......احمممم اهل ملك بيدورو عليها
صقر ....بيدورو عليها اذاي يعني مش فاهم
علي....اهل ملك عندهم تقاليد ان محدش يتجوز من براهم وابو ملك عصي اوامر ابوه واتجوز واحده غصب عنه وخرج عن طوعه واما عرف انه توفي دور علي ملك عشان يربيها بس ف الوقت دا كانت هي سافرت مع وليد عشان تدرس باره ودلوقتي عرفو انها رجعت وعايزين ياخدوها
صقر ربط الاحداث ببعض واصرار خالتها انه يقضل جنبها .....كمل وبعدين
علي....هما خاليا بيدورو عليها وانا خايف يوصلو ليها عشان كدا كنت حابب ننقل مساكن الشرطه عشان ممنوع دخول اي حد والمشكله الاكبر ان غالبا واحده منهم تبقي صاحبه ملك ف الكليه يعني كدا ف اقرب وقت هيكونو عندنا وموقف القانوني سليم ولواخدوها مش هنعرف نوصلها تاني
صقر قلبه انقبض .....اهدا ماتقلقش مفيش حاجه من دي هتحصل اصلا وملك مش هتبعد عنكم ولو حد قربلها هدفنه مكانه
علي استغرب اندفاع صقر......يعني حضرتك موافق تساعدني
صقر عمل اتصال وقفل
صقر......تمام في شقه فاضيه ف العماره اللي انا فيها وانا كلمتلك حد يالاتعالي نروح البيت نخليهم يجهزو
علي.....طيب والعقد و
صقر.....كل دا مش وقته حاليا الدقيقه ممكن تغير اي حاجه ووجود صاحبتها دا خطر يالا
وفعلا وصلو البيت
صقر دخل معاه.البيت وعزه رحبت بيه هي وامل
عزه......اهلا يا حبيبي نورت
صقر .....متشكر
ف الوقت دا وليد وصل
وليد.....صقر بيه بنفسه عندنا اهلااهلا
صقر....اهلا بيك يا وليد اخبارك اي
وليد .....الحمدلله
+
صقر بص لعلي يتكلم ف هو بصله بمعني اتكلم انت
صقر مش عارف يبدء منين ويقول اي
صقر......انت عامل اي ياوليد ف شغلك
وليد .....تمام الحمدلله ماشي الحال
صقر.....ربنا معاك يارب وانت شغال ف شركه اي
وليد ....##$
صقر.....اهااا مش دي اللي ف طريق ###صح بس دي بعيده اوووي عن هنا دانت بتقعد اكتر من ساعه ف الطريق
وليد.....اه ياصقر فعلا
صقر.....مشكله فعلا.....بقولك اي عندي الحل .....الشقه اللي جنبي فاضيه وتبع مساكن شرطه اي رايكم اما تعزلو فيها ....وبص لعزه عشان تفهمه وفهمته فعلا
عزه.....والشقه دي حلوه ياصقر يابني
صقر.....طبعا دي وهم
عزه.....اي رايك ياوليد
صقر....لوموافقين انا ممكن اكلم مسؤل عن العماره واتاكد اذا كانت فاضيه ولا لا
علي.....طيب اتصل بيه كدا وشوف
صقر بص لوليد ....
وليد.....تمام كلمه كدا ياصقر
صقر عمل نفسه بيتكلم ف التليفون وقفل
صقر.....الشقه فاضيه لحد بكره
وليد بعدم فهم ....يعني اي مش فاهم
صقر ....يعني من المفترض ان في بكرا حمله نازله يشوفه كام شقه فاضيه ف لازم تكونو موجودين فيها انهارده عشان تبقي بكرا كل حاجه جاهزه
وليد .....بسرعه كدا طيب في عقود وفي حاجات لازم تجهز
صقر....كل دا مش مهم ماتقلقش سيبه عليا انا هظبطه
وليد.....اي رايك ياماما
عزه .....انا عن نفسي موافقه طبعا وفرصه حلوه اووي مش هتتعوض
ملك خرجت من اوضتها .....فرصه اي دي يماما
علي..... هنعزل من هنا
ملك .....دا لي
وليد.....عشان مكان افضل وكمان قريب من اشغلنا وقريب من كليتك باردو
ملك.....تمام
صقر...ً..اوك جهزو انتم حاجتكم وانا هنزل اعمل كام تليفون عقبال ماتخلصو
الكل قام يجهز الشنط بتاعته وعزه اخدت علي معاها بعيد تفهم منه وصل لايه
عزه....اي الاخبار باعلي ولي الاستعجال دا
علي....انتي تعرفي واحد اسمه عرفه العقاد
عزه بصدمه.......دا دا يبقي جد ملك انت تعرفه منين وسمعت عنه فين
علي.....دا جد صاحبت ملك شوفته النهارده وانا بجبها من عيد الميلاد
عزه.....يالهوي يعني من ضمن الناس دي كلها ماتصاحبش غير دي يالهوي طيب والحل
علي......انا حكيت لصقر وهورشحلي الشقه دي تبع مساكن الشرطه وفيها امن يعني صعب حد يدخل اطمني
عزه بقلق ....ربنا يستر
+
عيد ميلاد كندا خلص والكل مشي وعرفه دخل مكتبه واخد ابنه وحفيده
كارم .....خيريابابا في اي
عرفه.....عرفت معلومات عن بنت عمك ياجاسر
جاسر .....بدور ياجدي وماتقلقش في اقرب وقت هوصلها
عرفه.....اممممممم هي مين صاحبت بنتك دي ياكارم
كارم.ً.....دي بنت معاها ف الجامعه يا بابا هو في حاجه
عرفه بغموض......تمام ابعتلي كندا ياجاسر
جاسر خرج بلغ كندا ان جدها عايزها
كندا....نعم ياجدو
عرفه....قوليلي يا حبيبتي هي ملك دي صاحبتك من زمان
كندا باستغراب .....هو في حاجه ياجدو
عرفه......لاياحبيبه جدو انا بس بسال عليها يعني دي اول صاحبه ليكي من كليه بطمن عليكي يا حبيبتي
كندا بطيبه.....اطمن ياجدو دي بنت جميله اوووي وطيبه جدااا عارف ياجدو هي كمان ملهاش صحاب خالص هنا من وقت ما رجعت من سفر وهي مش مصاحبه حد
عرفه....سفر هي كانت مسافره
كندا.....اه كانت مسافره مع خالتها واولادها ولسه راجعه
عرفه.....وهي اسمها اي بقي
كندا....اسمها ملك احمد
عرفه....امممممم واضح ان معلومات العيله كلها عندك ياسوسه انتي
كندا يضحك......طبعا طبعا دا انا اعرف عنهم كل حاجه
عرفه .......اممممم وتعرفي اي بقي كمان
كندا يضحك .....بص ياجدو ...اولا اعرف ان اخوها وليد دا مجوز وعنده بنت اسمها دهب وشغال ف شركه كدا مش فاكره اسمها اي وعلي بقي دا ظابط مخابارت
عرفه...ً..مش بقولك سوسه .....دا ناقص تكوني عارفه عنوان بيتهم
كندا.....طبعا طبعا ودي تفوتني هي وصفتلي العنوان هوبعيد عن هنا شويه صغننين
عرفه.....صغننين اذاي يعني
كندا......هقولك ...........ووصفتله عنوان
عرفه......دا المفروض بقي تسيبي الطب وتشتغلي ف الشرطه يااوزعه
كندا....طبعا ياجدو امال
عرفه.....روحي بقي يا حبيبتي شوفي الهدايا اللي جتلك
كندا.....اوكي
كارم بستغراب من حديث ابوه وبنته ......هو في يا بابا انا مش فاهم حاجه .....واي كل الاسئله دي
عرفه.....ملك دي تبقي بنت اخوك احمد
كارم بصدمه......اي انت بتقول اي يا بابا اذاي
عرفه .......سمعت العنوان اللي قالته ياجاسر روح واعرفلي كل حاجه عنهم
جاسر.....بس يجدو اي اللي مخلي حضرتك متاكد كدا
عرفه ....نفذ اللي بقوله يالا
جاسر.....حاضر
جاسر خرج ينفذ اللي اطلب منه وعرفه سرح بعيد وابتسم
+
صقر منتظر تحت وهم اخيرا نزلو اخدهم وطلعو بالعربيات وراه وبعد وقت وصلو
وليد ....فعلا الشقه هنا هتبقي اقرب لشغلي
صقر .. ....منا قولتلك يا لا عشان تتفرجو علي شقه
صقر اخدهم وفرجهم علي شقه وعجبتهم اووي وعجبهم تصميمها
صقر.....مبروك عليكم وانا شقتي هنا ف الشقه اللي قصادكم
عزه.....شكرا يابني كتر خيرك انا مش عارفه اقولك اي
صقر.....مفيش حاجه ياست الكل عن اذنكم عشان عندي شغل ....يالا علي
+
جاسر وصل بيت ملك وعرف انهم عزلو ....رجع وبلغ جدو بالي عرفه
عرفه بغيظ.....شوفت انها هي بس ورحمه ابني مهاسيبها اكتر من كدا حتي لواضرطيت اطربقها فوق راس الكل
+
صقر وعلي وصلو مكتب وقاعدين متوترين
علي.....تفتكر هيقدر يوصلولها
صقر....اكيد طبعا بننتهم اكيد قالت انك ظابط مخابرات سهل يوصلو ليك ويعرفو طريقها عن طريقك انا كلمت امن وفهمتهم ان ممنوع اي حديسال عليكم ويسمحولو بالدخول ولو حد اصر يبلغو البوليس ويكلموني اطمن
علي.....متشكر لحضرتك يافندم انا بجد مش عارف اقول اي
صقر..ً..مفيش حاجه يا علي روح شوف شغلك بقي وانا كمان
+
الايام عدت وصقر بيتابع القضيه الجديده وبيخطط هينفذ المهمه اذاي وقطع شروده دخول عز
عز يضحك.....صقر باشا
صقر.....تعالي ياعز عامل اي
عز....كويس ياصاحبي
صقر.....اخبار الشغل اي معاك
عز......كله تمام بس محتاج اخد رايك ف حاجه تخص الشغل
صقر.....اكيد اي
عز لسه هيتكلم سمعو صوت عالي اوووي
صقر ....اي الصوت دا في اي
عز.....مش عارف تعالي نشوف في اي
صقر وعز خرجو واتفاجوا ان في ناس كتير واقفه وشخص ظاهر عليه تقدم السن بيتخانق مع علي
عز.....في اي اللي بيحصل هنا دا انت مين ياحاج واذاي تدخل هنا اصلا
عرفه بصوت عالي.....انا جاي اخد حفيدتي ومش هسابها حتي لوهطربق المبني دا فوق دماغ الكل
صقر بهدوء....لا لا لا بلاش تقول كلام ياحلو هيزعلك
عرفه.....انت اتجننت انت عارف انت بتكلم مين
صقر.....لامعرفش ومش عايز اعرف ....واللي انت لازم تعرفه انك هنا مش ف زريبه تتكلم فيها باسلوبك دا اتكلم هنا عدل عشان ميبقاش ليا تصرف معاك هيزعلك
جاسر.....احترم نفسك واتكلم معاه عدل عشان تصرفنا احنا اللي هيزعلك.
صقر......انت بتكلمني انا يالا ولسه هيهجم علي علي منعه
علي .....اهدا ياصقر بيه ....ممكن اعرف حضرتك عايز اي وطلباتك اي
عرفه......عايز حفيدتي ودا حقي
صقر....مالكش حاجه عندنا. اعلي مافخيلك اركبو
عرفه....دي حاجه ماتخصكش
صقر بعصبيه.....وتخصك انت ف اي هاااا رد عليا كنت فين من 18سنه ها كنت فين كنت فين وانت سايب ابنك قاعد ف مكان غريب مايعرفش حد فيه لوحده من غير اهله رد كنت فين جاي دلوقتي تفتكر ان ليك حفيده دا اي البجاحه دي بوص ياجدع انت انا عامل احترام لسنك بس لكن هتزودها هيبقي ليا تصرف معاك انت والحيله اللي واقف معاك دا مش هيعجبك
عرفه......حفيدتي هاخدها ولو مش بزوق هاخودها بالعافيه وصدقني انت اللي هتزعل من ردت فعلي
صقر ضحك بتهكم......اسمي صقر المنشاوي احفظه كويس عشان متاكد انك عمرك ماهتنساه .....وياريت تتكل بقي عشان لوفضلت هنا ثواني كمان مش هخرجك من هنا وانت فاهم كويس معني كلامي
+
عرفه خرج واخد جاسر معاه
صقر.....امنع ملك تتكلم مع صاحبتها الايام دي يا علي وممنوع انها تروح الجامعه
علي....قصدك انهم ممكن يخطفوها
صقر.....مش كدا بس ممكن يخلوها تسيطر علي تفكيره وتخليها تروح ليهم باردتها
علي بخوف ......ربنا يستر
صقر...... ان شاء الله ماتقلقش
+
عرفه خرج من مبني المخابارات وهو جواه نار من صقر ونفسه يعمل في اي مصيبه
جاسر.....اي ياجدي هتعمل اي
عرفه......هقولك دلوقتي انا هعمل اي ....طلع تليفونه واتصل علي مساعد مدير الامن
عرفه......اهلا بيك علاءبيه
علاء.....اهلا اهلا حاج عرفه اخبارك اي واذاي صحتك
عرفه .....الحمدلله بخير عايزك ف خدمه
علاء.....عنيا يا حاج
عرفه.....تسلم عنيك .....في ظابط كدا عايزه ياخد استماره 6
علاء.....لا دي بعيده اوووي ياحاج ممكن يتادب يتنقل لكن يمشي دي بعيده اوووي
عرفه .....تمام ادبه وانقله
علاء....بسيطه دي اسمه اي وبيخدم فين
عرفه.....اسمه صقر المشاوي وهوظابط ف المخابرات
علاءبصدمه.....المقدم صقر ....لا ياحاج مينفعش خالص دا ليه اسمه ووضعه ف الدخليه ودا ماينفعش خالص حد يجي جنبه انسي كان نفسي اقدر اخدمك بس المقدم صقر صعب وياريتك تشيله من دماغك عشام هولوحطك ف دماغه انت اللي هتزعل منه
عرفه اقفل وجواه غل كبير من صقر غله ذاد اكتر و اكتر
جاسر.......ها ياجدي عملت اي
عرفه.....انا لسه هعمل تعالي معايا
+
عزه قاعده مع ملك بيتكلمو مع بعض وقطع كلامهم صوت خبط عالي علي باب
ملك بخضه.....اي دا في اي مين بيخبط كدا
عزه ......مش عارفه يابنتي هقوم افتح
عزه قامت تفتح واتصدمت من وجود.عرفه ومعاه ظباط
عزه بقلق......خير في اي
الظابط......خير ياحاجه عرفه بيه مقدم بلاغ وعايز ياخد حفيدته
عزه.....هاااا اا
ملك.باستغراب......حفيدته مين هو في اي يا ماما انا مش فاهمه حاجه
عرفه قرب من ملك......انتي يا حبيبتي حفيدتي وحبيتي انتي بنت ابني يا ملك
+
ملك بتبوص لعزه عشان تفهمها حاجه هي حاسه ان كل حاجه دخلت ف بعض اذاي جدها وكان فين
+
عزه ....ابوس ايدك سبهالي
عرفه تجاهل كلامها وكمل مع ملك......اي ياملوكه واقفه بعيد لي
ملك بصاله ومش بترد
عرفه......اي ياحبيبتي ساكته لي اتكلمي انا......
صقر دخل فاللحظه دي هو وعلي ......
صقر.......ممكن اعرف اي سبب وجود حضرتك هنا اصلا
الظابط.....عرفه بيه مقدم بلاغ ياخد حقيدته ودا حقه وانا عندي امر ان اي حد يعترض هاخده معايا
علي.....نعممممممم اي الاستهبال دا انت بتقول اي
الظابط .....احترم نفسك ....بدل ماخدك علي بوكس
+
صقر......بوكس اه .....طيب شوف بقي ياحالتها انت هتتكل دلوقتي
الظابط.....حيلتها ...انا بقي هوريك حيلتها هيعمل اي ولسه هيهجم علي صقر بس صقر مسك ايده ولف ايده وراه
صقر......لا ياتوتو لسه ماتخلقش اللي يمد ايه علي صقر المنشاوي ويالا باره بقي عشان تصرفي مايزعلكش
الظابط بتوتر....حضرتك المقدم صقر ......احنا يافندم بنفذ القانون مش اكتر
صقر......مفيش حاجه عشان تنفذ فيها يالا اتفضل
الظابط خرج ونفذ كلام صقر تخت صدمه عرفه
عرفه.....يعني اي
صقر.......يعني تتكل انت كمان .....وصدقنيي لولمحتك هنا تاني هيبقي ليا رد فعل مش هيعجبك وياريت ذي مانسيتها ال18سنه اللي فاتت تنسها كمان العمر اللي جاي دا اعتقد كلامي اتفهم
+
عرفه خرج بس جواه غل كبير من صقر نفسه ينتقم منه بس للاسف الكبير وصغير بيتعمله الف حساب
+
استووووووووووب🤗
اي رايكم في البارت 🤔وتوقعاتكم اي ف اللي جاي🧐🙄
واسفه علي تاخير كان في مشكله ف النت🤦🏻عشان كدا نزلت ليكم بارتين 🌺
+
