رواية رحمة بالفؤاد الفصل السابع والثلاثون 37 بقلم سهيلة سعيد

الحلقة السابعة والثلاثون { 37 }

( تدخل اوضتها ، ييجي الليل ، ايان ف اوضته واقف ف البلكونة بيشرب سجاير )

*( اقفلي بابك قصادي بس انا مقفلش بابي واحكي عنك للاماكن والمساكن والمباني واحكي عنك للسجاير والأغاني ، مشيت ومش راجع تاني ، اختفيت من حياتك وتايهه وسط الزمان ، تايهه وفاضي مكانى ..

)*

( رؤى ف اوضتها عمالة تعيط ب حرقة بس تكتم ف صوتها )

*( متبكيش ي عين لا متدمعيش ، ع الي فارقوكي ومفتكروكيش ، ندمان ع حالي ، ندمان ع دمعة نزلت عليكوا ، اديتكوا روحي وقلبي ومطمرش فيكوا ..

)*

( تاني يوم ، أيان ف شغله ف مكتبه ، يخبط الباب ويدخل المخبر )
المخبر : جاهز ي باشا
أيان وهو بيطفي سيجارته : دخله

( يدخل عمار ووشه وارم م الضرب ، يستغرب اما يشوف أيان )
عمار : هي الليلة دي تبعك ؟!!!!!
ايان ب هدوء : اومال كنت مفكرني هسكتلك لما تبص ل مراتي وتطلع عليها كلام محصلش عشان توقع بينا

عمار : بتدخل ليه الامور الشخصية ف الكلام دة ي أيان

ايان : انت الي دخلتها بينا م الاول .. وانا قلتهالك قبل كدة .. يوم م تفكيرك دة يروح لبعيد هدفنك مكانك ي عمار
عمار : هتسجن ابن عمتك !!!!
ايان : 15 سنة تتعلم فيهم الادب وتتعلم تفكر قبل متنطق اي كلمة من بؤك الحلو دة .. واه اسجن ابن عمتي اذا كنت سجنت عمي مش هسجنك انت .. وهي عيلة وسخة ع رأي احمد ف مش فارقة

عمار ب غيظ : مفكرني هسكت

ايان : لا طبعاً متسكتش محتاج محامي شاطر .. متلبس ب كيس كوكايين ف عربيتك دة مش سهل بردوا .. خدوا ي بني

عمار ب زعيق : وربي م هسكت

( ياخدوا المخبر ويمشي ، تعدي الايام والوضع كما هو عليه ، احمد ورؤى قاعدين بيتغدوا )
احمد : اكلك جميل ي رؤى تسلم ايدك

رؤى : بالهنا .. انا نفسيتي احسن انهاردة ف قلت اعمل حاجة بحبها

احمد : مش عاوزة ترجعي شغلك ؟
رؤى ب حيرة : مش عارفة .. حاسة ان مبقاش عندي طاقة زمان

احمد : صحيح انا كنت عاوز اقولك حاجة
رؤى ب اهتمام : قول
احمد : عرفت ان أيان اتصاب ف شغله
( تتخض رؤى )
رؤى وهي بتسيب المعلقة من ايدها : يعني ايه اتصاب ؟!!!!!
احمد : اتضرب بالنار

رؤى ب خضة : ايييه

احمد : متقلقيش هو كويس وخرج م المستشفى امبارح وف البيت دلوقتي
رؤى وهي ماسكة دموعها وتبص ف طبقها ب احراج : اه .. اوك

احمد : انا كنت رايح ازوره انهاردة .. تحبي تيجي معايا ؟
رؤى : لأ

احمد : اوك
( تبص ف طبقها ، يغلبها قلقها )
رؤى وهي بتبص ل احمد : هاجي

( يبصلها احمد ، يعدي الوقت ، يوصل رؤى واحمد قدام بيت أيان ، ينزلوا م العربية )
رؤى وهي بتبص ع البيت ب خوف : لا خلاص مش هدخل
احمد وهو بيقرب عليها : ليه بس !!
رؤى : خايفة

احمد : انا معاكي متخافيش
رؤى : انا بس عاوزة اطمن عليه ادخل انت وابقا طمني
احمد : لا هتدخلي معايا يلا
( يدخل احمد وتدخل رؤى وراه ، الكل قاعدين ف الانتريه ، يقف أيان اول م يشوفها ، الطلقة جاية ف كتفه ولابس جبيرة ساند بيها دراعه ، تقرب رؤى واحمد )
احمد : عامل ايه دلوقتي ؟
أيان وهو بيبص ل رؤى : الحمدلله

رؤى ب تردد : انت كويس ؟
ايان : اه كويس .. شيطانك كويس ولسة حي
( تبص رؤى للارض ب احراج )
فيروز وهي بتقوم : انتي ايه الي جابك هنا تاني مش غورتي ف داهية

احمد : ماما !!!
رؤى : انا ...........
فيروز ب انفعال : غوري بقا وسيبيه ف حاله انتي السبب ف كل الي احنا فيه دة

ايان وهو بيبص ل امه : لا ي ماما
( بصله فيروز )
أيان : بسببك انتى .. كل حاجة كانت بسببك انتي .. فكرتي ان البكى ع الميت هيصحيه .. لحد م خلتيني صحيته .. لازم ننتقم ي ايان لازم حق ابوك تجيبهولي ي ايان .. اخوك شايل كل حاجة لوحده ي ايان .. انت فين من كل دة ي ايان .. جيبلي حقي ي أيان .. ابوك مات بسببهم ي ايان

فيروز ب ارتباك : انااا ...........
ايان ب انفعال : لحد م طلع روح الي جابوا ايان سنين عشان يجيبلك حقك .. بس لما جابوا ايه الي اتغير .. الميت لسة ميت والاذى جاب اذى وانتي مستكفتيش

( تدمع عيونه ويشاور ع رؤى وهو مازال باصص ل فيروز )
ايان : لحد م ايان خذل الي وثقوا فيه .. لحد م ايان بقا شيطان ف عيونهم .. لحد م ايان موت ابنه .. لحد م ايان بقا بيلعن اليوم الي اتولد فيه .. كل م ايان كان يحن كان يفتكرك ويفتكر كلامك ف كان يرجع من تاني شيطان .. ايان كان كل يوم بيعدي عليه كان بيتمنى تيجي تقوليله كفاية .. كفياك اذية .. كفياك وعيش حياتك .. كان نفسه تقوليله حقي عند ربنا وانا مسامحة فيه .. كان نفسه توقفيه .. بس انتي كنتي بتقويه وتزرعي الكره ف قلبه بذيادة .. وجاية دلوقتي تقولي بسببها .. بسبب مين .. بسبب الي امنتلنا .. بسبب الي فكرت ان ليها ضهر وحماية وكسرناها ف الأخر .. فوقي ي فيروز هانم .. انتي مؤلفة القصة دي كلها ف متجيش ف النهاية وتبقي عاوزة تكوني الممثلة

( يمشي ايان م البيت وياخد رؤى ف ايده ، يطلعوا الجنينة برة )
رؤى : انا ..........
ايان وهو بيقف قصادها : انا بحبك .. قسماً بالله بحبك وعمري م حبيت حد ف حياتي كدة .. انا حيوان وقاسي وابن كلب كمان بس والله بحبك .. يمكن لو كنت قابلتك ف اي وقت تاني غير دة كانت حاجات كتير اوي اتغيرت .. حجات كتير اوى بس الي ف قلبي ليكي عمره م هيتغير ي رؤى

( تنزل دموعها )
ايان : انا بجد أسف .. ع كل يوم وكل لحظة اذيتك فيها انا اسف .. والله اتأذيت زيك .. سامحيني

رؤى ودموعها بتنزل : انا نسيت كل حاجة اول م سمعت انك مش كويس .. نسيت ي ايان .. متخيلتش الي فات اتخيلتك بس موجوع ف قلبي وجعني

ايان وعيونه بتدمع : انتي وحشتيني .. وحشتيني اوي .. وحشني صوتك .. ضحتك .. طيبتك طفولتك كل حاجة فيكي حرفياً كسراني من كتر م انا مشتاقلها .. كل م بفتكر الي فات بتوجع والله دة انا بتقهر .. بتقهر ع كل لحظة زعلتك فيها او هينتك فيها .. انا مش عارف انساكي .. انا مش عارف اتلاشاكي زيهم .. هما قالولي انساها انا منستكيش .. ازاي انساكي .. انتي متتنسيش .. ارجعيلي .. ارجعيلي والله تعبت .. اتهديت والله ارجعي .. كفاية كدة انا اتعاقبت واتأدبت .. انا سامحت ولاء بسببك .. اتعلمت اني اسامح واغفر بسببك
( تنزل دموعه )
ايان : نفسي ارجع اشوفك ف البيت .. نفسي ترجعي .. نفسي

رؤى وهي بتمسح دموعه : متعودتش اشوفك ضعيف كدة