رواية انت دائي ودوائي الفصل العاشر 10 بقلم اماني الياسمين

رواية انت دائي ودوائي الفصل العاشر 10 بقلم اماني الياسمين

( الحلقه العاشره )
رنا:أفرش شقتنا بسرعه وأحجز أقرب ميعاد للفرح، عايزه نتجوز قبل آخر الشهر ،ممكن
حمزه: أيه طب ليه
رنا: مش قلت لك ماتقوليش ليه
حمزه: أولاً ماتعليش صوتك ،ثانياً انتى عارفه انى مش هنفذ كلامك الا لما أفهم
رنا:...............
حمزه: رنا،انتى بتعيطى
تعالت شهقاتها وقالت: لو بتحبنى ياحمزه نتجوز بسرعه ، عشان خاطرى من غير ماتسألنى ليه
تنهد حمزه وقالت: حاضر ، بس ممكن ماتعيطيش ،انا هعملك كل الى انتى عايزاه بس من فضلك بطلى عياط
رنا: حاضر بس زى ماقلت لك ياحمزه بسرعه
قال حمزه: خلاص ياستى عرفنا انك بتحبينى ومش قادره على بعدى وعايزه تتجوزينى بسرعه
ضحكت رنا من بين دموعها وقالت: انا مقلتش كده
حمزه: انا قلت كده،، هحاول أقنع نفسى وأرضى غرورى الذكورى وأقول ان هو التفسير الوحيد
رنا: ماشى ياحمزه
سكت حمزه قليلاً ثم قال بصوت مليئ بالقلق : رنا ،انتى كويسه
تنهدت رنا وقالت: كويسه ،ماتقلقش
حمزه: طب ياحبيبى ،روحى انتى نامى دلوقتى وانا هوضب كل حاجه وهكلمك بكره الصبح اقولك ع التفاصيل
رنا: ماشى ياحمزه ،تصبح على خير
حمزه: وانتى من اهله ياحبيبتى

أغلق حمزه الهاتف مع رنا وهو يفكر فى ماحدث وجعل رنا تطلب منه تعجيل موعد الزفاف وكيف أقتنع رامى بفكرة أن يترك لحمزه مهمة تأثيث البيت ،أسئله كثيره دون أجابات ظلت تعصف برأسه ولكن صوت بكائها مزق قلبه وسيفعل لهاما تريده وخصوصاً ان كان ما تريده هو الشئ الذى يحلم به

أمسك هاتفه واتصل بدنيا فردت عليه بصوت غلبه النعاس قائله: ايه ياحمزه
حمزه: دنيا فوقى كده عايز منك حاجه
دنيا: ما تأجلها للصبح
حمزه: لو ينفع تتأجل للصبح أكيد مكنتش كلمتك
دنيا: خيرررر
حمزه: بصى عايزه تكلمى مهندس الديكور يكون عندى بكره الصبح ضرورى تمام
دنيا: تمام
حمزه: وعايزك تشوفى فندق يكون فاضى يوم آخر خميس ف الشهر وأستعينى بأحسن ويدنج بلينر. عشان تجهز القاعه ف الميعاد وتشوفيلى أحسن ديزاينر فساتين ف مصر عشان فستان الفرح وأهم حاجه تركزى على انها تخلص الفستان ف أسبوعين ،دنيا بتكتبى ورايه ولا نمتى
دنيا: لا بكتب ،بس ده فرح مين
حمزه: فرحى انا ورنا
دنيا: نعم ،مش كان لسه ٣ شهور ع الميعاد
حمزه: حصل ظروف وهنقدم الفرح
سكتت دنيا قليلاً وقالت : هى رنا حامل
حمزه: انتى عبيطه يا دنيا ،رنا مين الى حامل انتى متخيله انى ممكن أخون الامانه وأعمل كده ولا متخيله ان ممكن رنا تكون كده
دنيا: براحه ياحمزه ، ماهو ده التفسير الوحيد للسربعه دى ، انا بديك مثل على الى الناس هتقوله لما تعرف ان الميعاد اتقدم
حمزه: ممكن تعملى الى قلت لك عليه من غير فلسفه
دنيا : أوك ، كله هيكون جاهز بكره قبل الضهر
حمزه: ماشى ،روحى كملى نومك
قالت دنيا فى نفسها وهى تغلق : هو بعد الى قلته ده ياحمزه فيها نوم
..................................

جاء الصباح وأستيقظت رنا من نومها ولكنها لم تتحرك من غرفتها فقد كانت تشعر انها لاتستطيع مواجهتهم بالخارج

طرق الباب وعلمت ان أخيها رامى من قبل حتى ان تسمح له بالدخول
دخل رامى وجلس بجانبها ع السرير وقال : رنا
رنا: رجعت العربيه يا آبيه
رامى بقلة حيله: أيوه
رنا: طب كويس ، صالحت ساره
رامى : اه ، وسكتت قليلاً ثم قال: حقك علييه يارنا
أرتمت رنا بين ذراعى أخيها وقالت: حقك انت عليه يا آبيه ،طول عمرى حمل تقيل عليك وانا مش حاسه
رامى: ماتقوليش كده يا رنا ،انتى عمرك ماطلبتى حاجه لنفسك
رنا: عشان كده انا أتجرأت و هطلب طلب وياريت تنفذهولى
رامى: ايه ياحبيبتى
رنا: انا عايزه أقدم ميعاد الفرح ، هنعمله آخر خميس ف الشهر ،عشان خاطرى يا آبيه ماتقولش لأ
رامى: للدرجه دى يا رنا
رنا: وجودى هنا مش هيسبب غيرالمشاكل وبعدين أتجوز بئه عشان تفوق لنفسك وقالت بصوت حاولت ان يغلب عليه صفة المرح وقالت : ايه مش عايز تتجوز البت ساره وتخلفولى عيل صغير أقعد أقرصه من خدوده ويقولى يا عمتو
ضحك رامى بسخريه وقال: ان شاء الله ياحبيبتى
رنا: خلاص ، يبقى جهز بدلتك يا أخو العروسه
ربت رامى على جانب وجهها وقال وهو يحاول ان يغلب دموعه : مبروك ياحبيبتى

قال ذلك وخرج من الغرفه

.......................

وصلت دنيا الى مكتبها وبدأت فى ترتيب المواعيد وبالفعل حصلت على ميعاد مع مهندس الديكور وميعاد مع منظمة الفرح فى المكتب وبفضل أسم حمزه الأنصارى حصلت على حجز لافضل قاعه فى أفخم فندق

دخلت الى حمزه مكتبه
حمزه: عملتى ايه يا دنيا
دنيا: تمام كله أتظبط ، الحجز هيكون آخرخميس فى الشهر فى فندق (....) وأتفقت مع علا شاهين أفضل ويدنج بلينر فى مصر وهى هتظبط القاعه وكمان اتفقت مع بسمه جمال مصممة الفساتين ودى طبعا محتاجه تشوف رنا عشان تقولها على الى ف دماغها وتاخد مقاساتها وأكدت عليها ان الفرح كمان أسبوعين ، وكلمت المطبعه وطبعت الدعاوى وحجزت كمان أحسن بيوتى سنتر للعروسه
حمزه: لأ انا عايزك تحجزلها غرفه ف الفندق يوم الفرح والماكيره تجيلها هناك مش عايزه تروح بيوتى سنتر
دنيا: سهله مفييش مشكله، هتيجى أمتى رنا تشوف الديزاينر
حمزه: بكره ،الغى اى مواعيد الصبح انا هروح أجيبها واتفقى مع المصممه على بعد الضهر وانا هوديها ليها بس سبيلى عنوان الاتيليه
دنيا: تمام ، كده مش ناقص حاجه
حمزه: هشوف واقولك ميعادك مع مهندس الديكور هيكون كمان ساعه ،بس انا عايزه اعرف حاجه هى رنا مش هتنقى عفش بيتها
حمزه: هى مفوضانى اعمل كل حاجه ،انا مش عارف مالها ولا ايه الى خلاها تطلب منى آقدم الفرح
دنيا: طب وليه مسألتهاش
حمزه: تفتكرى ماعملتش كده بس هى مارضتش تقولى
دنيا: وانت من أمتى بتعمل حاجه من غير ماتعرف ليه
حمزه: صوتها كان مخنوق وأعدت تترجانى ، وبعدين انا أصلاً عايزه اتجوزها انهارده قبل بكره فلما هى الى تيجى تقولى أشغل نفسى ليه وعشان ايه
دنيا بسخريه: اه قلت لى ، الموضوع عشان جه على هواك
حمزه بثقه :بالظبط كده ياله روحى بئه كملى الى كنتى بتعمليه
دنيا: طيب انا حطيت قايمه مبدأيه للناس الى هنعزمهم وهديهالك شيك عليها ولو عايز تضيف حد ضيفه قبل الدعاوى ماتوصل وبكره الصبح قبل ماتسافر نبعت محسن المطبعه يجيبلك ٢٠٠ دعوه عشان تديهم لرنا توزعهم لقرايبها ،معلش بئه الدعاوى عملتها على ذوقى انت زنقنى ف الوقت ولازم الدعاوى توصل للناس بدرى
حمزه: تمام يا دنيا ، مش عارف من غيرك كنت هعمل أيه ،بجد عماد معاه جوهره
قالت دنيا بسخريه وهى تخرج من غرفتها : قوله عشان مش مقدر

بعد ساعه وصل مهندس الديكور واتفق معه حمزه على الموعد الجديد لتسليم الشقه وأختار معه الأثاث الناقص

.........................................

سافر حمزه ف اليوم التالى الى الاسكندريه لمنزل رنا ، لم يبلغ رنا بنيته للسفر لها

وصل حمزه الى منزل رنا وأستقبلته زوجة أبيها بضحكه صفراء وأعلمت رنا بوجوده

خرجت رنا بهيئتها الذابله وعيونها المنتفخه من كثرة البكاء وأنف أحمر
عندما رأت رنا حمزه لم تشعر بنفسها الا وهى تلقى بنفسها بين ذراعيه وتنتحب على صدره
رنا ببكاء: انت جيت عشانى ،صح
مسح حمزه على شعرها وقال: آه ياحبيبتى .... طمنينى بس فى أيه ولا اقولك روحى ألبسى هننزل نفطر بره ونتكلم

لم ترد رنا ،أبتعد عنها حمزه ورفع رأسها وقال: ياله روحى البسى وانا مستنيكى
أومأت رنا برأسها وقالت: بس أتصل برامى عرفه
حمزه مبتسماً : ماشى روحى انتى

ذهبت حمزه الى غرفتها وبدلت ملابسها وأستأذنت من زوجة أبيها التى رمقتها بنظره لا مبالاه فأنصرفت من إمامها وخرجت مع حمزه بعدما تأكدت من موافقة أخيها

ذهب بها حمزه الى أحدى الكافتيريات التى تطل على البحر وجلس أمامها وأمسك يديها وقال : قولى لى بئه مالك ، وماتقوليش مفيش
تنهدت رنا وقالت : هحكيلك ، بس مش عايزه حد يعرف انى حكتلك
حمزه: احكى يا دره ،انتى مش بتحكى لعيل صغير
رنا: آسفه ، هحكى

قصت رنا كل ماحدث معها من يوم ما كانت هى وأخوها فى القاهره الى اليوم

حمزه: كل ده حصل يا رنا ومش عايزه تحكييلى
رنا: مكنش ينفع اتكلم ، و دلوقتى لقيت نفسى مش قادره أسكت ،كنت هتخنق لو كنت سكت أكتر من كده
حمزه : خلاص ياحبيبتى ،ماتزعليش نفسك ،احسن حاجه انك قلت لى اننا نقدم ميعادالفرح ،هنكون ف بيتنا وتبعدى عنهم كلهم وبكره يحسوا بقيمتك
رنا: بس مش هو ده الى كان ف دماغى ،انا حسيت انى بجد بقيت حمل على كتف رامى وبسببى هيخسر خطيبته ومامته فحبيت أخف عنه
حمزه: رنا مش عايز أشوفك زعلانه ، بصيلها من ناحييه تانيه ، بصيلها اننا قريب اوى هنكون مع بعض نصحى مع بعض وننام مع بعض ،وركزى اوى على ننام مع بعض دى
خجلت رنا واحمرت وجنتيها وقالت: حمزه ،مش هيجى يوم تندم وتقول يا رتنى ما أستعجلت
حمزه: مش هجاوبك هسيب الايام هى الى تجاوبك ،ممكن ياله خلصى فطارك ورانا مشاوير كتير جداً،ولسه هنسافر القاهره

رنا: القاهره
حمزه: اه هنسافر انا كلمت رامى وقلت له ،عندنا ميعاد مع الى هتصمم لك الفستان وبعدها هسيبك لدنيا تجيب كل اللبس الى نقصك ،لبس للبيت ولبس للخروج وكله ،خلصى كل حاجتك انهارده وبعدها نرجع بليل
رنا: تعرف انا مفكرتش فى كل ده وانا بقولك نقدم الفرح ، مفكرتش انى مش عندى هدوم ولا فكرت فى فستان الفرح ولا اى حاجه
حمزه: بصى من هنا ورايح ماتفكريش احلمى وانا أحقق حلمك وبأحسن طريقه
أبتسمت رنا وقالت: بحبك ياحمزه
حمزه: هو ده المطلوب ، دايماً أفضلى قوليها

أبتسمت رنا وانهت فطارها وبعدها أنطلقوا الى القاهره وهناك سلمها حمزه الى دنيا ،أكتشفت رنا ان لحمزه كل الحق فى الاعتماد على دنيا فهى بجانب انها أمرأه جميله أمرأه ذكيه جداً وذهنها حاضر تكاد تجزم انها لم تنسى أى شئ

بدأوا برحلتهم بالاتيليه وهناك تقابلت مع الديزاينر بسمه الجمال التى كانت بدورها مرأه جميله وذات ذوق رفيع ،ارتاحت رنا معها كثيراً وتوصلت معها على شكل فستانها ووعدتها انه سيكون جاهز بالميعاد المتفق عليه وطلبت منها دنيا ان تخيط لها ثلاث أثواب للسهره يناسب المحجبات وعندما تعجبت رنا فأخبرتها انه لزوم حفلات حمزه ، بعدها أنطلقوا الى المولات لشراء كل ماتحتاجه رنا من ملابس سواء للبيت او الخارج ، حاولت رنا ان تدفع ثمنهم ولكن دنيا أخبرتها ان حمزه أعطاها بطاقته الائتمانيه ووضع تحت أمرها ميزانيه مفتوحه لتشترى ماتشاء

دخلت رنا مع دنيا الى محل لقمصان النوم ،بدأت رنا فى أختيار الغلالات المحتشمه والتى يصاحب كل منهما روبه الخاص

هتفت دنيا بحنق : ايه ده يا رنا الى بتختاريه ده
رنا: ايه يا أبله دى قمصان نوم
دنيا بسخريه: أبله وكمان قمصان نوم فى جمله واحده ..... بصى يا رنا أولاً انا مش أبله وثانياً ماينفعش انك تقولى على دول قمصان ،سيبينى انا هختارلك ماشى
رنا: ماشى يا ...
دنيا : ها ،اسمى دنيا ،دنيا بس
رنا: ماشى يا دنيا
بدأت دنيا فى أختيار غلالات جريئه والوانها صارخه ولم تهتم باعتراضات رنا
دنيا: اريحك ،روحى اختارى الى انتى عايزاه، وانا اختار الى انا عايزاه تمام
رنا: تمام

انتهت رنا ودنيا من رحلة التسوق ورجعوا الى شركة حمزه محملين بالكثير من الشنط

دخلت دنيا ورنا على حمزه مكتبه وقالت دنيا: حمزه ، على ما أعتقد كده حسابك بئه زيرو

قام حمزه من مكانه. وأمسك يد رنا وقال وهو ينظر فى عيونها : فداكوا
دنيا: لأ فدا مين ياعم ،فدا مراتك
حمزه: معلش تعبتك معانا يا دنيا
دنييا: ولا يهمك ياسيدى ، بس آخر حاجه عايز بسبور رنا عشان نحجز الهنى مون
رنا: انا مش عندى بسبور
نظر حمزه الى دنيا وقال: أتصلى يا رنا باللوا خالد وخليه شوف موضوع البسبور وانا دلوقتى هاخد رنا واصورها وتكون عندك الصور بكره
دنيا: علم وينفذ
خرجت دنيا فالتفت حمزه الى رناوقال: جبتى كل حاجتك
رنا بابتسامه: اه ،على فكره انا معايه الفلوس الى ادهالى جدى وكان ممكن...
حمزه: ماينفعش يا رنا ، خلى فلوسك معاكى وياله عشان نمشى عشان الحق اروحك
رنا: تعبتك معايه يا حمزه ،كده هتسافر اسكندريه وترجع مرتين فى نفس اليوم
حمزه: تعبك راحه ياحبيبى ، وماتخافيش انا هخلى دنيا ترصلك حاجتك وبعد كده تبقى ترصيها انتى على ذوقك تمام
رنا: تمام
... .. ..........................

مرت الايام حتى جاء اليوم الموعود يوم الزفاف سافرت رنا مع أخيها وساره وزوجة ابيها الى القاهره صباحاً وذهبوا رأساً الى الفندق حيث يقام حفل الزفاف ، صعدت رنا الى الغرفه التى حجزتها دنيا لها وبدأ العمل

حضر فريق البيوتى سنتر بأكمله والديزاينر ومساعدتها وتحول المكان الى خلية نحل ،الكل يعمل ودنيا تعطيهم الأوامر ولا تفوت صغيره او كبيره اهتمت بكل التفاصيل وعدلت كل شئ ،اما ساره وساميه كانوا جالسين على كراسيهم كالضيوف
عرضت دنيا على ساره ان تزينها أحد مساعدين الماكيره فوافقت بسعاده واكتملت سعادتها عندما نظرت الى وجهها ف المرأه
أخيراً انتهت التحضيرات واطلت العروس بهيئتها الملائكيه وبفستانها الابيض الجميل
الفستان كان أبيض بالطبع ومزين بفصوص فضيه على الصدر وعلى الاكمام ،ضيق حتى الخصر ثم يتسع كثيراً من بعده وقامت الماكيره بربط الطرحه المزينه بالفصوص الفضيه على رقبتها بطريقه جميله اما ميكياجها فأبدعت فيه ، صمم ميكياجها ليظهر عيونها العسليه وفمها الصغير وشفتيها الجميلتين بأختصار كانت جميله جمال مبهر

تأبطت ذراع أخيها ونزلت السلم وبعدها أخذها منه حمزه ،لاتعلم ماقاله رامى لحمزه ولم تشعر برامى وهو يقبلها على جبينها ويسلمها لحمزه ،هى ببساطه كانت خائفه وترتعش

تأبط حمزه ذراعها وربت على يديها وقال : أيه القمر ده
رنا: شكراً

بدأت مراسم الحفل كالعاده برقصه للعروسيين ،وضعت رنا يديها على كتفى حمزه وهو وضع يديه على خصرها
أقترب من أذنها وقال: مالك ،بتترعشى ليه
رنا: مفيش بس
حمزه: بس ايه
رنا: مش متعوده ان الناس كلها تبص عليه
حمزه بابتسامه : ده عشان انتى قمر بس

أستمرت الرقصه لفتره وبعدها بدأت مراسم الحفل ولكن رنا لم تشارك فيها فقد حرج عليها حمزه ان ترقص او تقوم من مكانها

انتهى الحفل وودعت رنا أخيها بالدموع وسلمت عليها ساره واحتضنتها بشده وقالت : ماتزعليش منى
ابتسمت رنا لها وقالت : مقدرش ازعل منك
سلمت عليها زوجة ابيها والدموع فى عيونها وقالت لها : دلوقتى بس أبوكى ارتاح ف تربته
ترقرقرت الدموع فى عيون رنا عندما تذكرت أبيها
تدارك حمزه الموقف وسحب رنا من ذراعها وركبوا سيارتهم متجهين الى منزلهم
دخلت رنا الى منزلها وهى تراه لأول مره وكانت ترتعش من الخوف وحتى تدارى خوفها بدأت فى مشاهدة الشقه ،فتحت الغرف لتشاهدها جميعها وعندما وصلت أخيراً الى غرفة النوم الرئيسيه تفاجئت بحمزه خلفها

حمزه: عجبتك الشقه
شهقت رنا : خضتنى ياحمزه،انت دخلت أمتى
أقترب منها حمزه وأمسك بكتفيها وقال : مالك يا رنا انتى بتترعشى ليه ،انتى خايفه منى
أطرقت رنا برأسها لأسفل وقالت : لأ مش خايفه ، انا
حمزه: انتى ايه
رنا: مش عارفه ،الموقف بس جديد عليه
حمزه: أكيد ياحبيبى عشان دى اول مره تتجوزى ولا ايه
أبتسمت رنا وقالت : اه
غمز لها حمزه بعيونه وقال: طب ايه ،مش ياله
انتفضت رنا وتراجعت للخلف وقالت: ياله ايه
ضحك حمزه بشده وقال: ياله نصلى ،انتى مخك راح فين

عضت رنا على شفتيها وقالت بخجل : أصل ،اصل
حمزه: اصل ايه ،اخلعى فستانك واتوضى وتعالى نصلى ركعتين السنه
رنا: لأ مهو انا مش هينفع اصلى
حمزه: ليه
أحمرت رنا بشده وقالت بتلعثم : عشان انا عندى ظروف تمنعنى من الصلاه

الحادي عشر من هنا 

تعديل المقال