رواية عشق اهل الانبار الفصل الرابع 4 بقلم رواء هادي
مرت الايام بسرعة وبسنة ٢٠١٤ طلعنا دزرية واستطلاع على مكان شبه مهجور جان نزلنا بالكاع نفتش المكان ماحسيت غيرعلى أصوات إطلاق نارصارت فجأة من
كل مكان تجي وصابتني طلقة
خلتني اوكع للكاع .
حسيت ألم موو طبيعي صار برجلي بقيت بوضعية الانبطاح اسمع جماعتي كلها تصيح وترمي بكل مكان ماحسيت
إلا رائد فوكي صار يجر بي
_ شبيك احجي ؟!
_تصاوبت برجلي
_ناوشني ايدك يلا .. بسرعة ولك صار هجوم علينا كوووم
_ولك بس اكوم تجيني طلقة تاهية عوفني رائد عوفني
جرني رائد جر جر للسيارة وداني صاح على . الاسعافات الأولية بسرعة اجوي بعد ماطمن علية راح يقاتل وياهم
فترة من الزمن وصار الانتصار من نصيبنا
ولازمين تلاثة من عناصر داعش تولاهم دك دفرات رائد والجثث سطروهم جثة بصف جثة اسمع رائد والمسؤول يكول لو بيدنا هسه نحركهم واحرك هذولة العايشين
فوكاهم .
رائد : يلا اشمروهم بالسيارة وحسابهم هناك يكون عسير هل كفرة النذال تفووو عليكم دمرتوا البلد كفرررة انعل ابوكم و يابو الجابكم علينا ولك انطينياه خل اكله اكله
تفووو نكس وسخ قذر
المسؤول : خل يولون خوما جريح بيكم ؟
جلال : نعم سيدي تلاثة وجروح بسيطة
المسؤول : الحمدالله والشكر ماوكعوا شهداء يلا امشوا
اجه رائد بصفي كعد ألم موطبيعي برجلي صار يدك احس العظم مفصول عن للحم ودونا للمستشفى كال الدكتور عملية يحتاجلك استخراج الرصاصة لان داخله بعمق وماركزه بالعظم والاثنين الوياي واحد بجتفه هم حالوه عملية
والثاني داخله بإيده وطالعة الطلقة كلنا عمليات حالونا اتصل رائد بأهلي وانطوه علم العمي الو فياض كل ساعة
زمان وجاي للمستشفى اتطمن عليكم .
بعدها ماحسيت على روحي فتحت اعيوني بطئ شفت ابوي وامي واخواني أثنين وبيت عمي ابو صدام ورائد
فوك راسي واكف وعمي ابو فياض
رائد : شلونك قاسم
قاسم : الحمدالله
رائد : الحمدالله على سلامتك
كلهم تمنولي الشفاء العاجل وطلعوا امي ورائد بقوا عندي اباع ايدي بيها مغذي وكانيولا و امي تبجي حجيت وياها بصوت ناصي "مابي شي ليش البجي والعياط يمة
ام نزار : لو ميت جان شصار بي
رائد : مابي غير العافية عمه باعي جنه حصان كافي دموعج وفري دموع للحروب القادمة هههه
ام نزار : والله العظيم ماخلي يدخل حرب لو يطر أمر
اخلي يترك شجاريلي أني اخسر وليدي
قاسم : قابل أول واحد وآخر واحد يخسر روحه هاي
الشباب الحلوة يومية جاي يوكع واحد
رائد : احنا مو جبناء علمود نترك جبهات القتال ونكعد بالبيت مثل النسوان لا عمه مانترك ونقاتل لاخر نفس بينا ولازم
نحرر البلاد من تنظيم داعش ...
المفروض أنتِ توكفين ويانه وتدعيلنا بالانتصار مو تردين نترك إذا أني أترك وقاسم يترك وفلان يترك منو راح يحامي على البلاد منو كولي منوو ننطي البلاد الداعش
تقبلينها عمه النساء والأطفال تتاسر والزلم تنذبح ؟!
ام نزار : طبعا لا
رائد : خلص لعد اسكتي وكتفي بالدعاء
قاسم : كلام رائد صح لازم نخلص البلاد من دواعش إذا عفناهم راح يسيطرون على البلاد بالكامل وياخذون النساء والاطفال ويقتلون الرجال هذا هدفهم
يمحون الإسلام ويبنون دولة تنظيميه لداعش
بحجه #الإسلام هو من اصل كفره
رائد : وحق الله اسويهم هباء منثورا
ام نزار : الله ينصركم .
رائد وراها رجعت للفوج مرت الأيام وكل يوم عناصر داعش يزداد عددهم يوم بعد يوم انتشروا بشكل موطبيعي بالموصل وبعض المناطق من #الأنبار وديالى قاسم كاعد بالبيت
وأني دخلت حرب امي كل يوم تتصل .وتبجي تخاف اخسر روحي ابقى اطمن بيها ماعلية شي الله الحامي وان شاءالله يحميني ويحمي العناصر الوياي
بس ادعيلي بانتصار ابوي اتصل بي وكال راح نطلع لاربيل الآثنين احنا والعمام والخوال كلها تطلع لان مو أمان وانتو الجيش والشرطة والحشد الشعبي
اللي تطوع جديد ماجاي تكدرون على عناصر داعش .
كتله الله وياكم بس دير بالك على امي ولا تتعارك
وياها خطيه قلبها باقي يمي
_ اطمن #العار مايموت
_مافديوم من أيام الله دعيتلي ارجع للبيت
سالم كل مرة تدعي علية بالموت
_أنت عار ونكس ماتموت بس الزين يموت
_دتعال على الساتر ولزم السلاح وقاتل فد ثانية عود كول العار مايموت لك جاي اموت كل ثانية وكل دقيقة كلما
اشوف شهيد ينزل وشهيد يصعد ...
والعالم تذبحت أنت جاي تكول العار مايموت.
_الله يرحمهم
_اخاف اموت اوصي بأمي واخواتي امانة باركبتك يابة بالأخص أمي دير بالك عليها ولاتقهرها خطية امي ترى
تحبك وهيج تسوي وياك بدافع الغيرة
_ اشوفك يارائد إذا مارجعت للبيت وكلشي مابيك وترجع
أنت وأمك تخبثون علية فلا اطلع سلام
_ههههه تذكر
_شنسى منك توز بأمك علية وتخليها
تتعارك وياي لو تضرب
_اعذرني طالع على عماتي تسسس تسس ههههه
_وفوكاها يضحك العار ماتجي تودع امك ترى
سطرتني بعياطها وصياحها عليك
_ياريت لو اكدر ماكدر والله العظيم يلا يلا
يابة باي صار هجوم علينا
_مابريك الذمة إذا متت خلها بالك رائد
_ ههههه ماريدك تبريني الذمة بس اريد سلامتك وسلامة
لأهل هذا اللي اريده ودعي الله بي باي
فصلت الخط كلام ابوي سوه بي غصة تمنيت فعلآ بهذاك الوقت من اروح اقاتل تجيني طلقة تاهيه وتكومني حالي
حال الشباب الوياي كل ساعة واحد متكوم
ابوي واني بهاي الحالة مايتمنالي ارجع سالم ويكول مابريك الذمة هو أني شمسوي جنت اوكف لأمي رحت وصارت المواجهة ماحسيت إلا طلقة اجت توش براسي
متت ألف موته بهذاك الوقت انبطحت للكاع جنت فوك السطح صاعد وي عناصر وياي حسيت بهذيج للحظة اني حي ماميت وبي نفس يروح ويرجع نزعت الخوذة
جانت طلقة قناص جاية بنص الخوذة
الخوذة حمتني ضحكت بخوف ...
_ ههه صدك كلامك يابة العار مايموت
جلال وياي جان بصفي يرمي "
سيدي بيك شي
_لا لا ترفع راسك لك غبي
_لعد شلون ارمي سيدي
_انطيني هذاك الشي الأسود خل الفه على السلاح ورفعه
اذا اجت الطلقة اكو قناص متربص النه
_ماشي سيدي
راح جلال زحف جابلي وصلة سودة ماكلها التراب جانت دشداشة مال نسوان لفيتها على السلاح ورفعتها
رأسن اجت بيها طلقة ابتسمت
والله ساعة زمان قتلوا القناص وكدرنا ......نحرر المكان بس الخسارة جانت جبيرة اربع شهداء وعشرة جرحة من فوجنا بقيت اقاتل سبع اشهر وكلشي مصار بي
وقاسم طاب ورجع يقاتل وياي والله شفنا غرائب والعجائب بالحرب الموصل وره فترة صدر بينا كتاب انسحب من
القتال اعرفت بيها أمي راح تسويها
وتخلي عمي يطلعني من ساحة القتال .
جلال وحسن هم نسحبوا ويانه رجعنا للفوج ميتين من التعب اوجوهنا مصفرة شفت غرائب وعجائب بالقتال من
دواعش من أفعالهم القذرة
من حال الناس وحال الأطفال والجثث حال مو
حال مروعه جانت مؤلمة بنفس الوقت .
مرت الأشهر ورجعوا الاهل اللانبار بعد ماتحررت المناطق اللي احتلها داعش أمي مكابلتني وتبجي كلما تشوفني ابدل واريد اروح للدوام ماتخلي راس وجه وايدين تبقى
تبوس بي وتبجي وابوي يضحك عليها
يكوللها بضحكه طويلة
ابو صدام : ابنج عار ومايموت ههههه
ام صدام : مو عار و...
رائد : يمة عوفي لا تتعاركين ... ويلا كافي بجي والله مايصير بي شي مادم عندي ام مثلج تدعيلي ارجع لها سالم ومحفوظ لا تهتمين أني محمي بدعائج الطيب ياطيبة
بست راسها وايديها ودعتها ومشيت مقهور على امي طلع بوجهي محمد يضحك محمد وعمر انقلوا من الفوج مالتنا صارلهم أشهر من انقلوا ودا يقاتلون
محمد : رائدنا ابشرك راح ارجعلك ههههه
رائد : شوكت ترجع
محمد : بهاي الأشهر
رائد : هاا
محمد : اي والله مشتاقلكم أنت وقويسم والربع
رائد : واحنا مامشتاقيلك ابد
محمد : لا يالچلب هاي جزاتي الك
رائد : جزات شنو تحجي بيها محمدنا
محمد : هاا ماكو فضل مسوي الك هههههه
رائد : خلص لعد شوكت تلتحق ؟
محمد : يالله صارلي اربع ايام وتريدني التحق
رائد : عبالي اسبوع وترجع
محمد : لا 12 يوم يلا ارجع اداوم
رائد : امم يلا عزيزي أني رايح التحق دير بالك على اهلي وخلي عيونك على ابوي اخاف يتعارك وي امي اخذوا امي عدكم ماريد تكب العيطة وتخلي براسه طلقة
محمد : هههه امك حفلات من تتعارك وي سلام ههههه
رائد : اي حفلات مثل ماوصيتك محمدنا دير بالك عليهم
محمد : اطمن اشيلهم بعيوني الاثنين
رائد : هاي مسك شجابها ؟
محمد : مسك وينها ؟
رائد : باوع كدامك مسك سيارة منو هاي جايتها
باوع وياي على مسك نزلت من سيارة سودة حديثة استغربت منو هذا اللي جابها محمد يباوع مثلي مستغرب نزلت وياها مره ولد يطلع بعمرنه وبنية بعمر مسك
محمد : منو هذولة ولك ؟
رائد : علمي علمك
محمد : باع الولد كشخة ومعدل يمكن مو منا
رائد : اي شكلة ماما غطيني مو مثلنا بابا وراي يركض بالتفك
محمد : خررب ...بيومك جبتها مستوية هههه
رائد : مجذب قابل اقل عركة جروا التفك وراك
محمد : اي والله دمهم حار أهل الانبار ...اويي ماما
يمسح تراب من البنطرون الاملح هههههه
رائد : لعد مثلك يترغمل بالتراب مثل ابو صابر ههههه
محمد : انجب ولك أني مو ماما غطيني أني
بابا ارميني بالتفك ههههه
رائد : هههه
محمد : باوع مسك بس تباوعلك
رائد : حلو مو بايدي واغري النساء باقل من نظره هههه
محمد : اي واضح يغري النسوان ابو الوسخ
رائد : انجب لك منو ابو الوسخ باوع الجمال باوع الهيبة مو مثلك هطولني مرتك بطولك مع اسف ههههه
محمد : والله اطول منها
رائد : اي غير تلبس كعب مخفي جوه البسطال
وتصير اطول منها ههههه
محمد : لا والله ماللبس
رائد : هههه ي...
سكتت من شفت قاسم واكف ورانا ومبتسم الوجه ومسك دخلت جوه هي والمره والبنية والولد ماما غطيني
التفتنه على قاسم مبتسم الوجه ...
رائد : قل اعوذ برب الفلق منين طلعت أنت
قاسم : من بيتنا
رائد : مو كلت ماروح اشو مجهز نفسك
قاسم : غيرت رأيي
محمد : عينك ماتجابس
رائد : شكو ؟
محمد : لتوصي حريص رائدنا ترحون واردون بالسلامة
رائد : الله يسلمك في أمان الله
محمد : يحرسكم الله وليداتي ههههه
قاسم : هههه
رائد : ويحفظج النه ماماتي ههههه
ودعنا محمد وصعدنا بالسيارة اثنينه بالكشن الخلفي كعدنا اباوع القاسم طول الجريق صفنه تأخذه وصفنه ترده حسيت بالنكره قاسم معجب بمسك بس جاي يكابر
وماجاي يكول أني أحبها واريدها ...
المهم وصلنا للفوج رحت ورة قاسم جان جاي يبدل كعدت فوك الجرباية خليت رجل فوك رجل وباوعله واكف
كدام المراية ويعدل بملابسة ..
_ هيي قويسم
_ خيرك رائدنا ؟
_ تعرف الولد اللي جاب مسك والمره اللي وياها
_ اي
_منو ؟
_ابن عمتها هذا
_عمتها !
_ اي عمتها عايشة بغداد
_ يعني بغداديين
_ اي ههههه
_ وهاي الچلبة المزلفة شسوي صاعدة وياهم وجاية الواحدها
_ هم خليت نفسك .. بابا ماعليك بت الناس
_ شنو ماعليه شسوي صاعدة وي رجال غريب والواحدها
_مو غريب ابن عمتها وعمتها وياها وبت عمتها هم وثاني شي أني مو جبتها مره ومصطفى يودي ويجيب بيها
ماحجيت وماكلت غربة عنها
_احنا غير وهم غير
_مافهمت ؟
_احنا ماعدنا غير وبعد وعلى نياتنه ومعتبرينها بنيتنه مو مثل هذا البغدادي ماما غطيني من شفته مارتاحيتله أبد
سبحانه الله مبين من ملامح وجه فويسد
_فويسد ههههه
_هههه تحجي على البنات بالتعييب وأنت انكس منهن هههه
_ النظافة من الايمان والوساخة من الشيطان عزيزي
_اي بس مو لهاي الدرجة الولد نظيف ومرتب بس صاير بي تراب ممكن من كشن السيارة ترب وانت نازل بي دوسة ونص ابو الوسخ وابو الوسخ وماما غطيني
_ماحبيته ابو ماما غطيني
_ماتجوز من الالقابك
_ناوو
_ابو ناوو جوز من العالم
_ناوو
_رائد هههه
_شكو شبيك
_ شابه بيك النار شنو تغار على مسك من بن عمتها
_ من غرت أنت غرت أني
_واني شكو اغار
_ مبين من ملامح وجهك غيران .
_على شنو اغار
_وحق أمير المؤمنين علي ابن ابي طالب غيران
ولا تنكر الموضوع.. والدليل على كلامي من شفتها اجت هي وابن عمتها اجيت وياي ومحمدنا كالك عينك
ماتجابس معنها تحبها وماتكول ...
صفن بي بنعكاس المراية كمت باوعله بالمراية سحب نفسه وطلع بدون كلام هنا تأكدت مية بالمية قاسم
عشكان مسك ام زلوف ...
مسك رحت وي بيت عمتي علمود اشوف خالي ابو فياض صار هواي مشايفته ولا جاية لعدهم ولا هم جايين لعدنا واني
حيل احبه واشتاقله كل يوم
واجتني الفرصة اروح لعدها بعد ما عمتي كالت اروح احجي ويا بشغله بلكت يكدر يسويها الي ،حسب علمي تريد
تنقل نسيبها يمها بغداد خص الحجي تدور
وساطة وكذا شي .
المهم رحت وياهم وشفتلك رائد ابو النسوان ومحمد اكلونه اكل بالنظرات ادري بي يتخبل مني والحلو بالموضوع قاسم بس يخزر بي من وره ظهر رائد بقيت
صافنه بي اريد اعرف شنو سالفتة هذا الولد وشعنده وياي وؤاىد ومحمد عبالهم اباوع الهم مااباوع القاسم اللي
عيونه وراح تكمز من راسه وتجي لعندي ...
ريتاج بت عمتي اجت وراي تركض بعد ماصعدت فوك بغرفة البنات خليت اغراضي لأن راح ابات عدهم كذا يوم اريد
اغير اجواء وارتاح بعد ماكملت الجامعة
احس بملل وضوجة لا طبة ولا طبعة محبوسة بالبيت وبيتنه كلش صغيرون يادوب واحد يكدر يتنفس بي ...
جاي اعزل بملابسي وريتاج كاعدة فوك جرباية
البنات تباوعلي وتحجي وياي باللهفة ...
_ مسك الولد المعضل منو ؟
_ياولد تحجين بي !
_شبيج من نزلنا من السيارة جانوا تلاث شباب يباوعولنه واحد بيهم طويل ومعضل وعنده شوارب بس
يباوع ويضحك منو هذا تعرفي ؟
_اففف رائد
_ رائد منو؟
_ابن خالي ابو صدام
_ ماشاء الله جمال وهيبة
_ سالمين زحفنا ريتاج ؟
_هههه امانة الله الولد يكتل كتل بالجمال ويخلي
اكبر وحدة تزحفله هههههه
_طاح حظج وين الجمال البي ؟
_من انهجم بيتج كل هذا الجمال وتكولين وين الجمال البي عيني عيونج شتريد ماتكليلي إذا هذا الحلو الصاك
ماشافنه لعد يشوفن منو ويتأملنه
_لا يشوفن ولا يتأملن
_ اممم
_هاا
_سحلني بنظرات عيونه ههههه
_ريتاج كافي
_من امده حظي انغرمت بابو النسوان
_ شنو ابو النسوان
_حبيبتي رائدنا معروف عدنا بين الاقارب واهل المنطقة ابو النسوان يعشق شي اسمه نسوان واربعة وعشرون ساعة يم اماكن مشبوهه نايم وانتِ افهميها من يمج بعد
_قصدج هتلي
_بالضبط الهتلي مال المنطقة
_ يلا اخلي يتوب على ايدي هههههه
_باع هاي البطرانة عبالها رائدنا من ذولة اللي يتوبون على ايد البطلة مثل بالمسلسلات والقصص لا حبيبتي هذا
يخليج أنتِ تتوبين مو هو يتوب
_ اتوب بي غير هههه
_ريتاج مو مال شقا وضحك جديات جاي احجي الولد موخوش ولد وسمعته زفت بالمنطقة كلها ومعروف عدنا ابو النسوان والسكر والعربدة وشكو شغلة
طايح حظها يسويها ...
_واااو اعشق هذا النوع أني
_ريتاج بلل تخبيص ترى جاي احجي الصدك
_ والله شبيج اعشق هذا النوع من الزلم هذا النوع يصير حباب وطيوب وقلبة كريم وايده مو اله ويدلل المره دلال ويعيشها ملكة زمانها .. صدك هو شيشتغل ...
بقيت صافنة عليها سحلها سحل رائد من اول نظره
اله الها درت وجهي عنها وكمت اسفط
بالملابس بطن الكنتور ..
_ضابط
_يارببببي
_وكرص الكرصج شبيج انكرصتي
_هم ضابط وهم هيبة وهم جمال وهم من ذوقي اللي احبهه ولج وين جنتي ضامه هاي القطعة الثمينة
عني مسك وين ؟؟!
_بالگبور السودة جنت ضامتها عنج ولج
اثگلي بت القندرة اثگلي
_ولج وين اثگل بعد ماشفته اخذلي قلبي وراح .. مسك رائدكم باك قلبي ومشي بي اريده هو وقلبي يرجعون
سويه واضمهم ضم بصدري
_ هلاوو
_عيوني أنتِ طبقي الي
_مو تدللين كومي جيبي چدرية وقبق خل اطبقكم على چدر بامية معدل .. كومي بت القندرة شفتي ولد من عدناوزحفتيله من كل عقلج جاي تحجين انوب تريده هو ولا خلقة
ولا اخلاق واحد منحط اخلاقياً
_هاي شبيج
_تكومين من يمي لو اكوم اطيح حظج
وحظ الخلفوج كومي ...
_گبر يل متخلفة
_گبر لما يگبرج
_امداج فلا تعرفين تشاقين
_بهيج مواضيع مااتشاقه أني افتهمتي
_اووي وحدة متخلفة وعقليتج عقلية متحجرة فلا تثقفين
_عقليتي وتعجبني أنتِ شكو
_لعد أنتِ شكو بي
_طبج مرض شسوين سوي مو مال واحد ينصحج وهاي انتو العالم من واحد ينصحكم عبالك يكتلكم مو ينصحكم .. روحي شبيج واكفة وتتفرجين ترى ماعندي مفرجة
_مو صوجج صوجي اني الجاية احجي وياج وكبرت راسج
_ راسي من يوم يومه جبير مايحتاج احد يكبرة
بكلامه البايخ واللي مابي طعم ومعنى
_ولج
_اطلعي ريتاج وخليني اسفط ملابسي
وراي شغل يابة الشغل
_مايلام ابن عمج من كعدج بلا زواج عاشت ايده والله
خلت وطلعت شكد كرهتها ياربي ريتاج من النوع الخفيف بنية كلش خفيفة مثل الريشة على كوله امي كلما شافت ولد
حلو ونظيف زحفتله واني وياها مو ربع
وهاي أول مرة اجي وياهم وجنت مجبورة اجي والله علمود اشوف بيت خالي وابقى عدكم جم يوم اكضي وقت واتونس وياهم المهم وره فترة خالي قبل
يساعد عمتي وراح يتوسط الها وينقل نسيبها البغداد عدها المهم هم راحوا وأني بقيت كاهدة يم خالي وفياض
ولد فياض وبناته بالاستقبال....
للعصر اجت ام نزار كعدوا بالحديقة هي وعمتي ام فياض أني وديت الضيافة وطفرات من يمها ام نزار السان طويل وكحة نار ماتنجرع أبد وحاكمة الچناين ولدها حكم فرعون
عدها 3 ولد اثنين مزوجين وعدهم خلفة بطولهم وماتقبل يعزلون بابيوت الوحدهم تحب تبقيهم تحت اجناحاتها
تكول بس يطلعون اموت وراهم ...
عود من اموت يعزلون ...
المهم طلعت شگلت الصوندة على خزان الماي ورجعت صاحت بي بكت طن هوى من صاحتني وكاعدة بالكاع فوك
الفراش وتباوعلي بنظرات تخوف
رحت كعدت يمها فوك الفراش اضحك بوجهها
هي تباوعلي مبتسمه الوجه
ام نزار : كملتي كلية ؟
مسك : اي عمة كملت السنة
ام نزار : هاا .. زين ابن عمج ماتقدملج
مسك : تقدم اكثر من مرة ورفضت
ام نزار : شعجب
مسك : ماريده عمة
ام نزار : قبل نكول ماعندة شهادة وظيفة وهسة توظف
وصار بالجيش وعنده راتب خير من الله
شتردين عمة بعد ماتكليلي
مسك : ماريد عسكري عمة اريد مدني
ام نزار : ومنين نجيبلج مدني كل زلمنه بالعسكرية تداوم
مسك : امم ..
ام نزار : خصم الحجي عمة انتو وبيت عمج ماتتوالمون وانسيلي سالفة المدني ..وتعال اخذج القاسم والله ادللج واعيشج ملكة زمانج اغديج جوز واعشيج فستق
وشتردين أني حاظره وبس كولي بلي وبيج
خير ودللي مسوكة عمة ...
#يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
