رواية ليتني واجهتك الفصل العاشر 10 بقلم مريم الطائي
بارت 10
ليتني واجهتك
الكاتبه :: مريم الطائي
اليوم بقيت صافنة بعيونة
چنت أَحاول أحفظ ملامح وجهة
عيونة
رموشة
شامات رگبتة
طريقة كلامة
شلون يضحك
وشلون يحرك بيدة
عيونة تعبتني وضيعتني
أكثر من ضياعي هسة !!
دخل عبدالله لغرفه
عبدالله :ها علوش محتاج شي
علي::سلامتك حبيبي
عبدالله؛: سدره عوفيني مع علي اشويه من رخصتج
سدره:ها اي
طلعت بره واني ابلع بريكي عبدالله ليش طلعني من الغرفه وكفت يم الباب اريد اسمع اش يحجون سمعت عبدالله يكول لعلي ع كيفك
وعلي دا يتوجع
عبود حييل متاذي بس اني ماريد ابين ضعيفي كدام احد
حقك ابن عمي بس كول يالله وع كيفك كوم
اشويه وعبدالله طلع يصيحني
تعالي سدره فوتي
دخلت لكيت علي يمسح بايدينو بل خاولي عرفت ماخذو لحمام
اشويه وعمي وعمتي اجوي مع ابو حسن سلمو ودخلو
ام علي؛: سدوره ماما روحي ارتاحي هليوم ب بيت ابو حسن وباجر تعالي من الصبح
سدره؛: لا عمه ماعوف علي
ام علي؛: روحي امي ميخالف انت تعبتي وجبتلج معايا اغراض
علي؛: روحي عيني ارتاحي هاي امي وابويا موجودين
سدره؛:وانت اعوفك
علي؛ باجر تعالي
سدره؛:اوكي
علي؛عبدالله انت روح مع سدره
ابو حسن ؛: ياهلا بيكم لعد اني راح انتظركم جوى بس بين ماادخن
طلع ابو حسن
عبدالله؛:ماكدر اعوفك وحدك
علي؛: لعد شلون اعوف سدره ب بيت غريب روح انت اخوها روح معاها هم ترتاح وهم امنها عندك
(بس اريد اعرف ضمير عبدالله وين جان من علي كالو هذا الكلام)
عبدالله؛ماشي يالا سدره امشي
سلمت وطلعت ومشينا سوى
تعرفين مشيتج معايا حلوه
عبدالله انت وين ضميرك
هههه ماعرف احد اسمو ضمير
لانك ناقص
امشي لابوكس كدام العالم لسانج صاير اطول منج
هههه عليك وع امثالك
دحك عليه وخنزرني واني مشيت ع سريع وهو يمشي معايا
امشي ع كيفج هسا الناس عبالها دا اتحارش بيج
مشيت ع كيفي وهو كل اشويه يسمعني حجي
سدره تعرفين اشكد شفت بنات هناك ب سوريه مثل جمالج ماشفت
استغفر الله عبدالله تمشي لو والقران اصيح اكولهم هذا دا يتحارش بيا
جربي وشوفي ربج اش كن خلقلج
عبدالله بس فهمني انت ليش تكره علي
اني اكره علي ماشفتي هسا اصدقاء واحبو ومن عرفت بي مات اقصد اتصاوب اشكد انقهرت
حجها مستهز
اسم الله ان شاء الله الموت لعدوينو ليش هيجي اتكول وبعدين جثير انقهرت ع فكره بجيك وقهرك من دخلت ع علي جنت اعرف كله تمثيل
ههه همزين اكولج شلوني بل تمثيل والله جنت اريد ادخل معهد فنون بس الكو... ابويا جلب بيا الي اكمل سادس وبل اخير ماحصلت لاسادس ولامعهد ههههه
بس لو اعرف ليش هيجي تكره علي
لان اخذ طفولتي ومراهقتي وحنان اهلي الي ماشفتو بحياتي وفوكها رجع اخذج مني
بس علي مالو ذنب
سدره لاتطولين الحجي اسكتي وامشي
عبدالله معقوله ماتذكر طفولتنا ماتذكر من انت وعلي ولؤي جنتو اتنامون ب فراش واحد ليش هيجي
اتذكر بس كرهي لعلي وقساوة ابويا ب سبب علي
عبدالله بس
سدره كتلج اسكتي لو تضلين تحجين الف مره واتكولين واتقنعين كرهي لعلي مايتغير ولو ب يدي اشرب من دمو هسا لاعبالج ضليت هسا ع مودو ضليت حتى اشوفج وبس
لحظتها اتذكرت عبدالله من كالي اكتلو لعلي اذا وافقتي اني ودا امشي وكفت
شبيج وكفتي
انتي الي حاولت تقتل علي
ها لا مو اني
امبله انت عبدالله انت
اشش اسكتي شبيج
انت كتلي قبل خمس سنوات اذا وافقتي ع علي راح اقتلو وكلتها هم ب يوم عقدي وجنت سكران بوكتها
يمته كتلج
عبدالله لاتغشم بروحك انت الي حاولت تقتل علي مو
اكولج اني ب سوريه اش جابني لبغداد بعدين اذا حاولت اقتلو راح اكولج اني سويتها ماخايف
علي لازم يعرف كلشي لو اعرف اخسر كلشي
رجعت مشيت ع سريع حتى اروح اكول لعلي ع كلشي عبدالله لحكني ومسكني ووكفني
مستعده تخسرين شرفج وتخسرين علي
صفنت بوجهو
هممم شنو كلتي اذا مستعده هسا اعوفج وروحي وكولي لحبيبج يالا امشي خلي انروح نرتاح ومثل البنت الحبابه امشي كدامي ومو اني الي حاولت اغتال علي هو علي اعلامي وهسا الوضع خربان
سحبت ايدي ومشيت معا ولااني حجيت ولاهو حجى
وصلت يم سياره ابو حسن ركبنا بيها وطلعنا لبيتو
خطيه اسماء جان كن دزت ب يد عمتي ملابس واغراض الي الطريقه كله عبدالله يجذب براس ابو حسن ويسوي روحه مثقف وكذا وصلنا بيتهم سمعت ابو حسن يكول لعبدالله
اشهد بالله انت رجال من ظهر رجال حييل حبيتك وخصوصه من شفتك شلون تبجي ع ابن عمك
الله يعزك ابو حسون والله علي اخويا مابس ابن عمي
الله يحفظكم يارب جنت ماخذه نظره ع اهل الموصل بس والله طلعتو من اطيب الناس وكل واحد يكول غير هذا الكلام يجذب
بكلبي كلت ترى جان يبجي لان علي مامات
دخلنا بيتهم جان حلو مرتب مساحه تقريبا فوك ١٠٠ متر بي حديقه اصغيره وبيها ديديه(مرجوحه) مال اطفال وبيها اطفال اثنين يلعبون هناك همه شافونا ركضو علينا يبوسون بابوهم وراح الولد سلم ع عبدالله والبنت جت باستني دنكت عليها كرصتها من خدها وبست الكرصة
انتي شنو اسمج ياحلوه
اسمي سماء
ياا فدوه اختي هم مثلج حلوه اسمها سماء
بعمري خاله
اي خاله تقريبا ب صف الثاني
ابو حسن؛؛ اتفضلي اختي.... ام حسوني جوى
ابو حسن اخذ عبدالله ودخلو لاستقبال والبنت الاصغيرونه كالتلي تعالي خاله
فتحت باب المطبخ ودخلتنا لكيت امها دا اتصلي ضليت واكفه بل باب
خاله فوتي جوى
لاحبيبتي خلي ماما اتخلص بعدين ادخل
خلصت المرة الصلاة وكبل كامت عليه سلمت وباستني
اتفضلي عيني ليش واكفه بل باب
ميخالف حياتي مايصير
حبيبي ادخلي انت خطيبه الاعلامي علي مو
اي صح
دخلتني جوى جان بيتهم مرتب حييل ونظيف وجان الطبخ ع النار دخلت لهول بي طخم قنفات وتلفزيون وبراد ماي مرتب ونظيف بيتها الكاش يلمع من الغسل والمسح
كعدت وقدمتلي كلاص ماي وخلت كلاصات اثنين ماي ودكت الباب وجا رجلها اخذ الماي
شلونج عيني شلون صار استاذ علي
الحمدالله حياتي احسن
والله حجالي ابو حسن حييل انقهرت وخصوص كالي عليج شبعت قهر الله لايحرمكم من بعضكم يارب
اللهم امين يارب تسلمين
والله لو تعرفين ابو حسن ندمان ومقهور كل مايخلي راسو ع المخده يكول لو عبالي ماخابرهم واكولهم ابنكم مات جان بل حك اتاكد
الحمدالله مصار شي المهم علي عايش
اي والله
انتي ام حسن مو
اي اني ام حسن
وهذوله ويلادج
اي ابني حسين وبنتي سماء
زين حسن وين
ابني الجبير هذاك يروح ع بيت جدو دائما يضل عندهم وعندي بنتي هم ب صف السادس ابتدائي
مشاء الله مبين متزوجه صغيره
اي والله عمري جان 14 سنه واتزوجت ابن خالي رادني بعد واخذني
الله يحفظكم يارب هم اني اصير بنت خال علي
واكيد حب ههه
ههه اي خمس سنوات وقبل كم شهر انخطبنا
ياا حياتي ربي يكومه بل سلامه حياتي راح احضرلج الحمام ودخلي اسبحي وارتاح بين مايكمل العشه
نزلت بنتها من فوك
مرحبا خاله
اهلا حبيبتي
يسلمون ع واحد عبالك يعرفونا من زمان
هاي بنتي فطومه
فدوه ماشى اشكد حلوه
اتقدمت باستني وامها سالتها
ها امي كملتي درسج
اي ماما كملت محتاج شي من عندي
اي روحي سوي زلاطه وحضري البن
اي تدللين
فدوه شلون تحجي مع امها بكل ادب دخلت لحمام شنو من نظافه وترتيب والريحة الورد تطلع من الحمام
سبحت وكملت وغسلت ملابسي طلعت بس ماعرف وين اشرهم
شفت فاطمه
فطومه حبيبتي وين اشر هذوله الملابس
ياا خاله ليش غسلتيهم اني اغسلهم
لا كلبي اني غسلت ماريد اتعبج
لا خاله مامشكله بس تعالي انشفهم الج بعدين
اخذتني ع منور صغير امخليه غساله اخذتهم من ايدي وخلتهم بل مجفف وكملت وكالت راح اطلع اشرهم بل سطح
يا زحمه عليج حبيبتي
لا عادي خاله متعوده
فدوه اشكد حبابه
ابتسمت وطلعت فوك شرت الملابس ورجعت اتشكر منها ورحت صليت المغرب وخابرت عمتي سالت ع وضع علي كالت مثل ماهو زين نايم
سديت الموبايل ورحت كعدت يمها بل مطبخ
مشاء الله ام حسن بنتج شاطره
اي بكلشي شاطره حتي بل دراسه
ربي يحفظها حياتي
وهيا ادحك وخجلانه وتبتسم
شنو حلمج اتصيرين فطومه
اي شي ب مجال الطب
عفيه عليج اني جنت مثلج وجان حلمي اصير دكتوره اني وصديقاتي اثنين وابن عمتي الي اخو خطيبي هسا وصرنا وكلنا دخلنا مجال الطب بس تعب حييل
ام حسن؛: شلون كدرتي تنخطبين وانتي تدرسين طب
سدره؛: والله ام حسن زحمه صح بس اش اسوي ابن عمتي احبو ويحبني وهو اتخرج واني بعدين ادرس ومن حقو
ام حسن؛: الله يسهلج يارب انتو طيبين مشاء الله عليكم امج ماتحجي مثلج
سدره؛:ههه اي ماما ماتحجي مثلنا تحجي قحي واني هم جنت احجي مثلها بس علي من نحنا صغار يتعارك معايا ويكولي عدلي لسانج
ام حسن؛ههه شلون تفتهمون ع قحيه
سدره؛: عادي ترى والله بس انتو لان من غير محافظه اتشوفها صعبه
ام حسن:: بس حلوه اني مره زرت النبي يونس وسمعت ناس تحجي قحي بس كلشي مافتهمت هههه
سدره؛:ههههه تعالي اساعدج
ام حسن؛: لاوالله ماتمدين ايدج اكعدي ارتاحي هسا انصب لزلم وابو حسن ياخذها وانصب النا
سمعت واحد يصيح
يمه
هلا يمه فوت
السلام عليكم
ردينا السلام علي ابنها بل اول متوسطه حسن
ام حسن؛: ليش جيت بهذا اليل
حسن؛: ابويا كال عدنا خطار وعمي جان طالع ب شغله وصلني وراح مرحبا خاله شلونج
سدره؛: هلا حبيبي الحمدالله انت شلونك
حسن :الله يسلمج خاله ويشافي مريضكم ان شاء الله
سدره؛: امين يارب
ام حسن؛يالا امي اخذ هاي الصينيه وروح
اخذ الصينيه وراح وام حسن وفاطمه صبو الاكل وكعدنا اكلت اشويه وشبعت وخطيه اشكد لحت عليه ماكدرت اكل جثير
بعد الاكل ردت اساعدهم بل مواعين ماقبلت هيا اتعزل جوات ايد بنتها وبنتها تغسل كملت المواعين امها حضرتلها بل صينيه صحن فواكه وحليب وكالتها يالا روحي كملي درسج
فاطمه اخذت الصينيه وراحت لغرفتها
وجابت جاي وحلويات وكعدنا اني وهيا نسولف وبعدها حست عليه تعبت فرشتلي ب غرفة ويلادها الاصغار وهيا هم نامت معانا ابنها اخذ فراش لعبدالله والهم
سدره هذا الي معاج شنو يصيرلج
هذا ابن عم علي
اها
بكلبي هذا الي دمرني وراح يدمر حيااتي
نمنا وثاني يوم خطيه كعدت امسويه ريوك وكملنا وسلمت عليها ونسيت اخذ رقمها اشكد ما بالي يم علي.... طلعنا لمستشفى ابو حسن ماقبل هم هو وصلنا
رحنا هناك علي جان عندو جماعه بنات اثنين وولد دخلت سلمت وعبست شفت البنات جانو حلوين
عبدالله مشاء الله مانزل عيونو كصهم كص
تعالي سدره
رحت يم علي ومسكني من ايدي
هاي خطيبتي الي احجيلكم عنها وحب طفولتي
وحده منها كالت
اول مره بحياتك تحجي شي يطلع صحيح صدك من كتلنا حلوه يعني حلوه
علي؛: ليش ولج اني كذاب
البنت ؛: يبووو الاعلامين كلهم جذابين ويعظمون الشغله
الكل؛:ههههه
علي::ههه اخخ
رجعت كالت
تستاهل
علي؛: شلون دا اكوملها
البنت الثاني؛: هههه ياا ولج اخاف خطيبته اتضوج لاتشاقين معا خمه اتضوجين سدوره
بكلبي ها ويعرفون اسمي هم
لا عادي
الولد؛: اكولج الله عليج ماعندج اخت تنطيني هيا
خنزرتا البنت الي جانت تشاقه مع علي
الولد؛: ترى لاخويا يعني مو الي شبيج هيجي اتباوعين
كلنا نضحكن عليهم عبالك جنات من اتغار ع لؤي
علي؛: سدوره عيني هذوله زملائي بل عمل وهاي الخبله الي بس تضحك اتصير زوجته
سدره؛:اهلا وسهلا اتشرفنا
نحنا الاكثر
بسيطه علي اني خبله مريض ماكدر احجي معاك
امبين اصدقاء حييل بس اني اشوف علي يحجي ويتشاقه معاهم نار الغيره اتشب بيا
اشويه وراحو
علي ؛: شلونج ياكلبي
سدره؛؛ الحمدالله شلون صرت
علي؛: الي يشوف هذوله العيون شلون يصير
عبدالله وعمتي واكفين وعلي يتغزل بيا عبدالله ضاج
عبدالله؛اني طالع ادخن بره
عبدالله من نحنا صغار يمكن معا حق يكره علي لان يضل عقل طفل ويغار بس هسا كبر ليش الغيره ليش الكره ليش الانتقام مع الاسف كلب البشر من تكبر النقطه السوده بعد خلص النقطه السوده الي بكلب عبدالله كبرت مع عمرو
ضلينا كم يوم بل مستشفى وبعدها علي اشويه اشويه اتحسن الجرح مالتو بس الي حد الان ماكلنا اله ع فشل الكبدي كلنا من يطب الجرح وبعدين
عبر فوك الاسبوع تقريبا وعلي طلب نرجع لموصل عمي كال نرجع بل اسعاف بس علي ماقبل راد ب سياره عمي اتصل ب محمد وكالو تعال
جا محمد وركب علي بل سياره من ورى وتمدد واني هم رحت معاهم بل سياره
والباقي راحو ب سياره عمي
وصلنا الموصل بعد تعب طويل وطريق طويل متنا جنت كل اشويه اشوف علي اخاف يوجعه شي يكول مابيا شي
وصلنا بيت عمتي المغرب وكلهم موجودين بيت عمي وبيت عماتي وبيت عمات علي وعمو وبيت اهل جنات وصهيب موجود
دخلو علي جوى والبنات اتهلهل وابو جنات ذبح جوات رجل علي وجنات ركضت عليه
مبروك مبروك ياروحي والف الحمدالله ع سلامتو والله فرحتي ماتنوصف
يروحي انتي ربي يسلمج ويحفظلج حبيب الكلب
فديت حبيبي الحلو
سلمت ع الكل وبيت اهلي هم موجودين
كعدو علي بل استقبال وبداء الطبخ
ام سدره؛: ماما سدره جبتلج ملابس اعرف بيج راح اتضلين هينا
سدره؛: اي والله ماما تسلمين
هدير ؛: فوتي اسبحي الحمام حاضر
سدره؛: اي اوكي هسا
جنات؛: اساعدج اخاف ماتكدرين
سدره؛: لاكلبي اكدر هسا اطلع
جنات؛: راح اكعد يم الباب اخاف تحتاجين شي وتعبانه اخاف ادوخين
سدره؛: لاتعبين نفسج
جنات؛: فوتي ماعليج يالا لاتقفلين الباب
سدره؛:اي حبي تسلمين
اخذت ملابس وفتت سبحت وخطيه جنات كعدتلي يم الباب تنتظر سمعت صوت لؤي
لؤي؛ هاي حبيب القلب اش دا اتسوين هينا
جناات؛: خطيه سدره تسبح وخفت لاتكع لان تعبانه دا انتظرها
لؤي؛: اخخ ياكلبي اشكد حنونه
جنات: غير تربيتك ياحبيبي هههه
يمكن حضنها ماعرف حاول يبوسها
جنات:: ل لؤي اكعد راحه
لؤي؛: اريد اخذ مقبلات قبل الاكل
جنات؛: لؤي لاتضل منحرف سدره لاتسمعنا
لؤي؛: ديلا ع اساس سدره وعلي قاصرين هههه
جنات؛ههه وانت اش معرفك
لؤي؛: جنو لاتغيرين الموضوع اخذ مقبلات يعني اخذ
جنات؛: حرام مايصير لؤي ماكن عقدنا
لؤي؛: ديلا جنو لاتصير ملا براسي بعدين اهلج يعرفون وكلها تعرف جنات ل لؤي وع اساس هاي اول مره بس اتعذبين كلبي ع ماتنطيني
جناات؛: استحي
مابيها لحظات وسمعت جنات اتكول
لؤي منحرف وخر عني الى تاخذ
لؤي؛: ههههه اتخبل عسل ياربي عسل
جنات؛فضحتنا ههه
لؤي؛: ترى ارجع اكولج جنات يمته نزوج
جنات؛: بعد اربع سنوات
لؤي؛: ادري بعد اربع نع....ت بس راح احجي مع عمي بلكي يقبل نتزوح بل عطله
جنات؛: لا لؤي والله ماتزوج هسا
لؤي؛: ليش عيني اني مشتعل ب نار وانتي مانتزوج هسا
جنات؛ لؤي شلون انعيش نحنا ندرس اثنينه وبعدين اخاف يصير عدنا طفل ماندبرها
لؤي؛: ها كلامج صحيح بس شلون اني انريد نتزوج
جنات؛: اصبر حبيبي قبانك غمض عين فتح عين تخلص الاربع سنوات
(
لؤي؛:اخخ منج اصبر ان الله مع الصابرين
جناات؛: يالا لولا روح من هينا
لؤي؛: يالا كبد لولا اكلي زين ع عشه اوكي
جنات؛: تدلل حبيبي
اني بل حمام واسمعهم يحجون فدوه اشكد يحبون بعض
كملت وطلعت من الحمام
ها عوبه انكول عليج مسكينه
جنات؛ ماتعرفين لؤي المنحرف ههههه لازم سمعتي كلشي
سدره؛: كلشي هههه يمعود كلهم نفس الشي
جنات؛: اخخ سدره اموت ع لؤي هيجي اعشقو اعشقو لو ب يدي اخلي بكلبي اضمو
سدره؛ هههه فدوه الله يحفظكم هاوو شبيج صفنتي امشي
ضربتها كمخه ع راسها وضحكت ومشينا خابرتني اماني تحمدلي ب سلامه علي
لؤي؛سدره علي يصيحج
سدره : اي جيت
دخلت ع الاستقبال سلمت ع الكل
علي؛: سدره خابري اماني اعزميها ع العشه
سدره؛؛غير لؤي جان بلحك كايلها خلي لؤي يتصل بيهم اوجه
علي ؛: دكولي ل لؤي خلي يتصل بيهم ويجون
سدره؛؛ ماشي عيني محتاج شي
علي!؛ سلامتج حبيبي
لؤي اتصل بابو اماني وعزمهم بل بدايه اتعذرو بس لؤي لح عليهم وعاد اجوي
اجوي بيت اهل اماني واماني تحضن بيا وتبجي
وي احترك كلبي عليج بل جامعه من جنتي اتصحين علي
مسحت دموعها
لاتبجين حبيبتي الحمدالله هسا ليش اتبجيني
ع بجي اماني وبجيت ادحك ع جنات هم تبجي اتقدمت حضنتنا. اني واماني
جنات؛: فدوه لخواتي الحنينات
ام اماني؛؛ كاافي امي شبيكم احمدو الله واشكرو جنات وامونه اخوكم صار زين ان شاء الله وانت سدوره خاله زوجج ان شاء الله مابي غير العافيه
اماني؛: وي ماما ماشفتها هيا ولوؤي شلون جانو يبجون
ام جنات؛: الحمدالله ع كل حال الحمدالله طلع عايش وماميت اسم الله وان شاء الله يصير زين
جان يدخل لؤي ويشوفنا دا نبجي
لؤي؛: شبيكم تبجون شبيج جنو
ام اماني؛: اماني دخلت كامت تبجي وجنات وسدره كامو يبجون معاها
لؤي سحب اماني من شالها
لؤي؛: ليش تبجين خطيبتي ها احجي
اماني: ماما خنكني
الكل؛:ههههه
لؤي؛: ليش تبجين جنو
اماني؛؛ اني شعليه هيا خطيبتك بومه
لؤي؛: غير طالعه عليج انعدت منج
الكل؛: هههههه
رغيد؛: وعجل ماتكول ع سدره ليش تبجي
لؤي؛: هاي بومه ازيد من اماني
سدره؛: اخ هاي عليه لولا
لؤي؛: اي عليج ها جنات اعوف اماني
جنات؛اي عوفها خطيه
لؤي؛؛ يالا روحي لخاطر جناتي
اماني؛؛ مالت عليك وع جناتك
الكل؛؛هههههه
صبينا العشه لزلم وحد ونحنا وحد وكعدنا كلنا اتعشينا وخلصنا غسلنا المواعين ونظفنا المطبخ وسوينا جاي
والعالم كامت اشويه اشويه تنسحب ويرحون لبيتهم
ام عبدالله ؛: يالا سلوى كومي انروح لبيت
سلوى ؛: اي يوم بس اسلم ع علي من دخل ماسلمت علي
ام عبدالله؛ روحي يالا بس ب ساع
الكل جانو بره دا يودعون اهلي واهل اماني واماني نست موبايلها جوى دخلت اخذو وبل صدفه سمعت ام عبدالله اتكولها هيجي
ع سريع انطيت الموبايل ورحت اشوف سلوى دخلت
رحت دخلت لغرفه لكيت سلوى وعلي وحدهم وسلوى تبجي
كولي يالله بنت عمي
كلبي احترك عليك من كالو
الحمدالله مابيا شي هاي اني زين
انت خطبت وهيجي صار بيك
سدره؛؛ الخطبه شعليها
سلوى؛والله حظ
علي؛: حضي فوك النخل من الله انطاني وحده مثل سدره
عرفت شنو قصد سلوى من كالت هيجي جريت نفس وحسيت بانتصار من علي كال هيجي
علي؛حبيبي قزومتي جيبلي بطانيه اريد انام
سدره؛: تدلل شنو سلوى راح اتنامين هينا
سلوى ؛: ها لا راح اروح يالا علوش مع السلامه عندك العافيه
علي؛: هلا بنت العم
طلعت سلوى وراحو لبيتهم رحت جبت بطانيه لعلي وغطيتو وسحبني من ايدي
تعالي
علوشتي لااحد يجي
انطني بوساتي وروحي
هههه تدلل ياروحي
هينا ياشر ع خدو
وهينا هم وخدو الثاني بستهم
ورجع اشر ع شفتو
علاوي
يالا شبيج هاي صارنا اشكد علاقه وانتي مرتي ماتتجرئين معايا
استحي
لاتستحين حبيبي
هزيت براسي واتقربت ع شفتو بستها وحوط ايدو ع راسي وبادرني نزل ع حنجي باسو وركبتي باسها حضني وباسني من يم اذني
علي همس باذني بادريني عشقي
صرتو ابادرو وابوس بيا خليت شفتي ع ركبته وكمت ابوس واعض بيها وهو يضحك
ههههه ادقدق ولج
بوست اركبتو وبستو من صدور ابتعد عنو خجلت ههههه
احمم راح اروح انام
تعالي لاتروحين
وي علي هسايجون الويلاد
اوكي براحتج باجر روحي لكلية جثير فاتج
كلية شنو تروحلك فدوه
ههههه لا حبيبتي روحي
وانت شلون اعوفك
ضلي هينا بس داومي اني صرت زين
ماشي حبيبي يالا تصبح ع خير
وانت من اهلو قلب حبيبج
عفتو ورحت كعدت مع البنات اشويه بعدين رحت لغرفه علي نمت عجبني انام بفراشو طلعت قميص من الكنتور وخليتو بيدي واشم بي ونمت
ثاني يوم كعدت الصبح اتحضرت وصبحت ع الكل وع علي
وطلعنا لكلية اني وجنات ولؤي دخلنا لكلية والبنات والويلاد كلهم يسلمون عليه ويتحمدولي بل سلامة علي
اشويه واجت اماني وبعدين جا صهيب
صهيب؛: هاي شنو اكول هليوم الجامعه دا اتنور
سدره؛ قصدك عليه
صهيب؛ لعد ع امي طبعا عليج شلونج يابا
سدره؛: الله يسلمك اخويا عبالي ع الجماعه
لؤي؛:اي صدك سدوره ماكتلج هذا المطي صارح هاي المطيه
سدره؛: صحيح ؟؟؟؟
صهيب لحك ورا لؤي وضربو ب دفره
صهيب ؛: يامطي انت ابن المشكله ابوك مايستاهل الغلط
لؤي؛: هههههه اشحدك غير انت مطي
اماني؛: عليه لولا
لؤي؛: لا ياعيون لولا ماعليج ع هذا الي يمج
جنات كرصت لؤي وصهيب ضرب لؤي ب كمخه ع راسو
لؤي؛: اخخخخ شبيكم اثنينكم
صهيب؛: بطل سوالفك لااموتك وانتي الثانيه بلا لولا لا الوي عضامج
الكل ؛:هههههه
سدره؛؛ اي يمته صار هذا الشي
صهيب قبل اربع ايام وان شاء الله يوم الجمعه ادز اهلي واتصير رسمي
صهيب يحجي واماني ميته خجل
سدره؛: وليش ماكلتي
اماني ؛: مو بسبب علي التهينه وماكدر اكولج
باركنلها اني وجنات واخذنها ع صفحه ولؤي وصهيب راحو مع جماعه
وكعدت اماني تحجينا شلون صارحها وشلون فتحت الموضوع مع اهلها
جان عدنا محاضره دخلنا لمحاضره جاي بي الدكتور فؤاد لؤي يتخبل من عندو دائما يكول على عكره
خلصت المحاضره دكتور فؤاد رادني اجي لمكتب
سدره ؛: اني راح اروح ع دكتور فؤاد رادني
لؤي؛شنو يريد هذا العكره
اماني؛: ليش اتضل اتكول على عكره والله حباب
لؤي؛: بابا عكره والله اشكد ماحبو
جنات؛: والله ينحب وحلو مابي شي بس انت ماعرف ليش ماتحبو
لؤي؛: هاي ع منو حلو
جنات؛: يعني اقصد مابي شي ينكره
لؤي؛؛اها مابي شي.
جنات؛: لؤي هسا اش كلنا عبست
لؤي؛:مثلج والله تقبلين اكول هسا ع وحده من البنات حلوه
جنات برطمت ودمعت عيونها
جنات؛؛ اتروحين سدره اجي وياج
لؤي؛: لاماتروحين معاها اماني اتروح
سدره؛؛ لؤي شبيك ترى ماكالت شي يضوج
جنات مبرطمه بل كوه ماسكه نفسها لاتبجي شلون لؤي يحجي معاها هيجي هو حييل كن دللها
اماني؛؛ وي جنو شبيج عبستي يمعود خلي يولي لؤي خطيه
لؤي؛: خمه اش كتلها هيا واكفه اتكول دكتور فؤاد حلو واني ضجت قابل بس هيا اتضوج
سدره؛؛ نحس
لؤي؛: شبيج عبستي جناتي
جنات دحك على بطرف عينها ونزلت دمعتها ودنكت
لؤي؛: اويلي يابا منو ينزل دمعتج هذا تعالي بعد كلبي
جنات؛: عوفني اريد اروح
الكل؛:هههههه
صهيب؛: يستاهل والله لاتراضي ااذا ماتخسري
لؤي؛: تدلل جناتي
حضنها من كفتها كدام الكل وباسها من راسها وهيا ضحكت
سدره؛: منو يجي معايا هسا
اماني ؛: يالا امشي معايا
صهيب ؛: اني راح انتظركم هينا نفس المكان روحو وارجعو وانت اخذت حبيبتك وروح
لؤي؛: يالا حبيبتي امشي
لؤي؛: مسك ايد جنات وراحو
جان لؤي اي واحد يسال يكوله جنات شنو اتصير الك جان يكول خطيبتي بعقد ملا وهمه مع العلم ماجانو ماسكين عقد بس جنات باسم لؤي فقط
رحنا انني واماني ع دكتور فؤاد سالني اشويه عن وضع علي وبعدين كالي عندي احد اقربي يدرس بل هند يكدر يحصلكم دكتور جيد جدا هو عندو معارف ويعرف وراح اشوف شنو الشروط الي يحتاجوها وكالي راح يزور علي وراح اجيبلج تقرير عن عمليه الكبد
خلص الدوام ورجعنا لبيت دخلنا اني وجنات لؤي ماقبل كالها تعالي اتغدي عدنا ميس وعمتي واكفين يطبخون وعمي وعلي بل استقبال
سدره؛: شلونكم عمتي وميس
عمه ؛: هلا امي شلونكم انتو
الكل؛:زينين الحمدالله
ميس؛: قبان سلفاتي الحلوات
لؤي ؛: يمه جوعان ماصار الاكل
ام علي؛: اي امي صار فوت بدل بين ما اصب
لؤي راح يبدل وعمتي دخلت جوى
ميس؛؛ اكولكم جنات وسدره ليش مانصيح لعمتي وعمي يوم ويابا والله خطيه همه زينين معانا ودائما من نحجي يكولون امي وابويا
جنات؛: صحيح كلامج والله اني عن نفسي موافقه وانتو سدوره
سدره؛: والله عاد يستاهلون همه بس انجيبلهم هديه حلوه وبعدين شنو رايكم
جنات وميس؛: اي ليش لا
جنات؛: ناخذ لعمتي محبس ذهب ولعمي دشداشه وعكال
ميس؛: اي خوش
سدره؛ماشي
ميس؛: اني راح انطيكم فلوس وانتو اشترو من تطلعون من الدوام اني مالحك البيت والاطفال
سدره؛ لا اخلي لؤي بعد الغده ياخذنا ونشتري
جنات وميس؛:ماشي
دخلت سلمت ع علي وعمي وغسلت وبدلت ورحت اني وجنات ساعدنا ميس بل غده صيبنا الغده وجا محمد وبعد اشويه اجت هدير
اتغدينا كلنا واني وجنات غسلنا مواعين ماخلينا ميس تغسل خطيه هيا تعبانه وهم بيت عمتي دا يسون طابق ثالث شقه كامله
ودرج حتى من نزوج اني وعلي يعزلون وحدهم
صار العصر لؤي اخذنا اني وجنات ع السوك اشترينا هديه لعمي وهديه لعمتي محبس ذهب اخذنلها
وهم اخذنا اشويه اغراض محتاجين ورجعنا لبيت كلنا جنه منجمعين بل استقبال وحتى عبدالله هم جان موجود
دخلنا سلمنا عليهم وطلعنا الهدايا
بوسنا عمي وعمتي وقدمنهم
ميس؛ عمي وعمتي انتو دائما نحنا الثلاثه تحسبونا مو مثل انما بناتكم ودائما اتكولونا بنتي ونحنا هذا اقل شي انقدم الكم
ابو علي ؛: الله يرضى عنكم ويسعدكم يارب
ام علي؛: الله يحفظكم ويحرسكم من العين يارب ويلادي طيبين والله انطاهم نسوان مثلكم
سدره؛: يكفي الله يخليكم خيمه فوك روسنا ويحفظكم النا
جنات؛: اذا تسمحونا انصيحلكم يوم ويابا
عمتي وعمي واحد كام يدحك ع ثاني ويضحكون
ابو علي؛: وهو اكو احلى منها يابناتي الحلوات
ام علي؛: وانتو احلى بنات تعالو ابوسكم
لؤي؛: اشهل رومانسيه اشهل احساسه اشهل الطيبه منين اجت بس فهموني
الكل؛:ههههههه
عبدالله ؛: حجى القشمر
لؤي؛: طالع ع اخويا الجبير غير (يقصد عبدالله )
الكل؛: هههههه
سدره؛: ياب مادام الكل مجتمع خلي نحجي بل موضوع اول واخرا راح يعرف
ابو علي؛: صحيح يابا كلامج علاوي وليدي شلونك
علي؛: الحمدالله يابا
ابو علي؛: اتحس بتعب
علي؛: احس بتعب وجع بس الحمدالله شنو السالفه احجولي
ابو علي ؛: الي راح احجي هسا يخصك ولازم ماتعارض اني وامك ولؤي واخوك محمد وحتى خواتك كلهم رادو يساعدوك بس سدره ماقبلت وحلفت هيا اول وحده تمشي معاك بهاي الخطوه
علي؛: يابا الله عليك احجي شنو السالفه
عمي اندار عليه وكال احجيلو سدره بنتي شنو بي
علي يدحك عليه ويبلع ب ريكو دنكت وفركت وجهي من التوتر رفعت راسي وكتلو
سدره؛ علي انت من صار بيك الحادث اثر ع كبدك وصار عندك فشل كبدي
علي ضل صافن
علي؛: فشل كبدي
ابو علي؛: اي يابا فشل كبدي
سدره؛: ومثل ماكال ياب(عمي) رادو الكل يتبرعون بس اني ماقبلت اني اريد اتبرعلك بكبدي
علي؛ انتي صدك تحجين
سدره؛: اي ليش حتى ماتبرع
علي؛: مستحيل اخليج تخطين هاي الخطوه لاانتي ولااي شخص من اهلي
سدره؛: بس علي
علي؛: سدره بدون بس
لؤي؛: بس علاوي انت صحتك جاي تدهور يوم بعد يوم واذا ماسويت عمليه راح تدخل ب غيبوبه والغيبوبه خطر عليك لازم نتبرع الك ب كبد
علي؛: الي كاتبو الله هو يصير
عمتي كامت تبجي
ام علي ؛: ياامي اخذ عمري كلو بس عيش انت
علي؛ يايمه ليش تحجين هيجي شي ان شاء الله مايصير شي
لؤي؛: امبله راح يصير اذا مابدلت كبدك
علي ؛: هذا الموضوع شيلو من بالكم مستحيل اخلي احد من اهلي يخاطر في سبيل اعيش اني افرض وافقت ودخلت العمليه وخسرت المتبرع شنو راح يصير بيا اني هذاك الوكت فهموني
سدره؛: نسبه النجاح بل هند كلش جبيره
علي؛ ان شاء الله ما الف بل ميه لا يعني لا
عبدالله ؛: اني اتبرع
كلنا دحكنا ع عبدالله معقوله عبدالله يتبرع لعلي بكبدو
علي:: ليش انت مو من اهلي كلت لا يعني لا
عبدالله ؛؛ زين شنو الحل فهمنا
علي ؛: اتعوفها ع الله هو يشافي
لؤي اتعصب وكام يحجي ويصيح اول مره بحياتي اشوف لؤي يصيح ع علي دائما يحترمو ومايصيح بوجهو بس هلمره جان الحق معانا
لؤي؛: انت دا تفتهم شنو دا نحجي دا تفتهم علي الميت يرجع يعيش مره ثانيه بس فهمني هاااا
علي؛: لؤي لاتصيح بوجهي
لؤي؛ امبله اصيح واكلب الدنيا هم من دا انكول اتموت يعني اتموت علي اذا تدخل غيبوبه يعني احتمال جبير راح نخسرك كبدك مات علي مات تعرف شنو فشل يعني وكف بعد كلشي مايسوي ولازم اقرب وقت انسفرك
سدره؛: اني اني والله روحي فداك بس انتي اتعيش
كمت ابجي واحجي معا
عبدالله؛: اتركو ع راحتو ودا يكول عوفها ع الله يعني عوفها ع الله
عبدالله حجى وجفص بيها وسمعت يكول هيجي اتخبلت وكمت اصيح بوجهو نحنا انريد انقنع علي هو يجي يجفص
سدره؛: انت اعرف الله بعدين احجي محد كالك تعال اتبرع ولاحد طلب من عندك افتهمت لو لا لو جان محتاج موبس كبدي لو محتاج كلبي هم راح انطي واني اموت لو تحجي كلام بي خير لو تسكت ادري الله هو كلشي ب يدو بس الله هم كال خذو حذركم استاذ عبدالله
ابو عبدالله؛: اهدي بنتي هو ماقصدو شي
سدره؛: لا قصدو استغفرالله عمو قصدو ولاماقصدو يعني انت دا اتشوف كلنا داخلين حالة توتر مو طبيعي وانريد انقنع علي وهو جاي يحجي خلوها ع الله ليش هو يعرف الله انت بحياتك سجدت لله حتى تعرف كلشي ب يد الله
طلعت بره وكمت ابجي وهدير وجنات لحكوني ويحضون بيا
ابجي من نار كلبي ابجي من مصيبة عبدالله الي راح اتضل اتلحكني طول العمر الي يتمنا الموت لعلي وحتى ياخذني اني مايعرف لو يموت ماخلي يلمسني
هدير ؛: اهدي حياتي مايصير هيجي اتصيحين كدام الكاعدين
سدره؛: هدوره نحنا انقنع ب علي وهو يجي يجفص نار بكلبي خايفه ع علاوي لايصير بي شي
جنات ؛: حقج كلبي والله حقج ان شاء الله نكدر انقنعو
ابو علي؛: سدوره وينها وينها بنتي خلي تجي
هدير ؛: شوفي بابا دا يصيحج كومي
مسحت دموعي وكمت دخلت لاستقبال
سدره؛: ها يابا
ابو علي:: يابا مايصير هيجي لازم تمسكين اعصاب بنتي عبود ماقصدو شي
عبدالله؛: عمو والله ماقصدي شي بس حبيت اهديكم
ابوعلي؛: اعرف وليدي اعرف
بكلبي اشكد مسكين خطيه والشرار تطلع من عيونك
ابو علي؛مخلص هذا الكلام علي يسوي العمليه يعني يسوي
علي؛: يابا بعد اذنك هاي العمليه ماتصير
اسمع علي والكل تحجي معا مايفيد مايقتنع مصر ع كلمه لا يعني لا اسمعهم وابجي رحت اتقربت هو متمدد كعدت ع ركبي ومسكت ايدو
ابوس ايدك وافق والله ماتحمل اذا صار بيك شي اموت والله اموت انت وعدتني ماتعوفني ابد وهسا هيجي راح اتعوفني روحي فداك المهم انت اتعيش علي الله يخليك
علي؛سدره شلون افرط بيج
سدره؛: اني مرتاحه اني بلعكس فرحانه وصدك يوم الي راح ادخل لعمليه راح يكون احلى يوم عندي علي راح تحمل جزء مني وكبدي راح يرجع ينمو من جديد فدوه وافق بداعة حبنا ياعلي وافق
دا ابوس ايدو سحب راسي وباسها
علي ؛: والله مايهون والله
سدره؛: وانت ماتهون عليه يصير بيك شي
ابو علي؛: انت اتخيل اذا صار بيك شي شنو راح يصير بينا كلنا
علي؛: ماشي يابا ماشي راح اسويها
محمد ؛: اتوكل ع الله وكلنا معاك انت اخونا اذا الروح ماترخص لك لمن ترخص
علي؛: الله يحفظكم ويخليكم النا بس عندي شرط امي وابويا يطلعون خارج لاقتراح
ام علي ؛:لايمه اني اول الناس
علي؛؛ يوم غير هذا الكلام ماعندي اني
ابو علي ؛صار يابا بس اذا محمد ولؤي وسدره ماصارو اني لو امك راح نتبرع
علي؛ الله كريم
فرحت لان علي وافق واخيرا.... صار اليل اتصل دكتور فؤاد بيا كالي راح اجي بس دليني ع البيت دليتو وخليت لؤي يطلع يكف بره
لولا لؤي
ها سدره
دكتور فؤاد جاي بل طريق اطلع اكف براس الفرع
هذا العكره اش جابو علينا
سدره؛: يابا الله عليك لؤي يضل يكول ع دكتور فؤاد عكره والله حباب
ابو علي؛: يابا عيب مايصير
لؤي؛يابا كرو معايا كل مايدخل يكومني من يم جنات شكو يكومني نحنا بل مدرسة لو جامعة
سدره؛: لان انت كل اشويه تتحارش ب جنات وهاي تضحك وهو مايقبل
ابو علي؛: هههههه لوتي حتى بل محاضره
لؤي؛: هههه اش اسوي يابا
سدره؛: ديلا هاك موبايلي وروح
لؤي؛جيبي يالا طالع
راح لؤي اشويه وجا هو ودكتور فؤاد دخلو وسلمنا عليهم دخل اتصافح مع علي واتحمدلو بل سلامه جان جاب معا حلويات اشكد مثقف من طريقه كلامو ولبسو بس هو كل محاضره مايخلي جنات ولؤي يكعدون واحد يم الثاني هذوله يضلون واحد يتحارش بل ثاني
دكتور؛ شلون صرت استاد علي
علي؛: الحمدالله بخير دكتور جيتك غاليه علينا
فؤاد؛: انت الاغلى استاد علي لاتنسى سدره من اشطر الطالبات عندي والها معزه عندي
لؤي؛ دكتور ونحنا نثرم بصل بل محاضره مو تمام
الكل:ههههههه
فؤاد؛: انت لااحد خلصان من لسانك وانوب اتكول ليش اتكومني من يم خطيبتي لؤي
لؤي؛: نعم دكتور
فؤاد؛: خطيبتك خارج المحاضره موداخل المحاضره
الكل ؛:هههههه
ابو علي؛:ههههه والله حقك دكتور
سدره؛: دكتور ليش ماجبت العائله
فؤاد؛: الولده والوالد طلعو ب شغله والله واني مامتزوج
لؤي؛: صدك دكتور مامتزوج
فؤاد؛:لاوالله التهيت بل دراسه وتركت سالفه الزواج
ام علي؛: الله يدزلك بنت الحلال الي تسعدك ابني
فؤاد؛: الله يسلمج خالتي
جنات اجت سلمت وكعدت يمي
فؤاد؛: كومي جنات اكعدي يم لؤي
الكل؛:هههههه
جنات؛: ههههه اخاف هم اتكومو من يمي
ضحكنا كلنا دكتور فؤاد والله حباب بس لؤي يضوج من عندو لان بل محاضره مالتو مايقبل لؤي يكعد يم جنات
هدير جت دكت الباب مادخلت كام لؤي فتح الباب
لؤي؛: فوتي بابا هذا دكتورنا مو غريب
ابوعلي؛: خلي اتفوت ليش واكفه بره تعالي هدور بنتي سلمي
هدير؛:السلام عليكم
دخلت هدير سلمت ع دكتور فؤاد وكعدت يمي اني وجناات جان ب يومها محمد وميس طالعين
كعد دكتور فؤاد عدنا تقريبا ساعه واتونسنا معا بعدين اترخص وكام
سدره؛: نامي جنات عدنا هليوم
جنات؛: ماتعرفين من انخطبت ل لؤي ابويا مايقبل
هدير؛: يمعود خمه شنو نامي بغرفتي
جنات؛؛ لا حبي اروح بعد اربع سنوات ان شاء الله راح تبزعون مني
سدره؛: ياا شكد حلوه اني وانتي انصير ب بيت واحد
هدير ؛: اني ماتزوج ع مودكم هههه
اترخصت جنات وراحت لبيتهم لؤي وصلها همه جيرانه بس بينا قطعه هاي صغير وهاي عمي دا يسويها كراج مال سياره
واكفين انضف المطبخ اني وهدير
هدير؛: اكولج سدوره
اي حبي كولي
دكتور فؤاد متزوج
اممم وليش
ها لا هيجي
لا مامتزوج اخاف احم
لاوالله هيجي سؤال بس حلو وعندو شخصيه ليش لولا يكول عكره
مو كتلج هو يضوج لان بل محاضره مالتو مايقبل لؤي يكعد ب صف جنات هذا ماعرف شنو يكولها وهيا تضحك
هدير؛:هههه لوتي
كملنا تنضيف وحسيت هدير عجبها دكتور فؤاد اخذت التقرير الي جابو وكعدت اقراء بي قبل ماانام تقرير عن عملية الكبد شلون الشخص يتبرع واشكد اطول وشنو مضاعفات وشنو الشروط الي بيها وجثير شغلات افتهمتها كلها
بعد فتره كملنا جوزاتنا وسافرنا لهند بعدما اخذنا اجازة اني ولؤي من الدوام رحنا اني ومحمد ولؤي وبابا وماما وعمي وعمتي وعلي اكيد
خطيه اقارب فؤاد اتكفل ب كلشي واجرنا بيت مفروش والمستشفى هم والمترجم
علي بداء يضعف ويتعب ومره يفقد ومره يرجع جنه ميتين خوف لايدخل ب غيبوبه
ارتاحينا اول يوم وثاني يوم دخلنا لمستشفى وبدينا بل فحوصات جنت اني المتبرع الاول من العائله وبدو بل فحوصات الي اسبوع كامل فحوصات واليل كله ادعي يارب كبدي يرهم لعلي
واخيرا طلعت النتيجه بشرنا الدكتور اني اكدر اتبرع بكبدي ب يومها فرحت حييل حبيبي راح يصير زين راح يحمل جزء مني
علي هينا كلش تعب خلو بل عنايه المشدده دخلت علي وهو يفتح ويغمض ب عيونو
اتقربت يمو ومسكت ايدو وبستها
حبيبي ساعات قليله وراح ترجع مثل قبل واحسن راح اتبرعلك بكبدي الدكتور بشرنا اكدر اتبرع كبدي يرهم لك
يغوش ب عيونو يحجي مقطع
س سامحيني
ليش ياحبيبي
راح ...اعرضج ... لخطر ...ب بسببي
خليت اصبعتي ع شفتو
اشش يروحي الروح ترخص لعيونك
ابتسم
ساعات قليل وحضرونا لعمليه مانكر جنت خايفه جانت اول عمليه ادخل الها واصعب عمليه تقريبا اطول فوك 10 ساعات العمليه بعني من اخطر العمليه بعد عمليه القلب
اريد ...احجي ... مع .. سدره
ضلينا وحدنا كالي
سامحيني
علي فدوه لاتكول هيجي والله مسامحتك يروحي بس انت ارجعلي بل سلامه ماريد شي منك
واذا ...ما ..رجعت
غوركت عيوني ودنكت
لا راح ترجع ان شاء الله عندي امل برب العالمين راح ترجع بس اريد اوصيك ياعلي وانطيني وعد
هز براسو
اذا صار بيا شي ومتت اتزوج من بعدي وعيش حياتك واعرف اني مرتاحه وفرحانه لان متت في سبيل حبيبي يعيش بس لاتنسى كل يوم خميس تجي ع كبري ورش مي ورد وادعيلي وذا تزوجت وجتك بنت سميها ع اسم عمتي لان عمتي الها فضل جبير بحياتنا كلنا
س سدره
ياعمر سدره
لاتكولين ... هيجي
حبيبي وصيه
سدره
ياعيوني
راح ... ترجعيلي
خليت كصتي ع كصتو وبجيت بحركه وهو هم نزلت دموعو
سدره
ياكلب سدره
او عديني
اوعدك
ما..راح .. تعرفين ... على .. شنو..
وياك ع موت حبيبي
اااه ... ياكلبي ... اشكد... تحبيني ..
بكد رحمه الله الي جمعتني اني وياك
يارب ...اشملنا... بهاي ... ورجعنا .. سالمين
امين يارب
اذا ...ماطلعت ... منها ..محد... يلمسج .. غيري ... سدره
راح ... اعوفج ... بنت ...واريدج ... بل اخره.. بعدج .. بنت
عيشي ... واطلعي ...واتونسي... بس .. حبيبج .. يضل بصمه ... بكلبج .. طول .. العمر ... ماتحبين .... احد .. بعدي .. واذا .. صار ... وحبيتي ... لاتزورين .... كبري ... دير .. بالج..
هو يحجي واني ابجي مسكت ايدو وبستها وتوقع سدره تسوي هيجي توقع سدره اتخلي احد يلمسها غير ابن عمتها وحبيبها وصديق طفولتها عهد عليه كدامك وكدام رب العالمين لاانت عايش ولاانت تحت التراب اسم الله اخلي احد يلمسني غيرك
وعهد.. اني .. هم .. عليه ... لاالمس .. غيرج .. لا.. انتي .. ميته ... ولاانتي ... عايشه
احبك يروحي احبك واموت عليك
واني ... اكثر ... يروحي
اجوي الممرضين سحبو علي واتمددت ع سديه واني هم سحبوني لغرفه العمليات
واكفين كلهم امي تبجي عمتي تبجي الكل مقهور
علي؛ يابا
ابو علي؛: ها يابا ها نظر عيني
علي؛: اذا ... صار .. بيا .. شي ... كل الي املكه .. لسدره ..
سدره؛: لا ماريد
اشرلي علي يعني مالج دخل
ابو علي؛: صار يابا ان شاء الله تطلع بل سلامه انت وسدره
علي ؛:. واذا ... لاقدر .. الله ... ماطلعنا .. منها .. نحنا الاثنين .. وزعهم .. لايتام ..
ابو علي ؛: صار يابا
علي؛: راضين .. عني
عمي دنك ع راس علي وباس راسو
ابوعلي:: كلبي وربي راضي عنك ياقطعه من كبدي
ام علي؛؛ راضي عليك دنيا واخره يابني
سلم علي علينا وقبل ماياخذو كالي
علي؛: سدره
سدره؛ اي ياعيني
علي؛: اذا .. بداخلج .. بطلتي ... كولي
سدره؛: لو جان هذا اليوم يوم عرسي او استلم بيها شهادة الطب ماجنت راح افرح بكد فرحتي هسا اتوكل ع الله وابصملك بل عشره
ابتسم بوجهي واللمعه بعيونو
اخذو علي لعمليات وسلمو علينا اني وباسوني وامي جانت تبجي هيا وعمتي
سدره؛: لاتبجون فدوه ماما يوم
ام سدره؛: الله يكومكم بل سلامه ماماتي
