رواية قلوب من حجر الفصل العاشر 10 بقلم الكاتبة رانية ماهر
#البارت_العاشر
بارت مفاجئ لعيونكم😍😍😍😍😍
انور.... مقتنعت بكلام اريج وچنت دائما
اجي اوگف بعيد عن بابهم وراقبهم وچنت شاك انو اكو شي من گالت ما اجي للدوام
وچنت اتمناهه تطلع واشوفه ويوم من الايام دراقبهه وفجاة شفتهه طلعت واخذت
علاگه من ولد اعتقد ادوية اباوع معقولة هاي اريج لا اكيد مو هيه وجهه كله مورم
واثار ضرب مبينه متحملت دگيت الباب عبالي راح تطلعلي هيه بس طلعلي ابوهه
ابو اريج.... هاي شعندك انته اهنا الظاهر مستوعبت لا انته ولا ابوك مو گتلك بنتي ما انطيهه اشگد لزگه يلا رووح مناا روووح
انور.....عمي والله مو قصدي بس ردت اطمن على اريج واشوفهه
ابو اريج....اشون عين صلفه وفوگاهه يگلي اريد اشوف بنتك شنو تايهتلك بنتي
انور...زين عمي بطلت ما اشوفهه بس گلي منو لمسوي بوجهه هيچ
ابو اريج...وانته وين شفت وجهه اووف يربي اشون بلوه عليه.. اني سويت عندك مانع واكسر راسهه هم
انور....متحملت من گلي هيچ وبكل برود اعصاب راسن ضربته بوكس وبدينه واحد يضرب الاخ
اريج...طلعت ولگيت ابوية وانور واحد خانگ الثاني ووجهم كله مدمه رحت اركض
عليهم (شدسون انور عوفة لابوية لخاطري)
انور....هاي الخاطرهه عفتك بس والله والله مره ثانية لو دريت بيك لازمهه او ماذيهه متلوم غير نفسك
ابو اريج...اضربهه واكسر راسهه هم تعالووو اخذو منااا
اريج.....ابوية صااح علحراس وطلعوو انور برره
انور...راح ارووح بس راح ارجع ارجع واريج اليه ومصير لغيري فعلا طلعت ورحت
جمعت زلم وانطيتهم فلوس وگتلهم بس ارمو علبيت ولتاذون اي احد ورحت لبيت
اريج ورميت على بيتهم گتله هسه اطلع اريج لو متلوم غير نفسك
اريج...ورة ساعتين من طلع انور چان نسمع صوت الرمي على بيتنة اتخبلنه وكلنه
ختلنه جوه وسمعت صوت انور يصيح برره يربي فدواتك كلشي ولا احد يتاذه
ابو اريج...لحد يطلع الظاهر هذا الولد ميعرف ويامن بلش ديخوفني بطلقات مالته
اريج...شفت ابوية اخذ سلاحه وطلع تخبلت لا يابه فدوة لتطلع
ابو اريج...هوه كله من وراااچ المشاكل وهوه بداهه مو احنه
اريج...خفت على ابوية ليروح يصير بي شي وبنفس الوقت خفت لا يتهور ويضرب انور وكلهه توگع براسي
ابو اريج....طلعت واتصلت باخوتي يسلحون ويجون وچانو قريبين علينه طلعت وهمه بنفس الدقيقه اجوي
انور...شفت ابو اريج طلع وگتلهم نزلو اسلحتكم لان مردت احد يتاذه بس ردت اخوفه
ابو اريج.....الظاهر متعرف لبيت منو جاي انته لو ابوك نائب ترره هوه ورتبته
ميگدرولي ولا عبالك هاي سوالفك معرفتهه جاي تضربلي طلقات علبيت دتخوفني لا
عيني مو اني الاخاف انته غلطان وهسه تلم جماعتك وتروح ترره والله هسه كلكم
اجطلكم بلگااع وبنتي وياكم وماعندي مانع
انور...اباوع عليه جاب اخوته وولد اخوته وكلهم وجهو الاسلحه علينه وچان شكله
شراني وظل يهدد بيه وعرفت بي يسويهه والظاهر هذا شغلته كلهه عشاير ميتفاهم
بلقانون يعني مراح اگدرله سحبت الولد ورحت لبيتنه وگتله الابوية لو ازوجني
لاريج وتقبل بلمهر مال ابوهه لو اتبره منك واني لا ابنك ولا اعرفك
ابو انور....انته شگاعد تحچي شفته اشون طماع هذا گاعد يستغلنه واني حلفت بعد
هاي البنيه ما اريدهه ولا ازوجهه الك شناقصك انته
انور....دگلك اريدهه وما اخذ غيرهه
ابو انور...لا الظاهر انته زودتهه هواي
انور....يعني مصر على قرارك
ابو انور...اي مصر
انور....رحت وجبت مسدس وسحبته وخليته على راسي
ابو انور.... هاي اشگاعد اسوي اتعوذ من الشيطان وذب السلاح من ايدك
انور....هسه تروح لبيتهه وشيطلب ابوهه گول موافقين واذا مرضيت راح اموت روحي والله
ابو انور...تقربت عليه بهدوء ابني لتتهور وجيبه ولتضيع شبابك على شي ميسوه
انور...شفت ابوية تقدم عليه ديريد يجر المسدس مني جره من ايدي واني راسن دست بلمسدس وصارت الطلقة بچتفي
وابوية ظل يحاول ياخذه مني ضربت مره ثانية وما اعرف الطلقة وين راحت اباوع على ابوية لزم صدره وگام ينزف اني
تخبلت يربي اني شسويت موتت ابوية نسيت الضربه مالتي ووجعي رحت اركض
علحراس شلنه ابوية ونقلنااا للمستشفى
مباشرة ....استاذ انور انته هم گاعد تنزف لازم يسحبون الطلقة منك ويعالجون ايدك....
انور...اباوع على روحي من فوگ ليجوة دم دخلوني وسحبو الطلقة مني وابوية چانت
الطلقة قريبة على كليته وراد يروح بيهه بس الله ستر والحمدلله تحسن
ابو انور...ليش هيچ هاي تالي عمري ابني يضربني چان المفروض ما اخاف على
روحي من اعدائي اخاف منك واخلي الحرس يحموني منك مو من الغربة هاي
تالي عمري تربيتي وتعبي يضيع علمود مره حسافه بيك والله وهسه ما طول بعد عندي
رووح خلي اوگفگ على حدك.... شباب تعالوو
انور...اباوع على ابوية صاح علحراس
ابو انور....تاخذو غصبا ما عليه للبيت
وتحبسو وميطلع الباب الظاهر هواي طلعت عيونك ومصختهه واحتمال بعد ما اگدرلك
انور....اخذني ابوية وحبسني وحرم من عندي كل الاجهزة وما اگدر اطلع باب الغرفة
اريج.....بعد مصارت هاي المشكله ابوية
حبسني بغرفتي واخذ من عندي الموبايل
وچنت دائما احاول اتصل بانور بسكوت من موبايل مرت ابوية بس ميجاوب على
اتصالاتي بس كلعادة ابوية مسكت جمع العشيرة كلهه ودز على ابو انور وعرفت انو
انور ضارب ابو بعد ما راح مناا سوو گعده
واتخبل ابو من سمع بي رمه على بيتنه
وحته هيچ زواج ما اريده لان من بدايته صارت مشاكل وحته لو اخذني بلغصب ما
راح اگدر اعيش وياا نهائيا فقررت انو اتركه وما اتصل بي بعد نهائي
ابو اريج.....ابو انور ابنك اهواي زودهه واذا اندگ بينه مره ثانيه اخلي دمه بطوله بس
الظاهر انته مگاعد تگدرله وهلشي واضح من الطلقة الضاربهه عليك
لذلك خلي علينه احسن واحنه نعرف شغلنه ويااا
ابو انور... لا فدوة احسبوهه عليه وابني راح اسفره للخارج وبعد ما ارجعه ولا اخلي يندگ بيكم وعااد اذا وصلكم اكتلو واني بنفسي راضي
ابو اريج...خوش لعد هيچ متفقين
انور....صارلي مده محبوس وبعدهه سمعت ابويه يريد يسفرني تخبلت واتعاركت ويااا
وگتله مستحيل اعوفهه سويت كل هذا
على مودهه وتريدني لعوفهه
ابو انور....شسويت علمودهه غير بس المشاكل وهيچ راح اجيب الاذيه للبنيه
واهلهه الظاهر شرانيه يكتلوك ويكتلوهه وميرفلهم جفن
انور.....سفرني ابوية بلغصب بس اريج ابد منسيتهه ولا گدرت انو انام ليله وحده اذا
ما اتذكرهه حيل اتعذبت بعد مفارگتهه
وشكلي اتغير واكل بلغصب اكل بس بلا
فايدة شكد حاولت ويه ابوهه لا بلتفاهم انطاهه ولا بلغصب انطاهه
اريج.... گلت اني لازم ارجع اشتغل واكمل حياتي بس هاي المره مستحيل احب احد
ولا اخلي اي احد يدخل لحياتي حچيت ويه ابوية ووافق بعدهه تركت الشغل البشركة وتعذرت من ابو انور
ابو انور....والله بنتي تدرين شگد حاولنه انو تجتمعون بس الظاهر كلشي قسمه ونصيب واني چنت حيل اتمناچ تكونين الانور
اريج....شسوي عمووو ابوية شراني ومن وراا غير بس المشاكل وانته عرفته بس
نگول الحمدلله على كل حال وسلملي على انور وگله لو تحبهه صدگ دگول خلي يشوف حياته والله يوفقه انشالله
ابو انور...انشالله بنتي
اريج....رجعت اشتغل بلشركة الچنت اشتغل بيهه مال اعلانات المكياج بس راتبهه چان
قليل فاشتغلت ويه هاي الشغله مودل مال ملابس من بعدهه التقيت ببنيه اهناك
وصادقتهه وعرفت بيه عندي شهاده مال معهد فنون
اسراء...اريج انتي لو عندچ شهادة لعد ليش مصيرين ممثلة مسرح وراتبهه زين
اريج....علواا بس هاي وين اگدر احصلهه
اسراء...اني اعرف ناس وراح احاول اتوسطلچ حته يقبلوچ
اريج...وفعلا قبلو وگالو نختبرهه علمسرح اذا عجبتنه نوظفهه
رحت واختبروني بلتمثيل وكلش عجبهم ووافقو عليه طلبوو من ان اشارك بهواي برامج على وبقناة معروفة
وبيوم راس السنة چنت طالعة اني وصديقاتي دنحتفل وگلت انفهه عن نفسي
شوية اتصل بيه رقم جاوبتة وچانت الصدمة المچنت متوقعتهه
