رواية لو كان خيرا الفصل السابع 7 بقلم مريم عبدالرحمن
الحلقه السابعه...لو كان خيراً
_____________
كانت مروحه لبنى لقت رقم غريب بيتصل ...
سندس...مين؟؟
لبنى باستغراب..معرفش
سندس...طب ردي
ردت لبنى لقته صوت مكنش غريب عليها نهائي...
لبنى بنرفزه...ايوه يعني مين معايا؟؟
تميم...انا تميم
ابتسمت لبنى تلقائي و اتعاملت بهدوء...
لبنى...اه استاذ تميم
تميم....عايز نتقابل النهارده
لبنى...ورايا شغل بعد ساعه خلينا نتقابل دلوقت عشان هخرج بعد الشغل
تميم....تمام ياريت قبل شغلك
لبنى...سؤال
تميم...اتفضلي...
لبنى....جبت رقمي منين
تميم...سلام ي لبنى نتقابل ف كافيه*** حالا
و قفل تميم...
لبنى...الو
سندس بضحك....مش عارفه اقولك اي بصراحه
لبنى...قفل ف وشي و مقالش سلام ابن الكااااالب
سندس فطسانه ضحك...معلش
و بعديها كملت كلام و قالت... اي رأيك اجهزك قبل م تروحيله
لبنى بإستغراب...ازاي؟؟
سندس...يعني شوفي هعمل اي
لبنى...تمام
_____________
و جه تميم و كان قاعد ب كل وقار و كاريزما و سكون بيشرب قهوته فالكافيه مستني لبنى و هنا كان بيشرب تميم بؤ قهوه و تنح على باب الكافيه شاف ملاك مقرب منه اي ده؟؟ دي لبنى؟؟ كانت افكاره بتتكلم كلام كتير جداً هي ازاي بتتغير كل يوم عن التاني؟؟ فين كل اللي شوفته من كام يوم تقريبا دي مش لبنى دي كانت... كانت شرشوحه !!! و فاق على صوتها.
لبنى بإستغراب...استاذ تميم!!!!
تميم...الحمدلله و انتي؟؟
لبنى...الحمدلله على اي؟؟
تميم..احم مش قولتي ازيك؟؟
لبنى بابتسامه...هو انا مقولتش لسه
تميم...احم طب اقعدي اتفضلي
لبنى ف نفسها...ده تنح اوي ماله كده انا عمري م شوفته بيضحك او بيبتسم غير امبارح و احنا سوا حتى و رخم كده يارب صبرني
تميم...بصي يا لبنى ركزي معايا
لبنى...اتفضل ..
تميم...دلوقتي عطيه بدأ يشغلك معاه عشان شافك ذكيه و كويسه و دماغك حلوه و هيتمنى تشتغلي معاه و حقيقي هيعرض عليكي ده اما تروحي الشغل
لبنى...عرفت منين انه ممكن يعرض عليا؟؟
تميم بص ل لبنى بصه خوفتها خلتها تتكتم او بصة استهزاء مش لازم رغي كتير ...
لبنى....احم احم كمل ي استاذ تميم
تميم...المهم انك هتوافقي
لبنى...استحاله
تميم.... اولا انتي لسه معرفتيش اول طلب هيطلبه منك اي عشان تبقي جاهزه تكوني دراعه اليمين و ثانيا بقولك احنا وراكي و احنا معاكي و استحاله تتسجني انتي ورا ناس و مش اي حد احنا بوليس ي لبنى و دي مأموريه عايزين نقبض عليه
لبنى...اوووف تمام
تميم ببرود...و متقلقيش ليكي تعويض اخر العمليه
لبنى..ازاي؟؟
تميم...فلوس يعني
لبنى بضحك...هو مش المفروض انا ف مأموريه تبع الحكومه تبقا دي لله و للوطن و لا الكلام ده فالافلام او اكيد بتعملوا زي فيلم لا تراجع و لا استسلام صح
بصة تميم حرقتها اوي كافيه انها تسكت بس الغريب انه ضحك..
تميم بضحك...لبنى انتي بتفكري ازاي
لبنى...معلش طلعت مني فجأه
تميم...تمام يا لبنى اظن عرفتي رقمي كلميني ف كل مهمه و مقابله يقولهالك او حتى رساله
لبنى...تمام
تميم..يلا عن اذنك
مشي تميم و فضلت بصه على خطواته و قالت لنفسها...قمر والله بعمل المأموريه دي عشانه
_____________
كان انور سرحان فالبيت و فريده عماله تكلمه و هو سرحان...
فريده...ي استاذ انور بكلم نفسي انا هه
انور....اي؟؟
فريده...بكلمك ي انور
انور...اسف انا تعبان شويه ي فوفا و مش قادر و حاسس ب صداع...
فريده..حب هه هو الحب بقا يجيب صداع
انور بتنهيدة كسره....ده بيجيب وجع مش صداع
فريده باستغراب...مش متعود متحكيلش على كل حاجه ممكن تحكيلي يا انور؟؟؟
انور بكسره....ي فوفا مفيش كل الحكايه البنت اللي بحبها بتحب كرم و كرم عارف اني بحبها و باعني
فريده...كرم يبيعك؟؟ انت عارف لو كنت قلتلي انا بعته كنت صدقت اكتر ما انا مش مصدقه دلوقت
انور...فريده هانم متهزريش بالله عليكي
فريده...حقيقي اكيد في سوء تفاهم فالموضوع ده كله
انور...صدقيني يا فوفا هو شيطان كبير بس متداري و انا و تيمور هنكشفه على حقيقته و هبعد لبنى عنه
فريده بإستغراب...مش تيمور ده ابن صلاح فتاح النصاب
انور...اه
فريده...و سايب كرم و بتصاحبلي تيمور يا انور
انور.....بصي انا عارف انك هتنصحيني و حاجات كتير بس انا عارف انا بعمل اي و انا اللي شايف اللي بيحصل و انا اللي هعمل كل حاجه ف مش محتاج كلام مبفهموش منك و مبعملش بيه اصلا
فريده تنحت...يعني انت دلوقتي بتقولي مش محتاج نصايحك و شايف ان طول عمرك الكلام اللي بقولهولك ده خرافات؟؟
انور بتوتر....يا فوفا انا اقصد ان متقنعنيش ب كلام روايات و تفاهات بتقرأيها صدقيني مش حاجه مفيده نهائي ولا هتفيدني
فريده...اولا ي ابن بنتي ده مش كلام روايات ده كلام خبرتي فالحياه و تعبي و شقايا مكنتش فاكره انك ف يوم هتقول كده بس اللي اعرفه انك ف يوم هتعرف قيمة كلامي اللي ملوش لازمه
انور....يا فوفا انا...
قاطعته و قالت...اسمي تيتا
انور...متزعليش مني..
فريده....مبزعلش من عيال ..
طلعت اوضتها و هو فضل ساكت هو مش عارف هو بيعمل اي هو بيطين كل حاجه حواليه و عمال يخسر الناس الصح ولا الصح اصلا ان هو يعمل كده!! عشان!!عشان لبنى!!ايوه هو بيخسر كل حاجه عشانها عشان مصلحتها و عشان تحبه و يبقا جمبها هو ف نفسه بيقول انا اللي استحقها مش حد تاني اكيد كرم هو اللي قالها تغير شكلها بس انا حبيتها كده و هحبها زي م هي طول عمري مش هيبطل قلبي يدق عشانها عشان قلبي اختارك يا لبنى اختارك انتي دوناً عن بنات كتير 
______________
راحت بالفعل لبنى الشغل هي و سندس و كانت لبنى بتشتغل و هي سرحانه..
سندس...لبنى انتي محكتليش عملته اي امبارح ع الكورنيش
لبنى...و انا نسيت احكيلك من حلاوة اليوم
سندس...طب احكي...
فلاش باااااك....
لبنى بابتسامه...حلو؟؟
تميم...هو اي
لبنى...النيو لوك
تميم بضحك...حلو بس اي اللي خلاكي تغيري نفسك كده
لبنى....كلامك
تميم باستغراب...كلامي ازاي
لبنى بتنهيده...اول مره اتقابلنا و قولتلي...
تميم ....مدام صح!!
لبنى شاورت ب اه...
تميم....انا حقيقي اسف مكنتش اقصد
لبنى...عادي مش مهم انت فوقتني من نظرة ناس كتير ليا
تميم بنظرة حب و اسف ع اللي عمله انه حرق قلب بنت بدون قصد....صدقيني انا احيانا بيبقا الكلام طالع من بؤي سم بس انتي والله اموره ف الحالتين
لبنى بابتسامه...عادي
تميم...بس اقولك حاجه
لبنى...قول
تميم...انتي كده احلى و يااااه بقا لو قصيتي شعرك هتبقي احلى انا بحب الشعر القصير
لبنى...ابتسمت بدون كلام
تميم..انا هروح تعبان
لبنى باستغراب....الف سلامه بس انت جبتني ده كله عشان متقوليش ع الشغل ...
تميم...هبقا اكلمك بكره
و مشي بدون كلمه زياده تانيه..
باااااك...
سندس...الله و هتقصي شعرك
لبنى...المشكله النهارده كان بيتكلم معايا بطريقه مختلفه عن بتاعة امبارح
سندس...مش مهم المهم دلوقتي انا مش فهماكي انتي بتحبي تميم ولا انور
