رواية لو كان خيرا الفصل الخامس 5 بقلم مريم عبدالرحمن
الحلقه الخامسه ... لو كان خيراً
ل مريم عبدالرحمن
__________________
يااااه قد اي ممكن ف اي ثانيه كل حاجه تختفي الحب بيختفي الاخلاص بيختفي الاحترام بيختفي الوعود بتختفي كل حاجه بتختفي بكلمه واحده زي م تيمور بكلمتين خلى حب انور لصاحبه و اخلاصه و وعوده و كل حاجه تختفي من قلبه تجاه صاحب عمره ...قلب انور اتملى ب لبنى لدرجة انو اتعمى و اكتفى و خسر كرم هل هيفضل الخساره دي كده دايما؟؟الحقيقه هتنكشف؟؟او ممكن نفقد حد غالي؟؟او ممكن ربنا يعاقبنا على حاجه معملنهاش!!ده كان تفكير انور بالظبط ف لحظه من اللحظات
________________
انور...هتقولي دلوقتي تقصد اي
تيمور...المطعم اللي شغالين فيه هما اللي بيخليهم يجتمعوا لان لبنى بتاخد الاذن من السكن انها بتشتغل ف لو اتطردت بالتالي السكن مش هيخرجها بدون سبب ف مش هيتقابلوا
انور...تمام بس متأذيش لبنى
تيمور...هي لازم تتأذي ف موضوع الطرد ده بس مش أذى يعني اكيد هنسببلها مصيبه مثلاً
انور...اووووف تمام
تيمور...ماشي
_______________
(فالمطعم....)
تيمور...ي استاذ عطيه انا جايلك من طرف ابويا و بستأذنك تنفذ الحاجه دي صدقني انت هتخدمنا اوي
عطيه...بنت زي لبنى كنت هستغلها ف شغل كتير مش هفرط فيها بسهوله
تيمور....خلي بالك هما ملهمش ف الالاعيب دي هي و صاحبتها سندس ف خليك دوغري
عطيه...بما انك جبت سيرة البنت اللي معاها خد لبنى بس سندس تفضل
تيمور...سندس مش مهم شغلها براحتك
عطيه...تمام بس مش تفتكر اما لبنى تطلع سندس هتطلع
تيمور...متقفلش كل حاجه انت عارف هتعمل اي
وطلع من جيبه فلوس و ادهاله عالمكتب
عطيه...كده انا فهمتك
__________
ف يوم جديد فالكافيه...
شخص...لبنى المدير عايزك
بصت لبنى ب علامة استفهام لسندس و سندس شاورتلها ب معرفش
لبنى...عايزني ف اي؟؟
شخص...انا مالي روحيله مكتبه
راحت لبنى و خبطت عالباب
عطيه..ادخل
دخات لبنى و فضلت واقفه
عطيه ...اقعدي ي لبنى
قعدت لبنى و هي متوتره... كنت عايز مني اي يا عطيه بيه
عطيه...شغل صغنن كده
لبنى...بس يا عطيه بيه انا...
عطيه..عارف متفقناش عاشغل ده انا بس عايزك توصلي اوردر لبيت مع البيتزا يعني المخدرات هتبقا جوا البيتزا و هتاخدي فلوس منه
لبنى بغضب...مش هينفع ي عطيه بيه انا مش جايه هنا اشتغل الشغلانه دي
عطيه ببرود..هتسمعي كلامي غصب عنك و عن عين اهلك كلهم يأما هلبسك مصيبه تاخدك فالبوكس عادي و ي حرام ملكيش حد يخرجك
لبنى بزعيق...لا ليا ...
عطيه بضحكه سخريه...لو تفتكري ان استاذ كرم بتاعك هيحل الموضوع تبقي بتضحكي على نفسك كرم لسه صغير هيحتاج تدخلات اهله و اهله هيرفضوا يساعدوا واحده زيك
لبنى بإستغراب...تعرف منين كرم ده اصلا و بعدين قصدك اي ب بتاعي ده صديق؟؟؟
عطيه...مش لازم بردو اعرف كل حاجه عن اي حد بيشتغل عندي !!!
لبنى...و بالشكل الخصوصي ده؟
عطيه...انتي هتحاسبيني ي بت ولا اي يلا انجري على شغلك تميم فالمطبخ هيقولك عالشغل يلا انجرّي برا كتك الارف
خرجت لبنى و رزعت الباب و كانت لبنى جامده مش من النوع اللي بتعيط ابدا بالعكس بتقف على رجلها و قويه و جريئه..
سندس...اي اللي حصل ي لبنى اي الزعيق اللي كان جوا ده
لبنى...مفيش
سندس..لبنى احكيلي..
(بدات تحكيلها...
سندس...انتي هتهزري و هتعملي اي
لبنى....هروح...
____________________
دخلت لبنى المطبخ
لبنى...فين استاذ تميم ؟؟؟
شخص...ف جنينة المطعم من ورا هنا
راحت لبنى تميم
^كان تميم شخص بدقن و عضلات و جنتل دده كان واقف حاطت ايده ف جيبه و بيشرب سجاره ف اخرها اول م شافها طفاها و داس عليها و وقف مبتسم ابتسامه مميته..
لبنى...حضرتك استاذ تميم
تميم ببرود...اه
لبنى...طب عطيه بيه قالي الشغل معاك
تميم ببرود و حاطط ايده ف جيبه...هو اه الشغل معايا بس انا جاي اساعدك انتي بدون معرفة عطيه بيه
لبنى...ازاي مش فاهمه
تميم ...اللي تقدري تفهميه ان هو عملك كمين هتسلمي المخدرات و هيتقبض عليكي
لبنى...ليه انا عملتله اي ابن الكلب دن
تميم...ياريت نهدى ي مدام لبنى
لبنى...مدام مين ي ابن الحماره انت كمان
تميم ...ابن الحماره؟؟؟تصدقي بالله انتي لو مكنتيش عليا مسؤوليه قدام الحكومه كنت مسكتك طحنتك علقه بس هتروحي مني فين
لبنى...و انت تقولي مدام ليه يعني
تميم...شكلك ولا بد منه يعني
و بصلها من فوق لتحت بشكل مقرف
(اكمل ف مصر عندنا اللي تبقا حاطه روج فاقع و بتحط روج و بشعرها و عاملاه كيرلي و عامله بريسينج و لابسه قصير تبقا جايه من شارع الهرم ناس مش عارفه المبادئ الصحيحه اصلا و بيشوفوا بالمظاهر و ده معظمنا)
لبنى تنحت و متكلمتش...قولي عالشغل
________________
كانت ماشيه سندس عالبحر بعد م خلصت شغلها و كانت سرحانه...
كرم....سرحانه فيا مش كده
سندس...اكيد لأ
كرم...احم طيب
سندس...تمام خلاص بفكر فيك
كرم بنظرة معاكسه...بحب الناس الصريحه دي جدا
سندس اتكسفت ..متتعاملش معايا كده
كرم...احم هو انا كده غلطت احيه عليا مبعرفش ابقا رومانسي ي ست
سندس ضحكت جامد...انا اقصد انا اتكسفت من اسلوبك مش اقصد انك مش رومانسي
كرم بإبتسامه...لو اقدر اضحكك كده علطول
سندس...قلتلك متتكلمش معايا كده
كرم....ياستي اتكسفي عادي الله بطلع الكلام اللي واقف ف زوري هو حد يبقا قدام الجمال ده كله و اسكت
سندس بكسوف...انا همشي ي عم
كرم مسك ايدها... خلاص حقك عليا بس متمشيش
سندس بابتسامه...تمام بس ممشيش ليه
كرم....نتكلم
سندس ...تمام اي رأيك تبدأ ب حياتك احكيلي عنها
كرم بكسره...هحكيلك اي فيها مفيهاش حاجه تتحكي
سندس..في مشكله لو في انا موجوده تقدر تحكيلي
..و حطت ايدها على ايده
كرم....ابتسم.. و بدأ يحكيلها عن حياته الغامضه و عن امه اللي دايما منتقداه و عن ابوه اللي دايما بعيد عنهم و عن وحدته و عدم حد جمبه
سندس...ياااه قد اي شايل جواك انا اسفه اني خليتك تحكي حاجه زي دي
كرم...بالعكس انا مبسوط اني حكيتلك
سندس....نسيت تحكي عن حاجه مهمه
كرم باستغراب...اي هي؟؟؟
سندس....انور صاحبك
كرم...بتقلبي المواجع ليه هو غريب الفتره دي و معرفش ليه حابب يبقا مع تيمور بالشكل ده بردو انا مش فاهم اي حاجه الفتره دي غير اني لازم ابقا قوي انا طول عمري لوحدي و واقف على رجليا و عمري م هحتاج لحد ابدا
سندس....مينفعش تحتاجني و انا هقف جمبك..احم كصاحبه يعني
كرم بابتسامه....احلى من اي حد ممكن يقف جمبي
سندس...
______________
عند لبنى واقفه بتدور عالعنوان اللي هتسلمه البيتزا بالمخدرات جواها و سألت عالعنوان و طلعت شقه و بتخبط و فتحلها واحد
لبنى...انا جايه للبيتزا الحساب..
البوليس نزل من عااسلم و من كل حته ...
البوليس...انتي يا بت اي اللي ف ايدك
لبنى...بيتزا يا باشا
البوليس...فتشوها
و فتشوا البيتزا ملقوش حاجه و جايين نحيتها يفتشوها
لبنى...متخلف ده ولا اي ابعد هي دي الشرطه و قوانينها يا باشا خلي المتخلف ده ميقربش
البوليس...خلاص يابني سيبوها
لبنى...مش فاهمه انا مالي اصلا انا واحده غلبانه بتاكل عيش المفروض تتهجموا على صاحب الشقه مش انا و بعدين بتفتشوا ليه يعني جرا اي
البوليس....خلاص ي بت انتي هترغي كتير اتلمي
_______________
ف مكتب عطيه...
عطيه...اومال راحت فين المخدرات ي بت
لبنى...م هو انا ي باشا اول م لقيت بوكس شرطه على اول الشارع و حد مراقبني من الشباك و انا طالعه فالاسانسير حطتهم ف المخزن بتاعي
عطيه...مخزن اي
لبنى...ي باشا خبيتهم يعني بس محطتهمش ف جيبي عشان لو حصل و فتشوا متدقش الموضوع اوي كده
عطيه ف نفسه....ي بنت الاييييه ده انتي طلعتي ذكيه ذكاء مينفعش اخسرك ابدا و تيمور ده نديه على قفاه
لبنى...قولي يعني ي باشا هو انت قولت انك مش بتشتغل فالمخدرات اومال اي اللي حصل كده
عطيه...بقولك اي ي بت انتي انجري من هنا
لبنى...خلاص ي عطيه بيه طالعه
