رواية عشق اهل الانبار الفصل الخامس 5 بقلم رواء هادي
مسك , احمد الله واشكره اجه خالي ابو فياض مستعجل وكال راح يجون زلم طبوا جوه طبينه جوه وفلتت من ام نزار
هي الفلته كوه يردوني اخذ قويسم ...
المهم هي للمغرب راحت واني ماطلعت عليها ابد بقيت
كاعدة بغرفة البنات وساكتة ...
أضف تعليقاً
المهم هي للمغرب راحت واني ماطلعت عليها ابد بقيت
كاعدة بغرفة البنات وساكتة ...
مر 17 يوم وعمي جانت عنده طلعة لاربيل ... اخذني اني ورائد واثنين من حمايته جانوا كملنا الشغل وكال
نمر بيت صديقي الي
بعدنا واكفين بره بالطرمة وطلعت مسك واخوها مبين جاي ياخذها بقيت صافن بوجهها رائد هم مثلي
يباوع وينبز بي .
_قاسم شبيك صافن ؟!
_هاا
_عيونك عيونك فضحتك قاسم هههه
ابو فياض : شبيكم واكفين .. يلا مشوا
رائد :اممم يلا حرك ابو عيون ههه
رائد لزم علية لزمه بعد شراح يخلصني منه مسك طلعت قبلنا هي واخوها اجه مصطفى وداهم بقيت هم اباوعلها لما مشت السيارة ورائد يباوعلي ويضحك بسكوت
صعدنا بالسيارة وبالطريق رائد كاعد بصفي ويهمس
بصوت ناسي علمود عمي لا يسمعه
_ عيونك عيونك قاسم شبيها ههه
_شبيها؟
_ تباوع على المزلفة ههه
_انجب رائد
_هههه
كفر بي كفران لما وصلنا بيت صديق عمي هم ضابط بالجهاز جانت عنده شغله عنده نزلنا يم الرجال عمي هو كاعدين
بجهة الواحدهم ويحجون وأني ورائد
كاعدين سويه واحد بصف الثاني ..
_ اعترف وفضها للشغله هههه
_انجب رائد
_خل اشرب عصير ههههه
_اشرب واسكت
_مغرم هههه
_وتالي وياك ؤائد
_سوري ..طيب العصر منين مصنوع
_من ايدين خالتك مصنوع
_ اكول طيب هههههه
_استغفر الله
ساعة زمان وطلعنا ورائد يباوعلي ويضحك بسكوت صعدنا بالسيارة رائد يباوع ويرفع بحواجبه ويضحك.
دخلنا مطعم وقت الليل تعشينا وطلعنا للفندق خوب جلب بينه صديق عمي وعمي مقبل كال نرجع الفجر ماريد
اتعبكم ويانه ومجرين فندق
وصلنا الفندق كعدت بالغرفة ماحسيت إلا رائد دفر الباب
بدون مايدك ودخل بسرعة وسده وراه اباوعله
مذهول من دخوله المفاجئ
_ يلا حبيبي غرد
_هاي شنو رائد شلون تدخل بدون ماتدك الباب
_شريكك بالغرفة شنو نسيت .. يلا غرد
_شغرد ؟
_ فسرلي نظراتك للمزلفة ليش جنت تباوعلها
بصفة طويلة طويلة
_رائد مايتوهم أبد ويلكط كلشي عالطاير يلا احجي
ليش تباوعلها بنظرات العاشق الولهان
_ياعاشق ياولهان يلا نام
_ مراح انام اليوم ولا اخليك تنام اذا ماتغرد كلشي
_استغفر الله
كعد فوك الجرباية خله رجل فوك رجل يباوعلي ...
يلا غرد ترى ماعندي صبر
_ تصبح على خير
_ من كل عقلك اخليك تنام بدون ماتغرد
_رائد شبيك من طلعنا من بيت عمي وأنت تضحك
وتحجي بالاشارات شنو قصتك ؟،
_قصتي معروفة ونظراتك قصتهم هم معروفة يلا غرد وكول ليش تباوعلها بصفة نسيت نفسك من أساس
من شفتها هي واخوها
_اي
_اي احجي
تحمست كلش لان اجت بالي شلون باوعتلي كعدت بصف
رائد نزل رجله بسرعة يباوعلي متلهف
يعرف سالفتي
_رائد راح احجيلك كلشي بس ماريدك تفضحني
_اخذها من شاربي ماراح احجي كلمة
_هاهية مادام حلفت بشاربك هههه
_تعرف شواربي اعتبرهن شرفي هههه يلا غرد راح اموت
_ والله يارائد احب مسك صارلي أربع سنوات
_صدك تحجي ؟
_اي والله
_ماشاءالله حبك كبران وباني عشوش
جوه قلبك واحنا ماندري
_اي
_ يلا كمل سالفتك مبينه طويلة
_باوع رائد حبيت مسك من شفتها مرة اجت تقدم للكلية وي ابوها وأني وفياض وديناهم للكلية علمود التقديم من هذيج اللحظة تدخلت جوه قلبي لحد الأن احبها وحبي لها دا يزداد يوم بعد يوم برغم ماشوفها هوي مدري ليش متعلق
بيها وماكدر اشوف ابنية غيرها
_كل هذا بقلبك وماكلتلي
_اعرفك راح تتمسخر علية لان حبيت
مسك المزلفة على كولتك
_ هو الفاس واكع بنص الراس وشاركة نصين يامسخرة ياصخام براسك وبراس الخلفوك ولك أنت غركان
غركان بنص حب المزلفة مسك
_والله العظيم ماجنت مخليها بالي أبد مادري شلون
قلبي دك الها وحبها غصب عني
_ طيحان حظ والله
_اي
_ هي تدري بيك تحبها ؟
_لا منين تدري بي
_هاا تكرهك على كرهها الي
_للاسف
_اممم ... تريد تزوجها
_حلم اشوفها بدلة العرس وكاعدة بغرفتي
_ههه والله وصرت تحلم بتلمزلفة عروستك ههههه
_رائد لا تتمسخر
_ولك ماتمسخر بس من صدمتي جاي اضحك صارلك سنوات ولهان بيها وكلما احجي عنها كدامك تحجي عليها وتكول طايشة ومراهقة وماتعرف تصرف وطلعت
أنت طامس بيها طمس هههه
_اي شسوي ماردت افضح نفسي
_وهسة فضحت نفسك كدام الشخص الصح اللي راح
يجمعك بالچلبة المزلفة مسوكة هههههه
_ ساعة السودة
_شبيك حبيبي قسومي
_عوفني
_لتزعل قسومي والله ماتمسخر عليك ولا عليها بس تدري باخوك شوي عنده فيوزات تطبك ولا يهمك بس تصير مرتك اصيحلها مسوكة مرت قسومي الصويك مالتي
_صويك ميلي صويك اشو اجلح املح
_يمة اروح فدوة للاجلح الاملح مالتنا ولك زمال هن النسوان يموتن على الاسمراني المولح مايحبن الابيضاني المايع
الفاهي مثل ابن عمتها مام غطيني
_وليسمع عايش بنص عقول النسوان
_بعد عمك اخوك خبرة بالنسوان ويعرف النسوان اكثر مايعرف نفسه يكول اسأل مجرب ولا تسأل حكيم واخوك هواي
مجرب وفاهمهن مثل مايفهم وجه بالمراية
_فاهم العاه...
_ بعض عقول النساء متشابهة بالتفكير
_اففف
_ شبيك ايست
_ حبيت الانسان الخطأ وراح اتعذب من وراها
_لا الصح
_وين الصح مو تدري بيها تموت مني وتموت منك وقبل فترة رفضتني وامي حاجيه وياها هم رافضتني
_دلع نسوان
_يادلع هذا رائد
_هاي هن النسوان عيارات من يشوفن رجال يحبهن يصيرن ثكال كدامه ويبيعن ثكل براسه ويرفضنه ويكلله زفر شيءماريدك ماحبك علمود تنهان كرامته ويسوي
حرب علمودها وياخذها. ...
_ لا موهيج
_انجب هيج
_هو شنو هيج ترى هي مبينه مثل عين الشمس
_ اي تحبك
_شتحب مني رائد
_تحبك
_افففف
_ راح اخليها تذوب بيك
_ شلون ؟
_ عندك رقمها مو
_اي
_ اممم يلا اتصل بيها وعترف بحبك الها وكبل وياها
_مخبل أنت شلون اطعن بشرف عمتي وأصلا
ماريد احجي وياها بالحرام
_صار شيخ المسجد ابو عذراء من
يفتي بالمسجد كل جمعة
_تعرفني رائد أني غيرك واطباعي ماتشبه اطباعك أنت عندك عادي تكبل وعادي تطب وتطلع وي اي بنية تعجبك
وماتسأل على اهلها لو عليها
أني حبيت البنية بيني وبين نفسي وراح ابقى احبها بيني وبين نفسي ماريد افضحها لو افضح نفسي
_لعد ابقى هيج تحب بينك وبين نفسك لما يجي
واحد ياخذها منك وتبقى بحسرتها
_لا
_جاي اكول الصدك دك الحديد هو وحامي لا تبقى تنتظر
البنية هيج على نار حرك نفسك بسرعة
_شلون احرك نفسي؟!
_هي وحدة من أثنين لو تعترف لها وتكوللها
احبج لو تدز اهلك يخطبونها لك
_ يخطبونها لي ِ!
_اي أنت تستحرم وتخاف الله وادري مستحيل تسويها وتخون عمتي وتطعن بظهرها لذالك اخطبها وتزوجها
ولفها بحضنك لوجه الصبح
واشبع بالحلال حب ودلال ههههه
_هيج تكول
_اي هيج اكول وفكر بيها زين
_ ماعرف والله عقلي مشوش ماجاي افكر زين
_لذالك اني افكر دز اهلك يخطبونها لك دخلنا نفرح بيك الله هيج تزوج بت اخت عمك ونصير ملوك بالفوج محد
يحجي ويانه كلمة بعد ...ولك اخطبها قاسم
لا تخليها تروح لغيرك
_أنت ماميت علية
_ميت على الاثنين ههههه
_هههه الله كريم افكر
_والله انتظرك منا لشهر اذا ماطلعت وياك
نتيجة أني اروح اخطبها لنفسي
_رائد
_وجعععع شبيك تريدني اتيه المزلفة مسوكة وبت
عمتي تروح لغيري لو غيرك هي وحدة من
اثنين لو أني لو أنت
_رائد دير بالك تفكر بيها لو تخليها بالك والقرأن
اكفر بيك وأنسى أنت صديق العمر
_طننننننن
_تستهزء بي رائد
_اي والله استهزء بيك لان جبان وعار
_منو عار ولك
_أنت صارلك سنوات تحب البنية والهساك متردد وخايف تكول لاهلك يخطبونها لك لو تعترف لها لو أني بمكانك جان
هسه لافها بحضني ومسويها بساط
هههههه
_خررر... بعقلك تفكيرك قذر
_كلش قذر اربعة وعشرون ساعة يفكر
بالنسوان اريد مره قاسم شلون
_دوخر عني شايفني مررره
كمت منه بسرعة يريد يبوسني صار يضحك بصوت عالي...
مو شفتك جبان وعبالي مره ههههه
_وتالي وياك رائد
_اريد مره
_شبيك رائد حميت
_من زمان حامي وغلاتك مفطوم صارلي شهرين مامقترب صوب مره وانت تدري بي ماتحمل تعال شوفلي حل اطلع فد ساعتين تلاث ارجع بدون مايحس عمي
_والقران يارائد بس تطلع اكول العمي اتحمل شبيك
_وستر أخواتي كوه متحمل صارلي شهرين لاشرب
لانسوان اني ماكدر اعيش هيج تدري بي
أحب هالسوالف
_ازوج واشبع من مرتك
_مخبل اجيب حية تسسس واخليها تلتف على
اركبتي شوكت مايعجبها تخنكني
_شنو حية رائد هذا زواج أمان واستقرار
وتكوين عائلة وكمال الدين
_من صومي لو من صلاتي تريدني اكمل ديني بمره تدري بي ماتحمل المسؤولية واتخبل من سالفة الزواج تعال رائد جيب حليب جيب حفاضات وين جنت طالع
وين تطلع والف الف شغلة بالها وتنكد فوك راسي واني من النوع اللي يحب التنوع أحب كل النسوان مو بإيدي شلون تريدني أخذ واحدة واكتفي بيها حرام مايصير قاسم
خلني هيج مرتاح .
_من كل عقلك جاي تحجي
نزع الحذاء تمدد فوك الجرباية يباوع للسكف ...
اي والله ماتحمل أني مره تنكد فوك رأسي ابوي مكفي وموفي بنكده انوب تريدني ألف حيه على اركبتي
_منو توه يكولي تزوج
_أنت غير وأني غير
_شلون بلا غير؟
باوعلي بضحكة ...
أنت بعمرك ماواصل حدر مره لو مقترب صوب مره لو معاشر مره وتستحرم وتخاف الله وتتحمل المسؤولية اما أني كل يوم بحضن وحدة من حضن لحضن وماتحمل المسؤولية احب اكون حر مثل الصقر محد يتجرأ يقترب صوبه
_والى متى تبقى هيج ؟
_طول عمري ههههه
_ راح اروح اغسل ايدي بالماي والصابون منك
_اي عفيه ههه
_ وين الله وتكع بحب بنية وتسحلك سحل وراها
_افااا مو رائد تسحله مره أني اسحل النسوان
وراي روح غسل احسلك ههههه
_نشوف رائد
_نشوف قسومي العاشق الولهان والله عمي وطلعت ملعون مالكيت الا مسوكة حبيبه قلب عمك تحبها ههههههه
يريد يضبط أموره بالمستقبل ههههههه
_وليسمع أني بكيفي احب
_اي بكيفك أنت تحب هاي وهذيج
_منو كالك بلا الحب بايدي وبايدك؟
_أني ادري
_شتدري تروح لام ساندي توكف كدامك شكم بنية
وتختار وحدة مو هذا الحب أنت عندك
_بالضبط ياهي لتعجبني احبها واخذها هو هذا الحب ترى
_غلطان عزيزي الحب مو هيج الحب ينزع بالقلب من ربك وماتعرف شوكت حبيت وشوكت انعجبت
_لو تحجي منا الباجر مراح افهم خل انام احسلي كلشي ماستفاديت من الجية اعرف عمي جابني ويا علمود
ماوصل بيت ام ساندي مو صح
_صح
_ بسيطة عمي أني بعد اجي وياك توبه اذا اجي
_علمود يصدر بيك كتاب لاخر الدنيا
_هو هذا لكاسر ايدي اخاف ينقلني بس اعارض لو اكسر كلمته حرامات عمي ضابط حرامات كافر بينه كفران هنا
وهناك دخلنا نعيش حياتنا مثل بقية العالم .
_ فوك ماينصحك ويحميك ...
_خل يوفر نصايحة لنفسه ماريد احد ينصحني ويحميني
اني تحمي نفسي بنفسي وانصح نفسي بنفسي
واعرف الصح من الغلط
_ام ساندي صح لو غلط
_الصح مشتاق لميس كلش
_استغفر الله خل انام احسلي من المجادلة
وياك بدون فائدة
طفيت الضوه ونمت بالجرباية صاح بي ...
عود احلم بيها قاسم لافها بحضنك
وتبوس ووو ....
بقى يلغي زيادة وكلماته مقرفة مثله صحت بي صار يضحك ولاهامة شي يريدني افكر بيها افكار محلوة والله بطران
رائد عبالة عقلي مثل عقله وسخ .
ثاني يوم الصبح رجعنا للبيت ...
رائد اجه العصر يمي اخذني شحط شحط ماريد اتورط ويا ادري بي وادري بسوالفه يريد يروح لام ساندي لان
وعمي اليوم ماكو بالدوام
صعدت بالسيارة صعد بالصدر يمي حركات السيارة شعل جكارة رجع باوعلي مبتسم
_وصلني ام ساندي
_رائد شكلنا وشحجينا
_شكلنا ؟
_لتغشمر بروحك رائد
_تدري بي مفطوم منورة عمك هسه عمك مو هنا بالدوام دوصلني أنت براس الشارع مو كدام البيت وروح
وتعالي بعد ساعتين
_شايفني الكو.... مالتك
_على كوله ابوي أنت قاسم كح.. وكو...ههههه
_استغفرالله رائد لتروح عليك الله وين ماتريد اوديك
اوديك بس بيت ام ساندي لا خلها تولي
_ام ساندي يعني ام ساندي واذا ماوديت والقرأن اروح
لامك واكوللها قاسم يحب مسوكة المزلفة
هاا شكلت تودي هسه
_تستغلني رائد
_حتى نفسي استغلها مو بس انت يلا عدل هههه
_بسيطة رائد
_ديلا عاد فضها وصلني مشتاق لميس
_ امداك
_شعليك أنت الله أكبر حاسديني على ام ساندي هسه
_مو حاسدينك بس زحمة عليك ضابط ونجمتين
بجتفك شاد و تركض وره العاهر...
_اي مو الضابط ربه واحد والله بطران أنت هاي بس عندك عمي ممنوع تلتقون بالبنات يحرم ويحلل بكيفه
_ليش تغشم روحك
_ ماكو قافل على ام ساندي
_وصلني بسرعة مو اتصلت بيها
_وسخ ماتصيرلك جارة
_اي
وصلنا كدام بيت ام ساندي توه راد ..... ينزل شخطت سيارة مصطفى ابن عمتي بعده يداوم كلية ضباط مرحلة
ثانية اشر بإيده وابتسم
متت بدمي رائد راسن رجع وسد الباب ...
ولك هذا مراقبنا لحكه قاسم بسرعة
_شلحك رائد
_ولك ابوك دازه اكيد اكثر من مرة اشوفه بالمكان لاكون بي وعبالي صدفة ولك حرك عرضنا طشر قاسم
_كله من وراك كلتلك لا تجي
_وأني شمدريني دحرك رب الكعبة حرك
حركت السيارة وره مصطفى .. رائد ماخله احجاية زفرة مانزلها بحق مصطفى وصلنا يم سيارة مصطفى طلع نص جسمه من شباك السيارة وصاح بي
رائد : مصطفى سلم نفسك مصطفى ولك مو احجي وياك
مصطفى : خير شبيكم ملاحكيني ؟!!
رائد : مصطفى اطبك على صفحة احسلك وستر
أخواتي اسوي اسوايتك بالمنطقة اطبكككك
مصطفى : دروح
شخط السيارة سريع اجتازنه رجع جسمه ...
الكلب طلع جاسوس حرك قاسم بسرعة خل نكرصة ونعل ابو الخلفوه حررررك شبيك تمشي على بيض
قاسم : ماتجيني من وراك غير البلاوي هسه يكول
لابوي ويكفر بي كفران من وراك
رائد : واندري هذا الكلب لاحكنا
وكف سيارته كدام مزرعة أهله ونزل يركض واحنا هم نزلنا بسرعة وراه نركض رائد اسرع مني راد يلزمه بس ماكدر
راسن سد الباب وقفلة بالمفتاح
رائد : مصطفى افتح مصطفى ابن الكلب افتح مو
احجي وياك افتتتتتتح
قاسم : هسة حلوة ملاحكين الولد
رائد : دوخر خل اشلع الباب وخرررر
قاسم : شتشلع رائد
رائد : الباب
قاسم : لا موهيج تنحل الأمور وخر خل احجي ويا وخرر
رائد : مايفتح ادري بي
قاسم : دخلني احجي
رائد : مصطفى ابن الكلب سلم نفسك لو بالقرأن
اطلعك مثل الجلب المهلس افتتتتح
مصطفى : هااا
رائد : وزقنبووووت افتح الباب
قاسم : رائد مو هيج احجي ويا بهدوء
رائد : دنجب أنت الثاني مصطفى ابن الكلب تفتح الباب لو بالقرأن اكسره واطلعك تدري بي
مخبل افتح احسلك
مصطفى : بس ماترحون اتصل بخالي وكله وين جنتوا
رائد : ليش تختبر صبري مصطفى
قاسم : مصطفى افتح الباب وخل نتفاهم
والله مانسويلك شي
رائد : فتح مصطفى
مصطفى :مخبل عاقل افتح الباب وهسه اوصل فيديو
لصورته لكم لخالي احسللكم اطلعوا من المزرعة
رائد : دوخررر قاسسسم
دفر الباب رائد دفره والدفره الثانية شلع الباب بقيت مصدوم شبسرعة شلع الباب ودخل مثل الثور الهائج اخاف منه
يسوي شي بالولد ادري مجرم ماعنده رحمه
قلبه ميت من التدريب القاسي لاكلناه ...
قاسم : رائد على كيفك
رائد :تتهدد ابن الصعلوكة تهددد والله العظيم اليوم
اخلهم يشليوك بالبطانية مصطفى تعال
قاسم : رائد اعصابك
مصطفى :رائد ماعلية أني اهدأ رائد خالي خلاني
مراقب وراك وره قاسم مالي دخل
قاسم : رائد كافي ستهدي بالرحمن وخل نفتهم السالفة
رائد : اليوم اوديك لخالك مكسر تهدد ولك لا والحلو تصور فيديوات وتدز اثاري انت جنت وراي هل كل الفترة
وأني مادري دتعاااال
كرصه رائد المسكين جان ناعم وبعده صغيرون عمره ٢٠ سنة بإيد وحدة شمره بالكاع وصار فوكة راسن صرت فوك رائد بوكس من رائد ينهي الولد المسكين
رخى ايده وجابه براشدي ...
تراقبني !!حيوووان
قاسم :رائد كوم من الولد ولك أنت وين هو وين رائد لا
يموت الولد بإيدك شيخلصنا رائد دكوووووم
رائد : خل اموته عوفني قاسم
قاسم :ربحنا بيك عود دوخر شكبرك وشكدك وخرررر
بالدفرات جريت رائد من ....فوكه الولد يبجي مثل الاطفال من الخوف ويتوسل بي هو ماعلية ابوي مخلي جاسوس ورانه منو يتجرأ يرفض طلب العمي كلها تهابة
مصطفى : شعلي أني
رائد : شجابك علية شجابك ماخليتوا خصوصية لواحد
والله اليوم اكفر بيك كفران وين المقطع وينه
قاسم : على كيفك رائد وي الولد
رائد : انجب قاسم خلني اتفاهم ويا جيب الموبايل جييييب
قاسم : اففف انطي الموبايل مصطفى
طلع الموبايل انطاه لرائد رجع رائد
شمره عليه ...فتح الموبايل
فتح الموبايل وانطاه لرائد كله صور لي والرائد وين رايحين وين جاييين رائد يحذف ويشتم بي مخله كلمة لما نزلها
حذف كلشي وشمر الموبايل ...
رائد :بس ماداخل وياي للحمام ومصورني عاري
جان كلتلي صورلك نفسي بالحمام
مصطفى : مو تعرف أوامر خالي مسموعة وليرفض يتعاقب
قاسم : يلا مصار شي وأنت ماتكول كلمة وحدة لأبوي مفهوم
رائد : غير اشنقه هل بريعصي تعرفني أني منو وشنو اسوي اذا اتعصب احمد ربك واشكره قاسم خلصك من بين ايديني تدري بي كافر مجرم ماعندي رحمه بقلبي
قلبي ميته واقتلك ودفنك وماخلي ايد تعرف بهل ايد و توصل لعمي مقاطع عادية صورنا وصله كلام حلو بي
سمعة حلو مفهوم لو مامفهوم
مصطفى : مفهوم
ضربه راشدي بخفه ...
غصبا على راسك تفهم يلا قاسم امشي خرب
الطلعة كلها ابن الكلب تفووو
قاسم : يلا امشي
طلعنا وكف رائد يم عتبه الباب رجع التفت عليه ...
الباب انشلع وإذا سألوك كول جنت أتدرب
على خلك الأبواب ههههه
قاسم : كافي رائد امشي
رائد _دفرتين انشلع لعد شكد قوي أني هههه سمعت
مصطفى أني أقوى واحد بيكم وصكاركم
ان شاءالله من صغيركم الجبيركم
قاسم : دمشي عاد شكد تحب تتفيك بنفسك
رائد : خربت الطلعة قاسم
قاسم : مو كلتلك اكعد راحة اعرف أبوي استخبارات قوية ومستحيل يعوفنا بحالنا منو راك أنت فضحت نفسك
هذاك اليوم من ابوك راد يتزوج ام سعودي..
لك غبي مابيك حيل تكول صديقي يروح لها لو الا أنت
رائد : زله لسان صارت
قاسم : هالزلة عمت عليك وخلت عمي يعوف مراقبة ورانا
رائد : وتالي وي عمي مانخلص
قاسم : ماكو خلاص تزوج وانجب
رائد : ماتزوج ولا انجب رايح رايح اليوم
وشيصير خل يصير مايهمني
قاسم : رائد لا تاخذها بحيل صدر والله ينقلك
وينقلني وياك بتلايف الدنيا
رائد :يسوي فضل مو عيشه هاي مراقبة وهاين ورزايل مايخلي الواحد يرتاح لو يروح يتونس
صاكرنه صكر
قاسم : غير المصلحتنه
رائد: يامصلحة هاي ... يلا تعال وصلني بيت اهلي
خرب واهسي منورة هالكلب .
رجعنا على البيت مروا شهرين ورائد كاعد راحة لاشرب ولا نسوان بس مرمر قلبي بس ينكنك فوك رأسي يعرف ابوي مراقبة ومراقبني واني قررت اليوم افاتح ابوي
بموضوع مسك وكله
امي وابوي جانوا بغرفتهم رحت يمهم كعدت
وفاتحتهم بالموضوع
قاسم : يابه اريد تخطبلي مسك بت عمتي
ابو نزار : تحجي الصدك ؟
قاسم : اي والله يابة قررت اتزوج وشفت مسك
بت عمتي الانسب الي والكم
ابو نزار : ان شاءالله يابة اتصل بعمك ابو فياض
ونحجي بالموضوع
ام نزار : يمه يوم الفرح والسعاده من ازوجك وافرح
بيك وانت اخر واحد ازوجك
قاسم : الله كريم يمة
ابو نزار : يلا كوم نروح يم عمامك ونحجي بالموضوع
قاسم : ماشي يابة
كمت وي ابوي رحنا يم بيت عمي ابو صدام حجه ويا رائد
طار من الفرحة لأن وأخيراً كسرت حاجز الخجل
والصمت وتحركت هالمرة
رائد : دير بالك تتراجع عن قرارك
قاسم : مراح اتراجع مصمم هالمرة اخذها
رائد : اي عفية ابقى متمسك بقرارك
قاسم : راح امشي بنصيحتك
رائد : عفية
وراها كمنا رحنا لبيت عمي ابو فياض واني حجيت ويا وكلتله اريدها هالمرة منك عمي اريده تسويلي المره عمي بيج قصص my hopes
فرح كلش لأن يحبني ويعرف اخلاقي شنو
واكيد يتمنى الخير البت اخته الوحيدة ...
ابو فياض :اخذها مني وباجر نعزم اهلها على العشة
ونحجي وياهم كلنا وان شاء الله خير
قاسم : إن شاء الله
مسك ،بالليل اجه فياض ومرته يتعللون وكالولي لمي هدومج وتعاي ويانه مشتاقيلج واني ماصدكت لميت هدومي
بسرعة ورحت وياهم لبيت خالي
العصر اجه ام نزار كاعدين بره بالحديقة هي وعمتي ام فياض ومرت فياض والبنات حاجية منا وحجاية منا كالت جايتج خطابة القاسم وهالمرة ماكو مهرب ..
بقيت بس اباوعلها مصدومة من كلامها من كل عقلها جاي تحجي جاي تخطبني لابنها قاسم ! وتعرف بي ماحب
ارتبط بعسكري أريد شخص مدني
العصر اجه ام نزار كاعدين بره بالحديقة هي وعمتي ام فياض ومرت فياض والبنات حاجية منا وحجاية منا كالت جايتج خطابة القاسم وهالمرة ماكو مهرب ..
قطعت كلامها ام فياض...
ام فياض : عيني ام نزار مو تعرفين البنية ماتريد تزوج عس...
قاطعت كلامها منزعجة ...
ام نزار : اجيتج طالبة عونج مو طالبة فرعونج عيني ام فياض تدرين بينا من زمان مخلين عينه على مسوكة وابو نزار حاجه ابو فياض علمودها واحنا ناخذها احسن
ام فياض : عيني ام نزار مو تعرفين البنية ماتريد تزوج عس...
قاطعت كلامها منزعجة ...
من الغريب الغريب تاخذه شتعرف عنه ؟.. جاوبي
الغريب احسن لو ابني قاسم ..
ام فياض : طبعاً قاسم
ام نزار : خلص لعد .. هاا شكلتي تردين قاسم ؟
ام فياض : عيني ام نزار مو هيج تحجين وياها
ماتشوفيها خجلانة
ام فياض : طبعاً قاسم
ام نزار : خلص لعد .. هاا شكلتي تردين قاسم ؟
ام نزار : هو شنو وتخجل غير جاي اطلب ايدها على
سنه الله ورسوله لوليدي .. يلا احجي
تردين قاسم ...
ام فياض : ام نزار
ام نزار : ام فياض شبيج عيني كل ساع ام نزار وام نزار
ام نزار : هو شنو وتخجل غير جاي اطلب ايدها على
سنه الله ورسوله لوليدي .. يلا احجي
تردين قاسم ...
ام فياض : الموضوع حساس والبنية خجلانة
ام نزار : ترى مابي خجل هاي سنه الحياة
ام فياض : اي بس شوي شوي وياها ... عيني مسك
شنو رايج بكلام عمتج ام نزار
باوع العمة ام فياض خجلانة كلش ومنا خايفة من ام نزار هسة توكلني رزالة معدلة بقيت ملتزمة الصمت رادت
تحجي ام نزار وياي اجه خالي وسكتت
ابو صدام : مسك خالي تعاي رايدج بموضوع
مسك : امر خالي
ابو صدام : تعاي هنا خالي تعاي
كمت رحت وكفت يم خالي اباوعله مبتسم الوجه رفع ايده وخلاها على جتفي اليمين ويباوع بوجهي وأني
باوعله انتظر منه يحجي وياي
ابو صدام : اهلج راح يجون بعد شوي
مسك : اهلي !
ابو صدام : اي اهلج عزمناهم على العشة
مسك : خير ان شاء الله
ابو صدام : كل الخير خالي ... والله نريد
نخطبج القاسم ابن ابو نزار
حسيت بهاي اللحظة عقارب الساعة كلها توقفت كدامي وقفت حياتي بهاي اللحظة الكل طلع متفق على زواجي من قاسم وهم يدرون بي ماريده وماحبه وماريد
اتزوج واحد عسكري ...
مسك : خا...
ابو صدام : خالي مراح تلكين احسن من ابنه قاسم الولد صايم ومصلي ويخاف الله ويحب امه وابوه ويحترمهم
ويسمع كلمتهم مو مثل الساقط العندي ...
قاسم غير رائد قاسم درة مال الله ومتاكد راح يعيشج
ملكة زمانج ويعوضج عن كلشي
مسك : خالي ماري...
ابو صدام : ادري بيج تردين تكولين ماريد عسكري اريد مدني خالي عوفي المدني على صفحة وفكري بكلام خالج
خالج يريدلج مصلحتج ترى
وأني احبج واعتبرج مثل بنياتي واخاف عليج من فليح ابو الوسخ مراح يخلج تزوجين الغريب ..وهو واهله يخافون من عدنا ومراح يكدرون يحجون ويانه
قبلي بقاسم واسكتي احسن ماتاخذين فليح ابو الوسخ لو تبقين طول عمرج بلا زواج من وره عنادج هذا ...
ترى محد يفيدج إذا فاتج القطار
مسك : والله ماعرف شكولك خالي
ابو صدام : تعرفين شتكولين بس متردده وخايفة قاسم يطلع مثل الثور العندي يعاديج ويضربج ويهينج ويرزلج كلما يشوفج واكفة بالباب الثور العندي
مخبل وأني ابوه ماخالص منه ومن السانه الزفر ...
قاسم غير ثوري فهمتي بنيتي
برغم ضايجة من كلامه بس ضحكت من كال على رائد ثوري هو من شافتي اضحك صار يضحك وعمتي ام نزار
تباوعلي وتضحك عبالها قبلت بقاسم
ابو صدام : اي عفية هيج اريدج بنيتي تضحكين وتفرحين
برغم ضايجة من كلامه بس ضحكت من كال على رائد ثوري هو من شافتي اضحك صار يضحك وعمتي ام نزار
تباوعلي وتضحك عبالها قبلت بقاسم
مسك : خالي اءء ..
ام نزار : يجون اهلج ونتفق على كلشي بعد
مسك : اتفاق ؟!
ام نزار : اي لأن مستعجلة اريد افرح بوليدي
مسك : بس عـ ...
ابو صدام : شتردين احنا حاظرين بنيتي الحلوة.. يلا طبي جوه راح يجون زلم بعد شوي
مسك : بس عـ ...
كرص خدي يضحك وأني اريد ابجي من الخوف والقلق اخاف تصير صدك واصير القاسم رغما عني كله من ورة رائد ضحكت وهم عبالهم فرحت علمود خطبوني القاسم
امده حظي الغبر دوما يفشلني بالوقت الغير مناسبة ...
دخلت جوه بس ماريد ابجي شويه واجت عمة ام فياض وعمة ام نزار رايحه البيتهم رحت عليها
حابسة دموعي بعيوني
_ عمة ترى فهموني غلط !
دخلت جوه بس ماريد ابجي شويه واجت عمة ام فياض وعمة ام نزار رايحه البيتهم رحت عليها
حابسة دموعي بعيوني
_ فهموج غلط صح هم قافلين عليج
_ عمة
_ متفقين كلهم حتى خالج ابو فياض حاجي وي اهلج علمود زواجج من قاسم مبين الولد يريدج ويحبج
ومحاجي خالج علمودج
_قاسم محاجي خالي !
_اي البارحة جانت الكعدة
_ شكايله ؟
_قاسم محاجي خالي !
_اي البارحة جانت الكعدة
_كايله اريد مسك واريدها منك عمي هالمرة
_عزززة العزاني عمة ماريده والله
_ ليش ماتردينه شبي الولد شناقصه وماتردينه
_ماحبه عمة ومالي نفس بي
_ تحبي وره الزواج عود
_شنو احبه وره الزواج عمة مالي رغبة بي شلون احبه
_عزززة العزاني عمة ماريده والله
_عادي تصيرلج رغبة وره الزواج يلا طبي بالمطبخ
يمنا زلم وتريد ضيافة وبعدين نحجي
_ماشي
خليت ودخلت بالمطبخ سويت الضيافة واجه محمد اخذها يباوعلي ويضحك من بين عيونه وأني واكفة بالمطبخ
وامسج بدموعي دمعة دمعة ...
_ماشي
وره ساعة تقريبأ اجوي اهلي امي فرحانة كلش وابوي كذالك لأن بيت خالي ابو نزار خوش عالم وناس متمكنه
مادين وخيرهم اكثر منهم
وأني كاعدة وابجي اريد احد منهم يلتفت لعندي ويسأل شبي ابجي ماكو احد صاروا يحجون بخصوص الزواجي من قاسم خليت وكمت عدل للغرفة سحبت التلفون
واتصلت بقاسم مارد رجعت اتصلت بي رد حسيت
قلبي نخطف من سمعت صوته ...
_الووو
بقيت اتنفس سريع وابجي رجع حجه ..
الووو منو وياي ؟ الووو .. الووو .. منوو .. الووو ماتحجي شبيك اخرس .. الووو .. بس مالين إزعاج ...الووو
ماتحجي شبيك بس تتنفس احجي الووو ..
تشجعت وحجيت ...
الووو
_منو حظرتج ؟
_مسك
سمعته جر نفس بحسرة ورها زفر وكال...
مسك ! اي شذكرج بي ؟
_ اريد احجي وياك
_اي تفضلي ؟
_أنت كايل الخالي اريد مسك ؟
_مسك
_ اريد احجي وياك
_اي
_ يعني أنتِ كايله
_اي أني
_ليش ؟
_شنو ليش ؟
_ كلتله اريد اتزوج مسك وتدري بي ماريدك
_ بس أني اريدج
_ايي واني ماريدك يااخي حلوا عني مو لعبتوا نفسي كلما اجي هنا نريدج القاسم وهم يدرون بي ماريدك ..اسمع
قاسم بس انجبر عليك بالقران الكريم احرك
نفسي وخطيتي باركبتك لاخر يوم بعمرك
_مسك اسمعي كلامي
نفسي وخطيتي باركبتك لاخر يوم بعمرك
_ماريد اسمع منك ..هسة تتصل باهلك وتكوللهم
ماريد مسك افتهمت لو لا
_لا مافهمت
_شنو بكيفك ماتفهم لا تفهم وهسة تتصل بيهم اريد
_لو تموتين ماتصل بيهم وهذا الزواج راح يتم افتهمتي لو لا
_ مو بكيفك
_ ولا بكيفج راح اخذج يعني اخذج وهذا آخر كلام عندي
_احرك روحي والله
_احركي روحج احسن ماتصيرين الغيري
_ ماتخاف من الله
_هذا العندي
_اكرهك قاسم
_يكفي أني احبج
_حقييير
_ مقبولة منج مسوكة .. يلا في امان الله عندي شغل
فصل الخط بوجهي كعدت بالكاع ابجي ولازمة التلفون قلبي احترك حرك شبعت بجي من كيفي كمت غسلت وجهي
وعدلت حجابي وطلعت بالصالة صادفتني امي
_ ديري بالج تكولين ماريد
_يمة ليش هيج تسوون بي ؟
_يمة المصلحتج
_وين مصلحتي بالموضوع يمة غصبتوني على رجال ماريده
_ جاي اكلج المصلحتج
_ حرام عليكم الله راح يحاسبكم كلكم على السويتوا بي
_وين مصلحتي بالموضوع يمة غصبتوني على رجال ماريده
_ جاي اكلج المصلحتج
_ انجبي مسك جاي اكلج المصلحتج هذا الزواج
_دمرتوني
_ مسك كافي عياط وتعاي طبي جوه خل احجي
وياج وافهمج زين ... يلا امشي
اجت لعندي جلبت بزندي وجرتني للغرفة طبينا جوه سدت الباب وعافت ايدي تباوعلي بعصبيه وأني ابجي
دموعي عشرة على عشرة
_دمرتوني
_ مسك كافي عياط وتعاي طبي جوه خل احجي
وياج وافهمج زين ... يلا امشي
_ ترى ماجلي ندفنج وجاي نحفر گبرج عوبة جاي نزوجج لولد حال ومال واخلاق وناس ذرة مال الله...بحلامج ماتلكين
هيج رجال مثل قاسم لو تردين تاخذين
فليح ابو الوسخ الجلد اللي مايهون يصرف على
نفسج ماتحجين شبيج بس تبجين ؟!
_ ترى ماجلي ندفنج وجاي نحفر گبرج عوبة جاي نزوجج لولد حال ومال واخلاق وناس ذرة مال الله...بحلامج ماتلكين
هيج رجال مثل قاسم لو تردين تاخذين
_لا فليح ولا غيره
_كافي مسك مو لعبتي نفسي فوك ماهي لاعبة كافي لو اكوم اطيح حظج بت الفكر متعلمه على الفكر دطلعي من بيت الفكر ودخلي بيت العز والدلال وعيشي حياتج
لو حلتلج كعدة بيت لابيج تاكلين للكمة زين لا لبسه زينه لا نفس زين لا مصروف زين راتب ابوج وشغله بالتكسي
يادوب يكفينه حتى هدمة زينة وراقيه ماكدر اخذلج
_كافي مسك مو لعبتي نفسي فوك ماهي لاعبة كافي لو اكوم اطيح حظج بت الفكر متعلمه على الفكر دطلعي من بيت الفكر ودخلي بيت العز والدلال وعيشي حياتج
الج والاخوانه هاي ترچية ذهب بأذانج بال50 ألف ماكدر اخذلج ..ولج عوبة فكري بعيشتج وبعيشتنا الحلوة هاي اخوانج السنة الجاي بالعدادية اثنين
ويردون مال احمر منين اجيبلهم أني منين على اقل أنتِ تزوجي وخففي من الحمل شويه
كعدت امي فوك الجرباية تبجي من كل قلبها واني اباوعلها وابجي صح حالتنه المادية كلش ضعيفة وملابس راقية وغالية ماكدر اخذ هاي بالجامعة
كضيتها بملابس بالة اروبية ومحد يدري بي
اشتري بالة أني واخواتي امي بيها طبع أبد ماتدني نفسها وتطلب من اخوانها فلوس خوالي جم
مرة حاولوا يساعدونها ماقبلت تأخذ منهم نفسها عزيزة كلش المهم كعدت كدامها فوك الجرباية الثانية ابجي وهي تبجي آخر شي مسحت دموعها وكالت ..
_الخاطري اقبلي
_يمة
_مسك الخاطري جاي اكلج شنو ماعندي خاطر عندج
_شلون ماعندج يمة
_خلص لعد قبلي بقسمتج ونصيبج
_مو قسمة ونصيب هذا اختياركم الي
_ احنا نعرف نختارلج الرجال الانسب الج والنه
_اي خلص امسحي دموعج وانزلي راح يحجون وياج بخصوص المهر شتردين ماتردين ..واياني وياج تطلبين ذهب هواي لو مهر هواي ويكولون داشه بطمع
تاخذين اللي اكوله الج افتهمتي لو لا
_اممم
_تطلبين حاظر 7 مليون والغايب 5 مليون وذهب 2 مليون ماريد باجر كعبة يكولون بت نور دشت البيت ابو نزار
بطمع واخذت هيج مهر وهيج ذهب
وياخذون عنج نظره مو حلوة ويكولون بت
فكر وشافت وكعت ميته فتهمتي
_فهمت
_يلا امشي غسلي وجهج وانزلي نازله قبلج وتطبقين الكلته الج بحرف الواحد ولما طبقتي ياويلج مني مسك والله
اسويج عبرة لمن اعتبر افتهمتي
_والله فهمت يمة كافي كل ساع تهددين بي فتهمتي
وفتهمتي فهمت والله فهمت
نهاريت بالبجي كامت وكالت ..
يلا بساع غسلي وجهج وخلي مكياج
وانزلي العالم جاي تنتظرج
_والله فهمت يمة كافي كل ساع تهددين بي فتهمتي
وفتهمتي فهمت والله فهمت
