رواية انثي من عالم اخر الفصل التاسع 9 بقلم الاء محمود
ف اوضه ادهم ..
ادهم : ها احكي سمعك وبلاش تقولي انا كويسه عشان انا عارف انك مش كويسه او بمعني اصح قلبك مش كويس
اسما : اول ما ادهم قالها كده اتفتحت ف العياط
ادهم : بقا يطبطب عليها اهدي طيب اهدي سامح عمل ايه
اسما بشحتفه : اتغير اتغير كتير مش سامح اللي حبيته ابدا يا ادهم مش هو كانه اتبدل بقا واحد تاني غير اللي انا عارفاه بقا دايما يزعق ويسبلي البيت ده وصلت بيه كمان انه بقا يزعقلي قدام ادهم .. ادهم بقا شايفه وحش يا ادهم وانا مش عايزه يشوف ابوه كده ابدا .. ادهم انا عارفه انك صح ف كل حاجه بس انا بحبه فاهمني
ادهم : خدها ف حضنه فهمك يا اسما وفهمك اوووي كمان .. انا بكره هسافر اسكندريه وهتكلم معاه
اسما : لالا عشان خاطري يا ادهم لا متروحلوش
ادهم : لا طبعا اسما لازم يعرف اني انا ف ضهرك
اسما : عشان خاطري يا ادهم
ادهم : عشان خاطري انتي بس .. انا بكره هروح خلاص ولنفسه واما اشوف هتبقا عامل ازاي قدامي يا سامح
اسما : انا عارفه اني مش هعرف اقنعك
ادهم مسحلها دموعها قومي اغسلي وشك انا احرق الدنيا عشان دموعك دي
اسما : حضنته ربنا يخليك ليا وماتحرمش منك يا ادهم ياررب وقامت وكانت لسه هتمشي بس وقفت تاني ادهم
ادهم : نعم يا اسما
اسما : نيران هي كمان بكره مسافره اسكندريه عشان هتصفي الشركه بتاعتها هناك
ادهم بستغراب : هي مش اتحجر ع ممتلكاتهم
اسما ابتسمت : لا نيران دايما بتكون عامله حساب اي حاجه وبتبقا عامله استبنات عشان تتسند عليها فهي ليها شركه هناك كانت كتباها بأسم سليم ابن خالها بس ورق صوري كده المهم اني هي بكره هتروح تصفي الشركه دي .. نيران ذكيه وذكيه جداجدا كمان .. المهم سيبك من كل ده طلما انت رايح روحوا مع بعض وارجعوا مع بعض هي برضو هنا مش عارفه الطريق
ادهم : نروح مع بعض بصفتي ايه يا اسما وغير ماينفعش دي بنت وليها سمعتها اي حد هيفتكر حاجه وانا مش هحب ابدا حد يتكلم عليها عشان ساعتها هقطع لسانه من لغلوغه
اسما : طب اعرض عليها كده
ادهم : يا بنتي شوف انا بقول ايه وانتي بتقولي ايه انا غريب عنها انا ولا اخوها ولا خطيبها ولا جوزها انا غريب عنها حطي تحتها مليون خط
اسما : ماهي لو ركبت مع سواق ماهو غريب عنها هو كمان ايه المشكله فيك دلوقتي
ادهم : دعك ف دقنه امشي يا اسما امشي
اسما ضحكت : انت هتدعكلي ف دقنك لا ياعم انا همشي بكرامتي احسن
ادهم : شاطوره بتسمعي الكلام اتكلي ع الله بقا
***********************
نيران : شكرا بجد ع الاكل والشقه وكل حاجه بجد
هدي : ايه اللي انتي بتقوليه ده .. والله ربنا بعلم انتوا دخلتوا قلبي ازاي
نيران : شكرا ليكي بجد ..وبصت لفاطمه داده انا بكره هسافر اسكندريه هصفي الشركه اللي هناك
فاطمه : ولما تصفيها هتعمليها فين ؟
نيران : هعملها هنا ف امبابه
هدي وفاطمه بصوا لبعض بصدمه : شركه ف امبابه ؟
نيران : ايوه وفيها ايه وغير دي هتكون مربحه جدا
فاطمه : نيران بلاش تكون السكينه سرقاكي
نيران : داده انا بكلم جدا مبهزرش انا خطتط ليها يا داده المهم اني انا بكره هسافر اسكندريه عشان اخلص من الموضوع ده وسابتهم وقامت
فاطمه بصت ل هدي : شوفتي هي كده دايما
هدي ابتسمت : بتفكرني ببابا الله يرحمه و بمحسن شديده وصعب حد يقرأ هي عايزه ايه ابدا ربنا يوفقها بجد يلا انا هنزل بقا ....
**********************
ف اوضه نيره ..
نيره مسكه الموبيل وبتقلب ع الفيس بوك شافت الخبر اتنهدت وادينا اتفضحنا وبقت سيرتنا ع كل لسان
نيران دخلت عليها الاوضه
نيران بستغراب : انتي بتكلمي نفسك
نيره : هو بعد اللي حصل ده الواحد المفروض يكون سليم .. بصي الخبر الرهيب عمك سعد خلاص مسك اداره شركات المنياوي كلها
نيران : عادي مضايقه ليه
نيره : لا انتي بتهزري صح انا نفسي اعرف ايه الهدوء ده واحده غيرك دلوقتي كانت زمانها هدت الدنيا عليهم دول مزورين
نيران ببرود: خلصتي يا نيره .. وبنظرات شرسه صوتك يوطي واخر مره اسمعك بتعلي صوتك عليا مفهوم يا نيره
نيره بخوف : اسفه مكنتش اقصد بس قدري اللي حصلنا ده رد فعل طبيعي مني
نيران : قربت منها ومسكت وشها بكف ايديها نيره حبيبتي كل حاجه هترجع زي الاول اوعدك وببتسامه خبيثه سيبي عمك يفرح شويه هو محدث نعمه ف انا هسيبه يفرح شويه وشويه كتير كمان لحد مايشبع او مايشبعش مش ضامنه الصراحه
نيره بلئم : هو ده التنين اللي انا عارفه .. اضرب بأيد من حديد يا وحش
نيران : المهم يلا نامي انا عدتلك النهارده بمزاجي عدم مرواحك لجامعتك لكن بكره هتروحي مفهوم
نيره : حاضر يا باشا علم وينفذ
نيران ضحكت : نامي يلا تصبحي ع خير
******************
ف شقه هدي ..
قاعدين بيتغدوا ..
ادهم : ماما انا بكره مسافر اسكندريه عندي شغل هناك
اسما بصتله وابتسمت وفهمت انه هو مش عايز يقلق امهم
هدي : ماشي يا ابني .. ونيران بكره مسافره برضو تبقا خدها معاك
اسما كانت كاتمه الضحكه
ادهم : ماما اسما قالتلي نفس الجمله وقولتلها لا
هدي : ليه يا ادهم
اسما : عشان هو ولا هو ولا خطيبها ولا جوزها يبقا بصفته ايه يمشي معها هو غريب عنها فماينفعش
هدي : زي اختك يا ادهم
ادهم : ماما مافيش حاجه اسمها زي دي خالص ع فكره
هدي : كلمه ومش هتنيها يا ادهم بكره هتروحوا وهترجعوا مع بعض من اسكندريه خلاص وانا دلوقتي هكلم فاطمه واقولها اني انت هتروح مع نيران بكره تمام
ادهم : ماما لو سمحتي
هدي بلئم : اول مره تكسر كلمتي يا ادهم اول مره انا معرفتش اربي خلاص
ادهم : ماما لوسمحتي خلاص حاضر هروح معاها ارتحتي كده يا ماما
هدي : ربنا يجبر بخاطرك زي مانت جابر خاطري
ادهم : ياررب يا امي تبقي قوليلها بقا اني احنا هنسافر ع ٨ الصبح
هدي ببتسامه واسعه : حاضر
ادهم : ايه الابتسامه الواسعه دي ياماما كل ده عشان وافقت سبحان مغير الاحوال اللي يشوفك امبارح حقيقي مايشوفكيش النهارده
هدي : النبي وصي ع سابع جار ياابني وهما بصراحه يدخلوا القلب
ادهم : اما اشوف اخريتها يا ماما ولنفسه ياررب عدي بكره ع خير
***********************
ف بيت سمر ...
زنوبه : ها ياعبدالله مراتك مالها
عبدالله : مالهاش عملنا التحاليل وهنستلمها بعد ٣ ايام كده وبأذن الله خير
زنوبه : مصمصت شفايفها اما نشوف
سمر : عبدالله انا داخله انام
عبدالله : استني جاي معاكي
زنوبه : شوف البت جرت الواد وراها ازاي وبغيظ اما وريتك يا سمر مبقاش انا زنوبه
**********************
ف اوضه نيران ...
نيران الرجاله كلهم خاينين .. كلهم يا نيران كلهم اوعي تسلمي قلبك لحد اوعي محدش هيصونه اوعي يا نيران وفي نار بتقرب عليها وابتسامه مخيفه اترسمت ع وش سميره .. ماما النار يا ماما النار بتقرب مني امسكيني يا ماما امسكيني ونيران لقت ايد مسكتها بس هي مش عارفه مين
الشخص : نيران هاتي ايدك تبتي فيا كويس
نيران بدموع : متسبنيش ارجوك متسبنيش
الشخص : عمري ماهسيبك يا نيران عمري ماهسيبك
نيران اتنفضت من النوم : انا كنت بطلت احلم الحلم ده انا ايه اللي بيحصلي
داده فاطمه خبطت
نيران : ادخل
فاطمه بستغراب : مالك يا بنتي وشك عرقان كده ليه
نيران : مافيش انا كنت نايمه وهنا الجو حر اووي كمان
فاطمه : هتتعودي
نيران : متقلقيش يا داده انا بعرف اتكيف مع اي حاجه لكن نيره مش اوووي .. خير يا داده ف حاجه حصلت
فاطمه : لا يا حبيبتي مافيش حاجه حصلت ده انا دخلتلك عشان اقولك هدي كلمتني وقالتلي ان ادهم كان مسافر بكره شغل فقالتلي انكوا تروحوا مع بعض وترجعوا مع بعض عشان مترجعيش لوحدك
نيران : وع اساس ان انا صغيره مثلا عايزه حراسه
فاطمه : لا يابنتي عشان يعني انتي هنا جديده ومش عارفه المناطق ولا تركبي منين ولا الكلام ده
نيران : داده انا هروح بأوبر يعني شكرا مايتعبش نفسه
فاطمه : نيران انا مش هخليكي تسافري لوحدك .. وانتي عارفه كويس جدا ان المستوي مبقاش زي زمان وغير لو سمحتي كرهك للرجاله حطيه ع جمب
نيران : وانا قولت اني مش رايحه يا داده والموضوع اتقفل خلاص ماشي
فاطمه : نيران
نيران : قولت اتقفل خلاص يا داده وغير كده كده فاضل ساعه وهقوم عشان البس عشان ارجع بدري وسابتها وقامت تدخل الحمام ..
فاطمه : نيران ربنا يرزقك بواحد يهد كل الاسوار اللي بنيها حوالين نفسك دي قادر يا كريم
***************
ف اوضه نيره
نيره موبيلها رن
مسكته من غير ماتبص ع شاشه الموبيل
نيره : ايوه يا ملك
يوسف بضحك : مايمشيش معاكي يوسف
نيره اتنفضت : يوسف هو ف حاجه ولا ايه
يوسف : لا مافيش انا بس كنت بصحيكي عشان نروح الجامعه سوا بدل ماتروحي لوحدك
نيره ابتسمت : عادي ع فكره انا هاخد اوبر او تاكسي عادي يعني
يوسف : قومي البسي يا نيره عقبال ماخلص لبس وهعدي عليكي تمام وقفل من غير مايسمع ردها
نيره : بصت للموبايل ايه ده ده قفل ف وشي .. ده بيأمرني كمان ولقت نفسها ابتسمت
نيران دخلت يلا قومي عشان اوديكي جامعتك واطلع ع اسكندريه
نيره : لا يوسف هيجي معايا هو قالي كده وكلمني كمان وكويس يعني بنسبه اني هو ساكن هنا كمان
نيران بهدوء : تمام خلي بالك من نفسك مفهوم
نيره : متقلقيش يوسف محترم وانتي عارفه ده كويس
نيران : تمام ماشي
نيره : صح استني انتي هتلبسي ايه .. انتي لازم الصحافه متلقطكيش خالص
نيران : هنزل اخد حاجه من عند اسما .. متقلقيش فكرت ف الموضوع ده
*********************
ف شقه هدي ..
الباب خبط
ادهم : نيران
نيران : صباح الخير بعتذر ع اني خبطت دلوقتي بس انا عايزه اسما
ادهم : كان لسه هينده لقي اسما جت جمبه
اسما : نيران خير ف حاجه ولا ايه
نيران : كنت عايزه لبس اسافر بيه عشان انا مش عايزه الصحافه تتعرف عليا نهائي ممكن
اسما : طبعا تعالي خشي وشوفي الدولاب نقي اللي انتي عايزه
ادهم الصغير : الله انتي حلوه اوووي يا طنط تعرفي كده
ادهم : بصله ادهم عيب
ادهم الصغير : ثوري (سوري ) يا خالو
نيران ابتسمت : نزلت لمستواه هاي انا نيران
ادهم الصغير : وانا ادهم
نيران : انت قمور خالص تعرف انت كده
ادهم الصغير : ضحك ببرائه واتكسف .. وبص ل اسما ماما بتقولي اني قمور خالص
كلهم ضحكوا عليه
اسما : تعالي يا مغلبني نشوف طنط عايزه ايه طيب
ادهم الصغير : ادخلي يا طنط ادخلي
اسما : ده حبك اوووي يا نيران خلاص
نيران : شالته تعالي نقي معايا بقا
ادهم الصغير بفرحه : ماثي (ماشي ) يا طنط
*********************
سعد ع تربيزه قمار ..
حيدر : ها يا سعد اخيرا نيران مبقتش موجوده ف الساحه
سعد بخبث : اخيرا يا باشا
حيدر : ياااه الواحد اخيرا هياخد نفسه بقا ويعمل شغله ع روقان والميناء تبقا بتاعتنا
سعد بحقد وغل : نيران بح خلاص يا باشا عقبال مخليها بح خالص من ع وش الدنيا واخلص منها زي ماخلصت من كل اللي حواليها وضحك ضحكه شيطانيه
يتبع ««««
ادهم : ها احكي سمعك وبلاش تقولي انا كويسه عشان انا عارف انك مش كويسه او بمعني اصح قلبك مش كويس
اسما : اول ما ادهم قالها كده اتفتحت ف العياط
ادهم : بقا يطبطب عليها اهدي طيب اهدي سامح عمل ايه
اسما بشحتفه : اتغير اتغير كتير مش سامح اللي حبيته ابدا يا ادهم مش هو كانه اتبدل بقا واحد تاني غير اللي انا عارفاه بقا دايما يزعق ويسبلي البيت ده وصلت بيه كمان انه بقا يزعقلي قدام ادهم .. ادهم بقا شايفه وحش يا ادهم وانا مش عايزه يشوف ابوه كده ابدا .. ادهم انا عارفه انك صح ف كل حاجه بس انا بحبه فاهمني
ادهم : خدها ف حضنه فهمك يا اسما وفهمك اوووي كمان .. انا بكره هسافر اسكندريه وهتكلم معاه
اسما : لالا عشان خاطري يا ادهم لا متروحلوش
ادهم : لا طبعا اسما لازم يعرف اني انا ف ضهرك
اسما : عشان خاطري يا ادهم
ادهم : عشان خاطري انتي بس .. انا بكره هروح خلاص ولنفسه واما اشوف هتبقا عامل ازاي قدامي يا سامح
اسما : انا عارفه اني مش هعرف اقنعك
ادهم مسحلها دموعها قومي اغسلي وشك انا احرق الدنيا عشان دموعك دي
اسما : حضنته ربنا يخليك ليا وماتحرمش منك يا ادهم ياررب وقامت وكانت لسه هتمشي بس وقفت تاني ادهم
ادهم : نعم يا اسما
اسما : نيران هي كمان بكره مسافره اسكندريه عشان هتصفي الشركه بتاعتها هناك
ادهم بستغراب : هي مش اتحجر ع ممتلكاتهم
اسما ابتسمت : لا نيران دايما بتكون عامله حساب اي حاجه وبتبقا عامله استبنات عشان تتسند عليها فهي ليها شركه هناك كانت كتباها بأسم سليم ابن خالها بس ورق صوري كده المهم اني هي بكره هتروح تصفي الشركه دي .. نيران ذكيه وذكيه جداجدا كمان .. المهم سيبك من كل ده طلما انت رايح روحوا مع بعض وارجعوا مع بعض هي برضو هنا مش عارفه الطريق
ادهم : نروح مع بعض بصفتي ايه يا اسما وغير ماينفعش دي بنت وليها سمعتها اي حد هيفتكر حاجه وانا مش هحب ابدا حد يتكلم عليها عشان ساعتها هقطع لسانه من لغلوغه
اسما : طب اعرض عليها كده
ادهم : يا بنتي شوف انا بقول ايه وانتي بتقولي ايه انا غريب عنها انا ولا اخوها ولا خطيبها ولا جوزها انا غريب عنها حطي تحتها مليون خط
اسما : ماهي لو ركبت مع سواق ماهو غريب عنها هو كمان ايه المشكله فيك دلوقتي
ادهم : دعك ف دقنه امشي يا اسما امشي
اسما ضحكت : انت هتدعكلي ف دقنك لا ياعم انا همشي بكرامتي احسن
ادهم : شاطوره بتسمعي الكلام اتكلي ع الله بقا
***********************
نيران : شكرا بجد ع الاكل والشقه وكل حاجه بجد
هدي : ايه اللي انتي بتقوليه ده .. والله ربنا بعلم انتوا دخلتوا قلبي ازاي
نيران : شكرا ليكي بجد ..وبصت لفاطمه داده انا بكره هسافر اسكندريه هصفي الشركه اللي هناك
فاطمه : ولما تصفيها هتعمليها فين ؟
نيران : هعملها هنا ف امبابه
هدي وفاطمه بصوا لبعض بصدمه : شركه ف امبابه ؟
نيران : ايوه وفيها ايه وغير دي هتكون مربحه جدا
فاطمه : نيران بلاش تكون السكينه سرقاكي
نيران : داده انا بكلم جدا مبهزرش انا خطتط ليها يا داده المهم اني انا بكره هسافر اسكندريه عشان اخلص من الموضوع ده وسابتهم وقامت
فاطمه بصت ل هدي : شوفتي هي كده دايما
هدي ابتسمت : بتفكرني ببابا الله يرحمه و بمحسن شديده وصعب حد يقرأ هي عايزه ايه ابدا ربنا يوفقها بجد يلا انا هنزل بقا ....
**********************
ف اوضه نيره ..
نيره مسكه الموبيل وبتقلب ع الفيس بوك شافت الخبر اتنهدت وادينا اتفضحنا وبقت سيرتنا ع كل لسان
نيران دخلت عليها الاوضه
نيران بستغراب : انتي بتكلمي نفسك
نيره : هو بعد اللي حصل ده الواحد المفروض يكون سليم .. بصي الخبر الرهيب عمك سعد خلاص مسك اداره شركات المنياوي كلها
نيران : عادي مضايقه ليه
نيره : لا انتي بتهزري صح انا نفسي اعرف ايه الهدوء ده واحده غيرك دلوقتي كانت زمانها هدت الدنيا عليهم دول مزورين
نيران ببرود: خلصتي يا نيره .. وبنظرات شرسه صوتك يوطي واخر مره اسمعك بتعلي صوتك عليا مفهوم يا نيره
نيره بخوف : اسفه مكنتش اقصد بس قدري اللي حصلنا ده رد فعل طبيعي مني
نيران : قربت منها ومسكت وشها بكف ايديها نيره حبيبتي كل حاجه هترجع زي الاول اوعدك وببتسامه خبيثه سيبي عمك يفرح شويه هو محدث نعمه ف انا هسيبه يفرح شويه وشويه كتير كمان لحد مايشبع او مايشبعش مش ضامنه الصراحه
نيره بلئم : هو ده التنين اللي انا عارفه .. اضرب بأيد من حديد يا وحش
نيران : المهم يلا نامي انا عدتلك النهارده بمزاجي عدم مرواحك لجامعتك لكن بكره هتروحي مفهوم
نيره : حاضر يا باشا علم وينفذ
نيران ضحكت : نامي يلا تصبحي ع خير
******************
ف شقه هدي ..
قاعدين بيتغدوا ..
ادهم : ماما انا بكره مسافر اسكندريه عندي شغل هناك
اسما بصتله وابتسمت وفهمت انه هو مش عايز يقلق امهم
هدي : ماشي يا ابني .. ونيران بكره مسافره برضو تبقا خدها معاك
اسما كانت كاتمه الضحكه
ادهم : ماما اسما قالتلي نفس الجمله وقولتلها لا
هدي : ليه يا ادهم
اسما : عشان هو ولا هو ولا خطيبها ولا جوزها يبقا بصفته ايه يمشي معها هو غريب عنها فماينفعش
هدي : زي اختك يا ادهم
ادهم : ماما مافيش حاجه اسمها زي دي خالص ع فكره
هدي : كلمه ومش هتنيها يا ادهم بكره هتروحوا وهترجعوا مع بعض من اسكندريه خلاص وانا دلوقتي هكلم فاطمه واقولها اني انت هتروح مع نيران بكره تمام
ادهم : ماما لو سمحتي
هدي بلئم : اول مره تكسر كلمتي يا ادهم اول مره انا معرفتش اربي خلاص
ادهم : ماما لوسمحتي خلاص حاضر هروح معاها ارتحتي كده يا ماما
هدي : ربنا يجبر بخاطرك زي مانت جابر خاطري
ادهم : ياررب يا امي تبقي قوليلها بقا اني احنا هنسافر ع ٨ الصبح
هدي ببتسامه واسعه : حاضر
ادهم : ايه الابتسامه الواسعه دي ياماما كل ده عشان وافقت سبحان مغير الاحوال اللي يشوفك امبارح حقيقي مايشوفكيش النهارده
هدي : النبي وصي ع سابع جار ياابني وهما بصراحه يدخلوا القلب
ادهم : اما اشوف اخريتها يا ماما ولنفسه ياررب عدي بكره ع خير
***********************
ف بيت سمر ...
زنوبه : ها ياعبدالله مراتك مالها
عبدالله : مالهاش عملنا التحاليل وهنستلمها بعد ٣ ايام كده وبأذن الله خير
زنوبه : مصمصت شفايفها اما نشوف
سمر : عبدالله انا داخله انام
عبدالله : استني جاي معاكي
زنوبه : شوف البت جرت الواد وراها ازاي وبغيظ اما وريتك يا سمر مبقاش انا زنوبه
**********************
ف اوضه نيران ...
نيران الرجاله كلهم خاينين .. كلهم يا نيران كلهم اوعي تسلمي قلبك لحد اوعي محدش هيصونه اوعي يا نيران وفي نار بتقرب عليها وابتسامه مخيفه اترسمت ع وش سميره .. ماما النار يا ماما النار بتقرب مني امسكيني يا ماما امسكيني ونيران لقت ايد مسكتها بس هي مش عارفه مين
الشخص : نيران هاتي ايدك تبتي فيا كويس
نيران بدموع : متسبنيش ارجوك متسبنيش
الشخص : عمري ماهسيبك يا نيران عمري ماهسيبك
نيران اتنفضت من النوم : انا كنت بطلت احلم الحلم ده انا ايه اللي بيحصلي
داده فاطمه خبطت
نيران : ادخل
فاطمه بستغراب : مالك يا بنتي وشك عرقان كده ليه
نيران : مافيش انا كنت نايمه وهنا الجو حر اووي كمان
فاطمه : هتتعودي
نيران : متقلقيش يا داده انا بعرف اتكيف مع اي حاجه لكن نيره مش اوووي .. خير يا داده ف حاجه حصلت
فاطمه : لا يا حبيبتي مافيش حاجه حصلت ده انا دخلتلك عشان اقولك هدي كلمتني وقالتلي ان ادهم كان مسافر بكره شغل فقالتلي انكوا تروحوا مع بعض وترجعوا مع بعض عشان مترجعيش لوحدك
نيران : وع اساس ان انا صغيره مثلا عايزه حراسه
فاطمه : لا يابنتي عشان يعني انتي هنا جديده ومش عارفه المناطق ولا تركبي منين ولا الكلام ده
نيران : داده انا هروح بأوبر يعني شكرا مايتعبش نفسه
فاطمه : نيران انا مش هخليكي تسافري لوحدك .. وانتي عارفه كويس جدا ان المستوي مبقاش زي زمان وغير لو سمحتي كرهك للرجاله حطيه ع جمب
نيران : وانا قولت اني مش رايحه يا داده والموضوع اتقفل خلاص ماشي
فاطمه : نيران
نيران : قولت اتقفل خلاص يا داده وغير كده كده فاضل ساعه وهقوم عشان البس عشان ارجع بدري وسابتها وقامت تدخل الحمام ..
فاطمه : نيران ربنا يرزقك بواحد يهد كل الاسوار اللي بنيها حوالين نفسك دي قادر يا كريم
***************
ف اوضه نيره
نيره موبيلها رن
مسكته من غير ماتبص ع شاشه الموبيل
نيره : ايوه يا ملك
يوسف بضحك : مايمشيش معاكي يوسف
نيره اتنفضت : يوسف هو ف حاجه ولا ايه
يوسف : لا مافيش انا بس كنت بصحيكي عشان نروح الجامعه سوا بدل ماتروحي لوحدك
نيره ابتسمت : عادي ع فكره انا هاخد اوبر او تاكسي عادي يعني
يوسف : قومي البسي يا نيره عقبال ماخلص لبس وهعدي عليكي تمام وقفل من غير مايسمع ردها
نيره : بصت للموبايل ايه ده ده قفل ف وشي .. ده بيأمرني كمان ولقت نفسها ابتسمت
نيران دخلت يلا قومي عشان اوديكي جامعتك واطلع ع اسكندريه
نيره : لا يوسف هيجي معايا هو قالي كده وكلمني كمان وكويس يعني بنسبه اني هو ساكن هنا كمان
نيران بهدوء : تمام خلي بالك من نفسك مفهوم
نيره : متقلقيش يوسف محترم وانتي عارفه ده كويس
نيران : تمام ماشي
نيره : صح استني انتي هتلبسي ايه .. انتي لازم الصحافه متلقطكيش خالص
نيران : هنزل اخد حاجه من عند اسما .. متقلقيش فكرت ف الموضوع ده
*********************
ف شقه هدي ..
الباب خبط
ادهم : نيران
نيران : صباح الخير بعتذر ع اني خبطت دلوقتي بس انا عايزه اسما
ادهم : كان لسه هينده لقي اسما جت جمبه
اسما : نيران خير ف حاجه ولا ايه
نيران : كنت عايزه لبس اسافر بيه عشان انا مش عايزه الصحافه تتعرف عليا نهائي ممكن
اسما : طبعا تعالي خشي وشوفي الدولاب نقي اللي انتي عايزه
ادهم الصغير : الله انتي حلوه اوووي يا طنط تعرفي كده
ادهم : بصله ادهم عيب
ادهم الصغير : ثوري (سوري ) يا خالو
نيران ابتسمت : نزلت لمستواه هاي انا نيران
ادهم الصغير : وانا ادهم
نيران : انت قمور خالص تعرف انت كده
ادهم الصغير : ضحك ببرائه واتكسف .. وبص ل اسما ماما بتقولي اني قمور خالص
كلهم ضحكوا عليه
اسما : تعالي يا مغلبني نشوف طنط عايزه ايه طيب
ادهم الصغير : ادخلي يا طنط ادخلي
اسما : ده حبك اوووي يا نيران خلاص
نيران : شالته تعالي نقي معايا بقا
ادهم الصغير بفرحه : ماثي (ماشي ) يا طنط
*********************
سعد ع تربيزه قمار ..
حيدر : ها يا سعد اخيرا نيران مبقتش موجوده ف الساحه
سعد بخبث : اخيرا يا باشا
حيدر : ياااه الواحد اخيرا هياخد نفسه بقا ويعمل شغله ع روقان والميناء تبقا بتاعتنا
سعد بحقد وغل : نيران بح خلاص يا باشا عقبال مخليها بح خالص من ع وش الدنيا واخلص منها زي ماخلصت من كل اللي حواليها وضحك ضحكه شيطانيه
يتبع ««««
