رواية ارهقتي رجولتي بجنون العشق الفصل الثالث 3 بقلم منه محمد
البارت الثالث
منه محمد
هازال دخلت المول واتنكرت في لبس غريب وطلبت من چولي تتنكر هي كمان بطريقه اغرب منها رغم استغرابها لانها مش فاهمه بس نفذت وخلاص ...علشان لو شافهم ادهم ما يعرفهمش وطلعت فونها واتصلت على تاكسي وطلبت منه يجيلهم وبعدها قاعدوا مستخبين وري واحده من البوابات وقلبها مقبوض وخايفه لا يجيلهم ادهم وينتقم منها وأول ما جه التاكسي ركبت بسرعة هي وچولي وكل واحده رجعت علي بيتها وهازال دخلت اوضتها ودخلت علي الحمام وفضلت تغسل ايدها بالميه والصابون كذا مره علشان تتخلص من ريحة برفيوم ادهم الي ثبتت في ايدها وطغت لريحة جسمها ... وبعد ما خرجت شافت أمها تنتظرها بقلمي منه محمد
زينب: رجعتي ياقلبي طمنيني لقيتي اللي عايزاه
هازال بابتسامة خوف: لا ياماما خلاص أنا مش عايزة حاجة... وعندي فستان جديد هلبسو وأن شاء الله في كتب الكتاب أروح وأشتري فستان أنا وهدى وأسماء
أمها بابتسامه: ربنا يسهل اهم شيء أنا عايزاكي بس تكوني هاديه.. ولما يجي جاسر وأهله عايزاكي ترفعي راسي وراس أبوكي وأخواتك فاهمه
هازال: ماما أنتي عارفه كويسه أنا عمري ما نزلت راسكم في الأرض ومستحيل أنزلها
أمها: يالا...ربنا يوفقك يا حبيبتي و يتمم كل شيء على خير يا رب...
هازال بصت لامها بابتسامه: أمين يا رب
أمها: طيب خليني أقوم واروح وأشوف العشاء وعلى فكره أخوكي وعروسته بكره بيتغدوا عندنا فلازم تقومي بدري علشان تقعدي معانا وبعد الغداء تنامي علشان لما يجي الناس ما تكونيش مرهقه
هازال: طيب بس هما امتى جاين ومع مين جاي جاسر
أمها: جاي بعد المغرب هو وأمه وأخته الكبيرة طبعا ما هو لازمه تشوفيه و يشوفك يا بنتي وده من حقك و هيكون أخوكي خالد موجود علشان يستقبلهم
هازال أنتهدت: أن شاء الله يامامتي وربنا يكتب لنا اللي فيه الخير
أمها: يالا يا بنتي ريحي من مشوارك وأنزلي علشان نتعشى كلنا سوي
هازال: لا انا هغير هدومي وانام حاسه ب نفسي مرهقة شويه وكمان مش جعانه
أمها: ليه.. أنتي حتى غداكي النهارده ما أكلتيش كويس وكان أكلك خفيف
هازال: والله ياماما ماليش نفس ولو جعت أنا هاكل يا حبيبتي وده وعد مني
أمها مسحت على شعرها: طيب يا حبيبتي تصبحي على خير
هازال بابتسامة: وأنتي من أهل الخير يا ست الكل
أمها باستها وخرجت وسابتها... أما هازال فغيرت هدومها وحطت راسها وهي بتفكر بالي حصل بينها وبين فاضل وهي مستغربة من تصرفه معها النهارده... والي زود استغربها انه كان معاه واحده وبرضه مسبهاش في حالها..... وذادت حيرتها اكتر لانها مغلطتش فيه ولا قالت له كلمه طيب ليه لحقها ومسكها بالطريقه المستفزة دي وياتري ايه الي ممكن يعمله فيها لو كان مسكها بعد ما عضته في ايده بس حمدت ربها انه انقذها من برثانه
*********************************
في بيت محسن الجلاد
رايحة جايه هتتجنن بكل ملل في الصالة ومنتظره رجوع أخوها علشان تعرف سر البنت اللي جري وراها ... وفي اللحظة دي دخل ادهم وكان علي اخره ..... ليان بصتلو وما قدرتش تتكلم معاه بأي كلمة لأنها عارفه أخوها هو عكس فاضل و لو كان متنرفز محدش يقدر يهوب ناحيته ولا حتي يساله اي سؤال فما كان قدامها غير أنها تنزل رأسها وأول ما طلع للدور التاني طلعت فونها من جيبها واتصلت على أخوها
فاضل: اهلا ليونا
ليان بقلق: ألو فاضل أنت فينك
فاضل رد باستغراب من أخته: عند واحد من العيال صحابي ليه ايه الي حصل
ليان بنفس الأسلوب: لأزم تيجي دلوقت علشان ادهم
فاضل بخوف على أخوه: ليه ماله ادهم
ليان نفخت: أنت بس تعال ولما تيجي أنا هقولك كل حاجه بس تعالي بسرعة
فاضل بقلق: طيب انا جاي دلوقت مع السلامة... ليان قفلت مع أخوها وقعدت تنتظر رجوعه بس استغربت لما خرجت الشغاله ومعها شنطة الاسعافات الأولية وكانت طالعه علي فوق
ليان قربت منها: ماهي هتعملي ايه بدي وشاورت لها علي علبة الإسعاف
ماهي: مستر ادهم ... طالبها مني
ليان: طيب هاتيها أنا هطلعها لادهم ..وروحي انتي
ماهي هزت راسها بالموافقة: طيب ليان هانم... ليان أخدت الشنطة وطلعت لاوضه ادهم وأول ما وصلت دقت الباب
ادهم بعصبية: تعالي ماهي
ليان فتحت الباب ودخلت وبخوف وصدمة من اللي عمله أخوها في الاوضه: مساء الخير ادهم دي انا ليان ... وأول ما شافت ايده بتنزف شهقت/ يمه فيها ايه ايدك يا ادهم وراحت جهته علشان تشوف الجرح
ادهم بحدة صد ليان: مفهاش حاجة حطي الشنطه علي التربيزة وسبيني لوحدي
ليان بخوف: ادهم أنا
قاطعها قبل ما تكمل كلامها: ليان أنا قلت أخرجي لو سمحتي لأني والله ماليه خلق ليكي
ليان بخوف: طيب بعد أذنك... وعلى خرجتها دخل فاضل
ادهم بغضب اسود: كملت ده اللي كان ناقصني
فاضل اول ما دخل وشاف الفوضى اللي في اوضته اخوه: أنت العاصفة هبت في اوضتك مع اني شايف الجو صافي وربيع ووديع
ادهم عقد حواجبه بغيظ: فاضل انا عفاريت الدنيا بتتنطت في خلقتي مش فايق لخفه دمك ...
فاضل شاف ادهم يضغط على ايده ف راح وقعد جنبه
فاضل مسك ايد أخوه فشاف أثر العضة فقال باستغراب: ايه ده ومين الي عمل فيك كدا
ادهم بحدة: نفس البنت اللي ضربتك قلم
فاضل بصدمة: هازال؟؟ أنت تقصد هازال عملت فيك كدا وهز راسه وضحك لأوالله مش مصدق صراحة البنت دي فظيعة
ادهم بحدة: فظيعة على نفسها والله لخليها تندم على اللي عملته فيا
فاضل بضحك: ادهم أكرملك أنك تسيبها في حالها خلاص واانت شوفت بنفسك انها مش زي البنات الي نعرفهم بحس انها بنت ناس (بجديه) ..وكمان كفايه خايف ربنا يبلينا في أختك أو حد من قاريبنا أو بناتنا في المستقبل الدنيا سلف ودين يا ادهم فربنا يسعدك أبعد عنها وكفايه اللي جالنا منها لحد دلوقت
ادهم باستهزاء: اسيبها والله منا سايبها لحد ما تدفع تمن الكف والعض اااه ياناري بس تقع في ايدي...وده هيكون قريب والله لو جه اليوم انا مش هرحمها وهخليها تتمني الموت ميه مره في اليوم ومش هنولهولها
فاضل خاف على هازال من ادهم فقال برجاء: ادهم كفايه ...والبنت دفعت عن نفسها لأننا أحنا الي اتعدينا في حدودنا معها فبلاش تدنس شرف البنت زي البنات اللي عرفتهم الله يخليك ماتقربش منها وسيبها في حالها
ادهم لف لأخوه: أنا مش هلمسهاا أبداآآآآ انا بس هـ شوه سمعتها واخلي سيرتها على كل لسان في منطقتها وكفايه أن أبوها معروف يعني ضربتي هتكون قوية عليها وده الي انا عايزة (وغمز)
فاضل اتنهد من غيظه وندم أنه عرف ادهم على هازال: على العموم بنصحك ما تضرش البنت ودلوقت قوم وخلينا نروح عند الشله علشان نتعشى معاهم
ادهم: لا أنا مليش مزاج أخرج روح أنت وقول لليان تخلي الشغاله تيجي عشان تنضف الاوضه من الفوضي الي فيها
فاضل وهو خارج: طيب بس افتكر أن الدنيا سلف ودين يا أخويا ودلوقت مع السلامة وخرج وسابه
ادهم بص ل ايده بعد ما عقمها فاضل ولفها بشاش وبحدة: والله لتندمي يا بنت الشناوي والأيام بينا... وشويه و سمع صوت الباب وبعصبية/ أدخلي
ماهي دخلت ومعها خادمتين: مستر ادهم ممكن ننضف اوضه حضرتك
ادهم: طيب بسرعة وانا هروح اوضه فاضل لو خلصتي قولي لأني محتاج انام
ماهي: أوكي مستر ادهم... ادهم اخد فونه وخرج من جناحه وراح لجناح أخوه وأول ما دخل أستلقى على السرير ومسك فونه واتصل على هازال
..............
وفي بيت محمد الشناوي
هازال كانت في سابع نومه بس صحيت على صوت فونها واللي اخدته وردت بصوت كله نوم وبدون ما تشوف الرقم: الوو
ادهم سكت لما سمع صوتها اللي يدوب الصخر: وفي قلبه (السعادة التي أشعر بها، هي التي تبدأ بسماع صوتك فقط بل هي نقطة البداية من صوتك وعينيك واللقاء الذي قد يطول معك)
هازال بنفس النبرة: الوو مين معايا
ادهم قرر المرة دي يرد عليها: نايمه يا ست هازال والله لأخليكي ما تميزي بين الليل والنهار واخلي النوم يجافيكي يا بنت الشناوي
هازال قعدت بسرعة ومصدومة من الشخص اللي بيهددها: عفوا ممكن أعرف مين أنت
ادهم بعصبية: مين أناااااا... أنا الشخص اللي غرزتي سنانك فيه وشوهتيه.. لكن والله لأجيبك ونشوف مين الي هيرحمك مني
هازال باستهزاء: هو انت، انت قليل الادب وانا مش بخاف وطز فيك والي يجي فراسك اعمله اصلا انت اصلك مش راجل تتصل بـ بنات الناس وتهددهم في نص الليل يا حيوان يا عديم الرجوله
ادهم اتعصب زيادة من كلامها و بحدة: طيب عديم الرجولة مسيره يوريكي هيعمل فيكي ايه
هازال حست بخوف من كلامه فقفلت الخط في وشه: يا ربي ده منين بيطلعلي وكمان جاب رقمي منين واسم بابا...بس مش هقول غير ربنا يستر ...واول مارن فونها فزت من الخوف وبصت للرقم فكان نفس الرقم فقفلت الموبيل نهائي وبعدها قعدت تفكر ووصلت لقرار وبعد كدا حطت دماغها علشان تنام بس ماقدرتش تنام ..شويه واذن الفجر قامت اتوضت وصلت وبعديها دعت ربها انه يبعد عنها كل شر وأنه يوفقها هي وجاسر
أمها باستغراب أن هازال صحت من غير ما تصحيها هي
زينب: هازال حبيبتي أيه اللي صحاكي بدري في العادة مش بتقومي الا بطلوع الروح
هازال بقلق: سلامتك بس مفيش حاجة بس النوم جافاني من الساعة وحدة ب الليل
امها قعدت جنب بنتها ومسحت على راسها بحنان: ايه فيكي حبيبتي لا تكوني تعبانه وما قولتيليش!!
هازال بابتسامة: لاياماما والله أنا كويسه فـ متخافيش عليا
أمها بحنان: لو ما خفتش عليكي يا هازال على مين هخاف
هازال: ماما متخافيش انا بنت أبويا ... وأنا دلوقت صليت وبخلص اذكاري وهاحط رأسي وبنام يا حبيبتي فا متشليش همي
أمها ضمت بنتها: ربنا يوفقك ويحفظك من كل شر يا بنتي
هازال: أمين ويخليكي لينا أنتي وبابا وأخواتي وأختي هدى وعيالها المجانين
أمها: هههه الله يحظك يا هازال والله هما فعلا يجننوا الواحد
هازال: أه والله وأنا بحبهم وبموت فيهم
أمها: ربنا يخليكم لبعض واشوف عوضك يا بنتي ودلوقت نامي على خير
هازال: وأنتي من أهل الخير يا أغلى أم في الكون... أمها خرجت وسابت بنتها وهازال حطت راسها ونامت
*************************
العصر في بيت الشناوي
هازال بعصبية: أسوم وقعتي شعري حرام عليكي
أسماء بنفس العصبية: بقولك اقعدي بأدب لا أخنقك... والله خليتيني اتعصب منك ومن شعرك ده
هدى دخلت : هازال أسماء ايه مالكم فضحتونا بصوتكم يعني يجوا الناس ويسمعوكم يا اطفال
أسماء: عايزاني اعمل ايه فيها ماهي مش راضيه تترزع أستشور شعرها كويس
سارة دخلت علي صوتهم : هدى ماما عايزاكي أنزلي لها بسرعه
هدى: طيب وأنتم اعقلوا
هازال بستعطاف: سارة ربنا يسعدك تعالي واستشوري لي شعري لأن المتخلفه أسماء نتفته وتزعق فيا كمان شوفتي الجبروت
ساره بابتسامة: أسوم خلاص أنزلي مع هدى... وأنا لما اخلص شعر هازال هناديلك علشان تساعديها في اللبس
أسماء لوت بوزها: طيب... أسماء وهدى خرجوا وسارة كملت شعر هازال وبعد ما خلصت
سارة بابتسامة من هازال المرتبكة: يلا يا حبيبتي قومي وغيري هدومك وأنا هنزل وانتي وشويه أنزلي علشان تسلمي على أهل عريسك وتشوفي العريس وأن شاء الله تحبوا بعض وتتجوزه
هازال ضربت الأرض برجلها: لا أنامش عايزة أتجوز دلوقت خلاص رجعت عن قراري
سارة فطست على هازال من الضحك: هازال حبيبتي أفرضي الولد جاهز أكيد هتتجوزه ..ودلوقت قومي ألبسي ياعروسه وبعد كدا باستها على خدها وخرجت وسابتها وحست انها هتدخل تحت الارض من الكسوف وبعدين لبست فستانها وحطت روج على لون شفايفها بس في نفس الوقت مسحته ووقفت علشان تنزل وأول ما فتحت الباب شافت أسماء في وشها
هازال بخوف: أسوم حرام عليكي خوفتيني
أسماء بابتسامة: أسفة وخالتي بتقول لك أنزلي الناس من اول ما وصلوا بيسالوا عنك
هازال بارتباك: طيب بس أيه رأيك فيا
أسماء: حلوة ماشاء الله (وشدتها) ودلوقت يالله ياختي ننزل الناس تحت حمضوا
هازال ذكرت ربها ونزلت مع أسماء وأول ما نزلت ودخلوا على الضيوف سلمت على حماتها وخالتها وأخواتها الاتنين وبعد كدا قعدت جنب أختها هدى
أم جاسر وهي تدقق في هازال اللي ما كانتش متمكيجة أبدا: ماشاء الله يا أرض أحرصي ما عليكي عامله ايه يا حبيبتي
هازال نزلت رأسها في الأرض وحست أنها بتغوص فيها من الحياء: الحمد الله بخير يا طنط
أم جاسر كلمت أختها: دي عروستنا هازال يا أم ماجد.... أم ماجد هي أخت أم جاسر الكبيرة
أم ماجد بابتسامة: ماشاء الله ...ربنا يوفقهم
الكل ماعدى هازال واللي حاسة أن الخطوبه دي مش هتم : أمين
بشري أخت جاسر: هدى كنا عاوزين ناخد العروسه علشان العريس يشوفها...وهازال اول ما سمعت كلام بشري يشوفها... حست برجفة بكل عظمه في جسمها... أما هدى فقامت واتصلت على خالد، وبعد دخول جاسر الصالون... بشري اخدت هازال وراحوا له
هازال دخلت الصالون وما قدرتش ترفع رأسها من الأرض من شدة الخجل
بشري وهازال دخلوا وقعدوا: السلام عليكم
جاسر تنح عليها من أول مادخلت: وعليكم السلام اهلا يا هازال
هازال بخجل وهي منزلة رأسها: الحمدلله بخير
جاسر بص لاخته وغمزلها بانها ترفع رأسها علشان يشوفها كويس... بشري ابتسمت ومسكت وش هازال اللي اتحول للطماطم من كتر الخجل ورفعته علشان يشوف شكلها كويس وجت عيون هازال علي عين جاسر المبتسم ولمحته
جاسر انبهر من جمالها وبابتسامة: ماشاء الله ايه الجمال ده كله... هازال حست بأن حرارتها بدئت ترتفع من الخجل
هازال وقفت وبخجل: عن إذنكم وخرجت بسرعة وطلعت تجري علي اوضتها وأول مادخلت قعدت على سريرها وحطت ايدها على قلبها الي حست خرج من مكانه من الخجل... وبعد ما راحوا ضيوفهم دخلت عليها أسماء
أسماء بخبث: أنتي هنا تصدقي من كتر ما دورتك وومش لقياكي قلت العريس عجبك وطفشتي معاه
هازال فتحت عيونها على الأخر وبعصبية: أييييه! أسوم أيه الكلام ده ليه شايفني مفجوعة ع الجواز ولا قليلة الادب علشان تقولي عني كدا
أسماء قعدت جنبها وهي تضحك: والله أنك نكته يعني أنتي صدقتي بجد تخيلي نفسك عملتيها والله كانوا اخواتك ياكلوكي من غير طهي ولا ملح ومن غير ما يقشروكي كمان
هازال بتريقه: ههههه رزله... وأن شاء الله أشوف فيكي يوم يا أسماء
أسماء بابتسامة: طيب دلوقتي قوليلي كان ايه شكل العريس... هازال قبل ما ترد على أسماء دخلت عليهم بنت صغيره يتيمه عايشه معاهم في البيت وبتشوف طلباتهم
ليندا: هازال ماما عايزاكي تحت
هازال بابتسامة: طيب دلوقت نازله... هازال مسكت أسماء ونزلت وأول ما قعدت هدى وساره طاحوا فيها أسالة مالهاش داعي وكلها عن جاسر... وهي كالاتي هو طويل ولا قصير أبيض ولا أسمر حلو ولاوحش خجول ولا جريئ حبيتيه ولا لسه وهل عجبها وبتوافق عليه ولالا... هازال فاتحه بؤها بقرف منهم ومرة واحده زعقت :خلصتوا طيب أنا مش هجاوب على أي سؤال لأني ما قعدتش أفصص فيه لا يقول عني جريئه وقليلة الادب
هدى لوت بوزها: يعني عايزة تفهميني أنك ما بصتيلو أبدا
هازال بخجل: لا مش بقولك إني ما شفتهوش أنا لمحته هو طويل وحسيت أنه نفس لون أخوي ركان ونحيف كمان (وبتفكير) وكمان؟؟؟ أه افتكرت وكمان شكله حلو... سارة وهدى وأسماء بصوا ل هازال بتعجب
سارة بسخريه: هدى أيه رأيك في أختك كل الوصف ده وتقولك ما شفتهوش وما فصصتش اومال لو كنتي فصصتي امه هيكون وصفك له اكتر من كدا ايه
هازال بزعل: طيب العيب مش عليكم عليا أنا اللي قاعده وأحكي لكم كل حاجة بصفو نيه
هدى بخبث: أن شاء الله عقبال ما تحكيلنا عن ليلة دخلتك برضو بصفو نيه
هازال شهقت وبصدمة: والله انتم مش بتتكسفوا على دمكم وأنا هروح اقول لامي اني مش هتجوز ابدا....... البنات فطسوا من الضحك على هازال اللي مدت بوزها
أمها: خير اللهم أجعله خيرا ليه بتضحكوا وأنتي يا هازال ليه مادة بوزك كدا المفروض تكوني مبسوطة يا حبيبتي... هدى بصت لاختها وحكت لأمها عن كل شيء...
*************************************
في اليوم التاني هازال في اوضتها
رن فونها اخدته وأول ما شافت الرقم اتحولت ملامحها وقلبها أنقبض بس هي قررت تطنشه ومارتش عليه بس هو لا مل ولا يأس أتصل عليها كذا مرة ولما زهق بعت لها رسالة الي خلت هازال ترد عليه وبعصبية: أنت ما تقولي عايزة ايه مني يا متخلف يا مجنون
ادهم بابتسامة وأنبسط أنه قدر يرفع ضغطها: أظن انا قلت لك عايز منك ايه؟؟
هازال بنبره بستهزاء: نجوم السماء أقرب لك من أنك تحقق أمنيتك يارب تموت علشان أرتاح منك
ادهم باستهزاء: ده تهديد ولا أعتبره تحدي والا ايه يا حلوة أنتي
هازال عقدت حواجبها وباستغراب: أنت ايه حكايتك معايا ياجدع أنت ....انت غلطت في حقي وأنا دافعت عن نفسي فاريت تغور من وشي (بتهديد) ولا يجيلك شئ مش هيعجبك يارب تكون فهمت
ادهم ببرودة أعصاب: لا ما فهمتش وأنا مش بتنازل عن حقي بسهوله يابنت الشناوي وانا مش بخاف من تهديد البنات لأني أنا اهدد بس ما بتهددش
هازال: فاضل أظن أن ده هو أسمك لو مش غلطانة يعني.. أسمعني أنا في حياتي ما شفت شخص تافه وحقير وواطي شبهك وياريت تحترم رجولتك ده لو كان فيك ذرة رجوله وتبطل تتصل على رقمي
ادهم مسح وشه وخصلات شعره بعصبيه من كلامها اللي جرح رجولته: طيب يا هازال أن ما خليتك تحبي رجولتي وتتمنيها ما أكونش راجل زي ما قلتي ... والله لأخليكي تمشي تكلمي نفسك وتشدي في شعرك زي الهبله يا زوزو ومن اليوم لحد تلاتين يوم... وبحدة/ والله تلاتين يوم لو ما جبتك تحت رجلي ماكون ابن محسن الجلاد واااه سلمي على عريس الغفله وقفل الخط في وشها
هازال بلعت ريقها ونزلت فونها بذهول وصدمة من كلام ادهم اللي عندها فاضل: لا أكيد الراجل ده بيراقبني ده لو ما كانش كدا ايه عرفه بجاسر كمان...بس ربنا يستر ... والظاهر أنا لازم أتصرف قبل ما يروح ويتكلم عليا عند جاسر ويشوه أخلاقي لأن بجد حساه أنه مجنون بس المشكلة اعمل ايه لان لو بابا عرف هينزل فيا تحقيق ولو قلت لخالد أنا متأكدة أنه هيدبحني دبح ...لألألأ خالد مش بيتفاهم مع حد اخاف يروح يتهور ويقتله ويضيع مستقبله والله مافيش غير أني أتصل على اسماء وتساعدني أني ألقى حل مع اللطخ ده
.........
في بيت خالد وسارة
خالد بعصبية: سارة أنتي وبعدين معاكي والله ده مابقاش عشاء ده سحور
ساره من المطبخ: حالا دلوقت بخلص بس خمس دقايق
خالد دخل عليها: لا والله أنتي كام خمس دقايق عندك
ساره شهقت من الخوف: خلود حرام عليك والله فزعتني ووقعت قلبي من الخوف
خالد بابتسامة: وليه خوفتك يعني البيت مافيش غيرنا أحنا الاتنين ودلوقت فين العشاء شيفاني والله ميت من الجوع
ساره بابتسامة: والله خلصت بس باقي شوي على ما أجهز السفرة يكون كل شيء جاهز ودلوقت تحب تأكل هنا ولا في الصالة
خالد سحب الكرسي وقعد: لا أنا هاكل هنا يا حبيبتي بس أنتي عامله اكل ايه
ساره وهي بترص الاطباق والكاسات والشوك: عملت لك بيتزا وهنشرب عصير كوكتيل يا حبيبي وأن شاء الله تعجبك
خالد غمز لها: أنتي كل حاجه منك حلوه يا حلوة أنتي
سارة ابتسمت و بتحط العصير في الكاس: مهم جدا يكون حلو مش هيكون زي أكل خالتي واخواتك
خالد: لا يا حبيبتي حتى أنتي أكلك حلو والله وبيعجبني
سارة: تسلم يا حياتي والحمدلله أن أكلي عجبك
خالد: على فكره نسيت أقول لك النهارده ابو جاسر اتصل علي ابويا وطلب منهم يكتبوا الكتاب لو هازال موافقه علي جاسر بس بابا قالهم ياجلوها بعد اسبوعين او تلاته عشان نقدر نحجز قاعه وكمان هازال ترتب اوضاعها لانكم يا بنات عارفكم لازم فستان مش عارف ديله واصل لفين وكوافيره تحولكم لنانسي عجرم وحاجات تانيه غريبه عجيبه معرفش ايه هي
سارة بتعجب: أنتي بتتكلم جد....بس هازال قالت انها مش هتتجوز دلوقت
خالد قاطع سارة وبحدة: والله مين اللي كلمته تمشي أحنا ولا هي
سارة خافت من خالد فحبت تنهي النقاش فقالت: خالد حبيبي أحنا بنتكلم فاليه اتعصبت شوف لو الموضوع هينتهي بخصام قفل على الموضوع وخلينا نتعشى ونام
خالد بنفس الحدة: أنا كمان شايف كدا أفضل
********
في قصر محسن الجلاد
زهره خلصت من مكالمة أختها ولفت بعصبيه : ليان أنتي يعني مش شايفاني بكلم خالتك وأنتي نازله زن فوق راسي
ليان برجاء: ماما ربنا يخليكي خلينا نروح تركيا بس أسبوعين وبعد كدا نروح باريس والله أنا زهقت من باريس
زهره: وليه أحنا قبل كام شهر كنا في تركيا يا بنت الحلال أبوكي مش عايز يروح تركيا عافيه يا ليان يعني
ليان بزعل: خلاص أنا مش عايزة أروح معاكم أي مكان أنا هاروح وهقعد في بيت جدتي
زهره: لا والله... وازاي بقي تقعدي عند أمي وعيال خالك موجودين
ليان: وأنا مالي بيهم انا هقعد في اوضه جدتي ومش هخرج منها ابدآآآآ
زهره: والله أبوكي عمره ما يوافق فعلشان كدا أخزي الشيطان وأمشي معنا
ليان وهي ماده بوزها: لا ومش هروح اي مكان وخلينا هنا في البيت مع الخدم ومش مهم أسافر
فاضل بأجمل ابتسامه: مساء الخير يا حلوين
زهره وليان: مساء الخير
فاضل باستغراب من ليان: أيه مالك ...ليه زعلانه
ليان بدون نفس في الرد: مفيش حاجة
زهره بعصبية: لأ والله كذابه حضرتها عايزة تروح تركيا ولا كاننا كنا فيها من كام شهر (وبتريقه) أحنا الظاهر هنقلب أتراك أول ما زهقنا من الكوريين ودلوقت رجعت للاتراك
فاضل: هههههه والله أنتم مسخره يا اهل البيت ... وعلى العموم ماتزعليش يا مزة أنا هوديكي لتركيا أنا عندي كام ليان
ليان بفرحه: قول والله أنك بتسفرني يا فاضل
فاضل بابتسامة: والله أنا هوديكي انشاء الله بوركينا فاسو ..اهم حاجة حبيبتي اختي متزعلش
ليان قامت بسرعة وضمت فاضل وباسته في خده: ربنا ما يحرمني منك يا أغلى أخ
زهره هزت رأسها بأسف: والله ماحد خرب البنت دي غيركم أنت وأخوك
فاضل: عادي خليها تتدلع أحنا كام أخت عندنا واحدة ربنا يحفظها
زهره: أمين ويصلحهالها حالها ويرزقها بابن الحلال واجوزها
فاضل رد: أمين وباستغراب/ ماما اومال فين ادهم انا من امبارح ما شفتهوش
زهره بتريقه مصحوب غضب: والله انا معرفش عنك أنت وأخوك ومصايبكم اللي من تحت لتحت
فاضل: يعني هو يعمل المصيبه وبعدين تقع فوق راسي لوحدي
زهره: معنديش غير اني اقول ربنا يصلح حالكم ويهديكم مش عارفه امتى تعقلوا وتتجوزوا يمكن حريمكم يعقلوكم بدل جوازكم العرفي والي في السر وبلاوي زرقا
فاضل عقد حواجبه: والله يعني الجواز العرفي ولا المحرمات يا ماما انا متجوزتش غير مرتين بس ...الدور والباقي علي ادهم روحي شوفيه واساليه عن جواز ته الاخيره الي من خمس سنين
ليان: لا شكل نقاشكم خاص والأفضل اروح اوضتي... وقامت وسابت المكان
زهره اللي كانت عايزة ليان تخرج من المكان من بداية النقاش وكلمت فاضل: ممكن أعرف موضوع زوجة أخوك اللي مخبينه علينا
فاضل: أسف في الموضوع ده بالذات ما يخصنيش فرجاء ما تسألينيش عن شيء يا ماما
زهره بشوية عصبية: لا والله طالما الموضوع ما يخصكش ليه من الاول فتحت الموضوع من الأصل
ادهم الي دخل فجاة باستغراب من عصبية أمه: السلام عليكم أيه مالكم أصواتكم واصلة لحد المريخ
زهره وقفت واتكتفت وبسخرية: أهلا بالصايع التاني
ادهم رفع حواجبه: ليه مين الأول
فاضل وقف وراح عند أخوه وصافحه بضحك: ههههه يعني في اعتقادك مين يكون غيري أنا وبكل فخر
ادهم حضن فاضل: أتاريك أنت الاول اهلا والله واتشرفت بمعرفتك يا غالي
زهره صرخت عليهم: أنتوا وبعدين معاكم يعني أنا قاعدة ألعب معاكم علشان تتريقوا علي كلامي ايه قلة الأدب دي
ادهم بتعجب من أمه: زهرة مالك ليه تتعصبي احنا بنهزر معاكي فاليه عصبتي يا حجا وعلى العموم أحنا أسفين
زهره بحدة: سيبك من عصبيتي وممكن أعرف أيه قصة جوازك العرفي الأخير
ادهم لف لفاضل اللي نزل رأسه بسرعة وبعدين لف لأمه: أي جواز بالظبط يا امي وممكن أعرف أيه دخل موضوع جوازي في نقاشكم
زهره : على ما أظن أنا إللي سألتك ومش حضرتك اللي بتستجوبني ودلوقت حالا أتفضل وقولي مهبب أنت ايه... ادهم لف لفاضل واللي كان خايف يحط عينه في عين أخوه...
زهرة وبحدة/ أظن أنا اللي أتكلمت معاك مش فاضل فبصلي أنا
ادهم خاف علي أمه تضغط عليه فيتعصب ويقولها سره اللي ما يعرفش غيره هو وفاضل: ماما أنا عندي معاد والرجل منتظرني ودلوقت عن اذنك ...وخرج وساب المكان كله وامه تتوعد له واول ما غاب عن عيونها بصت لفاضل
فاضل برجاء: ماما ابوس ايدك اعفيني من اي سؤال عن اي شئ يخص ادهم لاني ماليش خلق ااتخانق معاه ودلوقت عن اذنك
زهره بتهديد: طيب أنا مسيري هعرف الي مخبينوا ياولاد الجلاد ...هو اسبوع وابوكم واخوكم راجعين..وغصب عنكم هتتكلموا انت والزفت التاني... ...
فاضل بنظرة لوم وعتاب لامه وخرج وسابها هو كمان وأول ما وصل عند عربيته وقبل ما يركب حد شده من قفاه من ورى بطريقه غريبه فاضل خاف ولف وراه وانصدم من البوكس اللي اخده في وشه
فاضل انصدم من الشخص اللي ضربه فعقد حواجبه وبعصبية: ايه الغباء ده ممكن أعرف ليه مديت ايدك عليا
ادهم بنفس العصبية علشان مرة تانيه ما تتدخلش في شيء ما يخصكش وأظن أني حذرتك قبل كدا
فاضل زق ادهم بعنف ورجع له نفس الضربة وبحدة: قبل ما تمد ايدك عليا أتأكد الاول ايه الي حصل ...وانا ماقلتش حاجة كانت مجرد زلة لسان
ادهم: زلة لسان والله أنت حيوان وأنا الغلطان لأني وثقت فيك
فاضل بحدة: ادهم أحترم نفسك وما تغلطش فيا فاهم
ادهم نغز فاضل في كتفه وبعصبية وبصوت عالي الي خلا الكل يخرج من القصر ادهم بصريخ:ولو ما احترمتش نفسي وريني هتعمل ايه
فاضل: دلوقت تعرف انا هعمل ايه ؟؟؟
وهجم فاضل علي ادهم وتشابكوا وبدؤا يتعاركوا ..
