رواية عشق اهل الانبار الفصل الثالث 3 بقلم رواء هادي
رحت للحمام غسلت وجي ... باوع لوجي بالمراية مخطوف لونه عيوني حمرة منوراها اخذت المنشفة نشفت وجي وطلعت كعدت فوك الجرباية شعلت جكارة
اريد ابرد نار قلبي بالجكارة .
فزيت على دكه التلفون كمت باوعت للشاشة
المتصل رائد فتحت خط ومكرفون ...
قاسم : هااا رائد ؟
رائد : جهز نفسك دزوا علينا بالقيادة
قاسم : ماشي مر بي
رائد : أني بالباب بينكم واكف ههههه
قاسم : لابشرفك
رائد : وغلاتك وهاي اخوك محمد فتح
الباب هلا بمحمد شلونك
قاسم : ثواني ونازلك
فصلت الخط واخذت ملابسي وبدلت وشلت الجنطة بجتفي بيها زي العسكري مالبس من البيت أبد كله بالفوج ابدل
ماريد احد يعرف شخصيتي الحقيقية
ويتعرف علية .
نزلت جوه لكيت عماتي اربعتهن عدنا مجتمعات ..... بالصالة هن والبنات عيوني اجت بعيون سيرين كاعدة بصف سارة تباوعلي بنظرات الغضب ماهتميت لها سلمت
2
وطلعت للاستقبال ودعت ابوي اخذت رائد وطلعنابتكسي واحد عرف من اهل المنطقة وصلنا للفوج نزلنا وعدل
للغرفة بدلنا لبست زي العسكري
دا البس بالبيرية
رائد لبس النظارات وكال ...
جنت ناوي ابات ليلة يم الحلوة
ميس ههه
قاسم : وتالي وياك ماتبطل من سوالفك ؟
رائد : ناوو
( 2 )
قاسم : خل يعرف بيك عمي خوش
يسويك ناووو ...وهاي كملت
رائد : شمدري عمي إذا أنت مانافقت
قاسم : تعرفني ماانافق بس اخاف يشك
بيك لو يخلي مراقبة وراك
رائد : مراقبة ؟
قاسم : محتمل
رائد : ماتوقع اصلا مو بحالي لو بحالك حظرة العم العظيم هههه... يلا اطلع خل نشوف شنو هالشغل
الضروري والطارئ الجانه
طلعنا بره كل الجنود والضباط مجتمعة بره وعمي المسؤول يحجي لعرفته اليوم بالليل على الساعة بال١٠ ونص
عدنا مداهمات على احد المنازل
قضية ارهاب متحولة النه .
كمل الاجتماع كعدت أني ورائد بره .... واحد بصف الثاني على الكراسي كدامنا الجنود رايحة جايه
قاسم : مغامرة خطرة ولا كعدة البيت وجه سيرين
رائد : صدك على طاري السعلوة سيرين شصار ماصار وياك ؟
قاسم : لا تريد حالتي اليوم جنت بعز النوم و فزيت على ايد تتلمس بشعري جريتها وصارت جواي
والصدمة لي سيرين طلعت
رائد : ههههه وشسويتلها خوما خليتها تطلع سلامات ههههه
قاسم : خاااب دنجب شايفني
رائد : امداك لو أني بمكانك اخليها تمشي صفح هههه
قاسم : استغفرالله لك هاي بت عمتك وعرضك
رائد : اي طبها مرض هي جايه لعندي واني رجال واحداني وضاربني جفاف عاطفي من عام الاول هههه وجايه مره لايدي وتتحرش بي تريدني افوتها سلامات والله بطران
قاسم : عقليتك قذرة
رائد : وانكس والله ههههه
قاسم : لا والحلو يأيد بي
رائد : هاي حقيقة جوعان
قاسم : شسويلك اني شايفني طباخ
رائد : دكوم شوفلنه شي شياتين ناكله
قاسم : وليش ماتكوم أنت
رائد : مابي حيل تدري بي من اجوع اتخربط ههههه
قاسم : تاكل وجعع شعلي أني
رائد : وجعع ينام بنص قلبك تعال شوفلي شي اكله
قاسم : بكد الثور تاكل وماتشبع دشوف نفسك
شكبرك وشكدك صاير تسووي مني
شركتين دسوي رجيم
رائد : انجب تريدني اصير معصعص ياهو اليجي يدك بي حلات الضابط بالضخامة والطول دباع الهيبة دباع الجمال دباع الفخامة دباع العضلات باوع قويسم
قاسم : من حمد نفسه ذلها
رائد : انجب ابو الوسخ جوعااان قويسم
قاسم : كلب ابن الكلب خادم الخلفوك أني
رائد : ماكو غيرك أنت ابن الكلب تمشي لو بالقرأن إذا مامشيت اجي اجعصك جعص مثل هذيج المره كوه خلصوك مني وتدري بي اسويها على كوله امي رائد
مخبل وماكو براسه عقل .
قاسم : مخبل على نفسك
عفته ومشيت يصيح وراي بصوت عالي لاعنده خجل ولاشي الجنود يباوعون ويضحكون ربع ساعة اجه يمي
وكف يضحك يدك على بطنه عود شبعان
رائد : الله لايعوزني الـ شكولاتك
قاسم : ايي
رائد : هاك الزم اخذلي شكم صورة
قاسم : صوريش؟
رائد : صور شنو صوريش موتدري بي احب الصور يله راح اجي امشي وأنت صورلي مقطع معدل مبين بي هيبة مو تصور وتطلعني منغولي امشي صفح
قاسم : دهاك اني بي حيل
رائد : لابيك حيل تجيب اكل لا بيك تصور لعد شبيك حيل ماتكلي وجه الارملة تفووو ... تعال جلال صورني
1
جلال : حاظر سيدي
سيف : اني سيدي
رائد : تعال لعد هذني الصور انقلهن لك وصمملي فيديو
اكون يطك بالكاع وخليلي أغنية حلوة وتناسب
وي الفيديو ماشي
سيف : حاظر سيدي
قاسم : ادري تشتغلون باستاديو لو بمعسكر
رائد : شعليك
قاسم : ههه اجه عمي
كلهم طفروا اولهم رائد يخاف خوفه الحية منه باوعوا ماكو احد رائد شال حصوه راد يضربني بيها بس فلتت
ههههه رحت طلعت بره اضحك على رائد
وره العشة جهزنا نفسنه علمود المداهمات والله وطلعنا سكتاوي لاصوت ولاشي نريد نكبس الارهابية كبسة
مفاجأة حاصرنه المنطقة بالكامل
وصلنا كدام البيت المطلوب نزلنا كلنا حاصرنه البيت ....
دخلوا الجنود واني ورائد بنصهم وعمي ماجه ويانه
بقى بالفوج ويانه ضباط اكبار
دفروا الباب الجنود دخلنا للمكان جانوا اربع زلم كاعدين يشربون خمر شلون كبسه جانت لهم ولا بالاحلام لزمناهم رفعوا ايديهم مصدومين بالكبسة
ضربوهم كلبشات الجنود شمروهم بالبدي السيارة ورجعنا للفوج صدروا الإرهابية بسرعة شكم كلمة حلوة من
عمي ابو فياض وراها رجعت للغرفة تعبان
رائد بسرعة بدل ونام فوك الجرباية يشرب
جكاير ويباع للسكف الغرفة ...
رائد : هسه مال الله يشمر علية فدوحدة
اذب تعب كله بحضنها
قاسم : من عمت عينك على هالحجاية
رائد : لا يروح عقلك لبعيد قصدي بطانية
غمز عين وضحك ...هههههه
قاسم : اعرف قصدك لا تلوف الشغلة شكد عقلك قذر رائد
رائد : ههههه مو بايدي طالع على خالي مازن هههه
قاسم : عاد شلونه خالك مازن
رائد : انجب ولك لا تحجي على تاجر راسي
قاسم : طبعا ماتقبل هذا معلمك ويوديك للنسوان ههههه
رائد : اي هههههه
اسبوع كامل يلا نزلنا للبيت وصادف وهذا اليوم عرس ابن عمي اخو رائد الكل فرحانة بهذا الشي
المهم سبحت وبدلت رشيت عطر طلعت بالصالة والصدمة لي سيرين جانت لابسة نفنوف نص ردان باللون الجوزي لحد
الركبة شعرها مفتوح طوله متوسط
مكياج لأخر حباية عيوني صارن براسي ... شلون هيج تطلع كدامي حرام هذا الشي تدري بي استحرم
قاسم : شنو هاي سيرين ؟!
سيرين : هاا مادري بيك هنا امي دزتني اشوف عمتي
قاسم : شعليج بامي أنتِ يلا انزلي جوووه
سيرين : هاي شبيك تصيح شمسويه أني كلتلك
مادري قابل متعمدة اطلع كدامك هيج
قاسم : اعرف سوالفج ماكو داعي تتحججين يلا جووووه
سيرين : دكافي روحي لعبت منك كلما تشوفني تصيح وتعيط مثل المخبل شبيك أنت ماتكلي شبيك كلشي مايعجبك مليت أني ترى مليت اريدك تحس بي على أقل
قاسم : شحس ولج شحس تدرين بهاي حركاتج
جاي ترخصين نفسج كدامي
سيرين : مايهمني اليهمني تبادلني نفس الشعور
قاسم : لو تبقين أخر مره بهذا الكون كله مراح ابادلج نفس الشعور ولا اقترب صوبج لو امسج خليها بالج أني اقرف
منج ومن اسمج ومن المكان لتكونين بي .
سيرين : هيج صارت
قاسم : اي يلا جووه وإذا شفتج مرة الخ هنا تحوصين والله اوصلها لامج وابوج واخوانج اكوللهم بتكم تتحرش بي وخل يتصرفون وياج بعد كافي مليت وين ماطلع الكاج كدامي تحوصين مثل الچلب المدودية أذنه
سيرين: أني تشبهني بالچلب ؟
قاسم : وانكس والله
سيرين : بسيطة بطن عيني قاسم أنت لردتها .
صارت تركض على الدرج بسرعة وتصرخ بعلوا صوتها ... ياناس ياعالم لحكوللللي عممممممه لحكيلي عممممممه
قاسم تحرش بببببيييييي عممممممه
هنا صارت صدمة عمري من هيج سوت نزلت اركض وراها واصيح ... ولج هاي شنو سيرين كافي فضحتينه
سيرين كافييييييي
شمرت نفسها من آخر بايتين كل قوتها بالكاع عقلي طار من أفعالها الشنيعة امي طلعت مرعوبة من غرفتها شافتني واكف قريب عن سيرين وهي بالكاع تبجي
ضربت امي على وجهها بأثنين ايديها وعاطت ...
عززززة العزاكم هاي شصايررر
قاسم : وكعت
ام نزار : شلون وكعت سيرين شبيج عمه شبيج
صارت تبجي وتعيط بصوت عالي رج البيت كله رج وأني بقيت مصدوم شلون هيج تتهمني باطل وتكول تحرشت
بيها راحتلها امي مصدومة من افعالي
1
قاسم : والقران جذابة يمة لا تصدكين بيها
ام نزار : قاسم كافي جزعت من افعالك كل مرة تكول جذب وا صدك بيك وماصدك بيها اما اليوم مراح اصدك بيك ... احجي يمة شسوالج واج احجي لا تمين ساكته
قاسم شمسوي للبنية ماتحجي قاسم احجي
شمسوي وهيج خايفة ؟!
قاسم : كلشي مامسوي هي من شافتج شمرت نفسها من فوك الدرج على أساس جنت اتحرش بيها وشردت
مني وكعت هاي جذابة يمة لا تصدكي
ام نزار : انجبببب قاسسسم انجببب اصخام الصخمك
وصخم الخلفوك تتحرش بت عمتك لك ليش
هيج ليش .؟!
سيرين : عمه راد ينزع شرفي
قاسم : جذااابة
ام نزار : الله لاينطيك ليش هيج تسوي بيها ليش
قاسم : وغلاتج عندي جذابة كلشي مامسويلها
سيرين لا تجذبين ماسويتلج شي
كعدتها امي بالكاع وكعدت وياها جانت اركبتها تنزف دم وتبجي وتشهك بصوت عالي وامي مرعوبة عليها فزيت على صوت رائد العالي اللي هز اركان البيت هززز
رائد : وين سيرييييين
ام نزار : وجعععع شبيك أنت الثاني
رائد صار بالصالة وكف يباوع مصدوم .....جان لابس دشداشة بيضة ولاف شماخ احمر فوك راسه والسبحة بإيده متعصب كلش من ملامح وجه سيرين راسن
ختلت وره ظهر امي مرعوبة
ام نزار : شبيك تصيح ؟
ختلت وره ظهر امي مرعوبة
رائد : شسوت مكسورة الركبة شسوووت احجوووا
قاسم : تتبله عليه رائد ترضاها تكول تحرشت
بيها وردت انزع شرفها ترضاها
رائد : لا يا بت الكلب انعل ابوج يابو الخلفوج على
هالسواية ولج الكح... ماتسوي سواياتج
انطينياها عمه انطينياها
ام نزار : وخررر منها البنية متأذية وحجيها صدك قاسم
متحرش بيها ليش تضم عملت قاسم وتتهم
البنية باطل وخرر رائد وخررر
سيرين : عيني عمه لا تنطيني اله مالي ذنب عمممممه
رائد : من هيج خايفة شلون تتهمين قاسم باطل مالكيتي
غير قاسم تتبلي احجي ادبسزز احجي
ام نزار : انجب رائد انجب
قاسم : حجيه صدك جاي تتهمني أني شعلي بيها شيصير برأسي مافكرتي مكلتي شجابها لغرفتي بتالي الليل مفكرتي شسوي جايه لبيتنه وتدري بي أني بالبيت
واحداني لو جانت براسها غاية هالحقيرة
رائد : ولك سمعت اختها نجلاء تكول لتمارا سيرين راح تصيد قاسم هالمرة واجيت للبيت ركض ركض انعل ابوجن يابو الخلفوجن صايرات عصابات
واحداني لو جانت براسها غاية هالحقيرة
قليلات الشرف والاخلاق هاي تربيه اهلجن
الجن انطينياها عمه
ام نزار : شتكول رائد ؟!
رائد : وستر اخواتي جاي اكول الصدك جانن مخططات الكلشي علمود يوكعن قاسم بالصدفة نزلت جوه و
سمعتهن بالزاوية البيت يحجون بيناتهن
ام نزار : صدك ولج ؟
سيرين : جذاب عمه جذاب لا تصدكي بي
رائد :اني جذاب اوك نكول جذاب بلا شسوين جايه للبيت شسوين صاعدة فوك لغرفة قاسم وبهذا لبسج مال افراش
مو مال طلعة بره وكدام الزلم ....
جانت نيتج تتبلين على قاسم المكرود علمود
يتزوجج موو هاي نيتج
قاسم : اعرف بيها من زمان جانت تريد توكعني انطينياها
يمة خل اوديها لاهلها خل يذبحونها
هالبربوك انطينياهااا
رائد : انعل عرضج انطينياها عمه انطينياها خل اكفر
بيها كفران هل ادبسززز
سيرين : عمه لا تنطيني الهم عمه
ام نزار : وخررر عنها احجي حجيهم صدك ..
، ولج احجي لا تسكتين احجي ؟!
سيرين : جذابين عمه جذابين لا تصدكي
رائد : لا يالكح.... انطينياها عمممممه
انطينياها خل اذبحها هل كح....
صار اعياط وصياح رائد ماتحمل جرها منورة ظهر امي كفر بيها كفران كطع السبحة على ظهرها راد يوديها شحط لاهلها امي ماخلته وحلفته مايجيب طاري
ويطمطم على الشغلة كلها ماقبل عاند امي بس امي اعند منه خلته يسكت سحبت سيرين ودتها للحمام غسلتلها ورجعت تشهك من البجي لبستها عبايتها
1 تعليق
ام نزار : موديتها لبيت أهلها وانتو اياني وايكم تجيبون
طاري يلا روحوا للحنة هسه الكل تستفقدكم
ام نزار : رائد كافي يلا اطلعوا
قاسم : اني الج سيرين بسيطة
ام نزار : قاسم
قاسم : بالقرأن اذا شفتها مرة الخ جايه للبيت لو مقتربة صوب البيت اخلي بيها طلقة حقيرة قليلة الشرف شلون هيج
تسوين شلون تكولين تحرشت بيج شلوووون ...
وانتِ بنفسج جنتي تتحرشين بي
رائد : بيها دودة روحي لاهلج خل يزوجوج ويهدون الدودة اخذيها عمه من جهرتي لو اذبحها هسه واكل لحمها
قطعة قطعة طلعيييييها
2
ام نزار : امشي الله لاينطيج عليمن طالعة هيج صلفة امشي وحقيره امشي ام المصايب والبلاوي مالكيتي غير ابني
قاسم تشمرين روحج عليه امشييي
اخذتها امي رحت غسلت وطلعت وي رائد للحفلة بس اعصاب رائد كذالك متعصب ومتحلف لها صارت الحفلة سم
وزقنبوت علينا الكل مستمتع
ويرقص جوبي اجواء جانت حلوة واني ورائد
كاعدين بفاتحة ليشوف مو عرس
ابو فياض : شبيكم اوجوهكم تتلاطم
قاسم : هاا
رائد : عندي صداع عمي
ابو فياض : شجاك قبل شوي صوتك يرعد مثل الرعيدة
هسه على الصامت ذابها وعندك صداع ؟!
رائد : صكعني بنات ال ....
نبزت رائد بسرعة سكت باوع علينا عمي بشك ...
ابو فياض : منو ولك ؟
قاسم : ماكو شي عمي
ابو فياض : احجي شكو شصاير رائد ؟
قاسم : كلتلك ماكو شي عمي
ابو فياض : لا تدخل احجي رائد شصاير
رائد : والله ياعمي جنت نازل من الغرفة وهل زعطوطات ضربني بالغلط ونكطعت السبحة وهسه مقهور
عليها جانت خوش سبحة
ابو فياض : مقهور على السبحة وأني شوف شعبالي
صاير وياك وأنت عليش مقهور مثله هم
على السبحة
قاسم : لا بس مالي خلك ماعرف ليش محبيت الاجواء
ابو فياض : اي خطيه بالفوج اجواء الراحة عندك مو مالين حفلات انتو مالين مداهمات وحروب وتدريبات
شاقة هذا يلوكلكم
رائد : اي والله ههههه
ابو فياض : فطير
انتهت الحفلة رجعت للبيت قبل ابوي دخلت للبيت جوه حذائي صارت خرز سبحة رائد هنا وكف عقلي لو شافهن
ابوي راح يشك بسرعة صحت للجهال اخواتي
يلمون خرز بسرعة قبل لا يجي ابوي والله مكالوا باطل لموهن بسرعة وخلوهن بكاسة كزاز وانطوهن لامي شفت قطرات من دم سيرين بالكاع صحت لسارة مسحته بسرعة كعدت بالصالة دخل ابوي كعد نزع الغترة خلاها بصفه
باوعت بصف ابوي كم خرزة لسبحة رائد بقيت ابلع ريج اشر لامي بعيوني تكعد بصف ابوي فوك الخرزات بس مافهمت
كام ابوي تعبان الحمدالله مشافهن
صاح لامي راحت وراه كمت ... بسرعة اخذت الخرزات وطلعت لغرفتي عدل الله سترنا اليوم جان ثبتت تهمة سيرين براسي وجان عرف ابوي اني ورائد جذابين
ويحيل بينه تحقيق وإذا ماعترفنا يشمرنا بالصحراء الانبار فد جم ساعة جوه الشمس تدريب ادري بي قاسي وقلبه
ميت ومايحب الغلط والكذب أبد .
أمي اجت حجتلي وكالت كلت لامها عن كل سوالفها وتخبلت عليها لزمتها كتلتها وكتلت البنات وياها أمن بعد مراح توصل عتبه باب البيت فرحت كلش وأخيراً خلصت
منها بفضل رائد .
ثاني يوم العرس صعدت وي رائد بسيارته رائد خبلني بس ياخذ صور ويصور مقاطع فيديو المشكلة أني ماحب
التصوير ابد شخصيتي غير شخصية رائد
شخصيتي باردة ومو اجتماعية وعصبي كلش ماتفاهم ابد واحب الكل تسمع كلمتي وتخاف بعد ماجبنه العروس من بيت أهلها وداروا العشة زفينه العريس على العروس
رجعنا للبيت هلكان من التعب ...
رائد بعد مرور ايام واشهر وماشفت شكولات سيرين كدامي هي تشوفني تشرد بعدني متحلف بيها اخاف من عمايلها
وهي السنة راحت لجامعة واخاف تسوي
مكسورة هناك .
المهم نزلت من الدوام بملابسي مابدلت لان اجيت وي عمي ابو فياض وقاسم بسيارة الفوج وي دخلتي سمعت
صياح واعياط امي وابوي
قلبي وكف بسرعة دخلت للبيت ابوي واكف بنص الصالة ويصيح امي تصيح بصوت عالي الجناين واكفات
صفحة كلهن يخافن يدخلن بيناتهم
ام صدام : تالي عمرك تريد تزوج
ابو صدام : اي اتزوج شكو بيها حالي حال الزلم اريد مره صغيرة تلمني مليت منج ياخي
ام صدام : مليت مني ياحسافة بيك المداراه والتعب حسافة ولك والله اذبحك واشرب من دمك بس تزوج مو عبالك ادمي جبير وماسوي شي لا بالقران اعدمك
واذبحك بل موس مو بل سجين افتهمت
1
ابو صدام : اي صايرة ارهابية اتزوج وغصب عنج اريد
5
ام صدام : ماتزوج يعني ماتزوج افتهمت
ابو صدام : اتزوج
رائد : شنو اتزوج شنو ماتزوج فهموني شسالفة ؟!
ام صدام : تعال رائد اسمع ابوك الكرع ابو صماخ يريد يتزوج علية ترضاها امك تنهان تالي عمرها وعماتك يشمتون بي ترضاها اااااه يمة ااااااه تالي عمري
يجيبلي مرررره اااااه رائد راح اموت رائد لحكلي
رائد شفت امي بهاي الحالي واني عندي ..... امي وكطع النفس ماطلع حلك الباب اذا ماسلم عليها وابوس راسها واديها ابوي هيج يسوي بيها ويذلها تالي عمرها
ام صدام : يدخل ونص كلي منو هاي لتريد تزوجها بالقرأن هسه اروح لبيت اهلها اشحطها شحط من شعرها وانعل
ابو الخلفوها احجي منوووو
رائد : يريد يتزوج تالي عمره ماتخجل بلا على نفسك تزوج على امي الغالية انت لو تدور العالم كله مراح تلكه احسن من ظفر رجل امي مو هي نفسهاا
احجي منو هاي لتريد تهمج بيت امي احجججي
تعصب ابوي من صيحت عليه شال المزهرية الورد كزاز واشمرها علية وصاح " كلب ابن الكلب ترفع
صوتك علييييية
بسرعة تفاديتها تكسرت بالكاع صارت أشلاء الجناين صاروا يخافون الجهال تعيط امي تصيح راح يوكف قلبها ابوي
راد يجي يضربني امي صدته
وجابته براشدي فرت وجه فر ماتوقعت راح تسويها .
ام صدام : واكسر راسك هم مو عبالك ساكته كل هالسنوات معناها اخاف منك لا مااخاف اني بس من
الخالقني افتهمت لو لا
راد يضرب امي بسرعة لزمت ايده "
لااا يابة لااا
1
شكد مابي قوة جابني براشدي بإيده الثانية عفت ايده تولاني ضرب كفر بي كفران ماكدر اسوي شي هذا ابوي علمود ارده لو ابعده عن نفسي وي امي ارده عادي
عاد امي دفعت ابوي كل قوتها وكع فوك الكرويتة "
دجوووز من الولد جوووووز
ابو صدام : بت النعال هاي شسويتي
5
ام صدام : واسوي الازود موتت الولد كتل علمود الدودة
البيك لا تحلم اخليت تزوج لا تحلم
ابوصدام : اليوم انعل ابو الخلفوج انطيتج مجال صرتي
تضربين وتحجين بكيفج تعاااي
كام راد يتهجم على امي واني بحاله اعصاب جريت المسدس وسحبت اقسام بسرعة وانطيته لامي
رائد : هاج اكتلي دفع عن النفس
ام صدام : دجيبه انطيتك مجال اوككككف
14
ابو صدام : لا ياچلب ولك هيج تسوي تسحب سلاح على ابوك
رائد : انت لردتها مو احنا ودافع عن النفس ارجع بمكانك واحجي منو هالبنية لتريد تزوجها احجييي
ام صدام : تحجي لو افرق المسدس براسك احجييي
ابو صدام :صرتوا ضباط براسي وجاي تحققون
وياي لا تحلمون اكول
ابو صدام : ماكو غيرك انت جلبت امك بسيطة رائد بسيطة اني اعلمك اذا ماخليتك تبوس القنادر انت وامك
فلا اطلع ابو صدام بسيطة
ام صدام : ديلا عاد شكد خايفين ننزل ونبوس القنادر ماعاش والله ليخليني أني وهيبتي نبوس القنادر افتهمت ...
يلا حجي منو هالبربوك منوووو
1
رائد : باع ضاغطة على الزناد
ابو صدام : ناقص أني اعلمك
ام صدام : احجي لو لا ترى صبري نفذ
ابو صدام : هدي ام صدام هدي وستهدي بالرحمن ماعليج من رائد ترى هذا عار وهبيلة مايعرف يتصرف شمري من ايدج وخل نتفاهم بهدوء ماتنحل المشاكل بالتهديد
مرت اخوي الجبير :عمه تعوذي ابليس واش....
ام صدام : انجبي ولاتدخلين بالنص يلا اخذوا الجهال وروحوا لغرفكم مسألة زوجية هاي وبين الاثنين متزوجين
لا تدخلون يلا للغرف اشوف يلا امشننن
مشن خايفات مرعوبات اعرف راح يتصلن بأخوتي علمود يجون امي تهدد وابوي صار يخاف بقيت واكف وره ظهر امي سند لها من ابوي ابوي لو يكض المسدس
هسه بإيده يفرقة بي .
مايقبل يحجي من البنية انتبهنا على فتحه الباب دخل عمي ابو نزار وعمي فياض وعمتي ام نزار والولد وقاسم واخواي الجبير كلها تتوسل بأمي وبي تبعد المسدس عن ابوي
وابوي مكار صار ذليل وسوه روحه انجلط ...
5
ابو نزار : صدك جذب ام صدام هاي تاليتها وياج
ترفعين سلاح بوج زوجج وابو عيالج
ام صدام : تقبلها لعد يضربني ويضرب ابني علمود ماخليناه يتزوج تقبلها ابو نزار كلي تقبلها تالي عمري يمد ايده عليه كدام الجناين ويهيني وينزل من قيمتي واحترامي
ام نزار : يتزوج ؟
ابو فياض : زواج شنو يضربج صدك تحجين ؟!
رائد : اي والله يريد يتزوج راد يضرب امي وصديته تولاني ضرب ضرب علمود دافعت لأمي باع يسوي روحه
مجلوط هو كلشي مابي مكار
قاسم : عمي شبيك جيبوا ماي يمكن انجلط مااااي
شبيكم عمي شبيك عمييي
ابو نزار : رائد
سحبت المسدس من امي رجعته بحزام خصري كلهم التموا يم ابوي مسوي روحه مجلوط شالوا واخذوا للمستشفى فلا رحت وياهم بقيت يم امي وام نزار تحجي
وي امي مصدومة بلي سمعته ابوي مكبل وي
وحدة تالي عمره ومانعرف منو ؟.
ام نزار : من شوكت بعلاقة ؟
ام صدام : مادري اليوم صبح كالي تعال اخطبيلي بنفسج
ام نزار : وبكل عين صلفة يكولج ؟
رائد : شبيج يحظي اعرفي منو هاي قبل لا تكبين
ام صدام : واني بقى براسي عقل علمود أهدى اسمع
رائد تروح تبحبش وره ابوك وتطلع
هالبربوك من جوه الكاع لي
ام نزار : ستهدي بالرحمن مو زين عليج اخاف تنجلطين
رائد : امي بلادي كلشي ماعليها وهذا ابوي المكار
سوه روحه مجلوط عود ههههه
ام صدام : مكار على اخواته
ام نزار تباوع مصدومة من افعالي وافعال امي هسه عرفت عليمن طالع اعصاب اثاري على امي ساعة زمان رجعوا للبيت ابوي كلشي مابي بس مسوي روحه
دايخ وتعبان ويكول بصوت ناصي ...
حسبي الله ونعم الوكيل بيك
وبأمك رائد
ردت امي بصياح ...
والله حسبي الله ونعم الوكيل بيك وبالي وياك
احجي منو هاي لـ مكبل وياها احجييي
ام صدام : هاا هسه صار عيب اصيح واعيط على زوجي بس مو عيب عليه هو يروح يكبل وي بزر بطنه مووو
ماتحجون منو الغلطان اني لو هو احجوا
ابو فياض : اثنينكم ماتعرفون تحلون المشاكل ايديكم
واعياط والصياح هسه خل يستراح ابو صدام
وان شاءالله يصير خير
ام صدام : ماكو راحة اليوم يحجي يحجي
لو بالقرأن اهججه من البيت
ابو صدام : وليسمع بيت الخلفوج
ام صدام : البيت بأسمي وهسه اشمر هديماتك بنص الجول احسلك احجي منو هاي لعبت بعقلك وخلتك تصير مراهق احجي ولك احجي مو بطيت قلبي
2
قاسم : عمه مو وكتها
ابو صدام : نذل اني الك رائد
رائد : يلا كافي أني الك وأني الك شبعت من الك احجي
منو هاي وفضل الشغلة راح تنجلط امي
ابو صدام : عيد وعرس تنجلط وتموت وأنت وراها يجيبونك ملفلف بالتابوت ولافين على تابوتك علم العراقي
4
رائد : أمنيه هاي الله يسمع من حلكك
ام صدام : ان شاءالله أنت يجيبونك مكطع كطعة كطعة ياقليل الوفة وناكر الجميل قاسم رائد روحوا للمكان اللي يداوم بي وشوفوا ويامن يطلع ويامن يدخل
وجيبولي عنوان البنية خل اروح لاهلها واشوف شلون
متيهين بناتهم بنص الشياب يكود.....
ابو صدام : ادبسزز
ام صدام : لا تحلم اخليك تتهنى الك مهلة منا للظهر تعترف لو تنطرد من البيت والبنية اروح انبشها من جوه الكاع واطلعها وعندي استخبارات قوية قاسم ورائد
ابو فياض : كافي ام صدام ابو صدام احجي منو هاي وفض الشغلة مو قلوبنا انبطت من وراكم هاي تهدد وأنت تهدد
إلى متى تبقون هيج مثل الزعاطيط
جابر : صدك جذب يابة تالي عمرك تركض وره سوالف المكسرة بلا من خلاها براسك سالفة الزواج ؟
رائد : اندري منو اخخ لو اعرف إلا كطعه تكطع
ابو صدام : شعليكم انتو الشرعي محلل اربعة واني
حاليلي اتزوج الثانية شنو حرام لو كفرت
ام صدام : دتعال خل اعلمك شلون الشرع محلل اربعة
ام صدام : اليوم اذبحك
ام فياض : ام صدام كافي عيب ولج كافي تردين
تكتلين الرجال عيب يمررره عيييييب
ام صدام : انعل ابو العيب تردين بيتي ينهجم لاا والله ماني مخليتك تزوج اذبحك بالموس والله
العظيم اذبحكككك
ابوصدام : هاكم وتلوموني من اكول اريد اتزوج هي و
خوش ادمية ماعدها احترام لرجلها
ام صدام : دحترمني بلاول علمود احترمك ناوشونياه
هديني ام نزار هديني هديني
رائد : احجي يابة منو هاااي
ابو فياض : احجي ابو صدام منو هاي البنية
ابو صدام : ام سعيد المطلقة
رائد : لابشرفك يابة مالكيت إلا هاي !
قاسم : شنووو ؟
ام صدام : من صخام براسك مالكيت غير هاي المطلقة
ام الزلم المطببه واحد ومطلعة واحد
ام نزار : ابو صدام استهدي بالرحمن هاي
شنو ماضيها ومستقبلها
ابو صدام : دكافي تشهرون بت العالم كافي
رائد : يكرم طاري الله هذاك الأسبوع انطيتها خمسين ألف ورحتلها هاي تشتغل دعا...وتجيب
نسوان تالي الليل
9
ابو صدام : ولك رائد تطعن بشرف العالم ! ؟
رائد : وستر اخواتي دعا... هاي وبيتها بيت دعر...بالليل يصير واذا ماتصدك هسه أتصل بيها وسمع بنفسك وراها كول
رائد يحجي على عرض العالم
ابو فياض : أني شكلت هذاك اليوم رائد مو كلت بس تو ...
رائد : هاي جوارينة وحق الجار على الجار عمي هسه
اتصل وشوف الدلع والمياعة لابنك الضابط
رائد الهيبة هههههه
ام صدام : اتصل بعد حيل امك خل نشوف برنو ابوك هههههه
ابو صدام : تضحكييين !
ام صدام : بزودي ههههه
رائد خربت ضحك من كال اريد ... ام سعيد مايدري هاي اكبر دعا.... بالمنطقة كلها ورجلها طلقها لان كشفها تخونه على افراشه وطلكها حتى ابنها ماماخذه
تصلت بيها بسرعة فتحت خط فتحت ميكروفون اسمع الكل ..
رائد : هلا بالعمر والعشق ام سعودي شلونج
ام سعودي : هلأ بالهيبة المنطقة هلأ بالذيب رائد موزينة والله
رائد : خيرج حبي
ام سعودي : مشتاقتلك صارلك أسبوع ماكو ماتبين
ولا تتصل هيج يطاوعك قلبك تكطع بي
رائد : مو تدرين بي بالواجب هاي اليوم نزلت وراح امر بيج شتردين بعد ياام سعودي الوردة ههههه
ام سعودي : كل الهلا بيك هيبتي ههههه راح
ابقيك هالمرة لصبح ههههه
' اباوع للكل مصدوم اولهم ابوي لمسوي روحه مجلوط فاك عيونه وحلكه بصدمه امي دكت على جتفي فصلت
الخط قبل لا تنحرف وتفضحني .
ام صدام :وجبنالك برنو ابنك لاعب سركيها ههههه
17
رائد : هااا يابة بعدك تريدها
مارد ولاكلمة راح دخل جوه الغرفة وسرك الباب اباع عمي ابو نزار يخزر بي قاسم يخرمش بوجه بالهوى معناها لاصت عليك رائد بلعت ريج هاي سويت أني فضحت نفسي
شراح يخلصني من عمي ؟!
3
ابو فياض : تفضل لابو يركض وره الدعا.... ويريد يتزوجهن ولابن ينام وياهم لوجه الصبح ولك شكلت اني شحجيت اني وصيت منو أني مو كلت ليوصل هناك اكفر بي كفران
رائد كلامي مامسوع رائد شلون هيج تسوين بي
وانت قاسم جنت تدري وتطمطم له مو
قاسم : لا
ابو فياض : اثنينكم وراي بسرعة
( 2 )
رائد :وين عمي؟
قاسم : يابة مالي دخل مو تدري بي ماروح لهيج اماكن
ابو فياض : كلت ورايي
ام صدام : ابني مايطلع حلك الباب شعليك بي
طلع عمي واحد يباوع بوجه الثاني ..... طلعنا وره عمي صعد بالسيارة ليورة صعد رائد بالصدر واني اسوق طول الطريق رزايل نأكل واني مالي دخل شعلي
تجيني التهايم منورة رائد وسوالفة الطايحة حظها .
11
أكلنا عقاب لاصاير ولاداير شمرنا بصحراء الانبار بالحر ثلاث ساعات هو كاعد بالسيارة يشرب جكاير ويرزل ويلا
سوه كذا تدريب وكذا تدريب
خلصت العقوبة كل واحد اكل بوكس على بطنه وراشدي قوي على الوجه ورجعنا للبيت وأني متحلف برائد كلتله ألف مرة جر عدل عوف النسوان مايجي
1
من وراهن غير وجع الراس واحنا استخبارات موهينين والارهابية يدورونا دواره عاد مرت الأيام وام صدام
وعمي ابو صدام مايتحاجون كوم سوينالهم
عشا وراضيناهم ابوي مايحب المشاكل أبد وعمي يطب ويطلع يحذر رائد ويحذرني أني هم لا ترحون لفلان مكان لا ترحون
تردون زواج كولوا من الصبح ازوجكم
كنا لا مانريد .
مرت الايام بسرعة وبسنة ٢٠١٤ طلعنا دورية وستطلاع لمكان شبه مهجور جان نزلنا بالكاع نفتش المكان ماحسيت إلا اصوات إطلاق نارصارت فجأة من كل مكان تجي
وصابتني طلقة خلتني اوكع للكاع .
