رواية حكاية ترف الفصل السادس 6 بقلم SAQ
لا أحد يحتفل بحضورك
مثل دقات قلبي،
فهي تدقّ لك دقّاتٍ خاصة،
تغنّي باسمك في صمت،
وترقص على أنغام وجودك،
كأنها تعرف
أن الفرح لا يُولد إلا حين تأتي أنت.
ترف
خلال فترة المراجعة النهائية (البكلوريا سادس اعدادي)
چنت هالكه نفسي بالدراسة والدرخ والحفظ ومصره على النجاح بتفوق حتى أكدر احقق حلمي وحلم بابا الله يرحمه بالدخول بأحد كليات المجموعة الطبيه
واتفقنا آني وشهم أن نقلل من لقاءآتنا واتصالاتنا ونقتصرها بس على المسجات القليلة مو أكثر من كلمتين ثلاثه هلو شلونك احبك 
ومن بدت الامتحانات چان المركز الامتحاني بعيد عن منطقتنا ، واتفقت ماما مع امجد ابن خالو دلير هو يوديني للامتحان ويرجعني وبسيارتهم
لان شهم عنده دوام الصبح عسكري ومامتفرغ، بس من سمع من ماما بأمجد راح يتكفل بهاي المهمه كلش ضاج وما حچه كدام امي .. بس بعدين خابرني صاير عصبي ويصبح بالموبايل
- شهم : مالگيتو غير هذا الاصيفر (يقصد امجد لان شكله اشگر) چان كلفتو ابويه لوعمي ليث لو نلگه سايق من منطقتنا يوديج ويرجعچ وآني ساكته لان ماعرفت شاجاوبه
- شهم: ماتجاوبين لو انبلع لسانچ
- ترف : شبيك شهم تره امجد ابن خالي مو غريب ومثل اخويه
- شهم : اي ابن خالچ بس مو اخوچ
وبالشافعات ياله اقتنع وقبل على امجد بس طبعاً بشروط بعدين اگولها
وچنت بليلة كل امتحان ابقى سهرانه أقره وهم شهم يبقى يمي ويراجعلي كل مادة وچان بجوده يمي يهّون عليَّ التعب ويصبرني ويحثني على النجاح يعني أعتبره طاقة إيجابية الي
واكثر المرات چانت الكهرباء تطفه وخصوصاً بالليل وبذلك الوقت چان السحب (المولده ) بس بالنهار ماكو سحب بالليل فچنه نكمل الدراسة والمراجعة على ضوه اللايت وحتى چان مرات يلزم المهفه اليدوية ويهفي عليَّ لأن تموز وحاره ، وهم مرات نطلع بالحديقة نگعد على المرجوحه ونكمل دراستنا ومن اتعب كلش وگوه افتح عيوني يحضني وينيمني على چتفه واحس بي يبوس راسي ويضل يشتم بشعري
ومن يصير الفجر والضوه يبدي يطلع ونكون انهينا الدراسة يگعدني ويگولي يله حبيبتي روحي غسلي وبدلي وتريگي وتوكلي على الله
وچانت امي خطيه تنگل علينا صواني الچاي والگهوه والكيك واللفات وكل ساع تسأل شهم : ها يمه شلونها بهاي المادة تگدر تجيب الـ 100 وهو يجاوبها ويطمنها اي ان شاءالله تجيب الـ 100
وماما ترفع أيدها السما وتشكر رب العالمين
وقبل مايطلع من عدنا چانت شروطه وتوصياته اول شي لا تضحكين ولا تسولفين ويه امجد ابن خالچ
وثاني شي لبسچ قميص اردان طويلة مو تطلعين ايدج ولمي شعرچ مو تبقي منثور على چتافچ
ثالث شي اقري آية الكرسي قبل الامتحان
وآخر شي لا تستعجلين بالحل وفكري مره وثنين وتلاثه قبل ماتكتبين الجواب
من چان يوصلني أمجد للمركز الامتحاني بسيارتهم الحديثة والثمينه يضلن البنات كلهن يباوعن عليه لان هو اشگر وعبالك اجنبي، آني هم شگره بس هو يعتبر احلى وأوسم مني ، ومن يسألني عليه وشسمه وشيصير منچ چانت اجابتي الهن هذا اخويه الچبير. وچانن يسمنه مهند على الممثل التركي الي چان شاغل أكثر البنات بجماله في ذلك الوقت من مسلسل نور ومهند
طبعا بيت خالو بعد السقوط تحولو لبغداد واستقروا بيها بالمنـ طقه الخضـ راء
لأن خالو يشغل وظيفة كبيرة بالدوله
اولاده اوميد متزوج ويشتغل بأحد سفاراتنا بأوروبا
وأمجد بعده طالب هندسه بأحد الكليات الاهليه في بغداد
ومن چان يرجعني أمجد بعد الامتحانات احچيله كلشي عن اعجاب البنات وحتى آني هم گمت أسميه مهند بس استغربت من گالي
- امجد: انتي ليش گلتي آني اخوچ
- ترف: لان انت فعلاً مثل اخويه
- امجد: بس آني ابن خالچ مو اخوچ
- ترف : يله لاتزعل انت ابن خالي واخويه ههههه
بس مره من المرات أثناء رجوعنا للبيت طلب من ماما أن بعد الامتحانات نروح كلنا للشمال ونقضي كم اسبوع هناك وامي رحبت بالفكرة
أما عن اجاباتي بالامتحانات كلهن ولله الحمد 100%
ومن چنت ارجع بعد كل امتحان رأساً ابشر امي واخواني بأجاباتي الصحيحة وهم أرسل مسج لشهم وهو بالدوام واگوله بشكل مختصر
هلو
الاجابه فول 100%
احبك
وهو رأساً يدزلي
هلو حبيبتي
الحمدلله
احبچ
خلصت الامتحانات وراح نبقى ننتظر اعلان النتائج على نار
وبهذا الوقت ماما اتفقت ويه بيت خالو ننجمع ونروح كلنا لأربيل
والكل فرحو وبدينا نحضر جنط السفر
ماما بلغت واستأذنت من جدو للسفر
وآني اتصلت بشهم وخبرته بس حسيت بي ضاج وذكّرني باتفاقنا أن بعد الامتحانات نعلن عن حبنا للجميع وتتم الخطبه وأثناء حچيه وياي عبالك يتصورني آني ما ملتزمة بهذا الاتفاق يعني جاي اماطل... وكلساع اگوله والله بس تغيير جو وأمي هي الي اتفقت وهم ما يصير كلهم يرحون الا آني
والنوب اتخبل بالزايد لما سمع امجد الي راح ياخذنا بسيارتهم
آخر شي گلي وبعصبيه يله ولي روحي وسد التليفون بوجهي وغلقه لان ظليت ادگ عليه يطلع مغلق
قررت اروحله للبيت وأشوف شنو الموضوع ليش هيچ ماخذ موقف من بيت خالو
رغم خالو كلش يحبه ومفضل عليه ومسويله هواي شغلات
لبست عبايه اسلاميه فوك دشداشة البيت القصيرة وخليت من العطر اليحبه مع مكياج خفيف وفتحت شعري وشلت مجموعة اوراق مال محاضرات واتأكدت ماما ماراح تشوفني وركضت لبيت عمو ..چان الوقت ليل ... طبيت لبيت عمو وشفت بس ايمن بالمطبخ سألته عن شهم گال فوگ بغرفته وفهمت ايمن بأن اريد شهم يطبعلي هاي الاوراق
صعدت فوگ لغرفته وهاي أول مرة أسويها
دگيت خفيف على الباب ومن گال منو فتحته وطبيت هو اتفاجأ بيه چان لابس بس شورت قصير وعاري الصدر
ومنطرح على القريوله
من شافني حاول يگوم ويلبس التيشيرت بس آني رأسا گلت
- ترف : آسفه إذا جيت بوقت مو مناسب
- شهم : لا عادي تفضلي رايده شي
- ترف : اريد اگولك شي
(سكتت شويه بس حتى تصير عندي قوه وأتجرأ على الي راح احچيه)
وبديت بالكلام : تره حبك عايش هنا أشرت على گلبي من جنت زغيره من بديت اتدرسني بالابتدائيه من بديت توديني للمدرسة وترجعني ، من اطيتني اول هديه منك وچانت دفتر ذكريات وآني لحد الان محتفظة بي فلا تخلي اشياء تافهه تشكك بحبي ألك
شهم آني مو بس احبك آني اعشقك وبدت دموعي تجري
- شهم : گام من القريوله واتقرب مني وصار كلش گبالي گال وآني هم احبچ وما أشك بحبچ بس تگدرين تسميها غيره.. والله اغار عليچ ومو بيدي
- شهم : شنو هاي الدموع؟ليش تبچين
- ترف : لأن احبك!!!
رفع وجهي بچفه
- شهم : وهذا يخليچ تبچين؟
هزيت راسي بالنفي وگلت بسعاده ممزوجه بالدموع
- ترف : لأن حسيت بحبك و غيرتك عليَّ وحسيت ان عندي مكان بگلبك
مسح دموعي بأصابيعه : يعني هاي اول مره تحسين بهذا الحب
ابتسمت بعشق وگلت
- ترف : لا بس لما شفت رفضك وعصبيتك عليه من سمعت بأسم امجد اتأكدت اكثر
حطيت وجهي على صدره وحضنته بكل قوتي و همست بدموع
- ترف: اوعدني ماتعوفني ولا تتخلى عني مهما يصير .. تره آني من غيرك اموت أنت سندي و ابويه و اخويه وحبيبي
ضمني لحضنه بحنان وگال
- شهم : اوعدچ ماراح يفرق بينا بس الموت تدرين أنتي بت عمي وبنتي قبل ما تكونين حبيبتي وان شاءالله تصيرين رفيقة حياتي
حضني على صدره وبده يلمس بشعري ويشتم عطري ويتلمس وبحذر برگبتي وبخدي بعدين رفع وجهي وصار مقابيل وجهه ولأن آني قصيره بالنسبة لطوله دنگ شويه وباسني من شفتي ومن شاف عدم اعتراض مني اتعمق بالقبلات وما عافني الا طلع الدم من شفتي وخله بصمات زرقاء على رگبتي
وما حسينا على نفسنا الا بعد سماع صوت عمه سعاد تصيح على شهم ينزل حتى يتعشى
رأسا گلي اطلعي لا اسوي بيچ الأكبر منها
نزلت وآني حذره حتى ماتشوفني عمه لان هي بالمطبخ وطلعت من باب الصاله وركضت لبيتنا
وبغرفتي كلساع اتلمس شفتي الوارمه ومجروحه واتلمس بصمات قبلاته على رگبتي وكأنها أوسمة نصر وآني مبتسمه وعبالك بغير عالم
شلت الموبايل وكتبت له مسج
حٌََبََِيََِّبََِـــــــــــــيََِّ عَشَِقًَتَْڪ حَُتَْى ذَاَبَّتَْ رََوًَّحَُيََ فََـيَ رََوًَّحَُڪ
ــــــيََِّ عَشَِقًَتَْڪ حَُتَْى ذَاَبَّتَْ رََوًَّحَُيََ فََـيَ رََوًَّحَُڪقُبــُـلاتـُـكَ أحيــتنــي
وبعد دقائق وصلني منه هذا المسج
سأعطر جسدكٍ من عطري
و سأحضنكٍ
حتى يكاد جسمي
ان يرتديك
و سأقبلكٍ بكل أنواع القبلات واختمھاَ
بقبله تجعلك تنسي من أنتٍ
