رواية ارهقتي رجولتي بجنون العشق الفصل التاسع والثلاثون 39 بقلم منه محمد
البارت ٣٩
ارهقتي رجولتي بجنون العشق
منه محمد
ما قبل الاخيره
وفي بيت عيله باسم
وفي جناح غاليه وباسم
غاليه برجاء: باسم ربنا يخليك ابعد عني والله بتأخر على امك وممكن تزعل مني
باسم وهو حاضن غاليه ودافن وشه بين شعرها: لا متروحيش وتسبيني قاعد لوحدي
غاليه بضحك: والله ماهانتأخر.. وأن شاء الله على عشر ه ونص نكون هنا
باسم: يا سلام وأنا ايه يصبرني لحد الساعة عشره ونص... نفس اللحظة دخلت أخت باسم بدون أي سابق أنذار بس اتفاجأت بأخوها اللي كان ماسك زوجته ويتغزل فيها وأول ما شاف أخته بعد بسرعة عن غاليه وبعصبية/ يا حيوانه ليه متخبطيش علي الباب قبل ما تدخلي اقوم اقتلك
الهام بخوف وأرتباك: أسفة بس أمي قالت أنادي غاليه عشان ماشين
باسم بنفس الوضع: غوري داهيه تاخدك هبله
غاليه بخوف لان باسم وشه أحمر من شدة العصبية: خلاص اهدي يا حبيبي ويمكن هي ما كانتش تعرف أنك هنا وأنتي يا الهام روحي لطنط وقولي لها أنا حالا نازله
الهام وراسها في حاضر... وخرجت بسرعة
غاليه باسم وبابتسامة: أهدى يا حبيبي والله خوفت البنت
باسم: .........
غاليه باست باسم في خده فابتسم: بحبك يا روحي ويلا عن إذنك... غاليه خرجت من جناحهم فشافت الهام واقفة تعيط/ ليه بتعيطي يا حبيبتي
الهام بصوت طفولي: لأنكم زعلتم مني أنتي وباسم
غاليه نزلت على ركبها بحيث تبقي بطول الهام: ومين قال إننا زعلنا من حبيبة البيت أصلا لو نزعل من كل البيت ما نزعلش منك أنتي
الهام وهي تمسح دموعها بايدها: يعني أنتم مش زعلانين مني
غاليه بكل حنان: لا طبعا يا حبيبتي ويلا خلينا ننزل عشان ماما ما تزعلش مننا
الهام حضنت غاليه وباستها على خدها: ربنا يخليك لينا أنا بحبك اوي وحتى صحبتي بتحبك وتقول نفسها تشوفك
غاليه باستغراب: صحبتك وهي تعرفني منين عشان تقول عاوزه تشوفني
الهام بفرحة: أنا حكيتها عنك... غاليه ابتسمت ومسكت ايد الهام ونزلوا وهم لسه بيتكلمو
****************************
وبعد أسبوعين وفي بيت عيله اسماء
كانت واقف ه عند باب الصالون و تدعي في سرها
سها: يلا يا أسوم ندخل لأن أخوي خلل من القاعده
أسماء ابتسمت ابتسامة خوف: طيب يلا... سها فتحت الباب ودخلت هي وأسماء اللي كانت منزلة رأسها في الأرض من شدة الحياء
سها وأسماء: السلام عليكم
ريان رفع راسه وبص لـ أخته وفي البنت اللي وراها واللي كانت بغاية الجمال: وعليكم السلام ورحمة الله وبركاته... سها قعدت وقعدت أسماء معاها وكأنها تحتمي فيها من ريان.. ريان اللي اتحرج من أنه يتكلم مع أسماء قدام أخته الصغيرة فبادر بالسلام/ عامله ايه يا أسماء
أسماء بخجل وصوت بالكاد ينسمع/ الحمد لله كويسه... ريان أبتسم وغمز لسها بالخروج
سها وقفت: أنا رايحه عند أمي وشوي ورجعلكم أسماء أول ما شافت سها بتخرج حست بخوف غير طبيعي وفضلت تشتم هازال في سرها
ريان أول ما شاف أخته خرجت أرتاح وقرر أنه يتكلم: ها يا أسماء ما عندكيش اي حاجه تقوليها
أسماء رفعت رأسها وبصتلو الي كان يبصلها بانبهار: لا ما عنديش حاجه
ريان: طيب أسمعي أنا عاوز اعرفك بنفسي وبعدين أنتي عرفيني بنفسك... أسمي ريان فهد الجلاد عمري سته وعشرين سنه خريج كلية هندسة وانا تاني واحد عند أمي وأبوي وبشوية حزن بس حاليا بقيت الأول من بعد موت أخوي عز... وأنا ماكنتش ناوي أتجوز أبدا لأن الجواز أخر اهتماماتي ممكن تستغربي من كل ده اللي عاوز أقوله وأعذرني أنا أهلي خطبوا لي كذا واحدة وكلهم شفتهم بس للأسف ما عجبتنيش ولا واحدة لحد ما شفت واحدة في بيت خالتي يوم عزومه ليان مرات اخويا وما عرفتش ازاي وامتي اقتحمت قلبي في لحظة وأول ما سألت اختي عنها قالت بانها أخت مرات أخوي ادهم
أسماء بصدمة في ريان: أنت تقصدني أنا
ريان: أيوه أقصدك أنتي وأعذريني لأني ما بعرفش أكذب بس بجد أنتي أول بنت تدخل مزاجي من بين كل البنات اللي شافتهم ودلوقت دورك يا أسماء
أسماء اتلبكت وما عرفتش تقول ايه: أنا... أأأأنا...
ريان أبتسم: أوكي يا أسماء أن شاء الله بعد بكره نفوت أنا وأختي عشان نروح ونشتري الشبكه وانشاء الله نحاول نكتب الكتاب علي طول وبعد كدا نحدد الجواز .. وربنا يقدم لنا اللي فيه الخير... خبط الباب ودخلت سها
سها بخوف من أخوها: ريان أمي بتقولك عاوزه تسلم على أسماء عشان نروح على البيت عشان اختي نوره لوحدها...
ريان رجع بص لـ أسماء المرتبكه واللي معظم وقتها منزلة رأسها في الأرض: طيب أنا كدا ولا كدا خارج بس أنتم ما تتأخروش علي ووقف عشان يخرج وكان نفسه يمسك أسماء ويضمها ويبوسها من كتر ما حبها (ولد عيب)
******************
وفي البيت وبعد ما راحوا أهل ريان وأهل هازال
هازال بهمس: أسوم قومي نطلع على فوق عشان تحكيلي الي حصل
أسماء بهمس: والله يا هازال مش هقول غير ربنا يسامحك أنتي وجوزك على اللي عملتو فيا أنا ما صدقت اتخلصت من احمد تجيبو لي ريان
هازال بابتسامة وخبث: ليه قالك ايه سي ريان عشان تقولي كدا
أسماء: ............
شيماء بابتسامة: أسماء كمال عاوزك
أسماء بصت لـ هازال وكأنها بتبكي: طيب وقامت وراحت
ابو أسماء: مالها اسماء ياهازال وكأنها مش موافقه
هازال بابتسامة: لا ياعمو بس هي شكلها مكسوفه شويه ما انت عارف البنات وحركتهم
ابو اسماء اكتفي بهز راسه بالموافقة: طيب ربنا يكتب اللي فيه الخير ليهم.. واسيبك اروح اخلي سناء تجهز العشا والبيت بيتك اياك تروحي لحد ما تتعشي معنا
هازال: لا يا عمو أنا كلمت السواق وحالا هيجي فان شاء الله نتعشى يوم الفرح
ابو اسماء بفرح: أن شاء الله يا بنتي وراح وساب هازال... وبعد نص ساعة دخلت أسماء وكانت متعصبة شويه
هازال بهمس: ربنا يستر... ها يا أسومي كمال كان عاوز ايه
أسماء قعدت جنب هازال وبشوية عصبية: تخيلي الاستاذ ريان قال لأخوي أننا لازم نروح بكره ونجيب الشبكه و نكتب على طول والدخله أن شاء الله هاتكون بعد 7 شهور مع فرح بنت عمته
هازال واللي كانت ماسكة نفسها من الضحك: طيب ليه أنتي زعلانه يا قلبي طبيعي لما تشتروا الشبكه تكتبو عادي
أسماء بعياط: أنا مش عارفه مين اللي داعي عليا أني أتجوز بعد 7 شهور احمد برضو كان عاوز يتجوز بعد 7 شهور والأستاذ التاني عاوز بعد 7 شهور .. قوليلي أنتي ايه الحل لا والمشكلة الأستاذ قالي أننا هنروح بعد بكره نشتري الشبكه وفجأة غير رأيه وقال لكمال بكره وأنا طبعا ما أقدرش أقول لكمال لا لأن الأخ حب الأخ الاولاني
هازال بهدوء وخوف من عصبية أسماء: أسوم حبيبتي اهدي والله عصبيتك مافيش منها فايدة.. وأن شاء الله تتظبط أمورك يا روحي وتتجوزي لاني عاوزك تكوني سلفتي... أسماء واللي حست بأنها خلاص ها تنفجر من الغيظ أخدت المخدة وحطتها على بؤها وفضلت تصوت عشان ما تتهورش وتضرب هازال بكل وحشية
************************
وبعد يومين في بيت ادهم
هازال قامت من النوم على صوت موبيلها وبصوت كله نوم: الووو
ادهم بابتسامة: أموت أنا على الصوت اهلا بعسل ادهم أنتي
هازال بضحكة تدوب الصخر وبدلع: ادهومي متقولش كدا لاشوف نفسي عليك بعدين
ادهم مسح شعره: أف.. هازال حبيبتي ما تخلينيش أتهور وأرجع البيت
هازال: لا لا ربنا يخليك والله مافيا حيل لشقاوتك المهم انك وصلت الشركه بخير
ادهم ضحك : أيوه بس أنا ما اتصلتش عشان كدا أنا اتصلت عشان أبشرك بأن ريان كلم الصايغ عشان الشبكه وخلاص قرر يكتب الكتاب
هازال قعدت وطار النوم من عيونها من شدة الفرح: ادهم أنت بـ تتكلم والله لو كنت أعرف ازغرطت كنت زغرط... والله ده أسعد خبر سمعته النهارده
ادهم بفرح: طيب يا حبيبتي أنا ها أقفل عشان ترجعي وتنامي
هازالي: أنام هو أنا أقدر أنام بعد الخبر الحلو أنا لازم أتصل ب ماما وهدي وأسماء عشان أبشرهم
ادهم: هازال أعقلي يامجنونه الساعة ثمانية ونص ها تزعجي الناس يا قلبي
هازال: ادهومي حبيبي أنت خلص شغلك عشان ترجع البيت بسرعة وأنا ها أتصرف ويلا باي
ادهم ضحك بصوت عالي: طيب يا مزعجة وربنا يعين أسماء عليك مع السلامه... هازال قفلت مع ادهم واتصلت على أسماء اللي ما ردتش في أول أتصال إلا في التاني ردت
هازال بازعاج: الف الف مبروك يا ست العرايس وأخيرا يا أسوم هتتجوزي
أسماء بكسل: أصطبحنا وأصطبح الملك لله وعليكم السلام ورحمة الله وبركاته خير مالك يا مجنونه مصحياني من عز نومي وتقوليلي مبروك
هازال بفرح: فرحنا يا أختي والله فرحنا عشان هاتتجوزي اخو دومه يعني هاتبقي سلفتي رسمي
أسماء بابتسامة: والله أنت واحده فايقة يامحشوره زي ما قالوا الناس في الناس والفرح في النفاس
هازال: أسماء ايه الكلام ده بس انا دلوقت فرحانة وأنتي تقوليلي كدا
أسماء عدلت قعدتها: والله يا روحي ما أعرفش ليه حاسه اني مش مرتاحه من الجوازه دي وبموت بمجرد ما افكر اني هارتبط بشخص لااعرفه ولا يعرف عني اي بدنجان
هازال باستغراب: عادي ما أنتي كنتي هاتتجوزي احمد وبرضو ماتعرفيش عنه حاجه
أسماء: احمد غير يا هازال لأن احمد كان صديق أخوي كمال من وقت الثانوي وكل واحد يعرف كل شيء عن التاني
هازال بتفكير: طيب عادي تحبي تعرفي ايه وانا اعملك كرمبو مع ادهم
أسماء واللي افتكرت كلام أخوها ليها: تخيلي كمال بيقولي حب الولد جدا من شكله اخلاق وابن حلال وأنا صراحة مش باخد بالمظهر مع أنه قال كل شيء عن نفسه لأبوي وأخوي عشان كدا الاتنين اعجبو بيه تخيلي أمبارح متصل الساعة 12 باليل عشان يقول لأخوي عن نوع الشبكه وبعد ما نرجع هايجي هو وابوه عشان يحددوا الخطوبه مع كتب الكتاب
هازال بقمة السعادة: يلا يا أسوم ما تعرفيش مدى فرحتي بالموضوع فربنا يوفقك ويسعدك يا قلبي
أسماء بابتسامة: أمين يا رب ويسعدك كمان يا قلبي يلا بقي جهزي نفسك عشان نروح ونشتري فستان الخطوبه يا حب
هازال: من عيوني أنتي تأمري أمر هعدي عليك بعد المغرب
أسماء: لا مش النهارده خليها بكره عشان أشوف ناوين يرسوا علي ايه اليوم وامتى هيكون كتب الكتاب وفين هنعمله
هازال بخبث: والله الظاهر أنتي اللي مستعجلة ومش ريان
أسماء بانفعال: تعرفي العيب عليا مش عليك علي اللي يفكر ياخدك معاه ودلوقت باي... وقفلت السكه
هازال بصدمة: يا بنت الذينا قفلت الخط في ووشي طيب يا أسوم والله لأوريك شغلك بس خليني أشوفك
........................
وبعد أسبوعين وفي بيت عيله اسماء
أسماء بارتباك: هازال والله حاسه المكياج تقيل
هازال واللي كانت تتألم من بدري بس بتحاول تمسك نفسها: لا يا قلبي والله حلو وكمان انتي عروسه ولازم يكون مكياجك يكون مميز
أسماء بتركيز مع هازال: هازال حبيبتي أنتي تعبانه.. تتألمي من حاجه
هازال وعلامات التعب واضحة عليها: لا يا قلبي أنا تماما بس امتى هتنزلي
أسماء بارتباك وخجل: أيوه أخته نوره قالت بأنه هيعمل زفه كبيره
هازال بابتسامة كلها تعب وألم: آآآها أنتي من دلوقت بدأتي تغيري يا بنت الناس
أسماء بدلع: والله طبيعي أغير طالما بقي جوزي مع اني والله بموت من الخوف والاحراج وخصوصا أن نوره قالت بننزف ونقعد مع الناس شوية وبعد كدا نقعد لوحدنا في الصالون
هازال واللي بدأ المغص يشتد عليها وبصعوبة في الكلام: عادي يا حياتي وخلاص بعد 7 شهور هتكونو في اوضه واحده في سرير واحد وسكتت
أسماء بخوف قامت بسرعة وقعدت جنب هازال وحطت ايدها على كتفها: هازال حبيبتي مالك انا من ألاول شيفاك وأنتي قافله ملامحك وكأنك بتتألمي لا يكون بتولدي النهارده
هازال مسكت على ايد أسماء وضغطت عليها: والله ما أعرف بس أن شاء الله تكون تقلصات... وبألم شديد/ آآآآه يا رب الطف بحالي والله شكلي بموت ومش هالحق اولد
أسماء بدمعة وصوت شبه باكي: هازال أنادي ليك خالتو أو هدى
هازال واللي ما زالت تتألم: لا خلاص بحس المغص بدء يروح... في نفس الوقت اندق الباب ودخلت نوره
نوره بفرح: أسماء حبيبتي خلاص حالا جاي ريان عشان تنزفو وأنتي يا هازال البسي طرحتك عشان ريان جاي ... بس نوره لاحظت بأن هازال مش معاها وكأنها تتألم من حاجه فقالت بخوف/ هازال مالك فيك ايه يا قلبي... وبشك/ هازال لا يكون بتولدي وأنتي ساكته يا مجنونه
هازال بصعوبة وبخوف من أنها تعترف بالحقيقة وتبوظ فرحة أختها: لا انا تمام ودي شويه تقلصات ... بس ممكن تنادي لي أختي هدى تنزلني قبل ما يجي ريان
نوره بقلق عليها: لا خليك هنا وأنا هروح وأنادي أختك وريان لو جه تخرج أسماء
هازال واللي بدأ المغص يهدى: لا خلاص أنا لازم أنزل عشان أشوف أختي وهي بتنزف
نوره : طيب قومي وأنا هاساعدك تنزلي وبعد كدا أرجع لأسماء... هازال قامت بتعب ونوره مسكتها ونزلوا تحت أنظار أسماء اللي كانت خايفة على أختها... وثواني ريان وأسماء أنزفوا وكان ريان بقمة الفرح على عكس أسماء اللي كان باين عليها الخوف والتوتر والشئ ده ضايق ريان جدا وبعد ما لبسها الشبكة والدبلة ولبست هي الدبلة
ريان بشوية زعل: قومي نروح على الصالون لأني عاوز أتكلم معاك
أسماء باستغراب: ها دلوقت طيب روح أنت وأنا شوي واجيلك
ريان بهمس وشوية حدة: قلت قومي لو سمحتي علي فكره أنا مش بحب حد يكسر كلمتي بعد اذنك... أسماء بصتلو ووقفت معاه
نوره بتعجب: ايه مالكم وعلى فين رايحين أنتوا الاتنين... أسماء بصت لريان فنزلت رأسها
ريان: خلاص انتهت الزفة وأنا عاوز أتكلم مع مراتي قبل ما نمشي وأتمنى أنه ما حدش يزعجنا... ومسك ايد أسماء سحبها معاه على الصالون تحت أندهاش أهل أسماء وأهله
فاطمه بخجل من تصرف ريان: نوره ايه الي بيعملو اخوك ده والله حرق دمنا قدام الناس
نوره بحيرة: والله يا ماما ما أعرفش أنا نفسي مستغربة وخايفه أتكلم ويتنرفز عليا قدام الناس وانت عارفه ريان كويس لو زعل ما يحسب حساب حد وهو اظاهر مضايق من حاجه لما اروح وأشوف بنتي لا تكون قامت من النوم وبتعيط
***********************
نروح عند ريان وأسماء
ريان قعد وكان لازق في أسماء... وأسماء من شدة الكسوف والخوف مش قادرة ترفع عينها في عين ريان... أما هو فكان حاسس برجفتها وتوترها فعرف أنها مغصوبة عليه لأن مافيش واحدة تكون كدا يوم فرحها
ريان بغصة لأنه أصعب شيء عند الراجل أنه يترفض من البنت اللي أختارها هو... فقال بكل جديه: شوفي يا بنت الناس أنا صح حبيتك واخترتك من بين البنات مش عشان حاجه لا عشان فيك مواصفات أنا عاوزها تكون في شريكه حياتي وأنتي انسانه متعلمة ومثقفة وتعرفي أن الزوجين لو ما اتفقوش مستحيل يستمرو مع بعض وأنا في الحقيقة أنسان بحب الاستقرار واعز حاجه عندي هي كرامتي فإذا كنتي مغصوبة عليا فقوليلي وأناهاتصرف طالما أننا على لسه علي البر لأني مش عاوز اظلمك معايا
أسماء رفعت رأسها بصدمة: ايه وأنت ليه تقول كدا وليه ظنيت أني مغصوبة عليك
ريان: لأن في الحقيقة مافيش واحدة تكون بحالتك دي يوم فرحها
أسماء حست بأحراج: في البداية أنا أسفه ... وثانيا أنا ما وافقتش عليك الا وأنا مقتنعة بيك صحيح أنا ما أعرفكش بس من اللي عرفته عنك حسيت بأن أفكارنا متقاربة... من جهة مش مهم أني بحبك أهم شيء أنك أنت بتحبني لأن الراجل لو ما حب واحده مستحيل يعيش معاها عكس البنت طبع جوزها هو اللي يخليها تحبه أو تكرهه وحتى لو كانت مغصوبة عليه فهي بعد كدا تقتنع بنصيبها... وأسفه تاني مره لو كنت زعلتك بتصرفي... بس والله عشان كنت خايفه على أختي هازال يا ريان
ريان وبعد ما سمع كلامها: طيب يعني أفهم من كلامك أنك مش مغصوبة علي
أسماء بابتسامة دوبت ريان: لا طبعا وأنا مستحيل بابا يجوزني بدون موافقتي.. وأنا زي ما قلت لك أنا بس خايفة على أختي
ريان بينه وبين نفسه (الحمدلله): تعرفي انا دلوقت أرتاح قلبي لأني والله اضايقت لما شفتك متوتره ومتضايقة ... وربنا يقدرني أني أسعدك يا حياتي
أسماء بخجل ونعومة: وأنا كمان ربنا يقدرني على أسعادك يا قلبي
ريان مسك ايد أسماء وباسها خلاها تزيد في رجفتها: آمين وممكن أطلب منك طلب صغير
أسماء بخوف وتردد: اتفضل
ريان واللي مازال ماسك ايدها: ممكن تهدي وتبطلي الرجفة والخوف مني لأنك محسساني بأني هاكلك مع أنو حيجي اليوم اللي أكلك فيه بطريقتي
أسماء بعفوية: تاكلني أنا وليه تاكلني انا عملتك ايه ... هنا ريان مقدرش يمسك نفسه من الضحك و أسماء اضايقت من تصرفه
ريان بضحك: والله آسف يا حياتي... والله أنت بجد تجنني وتستحقي الاكل لأنك مراتي وحبيبتي وحياتي
أسماء بشوية زعل: ماكنتش أعرف أن الكلمة اللي قلتها تضحك قوي كدا.. ريان بصلها ومره واحده قربها له وسحب شفايفها وهنا اسماء الدم جري في عروقها وحست بحرارة شديده في جسمها مما خلى كل جزء في جسمها يوقف... وأول ما سابها حطت ايدها بسرعة على شفايفها
ريان بخبث: ها يا حبيبتي عرفتي ازاي اكلك ويكون في علمك أي يوم تزعلي مني هاعقبك بالطريقه دي أو أشد شويه... أسماء من الصدمة ما عرفتش تعمل ايه ولا تنطق وتقول ايه لأنها كانت في عالم غير عالمها وما فاقتش من اللي هي فيه غير على صرخة قوية جاية من بره
*************
وفي عربيه ادهم اللي كان بيجري في الشارع زي المجنون من شدة خوفه على هازال اللي كانت تبكي وتصرخ من شدة الألم
أم خالد وهي تحتضن بنتها: أهدي يا حبيبتي والله قربنا من المستشفى
زهره بتلاوه قران: ربنا يسهل لك يا بنتي و يلطف بحالك
هازال ببكاء من قلبها: آآآآه يا ماما والله أنا بموت والله خلاص روحي بتخرج مني الله يخليك سامحيني لو كنت زعلتك في أي يوم واخواتي كمان قولولهم يسمحوني آآآآه ياماما ليه ما قلتيلش أن الولادة كدا يا رب ساعدني
ادهم بدموع لحالتها: خلاص يا حبيبتي أستحملي
ام خالد: حبيبتي أن شاء الله كل شيء بأجره....
وأول ما وصلوا للمستشفى نزل ادهم زي المجنون من شدة خوفه عليها وطلب عربية عشان يدخلوها على الطواري وبعد مادخلت على الطواري مع أمها وزهره وجات الدكتورة كوثر واللي اتفاجأت بخروج راس المولود فشافت بأنها مضطره تولد هازال في مكانها فخرجت زهره وأمها من عند هازال ونادت الممرضات عشان يساعدوها في توليدها اللي كانت بتصرخ وتبكي من شدة الألم... على الساعة أربعه الفجر فتحت هازال عيونها فشافت أمها واقفه عند راسها وهي تقرا وتدعي لها وبمجرد ما شافتها فتحت عيونها ابتسمت وقالت/ حمد لله على سلامتك يا حبيبتي
هازال وحست بأن حلقها ناشف وكل جسمها وجعها وبإجهاد غير طبيعي: ماما عطشانه
أم خالد وقفت بسرعة: من عيوني يا حبيبتي... وفتحت ازازه الميه وشربتها/ حمد لله على سلامتك يا بنتي ومبروك ما جالكم
هازال ابتسمت ابتسامة تعب: الحمد لله على كل حال يا ماما بس فين ابني
أم خالد بفرحة: في الحضانة يا حبيبتي وادهم عنده أنتي أرتاحي دلوقت ولما تفوقي كدا هاخلي الممرضه تجبهولك
هازال: طيب يا امي وغمضت عيونها وهي تسمع أمها تقرأ دعاء لحد ما نامت
*********************
وفي اليوم التاني في بيت ادهم
هدى باستعجال: روز فين هدوم البيبي
روز: في الغرفة جنب جناح مدام هازال هي جهزت غرفة لطفلها هي والسيد ادهم
هدى وقفت: أوكي شكرا روز وأنتي يا ميري نزلي الشنطة بتاعه هازال تحت وأنتي يا روزه تعالي معايا... هدى راحت لغرفة ابن هازال واللي عجبتها من شدة جمال التنسيق والترتيب اللي فيها وبعد ما أخدت هدوم المولود... خرجت وراحت على محل الشوكولاتة وأخدوا طبق حلويات وباقة ورد جوري أحمر و راحوا للمستشفى هي وطارق وأول ما وصلوا دخلوا على هازال وأمها
طارق وخالد وهدى: السلام عليكم
أم خالد وهازال اللي كانت ماسكة ابنها: وعليكم السلام
طارق باستغراب: فين بابا وخالد ما وصلوش لحد دلوقت... غريبه مع أنهم قالوا بيجو ورايا قبل ما أخرج من البيت
أم خالد: لا لسه ماجوش يمكن يكونو في الطريق
طارق لف علي هازال : يمكن! وأنتي يا دلوعتي حمدلله على سلامتك ومبروك المولود الجديد بس ربنا يستر منه لا يكون واخدها استراحه طالما شرف الاستاذ الساعه تلاته باليل شكلو هيطلع سهير وصايع كبير
هازال بدلع: طارق حرام عليك تقول على ابني كدا ده قميل
هدى شالت البيبي من هازال: سيبك منه هو أصلا غيران والمفروض يتشطر ويتجوز عشان يجيب زي ابنك.... يا قلبي على ابنك والله يجنن
أم خالد: ماشاء طالع لخالو
طارق: مين خاله بالظبط أكيد مش أنا لأني أحلى منه بكتير
أم خالد: لا والله ده نسخة منك شكل هازال متوحمة عليك من كتر ما بتحبك
طارق قرب عند هدى: لا والله يا ماما وأنتي الصادقة من كتر ما بتاخدني على مشاويرها وهي وأختها الشعنونه التانية.... هدهود هاتيه عشان أشوفه واتريق براحتي
هدى وهي تبعد: لا ما ينفعش أخاف يقع منك زي ما وقعت عدنان منك والله ادهم يدبحك فيها
ثواني خبط الباب ودخل أبو خالد وخالد وسارة وأسماء: السلام عليكم
الكل: وعليكم السلام
أم خالد بابتسامة: ليه اتأخرتم طارق قال بأنكم قلتم بتخرجو بعده على طول
خالد: كلامه صح بس عدينا على أسماء والاخت أخرتنا قبل ما تنزل
أسماء: والله أنا كنت جاهزة بس كمال قالي استناه لحد ما يخلص علي تلاجه البيت عشان كدا اتأخرت قبل ما أخرج لكم
الكل ضحك عليها
أبو خالد وهو يمسح على رأس هازال بحنان :حمدلله على سلامتك يا بنتي والله احنا خفنا عليك أمبارح
هازال بابتسامه: الله يسلمك يا حبيبي
ساره:مبروك يا قلبي
هازال:الله يبارك فيك سرسوره
طارق بتريقه: اومال انا اقول ايه وهي طول الوقت علي صرخه آآآآه والله بموت وشوفها ماشاء الله زي القط بسبع أرواح
هدى وهي تضرب طارق على كتفه: أنت وبعدين معاك عمال تناكف فيها وهي ساكته على غير عادتها
الكل: هههههههه
أبو خالد بتساؤل: فين ادهم غريبه ما جاش
أم خالد: والله جه من الصبح بس هازال كانت نايمه فقال بأنه هيروح الشركه وبعدين يرجع لها تاني
أبو خالد: أن شاء الله على خير
أم خالد بابتسامة: عامله ايه يا أسوم و عريسك كويس
أسماء بأحراج : الحمد لله يا خالتي بخير
أم خالد بأسف: معليش يا بنتي سامحينا لأننا خرجنا وسبناكم في وسط فرحتك
أسماء: عادي يا خالتي وأهم شيء أن هازال قامت بالسلامة....
.....
هازال خرجت من المستشفى بعد يومين من ولادتها وراحت بيت أمها زي نوره حال كل بنت لو ولدت ((الا انا ههههه))
هازال واللي كانت باصه لـ أسماء وهي تكلم ريان وبهمس مسموع: شفتو بنفسكم الي كانت تقول مش عاوزه اتجوز ودلوقت متشحتفه علي الراجل
أسماء متغاظه من كلام هازال: طيب حبيبي أنا هاستأذن حالا
ريان: ليه عندك ايه يا قلبي
أسماء بخجل: ولا حاجه بس هقوم وأشوف هازال يمكن عاوزه حاجه
ريان كشر بزعل مصطنع: ماشاء الله ليه أنتي اللي بتخدميها المفروض شغالاتها يخدموها وكفايه قوي بوظت يوم فرحنا
أسماء بضحكة ناعمة: أنت بجد لسه قلبك شايل لحد دلوقت ... وبمزح/ خلاص أن شاء الله اول ما ارجع البيت أعزمك على العشاء
ريان بخبث: بجد طيب اجي اخدك على بيتكم عشان أتعشى معاك ولا أقول لك خلاص أنا اللي أعزمك على أفضل مطعم
أسماء بارتباك ورد سريع: لالا أنا بهزر ماتجيش
ريان بنفس الأسلوب: ايه الطرده الي مش حلوه دي يا زوجتي العزيزة
أسماء بنفس الوضع: لا أنا أسفة ومش قصدي كدا بس صعب أعزمك وجوزنا خلاص قريب
ريان بفرح: ياريت أن شاء الله يجي اليوم ده بسرعه والله متفائل هاكون اسعد شخص... وعلى فكرة أختك وجوزها الي هو ادهم مش معزومين
أسماء بصدمة: ايه وليه طيب تخيل ما نعزمهم
ريان: أه لأننا مش ناوين ليلتنا تخرب مره تانية
أسماء بضحكة من قلبها: والله انت مشكله يا قلبي عاوزهم يدبحوني واظن هما لازم يكونو أول ناس حاضرين لأنهم سبب من أسباب جوزنا
ريان واللي داب على ضحكة أسماء: يعني أنتي شايفه كدا
أسماء بصت لـ هازال اللي تتوعدها وبدلع عشان ترفع ضغط هازال: أه يا قلبي أكيد معلش غلابه هي وجوزها
ريان بابتسامة: الله أموت أنا على الناس اللي تتدلع علينا
أسماء استوعبت نفسها: ريان أنا بقفل لأن خالتي عاوزني
ريان واللي كان متأكد بأن أسماء تصرفه من ع الفون: طيب وامتى اكلمك
أسماء: أنا بتصل بيك لما اخلص اشغالي المؤبده مع هازال وابنها
ريان: أها على كدا بانتظارك لحد ما نتجوز صح
أسماء بدلع: ريان ليه بتقول عني كدا والله أنا مش كذابه
ريان بابتسامة: ما عاش اللي يقول على حبيبة قلبه كذابه وخلاص أنا هتصل بيك على الساعة 8 تكوني خلاصتي كل أشغالك يا حبي ودلوقت مع السلامه حياتي
أسماء بابتسامة: مع السلامه... وأول ما قفلت بصت لهازال وبحدة/ ممكن تقوليلي انت ليه كدا مزعجة ابنك ونيمته واكل واكلتك عاوزه ايه كمان
هازال بعصبية: أه طبعا خلاص الكلام الحلو والغزل وقلة ألادب مع جوزك ودلوقت جايه تطولي لسانك علي صح لكن ماشي اقوم بس كدا واجمد واوريك يا اسماء الكلب
أسماء بتهديد: هازال فكيني من شرك لا أقوم عليك لأنك دلوقت مش حامل ومافيش حاجه تمنعني اني اضربك
أم خالد وهي تدخل عليهم: بديتم أنتم الاتنين
هازال وأسماء: .........
أم خالد: هازال قومي وألبسي زهره حماتك اتصلت واعتذرت بتقول بنتها ليان في المستشفى من الصبح وهي معاها
هازال بصدمة وبدون شعور: أيه مستشفى شكلها بتولد النهارده... أم خالد وأسماء بصولها باستغراب
أم خالد بتساؤل: تولد ازاي تولد وهي لسه بدري عليها يا بنتي
هازال بارتباك لأنها من الأشخاص اللي يعرفو بموضوع حمل ليان: هو عادي يا ماما ليه مافيش ستات بيولدو في السابع وأظن أنتي كمان ياغاليه ولدتي أخوي خالد في السابع
أم خالد: أه والله كلامك صح... ربنا معاها ويسهل لها ويقومها بالسلامة
هازال وأسماء: أمين يا رب
أم خالد: يا يابنتي قومي والبسي بدل الخناق أنتي وأختك والله عيب عليكم لأنكم كبرتم والله... هازال وأسماء فصلو ضحك من كلام أم خالد اللي كل يوم تردد نفس الكلام .... وتاني يوم ولدت ليان وطبعا أخواتها قوموا الدنيا بس زهره وأبوهم فهموهم أنها ولدت في السابع زي ما اتفقوا مع الدكتورة كوثر دكتوره العايله عشان يلمو الموضوع
............................
وبعد مرور شهر وفي بيت ادهم
ادهم دخل علي هازال في جناحهم ولقاها قاعده قدام ابنها الي بيعيط لدرجه انه بيشهق من كتير العياط
ادهم: السلام عليكم ماله الولد بيعيط كدا ليه عملتيلو ايه تاني النهارده يامصيبه حياتي
هازال لفت وبصتلو وبشوية عصبية: شيل ابنك لا ادبحك أنت وهو
ادهم باستغراب: اعوذ بالله... اللهم سكنهم في مساكنهم مالك أنتي ليه متخلقه عليا كدا
هازال بنفس الوضع وبدموع: لأن ابنك جنني جاب لي الضغط والسكر من كتر ما بيعيط تخيل من الساعة التاسعه وهو على الحال ده وحضرتك تقولي لا ماتسبهوش عند البيبي سيتر على طول... ادهم والله انا هنتحر من ابنك وقريب جدا لو استمر الوضع ده علي كدا
ادهم مسك نفسه من الضحك وقعد جنبه وشال الولد اللي كان بيبكي: طيب أنتي رضعتيه يمكن يكون جعان عشان كدا بيعيط
هازال: لا ما رضعتهوش لأن انا مش عندي لبن وحضرتوا مش عاوز ياخد رضعة
ادهم حقق في ابنه: هازال أنتي عضيتي الولد في خده
هازال بانفعال: ايوه عضيته خليه يستاهل عشان تاني مره ما يمنعنيش أنام وأنا نفسي انام
ادهم بعتاب: ليه ياهازال والله حرام...ربنا هيعاقبك بس اقول ايه ربنا يهديك
هازال وقفت وبكل قهر: أمين ربنا يهديني ويهدي ابنك كمان ودلوقت خلي ابنك معاك أو وديه أي مكان لأني عاوزه انام فهمت...وبصرخه/ بنام لاني دي مابقتش عيشه .. ودخلت غرفتهم ورزعت الباب وراها
ادهم بصدمة من اللي بيحصل: لا والله هازال اتجننت لكن ماشي ياهازال ان ماخليتك تعيطي علي ابنك ما اكون ادهم .. وقام وشال ابنه وخرج وقبل المغرب بساعة قامت هازال من النوم فشافت ادهم جاهز ينتظرها
هازال بتعجب: ادهم فين مازن
ادهم بتجاهل لسؤالها وهو يتفرج علي برنامج : ما أعرفش وخلصي بسرعة عشان نروح بيت جدتي لأني مش عاوز اتأخر زي امبارح وقام عشان يخرج من الغرفة/ أنا مستنيك تحت وخرج... هازال جريت علي ادهم ووقفت قدامه
هازال بحدة: ادهم فين ابني يا ادهم
ادهم ببرودة أعصاب: وأنا قلت لك ما أعرفش وروحي اجهزي عشان نمشي
هازال حست نفسها شوي وتنجن: والله مارايحه ولا مكان لحد ما تقولي فين وديت ابني
ادهم بنفس الوضع: طيب يا حبيبتي براحتك عندك التلاجة فيها جبنه ولنشون وحلاوة أفطري منها ودلوقت تشاو يا ام مازن
هازال مسكت ايد ادهم وبدموع: والله ماتخرج من هنا لحد ماتقولي وديت ابني فين يا ادهم
ادهم اتكتف وبصلها بكل برود: مش حضرتك قلتي أوديه أي مكان لأنك زهقتي من عياطه لا فوق كدا كمان عضيتيه ودخلتي ونمتي وهو بيعيط ودلوقت بعد ما شبعتي نوم بتلفي عليه خلاص روحي ودوري عليه ولو لقيتيه اديني خبر
هازال حست نفسها خلاص بتنهار فقالت بدمعة ورجاء: ادهم الله يخليك قولي فين مازن ربنا يخليك فين ابني لان قلبي وجعني عليه
ادهم ببرود أعصاب عكس الي في قلبه على حالة حبيبة قلبه: هرجعهولك بس مش النهارده بكرة ودلوقت روحي والبسي عشان نروح بيت جدتي
هازال فتحت العياط : مش هروح اي مكان انا عاوزه ابني وقعدت علي الكرسي بنهيار / خاف ربنا من الي بتعملو فيا .. أنت ازاي قدرت تبعد ابني عني وأنت عارف بأنه مش بيرضع إلا من صدري والله ما منقوله من هنا لحد ماتقولي ابني فينه يا ادهم
ادهم بصلها وهز كتافه بعدم مبالاة: طيب على راحتك يا هازال ودلوقت سلام لأني رايح وأفطر في بيت جدتي... وبالفعل راح وسابها وقلبه ينعصر بس في نفس الوقت عاوزها تحس بالمسؤولية عشان تحرم تفرط في ابنها بالطريقه دي
***************************
وفي عربيه ادهم
ادهم وأول ما طلع على عربيته أتصل على حماته/ السلام عليكم
أم خالد: اهلا وعليكم السلام ازيك يا بني
ادهم بحزن: الحمد لله بس والله يا طنط هازال تقطع القلب... و حتى بيت جدتي رفضت تروح معايا نفطر هناك
أم خالد: ليه عشان مازن
ادهم بنفس الوضع: أكيد يا طنط وماتنسيش الولد بيرضع ومش راضى ياخد رضعة
أم خالد ابتسمت : لا أنا عرفت ازاي اديلو الرضعة ودلوقت هو نايم فأنت ما تشغلش بالك عليه يا بني
ادهم برجاء: طيب يا طنط ممكن أجي واخد مازن لأني والله خايفه هازال تعمل في نفسها حاجه أو تفضحني عند أمي وأبوي... وأنتي بنفسك عارفاها لو زعلت تتحول من قطه لاسد ،كمان لو أمي عرفت بأني أخدت مازن منها يمكن تدبحني لأن أمي مابقتش تسمع الا لهازال ودايما توصيني عليها وتقولي اياك تزعلها
أم خالد بضحكة من كلام ادهم: لا يا ادهم خليه عندي النهرده وبكره تعال خده لأن هازال لأزم تتعلم المسؤولية لأنها بقت أم وعمرها ١٩ سنه واللي في عمرها ماسكين بيت
منه محمد
ادهم واللي مش عجبه الكلام: طيب ياطنط أنا دلوقت رايح بيت جدتي وأفطر هناك فايه رأيك بعد الفطار أجي وأخد مازن ولو مثلا هازال كررت اللي عملتو تاني اتصرفي زي ماتحبي
أم خالد: والله يا ادهم أنت وهازال مش راسين لكم علي حال وعلى العموم وقت ما تحب تعال وخد الولد عند أمه
ادهم: ...........
أم خالد: سمعتني قلت ايه يا بني
ادهم واللي كان مصدوم من الشخص اللي ركب العربيه وقعد جنبه: اكلمك بعدين لأن مراتي معايا
أم خالد ابتسامة: طيب يابني
ادهم قفل والتفت لـ هازال وبشوية حده: خير ايه الي جابك وبعدين ايه الي خرجك من البيت ممكن تنزلي لأني ما عنديش وقت اتخانق معاك
هازال اتكتفت وبصتلو قوي: مش هنزل ولا هنزل لحد ماتقولي ابني فين يا ادهم
ادهم بنفاذ صبر: اللهم طولك يا روح هازال أنزلي لا أرتكب فيك جريمه النهارده يمين بالله افطر عليك... وبصرخه... انزلي
**********************
بعد يومين وفي بيت الجلاد وقت السحور
زهره: ليان فين ابنك طول اليوم ما شفته معاك
ليان: فوق نايم لأنه كان سخن شوي بس دلوقت الحمد لله نزلت الحرارة بعد ما عطيته خافض الحرارة
زهره: سلامته ان شاء الله ما يشوف شر
ليان: أن شاء الله ماما ولفت لـ نورة رايحه تشتري هدوم لبنتك
نوره وهي تهز بنتها: لا لأني اشتريت لها من قبل رمضان
هازال واللي كانت ضامة مازن في حضنها: ليه عاوزه حاجه ليان لأني أنا رايحه مع أسماء لأنها بتخلص هدوم جوازها فانا بقيت معاها علي طول في المحلات
نوره بدفاع: بس أكيد ياهازال أنتي كمان وقت جهازك كانت تروح معاك صح
هازال: اه والله ما قصرتش بس أنا دلوقت مش زيها وخصوصا بعد ما ولدت مازن وبخاف اطلع واسيبه مع المربية وادهم وأمي يمسحو بيا الأرض مع أن المربية ست طيبة وبتحبه
زهره: وحتى ولو مش بتثقو في الخدم... وأنتي يا هازال لازم تخلصي كل لوازمكم قبل ما ننزل مكة ولا مش مسافر للعمره معنا العشرة الاخيرة
هازال: والله يا ماما ما أظنش أقدر أروح معاكم ومازن اسيبه مع مين وكمان أخاف أختي اسماء تزعل لو روحت وسبتها
ليان بابتسامة: على كدا السنة دي ماحدش ها يروح غير أمي وأبوي وأعمامي وخالتي وجدتي لأن الكل مشغول مع ولاده وأنا كمان شكلي هقعد عند ادهم أو فاضل عشان ابني والله بخاف عليه....
وفعلا فاضل سافر مع أهله على مكة... أما نوره رفضت تروح عشان تساعد ريان في ترتيب بيته... وليان راحت بيت ادهم لأنها بتحب هازال . هازال معظم وقتها مشغولة مع اسماء أو مع ابنها مازن
***************************
وبعد أسبوع في بيت ادهم بعد الفطار
هازال: ليان شفتي البدل اللي وريتك صورتهم أمبارح أيه رأيك أشتريهم لفرح أسماء وريان واحده لابني واحدة لابنك وواحده لكريم
ليان: أمممم حلو بس ليه اشتريتي أنا طلبت لهم من شركة بربري طقم كامل ويمكن يوصل بكره أو بعد بكره بالكتير
هازال: بجد علي العموم النهارده رايحه اعمل بروفه لفستاني عشان استلمه قبل العيد
ليان بابتسامة: سبحان الله كنا مستنين رمضان وجه رمضان وماشي رمضان مابقاش منه غير خمس أيام ودلوقت يجي العيد تعرفي ياهازال انا كنت بحب العيد بس السنة حاسه انه والله ماله طعم تخيلي نفس السنه في نفس الوقت ما كنتش متجوزه ولا كنت شايله هم حاجه بس دلوقت ارمله وعندي ولد وجوزي سبني ومات وساب ابنه صح ابني صغير بس لو كبر شوي ها يشوف كل واحد مع أبوه وهو يا قلبي عليه أبوه ميت
هازال بابتسامة: ليان أنتي لازم تتجوزي وتكوني أسرة مش علشانك عشان ابنك يا قلبي... ليان صحيح عمي وماما مش مخلينك محتاجه حاجه في حياتك بس أنتي لازم يبقي في حياتك راجل يقف معاك في حياتك ويساعدك في تربية ابنك
ليان التفتت لابنها النايم ورجعت بصت لـ هازال: لا يا هازال أنا مش عاوزه اتجوز وابني انا اعرف أربيه بطريقتي ومش هخليه يحتاج حاجه أو حتى اب
هازال وقفت: ربنا يكتب لك اللي فيه الخير... ودلوقت أنا طالعه البس قبل ما تيجي أسماء بزعببها وربنا يعينك على ابني وابنك
ليان بضحكة: بالعكس والله ياخدو العقل والقلب
هازال بابتسامة: اه من ناحيه ياخدو العقل والدليل ابن أخوك وأبوه طلعوا لي قرون ودلوقت باي يا قلبي... هازال طلعت وليان قامت ودخلت على المطبخ عشان تعملها قهوة لأن الخدم راحو السوبر ماركت يحضروا لفطار بكره بعد ما خلصوا من شغل الفطار... و بعد ما خلصت وقبل ما تقعد رن جرس الباب فابتسمت وحطت الكوبايه على التربيزه وراحت وفتحت الباب بس ماكانش في حد وأول ماجات تقفل الباب اتفاجات بالشخص يزق الباب ويدخل وهو شايل كرتونه ويقول والله شكلي أنا بقيت سواق عندك يا ست هازال هانم لأن...... وسكت من الصدمة... أما ليان فاقت من الصدمة ومعرفتش تعمل ايه لأن مافيش أي مجال أنها تجري من قدامه... وبالنسبة لـ طارق اول ماحط الكرتونه ما شالش عيونه من علي البنت اللي كانت واقفه في حال ثابت قدمه وما فاقش غير على صوت هازال اللي كانت نازله
طارق عطى ليان ظهره: أسف والله كنت مفكرك أختي هازال
هازال باستغراب من ليان الواقفة ورى أخوها: ليان بتعملي ايه هنا
ليان واللي استوعبت الامر: ها... وهزت رأسها بالنفي وراحت على فوق جري
هازال اتكتفت وبصت لـ طارق: خلاص راحت يا طارق
طارق التفت لهازال: الله يفضح الشيطان زي ما فضحتيني مع البني ادمه يعني ما تقدريش تفتحي باب بيتك أو تخلي الخدم يفتحولي
هازال باستغراب: ليه ايه الي حصل يعني عشان تتنرفز كدا ... والخدم مش هنا في السوبر ماركت وانا كنت بغير هدومي لاني خارجه مع اسماء
طارق بسخرية: والله ده اللي فالحين فيه أنتي وأختك بس تفرفرو في الاسواق ولا كأن عندكم رجاله يمسكوكم أنتي وهي
هازال واللي مش عجبها كلام أخوها: طيب اتفضل أدخل...طارق دخل وقعد في الصالة وهازال راحت المطبخ عشان تجيب لأخوها عصير يشربه
هازال من المطبخ: غريبة جيت عندي النهارده يعني
طارق: والله عال اعمل ايه يعني أمي بعتتني عندك عشان أنا بقيت سواق لجنابك
هازال خرجت وبايدها العصير: اسم الله عليك يا عمري... طارق أنت بتشرب ايه !
طارق بص للكوبايه الي في ايده : قهوة محروقه بس والله ادهم بوظك لأني اللي أعرفه أنتي ما بتشربيش قهوة مُره كدا
هازال قعدت جنب أخوها: دي مش ليا يمكن تكون لليان
طارق أول ما سمع كلام أخته شرق: كحكحكح ايييييه
هازال عطته ميه : اسم الله عليك.. في نفس الوقت صحي ابن ليان وفضل يعيط وهازال اخدته وفضلت تهز فيه عشان يرجع وينام
طارق بتعجب: أنتي مال ابنك كش كدا ليه مع اني شايفه من يومين كان اكبر من كدا
هازال باستغراب من أخوها اللي مش عارف يفرق بين ابنها وابن ليان: بس ده مش ابني ده ابن ليان أخت ادهم.....رن جرس الباب/ طارق يسعدك أمسك الولد انا هروح وأشوف الباب
طارق: لا لا أخاف يعيط ابن الناس وانا معرفش اخليه يسكت .. هازال ما ردتش عليه لأنها راحت تفتح الباب... أما طارق فبص للولد اللي كان قافل ملامحه وكانه عاوز يعيط : أسمع اياك تعيط عشان ما أزعلش منك وخليك ساكت عشان أحبك لحد ما تكبر... أما الولد فكان ساكت ويتأمل في طارق
أسماء بابتسامة: وأنا أقول فيه ايه في بيت هازال منور أتاريك هنا يا غالي... وميلت و باست طارق في خده
طارق بتعجب: أنتي حاطه ايه يا ست أسماء؟؟؟برفان
أسماء واللي قعدت جنب طارق: لا طبعا!! مش حاطه اي برفان وانا طالعه برا
طارق: لا والله امال ايه الريحة اللي شميتها فيك أول ما دخلتي يا هانم عيب اتكسفي علي دمك وروحي وغيري هدومك عيب الناس في رمضان
أسماء انصدمت من كلام طارق لأنها متأكدة هي مش حاطه برفيوم فازاي هو يقول لها ريحتها عطر وهما في رمضان... بدون أي جدل: طيب ياهازال تعالي نغير الفستان من فساتينك وخلينا نروح قبل ما نتأخر
هازال بابتسامة: روحي وخدي اللي تحبيه من دولاب الفساتين لأني هاخد البيبي ده لامه ونخرج مره واحدة... وفعلا خرجت هازال مع أسماء وطارق اللي راح معاهم للمول وبعدين سابهم ورجع على البيت وهم فضلو في المحلات وعلى الساعة 12 رجعت هازال على البيت فشافت ادهم قاعد مع أخته
هازال: السلام عليكم
ادهم وليان: وعليكم السلام
هازال قعدت جنب ادهم بتعب: امتى رجعت يا حبيبي
ادهم: من ساعة تقريبا بس أنتي ليه اتأخرتي
هازال بابتسامة: والله ما اتأخرت لأننا طلعنا من هنا إلا على الساعة عشره عشان طارق جه خدنا متاخر
ادهم: أها وعامل ايه
هازال: كلهم بخير وعلى فكره بكرة أمي بتقول نروح ونفطر عندهم كلنا وأنتي كمان يا ليان
ادهم: أن شاء الله
هازال باستغراب: ليان فين ابنك وابني
ليان بابتسامة: نايمين ماشاء الله عليهم لأن وقت سهرهم لسه ماجاش
هازال: اه ربنا يهديهم هم الاتنين اه خليني أقوم وأشوف هيعملو ايه على السحور... وقامت
ليان: ادهم ماما وبابا امتي راجعين من العمره
ادهم: أن شاء الله بعد بكرة قالوا بيحضرو الخاتمه ويطلعو على طيارة الساعة واحدة... في نفس اللحظة جات هازال وقعدت جنب ادهم/ هازال حبيبتي بعد بكرة راجعين أهلي من مكة
هازال بفرح: بجد... ربنا يجيبهم بالسلامة
ادهم بابتسامة: أمين يا رب بس أعملي حسابك أنهم ها يفطرو عندنا هم وبيت عمي وجدتي
هازال: طيب يا قلبي يشرفوا في أي وقت، البيت بيتهم
ادهم: تسلمي يا قلبي
هازال: طيب تحب نعمل الاكل هنا ولا نشتري من بره
ادهم: لا أنا ها أخلي السواق يجيب الاكل والطباخ يطبخ
ليان: كدا أنا بكلمه وأقول له يعمل جلاش ورقاق عشان جدتي
هازال: وأنا كمان بعملهم احلى قهوة
ادهم: على بركة الله.....
*****************
وبعد مرور أربع أيام وفي أول أيام العيد في بيت الجدة سوسن
نوره: بشريني يا هازال عروستنا خلصت من جهزها ولا لسه
هازال بابتسامة: لا خلصت كل حاجه الحمد لله وفاضل بس فستان الفرح ان شاء الله يوصل بعد خمس أيام
نوره بفرح: الحمد الله حتى أحنا خلاص خلصنا من بيتهم ومفضلش غير أنهم يدخلوا هههههه
ليان: هههه ربنا يوفقهم
الكل: أمين
ليان بصت لنجوي السرحانة: نجوي وأنتي يا حبيبتي خلصتي
نجوي التفتت لليان: اه
روان بخجل من تصرف أختها: أيوه خلصت كل حاجتها والحمد الله... إلا يا غاليه ما فيش حاجه في الطريق
غاليه بارتباك لأنها ماسكة فونها وبتكتب لباسم وبكذب: لا لسه بدري ياختي خليني اتهنا وبعدين أفكر وأحمل
ليان بابتسامة ناعمة : والله يا غلوتي لو ربنا كتب ها تحملي وتولدي في أقرب وقت
غاليه بابتسامة: ربنا يكتب ياعمري بس ابنك الصغير عامل ايه
ليان: الحمد لله مبسوطين وبيسلم عليك وبيقولك مستنيك تجبيلو عروس
غاليه بفرح: أن شاء الله من عيوني
نوره بهمس لروان: روان مالها أختك النهارده كدا هاديه لا بتضحك ولا حاجه حتى كحل ما حطتش في عينها وكأننا مش في عيد
روان التفتت لنجوي اللي بصلهم ولوت بوزها وكأن الكلام مش عجبها: عادي أنتي تعرفي بأن نجوي بطبعها هادية... وما اتمكيجت عشان فرحها قريب
نوره بعدم أقتناع: ممكن كل شيء جايز يا حبيبتي... المهم بعد ما فطروا الكل... كل واحد رجع على بيته
*******************
وفي بيت ادهم...
هازال برجاء: ادهم الله يخليك خليني أروح عند اهلي وكفايه أنك ما خليتني أروح وأعيد عليهم الصبح
ادهم واللي كان نفسه ينام وهازال فلقت نفوخه زن فوق راسه: وأنا قلت لا بكرة تروحي الصبح وأرجعك العصر لأن العشي بكرة في بيت أهلي
هازال: ادهم..ادهم والله حرام عليك.. طيب ايه رأيك أروح دلوقت وأتغدى معاهم وبـ الليل أروح بيت جدتك
ادهم واللي بدأ الصبر ينفذ منه: هازال هتسكتي ولا انكد عليك في العيد ... وبحدة/ سبيني أنام...هازال نامت جنب ادهم وهي بتببرطم وتسب في ادهم واللي كان سامعها بس سكت وطنشها خالص
*********************
في بيت الشناوي
طارق باستعجال: القهوة يا ليندا بسرعة
أم خالد تخرج ومعها القهوة: خد يا حبيبي
طارق: شكرا ...ماما هي هازال ما جاتش وحشني ابنها الوحش
أم خالد: حرام عليك والله الولد يهبل
علياء وهي جاية جري عند طارق خالها: خالو طارق فين عيديتي زي عدنان
طارق خرج خمسين جنيه من جيبه وهو يضحك: أسف يا موزه دي عيديتك
علياء بفرح: شكرا أنزل شويه عشان أبوسك... طارق نزل لمستواها وباسته في خده/ شكرا يا خالو وراحت جري
طارق بابتسامه: طيب أنا خارج / وطلع خمسين تانيه من جيبه ماما دي لابن خالد
أم خالد أخدت الفلوس: أن شاء الله يا حبيبي وأن شاء الله السنة الجاية ندي أولادك
طارق وهو طالع: أمين وأن شاء وربنا يكتب لي نصيب في البنت اللي حبيتها
أم خالد بصدمة: ايه استني اقف مين هي ياطارق .... طارق ابتسم ومردش عليها لأنه جري بسرعة... أم خالد رجعت عند البنات وعطت سارة عيدية ابنها.............
-----منه محمد
يتبع الاخيره
