رواية انثي من عالم اخر الفصل العاشر 10 بقلم الاء محمود
الفصل العاشر
ف بيت هدي ..
ف الصاله ...
هدي : نيران صباح الخير يا حبيبتي
نيران : صباح النور يا طنط معلش بقا ازعجتكوا
هدي : ايه اللي انتي بتقوليه ده يا بنتي ده انتي منوراني انتي لسه صاحيه من النوم ولا ايه
نيران : بقالي شويه
ادهم لنفسه : ف حد بيكون صاحي من النوم حلو كده ايه اللي انا بقوله ده استغفر الله العظيم استغفر الله العظيم ..وسابهم ودخل اوضته
هدي : شوفي البس اللي عايزه وادهم هيستناكي
نيران بهدوء : لا يا طنط انا هروح لوحدي .. داده قالتلي وانا قولتلها لا مالوش لزوم خالص
هدي : ازاي يا بنتي انتي زي اسما والله ربنا يعلم تروحوا مع بعض وترجعوا مع بعض ريحي قلبي
نيران : طنط لو سمحتي
هدي : بس يا نيران كلام وانتهي يا بنتي
نيران : طب انا هدخل اشوف البس عشان نرجع بدري
ف اوضه اسما ..
اسما : نقي يا ستي
نيران : بصت لكل اللي البس قد ماهو بسيط بس كانت منبهره بيه بس وقعت عنيها ع حاجه سوده .. بس خلاص هي دي اللي هلبسها
اسما بصدمه : انتي بتهزري صح
*********************
ف لندن ..
محسن : ها يابني نيران ونيره كويسين
الشخص : ايوه كويسين وانا مخلي بالي وعيني عليهم كويس متقلقش يا سيادت اللواء هيكونوا بخير اوعدك
محسن : خلي بالك سعد انا جتلي اخبار انه ناوي ع حاجه .. وانا واثق لو ناوي يأذي يبقا هيأذي نيران
الشخص : محدش هيقرب منها ابدا يا افندم
محسن بأمتنان : وانا مطمن يا ابني
***********************
ف اوضه نيره ..
بتلبس هدومها وموبيلها رن
يوسف : ها خلصتي
نيره : اه خلصت اهو ونازله
يوسف : لا متنزليش انا هطلع اخدك
نيره : وليه يا ابني الشحطته دي مانا انزلك ع طول
يوسف : نيره هطلعلك خلاص انا قدام الباب خلاص تعالي افتحيلي
نيره بصدمه : ايه طب استني انا جايه
فاطمه : ايوه جايه
نيره : استني يا داده ده يوسف جاي عشان نروح الجامعه
نيره فتحت ..
يوسف بأبتسامه جذابه : صباح الخير
داده فاطمه : صباح الخير يا ابني
يوسف بص لنيره : يلا بينا
داده فاطمه : فيك الخير والله انك هتاخدها معاك ف طريقك
يوسف : وهيبقا كل يوم يا طنط فاطمه ده بعد اذن حضرتك طبعا
فاطمه : ياريت عشان ابقا مطمنه عليها انتوا اصلا تعرفوا بعض من زمان وانا كده بجد هكون مطمنه
نيره : طب يلاسلام يا بطتي بقا عشان كده ملك وزين هيعلقونا ع باب الجامعه عشان متأخرين
فاطمه ضحكت : طب يلا ربنا يحفظكوا يارب عقبال اختك ماتخلي ادهم يسافر معاها
يوسف : هو ادهم هيسافر مع نيران
فاطمه : اه يا ابني بس هي مش موافقه بس هي تحت عندهم ربنا يستر ويارب توافق
يوسف ابتسم : متقلقيش ادهم شخصيته قويه ومهما كان شخصيه نيران هتوافق ع كلامه
فاطمه : ياررب يا ابني ياررب خلي بالك منها يا يوسف
يوسف بص لنيره : ف عيني يا طنط
فاطمه ابتسمت من غير ما حد فيهم ياخد باله ولنفسها ياررب يا نيره يكون يوسف من نصيبك وتفهمي مشاعره بقا
*****************
اسما بصدمه : بتهزري صح .. عبايه يا نيران .. سيبك نيران هانم هتلبس عبايه
نيران : متقوليش هانم دي مبقتش خالص دي حاجه .. تاني حاجه دي اقرب حاجه متخليش الصحافه تعرفني نهائي وغير هاتي طرحه
اسما : كمان .. استر ياررب
اسما جبتلها طرحه وبتبص عليها وتنحت
نيران بستغراب : مالك يا اسما ف ايه
اسما : انا اول مره اشوف حد لابس عبايه وحلو اووي كده ولنفسها يا لهوووي يا ادهم ده انت لازم تحلق عليها وانت ماشي وطلعت منها ضحكه من غير قصد
نيران : شكلك اتهبلتي
اسما : لا ده ف ناس كتير هتتهبل يلا قدامي
طلعوا برا ادهم كان قاعد مستنيهم واول ملمحها تنح بس فاق ع طول وبقا يستغفر
نيران : استغربت شكله برغم انه كان متنحلها بس طنشت .. خلاص كده انا جاهزه
هدي بأنبهار : بسم الله ماشاء الله العبايه حلوه اووي عليكي
ادهم الصغير بانبهار : قمر اوووي يا تيتا
ادهم : ادهم قولنا عيب وبصلها يلا بينا
نيران بهدوء : ع فكره انت مش مجبر تيجي معايا خالص
ادهم تجاهلها : يلا
نيران بستغراب : نعم ولنفسها ده تجاهل كلامي
ادهم : نيران هانم مبحبش اعيد كلامي مرتين
نيران بهدوء : وانا مالي
ادهم اتنهد : اللهم اطولك يارروح هو انا عارف انه يوم مش هيعدي بقولك ايه يا نيران هانم زوقي معايا اليوم الله يكرمك واتفضلي قدامي وبنظرت امر يلا
نيران : بصتله كتير وابتسمت ابتسامه غريبه ومشيت قدامه يلا
ادهم لنفسه : ايه الابتسامه دي مش مطمنلك يا بنت الاكابر
واول مافتحوا الباب نيراه ويوسف كانوا نازلين
نيره بانبهار : نيران مش معقوله وبصت ل ادهم بمرح هو انتوا وديتوا اختي فين
نيران : ضربتها ف كتفها وبنبره حاده نيره
نيره : احم خلاص يا تنين وبصت ل ادهم هذا عطل فني هي دي اختي خلاص
يوسف وادهم بصوت لبعض وضحكوا
نيران : يلا عشان نخلص وبصت ليوسف بصه مخيفه .. خلي بالك منها مفهوم
يوسف : ع فكره مش محتاجه تقوليلي كده خالص عشان انتي عارفه اني هخلي بالي منها
نيران ببرود : بتمني مش يلا بقا
ادهم لنفسه : يارب عدي اليوم ياررب اتفضلي
يوسف بهمس ل ادهم : ربنا معاك يا صاحبي انت معاك التنين
ادهم : تبقا قولي ع حوار التنين ده لما اجي
يوسف : عيوني
************************
ف السوق ..
زنوبه ماشيه ووراها سمر كانها الشيال بتاعها
سمربتعب : كفايه كده يا حماتي الحاجات كتيره اوووي
زنوبه : مصمصت شفايفها بطلي دلع بنات يا بت انجري قدامي
منار بغضب : ف ايه يا وليه ماتكلميها عدل مش كفايه مخليها مشال برغم انك متكسحتش يعني
زنوبه : بقولك ايه يا منار ابعدي عن سكتي
سمر : خلاص يا منار
منار : اسكتي يا بت ياسمر .. يا ست ارحميها البت قايدالك صوابعها العشره شمع وانتي ولا طمران ف جتتك
زنوبه : بقولك يا بت يا منار احترمي نفسك بدل وديني امسح بكرامتك السوق ده كله
منار : ماهو مقامك يا زنوبه قال رضينا بالهم والهم مش راضي بينا حكم
الناس بقت تتلم حواليهم
الاشخاص اللي حواليهم كانوا بيحولوا يهدوهم
بتاعه الفجل : خلاص يا خاله زنوبه زي بتك
زنوبه : بنتي ايه بس ده انا لو بنتي كلمتني كده كنت كسرتها
منار : مين دي اللي تكسريها يا وليه يا شيبه يا عيبه ده انا هطلع عليكي اللي بتعمليه فيها
سمر : منار بس بقا .. عشان هي عارفه زنوبه انها هتنقم من منار فيها ..
********************
يوسف وادهم نازلين ووراهم نيران ونيره اللي يشوفهم يقول عليهم متجوزين
ام فتحي : اسم النبي حرسكو
ادهم ويوسف بهمس : اهي كملت
ام فتحي : وبصت لنيره ازيك يانواعم انتي
نيره بستغراب : نو نو انا ماسميش نواعم انا اسمي نيره
ام فتحي : لا ياحبيبتي ده بسكويت انتي ناعمه زيه كده ودلوعه اسم النبي حرسك وصينك
نيره : بصت ليوسف ايه نواعم ده يوسف
يوسف وادهم ضحكوا جامد
يوسف : هبقا اجبهولك واحنا ماشين
ام فتحي : وانتي يا قموره اسمك ايه
نيران : نيران
ام فتحي : لايق عليكي شكلك شرس بتخربشي وضحكت جامد
كلهم استغربوا بس نيران لا
الواد حمو دخل يجري
ام فتحي : رايح فين يا واد يا حمو
حمو : بينهج رايح انده لعم محمد اصل الانسه منار بتتخانق مع الخاله زنوبه ف السوق
ام فتحي : خبطت ع صدرها يالهووي
ادهم ويوسف بصوا لنيران ونيره خليكوا هنا متتحركوش
نيره بعد مامشيوا مش منار دي اللي كانت بتورينا الشقه ولا كانها شقتها هي اصلا بيئه بجد
نيران : كانت سرحانه سيبك منها
ادهم ويوسف وام فتحي دخلوا بمنار
ام فتحي : خلاص يا منار يا بنتي مهما كان زي امك
منار بعصبيه : امي حرام عليكي دي اصلا متتصنفش من الامهات اصلا دي وليه حربايه
نيره وقفت قدام يوسف : ڤالجر (بيئه) اوووي بجد
منار سمعتها : قولتي ايه ياعنيا
نيره بقرف : قولت ڤالجر تحبي تعرفي ترجمتها يعني بيئه
يوسف بحده : نيره
منار بصتلها بشر انا بيئه يا وكانت ايديها هتتمد ع نيره بس ايد مسكتها
نيران بنظرات تخوف : انتي اتجننتي اووعي ايدك دي عشان متوحشكيش وتبقي قابليني لو عرفتي تستخدميها تاني ولو دكتور عرف يعدلهالك انا اللي يقرب لنيره افرمه فاهمه يا بنت عم محمد انا بنت اكابر اه بس انا لفه وعارفه كويس وبستحقار الاشكال اللي زيك دي عامله ازاي وبكيد نسا هي عارفه انها كده هتولع فتيل الانشعال جواها ومسكت نيره وبصت ل ادهم
وبدلع غريب يلا يا ادهم عشان منتأخرش ونرجع بدري واتعمدت تلمس دراعه لدرجه نيره استغربت وبوقها كان هيقع من كتر الصدمه هي ويوسف اللي يشوفها دلوقتي مايشوفش التنين اللي كان ع وشك ان يطلع نار من بوقه من دقيقه
ام فتحي : شرسه زي ماقولت عليها اسم النبي حارسها بنت اكابر اه بس لعيبه يا حلوتها
منار : كانت هتولع من الغيظ لدرجه وشها احمر من ارتفاع الضغط
ام فتحي بصتلها : تعالي يا بنتي اعملك ليمون يهديكي بدل مانتي بقيتي عامله زي البوتجاز كده هينفجر
منار : نفضت ايديها اوعي وطلعت ع شقتها
ام فتحي : خيرا تعمل شرا تلقي فعلا مالكيش غير الشرسه وابتسمت ربنا يحرسك لشبابك يابنتي
********************
نيره بأنبهار : واو انتي كنتي هتتحولي عليها بجد وبضحك العبايه دي غيرتك
نيران بلامبالاه : انا كده دايما وبصت ل ادهم يلا اطلب اوبر
ادهم : اوبر ايه لمؤاخذه احنا هنركب ميكروباص من رمسيس يوصلنا اسكندريه
نيره : ميكروباص الله يكون ف عونك يانيران طب مع السلام عليكوا بقا يلا يا يوسف نركب تاكسي يوصلنا الجامعه
يوسف : تاكسي ايه لمؤاخذه شايفه الميكروباصات اللي ف الموقف اللي هناك اللي بتقول اسعاف دي احنا هنروح نركبها عشان ننزل ونركب المترو عشان نروح الجامعه
نيره بصدمه : ميكروباص ومترو كملت يا سوادك يا قرمط
**********************
شخص معلق صور كتير ع الحيطه من اول مانيران كانت طفله لحد دلوقتي
الشخص بخبث : بيملس ع الصور بجنون .. هتبقي قريبه مني قريب اووي يا نيران انتي بتاعتي وبس محدش هياخدك مني ابدا ومسك صوره ليها وحضنها انتي بتاعتي بتاعتي وبس يا نيران ...
يتبع «««««««
