رواية الراقصة والبلطجي كامله وحصريه بقلم زهرة الجوري
واقفه على المسرح والعيون مراقباها لغاية مخلصت رقصتها و دخلت اوضتها علشان تغير بدلة الرقص وتخرج من المكان بسرعه مش عاوزه تكمل لكنها مجبره بسبب جوز امها ومفيش مكان تلجئ له ولا قرايب تروح عندهم فجأة دخل عليها وقرب منها رفع أيده على وشها بعدت و وقفت بعيد عنه .........
بوسى بغضب : نعم عاوز منى ايه تانى هاه ......
عزت : ايه يا جميل بس اهدى الباشا بيسأل عنك وانتى بتعاندى صدقينى قربى منه هتكسبى ......
بوسى : اقرب منه ازاى يعنى .. اااه قصدك اقضى معاه وقت صح لا يا عنيه أنا مش هعيش مع واحد فى الحرام .. كفاية الذل اللى بشوفه بسببك و انى بدرس فى محافظه تانيه علشان الفضايح .. اسمعنى كويس الباشا بتاعك ده ميلزمنيش يا جوز امى .........
عزت بلؤم : طيب انا موجود اهو ايه رأيك .......
بوسى : انت اتجننت صح ناسى انك متجوز امى غير بيتك التانى اصحى يا حبيبي والا هختفى ومش هتعرف مكانى .........
مسك شعرها أوى " عزت : فكرى بس كده تهربى وامك هتدفع التمن ( وبغضب ) بلاش تحدى والا هتشوفى معامله تانيه .........
بوسى : متتخيلش أنا بكرهك قد ايه ........
عزت : اكرهى براحتك بس متنسيش أن حياتك انتى و امك فى ايدى فى لحظه هتروحوا ورا الشمس .. خليكى شاطره وبلاش عناد اجهزى للباشا بسرعه .........
زقها وقعت على الارض و عيطت كتير دخلت عندها مساعدتها وساعدتها وطلبت منها تجيب لها حبوب منومه و خرجت ورجعت ومعاها شريط الحبوب أخدته وابتسمت فى مكر .......
صفا : أنا خايفه عليكى لو اكشفتى ..........
بوسى : عادى بقى مش كفاية الذل اللى عايشه فيه وانه سجن ابويا وفهمنا انه مات الواطى اعرف مكانه بس وقتها هحاسب عزت على كل حاجه ..........
صفا : أنا معاكى فى أى حاجه بس برضه بلاش نكشف ورقنا له الوقت والا بعلاقاته هيدمرنا ......
الراقصه و البلطجي / بقلم زهرة الجورى
بوسى : اخلص بس الكليه وقتها يكون فيه كلام تانى مش هخسر أكتر من اللى خسرته ........
صفا : أنا خايفه يعرف حكاية دراستك وقتها .....
بوسى : متخافيش هو عاوز الفلوس وبس يعنى أنا اللى معيشاه لكن لو اعترضت وقتها هيتحول وبعدين مفيش غيرك يعرف عن دراستى ( وقفت قصادها وابتسمت لها ) وانا واثقه فيكى وعارفه انك مش هتخونينى .........
صفا : أنا مليش غيرك ولولا مساعدتك ليا كنت زمانى فى الشارع انتى اختى يا بوسى .......
بوسى : طيب يلا نخرج للباشا قبل العفريت ميحضر تانى ........
صفا بضحك : اه لو سمعك .......
بوسى : يلا يا أختى يلا مش ناقصين نكد .......
ستووووووووب نتعرف على البطله ##
بسنت
بوسى اسم الشهرة عندها ٢٠ سنه بتدرس فى كلية تجاره فى محافظه تانيه علشان اصحابها ميعرفوش انها رقاصه بنت عنيده جدا ومتمرده اضطرت تشتغل رقاصه بسبب جوز امها ..... تعالوا نكمل قصتنا بقى ###بوسى خرجت وراحت قعدت على الطرابيزه مع الباشا و عينه عليها وبدأ يشرب و يتكلموا سوا وهى بتضحك بتمثيل وقف وهى قاعده قرب منها و شدها من ذراعها وعينه مركزه عليها كلها اخدها وخرج راح شقته الخاصه وقتها انبهرت بها فعلا واتمنت لو تعيش فى مكان زى ده قرب منها بعدته بالراحه .........
بوسى : ادخل استنانى جوه هجيب مشروب واجى بعدك ........
ابتسم و دخل أوضته وهى دخلت المطبخ وجهزت كاس وفضت فيه ٤ حبوب منومه وراحت عنده كان مشغل الكاست على أغنية وهى بترقص وعاوز يهجم عليها وهى إتوترت وبعد فتره كان راح فى النوم خرجت بسرعه و بدأت تبكى فى المطبخ وقتها اتمنت تنتحر فعلا لكن تراجعت فى أخر لحظه غسلت وجهها وخرجت رجعت بيتهم و دخلت أوضتها من غير كلام .. تانى يوم الصبح صحيت راحت جامعتها واتقابلت مع اصحابها وبعد مخلصت رجعت البيت وقابلت أمها وكانت غضبانه منها بسبب ضعفها قدام جوزها وانها سيباه متحكم فيها ........
بوسى : أنا مش هرقص غير ماخد حقى مش كفاية جوزك الحرامى بيسرق نصيبى انتى ليه بتدافعى عنه كده هاه أنا بنتك والله يعنى المفروض تخافى عليه ..........
الراقصه و البلطجي بقلم زهرة الجورى
ألفت : غصب عني يا بنتى فى ايدى ايه يعنى .......
بوسى : دافعى عنى ولا نسيتى ضربه ليا بالحزام و لما يحبسنى من غير أكل وشرب أنا بنتك برضه ........
ألفت بدموع : سامحينى بس انتى عارفه انه عاوز كل حاجه له ولو اعترضت هيرجع بيته .......
بسنت بغضب : يعنى خايفه يسيبك و مخوفتيش بسبب ضربه ليه فعلا هستنى منك أيه ........
ألفت : اسمعينى يا بنتى .........
بسنت : مش هسمع حاجه أخرجى بره يلا سيبينى فى حالى بقى .........
خرجت و شافت عزت قرب منها /
عزت : بنتك المحروسه عاوزه تتربى من الاول عقليها والا انتى حره .........
ألفت : حرام عليك بقى انت عاوز منها ايه مش كفايه غدرت بصاحبك و دخلته السجن و دخلت بيته بدل متخافظ عليه دمرته ..........
عزت : اسمعينى كويس كلمه تانيه عنه بنتك هتحصله فهمتى يلا جهزى الغدا ..........
فى مدينة المنصوره فى السجن يجلس ويفكر فى مراته و صاحبه اللى غدروا به وقرر ينتقم وقت خروجه منهم فاق على صوت العسكري بيبلغه بزياره له خرج معاه و دخل مكتب مدير السجن و كانت أخته ضمها وبكت فى حضنه كتير وقعدوا بعد خروج المدير ..........
محسن : ليه سبب الدموع الوقت اتأخرتى الزيارة اللى فاتت قولت خلاص مش هتيجى تانى اكيد زهقتى ..........
سهير بحزن : غصب عني حبيبي بس تعبت شويه ومقدرتش أحضر سامحنى ........
محسن : سلامتك حبيبتي وفين سهيل ايه مجاش معاكى .......
سهير : اهو ده اكتر واحد تاعبنى خايفه عليه أوى شغله فى الليل يا محسن ومفيش فى ايدى اساعده عارفه انى ذودتها عليه لو مكنش تعبى كنت اشتغلت و ريحته ........
محسن : معلشى كلها شهر و هخرج متخافيش قوليله انى عاوز اشوفه .........
سهير : هو كان جاى معايا بس اسماء عندها امتحان راح معاها .........
محسن : ربنا يخليهم لبعض و يخليكى لهم ......
سهير : ويخليك لنا يا أخويا ........
محسن : معرفتيش حاجه عن بنتى برضه .......
سهير : سهيل بيدور عليها متقلقش ........
محسن : ماشى اخرج بس من هنا ..........
انتهت الزيارة و رجعت سهير لبيتها و جهزت الاكل لولادها و دخلت اسماء غضبانه لان سهيل اختفى و سابها ........
سهير : مالك زعلانه ليه الامتحان صعب ولا ايه واخوكى فين ........
اسماء : واحده واحده يا حاجه ايه كل الاسئله دى اهدى .........
سهير : طمنينى طيب .........
اسماء : ابنك مشى من غير ميعرفنى والامتحان يعنى حلو اطمنى ........
سهير : طيب ادخلى غيرى هدومك على ميرجع ..........
اسماء : طبعا طبعا حبيب أمه هو غيره فى القلب .. أه يا غلبانه يانى ..........
سهير : امشى يا جزمه ولا الشبشب وحشك ........
اسماء قربت منها وضمتها /
اسماء : لا يا سوسو بلاش الشبشب قلبك ابيض أنا زى بنتك برضه ..........
سهير : اه منك يا لمضه انتى يلا غيرى وتعالى ........
دخلت أوضتها تغير وابتسمت رغم بيتهم صغير و بسيط لكن فيه دفى وامان اكتر من البيوت الكبيرة اللى اهلها ميعرفوش حاجه عن بعض .....
فى القسم دخل الظابط و خبط على مكتبه سهيل وقف وخاف ..........
الضابط : مش ناوى تجيبها لبر أنت صح .........
سهيل : عملت أيه بس يا باشا انتم واخدينى من عند مدرسة أختى زمانها قلبت الدنيا هى و سهير .........
الضابط : سهيل هتستعبط ولا ايه فين المعلومات اللى طلبتها منك .............
يتبع
