رواية انثي من عالم اخر الفصل الثامن 8 بقلم الاء محمود
ف بيت عم محمد ..
محمد : منار يا بنتي تبقي اطلعي خدي بحس نيران ونيره هانم
منار : بابا لا .. دول تنكين كده وانا مبحبش الاسلوب ده .. ولا اللي اسمها نيران دي بتتأمر وعنيها خبيثه
محمد : انتي تعرفيهم عشان تحكمي عليهم حرام عليكي يا منار .. واياكي تقولي كده عليهم تاني .. ده هما اللي بسببهم فاتحين بيتنا من ايام الحج مختار كبير العيله
منار : استغفر الله بقولك ايه يا بابا مش هطلع يعني مش هطلع .. ولنفسها مش كفايه قاعدين ف شقه ادهم اللي المفروض نتجوز فيها ياررب اتجوزك ياادهم ياررب
محمد : ضرب كف ع كف ربنا يهديكي يابنتي ياررب
************************
ف بيت سمر ..
زنوبه : عبدالله روح لدكتور انا حجزتلك عنده خلاص
عبدالله : حاضر يا اما خشي البسي يا بت
سمر بصت لزنوبه لقتها بتبتسم ابتسامه خبيثه ومشيت هي وعبدالله
زنوبه لنفسها : اما اشوف بقا هتعملي ايه يا سمر لما تعرفي انك مبتخلفيش وطلعت شريط برشام من الدرج ربنا بخليلنا برشام منع الحمل .. هتبقي ارض بور اما وريتك وخليت كرامتك اللي فرحنه بيها دي ولا تسوي حاجه مبقاش ان زنوبه بنت فاكيهه
*****************
ف اسكندريه
سهر : سامح كلمت مراتك اطمنت عليها
سامح : لا
سهر : ليه كده يابني
سامح : ماما مش انتي نفذتي اللي انتي عايزاه خلاص بقا خلي اخوها ينفعها
سهر : ماهو هينفعها فعلا اخوها ضهر وسند ليها ع الاقل احسن منك
سامح بغضب مكتوم : شكرا يا امي واديني سايبلك البيت وماشي
سهر : ع اساس اني هقولك استني بس ارجع ع بيتك
سامح : ع فكره انا اللي ابنك مش هي
سهر : اسما دي ونعمه مرات الابن .. انا كنت بتمني اني يبقا معايا زيها وهي خساره ف جتتك وسابتوا ودخلت المطبخ
*********************
ف شركه المنياوي ...
دنيا : سعد باشا نورت الشركه
سعد : اندهيلي سليم ياريت يعني
دنيا : حاضر
دنيا راحت مكتب سليم
سليم : خير يا دنيا ف حاجه
دنيا : سعد باشا عايز حضرتك
سليم : هو شرف ماشي روحي انتي ع مكتبك وانا هروحله
دنيا : تمام متتأخرش عشان شكله لا يسر عدو ولا حبيب
سليم : ع نفسه انا ناقص
سليم دخل مكتب سعد
سعد : اقعد يا سليم
سليم : خير
سعد : طبعا انت من هنا ورايح هتبقي المحامي بتاعي انا مش محامي نيران
سليم : اسف يا سعد باشا انا محامي نيران بس
سعد : بقولك ايه يا سليم متنساش انك شغال دلوقتي ف شركتي وسهل اوووي ارميك بره الشركه
سليم ضحك بستهزاء: لا نقول الجمله بمعناها الصح هي شركه الحج مختار المنياوي اللي قبل مايموت رحمه الله عليه كتبها بأسم نيران وهتفضل كده يعني اللي صاحب الشركه دلوقتي هي نيران محسن مختار المنياوي .. اللي انت ختها بالتزوير
سعد بغضب : نيران ملهاش اي حاجه هنا دي شركتي انا والشركه دي دايما من حقي .. محدش كان يستاهلها غيري وانت مطرود بره الشركه يا سليم وبستهزاء تبقا خلي نيران هانم بقا تنفعك
سليم : مشي ووقف تاني وبابتسامه خبيثه الشركه هترجعلها عاجلا ام اجلا اصل الحرام مبيدمش ابدا خليك فاكر يا وبستهزاء يا سعد باشا وسابه ومشي وهو عارف ان هو دلوقتي هيولع من العصبيه
سعد مسك موبيله ..
سعد : صبري عايزك ترقبهالي خطوه بخطوه .. حتي لو وصلت بيك انك تراقبلي النفس اللي بتتنفسه وقفل السكه من غير مايسمع رد .. و بغضب ونرفزه اما وريتك يا نيران مبقاش انا سعد المنياوي ..
وب شر انا هخليكي ولا تسوي اي حاجه
**********************
ملك ماسكه الموبيل وبتقلب ع الفيس بوك شافت الخبر " سيده الاعمال المشهوره نيران المنياوي صاحبه الاسم العريق ف شركات الاستيراد والتصدير تم الحجر ع جميع ممتلكتها بعد خسارتها ف مناقصه شديده الاهميه وتم الان نقل الممتلكات بأكملها الي سعد المنياوي نجل مختار المنياوي "
ملك بصدمه : يانهار اسود ومهبب اتحجر ع ممتلكاتهم ومسكت الموبيل
**********************
ف امبابه
اسما : انا حقيقي مبسوطه اني شوفتك بعد السنين دي كلها
نيران بهدوء : وانا كمان يا اسما والله وكمان طلعنا جيران
نيره : السندوتش ده طعمه تحفه .. انتي قولتيلي دي ايه دي يا اسما
اسما بضحك : دي طعميه يا نيرو بالهنا يا قمر
نيره : حقيقي تحفه
نيران : مفجوعه بجد
جالها تليفون فقامت
نيره : هرد ع الموبيل واجيلكوا
اسما : ضحكت جامد ماشي يا نيرو .. ايه اللي حصل يا نيران انا عمري ماكنت اتوقع انك تيجي تعيشي هنا ف يوم من الايام
نيران بهدوء مريب : ومش هفضل هنا كتير يا اسما فتره وهتعدي وكل حاجه هترجع زي الاول واحسن كمان وكل واحد هياخد جزائه انا اصلا بكره هسافر اسكندريه عشان كان فيه شركه هناك لحسن الحظ اني كنت نقله ملكيتها لسليم ابن خالي بس نقل صوري هروح عشان اصفيها
اسما : مش هتتغيري ابدا يا نيران .. دماغك هتفضل طول عمرها شغاله وبطلع افكار الماظات ودايما بتبقا حسبه حسابات لقدام وعينك هتفضل طول عمرها شفره صعب حد يفهمها صدق اللي قال عليكي تنين فعلا بس يا خوفي تحرقي اللي حواليكي
نيران : مبحرقش بسهوله يا اسما المهم سيبك انتي اتجوزتي صح
اسما بحزن : ايوه ومعايا ادهم سميته ع اسم اخويا
نيران : لحظت الحزن اللي ظهر ع وش اسما .. بصي انا مش هسألك مالك بس انا عايزاكي وقت ماتبقي عايزه تكلمي تعالي احكيلي ماشي
اسما ابتسمت بأمتنان : حقيقي كنت محتاجه وجودك زي زمان بجد
نيران ابتسمت : انا جمبك يا اسما انتي مكانتك عندي زي نيره بظبط
اسما بأبتسامه رقيقه : وده العشم برضو
*******************
ف اوضه نيره ..
نيره : بتكلميني اذن انفضحنا ع السوشيال ميديا صح
ملك : ده بجد بقا .. قوليلي انه كذب ودي اشاعه يا نيره
نيره : للاسف مش اشاعه يا ملك ده حصل فعلا
ملك بحزن : طيب انتوا فين طب تعالوا اقعدوا معانا انتي عارفه اني مامي دايما مش موجوده وهي مش هتقول حاجه اصلا
نيره : كان نفسي بس نيران قعدتنا ف امبابه ياملك
ملك بصدمه : وات (ماذا) لالا هي نيران محدش يتوقعها بس لا مش لدرجادي يعني ايه ان عيله المنياوي بجلاله قدرهم يعيشوا ف امبابه
نيره : نيران لو سمعتك بتقولي كده صدقيني هتعمل منك بطاطس محمره او طعميه زي اللي بكولها دي
ملك : طعميه ! يعني ايه طعميه يانيره دي حاجه مسكره ولا ايه
نيره : نو نو دي حاجه حادقه حاجه كده مدوره وعليها سمسم بس طعمها حلو اووي بجد يا ملك لازم تدوقيها
ملك : واو تبقي جبيلي منها .. المهم سبنا الموضوع الرئيسي اختك ناويه ع ايه
نيره : مش عارفه انا عمري مفهمت نيران ابدا بس صح انتي عارفه انا شوفت مين وطلع ساكن ف البيت اللي جمبي كمان
ملك بستغراب : مين
نيره : يوسف
ملك : بتهزري بجد وكأن القدر بيحاول يجمعكوا سبحان الله
نيره : اتلمي يا ملك
ملك : سوري .. طب انتي مش جايه الجامعه ؟!
نيره : النهارده لا بكره بقا
ملك : طيب هبقا اكلمك اطمن عليكي ماشي تبقي ردي
نيره بأبتسامه : حاضر يا ملوكه
_________
ف شقه هدي ..
ادهم الصغير فتح
ادهم الصغير : عمو يوثف (يوسف)
يوسف ضحك : ياالهوووي ع اسمي القمر اللي بيطلع قمر منك
ادهم بخبث : اهلا اهلا ايه اللي جابك
يوسف : ده بدل ماتقولي اتفضل
ادهم : احنا هنستهبل انت مش جاي عشاني اصلا
يوسف : احم احم اخويا وصاحبي وكفاءه برضو مافيش كلام اللي دايما فاهمني صاحبي السندال اللي عمره ماكان من الاندال
ادهم ضحك جامد : الله يخربيت تشبيهاتك يا شيخ .. ع العموم هي مش رايحه الجامعه اصل كان ف حاجه اهم من الجامعه كانت الطعميه
يوسف بصدمه : اكلتوا بسكوتي طعميه يا عالم يا قادره
ادهم : ضحك جامد ع صدمته بسكوتك هي اللي عجبتها ريحتها فحبت تجربها .. بس المهم هي اكيد بكره هتروح تبقا وديها عشان هي مش عارفه الطريق
يوسف : اولا : اياك تقول بسكوتك دي تاني انا بس اللي اقول كده اي حد تاني لا ثانيا بقا انا اصلا كنت ناوي اعمل كده من غير ماتقول
ادهم : كتك نيله يا يوسف طلعت بتغير .. مش خايف تيأس
يوسف : اه بغير وبغير جدا كمان .. لا مش هيأس وكلمه قولتها لزين وهقولهالك اللي بيحب مبييأسش ابدا اللي بيحب بيعافر
ادهم : وده اللي هيخليني اقولك وديها بكره ومش هبقا قلقان
يوسف : دي نور عيوني يا عم
اسما : ايه ده يوسف هنا يا مرحبا يا مرحبا
يوسف : اهلا اهلا بأهل اسكندريه
اسما ضحكت : ده نباتشي محدش صدقني
ادهم ويوسف ضحكوا
يوسف بضحك : تشكر يا زوق انا هطير انا بقا
ادهم : خلي بالك من الطريق
يوسف ببتسامه : حاضر يا صاحبي
ادهم : اومال فين ماما
اسما : قاعده مع طنط فاطمه دول حبوا بعض اووي ادهم : طب تمام تعالي يا اسما عايز اتكلم معاكي
اسما : ادهم مالوش لزوم انا كويسه والله
ادهم : يلا يا اسما
اسما : حاضر خلاص
*****************
فاطمه : بس انتي امتي هتقوليلها انك هدي المنياوي
هدي : ادهم ابني نفسه مايعرفش اني هدي المنياوي
فاطمه بصدمه : نعم ازاي انتي ايه اللي بتقوليه ده
هدي : يافاطمه انا واحمد اتفقنا اني احنا من ساعه مسيبنا الفيلا واحنا محدش هيعرف عننا اي حاجه حتي احمد لغي ورق كتير اللي فيه اخر اسمي المنياوي عشان محدش يعرف ولا ان بابا يوصلي ماانتي عارفه اني بابا قد ايه كان رافض احمد عشان كان شايفوا اقل مننا واني ماينفعش يتجوزني عشان احنا فين وهو فين .. وابتسمت بوجع ع جوزها انا عيشت اجمل ايام حياتي يا فاطمه وانا مع احمد عمره ماكسر خاطري وعمره ماحرمني من حاجه ابدا وكان دايما بيعمل كل حاجه عشان يفرحني لحد ممات .. ادهم زيه بظبط ف كل حاجه ربنا يخليه ليا سندي وسند اخته بعد ربنا برغم اني موته مكنش طبيعي يا فاطمه موت احمد جوزي كان مدبرله
فاطمه بصدمه : ازاي
كانت هدي لسه هتكلم بس نيران قطعتهم
نيران : قطعتكوا !
هدي : لا يا بنتي اقعدي
نيران : شكرا بجد ع الاكل والشقه وكل حاجه بجد
هدي : ايه اللي انتي بتقوليه ده .. والله ربنا بعلم انتوا دخلتوا قلبي ازاي
نيران : شكرا ليكي بجد ..وبصت لفاطمه داده انا بكره هسافر اسكندريه هصفي الشركه اللي هناك
فاطمه : ولما تصفيها هتعمليها فين ؟
نيران : هعملها هنا ف امبابه
هدي وفاطمه بصوا لبعض بصدمه : شركه ف امبابه ؟
يتبع ««
