رواية عشق اهل الانبار الفصل السادس 6 بقلم رواء هادي
قاسم دزوا علية اروح اشوف مسك ونتفق على كلشي رائد اجه وياي سلمنا وكعدنا بالاستقبال باوع بوجوه الكل فرحانة
اجت امها سلمت عليها وكعدت بصف امي
نشكرك على دعمك!
رائد قترب لعندي وهمس ...
_اشم ريحة عطاب
_عطابيش ؟
_مادري جاي احس المزلفة ماقبلت بيك وجبروه
_ متوهم
_ناوو ناوو جاي اشم وباوع بوجه عمة عيونها
محمرة مبينه جانت تبجي
_استغفرالله
نبزني بصفحتي وكال بهمس ...
_شنو هالجمال هاي شطالعة المولفة طالعة عصفورة
_رائد
_دباوع وجه القندرة والله تفتحلك نفسك المعفنة هههه
_اففف .. رفعت راسي وشفته لابسة نفنوف ابيض مورد وحجاب شامرته شمر على شعرها ومطلعة زلوفها على
كوله رائد مزلفة ومكياج طالعة غير شكل
مسك : السلام عليكم
رائد : وعليكم السلام .. هلأ عروستنه هلأ تفضلي
استريحي هنا بعد خالج
5
حتى مخلاني ارد السلام عليها ياشر الها تكعد كدامي ابد مايستحي مناك الكل هي خلت وكعدت كدامي مبين
عليها خجلانة كاعدة ومدنكة راسها
قاسم : ولك ماتستحي
رائد : انجب غير اجيبها كدام عيونك يلا بعد خالك كحل عيونك زين بيها اخاف تكول ماشفتها ونغشيت بيها هههه ترى ادري طامس بنص السيان . ههه العفو ...
قصدي الحب ههههه
قاسم : ادري بيك تحصل رزالة يلا تكعد
رائد : ماعاش اللي يرزل هيبة سهودة يمة اروح
فدوة لامي جنها گمر ويضوي
قاسم : ههه
بقيت اباوعلها هي مدنكة رأسها رائد سألها قبل الكل .
رائد : بعد خالج شكد تردين ذهب نسويلج ؟
رائد : الاكبر مني ملتهين بالسوالف وماكو فرق صغيرهم يحجي .. احجي بعد خالج شكد تردين ؟
ام نزار : هيج صارت
رائد : اترجاج اسكتي عمة وخليني اني احجي لأن متبرع بالذهب اله ولازم اعرف شكد ماشكد انقط هههه
ابو فياض : وعندك فلوس تتبرع
رائد : موعيب عمي تسألني هذا السؤال ..
طبعآ عندي فلوس خير من الله
ضامهن يم تاج راسي
ام صدام : وليش ماعنده لعد عنده خير من الله يمي
ابو فياض : عبالي ماعنده
رائد : لا عندي .. ماتحجين مسوكة شكد تردين ؟
مسك : 2 مليون اريد
رائد : من يوم يومي جريم عمي وهذا الغالي قسومي حبيب قلبي ورفيج دربي اعز عليه 4 مليون من طزز بال4
مليون اهمشي اخذ اللي هواها گلبه
ابو فياض : الحمدالله
قاسم : رائد ليش تكفلت بالذهب ترى
عندي فلوس عرسي مامحتاز لاحد
رائد : انجب هاي هدية عرسك من المزلفة والله وطلعت تسوى المزلفة ال4 مليون ذهب وتسوى اكثر هم دباوعلها شلون تضحك حلو هنيالك وكعت بحورية مزلفة هههههه
قاسم : ولك يمي وتتغزل بيها
رائد : نريد نحرك شوي هههههه
قاسم : مسودن مالومك
رائد : من يومي
اتفقنا على الحاظر والغايب خطية اهلها مادوروا وياي جنت خايف تطلب هواي مهر مثل ماكالن عماتي داخلين بطمع بيك طالع العكس لا طلبوا ولا كالوا حتى ابوها
اسويلها ذهب من عندي اخاف باجر تعيرني وتكلي
ربع دينار ماصرفت عليها ...
المهم قبل لا نرجع ردت اشوف مسك واحجي وياها وافهمها رايدها من كل گلبي ماريدها تاخذ موقف مو حلو عني واتصابها اليهسة بالي طابع تبجي
وتهدد بي تحرك روحها رائد كاعد بصفي
بره ويشرب جكاير
_دير بالك تخليها تاخذ بوشك
_ رائد
_من هسة اكلك لا تصير المره وهي تصير الرجال براسك مثل عماتي صايرات شيوخ بروس زلمهن زلمهن النثاية صايرين
..وهاا قبل لا انسى لا تنطيها مجال تغلط عليك
الرجال من غلطت علية مرته مره مرتين صار خر.. مو رجال وطارت هيبته وطارت مكانته بين الزلم افتهمت
_مسك تكول العمة ام فياض ماحبه وماريده ومالي نفس بي حرام عليهم جبروني عليه والله الا اسود
عيشته على السواه بي
_احلف
_وغلات امي سهودة هذا السمعتة قبل شوي فبعد خالك دير بالك ولا تخليها تاخذ بوشك من اول اليوم الك وياها
اخذ بوشها وحبلها والصمها اللابد
_ هدوها يدل على وجود عاصفة
_وانت اعصفها قبل لا تعصفك
_عد عيناك
_عفية بقسومي اي هيج اريدك قوي مو جبان
_هه مو شكلي هادئ عبالهم جبان مايعرفوني زين منو قاسم
_ههههه شكد وسخ ياربي هههههه
_هواي ههههه
بقينا نضحك وراها رجعنا على البيت وهم ماشفتها على انفراد المهم ثاني يوم الصبح اهلي كالوا نروح نكطع مهر وناخذ الشيخ مانعزم ناس غربة بس بيناتنه
لأن بيت اهلها صغيرون يادوب يكفي جم نفر عماتي كالوا جيبوها بيت ابو فياض عمي ابو فياض ماقبل كال ليش
بيتي نخطبها من بيت اهلها شيكولون العالم
ماعدها بيت نجيبها بابيوتنا لا مايصير إلا نخطبها من بيت ابوه خل ابوها يتباها بته الوحيدة ...
المهم عماتي رادوا يجيبون بنات والجناين ماقبلت امي لأن بينهم صغيرون ومايكفي العالم بس عماتي الاثنين
يجون وعمامي ونسوانهم واحنا بعائلتنا ...
المهم رائد وياي صاعد ويلغي مايسكت أبد...
رائد : مو اكلك صير مثلي اضرب الحزن جلاق
ولا تهتم ولا تدير بال
قاسم : حقك مامار بلي أني بي
رائد : هو شنو قابل ههههه
قاسم : فوكاها يضحك الفطير
رائد : اي غير الطف الأجواء الكئيبة باوع شكلك جنه
شكل الرملة لمانايشه الماي بعمرها
قاسم : دكعد مني ابو رملة
رائد : ههههه حلوة ابو رملة هههه
ام نزار : شبيك رائد بس تتمضحك
رائد : قاسم يكلي ابو رملة ههههه
ام نزار : وقلت هالاسماء كلها الا ابو رملة
رائد :كلمن وحجاياته عمه هسه مكتيلي
شلون جنتج الصغيرة
ام نزار : شحلاتها يعمة تخبل مسوكة
رائد : اي والله
ام نزار : لو كايلي عليها من زمان جان هسة
جاهل جاهلين عنده
رائد ذ :عمه الحجي بيناتنه ابنج واكع
بالعشق من زمان زمان هههه
قاسم : رائد كافي
ام نزار : شتحجي رائد ؟
قاسم : ماكو شي يمة
ام نزار :لا يحجي شكو شنو أني طرطور يمكم كاعدة
نبزت رائد باوعلي يضحك ...
والله ياعمة قاسم يحب مسك من راحت للكلية يعني
صارله سنوات عاشقها ههههههه
ام نزار : هو هذا قاسم مايعجبه غير العجب بس خوش حب والله شحلات البنية تخبل و كلشي بيها يخبل
عاش هذا ذوقك يمة
1
قاسم : غير طالع عليج ذواق
رائد :ملعون صدمني ماجنت متوقع بي راح يحب ويعشق
قاسم :اي مو من الفضاء الخارجي جاي ماعرف شلون
أحب بني ادم كافي رائد تستخف بي
ام نزار : خل نشوف شلون تاخذللك وحدة يارائد
رائد :منو كاللكم اتزوج ههههه
ام نزار : وامك هم كالت
رائد : امي اغشمرها بحجايتين
ام نزار : صدك ولك تكول على امك اغشمرها شنو امك
غشمر كدامك لو زعطوطة تعلم احجي اثول
قاسم : دكلها
رائد : حشاها وحشاج عمه بس ...
ام نزار : لا بس ولاشي بس نزوج قاسم نشوفك بت حلال شبيك يحظي مثل القرد يوميه مچلب بجشرة وغصن دثبت على وحدة وشحلات الحلال ياعمة
وشحلاتك من نزفك على مرتك وشحلاتك من
9
رائد :تلتف على اركبتي وتنفخ بوجي تسس وتسس مو لا دخيلج عوفيتي بحالي لا شحلاتك ولا شحلاتكم
من تزوفوني عوفوني
قاسم : عوفيج منه قافل يمة
ام نزار : شبيك من ثول ليثولك ماكو واحد
مثلك مايريد يتزوج
ام نزار : طبك طوب صوجي مو صوجك
رائد : اي والله صوجج
قاسم : رائد حجيك
رائد : وأني شكلت كلت صوجها تحجي وي واحد براسه
مطي مايفهم بالحجي وشايل فكرة
الزواج من باله
ام نزار : دباوع يحجي على روحه وتريده يسمع مني
هذا هو متعوده علية عوفه حاله من حالك
رائد : صريحة امك صير مثلها
قاسم : قلبي مو مثل قلب أمي قلبي صغير ومايتحمل
رائد :منا وجاي وسع قلبك لان راح تجي تسس على حياتك جيب كذا وجيب كذا وين طالع وين جاي
ليش متأخر وليش جاي ههههه
ام نزار : لا عمه كلمتك تشمل الكل حتى أمك شملتها
وضفتها بقاموس الأفاعي
قاسم : اي صدك مايعرف يحجي ويجفص بالحجي
رائد : تعال علمني احجي تعال قويسم تعال
قاسم : شبيك تصيح ؟
ام نزار : انجب رائد لو هسة افتح الباب واشمرك من السيارة اياني واياك تكول كل النسوان حياية من تكول هالكلمة
اقصد بيها البعض مو الكل مفهوم
رائد : امممممم
قاسم : مفهوم
رائد : لا والله مامفهوم وبس تحجون اشمر روحي من السيارة واكول قاسم وعمتي شمروني واخليكم تبتلون وي ام صدام تعرفون لسانها شطوله يعادل ألف لسان حية سامه .
3
رائد : شبيك
قاسم : قلبي يدك ألف دكة
رائد : ترى مراح تدخل عليها وتاخذها هههههه
( 2 )
قاسم : شنو هالسخافة رائد !
رائد : يلا مشيها عاد هههه عمة ابنج راح يموت هههه
ام نزار. : يمة اسم الله شبيك قاسم
قاسم : مابي شي بس عركان
رائد : تفضل امسح العرك وفر العرك لغير يوم هههه
اخذت منه الكلينس غمزلي عين ويضحك بصوت عالي طلع ابو مسك وعمها وامها ومرت عمها وعماتها تلاثه
سلمنا ودخلنا كعدنا
رائد :حيوان شايفني تمساح زاحف
قاسم. : انكس من التمساح أنت
رائد : بسيطة قاسم أني اعلمك باع هالكشخة والجمال وخلصت شيشة العطر علمود ادخل وياك أنت
ماتقبل وتفشلني اني الك قاسم
دار وجه عني زعلان ماحبيت اكسر بخاطره هذا حبيبي وضلعي لزمت ايده التفت عليه رفع تك
حاجب مستغرب حركتي
قاسم : قبلي ادخل اذا تريد
رائد : هاهية قبلك ادخل كايم لعد
3
جريته راد يكوم ماصدك ...
والك لا تفضحني رائد خل يكولون هم يلا باع الشيخ
بعده مجاي لتستعجل وتفضحنا
قاسم : والله مادري
المهم شوي والشيخ كال عم يلا نعقد دخلت مسك هي وامها والبنات جانت لابسة فستان أزرق وشال ابيض هم شامرته شمر على راسها ومكياج طالعة كلش
حلوة غرت كلش عليها من ولد عمي والشيخ لان مطلعة شعرهغ رائد تقربلي وكال
رائد : هي خوش ادمية لما الزلوف العدها
قاسم : وره الزواج اضمهن
رائد : اي الظاهر الكعدة هنا تصير خوش كعدة حلوة واول مرة تصير يجمعون العريس والعروس بغرفة وحدة
ويكطعولهم مهر كدام الكل ههههه
قاسم : اي
صاحلي الشيخ رحت كعدت بصف مسك بالكاع لان هم ماعدهم كرويتات باوعتلها الدمعة بطرف عينها صايرة رفعت ايدها ومسحت دموعها قلبي نبزني من
شاف دموعها وحسيت صوت عذاب الضمير تحرك بداخلي صوت يكلي جاي تضلم المسكينة وياك وتدري بيك ماتريدك حرام اللي تسوي قاسم أنت تخاف الله
ليش ماتخاف الله بت الناس رفعت راسي رائد كدامي صاير ومبتسم الوجه وياشرلي انتبه للشيخ باوعت بوجوه
الكل فرحانة من ضمنهم اهلها
فليح ابن عمها دخل عيونه براسه جانوا يباوعلنه رائد كام وكف بصفه وخله ايده على جتفه ماعرف شحجه ويا
هذاك خله وطلع ضايج رائد ياشرلي بعيونه
اطمن ماكو شي تعوذت الشيطان وكملت وي الشيخ كطع النه مهر الكل فرحانة جانت يهلهلون ويطشون جكليت فوك
راسنه رائد يهلهل ويصور بالتلفون فرحان كلش
ابو نزار :رائد هسه مال تصوير
رائد :هاي خطوبة عمي شلون ماتريدني اصورها
رائد : ماسمعت والتصوير لقاسم ينقل مايبقى عندي اطمن عمي مايعرف شي عن الذكريات ههه
قاسم : عوفه يابة
الشيخ وره ماعقد النه راح جابوا كراسي كعدنا اثنينه واحد بصف الثاني امي جابت علبة الذهب مادري اني بالذهب مسوينة طلعوا البارحة العصر
مسوين الذهب امي وام صدام مسك مقابله تجي كايلتلهم على اختياركم جيبولي الذهب خوش ذهب مسويلها وحلو جان بعد ذوق رائد يجننن بكلشي
لبستها الذهب ولبستها الحلقة ولبستني الحلقة بسرعة واذت صبعي كلش جانت مجبورة على كلشي ومثل التمثال وكاعدة بصفي لا مشاعر ولا شي المس ايدها بصابيعي تجر ايدها ماكدرت اخذ راحتي وياها كدام الكل
عاد ماطولت الحفلة
كمنا وهي خلت وشردت لغرفة اهلها رائد يباوعلي يعرف بيها ماتريدني ومجبورة تزوجتي المهم سلمنا وطلعنا
بره رائد اجه بصفي وكفة
رائد : ماشاءالله خطيبتك تخبل
قاسم : حرامك اذا شفتها زين
رائد : لابشرفك
قاسم : اي والله ماشفت شي منها بس
النفنوف والحجاب وايدها
رائد :شبيك يحظي هم تستحي تباوع
لخطيبتك لو حرام عندك ؟!
قاسم :خايب يامستحاء ياحرام هي انطت مجال لواحد يباوعلها جانت مدنك باركتلها ماردت علية
ماعرف شبيها ؟
قاسم : ماشاءالله مامخلي شي بيها لماشايفه ولك
هاي مرتي رائد لتباوعلها .
رائد : وأني شمسوي هي عروس ولازم الكل يباوعلها
لا تزعل ماباوعلها بغير نظرة هههه
قاسم : رائد
رائد : عمت عينك هي مو أختي الصغيرونة صارت
قاسم : كلشي عندك ينقل عندي وينحذف
رائد : مايخالف بس اهدا ترى مراح ناكلها للمزلفة هههه
كرصت رائد من فخذه قوي باوعلي فاك عيونه وينفخ هوى حار بوجي متعصب متحلف بي مو بإيدي اغار على
خطيبتي هو يحاول يتغزل اعرف بي وسخ
قاسم : شكد نذل
رائد : اوووي خطية ماشاف المزلفة اوووي بجه بجه
ههههه ماتبجي شبيك تباوعلي وتخزر هههه.
رائد بقى يتمسخر علية اجت بالي اهفه ....بوكس افلش وجه مايكعد راحة بقيت لازم اعصابي ماشفت مسك عدل ولا حجيت وياها بقت غصة بقلبي شوفتها جنت
متحمس اشوفها
واباوعلها براحتي .
المهم رجعنا للبيت الكل فرحان وطايرة من الفرحة ثاني يوم الصبح اتصلت بيها انطتني مشغول رجعت اتصلت بيها
قفلت الجهاز ضجت كلش منها
واتصلت برائد اشكيله همي ...
_ ماتفتح علية خط شسويلها رائد ؟
على جم شغلة قبل العرس وافقوا والله وابوي اتصل بابوها وعزمهم على العشة راح محمد وابن نزار يسوكون واجه
رائد بسطني علمود فصلت التلفون بوجهه
_اول مرة واخر مرة تسويها
_توبة إذا اسويها
_اكسر راسك
_والله مو بقصدي جنت متحمس للفكرة مالتك
_ وعلى الله تطلع زلمة
_ ولك
_وين الله وكاتلتك المزلفة ههههه
_مو بالحيف النسوان تكتلني
_نشوف .. يلا أني رايح ودير بالك على نفسك ولا تنطيها مجال ولا تبين كدامها ضعيف الشخصية تردك
بكلمة ردها بالف كلمة
_ايي
_اي وسطعش وجعييي ههههه
_والله زمن اتعلم منك هههه
_غير خبرة بالنسوان هههه
_عاد شلون نسوان عندك تعمه العيون عليهن
_المهم نسوان هههه
_اي
خله ومشى ساعة ونص تقريبأ اجوي اهل مسك ومسك
وياهم مطنكرة مبينة مجبورة على الجية سلمت
على ابوها وامها واخوانها التلاثة
وكعدت اشرت لام سارة تجي يمي اجت كتلها بهمس ..
راحت من يمي كعدت بصف مسك ضحكت بوجهها وراها كامت وياها القاط الثاني اهلها يباعون ماحبيت اكشف
نفسي اريد التقي بيها خليت وطلعت بره عود
ورجعت دخلت من الباب الجوه الدرج وصعدت فوك عدل الغرفتي مسك ماتعرف غرفتي صح مرات تجي
ماتفتر بالبيت ابد تبقى كاعدة
جانوا عايفين الباب مفتوح دكيت الباب ..
قاسم : ام سارة موجودة
ام سارة : تعال فوت قاسم
دخلت مبتسم الوجه مسك عيونها صاروا براسها لأن عرفت خطة من عنده خليت ام سارة تجيبها لهنا كامت
ام سارة وكالت بضحكة
ام سارة : اخذوا راحتكم أني هنا بالصالة واكفة
مسك : وين رايحة
ام سارة : هنا مانزل
مسك : اجي وياج
ام سارة : مو قاسم يريد يحجي وياج بموضوع
اسمعي العنده وتعاليلي
مسك : م...
قاسم : جم كلمة عندي وياج تفضلي استريحي
طلعت ام سارة وسدت الباب كامت مسك خايفة
وعيونها على الباب شلون نسد
قاسم : جم كلمة عندي وياج تفضلي استريحي
طلعت ام سارة وسدت الباب كامت مسك خايفة
وعيونها على الباب شلون نسد
مسك : ليش طلعت وسدت الباب ؟
قاسم : لتخافين ماسويلج شي بس احجي وياج
