رواية قلب لم يكن بالحسبان الفصل الحادي عشر 11 والاخير بقلم جمانه السعيدي
الحجي... كاعدين نسولف واجاني اتصال رقم غريب
الحجي...الوووو
.. حجي بس اريد اكلك ابو رنا قتل نسيبه
الحجي.. انت منو يمتى هذا الحجي
...قبل ساعه خاف رنا تريد تشوفه لو تساعده
رنا...شكو حجي شصار
الحجي...يكولون ابوج كتل نسيبه
رنا...يايمه تحجي صدك يعني مات خلاص
الحجي...دقيقه اروح اسئل شنو القصه وارجع
رنا...حجي طمني فدوه لا تنساني
الحجي...هسه شويه وارجع
رنا...ابوي حتى بااحلى ليله بحياتي يطلعلي مصمم بخرب كلشي والنوب قتل بس الله يستر
لميت الكيك والورد ونضف المكان
غيرت ملابسي وفتحت التسريحه
ساعه واني كاعده انتظر الحجي مااريداتصل علي
خاف يصير عصبي عليه بقيت كاعده انتظره
رجع عليه
رنا. هااا حجي شصاير
الحجي...ابوج رايح مشتري سجينه جديده ومتحضر
يريد يذبح نجاة وياخذ فلوسه منها
سامع من الأقارب نجاة متفقه ويا ابن خالتها من تخلص العده يزوجون طلعت تحب ابن خالتها من زمان
ابوج من سامع هذا الكلام متخبل
يعني نجاة راح تأخذ فلوسه وتزوج حبيبها
طلعت تلتقي بابن خالتها بيتكم من ابوج جان بلسجن
ابوج مقرر يروح يرجع فلوسه منها
منتظر اخوها يطلع من البيت وداخل عليها
لازمها ويهدد بيها اطلع الفلوس لو يقتلها
جهالها يبجون عليها شويه وراجع اخوها للبيت
ناسي تليفونه وراجع ياخذه
داخل للبيت لكا ابوج لازم نجاة وبهددها يريد الفلوس
متعاركين بينهم ابوج واخوها وابوج ضاربه بلسجينه
قاتله بنفس اللحظه
باقيه نجاة تعيط مجمعه الناس عليهم
ناقلين اخوها للمستشفى ميت
طالعه الشرطه
ادور على ابوج ولا زمينه
معترف للشرطه يكول اني ردت اخوفها وأخذ فلوسي مو قصدي اقتل اخوها
رنا...وهسه شلون
الحجي....لازم ينحكم هاي قضية قتل مو لعبه
رنا...ضيع نفسه علمود الفلوس ونجاة خسرت اخوها علمود الفلوس
كاتلهم الطمع كل واحد خسر اعز شي يملكه علمود الفلوس
هو خسر حياته وهيه خسرت اخوها
الحجي....كولي كلمن اخذ جزاء عمله
رنا....هسه عندك فلوس ضمهن بلمصرف او اي مكان ماتعرفه نجاة
الحجي...وداعتج هاي حكمه من رب العالمين
حتى يكشفهم وواحد كدام الثاني نجاة عدها نية غدر من زمان وابوج كاتله البخل والطمع
وواحد انكشف كدام الثاتي
رنا....ولله عدهم عقليات متخلفه
الحجي....تردين ترحين اشوفين ابوج
رنا...لا مااروح هو غلط ويتحمل نتيجة غلطه
جمانه السعيدي
هاي القضيه بقت اشهر بلمحكمه
وانحكم ابو رنا اعدام
ونجاة خسرت نص الفلوس على المحامين حتى تثبت التهمه على ابو رنا وياخذ اعدام
ابن خالتها عافها بعد هاي المشكله ومايقبل يرتبط بيها
لان طلع علي حجي وجان اجت رجله بلقضيه
اما نجاة خسرت كلشي بيتها ورجلها والفلوس وحبيبها
بقت عايشه بيت اهلها اما بيت ابو رنا بقى مقفول
اذا انعدم ابو رنا يتحول حصة الورثه
الي هما رنا وأخوانها ثنيينهم
بهاي الفتره والاشهر الي مرت رنا صارت محترفه بشغلها
وصارت تنطلب بلاسم داخل الصالون
وصار عدها مصدر معيشي خاص بيها
رغم كل محاولاتها تقرب من الحجي بس هذا الزواج بعده ما تم فعلا العلاقه بينها وبين الحجي احلى مايكون
يحبها وتحبه بس اكو شي يمنع هاي العلاقه أتم بينهم
جمانه السعيدي
الحجي...اعتقد اني وفيت وعدي وياج وماقصرت باي شي
صرتي انسانه قويه
وعندج شغلج الخاص وحتى ابوج طلع من حياتج
ومراح يرجع مره ثانيه يخرب حياتج
اني هيج كملت مهمتي راح اسجل هذا البيت باسمج
حتى يبقى ضمان اللج
وعندج شغل تعيشين منه وراح ابقى اراقب حياتج
حتى احميج واي شي تحتاجي اني حاضر
رنا....اذا تعوفني اقتل نفسي اني احبك احبك
مستحيل تتخيل اني شكد متعلقه بيك
حجي اني هلمره اطلب منك تكمل هذا الزواج
اني اريد هذا الزواج يكمل
الف مره ردت اكولك هذا الكلام بس كنت اتردد
اني مستحيل ارتبط بواحد غيرك
انت عوضتني كل احساس فقدته بحياتي اني لو أكرس عمري كله الخدمتك مراح اجازي ربع من التعب الي تعبته عليه
الحجي...بس هذا الزواج ما متكافى فرق العمر بينا جبير
وراح تتندمين
رنا...بعمري مراح اتندم الي تاخذ واحد مثلك
مستحيل تتندم حجي اني مو بس احبك
اني اعشق كل تفاصيلك ريحتك كلامك نضراتك
انت الحلم الي دعيت رب العالمين وتحقق
الحجي...خايف من هذا الارتباط يكون حقيقي وبعدين تتندمين
رنا...حجي اني اتندم وعليمن عليك انت صدك تحجي
واذا تريدني اروح وياك البيتك
واشتغل خدامه جوه رجليك ماعندي مانع
احلفك بكلشي عزيز عليك لا تعوفني مراح اعرف اعيش
من دونك اني ادمنتك ادمنت وجودك بحياتي
تتخيل اذا واحد مدمن بسهوله يتعالج من الدمان
الحجي...تعرفين اني ماعقدة بلمحكمه ليش
لان جنت ناوي اعوفج تعيشين حياتج ويا غيري
مااريد ينكتب بلبطاقه مطلقه
رنا...انشاء الله مراح ينكتب عني مطلقه باي مكان
لان مامستعده اعوفك ابد
جمانه السعيدي
الحجي ...بعد سنه من زواجنا تحقق هذا الزواج وصار فعلي
وعقدنا بلمحكمه
صارت رنا زوجتي وأم ابني
صح هذا الموضوع ازعج ام امير
بس مادام اني ما منقص عليها شي
ولا راح انقص مالها حق تزعل عليه
هذا شرع رب العالمين واني عادل بينهن من اللحظه الاولى
يمكن اني بلبداية ااكدتلها هذا الزواج على الورق
بس ابقى بلاخير اني انسان
مهما كان عمري عندي مشاعر وااكدر احب
ورنا دخلت كلبي من اول ليله دخلت بيها بيتي
صدكو لو موافقه رنا على الانفصال جان صار بيه شي
اني احبها ااكثر ماهيه تحبني
من اكون وياها انسى عمري وانسى اني منو
احس نفسي ارجع شباب
حبنا اني وياها ابد ما تغير بلعكس صار اقوى اكثر
عمر زواجنا حاليا اتلث سنوات
عندي منها ولد
وصارت صاحبت اكبر صالون بلمنطقه
اما ابوها الحد الان بلسجن بعد حكم الاعدام ما تنفذ
كل كم شهر ادزله مصرف واكل من شغلها الخاص
ادزه بيد الناس هيه ماتروح للسجن
ما تقبل تروح تشوفه
وهنا انتهت قصتنا
قلب رنا هو القلب الي ماكان بلحسبان
بعمري ماكنت مصور راح ازوج زوجه ثانيه
واحبها كل هذا الحب
شكرا للمتابعه ودمتم سالمين
