رواية وشاءت الاقدار شيئا آخر الفصل العاشر 10 بقلم سارة اللومي
البارت العاشر ارتبكت بعدها نطقت بخوف : اتكلم سامعاك
- حاضر .... بصراحة عندي احساس ان انتي عندك حساسية من كريمة الفراولة دي قلت اذا كان ممكن اكل الصحنين
ضربته بمخدة
-بس كدة ! خذ كلهم كلهم ما تعيطش بس ،
و في سرها" وقعت قلبي الهي ربنا ما يوجع قلبك
-بجد ؟ آكل بإيه طيب بصباعي ؟
- بملعقة طبعا
- و هي فين يا شاطرة ؟؟
يعني هاعيشلك لحد امتى انا ؟؟ 
ماشي جايبالك يا مفجووع استناني .
راحت جري و هي بتتكلم في سرها -شكلك رومنسي عالاخر الليلة يا ايمن يا رب يحن قلبك عليا
رجعت له جري- حط قناتي فيه فيلم رومنسي حلو مستنياه هيبتدي قريب مهما شفته مش بأشبعش منه ،
ماشي يا عم الرومنسي اسمه ايه ؟
- اسمه the vow ,و خليك ساكت عشان اركز معاه
قعد يتفرج معاها حطت رأسها على كتفه و هو مشى ايدو ورا ظهرها حست بحنيته و احتواؤه كأنها في حضن امها و أخذها النوم.
-يعني هترجعلها ذاكرتها في الاخر و تفتكر جوزها ؟
مفيش رد
- سلمى انتي نمتي؟
- الله اكبر عليها قد ايه حلوة كأنها ملاك ، قلبه رجع يدقلها اقوى من قبل. حملها و حطها فوق السرير وطفى النور عشان يطلع.
-ايمن
-انتي صحيتي؟ حاولت احطك بشويش عشان ما اصحيكش.
ارجعي نامي تصبحي على خير
-ايمن ارجع ارجوك
، عايزاك تنيمي عندك زي الليلة إياها 
رد عليها بتريقة مع أنه كان فاهم عايزة ايه بس حب يعصبها حبتين : لا ي حبيبتي الليلة اياها كان عندك سبب قوي يعني كان عندك حق تدللي دلوقت انتي بقيتي زي الحصان اهو
-طيب يا ايمن شكرا وسامحني لاني قلقتك ليلتها بصت الناحية التانية و هي هتموووت من القهر
طلع من الاوضة بعد ما طفى النور ، كانت هتطق من الغيظ مش عارفة تنام ولا عارفة تعمل ايه مسكت تلفونها كانت هتكلم آية بعدها غيرت رايها و رمت التلفون من ايدها بعصبية وقع عالأرض اتدشدش و غطت راسها و نامت و هي بتعيط
كان واقف عند الباب و عارف انها هتفرقع من الغيظ و كان ناوي يستنى شوية بعدها يدخل لها بس اول ما سمع صوت تكسير فتح و دخل على طول
ما هانش عليه يسيبها تنام زعلانة، شال التيشرت بتاعه و راح اتمدد جنبها ، مارضيتش تلتفت و فضلت معاندة و زعلانة
بعد عشر دقائق اتكلم بخبث و هو حاطط ايده على كتفها و عامل نفسه هيقوم تاني - مش كنتي عايزاني أجي جنبك ؟ اديني جيت ، و لو مش عايزاني افضل معاك خلاص اديني ماشي ولا تزعلي.
-لااااا عايزاك تفضل !
التفتت بلهفة و خوف احسن يمشي بجد ،اول ما لفت لقته من غير تيشرت وشها احمرر و فضلت متنحة في جسمه و عضلات صدره و بطنه ما قدرتش تمسك نفسها
لفت ناحيته و شدته ليها بقوة و هو كمان حضنها بقوة
اتجرأت و باسته من خده بحب في اللحظة دي ما قدرش يمسك نفسه اكثر قرب ليها لحد ما اختلط نفسها بنفسهاا و التهم شفت'يها بقبلة كلهااا حب و حنين و شوق قلبه كان بيدق على اخره ما عادش قادر يمثل الكره اكثر من كدة ! مش كفاية السنين دي كلها اللي صبر فيها على بعدها ،هيصبر ازاي بعد كدة وهي قريبة منه كل ده؟
عدت الليلة من احلى ما يكون كانت ليلة العمر بجد اتجاوبت معاه ع الاخر. لولا ان هي قالتله انها مش بتحبه و بتحب حد ثاني كان شك انها بتحبه ! كان تجاوبها تجاوب حب و لهفة و شوق مش تجاوب رغبة و بس!
عند سلمى
افتكرت يوم ما جيه يتقدملها قد ايه عيطت و تمنت ابوها يقول لا. اول ما عدت الليلة عليها حمدت ربنا ان ابوها نشف دماغه و أصر يجوزها له، صحيت و هي بتفكر في اللي حصل ما بينهم
" ليلة انبارح كانت زي الحلم. لمسته حنينة اوي و كلها حب !يا ترى ايه حكايتك يا أيمن؟؟ مش قادرة احدد مشاعرك"
كان خايف عليها و بيدللها بطريقة رهيبة يكونش هو كمان بيحبها؟ المهم ان اللي حصل عمرها ما هتنساه كانت اجمل لحظات عمرها انها تعيش الاحساس ده في الحلال و مع الراجل اللي بتحبه ، حست ان ايمن من ليلتها بقى حياتها و ندمت اوي على السنين اللي ضيعتها من غيره.
صحيح هي مكانتش بتحبه من قبل بس كانت بتعاتب نفسها لأنها ما ادتلوش فرصة ساعتها ، كانت حاجات كثيرة اتغيرت. يفيد بإيه الندم اهو اللي فات مات و ان شاء الله اللي جاي احلى قررت تعمل المستحيل عشان تخليه يحبها و ينسى اللي سكنت عقله و قلبه صحيح مش سهل بس لازم تجرب و تعمل اي حاجة تقربها منه اكثر ، كانت عايزة تخليه ينزع قناع الراجل الصعب المغرور و يبقى على طبيعته اللي اكتشفتها اليومين اللي فاتوا و تاكدت منها امبارح
كانت على توهانها لما جاء هو حملها من ورا و دفن راسه في رقبتها جوة شعرها.
- ريحة شعرك هتجنني ...ااكذب على نفسي ليه ؟ انتي كلك على بعضك لذيذة و تتاكلي أكل
لف لها وشها عنده لقاها زي الطماطم
-ايه يا طمطماية هتتكسفي من جوزك ؟ انتي مراتي يعني بتاعتي ملكي و بيتهيألي بعد اللي حصل امبارح ماعادش فيه بيننا كسوف ، بعدين غمزلها و قالها بخبث -ما تجي نطلعوا اوضة النوم نزلنا ليه اصلا؟
- يووووه بقى مش هتفطر يعني ؟ هربت و هو جري وراها حصرها في المطبخ و قرب لشفايفها يبوسها هي يا دوب غمضت عينيها و هتسيبهمله جرس الباب رن
- الله يخربيت ابن الكل'ب اللي جايلنا عالصبح ده !!
ضحكت عليه - روح أفتح اوام
رد بمكر : عندي حل احلى ، اطفي النور خلينا في اللي احنا فيه و كأننا مش في البيت .
دفعته عنها و هي بتضحك
- رووووووح بلاش عبط هوما عارفين أن احنا هنا
مشى يتسحب بالعافية
-والله كنت حاسس ان اللي جاي عالصبح ده واحد ابن كل'ب. مش عليك آية انا على ابن الوس'خ اللي جاي معاك.
-سامي دخل جووة و هو بيدفعه من قدام الباب دفع بعدين همس له في وذنه
-مالك قلبك هيطلع من صدرك كنت بتعمل ايه يا وس'خ؟
- يخربيت ابوك مختارلي توقيت زبا'لة زي وشك تزورني فيه
اية طلعت تسلم على سلمى و وشوشتلها في وذنها:
- مالكم على الصبح فايقين ملهوفين على بعض ولا كأنكم نايمين سوا امبارح ههههه.
- بت
بلاش قلة أدب بقى - الله يرزقنا قلة الادب دي عن قريب ياااا رب
سامي و آية كانوا عايزين يطلعو 3 ايام اجازة و عايزين سلمى و ايمن يروحو معاهم.
