رواية لو كان خيرا الفصل السادس 6 بقلم مريم عبدالرحمن
الحلقه السادسه....لو كان خيراً
________________
فلاش باك عطيه بيفتكر....
عطيه...انت ياض انت و هو هتبلغوا البوليس ان البت دي معاها مخدرات و هياخدوها ضحيه
زياد...يا فندم عندي سؤال
عطيه...اتنيل قوله
زياد...تيمور كان متفق انك تطردها بشكل استثنائي مش تلبيس قضيه
عطيه اداله بالقلم...انت مال اهلك انت ثانيا هو طلب قدام صاحبه اطردها عادي لكن من وراه قالي اشحططها شحطتت الكلاب 
بااااك
عطيه...مش هسمحله ياخدها دي بت دماغها نضيفه هتنفعني فالشغل اوي
_______________
يوم جديد دراسي...
صحيت لبنى ولبست و واقفه قدام المرايه بتحط روج افتكرت كلام حسام ليها
فلاش باااك
"ياريت نهدى ي مدام لبنى
لبنى...مدام مين ي ابن الحماره انت كمان
و افتكرت بصت حسام ليها و هو بيقول... شكلك ولا بد منه يعني
باااك...
لبنى رمت صباع الروج فالزباله و دمعت و جابت المنديل و مسحت الروح و شالت البريسينج اللي ف مناخيرها و لمت شعرها ..
سندس...اي ده خير مالك
لبنى بنرفزه...ملكيش دعوه بيا عالصبح
سندس...مالها دي
____________________
راحوا المدرسه و قعدوا ف جنينة المدرسه...
كرم...وانا داخل كده حسيت ب اكسجين عرفت انك هنا
لبنى...هي مين
كرم...اكيد مش انتي
لبنى ضحكت....ماشي
سندس ...احم طب ي عم البكاش اقعد
كل ده و نظرة انور الحارقه شايفا لبنى بتضحك معاه هو قلبه هناك بس هل هي قلبها معاه؟؟؟
لبنى...انا هروح اشوف انور اللي هناك ده و هجيلكوا
كرم...روحي
لاحظ انور ان لبنى جايه نحيته ف اتعدل و ابتسم...
لبنى...ازيك
انور...كويس 
..سكوت..
لبنى...ونا كمان كويسه
انور..احم اسف
لبنى...عادي ينفع اقعد؟؟
انور....اتفضلي
لبنى...هو انت ليه بعت صاحبك عشان تيمور؟؟
انور ...انا ....
تيمور..انور
انور...نعم
تيمور...عايزك ضروري قوم
انور...طب...
تيمور...تعالا
انور...اسف ثانيه..
قام و تيمور خده على جمب
انور...مالك في اي
تيمور...قاعد معاها ليه
انور..هي اللي جات
تيمور حكاله عاللي حصل امبارح .
تيمور...انت عارف ان كده لبنى قربها منك خطر
انور...ليه
تيمور...لانها بتقرب منك عشان كرم عايز كده كرم وراها و هو اللي خلاها كمان تخبي مخدرات امبارح و متتمسكش قولتلك كرم ده شيطان
انور....انت بتتكلم جد؟
تيمور...اومال انت فاكر اي ؟؟؟
انور بإستيعاب...ثواني كده
تيمور..اي؟؟
انور...مخدرات اي
تيمور...احم دي كانت خطه بسيطه عشان يطردها عطيه
انور بتحذير...صدقني لبنى لو اتأذت انا هأذيكو
تيمور...متخافش
انور...اعمل اي دلوقت؟؟
تيمور...روح بس متدهاش وش
انور...بس انا بحبها انت كده بتحاول تعمل اي انت بتبعدها عني
تيمور....مؤقتا بس
رجع انور ل لبنى...
انور...معلش
لبنى...ولا يهمك رد على سؤالي
انور....معلش ي لبنى يعني بس انتي مهما كنتي مش عايزه اتكلم مع حد نهائي فالموقف ده و عن اذنك صحابي مستنيني
قام انور و فجأه قامت لبنى مسكت ايده...
لبنى...استنى ي انور انا بكلمك ده مش السبب اللي جتلك فيه والله
انور...عايزه اي
لبنى...انت ليه بتعاملني كده اقعد نتكلم عادي
اتنهد انور و قعد هو جواه مبسوط جدا ب كل الاهتمام و الحب اللي هي مقدمهاله بس ي ترى هل هي فعلا بتحبه زي م هو حاسس ب نحيتها؟؟
لبنى بكسره...هو ينفع اسألك سؤال
انور باستغراب...طبعا اتفضلي
لبنى...هو يعني عشان انت بتاع بنات و كده ف شايفني ولا بد ف بتقرب مني ولا انت شايفني ازاي؟؟؟
انور بنرفزه....مين قالك الكلام ده؟؟
لبنى...محدش انا بسألك بس انت شايفني ازاي؟؟؟
انور استغرب كان نفسه يقول كلام كتير اوي هو فعلا بيحبها من قلبه مستعد يعمل كل حاجه عشانها و المستحيل عشان يكسب قلبها الطيب و الحنين و قد اي كان ف حاله مخلياه متضايق لما شاف راسها انكسرت و هي بتسأل السؤال اللي زي ده ي ترى مين قلهولها او مين شايفها بطريقه مختلفه غير اللي هو شايفها بيها....
_________________
راح تيمور يقابل سهيله ورا المدرسه...
سهيله...ها عملت اي
تيمور...انا لسه هقابل عطيه بيه بعد المدرسه بس في حاجه متطمنش نهائي كرم تقريبا ورا موضوع غريب كده
سهيله...زي اي يمكن نقدر نستغله؟
تيمور بنرفزه...مش عارف قولت بس ظني مبيخيبش ابداً انتي عارفه يعني اي البوليس ميلاقيش معاها مخدرات؟؟
سهيله بغضب...اهدى علينا ي اخ تيمور احنا بنتهاود فالموضوع مش اكتر بس انت لو عوزتني ف اي وقت انا موجوده و متنساش هدفنا واحد بردو
تيمور...متقلقيش
_______________
لبنى...عاجز عن الرد صح
انور...اسف سرحت مش اقصد كده بس على م استوعبت قصدك صدقيني مفيش اي مشكله شايفها فيكي زائد جدتي قلتلي مره اللي يحب يحب اللي قدامه ب عيوبه زي م هو كده ب الطريقه اللي اتعرف عليه بيها و بالطريقه اللي خلته يدخل قلبك بيها متحاولش بعدين تنتقده على حاجه ميؤوس منها محبتوش من الاول مكنتش اديته امل حب من الاول عشان كده انتي تقريبا فاهمه الوضع غلط و هفضل اقولك اللي يحبك يحبك كلك على بعضك بدون رسومات و خلفيات و قواعد ..كمل كلامه ب ابتسامه و نظره مليانه حب و مسك ايدها...ثقي ف نفسك ي لبنى بصي انا عارف ان ممكن ناس كتير تشوف لون شعرك بالبريسينج باللبان و بالطريقه دي شخصيه جايه من الهرم بس صدقيني انتي شخص نضيف قابل لتحريك مؤهلاتك الاخلاقيه و الشكليه لو انتي عايزه كده 
لبنى بإبتسامة امل...انت انقى و احلى شخص شوفته ف حياتي
انور....حضن بقا
لبنى...انا هديك خازوق ينفع ياض
انور....احم شكلك غير قابله لتحريك مؤهلاتك الاخلاقيه
لبنى ب بصه عجيبه و غريبه...و هي الاخلاق احضن زميلي ف وسط المدرسه انت شخص غريب الحقيقي
مشيت و سابته...
انور ف نفسه ..اوووف هببت ف اخر حته ليه
________________
خلص موعد المدرسه و كلوا راح طريقه و كان تقريبا نصهم مستهدفين مطعم عطيه راحت لبنى و سندس يشتغلوا..
لبنى وقفت سندس ف وسط الشغل..
سندس باستغراب...عايزه اي يا بت
لبنى.... نروح بدري هصبغ شعري
سندس بصوت نبرته عاليه و صدمه...الله يخربيتك هتقلبي من الاحمر اي تاني ربنا يهدك
لبنى ضربتها ف كتفها ...اهمدي ي عبيطه انا هعمله حنه بني كله و هشيل البريسينج ده و علميني ازاي احط الروج عدل من غير م اكبر شفايفي
سندس....و ده لموأخذه كله من قاعده واحده مع سي انور
لبنى لسه هتتكلم كان جه جارسون قاطعها و طلبها برا في مشكله و خرجت من المطبخ من ورا لقت تميم ابتسمت تلقائي و بعديها كشرت و قالت لنفسها...هننسى هو شايفك ازاي يا بت ولا اي اعقلي كده
تميم بجديه و نبرة صوت عليا و تهز البدن اللي قدامه كده....ازيك ي لبنى مش هنتكلم كتير ٧ دقايق و عطيه هيناديكي هيشكرك و هيبدأ يحطك ف مواقف عشان هيشغلك عنده عشان عجبتيه طبعا انتي عارفه احنا هنا ك حكومه عشان نثبت على عطيه و نسجنه و انتي مساعدتنا و عمرك م هتتأذي ابدا تمام؟؟؟
لبنى كانت فاتحه بؤها سرحانه ف طريقة كلامه و تحريك شفايفه و الجديه و ايده اللي ف جيبه و لا شعره اللي كل كلمتين يوديه لورا فجأه اتفزعت على صوته ...
تميم ...انتي يا بنتي هتشليني انا بكلمك بقالي ساعه و انتي بصالي كأنك نايمه
لبنى...حاضر كل اللي حضرتك قولته هيتنفذ🤷🏻تميم .....شاطره ..
و بصلها ببرود من فوق لتحت و عمل علامة استفهام..
لبنى...اي؟؟
تميم...مفيش مستغربك كده المهم دي مش شغلنتي يلا اتكلي على الله من هنا..
لبنى...استاذ تميم حضرتك متجوز؟؟
تميم ببرود و طلع سيجاره يولعها قبل م يرد و بعديها قال...متحاوليش انا واحد دغري بتاع شغلي و بس و يوم م هتجوز و ارتبط اكيد الاقي الاحسن متحاوليش معايا...
كانت لبنى خلاص جابت اخرها من الوضع ده ف انفجرت...
لبنى...هو انت اي يا اخي شايفني اي عشان تعاملني كل ده ثانيا انت مش ربنا عشان تحاسبني كل م تشوف خلقتي ده غير اني سألتك سؤال عام مش اكتر مش اي حد يسأله يبقا بيحاول يشقط اللي قدامه اظن عيب اوي كده و عيب عليك ي استاذ
مشيت لبنى و دموعها على خدودها لكن انفجرت فالعياط ف غرفة تغيير الملابس...
تميم ف نفسه...انا بالغت ؟؟ اه اكيد بالغت انا جرحتها اوي بس هي بردو غريبه تحس ما هي مش متربيه كده و عاديه
_____________
و طلب عطيه بالفعل لبنى و دخلت لبنى المكتب و بدأوا يتكلموا...
عطيه...هتبقي دراعي اليمين ي لبنى بدون اعتراض
لبنى...اي ي باشا اللي بتقوله ده
عطيه....انا حابب تكوني شخص قريب و تكوني مميزه بذكاءك مفيش بنت كده
لبنى...تمام يا باشا
___________
بليل على الكورنيش كانت لبنى شخص تاني كان شعرها لونه اسود حرير و راسمه الروچ على شفايفها بالظبط بدل م تكبرها اكتر و يبقا شكلها مستفز و كانت رقيقه و اموره اوي اوي ...
وقف تميم متنح..
لبنى بجديه...انت متفقتش معايا على موضوع اني ابقا دراعه اليمين ده
_______________
فلاش باك حسام....
زيد...دي لو عرفت اننا مش بوليس مش هتساعدنا و ف نفس الوقت حرام علينة نكدب عليها
تميم...احنا مبنعملش حاجه ي زيد غير حقنة ده حقنا ي زيد حقنا
زيد....بلاش الجشع ده هي اكيد مش هتساعدنا ببلاش
تميم...انا ميهمنيش حاجه قد م يهمني انه باع ابويا بالفلوس و انا هبيعه
زيد...فكر فاللي حواليك ي تميم
تميم...مش هفكر..
باااااك...
حسام...ده اللي احنا عايزينه عشان نقدر نوصل لحاجات كتير
________________
و ف نفس الوقت ف فيلا كبيره تيمور دخل هو و صديق ليه اسمه سامر ...
عطيه...نورتوا
تيمور....ها عملت اي ؟؟؟
عطيه...اللي انت عاوزه
تيمور...خد فلوسك
و خرج سامر و تيمور ...
سامر....انت كده هتغدر ب انور
تيمور....المهم انتقم اومال عايزني اعمل اي ده انا هخسره
_____________
مرات عطيه(زينه)....هتعمل اي ؟؟
عطيه بخبث...هغدر ب تيمور
_______________
و ب هنا نكون وصلنا لنهاية حلقتنا و لو نلاحظ ان في سلسلة كدب و افتراء دايره مش بتنتهي كل واحد بيغدر بالتاني كل واحد بيفكر ف نفسه و كل واحد ف همه بس فالاخر مين هيكسب الحرب و السلساب ده؟؟ و مين هيخسر و زي م هيكون في مكاسب هيبقى في خساير!!خساير كتيره اوي كمان
